LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 24-oktabrdagi 870-sonli “O‘zbekiston Respublikasi Moliya vazirligining Davlat moliyaviy nazorati bosh boshqarmasi to‘g‘risidagi nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasining Budjet kodeksi qabul qilinganligi munosabati bilan hamda budjet qonunchiligiga rioya qilish va O‘zbekiston Respublikasi budjet tizimi budjetlari mablag‘lari maqsadli sarflanishi ustidan davlat nazoratini yanada kuchaytirish, shuningdek moliyaviy nazorat normalari, qoidalarini va uning qatnashchilari vakolatlarini tizimlashtirish maqsadida Vazirlar Mahkamasi qaror qiladi:
1. O‘zbekiston Respublikasi Moliya vazirligining Nazorat-taftish bosh boshqarmasi va uning hududiy nazorat-taftish boshqarmalari to‘g‘risidagi nizom 1-ilovaga muvofiq tasdiqlansin.
2. Qoraqalpog‘iston Respublikasi Vazirlar Kengashi Raisi, viloyatlar, shaharlar va tumanlar hokimlari, hududiy moliya organlari va g‘aznachilik bo‘linmalari, budjet tashkilotlari hamda budjet mablag‘larini oluvchilar rahbarlarining e’tibori budjet qonunchiligiga qat’iy va og‘ishmay rioya qilishni ta’minlash zarurligiga qaratilsin va ular budjet qonunchiligi buzilganligi uchun shaxsan javob berishi to‘g‘risida ogohlantirilsinlar.
3. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirish va qo‘shimchalar kiritilsin.
4. O‘zbekiston Respublikasi Hukumatining 3-ilovaga muvofiq ayrim qarorlari o‘z kuchini yo‘qotgan deb hisoblansin.
5. Vazirliklar va idoralar bir oy muddatda o‘z idoraviy normativ-huquqiy hujjatlarini ushbu qarorga muvofiqlashtirsinlar.
6. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
1. Ushbu Nizom O‘zbekiston Respublikasi Moliya vazirligining Nazorat-taftish bosh boshqarmasi (keyingi o‘rinlarda NTBB deb ataladi) va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining vazifalarini, funksiyalarini, huquqlarini, majburiyatlarini va faoliyatining tashkiliy asoslarini belgilaydi.
2. NTBB O‘zbekiston Respublikasi Moliya vazirligi markaziy apparatining tarkibiy bo‘linmasi hisoblanadi va bevosita O‘zbekiston Respublikasi Moliya vaziriga bo‘ysunadi.
3. NTBBning Qoraqalpog‘iston Respublikasida, viloyatlar va Toshkent shahrida yuridik shaxs maqomiga ega bo‘lmagan nazorat-taftish boshqarmalari bo‘ladi, ular o‘z faoliyatida bevosita NTBBga bo‘ysunadilar.
4. NTBB hamda Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga hamda ushbu Nizomga amal qiladilar.
5. Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari dumaloq muhrga, shtampga, O‘zbekiston Respublikasining Davlat gerbi tasvirlangan blankalarga ega bo‘ladi hamda ular O‘zbekiston Respublikasi Moliya vazirligining axborot tizimida ochilgan g‘azna hisobvaraqlari orqali bevosita O‘zbekiston Respublikasi Moliya vazirligi tomonidan mablag‘ bilan ta’minlanadilar.
6. O‘zbekiston Respublikasining Davlat budjeti, davlat maqsadli jamg‘armalari hamda budjet tashkilotlarining budjetdan tashqari jamg‘armalari mablag‘larining maqsadli ishlatilishi yuzasidan davlat moliyaviy nazoratini amalga oshirish NTBBning hamda Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining asosiy vazifasi hisoblanadi.
7. Shuningdek, NTBBning hamda Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining vazifalariga quyidagilar yuzasidan davlat nazoratini amalga oshirish kiradi:
moliya organlari va g‘aznachilik bo‘linmalari, budjet tashkilotlari va budjetdan mablag‘ oluvchilar tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlari, shuningdek budjet tizimi budjetlarining ijrosi bilan bog‘liq boshqa qonun hujjatlariga rioya etilishining ta’minlanishi;
budjet tizimi budjetlarining mablag‘lari hisobidan to‘lovlarni amalga oshirishning navbatliligi, muddatlariga rioya etilishi va to‘liqligi;
O‘zbekiston Respublikasi investitsiya dasturlarini amalga oshirish uchun markazlashtirilgan manbalardan ajratiladigan mablag‘lardan maqsadli foydalanilishi;
O‘zbekiston Respublikasining chet eldagi diplomatik muassasalari tomonidan chet el valyutasidagi mablag‘lardan to‘g‘ri va maqsadli foydalanilishi;
O‘zbekiston Respublikasi tomonidan yoki uning kafolati ostida jalb qilingan kreditlardan (qarzlardan) maqsadli foydalanilishi;
davlat ehtiyojlari uchun xarid qilinadigan Qishloq xo‘jaligi mahsulotlarining hisob-kitob jamg‘armasi mablag‘laridan belgilangan maqsadda foydalanilishi, to‘lovlarning o‘z vaqtida o‘tishi, hisob-kitoblarning to‘liq va o‘z vaqtida amalga oshirilishi;
paxta xomashyosini tayyorlash, saqlash, qayta ishlash, paxta mahsuloti ishlab chiqarish va uni sotish bo‘yicha statistika hamda buxgalteriya hisoboti ma’lumotlarining to‘g‘riligi;
paxta tozalash korxonalari tomonidan qabul qilinadigan, saqlanadigan va qayta ishlanadigan paxta xomashyosining miqdori va sifati bo‘yicha ma’lumotlarning haqqoniyligi, xomashyoni qayta ishlash chog‘ida olinadigan paxta tolasi, paydo bo‘ladigan kuyindilar hamda boshqa chiqindilarning belgilangan me’yorlariga rioya etilishi;
navlarni joylashtirishning belgilangan tartibiga rioya etilishi, belgilangan standartlarga va seleksiya navlari joylashtirilishiga muvofiq urug‘lik chigitlarni tayyorlash hamda paxtachilik xo‘jaliklarining urug‘lik chigitlar bilan ta’minlanishi.
Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining faoliyatini muvofiqlashtirib borish;
tegishli budjetlarning ijrosi bo‘yicha hududiy moliya organlari va g‘aznachilik bo‘linmalari faoliyati yuzasidan davlat moliyaviy nazoratini amalga oshirish;
budjet mablag‘larini taqsimlovchilar, budjet tashkilotlari va budjet mablag‘lari oluvchilari tomonidan budjet qonunchiligiga rioya etilishi yuzasidan davlat moliyaviy nazoratini amalga oshirish;
O‘zbekiston Respublikasining chet eldagi diplomatik muassasalari tomonidan chet el valyutasidagi mablag‘lardan to‘g‘ri va maqsadli foydalanilishi yuzasidan davlat moliyaviy nazoratini amalga oshirish;
kredit liniyalari va O‘zbekiston Respublikasi tomonidan yoki uning kafolati ostida jalb qilingan kreditlardan (qarzlardan) maqsadli foydalanilishi yuzasidan davlat nazoratini amalga oshirish;
O‘zbekiston Respublikasi investitsiya dasturlarini amalga oshirish uchun markazlashtirilgan manbalardan ajratiladigan mablag‘lardan maqsadli foydalanilishi yuzasidan davlat nazoratini amalga oshirish;
budjet tizimi budjetlarining mablag‘lari hisobidan to‘lovlarni amalga oshirishning navbatliligi, to‘liqligi va muddatlariga rioya etilishi, ish haqi, pensiyalar, nafaqalar, stipendiyalar va ularga tenglashtirilgan boshqa to‘lovlarga naqd pul berilishi yuzasidan nazoratni amalga oshirish;
ijtimoiy nafaqalar va moddiy yordam to‘lovlari uchun kam ta’minlangan oilalarga ajratilgan mablag‘lardan maqsadli foydalanilishi yuzasidan davlat moliyaviy nazoratini amalga oshirish;
davlat maqsadli jamg‘armalari mablag‘larining maqsadli sarflanishi yuzasidan tekshirishlar o‘tkazish;
davlat xaridlari bo‘yicha o‘tkazilgan tender (tanlov) savdolarining to‘g‘riligi yuzasidan davlat nazoratini amalga oshirish;
O‘zbekiston Respublikasi Moliya vazirligining G‘aznachiligi tomonidan aniqlangan tashkilotlarning budjet mablag‘laridan maqsadsiz foydalanishini, budjetdan mablag‘ oluvchilarning kreditorlik qarzlar summasini asossiz ravishda ko‘paytirganligini ko‘rsatuvchi holatlar bo‘yicha tekshirishlar o‘tkazish;
Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasi mablag‘laridan belgilangan maqsadda foydalanilishi, to‘lovlarning o‘z vaqtida o‘tishi, hisob-kitoblarning to‘liq va o‘z vaqtida amalga oshirilishi yuzasidan davlat moliyaviy nazoratini ta’minlash;
muruvvat yordami va texnik ko‘maklashish mablag‘laridan maqsadli foydalanilishi yuzasidan tekshirishlar o‘tkazish;
navlarni joylashtirishning belgilangan tartibiga rioya qilinishi, paxtachilik xo‘jaliklariga ajratiladigan urug‘lik chigitlarning texnik talablarga va g‘o‘za navlarini joylashtirish bo‘yicha belgilangan topshiriqlarga muvofiqligi yuzasidan tekshirishlarni amalga oshirish;
mintaqalar bo‘yicha paxtachilik xo‘jaliklaridan paxta tozalash korxonalariga qabul qilingan paxta xomashyosi to‘g‘risidagi ma’lumotlarni (hududiy boshqarmalarning PK-17 qabul qilish kvitansiyalari asosida tuzilgan har kungi ma’lumotlaridan kelib chiqqan holda) tayyorlash, ma’lumotlarni yig‘ib-terib olingan paxta uchun haq to‘lash va belgilangan tartibda hisob-kitob qilish maqsadida Moliya vazirligining Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasiga taqdim etish;
topshiruvchi xo‘jalikdan tayyorlov punktiga keladigan paxta xomashyosi yuklangan transport birligi topshirish-qabul qilish hujjatlarining to‘g‘ri rasmiylashtirilganligini nazorat va taftish qilishni amalga oshirish;
paxta xomashyosi yuklangan transport birligining tarozida to‘g‘ri tortib ko‘rilishi, uning fizik massasi aniqlanishi, paxta xomashyosidan namuna olish tartibiga rioya qilinishi va keyinchalik laboratoriyada sifatini baholash uchun paxta xomashyosining xo‘jalik bo‘yicha o‘rtacha namunasi shakllantirilishini tanlab nazorat qilishni amalga oshirish;
laboratoriyada aniqlangan sorti, namligi va ifloslanganligini hisobga olgan holda paxta xomashyosi konditsiya massasini hisoblashning, shuningdek topshiruvchi xo‘jalikka beriladigan qabul qilish kvitansiyalarini hamda paxta xomashyosini qabul qilish bo‘yicha boshqa buxgalteriya hujjatlarini rasmiylashtirishning to‘g‘riligi yuzasidan tekshirishlarni amalga oshirish;
paxta xomashyosini qayta ishlash va sifatli mahsulot ishlab chiqarishning texnologik reglamentiga rioya etilishini tanlab nazorat qilishni amalga oshirish;
paxta tozalash korxonalarida qayta ishlangan paxta xomashyosi turkumlarini, olinadigan paxta mahsuloti (tola, momiq, chigit)ning haqiqiy miqdorini, ishlab chiqarishda kuyindilar paydo bo‘lishi ko‘rsatkichlarini aniqlagan hamda ularni g‘o‘zaning seleksiya va sanoat navlari bo‘yicha tasdiqlangan normativlar bilan taqqoslagan holda komission tekshirishlarni tashkil etish va o‘tkazish;
xomashyo va tayyor paxta mahsuloti balansi ijrosini, uning foydalanuvchilarga yetkazib berilishini va amaldagi qoldiqlarini hisobga olgan holda, tekshirishlarni amalga oshirish;
statistika va buxgalteriya hisobotining xomashyo hamda paxta tozalash korxonasidagi tayyor mahsulotning amaldagi harakatiga, uni eksportga va respublika foydalanuvchilariga jo‘natish hajmiga muvofiqligini tekshirish;
xomashyodan foydalanish va paxta mahsuloti ishlab chiqarish bo‘yicha xatlov ma’lumotlarining tasdiqlangan normativlarga muvofiqligini taftish qilishni amalga oshirish;
paxta xomashyosi hamda undan ishlab chiqariladigan paxta mahsulotlarining miqdori va sifatini hamda ularning hisobotda aks ettirilishini baholash bo‘yicha tekshirishlarni tashkil qilish hamda o‘tkazish metodologiyasini ishlab chiqish va takomillashtirish;
O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi va uning hududiy bo‘linmalarida pensiya va nafaqalarning to‘g‘ri tayinlanishi, hisoblanishi va to‘lanishini, shuningdek fuqarolarning pensiya yig‘majildlaridagi dastlabki hujjatlarning to‘liqligi va ishonchliligi yuzasidan tekshirishlarni amalga oshirish;
barcha tashkilotlar tomonidan ishlayotgan pensionerlarga pensiya va nafaqalarning to‘g‘ri hisoblanishi va to‘lanishi yuzasidan tekshirishlarni amalga oshirish;
fuqarolarga pensiya va nafaqalarning, shu jumladan O‘zbekiston Respublikasi Xalq banki va “O’ZBEKISTON ROCNTASI” AJ hamda ularning joylardagi bo‘linmalari tomonidan o‘z vaqtida va to‘liq to‘lanishi yuzasidan tizimli nazoratni olib borish;
O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi tomonidan amalga oshirilgan boshqa xarajatlarning to‘g‘riligini tekshirish;
o‘tkazilgan tibbiy-ekspert tekshirishlarning to‘g‘riligi va asoslanganligini, shu jumladan davolash-profilaktika muassasalari tomonidan berilgan dastlabki tibbiy hujjatlarning to‘liqligi va ishonchliligini tekshirish;
tibbiy-mehnat ekspert komissiyalari tomonidan berilgan ko‘rikdan o‘tkazish dalolatnomalarini va xulosalarni, zarurat bo‘lganda, mustaqil ekspertlarni jalb etgan holda qayta ekspertizadan o‘tkazish;
tibbiy-mehnat ekspert komissiyalari faoliyatini O‘zbekiston Respublikasi Sog‘liqni saqlash vazirligi tizimi mutaxassislarini jalb etgan holda doimiy ravishda tekshirish;
jismoniy va yuridik shaxslarning arizalari, takliflari va shikoyatlarini NTBBning vakolati doirasida ko‘rib chiqish;
Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining faoliyatini tekshirish va ularga uslubiy yordam ko‘rsatish;
taftishlar va tekshirishlar natijalari bo‘yicha Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga, shuningdek vazirliklar, davlat qo‘mitalari, idoralar, budjet tashkilotlari va budjet mablag‘lari oluvchilariga taqdimnomalar tayyorlash;
qonun hujjatlarining avvalgi taftishda yoki tekshirishda aniqlangan buzilishi hollarini bartaraf etish yuzasidan nazorat tartibidagi tekshirishlar o‘tkazish;
markazlashtirilgan topshiriqlar bo‘yicha davlat nazorati hujjatlarini umumlashtirish, ular yuzasidan tegishli axborotlar va takliflar tayyorlash;
budjet qonunchiligining aniqlangan xarakterli buzilishlari bo‘yicha taftishlar va tekshirishlar materiallarini umumlashtirish hamda kelgusida ularni bartaraf etish va ularning oldini olishga doir takliflar tayyorlash.
9. Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari o‘ziga yuklangan vazifalarga muvofiq quyidagi funksiyalarni bajaradi:
tegishli budjetlarning ijrosi bo‘yicha hududiy moliya organlari va g‘aznachilik bo‘linmalari faoliyati yuzasidan davlat moliyaviy nazoratini amalga oshirish;
budjet tashkilotlari va budjet mablag‘lari oluvchilari tomonidan budjet qonunchiligiga rioya etilishi yuzasidan davlat moliyaviy nazoratini amalga oshirish;
budjet ssudalaridan, kredit liniyalari va O‘zbekiston Respublikasi tomonidan yoki uning kafolati ostida jalb qilingan kreditlardan (qarzlardan) maqsadli foydalanilishi yuzasidan davlat nazoratini amalga oshirish;
davlat investitsiya dasturlarini amalga oshirish uchun markazlashtirilgan manbalardan ajratiladigan mablag‘lardan maqsadli foydalanilishi yuzasidan davlat nazoratini amalga oshirish;
budjet tizimi budjetlarining mablag‘lari hisobidan to‘lovlarni amalga oshirishning navbatliligi, to‘liqligi va muddatlariga rioya etilishi, ish haqi, pensiya, nafaqa, stipendiya va ularga tenglashtirilgan boshqa to‘lovlarga naqd pul berilishi yuzasidan nazoratni amalga oshirish;
ijtimoiy nafaqalar va moddiy yordam to‘lovlari uchun kam ta’minlangan oilalarga ajratilgan mablag‘lardan maqsadli foydalanilishi yuzasidan davlat moliyaviy nazoratini amalga oshirish;
davlat maqsadli jamg‘armalari mablag‘larining maqsadli sarflanishi yuzasidan tekshirishlar o‘tkazish;
davlat xaridlari bo‘yicha o‘tkazilgan tender (tanlov) savdolarining to‘g‘riligi yuzasidan davlat nazoratini amalga oshirish;
g‘aznachilik bo‘linmalari tomonidan aniqlangan tashkilotlarning budjet mablag‘laridan maqsadsiz foydalanishini, budjetdan mablag‘ oluvchilarning kreditorlik qarzlar summasini asossiz ravishda ko‘paytirganligini ko‘rsatuvchi holatlar bo‘yicha tekshirishlar o‘tkazish;
Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasi mablag‘laridan belgilangan maqsadda foydalanilishi, to‘lovlarning o‘z vaqtida o‘tishi, hisob-kitoblarning to‘liq va o‘z vaqtida amalga oshirilishi yuzasidan davlat moliyaviy nazoratini ta’minlash;
muruvvat yordami va texnik ko‘maklashish mablag‘laridan maqsadli foydalanilishi yuzasidan tekshirishlar o‘tkazish;
paxtachilik xo‘jaliklaridan paxta tozalash korxonalariga qabul qilingan paxta xomashyosi hajmlari to‘g‘risidagi dastlabki axborotlarni (PK-17 qabul qilish kvitansiyalari asosida) joylarda har kuni to‘plash, ma’lumotlarni mintaqalar darajasida umumiylashtirish hamda paxta xomashyosini qabul qilib olishning har kungi hajmlari va mavsum boshidan boshlab ortib boruvchi yakunlari bo‘yicha umumlashtirilgan ma’lumotlarni tayyorlash uchun NTBBga berish;
Moliya vazirligiga “1 — paxta” shakli bo‘yicha paxtachilik xo‘jaliklari, tumanlar va viloyatlar bo‘yicha ortib boruvchi yakun bilan paxta xomashyosi tayyorlashning borishi to‘g‘risidagi statistika hisobotining PK-17 qabul qilish kvitansiyalari asosidagi dastlabki axborot ma’lumotlariga muvofiqligi to‘g‘risidagi axborotni taqdim etish;
O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining hududiy bo‘linmalarida pensiya va nafaqalarning to‘g‘ri tayinlanishi, hisoblanishi va to‘lanishini, shuningdek fuqarolarning pensiya yig‘majildlaridagi dastlabki hujjatlarning to‘liqligi va ishonchliligi yuzasidan tekshirishlarni amalga oshirish;
barcha tashkilotlar tomonidan ishlayotgan pensionerlarga pensiya va nafaqalarning to‘g‘ri hisoblanishi va to‘lanishi yuzasidan tekshirishlarni amalga oshirish;
fuqarolarga pensiya va nafaqalarning, shu jumladan O‘zbekiston Respublikasi Xalq banki va “O’ZBEKISTON ROCNTASI” AJning joylardagi bo‘linmalari tomonidan o‘z vaqtida va to‘liq to‘lanishining tizimli nazoratini olib borish;
jismoniy va yuridik shaxslarning arizalari, takliflari va shikoyatlarini Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari vakolatlari doirasida ko‘rib chiqish;
taftishlar va tekshirishlar natijalari bo‘yicha Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga, shaharlar va tumanlar hokimliklariga, shuningdek tegishli davlat boshqaruvi organlari, budjet tashkilotlari va budjet mablag‘lari oluvchilariga taqdimnomalar tayyorlash;
qonun hujjatlarining avvalgi taftishda yoki tekshirishda aniqlangan buzilishi hollarini bartaraf etish yuzasidan nazorat tartibidagi tekshirishlar o‘tkazish;
markazlashtirilgan topshiriqlar bo‘yicha davlat nazorati hujjatlarini umumlashtirish, ular yuzasidan tegishli axborotlar va takliflar tayyorlash;
budjet qonunchiligining aniqlangan xarakterli buzilishlari bo‘yicha taftishlar va tekshirishlar materiallarini umumlashtirish hamda kelgusida ularni bartaraf etish va ularning oldini olishga doir takliflar tayyorlash.
10. NTBB va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalariga yuklangan vazifalar va funksiyalarni amalga oshirish uchun ular quyidagi huquqlarga ega:
tegishli budjetlarning ijrosi bo‘yicha hududiy moliya organlari va g‘aznachilik bo‘linmalari faoliyatini taftish qilish va tekshirish;
budjet mablag‘larini taqsimlovchilar, budjet tashkilotlari va budjet mablag‘lari oluvchilari tomonidan budjet qonunchiligiga rioya etilishi yuzasidan davlat moliyaviy nazoratini amalga oshirish;
hududiy moliya organlari va budjet tashkilotlarida pul va moddiy boyliklar mavjudligini hamda buxgalteriya hujjatlari, hisobotlar, smetalar va boshqa hujjatlarni tekshirish;
kredit liniyalari va O‘zbekiston Respublikasi tomonidan yoki uning kafolati ostida jalb qilingan kreditlardan (qarzlardan) maqsadli foydalanilishini tekshirish;
O‘zbekiston Respublikasining chet eldagi diplomatik muassasalari tomonidan chet el valyutasidagi mablag‘lardan to‘g‘ri va maqsadli foydalanilishini tekshirish;
banklardan, davlat soliq xizmati organlaridan, g‘aznachilik bo‘linmalaridan, shuningdek vazirliklar va idoralardan taftishlar va tekshirishlarni o‘tkazish paytida paydo bo‘ladigan masalalar bo‘yicha ma’lumotlar va axborotlarni olish;
maxsus kasbiy bilimlarni talab etadigan masalalarni ko‘rib chiqish uchun davlat boshqaruvi organlari hamda boshqa tashkilotlarning ekspertlari va mutaxassislarini jalb etish;
nazorat obyektining mansabdor va mas’ul shaxslaridan taftishlar va tekshirishlar davomida paydo bo‘ladigan masalalar bo‘yicha tushuntirishlar berishni, shuningdek nazorat natijalari bo‘yicha rasmiylashtiriladigan hujjatlarni imzolashni talab qilish;
nazorat obyekti mansabdor va mas’ul shaxslarining tushuntirishlar berish va nazorat natijalari bo‘yicha rasmiylashtiriladigan hujjatlarni imzolashdan bosh tortganliklari to‘g‘risidagi dalolatnomani tuzish;
zarur hollarda kassa va kassa binolari, omborlar, arxivlar va boshqa binolarni muhrlash, qalbaki, soxtalashtirilgan hujjatlar va boshqa suiiste’molliklar aniqlangan taqdirda esa nazorat obyekti hujjatlarini olib qo‘yish, shuningdek nazorat obyekti mansabdor shaxslaridan asosiy vositalar, tovar-moddiy boyliklar, pul mablag‘lari va hisob-kitoblar xatlovdan o‘tkazilishini talab qilish;
paxta xomashyosini tayyorlash va qayta ishlashning butun davri mobaynida O‘zbekiston Respublikasi Moliya vazirining topshirig‘i va u tasdiqlagan jadval bo‘yicha paxta tozalash korxonalarini tayyorlanayotgan, qayta ishlanayotgan va saqlanayotgan paxta xomashyosi miqdori va sifati masalalari yuzasidan tekshirish va taftish ishlarini o‘tkazish;
texnik jihatdan tartibga solish sohasidagi normativ hujjatlarning bajarilishini ta’minlamayotgan, qo‘shib yozishlar, suiiste’molliklar va hisobotlar buzilishi uchun shart-sharoitlarni vujudga keltirayotgan paxta tozalash korxonalari va ularga qarashli bo‘linmalar ishlarini to‘xtatib qo‘yish;
“O‘zpaxtasanoat” AJ, uning hududiy filiallari va paxta tozalash korxonalari tekshirishlar va taftishlar natijasida aniqlangan paxta xomashyosi va uning mahsulotlari miqdori kamomadini hisobotdan chiqarib tashlash to‘g‘risida yozma buyruqlar berish;
(10-bandning o‘n oltinchi xatboshisi O‘zbekiston Respublikasi Vazirlar Mahkamasining 2015-yil 25-dekabrdagi 372-sonli qarori tahririda — O‘R QHT, 2015-y., 52-son, 647-modda)
taftishlar va tekshirishlar natijalarida aniqlangan xato-kamchiliklarni bartaraf etish, maqsadsiz va noqonuniy xarajatlarni, pul mablag‘lari va tovar-moddiy boyliklar kamomadini undirish, nazorat obyekti aybdor shaxslarini javobgarlikka tortish yuzasidan tegishli takliflar kiritish;
taftishlar va tekshirishlar natijasida nazorat obyekti mansabdor shaxslarining harakatlarida jinoyat belgilari bo‘lgan holatlar aniqlangan taqdirda nazorat materiallarini huquqni muhofaza qilish organlariga berish.
11. NTBB va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari quyidagilarga majbur:
davlat moliyaviy nazorati natijalariga doir hujjatlarda bayon etilgan ma’lumotlarning ishonchliligi, xolisligi va to‘liqligini ta’minlash;
O‘zbekiston Respublikasi Moliya vazirligi va NTBB rahbariyatini budjet qonunchiligining aniqlangan xarakterli buzilishi hollari to‘g‘risida xabardor qilish;
b) paxta tozalash sanoati korxonalarida hisob va hisobotning to‘g‘riligini nazorat qilish boshqarmasi;
v) O‘zbekiston Respublikasi Moliya vazirligi huzuridagi Jamg‘armalar mablag‘laridan foydalanilishini nazorat qilish boshqarmasi;
g) budjetdan tashqari Pensiya jamg‘armasi mablag‘laridan maqsadli foydalanilishini nazorat qilish boshqarmasi;
e) muruvvat yordamidan va texnikaviy ko‘maklashish mablag‘laridan maqsadli foydalanilishini nazorat qilish shu’basi.
13. Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari quyidagi tashkiliy tuzilmaga ega:
v) investitsiya dasturlariga ajratiladigan markazlashtirilgan mablag‘lardan va Hukumat tomonidan kafolatlangan kreditlardan maqsadli foydalanilishini nazorat qilish bo‘limi;
d) Davlat xaridlari bo‘yicha tender (tanlov) o‘tkazilishini nazorat qilish va O‘zbekiston Respublikasi Davlat budjetining g‘azna ijrosini nazorat qilish bo‘limi;
14. NTBBga O‘zbekiston Respublikasi Moliya vaziri tomonidan tayinlanadigan boshliq boshchilik qiladi.
15. Budjet intizomiga rioya etilishini nazorat qilish boshqarmasiga O‘zbekiston Respublikasi Moliya vaziri tomonidan tayinlanadigan boshliq boshchilik qiladi. Budjet intizomiga rioya etilishini nazorat qilish boshqarmasi boshlig‘i ayni vaqtda NTBB boshlig‘ining birinchi o‘rinbosari hisoblanadi.
16. Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalariga O‘zbekiston Respublikasi Moliya vaziri tomonidan tayinlanadigan boshliqlar boshchilik qiladi.
17. Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining budjet intizomiga rioya etilishini nazorat qilish bo‘limlariga O‘zbekiston Respublikasi Moliya vaziri tomonidan tayinlanadigan boshliqlar boshchilik qiladi. Budjet intizomiga rioya etilishini nazorat qilish bo‘limlari boshliqlari ayni vaqtda Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari boshliqlarining birinchi o‘rinbosarlari hisoblanadi.
18. NTBB va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari o‘z ishlarini tegishli ravishda O‘zbekiston Respublikasi Moliya vaziri va NTBB boshlig‘i tomonidan tasdiqlanadigan yillik rejalar bo‘yicha amalga oshiradi.
19. NTBB va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari zarur hollarda rejadan tashqari taftishlar va tekshirishlarni amalga oshiradi.
Mulkchilik shaklidan qat’i nazar, korxonalar, tashkilotlar va muassasalarda O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi mablag‘laridan maqsadli foydalanilishini tekshirish Nazorat qiluvchi organlar faoliyatini muvofiqlashtirish bo‘yicha Respublika kengashi bilan qo‘shimcha ravishda kelishilmasdan amalga oshiriladi. Bunda ushbu tekshirishlar tasdiqlangan rejalarga va O‘zbekiston Respublikasi Moliya vazirining buyruqlariga muvofiq amalga oshiriladi.
20. NTBB va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining kadrlar tarkibi barqaror hayotiy prinsiplarga ega bo‘lgan yuqori malakali mutaxassislardan va iqtisodiyot va tibbiyot oliy ta’lim muassasalarining professional tayyorgarlik ko‘rgan yosh bitiruvchilaridan butlanadi.
21. NTBB xodimlari va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari boshliqlari attestatsiyasi har 3 yilda o‘tkaziladi. Attestatsiyani o‘tkazish tartibi O‘zbekiston Respublikasi Moliya vaziri tomonidan o‘rnatilgan tartibda belgilanadi.
O‘zbekiston Respublikasi Moliya vazirligi rahbariyatiga xodimlarni ishga qabul qilish, ishdan bo‘shatish va ishdan ishga o‘tkazish, O‘zbekiston Respublikasi Mehnat kodeksiga muvofiq xodimlarni rag‘batlantirish va intizomiy jazolar qo‘llash to‘g‘risida takliflar kiritish;
xatlar, xizmat guvohnomalarini va xodimlarga taftishlar va tekshirish o‘tkazish huquqini beruvchi bir martalik yozma ko‘rsatmalarni imzolash.
23. Qoraqalpog‘iston Respublikasi, viloyatlar va Toshkent shahridagi nazorat-taftish boshqarmasi boshliqlari quyidagi huquqlarga ega:
O‘zbekiston Respublikasi Moliya vazirligi rahbariyatiga nazorat-taftish boshqarmalari xodimlarini ishga qabul qilish, ishdan bo‘shatish va ishdan ishga o‘tkazish bo‘yicha takliflar kiritish, O‘zbekiston Respublikasi Mehnat kodeksiga muvofiq xodimlarni rag‘batlantirish va intizomiy jazolar qo‘llash hamda xodimlarning xizmat safarlariga borishi to‘g‘risida buyruqlar chiqarish;
xatlar, xizmat guvohnomalarini va xodimlarga taftishlar va tekshirishlar o‘tkazish huquqini beruvchi bir martalik yozma ko‘rsatmalarni imzolash.
24. NTBB va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmasi boshliqlari o‘zlariga yuklangan vazifalarni amalga oshirishda quyidagilarga majbur:
taftish va tekshirishlarni o‘tkazishda O‘zbekiston Respublikasining me’yoriy-huquqiy hujjatlari to‘g‘ri qo‘llanilishini ta’minlash;
amaliy malaka oshirishga, ijro va mehnat intizomi mustahkamlanishiga doir tadbirlarni ishlab chiqish va amalga oshirish;
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Mehnatga haq to‘lashning Yagona tarif setkasini takomillashtirish to‘g‘risida” 1996-yil 18-martdagi 103-son qarorining 3-bandidagi “budjetdan moliyalashtiriladigan barcha muassasalar va tashkilotlar” so‘zlari “barcha budjet tashkilotlari” so‘zlari bilan almashtirilsin.
2. Vazirlar Mahkamasining “Qimmatli qog‘ozlarning markaziy depozitariysini tashkil etish va uning faoliyati masalalari to‘g‘risida” 1999-yil 21-maydagi 263-son qarorida (O‘zbekiston Respublikasi QT, 1999-y., 5-son, 27-modda):
a) 3-bandning ikkinchi xatboshidagi “Davlat mulki qo‘mitasi” so‘zlari “Davlat raqobat qo‘mitasi” so‘zlari bilan almashtirilsin;
b) 7-bandning beshinchi xatboshidagi “Davlat mulki qo‘mitasi” va “davlat tasarrufidan chiqarish va xususiylashtirishdan” so‘zlari tegishli ravishda “Davlat raqobat qo‘mitasi” va “Davlat mulkini xususiylashtirishdan tushadigan mablag‘lar jamg‘armasidan” so‘zlari bilan almashtirilsin.
3. Vazirlar Mahkamasining “2001-2002-yillarda xorijiy investitsiyalarni jalb etgan holda korxonalarni davlat tasarrufidan chiqarish va xususiylashtirish bo‘yicha kelgusidagi chora-tadbirlar to‘g‘risida” 2001-yil 9-martdagi 119-son qarorining 2-bandi uchinchi va to‘rtinchi xatboshilaridagi (O‘zbekiston Respublikasi QT, 2001-y., 3-son, 17-modda) “davlat mulkini xususiylashtirishdan tushadigan umumiy mablag‘lar” so‘zlari “Davlat mulkini xususiylashtirishdan tushadigan mablag‘lar jamg‘armasi” so‘zlari bilan almashtirilsin.
4. Vazirlar Mahkamasining “Xususiylashtirilgan korxonalarni korporativ boshqarishni takomillashtirish chora-tadbirlari to‘g‘risida” 2003-yil 19-apreldagi 189-son qarorida (O‘zbekiston Respublikasi QT, 2003-y., 4-son, 32-modda):
a) 4-bandning oltinchi xatboshidagi “davlat budjetiga” va “xususiylashtirishdan tushadigan umumiy mablag‘lar” so‘zlari tegishli ravishda “O‘zbekiston Respublikasi Davlat budjetiga” va “Davlat mulkini xususiylashtirishdan tushadigan mablag‘lar jamg‘armasi” so‘zlari bilan almashtirilsin;
b) 2-ilovaning 13-bandidagi “davlat budjetiga” va “xususiylashtirishdan tushadigan umumiy mablag‘lar” so‘zlari tegishli ravishda “O‘zbekiston Respublikasi Davlat budjetiga” va “Davlat mulkini xususiylashtirishdan tushadigan mablag‘lar jamg‘armasi” so‘zlari bilan almashtirilsin;
v) 3-ilovaning 32-bandi ikkinchi xatboshidagi “davlat budjetiga” va “xususiylashtirishdan tushadigan umumiy mablag‘lar” so‘zlari tegishli ravishda “O‘zbekiston Respublikasi Davlat budjetiga” va “Davlat mulkini xususiylashtirishdan tushadigan mablag‘lar jamg‘armasi” so‘zlari bilan almashtirilsin.
5. Vazirlar Mahkamasining “Xususiylashtirishdan tushadigan mablag‘larni taqsimlash tartibini takomillashtirish to‘g‘risida” 2003-yil 14-noyabrdagi 512-son qarorining 1-bandi ikkinchi xatboshi (O‘zbekiston Respublikasi QT, 2003-y., 11-son, 120-modda) quyidagi tahrirda bayon qilinsin:
“Davlat mulkini xususiylashtirishdan tushadigan mablag‘lar jamg‘armasi mablag‘larini, shu jumladan sotib olinadigan davlat aktivlari haqini bo‘lib-bo‘lib to‘lashni nazarda tutuvchi shartnomalar bo‘yicha tushadigan mablag‘larni taqsimlash O‘zbekiston Respublikasi Davlat raqobat qo‘mitasi tomonidan har oyda, qonun hujjatlarida belgilangan nisbatlarda amalga oshiriladi”.
6. Vazirlar Mahkamasining “O‘zbekiston Savdo-sanoat palatasi faoliyatini tashkil etishni ta’minlash chora-tadbirlari to‘g‘risida” 2004-yil 22-sentabrdagi 441-son qarorining 4-bandi uchinchi xatboshidagi “davlat mulki obyektlarini xususiylashtirishdan mintaqalarni ijtimoiy-iqtisodiy rivojlantirishga yo‘naltirilayotgan mablag‘larning besh foizi” so‘zlari “Davlat mulkini xususiylashtirishdan tushadigan mablag‘lar jamg‘armasidan tushadigan mablag‘lar” so‘zlari bilan almashtirilsin.
7. Vazirlar Mahkamasining “Ustav fondida davlat ulushi bo‘lgan korxonalarning samarali boshqarilishini va davlat mulkining zarur darajada hisobga olinishini ta’minlash chora-tadbirlari to‘g‘risida” 2006-yil 16-oktabrdagi 215-son qarorida (O‘zbekiston Respublikasi QT, 2006-yil, 10-son, 77-modda):
20-banddagi “budjetga va budjetdan tashqari fondlarga” so‘zlari “O‘zbekiston Respublikasi Davlat budjetiga va davlat maqsadli jamg‘armalariga” so‘zlari bilan almashtirilsin;
24-banddagi “Budjetga va budjetdan tashqari fondlarga” va “davlat budjetiga” so‘zlari tegishli ravishda “O‘zbekiston Respublikasi Davlat budjetiga va davlat maqsadli jamg‘armalariga” va “O‘zbekiston Respublikasi Davlat budjetiga” so‘zlari bilan almashtirilsin;
b) 3-ilovaning 10-bandi to‘rtinchi xatboshidagi “davlat tasarrufidan chiqarish va xususiylashtirishdan tushadigan umumiy mablag‘lardan” so‘zlari “Davlat mulkini xususiylashtirishdan tushadigan mablag‘lar jamg‘armasidan” so‘zlari bilan almashtirilsin.
8. Vazirlar Mahkamasining “Davlat aktivlarini sotishdan tushgan, xo‘jalik boshqaruvi ayrim organlari ustav fondini shakllantirish uchun berilgan mablag‘larni taqsimlash to‘g‘risida” 2007-yil 25-sentabrdagi 202-son qarorida:
a) 1-banddagi “Davlat raqobat qo‘mitasining maxsus hisob raqamida” so‘zlari “Davlat mulkini xususiylashtirishdan tushadigan mablag‘lar jamg‘armasida” so‘zlari bilan almashtirilsin;
b) 2-ilovaning izohidagi “Vazirlar Mahkamasining 1998-yil 22-avgustdagi 362-son qarori bilan tasdiqlangan Davlat mulkini davlat tasarrufidan chiqarish, xususiylashtirishdan tushgan mablag‘larni hisobga olish, taqsimlash va ulardan foydalanishni nazorat qilish tartibi” so‘zlari “Davlat mulkini xususiylashtirishdan tushadigan mablag‘lar jamg‘armasi mablag‘larini taqsimlash tartibi” so‘zlari bilan almashtirilsin.
9. Vazirlar Mahkamasining 2009-yil 31-dekabrdagi 343-son qarori (O‘zbekiston Respublikasi QT, 2009-y., 12-son, 84-modda) bilan tasdiqlangan Budjet tashkilotlari va davlat unitar korxonalarining asosiy vositalarini hamda qurilishi tugallanmagan obyektlarini sotish, shuningdek ularni sotishdan tushgan pul mablag‘larini taqsimlash tartibi to‘g‘risidagi nizomning 7 va 14-bandlaridagi “Davlat raqobat qo‘mitasining maxsus g‘aznachilik hisob raqamida” so‘zlari “Davlat mulkini xususiylashtirishdan tushadigan mablag‘lar jamg‘armasining hisob raqamlarida” so‘zlari bilan almashtirilsin.
10. Vazirlar Mahkamasining “Toshkent shahri hokimligining munitsipal mulk obyektlaridan samarali foydalanishga doir qo‘shimcha chora-tadbirlar to‘g‘risida” 2012-yil 6-iyuldagi 199-son qarorining ikkinchi xatboshi quyidagi tahrirda bayon qilinsin:
“2-ilovaga muvofiq ro‘yxat bo‘yicha munitsipal mulk obyektlarini sotishdan tushadigan mablag‘larni taqsimlash Davlat mulkini xususiylashtirishdan tushadigan mablag‘lar jamg‘armasi mablag‘larini taqsimlash tartibiga muvofiq amalga oshiriladi”.
Oldingi tahrirga qarang.
(11-band O‘zbekiston Respublikasi Vazirlar Mahkamasining 2017-yil 23-iyundagi 419-son qaroriga asosan o‘z kuchini yo‘qotgan — O‘R QHT, 2017-y., 26-son, 588-modda)
1. Vazirlar Mahkamasining “Budjet intizomiga rioya qilinishi ustidan nazoratni kuchaytirish chora-tadbirlari to‘g‘risida” 1999-yil 11-fevraldagi 66-son qarori.
2. Vazirlar Mahkamasining “O‘zbekiston Respublikasi Prezidentining “Paxta tozalash sanoati korxonalarida hisob va hisobot tizimini takomillashtirish ustidan nazoratni kuchaytirish borasidagi qo‘shimcha chora-tadbirlar to‘g‘risida” 2002-yil 13-noyabrdagi PF–3161-son Farmonini amalga oshirish chora-tadbirlari haqida” 2002-yil 15-noyabrdagi 393-son qarorining (O‘zbekiston Respublikasi QT, 2002-y., 11-son, 69-modda) 3-bandi, shuningdek qarorga 2-ilova.
3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida O‘zbekiston Respublikasining 2006-yil 10-oktabrdagi O‘RQ-59-son Qonuni)” 2006-yil 10-noyabrdagi 235-son qaroriga (O‘zbekiston Respublikasi QT, 2006-y., 11-son, 86-modda) 1-ilova 34-bandining “b” kichik bandi.
4. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida” (O‘zbekiston Respublikasi Prezidentining “Fuqarolarning pensiya ta’minoti tizimini yanada takomillashtirish chora-tadbirlari to‘g‘risida” 2009-yil 30-dekabrdagi PF-4161-son Farmoni, O‘zbekiston Respublikasi Prezidentining “O‘zbekiston Respublikasi Mehnat va aholini ijtimoiy muhofaza qilish vazirligi tuzilmasini takomillashtirish chora-tadbirlari to‘g‘risida” 2009-yil 30-dekabrdagi PQ–1251-son hamda “O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining tashkiliy tuzilmasini shakllantirish chora-tadbirlari to‘g‘risida” 2009-yil 30-dekabrdagi PQ–1252-son qarorlari) 2010-yil 24-martdagi 52-son qaroriga (O‘zbekiston Respublikasi QT, 2010-y., 3-son, 12-modda) 1-ilovaning 17-bandi va 26-bandining “v” kichik bandi.
5. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Vazirlar Mahkamasining “Tibbiy-mehnat ekspertiza xizmati faoliyatini tashkil etishni takomillashtirishga doir qo‘shimcha chora-tadbirlar to‘g‘risida” 2010-yil 2-sentabrdagi 193-son qarori) 2010-yil 11-noyabrdagi 250-son qaroriga (O‘zbekiston Respublikasi QT, 2010-y., 11-son, 59-modda) ilova 1-bandining “g” kichik bandi.
6. Vazirlar Mahkamasining “Davlat xaridlarini tashkil etishga doir normativ-huquqiy bazani takomillashtirish chora-tadbirlari to‘g‘risida” 2011-yil 1-apreldagi 100-son qaroriga (O‘zbekiston Respublikasi QT, 2011-y., 4-son, 24-modda) 3-ilova 3-bandining “g” kichik bandi.
7. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining “Ta’lim muassasalarini rekonstruksiya qilish, mukammal ta’mirlash va jihozlash jamg‘armasini Ta’lim va tibbiyot muassasalarini rekonstruksiya qilish, mukammal ta’mirlash va jihozlash jamg‘armasi etib qayta tashkil etish to‘g‘risida” 2011-yil 21-noyabrdagi PQ–1645-son qarori) 2012-yil 3-fevraldagi 30-son qaroriga (O‘zbekiston Respublikasi QT, 2012-y., 2-son, 6-modda) ilova 6-bandining uchinchi xatboshi.