“Radiochastota spektri to‘g‘risida”gi O‘zbekiston Respublikasi Qonunini bajarish yuzasidan, O‘zbekiston Respublikasi hududida radiochastota spektrini muhofaza qilish, axborotni tezkorlik bilan ayirboshlash, jahon axborot tarmoqlaridan foydalanishni kengaytirish va tartibga solish, axborot xavfsizligini ta’minlash, O‘zbekiston Respublikasida ma’lumotlar uzatish tarmoqlarini jadal modernizatsiya qilish va rivojlantirish maqsadida Vazirlar Mahkamasi qaror qiladi:
1. O‘zbekiston pochta va telekommunikatsiyalar agentligi “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasining ma’lumotlarni uzatish respublika tarmog‘i va Vazirlar Mahkamasi huzuridagi Xo‘jalik hisobidagi “UzNet” axborot-kompyuter xizmatining idoralararo axborot-kompyuter tarmog‘i bazasida O‘zbekiston Respublikasi Ma’lumotlar uzatish yagona milliy tarmog‘i tashkil etilsin.
Keyingi tahrirga qarang.
Ma’lumotlarni uzatish milliy tarmog‘idan, shu jumladan, Internetdan foydalanish va uni rivojlantirish milliy operatori (provayder) funksiyalari “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasiga yuklanadi;
“UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi uning tarkibiga yuridik shaxs huquqi bilan xo‘jalik hisobidagi “UzNet” axborot-kompyuter xizmatini sho‘ba korxonasi sifatida kiritgan holda O‘zbekiston pochta va telekommunikatsiyalar agentligi tizimidagi davlat korxonasi kabi saqlab qolinadi;
Keyingi tahrirga qarang.
“UzNet” sho‘ba korxonasida tashqi iqtisodiy faoliyatning idoralararo axborot-kompyuter tarmog‘ini tashkil etish uchun berilgan Butunjahon banki krediti va BMTning Rivojlanish dasturi grantidan foydalanish bo‘yicha huquqiy vorislik saqlanib qoladi.
Keyingi tahrirga qarang.
Keyingi tahrirga qarang.
3. Quyidagilar “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi — milliy operator (provayder)ning asosiy vazifalari etib belgilansin:
Keyingi tahrirga qarang.
davlat va jamoat organlari, fuqarolar, mulkchilik shakllaridan qat’i nazar, korxonalar, muassasalar va tashkilotlarning axborotlarga bo‘lgan ehtiyojlarini har tomonlama qondirish maqsadida Ma’lumotlarni uzatish milliy tarmog‘ining faoliyat ko‘rsatishini va uni rivojlantirishni ta’minlash;
axborot resurslarini muhofaza qilishni ta’minlash, konstitutsiyaviy tuzumni zo‘rlik bilan o‘zgartirishga dav’at qiluvchi axborotlar tarqatilishiga, urush, zulm va pornografiyani targ‘ib qilishga, diniy va milliy nizolarni qo‘zg‘ashga, insonning sha’ni va qadr-qimmatini poymol qilishga hamda amaldagi qonun hujjatlari bilan tarqatilishi taqiqlangan boshqa axborotlarning tarqatilishiga yo‘l qo‘ymaslik;
Keyingi tahrirga qarang.
texnika vositalarini joriy etish, respublikaning yagona axborot makoni kommunikatsiya asoslarini takomillashtirish va uning jahon axboroti hamjamiyatiga kirishi imkoniyatlarini kengaytirish;
respublika ma’lumotlarni uzatish tarmog‘i operatorlari (provayderlari)ga xizmat ko‘rsatish va ularni jahon axborot tarmoqlariga, shu jumladan, Internetga ulash.
Keyingi tahrirga qarang.
“UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi Ma’lumotlar uzatish milliy tarmog‘ining texnika vositalari orqali respublika va xalqaro kompyuter tarmoqlari hamda ulardan foydalanuvchilardan, shu jumladan, Internetdan markazlashtirilgan holda axborot olishni ta’minlaydi;
O‘zbekiston Respublikasi ma’lumotlar uzatish tarmoqlarining barcha operatorlari (provayderlari) Vazirlar Mahkamasining “Chastota spektridan foydalanish, teleradiodasturlarni shakllantirish va tarqatish hamda ma’lumotlar uzatish samaradorligini oshirish yuzasidan qo‘shimcha chora-tadbirlar to‘g‘risida” 1998-yil 10-iyuldagi 293-son qarori bilan belgilangan tartibda Axborot faoliyati va ma’lumotlar uzatishni takomillashtirish va samaradorligini oshirish bo‘yicha idoralararo muvofiqlashtirish komissiyasining qaroriga ko‘ra O‘zbekiston pochta va telekommunikatsiyalar agentligi tomonidan berilgan maxsus ruxsatnomalar (litsenziyalar) asosida xalqaro tarmoqlarga faqat Ma’lumotlar uzatish milliy tarmog‘i orqali kirish huquqiga egadirlar;
Keyingi tahrirga qarang.
O‘zbekiston Respublikasi qonun hujjatlarida belgilangan tartibda faqat o‘z ishlab chiqarish-texnologiya ehtiyojlari uchun, diplomatik va xalqaro vakolatxonalar, shuningdek ixtisoslashtirilgan korxonalar, muassasalar va tashkilotlar (bank tizimlari, aeronavigatsiya va havo harakatini boshqarish tizimlari va shu kabilar) uchun xalqaro va shaharlararo ma’lumotlar uzatish kanallari, shu jumladan, yo‘ldosh tizimlari orqali kanallar tashkil etilishi va ulardan foydalanilishiga yo‘l qo‘yiladi;
idoraviy tarmoqlarni tashkil etish va ulardan foydalanish O‘zbekiston Respublikasi Fan va texnika davlat qo‘mitasi va O‘zbekiston pochta va telekommunikatsiyalar agentligining texnik shartlariga ko‘ra amalga oshiriladi;
Keyingi tahrirga qarang.
ma’lumotlar uzatish tarmoqlaridan foydalanish va ularni ishlatish qoidalariga rioya qilinmagan hollarda qoida buzuvchi (operatorlar (provayderlar) va foydalanuvchilar) elektr aloqasini loyihalash, qurish va undan foydalanish faoliyati bilan shug‘ullanish huquqini beruvchi litsenziyaning ma’lumotlarga ishlov berish va uzatish, shu jumladan, Internet tarmog‘i orqali uzatishga oid qismidan mahrum etiladilar va O‘zbekiston Respublikasi qonun hujjatlariga muvofiq javobgarlikka tortiladilar.
Keyingi tahrirga qarang.
5. O‘zbekiston pochta va telekommunikatsiyalar agentligi “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi to‘g‘risidagi Nizomni, mazkur qaror bilan unga yuklanayotgan yangi funksiyalarni hisobga olgan holda, bir oy muddatda tasdiqlasin.
6. O‘zbekistonning ijtimoiy-siyosiy va iqtisodiy hayoti to‘g‘risidagi axborotlarni Internet tarmog‘iga tarqatishni muvofiqlashtirish funksiyasi O‘zbekiston Milliy axborot agentligiga, Davlat matbuot qo‘mitasiga, Tashqi ishlar vazirligiga hamda “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasiga yuklansin.
Keyingi tahrirga qarang.
7. O‘zbekiston pochta va telekommunikatsiyalar agentligi, O‘zbekiston Respublikasi Fan va texnika davlat qo‘mitasi, Davlat matbuot qo‘mitasi, O‘zbekiston Milliy axborot agentligi bir oy muddatda:
O‘zbekiston Respublikasi axborot resurslarini tayyorlash va ularni ma’lumotlarni uzatish tarmoqlarida, shu jumladan Internetda tarqatish tartibini;
Provayderlar va abonentlar tomonidan Ma’lumotlarni uzatish milliy tarmog‘idan axborot olish va undan foydalanish qoidalarini tasdiqlash uchun Vazirlar Mahkamasiga kiritsinlar.
8. O‘zbekiston Respublikasi vazirliklari va idoralari “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasiga idoraviy tarmoqlar, shu jumladan, yo‘ldosh aloqasi tarmoqlarining ma’lumotlar uzatish kanallarini foydalanish uchun shartnoma asosida bersinlar.
Keyingi tahrirga qarang.
9. O‘zbekiston pochta va telekommunikatsiyalar agentligi (Abdullayev), Fan va texnika davlat qo‘mitasi (Habibullayev), Davlat matbuot qo‘mitasi (Shog‘ulomov), O‘zbekiston kosmik tadqiqotlar davlat agentligi (Mo‘minov):
Ma’lumotlarni uzatish milliy tarmog‘ini modernizatsiya qilish va rivojlantirish dasturini mablag‘lar bilan ta’minlash bosqichlari va manbalari bo‘yicha zarur investitsiyalar miqdorlarini belgilagan holda bir oy muddatda ishlab chiqsinlar va Vazirlar Mahkamasiga taqdim etsinlar, bunda Ma’lumotlarni uzatish milliy tarmog‘ini kengaytirish va modernizatsiya qilish Toshkent, Nukus shaharlarida va viloyat markazlarida — 1999 — 2001-yillarda, tuman markazlarida — 2000 — 2003-yillarda amalga oshirilishini nazarda tutsinlar;
Yo‘ldosh aloqa tarmog‘ini rivojlantirish konsepsiyasini uch oy muddatda ishlab chiqsinlar va tasdiqlash uchun Axborot faoliyati va ma’lumotlar uzatishni takomillashtirish va samaradorligini oshirish bo‘yicha idoralararo muvofiqlashtirish komissiyasiga taqdim etsinlar.
10. O‘zbekiston Respublikasi Makroiqtisodiyot va statistika vazirligi, Moliya vazirligi Ma’lumotlarni uzatish milliy tarmog‘ini kengaytirish va modernizatsiya qilish loyihasini 2000-yil va keyingi yillar investitsiya dasturlariga kiritsinlar va markazlashtirilgan manbalardan mablag‘lar ajratishni nazarda tutsinlar.
Keyingi tahrirga qarang.
11. “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi boj to‘lovlari to‘lashdan besh yil muddatga ozod qilinsin, Ma’lumotlarni uzatish milliy tarmog‘ini kengaytirish va modernizatsiya qilish uchun keltirilgan apparat va dastur vositalari va asbob-uskunalari bojxonada rasmiylashtirilganligi uchun yig‘imlar bundan mustasno.
12. O‘zbekiston Respublikasi Hukumatining ilovaga muvofiq ayrim qarorlari o‘z kuchini yo‘qotgan deb hisoblansin va ayrim qarorlariga o‘zgartirish va qo‘shimchalar kiritilsin.
13. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda amaldagi qonunchilikka mazkur qarordan kelib chiqib kiritiladigan o‘zgartirish va qo‘shimchalar to‘g‘risida takliflar kiritsin.
14. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari L.A. Axmetov va H.S. Karomatov zimmasiga yuklansin.
Vazirlar Mahkamasining “Idoralararo axborot-kompyuter tarmog‘ini tashkil etish to‘g‘risida” 1998-yil 10-apreldagi 150-son qarorining 2, 4 va 6-bandlari;
Vazirlar Mahkamasining “Xo‘jalik hisobidagi “UzNet” axborot xizmati to‘g‘risidagi Nizomni tasdiqlash haqida” 1998-yil 14-maydagi 206-son qarori.
1. Vazirlar Mahkamasining “O‘zbekiston pochta va telekommunikatsiyalar agentligi faoliyatini tashkil etish to‘g‘risida” 1997-yil 31-iyuldagi 380-son qaroriga 1a, 4, 4a-ilovalardagi “Axborot uzatish tarmog‘i aksiyadorlik jamiyati va O‘zPAK” so‘zlari “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi” so‘zlari bilan almashtirilsin, shuningdek, mazkur qarorga 6-ilovaning 2-bo‘limidan 4-band chiqarib tashlansin.
Keyingi tahrirga qarang.
2. Vazirlar Mahkamasining 1997-yil 28-avgustdagi 420-son qarori (O‘zbekiston Respublikasi QT, 1997y., 8-son, 30-modda) bilan tasdiqlangan “O‘zbekiston pochta va telekommunikatsiyalar agentligi to‘g‘risida Nizom”ning 7-bandi quyidagi mazmundagi xatboshilar bilan to‘ldirilsin:
“radioelektron vositalar va yuqori chastotali qurilmalar belgilangan standartlar va texnik normalarga muvofiq kelmagan, fuqarolar xavfsizligini, atrof-muhit muhofazasini ta’minlamagan hollarda, shuningdek, alohida hollarda ulardan foydalanishni belgilangan tartibda taqiqlash;
harbiy harakatlar, yer qimirlashlar, suv toshqinlari, yong‘inlar, epidemiyalar bo‘lgan hollarda va boshqa favqulodda holatlarda foydalanuvchilarning radioelektron vositalardan foydalanishga cheklashlar kiritish, shuningdek, ushbu vositalardan davlat xavfsizligini ta’minlash va tabiiy ofatlarni yoki ularning oqibatlarini bartaraf etishda foydalanish”.
Keyingi tahrirga qarang.
3. Vazirlar Mahkamasining 1998-yil 10-iyuldagi 293-son qarori (O‘zbekiston Respublikasi QT, 1998-y., 7-son, 26-modda) bilan tasdiqlangan O‘zbekiston Respublikasi radiochastotalar bo‘yicha Davlat komissiyasi to‘g‘risidagi Nizomning:
1-bandidagi “Xalqaro elektr aloqasi uyushmasida” so‘zlari “xalqaro tashkilotlarda” so‘zlari bilan almashtirilsin;
“2. Radiochastotalar bo‘yicha Davlat komissiyasi radiochastota spektrini taqsimlash va undan foydalanish sohasida davlat siyosatini ta’minlovchi radiochastotalarni davlat tomonidan boshqarish organi hisoblanadi, radiochastota spektridan foydalanish masalalari bo‘yicha xalqaro tashkilotlarda O‘zbekiston Respublikasi manfaatlarini ifodalaydi”;
radiochastotalar spektrini taqsimlash va ulardan foydalanish va uni istiqbolda rejalashtirish sohasidagi davlat siyosatini amalga oshirish;
radiochastotalarni rejalashtirish, ularni belgilash va ulardan foydalanish masalalarida xalqaro tashkilotlarda vakillik qilish va O‘zbekiston Respublikasi manfaatlarini xalqaro huquqiy himoya qilish;
radiochastotalar spektri to‘g‘risidagi qonun hujjatlariga rioya qilinishi ustidan nazoratni amalga oshirish;
radiochastotalar spektridan foydalanish sohasida radiochastotalar organlari faoliyatini muvofiqlashtiradi”;
“qonun hujjatlarida nazarda tutilgan hollarda radiochastotalar spektridan vaqt va (yoki) hudud bo‘yicha foydalanish huquqini to‘xtatib qo‘yish yoki cheklash”.
4. Vazirlar Mahkamasining 1998-yil 10-iyuldagi 293-son qarori (O‘zbekiston Respublikasi QT, 1998-y., 7-son, 26-modda) bilan tasdiqlangan Radioelektron vositalar va yuqori chastotali qurilmalarni O‘zbekiston Respublikasi hududida sotib olish (berish), loyihalash, qurish (o‘rnatish), ishlatish hamda chet eldan keltirish tartibi to‘g‘risidagi Nizom 2-bandining “b” kichik bandi “Ichki ishlar vazirligi” so‘zlaridan so‘ng “Favqulodda vaziyatlar vazirligi, Davlat bojxona qo‘mitasi” so‘zlari bilan to‘ldirilsin.