LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 30-martdagi 252-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zi qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Prokuratura organlarining qabul qilinayotgan normativ-huquqiy hujjatlar ijrosini ta’minlashdagi faoliyati samaradorligini oshirish bo‘yicha qo‘shimcha chora-tadbirlar to‘g‘risida” 2018-yil 15-fevraldagi PQ-5343-son Farmoni)”gi qaroriga asosan o‘z kuchini yo‘qotgan.
Oldingi tahrirga qarang.
Iqtisodiy islohotlarni yanada erkinlashtirish va chuqurlashtirishga doir vazifalardan kelib chiqqan holda kichik biznesni rivojlantirishni rag‘batlantirishni kuchaytirish, tadbirkorlar faoliyatini faollashtirish uchun zarur shart-sharoitlar yaratish, ularning qonuniy huquqlari va manfaatlarining ishonchli kafolatini ta’minlash, kichik va xususiy tadbirkorlarni qo‘llab-quvvatlash maqsadida Vazirlar Mahkamasi qaror qiladi:
(kirish qismi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
1. O‘zbekiston Respublikasining Bosh vaziri O‘.T. Sultonovga Kichik va xususiy tadbirkorlikni rivojlantirishni rag‘batlantirish bo‘yicha respublika muvofiqlashtiruvchi kengashi faoliyatini sust tashkil etganligi ko‘rsatib o‘tilsin.
Oldingi tahrirga qarang.
(2 va 3-bandlar O‘zbekiston Respublikasi Vazirlar Mahkamasining 2005-yil 7-noyabrdagi 244-sonli qaroriga asosan o‘z kuchini yo‘qotgan — O‘R QHT, 2005-y., 45-son, 341-modda)
4. Kichik va xususiy tadbirkorlikni rivojlantirishni rag‘batlantirish bo‘yicha respublika muvofiqlashtiruvchi kengashi o‘z faoliyatida e’tiborni quyidagi asosiy vazifalarni hal qilishga qaratsin:
qonun hujjatlariga qat’iy rioya qilinishi ustidan monitoring o‘tkazish, tadbirkorlarning ular faoliyatiga hokimiyat va boshqaruv organlarining asossiz aralashuvidan ishonchli himoya qilinishini ta’minlash;
tadbirkorlarga kredit va kichik kredit olishda ko‘maklashish, investitsiya loyihalari va takliflari tanlov asosida saralab olinishini ta’minlash;
tadbirkorlarga moddiy-texnika resurslari olishda hamda ularning mahsulotlarini ichki va tashqi bozorlarda sotishda ko‘maklashish;
Oldingi tahrirga qarang.
kichik biznes korxonalarini rivojlantirish monitoringini amalga oshirish, mavjud muammolarni chuqur o‘rganish hamda tadbirkorlikning huquqiy kafolatlarini mustahkamlashga va uni rivojlantirishni rag‘batlantirishni kuchaytirishga yo‘naltirilgan qonun hujjatlari va me’yoriy hujjatlarni takomillashtirish yuzasidan takliflar ishlab chiqish;
(4-bandning beshinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
Oldingi tahrirga qarang.
tadbirkorlar o‘rtasida axborot va tushuntirish ishlarini tashkil etish, kichik biznes uchun konsalting, lizing, sug‘urta xizmatlari va boshqa xizmatlar ko‘rsatish tizimini rivojlantirish;
(4-bandning oltinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
Oldingi tahrirga qarang.
kichik biznes subyektlari uchun kadrlar tayyorlash va ularni qayta tayyorlash bo‘yicha bozor infratuzilmasi tashkilotlari faoliyatini muvofiqlashtirish.
(4-bandning yettinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
5. Kichik va xususiy tadbirkorlikni rivojlantirishni rag‘batlantirish bo‘yicha respublika muvofiqlashtiruvchi kengashi ishchi organi funksiyalarining tadbirkorlarni huquqiy himoya qilishga oid qismi O‘zbekiston Respublikasi Adliya vazirligiga yuklansin.
6. Adliya vazirligi tuzilmasida xodimlari soni 12 nafardan iborat bo‘lgan Kichik va o‘rta tadbirkorlikni qo‘llab-quvvatlash va himoya qilish boshqarmasi, Qoraqalpog‘iston Respublikasi Adliya vazirligida, viloyatlar va Toshkent shahar adliya boshqarmalarida xodimlar soni 2-ilovaga muvofiq bo‘lgan tegishli bo‘limlar tashkil etilsin.
Oldingi tahrirga qarang.
yangidan tashkil etilayotgan va faoliyat ko‘rsatayotgan tadbirkorlik subyektlari faoliyatini tartibga solish hamda ularni qo‘llab-quvvatlash bo‘yicha barcha qonun hujjatlariga va me’yoriy hujjatlarga qat’iy rioya qilinishi ustidan nazoratni ta’minlash;
(6-bandning uchinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
Oldingi tahrirga qarang.
tadbirkorlar huquqlarini himoya qilish, korxonalarni tashkil etish va ularning samarali faoliyat ko‘rsatishi uchun qulay huquqiy va tashkiliy shart-sharoitlar yaratish bo‘yicha amaldagi qonun hujjatlarini takomillashtirish yuzasidan takliflar kiritish;
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
Oldingi tahrirga qarang.
nazorat organlari o‘tkazayotgan tekshirishlarning qonuniyligi ustidan nazoratni ta’minlash, tadbirkorlik subyektlarining buzilgan haq-huquqlarini tiklash chora-tadbirlarini ko‘rish;
(6-bandning beshinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
Oldingi tahrirga qarang.
korxonalar, xususiy tadbirkorlar faoliyatiga noqonuniy aralashish, davlat tuzilmalari va amaldorlar, mahalliy hokimiyat va boshqaruv organlari tomonidan zimdan qarshilik ko‘rsatishning barcha hollari ustidan monitoringni amalga oshirish. Har bir holat bo‘yicha aybdor shaxslarni jinoiy javobgarlikkacha bo‘lgan javobgarlikka tortish yuzasidan takliflar kiritish.
(6-bandning oltinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
O‘zbekiston Respublikasi Moliya vazirligi Adliya vazirligi markaziy apparatining 6 xodimining, Qoraqalpog‘iston Respublikasi Adliya vazirligi, Andijon, Qashqadaryo, Namangan, Samarqand, Toshkent, Farg‘ona viloyatlari va Toshkent shahar adliya boshqarmalarining ikkitadan, Buxoro, Jizzax, Navoiy, Sirdaryo, Surxondaryo va Xorazm viloyatlari adliya boshqarmalarining bittadan xodimining joriy xarajatlari uchun qo‘shimcha mablag‘larni nazarda tutsin. Boshqarma va hududiy bo‘limlarning qolgan xodimlari xodimlarning tasdiqlangan soni doirasida shakllantiriladi.
O‘zbekiston Respublikasi Adliya vazirligi ikki hafta muddatda vazirlik markaziy apparati va hududiy boshqarmalar tuzilmasini qayta ko‘rib chiqsin, Kichik va o‘rta tadbirkorlikni qo‘llab-quvvatlash va himoya qilish boshqarmasi va bo‘limlari tuzilmasini hamda ular to‘g‘risidagi nizomlarni tasdiqlasin.
Keyingi tahrirga qarang.
7. Ko‘rsatib o‘tilgan vazifalarning bajarilishini ta’minlash maqsadida O‘zbekiston Respublikasi Adliya vazirligiga quyidagi huquqlar berilsin:
barcha vazirliklar, idoralar, huquqni muhofaza qilish va nazorat organlari, mahalliy hokimiyat va boshqaruv organlari, muassasalar, mansabdor shaxslar tomonidan tadbirkorlar huquqlariga rioya qilish bo‘yicha O‘zbekiston Respublikasining qonun hujjatlari og‘ishmay bajarilishini tekshirish;
ko‘rsatib o‘tilgan organlar rahbarlariga qonun hujjatlarining aniqlangan buzilishlarini, buzilish sabablarini, sabab bo‘lgan shart-sharoitlarni bartaraf etish to‘g‘risida belgilangan muddatlarda bajarilishi majburiy bo‘lgan taqdimnomalar kiritish;
Oldingi tahrirga qarang.
huquqni muhofaza qilish va nazorat organlarining, mahalliy hokimiyat va boshqaruv organlarining tadbirkorlik subyektlari haq-huquqlarini buzuvchi harakatlarini yoki qarorlarini to‘xtatib qo‘yish;
(7-bandning to‘rtinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — O‘R QHT, 2004-y., 3-son, 31-modda)
tadbirkorlar va xususiy mulk egalarining huquqlariga rioya qilish bo‘yicha qonun hujjatlarining buzilishi mumkin emasligi to‘g‘risida mansabdor shaxslarni yozma ravishda ogohlantirish;
tadbirkorlar va xususiy mulk egalari huquqlarini, ularning qonun bilan muhofaza qilinadigan manfaatlarini himoya qilish to‘g‘risida sudlarga, shu jumladan, xo‘jalik sudiga ariza bilan murojaat qilish.
Keyingi tahrirga qarang.
8. Vazirlar Mahkamasining 1997-yil 28-fevraldagi 116-son qarori 5-bandining birinchi xatboshidagi “O‘zbekiston Respublikasining Bosh vaziri O‘.T. Sultonov boshchiligida” so‘zlari chiqarib tashlansin.
Vazirlar Mahkamasining 1998-yil 14-iyuldagi 335-f-son farmoyishi va Vazirlar Mahkamasining 1997-yil 27-martdagi 118-f-son farmoyishi 1-bandining birinchi xatboshi o‘z kuchini yo‘qotgan deb hisoblansin.
9. Mazkur qarorning bajarilishini nazorat qilish Bosh vazirning birinchi o‘rinbosari, Respublika muvofiqlashtiruvchi kengashi raisi B.S. Hamidov zimmasiga yuklansin.
T/r | Viloyatlar | Xodimlar soni |
1. | Qoraqalpog‘iston Respublikasi, Andijon, Qashqadaryo, Namangan, Samarqand, Toshkent, Farg‘ona viloyatlari | 4 |
2. | Buxoro, Jizzax, Navoiy, Sirdaryo, Surxondaryo, Xorazm viloyatlari | 3 |
3. | Toshkent shahri | 5 |
Keyingi tahrirga qarang.