LexUZ sharhi
Mazkur qaror O‘zbekiston Respublikasi Vazirlar Mahkamasining 2011-yil 11-avgustdagi 232-sonli “Xalqaro savdo-ko‘rgazma kompleksi faoliyatini takomillashtirishga doir qo‘shimcha chora-tadbirlar to‘g‘risida”gi qaroriga asosan o‘z kuchini yo‘qotgan.
Xalqaro savdo-ko‘rgazma kompleksi tarkibidagi Savdo markazini o‘z vaqtida foydalanishga topshirish, uning o‘z xarajatini o‘zi qoplashini va o‘zini o‘zi moliyalashini ta’minlash, yuqori xalqaro darajada xizmat ko‘rsatish maqsadida Vazirlar Mahkamasi qaror qiladi:
1. O‘zbekiston Respublikasi Tashqi iqtisodiy aloqalar vazirligining Xalqaro savdo-ko‘rgazma kompleksidagi qurilishi tugallangan Savdo markazini “Innovatsiya” davlat-aksiyadorlik tashqi savdo kompaniyasining ishonchli boshqaruviga berish to‘g‘risidagi taklifiga rozilik berilsin.
Keyingi tahrirga qarang.
Savdo markazini boshqarishda ichki bozorni respublika tovar ishlab chiqaruvchilarining va yetakchi xorijiy kompaniyalarning yuqori sifatli tovarlari bilan to‘ldirish, shuningdek servis xizmati ko‘rsatishni xalqaro darajada tashkil etish “Innovatsiya” davlat-aksiyadorlik tashqi savdo kompaniyasi faoliyatining asosiy vazifasi hisoblanadi;
“Innovatsiya” davlat-aksiyadorlik tashqi savdo kompaniyasi Savdo markazini ishonchli boshqarish bo‘yicha mulkdor vakolatini amalga oshirishga haqlidir, uning mulkini tasarruf etish va boshqalarga berish huquqi bundan mustasno;
o‘z faoliyatini amalga oshirish uchun “Innovatsiya” davlat-aksiyadorlik tashqi savdo kompaniyasi O‘zbekiston va xorijning yetakchi tovar ishlab chiqaruvchilarini ularning tovarlarini sotish yoki ularga Savdo markazining savdo maydonlari va binolarini ijaraga berish yo‘li bilan jalb qilishi mumkin.
Keyingi tahrirga qarang.
3. O‘zbekiston Respublikasi Davlat mulki qo‘mitasi, Tashqi iqtisodiy aloqalar vazirligi “Innovatsiya” davlat-aksiyadorlik tashqi savdo kompaniyasi bilan Savdo markazini ishonchli boshqarish shartnomasini bir hafta muddatda tuzsinlar, unda savdo markazidan maqsadli foydalanilishi va kredit o‘z vaqtida qaytarilishini nazorat qilish tartibini nazarda tutsinlar.
4. Tashqi iqtisodiy aloqalar vazirligiga va “Innovatsiya” davlat-aksiyadorlik tashqi savdo kompaniyasiga Respublika Hukumati kafolati ostida “Turkeksimbank” kredit liniyasi hisobidan Tashqi iqtisodiy faoliyat milliy banki tomonidan qayta moliyalangan kreditni ilova*ga muvofiq o‘z vaqtida qaytarish funksiyasi yuklansin.
Keyingi tahrirga qarang.
5. “Innovatsiya” davlat-aksiyadorlik tashqi savdo kompaniyasiga xizmat ko‘rsatuvchi bankda tushumni o‘tkazish, “Turkeksimbank” kreditini qaytarish, tovarlar va xizmatlar haqini to‘lash, shuningdek Savdo markazi operatsiyalari bo‘yicha boshqa to‘lovlar uchun alohida hisob-kitob va valyuta subschyotlari ochish huquqi berilsin.
Keyingi tahrirga qarang.
9. O‘zbekiston Respublikasi Tashqi iqtisodiy aloqalar vazirligi Savdo markazini keyinchalik menejmentga berish uchun supermarketlar tarmog‘i operatori bo‘lgan xalqaro kompaniya bilan bir oy muddatda bitim tuzsin.