Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq baʼzi qarorlariga oʻzgartirish va qoʻshimchalar kiritilsin.

1. Vazirlar Mahkamasining 1997-yil 6-iyundagi 286-son qarori (Oʻzbekiston Respublikasi QT, 1997-y., 6-son, 21-modda) bilan tasdiqlangan “Ishlab chiqarishdagi baxtsiz hodisalarni va xodimlar salomatligining boshqa xil zararlanishini tekshirish va hisobga olish toʻgʻrisida Nizom”da:

I boʻlimning 6-bandidagi “Sanoatkontexnazorat” agentligi organlari (nazorat ostidagi obyektlarda)” soʻzlari “Sanoatkontexnazorat” va “Oʻzenergonazorat” agentliklari organlari nazoratdagi tegishli obyektlarda” soʻzlari bilan almashtirilsin;

II boʻlim 4-bandining toʻrtinchi xatboshidagi “Sanoatkontexnazorat” agentligi organi vakiliga, agar baxtsiz hodisa nazorat ostidagi korxonalar (obyektlar)da” soʻzlari “Sanoatkontexnazorat” yoki “Oʻzenergonazorat” agentliklari organi vakiliga, agar baxtsiz hodisa nazoratdagi tegishli korxonalar (obyektlar)da” soʻzlari bilan almashtirilsin;

II boʻlim 10-bandining ikkinchi xatboshidagi “Sanoatkontexnazorat” agentligi” soʻzlari “Sanoatkontexnazorat” yoki “Oʻzenergonazorat” agentliklari” soʻzlari bilan almashtirilsin;

III boʻlim 2-bandining sakkizinchi xatboshidagi “Sanoatkontexnazorat” agentligining mahalliy organlariga” soʻzlaridan keyin “va “Oʻzenergonazorat” agentligining hududiy organiga” soʻzlari qoʻshilsin;

III boʻlim 3-bandining ikkinchi xatboshidagi “yoki “Sanoatkontexnazorat” agentligi vakili” soʻzlaridan keyin “yoxud “Oʻzenergonazorat” agentligi vakili” soʻzlari qoʻshilsin;

III boʻlim 3-bandining toʻrtinchi va toʻqqizinchi xatboshidagi “Sanoatkontexnazorat” agentligi organi”, “Sanoatkontexnazorat” agentligi organining” soʻzlari tegishli ravishda “Sanoatkontexnazorat” yoki “Oʻzenergonazorat” agentliklari organi”, “Sanoatkontexnazorat” yoki “Oʻzenergonazorat” agentliklari organining” soʻzlari bilan almashtirilsin;

III boʻlim 8-bandining birinchi va toʻrtinchi xatboshidagi “Sanoatkontexnazorat” agentligi organi” va “Sanoatkontexnazorat” agentligi organiga” soʻzlaridan keyin “yoki “Oʻzenergonazorat” organiga soʻzlari qoʻshilsin”;

IV boʻlimning 5 va 6-bandlaridagi “Sanoatkontexnazorat” agentligi hayʼatida” soʻzlaridan keyin “yoki “Oʻzenergonazorat” agentligi hayʼatida” soʻzlari qoʻshilsin;

IV boʻlimning 8-bandidagi “Sanoatkontexnazorat” agentligi” soʻzlaridan keyin “va “Oʻzenergonazorat” agentligi” soʻzlari qoʻshilsin.

2. Vazirlar Mahkamasining 2000-yil 7-apreldagi 130-son qaroriga (Oʻzbekiston Respublikasi QT, 2000-y., 4-son, 17-modda) 1-ilova II boʻlimining 13-bandi hamda mazkur qaror bilan tasdiqlangan “Sanoatda va konchilikda ishlarning bexatar olib borilishini nazorat qilish agentligi toʻgʻrisida Nizom” (2-ilova) 5-bandining “z” kichik bandi oʻz kuchini yoʻqotgan deb hisoblansin.

3. Oʻzbekiston Respublikasi Vazirlar Mahkamasining “Elektr energetikada nazorat boʻyicha davlat agentligi (“Oʻzdavenergonazorat” agentligi) faoliyatini tashkil etish toʻgʻrisida” 2001-yil 24-fevraldagi 94-son qarorida (Oʻzbekiston Respublikasi QT, 2001-y., 2-son, 12-modda):

a) 2-band quyidagi mazmundagi xatboshi bilan toʻldirilsin:

“Oʻzdavenergonazorat” agentligida bosh direktorning uch nafar oʻrinbosari, shu jumladan bir nafar birinchi oʻrinbosari hamda shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadigan besh kishidan iborat hayʼat boʻladi”;

ikkinchi—toʻrtinchi xatboshilar tegishli ravishda uchinchi beshinchi xatboshilar deb hisoblanasin;

b) 2-ilovada:

III boʻlimning 7-bandi quyidagi mazmundagi xatboshi bilan toʻldirilsin:

“nazorat ostidagi obyektlar xodimlarini tayyorlash va ushbu obyektlarda ishlar xavfsiz olib borilishini taʼminlash va mehnatni muhofaza qilish masalalari boʻyicha ularning bilimlarini tekshirish tartibini belgilaydi”;

IV boʻlimning 9-boʻlimi quyidagi mazmundagi xatboshi bilan toʻldirilsin:

“elektr energiyasini isteʼmol qilish limitlariga rioya qilinishini nazorat qilish va elektr bilan isitish maqsadlarida elektr energiyasini qoʻllashni kelishish”;

V boʻlimning 11-bandi quyidagi mazmundagi uchinchi va toʻrtinchi xatboshilar bilan toʻldirilsin:

“Oʻzdavenergonazorat” agentligining bosh direktori lavozimiga koʻra ayni paytda Elektr va issiqlik energiyasidan foydalanilishini nazorat qilish boʻyicha bosh davlat inspektori, uning oʻrinbosarlari esa — Elektr va issiqlik energiyasidan foydalanilishini nazorat qilish boʻyicha bosh davlat inspektorining oʻrinbosarlari hisoblanadi. “Oʻzdavenergonazorat” agentligi hududiy boʻlinmalari boshliqlari elektr va issiqlik energiyasidan foydalanilishini nazorat qilish boʻyicha katta davlat inspektorlari hisoblanadi.

“Oʻzdavenergonazorat” agentligida bosh direktor (hayʼat raisi), lavozimi boʻyicha uning oʻrinbosarlari, shuningdek “Oʻzdavenergonazorat” agentligining boshqa rahbar xodimlaridan iborat tarkibda 5 kishidan iborat hayʼat tashkil etiladi. Hayʼatning shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi. “Oʻzdavenergonazorat” agentligi hayʼati oʻzining muntazam oʻtkaziladigan majlislarida elektr energetikasida davlat nazoratini takomillashtirish, oʻziga qarashli tashkilotlarga amaliy rahbarlik qilish, qarorlarning bajarilishini tekshirish, kadrlarni tanlash va ulardan foydalanish masalalarini koʻrib chiqadi, oʻziga qarashli tashkilotlar rahbarlarining ular vakolatlariga kiruvchi masalalar boʻyicha hisobotlarini eshitadi. Hayʼatning qarorlari, qoidaga koʻra, “Oʻzdavenergonazorat” agentligining buyruqlari bilan hayotga joriy etiladi. Bosh direktor bilan hayʼat oʻrtasida kelishmovchiliklar kelib chiqqan taqdirda, bosh direktor paydo boʻlgan kelishmovchiliklar toʻgʻrisida Vazirlar Mahkamasiga axborot bergan holda oʻz qarorini hayotga joriy etadi, hayʼat aʼzolari esa, oʻz navbatida, oʻz fikrlarini Vazirlar Mahkamasiga maʼlum qilishlari mumkin”.