LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 31-iyuldagi 603-sonli “O‘zbekiston Respublikasi Qurilish vazirligi, uning tarkibiy bo‘linmalari, shuningdek, Respublika va hududiy arxitektura-shaharsozlik kengashlari to‘g‘risidagi nizomlarni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Kapital qurilishda iqtisodiy islohotlarni yanada chuqurlashtirishning asosiy yo‘nalishlari to‘g‘risida” 2003-yil 6-maydagi PF-3240-son Farmonini bajarish yuzasidan hamda O‘zbekiston Respublikasi Davlat arxitektura va qurilish qo‘mitasi faoliyatini takomillashtirish, kapital qurilishda iqtisodiy islohotlarni yanada chuqurlashtirish masalalarida uning mas’uliyatini oshirish maqsadida Vazirlar Mahkamasi qaror qiladi:
1. Quyidagilar O‘zbekiston Respublikasi Davlat arxitektura va qurilish qo‘mitasining muhim vazifalari hisoblansin:
shaharsozlik va shaharsozlik faoliyati sohasida davlat siyosatini o‘tkazish, loyihalashtirish va qurilish-montaj ishlari sifati, shahar va qishloq aholi yashash punktlarini rejalashtirish va qurishda shaharsozlikka oid qonun hujjatlari, shaharsozlik normalari, qoidalari va standartlariga rioya etilishi ustidan nazoratni amalga oshirish;
kapital qurilishda islohotlarning borishini muvofiqlashtirish va uning monitoringini olib borish, tanlov savdolarini tashkil etish va o‘tkazishning belgilangan tartibiga rioya etilishini nazorat qilish, shartnoma munosabatlarining rolini oshirish, qurilishda narxlarni shakllantirish tizimini takomillashtirish yuzasidan takliflar ishlab chiqish;
loyihalashtirish va pudrat ishlari, qurilish materiallari bozorlarida raqobat muhitini shakllantirish, qurilishning bozor infratuzilmasini yanada rivojlantirishga ko‘maklashish;
kapital qurilishda iqtisodiy islohotlarning borishini aks ettiruvchi ko‘rsatkichlar tizimini ishlab chiqish va joriy etish;
tanlov savdolari natijalariga ko‘ra tuzilgan shartnomalar majburiyatlari bajarilishining monitoringini olib borish, obyektlarni qurish sifati va muddatlarini nazorat qilish.
Keyingi tahrirga qarang.
O‘zbekiston Respublikasi Davlat arxitektura va qurilish qo‘mitasining tashkiliy tuzilmasi hamda xodimlarining cheklangan umumiy soni 96 nafar, shu jumladan boshqaruv xodimlarining soni 85 nafar bo‘lgan markaziy apparati tuzilmasi 1 va 2-ilovalarga muvofiq;
Keyingi tahrirga qarang.
O‘zbekiston Respublikasi Davlat arxitektura va qurilish qo‘mitasi to‘g‘risidagi nizom 4-ilovaga muvofiq tasdiqlansin.
Keyingi tahrirga qarang.
3. O‘zbekiston Respublikasi Davlat arxitektura va qurilish qo‘mitasi raisiga xodimlarning cheklangan soni doirasida raisning uch nafar, shu jumladan bir nafar birinchi o‘rinbosari hamda 9 kishidan iborat hay’at bo‘lishiga ruxsat berilsin.
Keyingi tahrirga qarang.
O‘zbekiston Respublikasi Davlat arxitektura va qurilish qo‘mitasi raisiga xodimlarning cheklangan soni va mehnatga haq to‘lash fondi doirasida Qo‘mita markaziy apparatining tasdiqlangan tuzilmasiga o‘zgartirish kiritish huquqi berilsin.
4. O‘zbekiston Respublikasi Iqtisodiyot vazirligi, Moliya vazirligi hamda Davlat arxitektura va qurilish qo‘mitasining mazkur Qo‘mita tarkibida:
Iqtisodiyot va qurilishni tashkil etish, yangi texnologiyalar ilmiy-tadqiqot instituti negizida Kapital qurilishda iqtisodiy islohotlar va narxlarni shakllantirish markazini tashkil etish;
Pudrat savdolarini (tendyerlarni) tashkil etish respublika boshqarmasi hamda O‘zbekiston Respublikasi Davlat arxitektura va qurilish qo‘mitasi Davlat idoradan tashqari ekspertiza bosh boshqarmasining kapital qurilishda narxlarni shakllantirish mintaqaviy markazlari negizida Qurilishda tanlov savdolari va narxlarni shakllantirish hududiy konsalting markazlari tashkil etish;
Davlat arxitektura-qurilish nazorati bosh boshqarmasining Standartlashtirish va sertifikatlash boshqarmasi negizida xo‘jalik hisobidagi Qurilishda standartlashtirish va sertifikatlash respublika markazini tashkil etish to‘g‘risidagi taklifiga rozilik berilsin.
O‘zbekiston Respublikasi Davlat arxitektura va qurilish qo‘mitasi bir oy muddatda Kapital qurilishda iqtisodiy islohotlar va narxlarni shakllantirish markazi hamda Qurilishda standartlashtirish va sertifikatlash respublika markazining tuzilmasini va Markazlar to‘g‘risidagi nizomlarni tasdiqlasin.
5. Davlat ekspertizasi hududiy boshqarmalari, davlat arxitektura-qurilish nazorati inspeksiyalari, Qurilishda tanlov savdolari va narxlarni shakllantirish hududiy konsalting markazlarining namunaviy tuzilmalari shuningdek ular to‘g‘risidagi namunaviy nizomlar 5, 5a, 5b, 6, 6a, 6b-ilovalarga muvofiq ma’qullansin.
Keyingi tahrirga qarang.
6. Belgilab qo‘yilsinki, O‘zbekiston Respublikasi Davlat arxitektura va qurilish qo‘mitasi faoliyatini joriy moliyalashtirish davlat budjeti mablag‘lari va budjetdan tashqari manbalar, shu jumladan davlat ekspertizasi hududiy boshqarmalari, davlat arxitektura-qurilish nazorati inspeksiyalari hamda Qurilishda tanlov savdolari va narxlarni shakllantirish hududiy konsalting markazlari daromadlaridan 10 foiz ajratmalar hisobiga amalga oshiriladi.
Keyingi tahrirga qarang.
7. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Davlat arxitektura va qurilish qo‘mitasi bilan birgalikda Qurilishda tanlov savdolari va narxlarni shakllantirish hududiy konsalting markazlarini yuklangan vazifalarni bajarish, shu jumladan narxlarni shakllantirish masalalari bo‘yicha kerakli materiallar va axborotlar taqdim etish uchun zarur shart-sharoitlar bilan ta’minlasinlar
Oldingi tahrirga qarang.
(8-band O‘zbekiston Respublikasi Vazirlar Mahkamasining 2005-yil 15-noyabrdagi 251-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2005-y., 46-son, 350-modda)
9. O‘zbekiston Respublikasi Hukumatining 8-ilovaga muvofiq qarorlari o‘z kuchini yo‘qotgan deb hisoblansin.
10. Vazirliklar va idoralar bir oy muddatda idoraviy normativ-huquqiy hujjatlarga mazkur qarordan kelib chiquvchi o‘zgartirish va qo‘shimchalar kiritsinlar.
11. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari K.N. To‘laganov zimmasiga yuklansin.
Keyingi tahrirga qarang.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2006-yil 6-fevraldagi 14-son qarori tahririda — O‘zbekiston Respublikasi Qonun hujjatlari to‘plami, 2006-y., 6-7-son, 33-modda)
Keyingi tahrirga qarang.
O‘zbekiston Respublikasi Prezidentining 2008-yil 10-yanvardagi PQ-771-sonli “O‘zbekiston Respublikasi Davlat arxitektura va qurilish qo‘mitasi markaziy apparati tuzilmasiga o‘zgartishlar kiritish to‘g‘risida”gi Qarori bilan O‘zbekiston Respublikasi Davlat arxitektura va qurilish qo‘mitasi markaziy apparatining yangi tuzilmasi tasdiqlangan.
Keyingi tahrirga qarang.
Keyingi tahrirga qarang.
Keyingi tahrirga qarang.
1. Mazkur Nizom O‘zbekiston Respublikasi Davlat arxitektura va qurilish qo‘mitasi (keyingi o‘rinlarda matnda “Davarxitektqurilish” qo‘mitasi deb yuritiladi)ning maqomi, vazifalari, funksiyalari, vakolatlari va faoliyatining tashkiliy asoslarini belgilaydi.
shaharsozlik va shaharsozlik faoliyati sohasida davlat siyosatini amalga oshiruvchi vakolatli davlat organi hisoblanadi;
o‘z faoliyatini davlat boshqaruvi boshqa organlari va joylardagi davlat hokimiyati organlari bilan o‘zaro hamkorlikda amalga oshiradi;
3. “Davarxitektqurilish” qo‘mitasi o‘z faoliyatida O‘zbekiston Respublikasi Konstitutsiyasiga va O‘zbekiston Respublikasi qonunlariga, Oliy Majlis qarorlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga hamda mazkur Nizomga amal qiladi.
4. “Davarxitektqurilish” qo‘mitasining o‘z vakolatlari doirasida qabul qilgan qarorlari vazirliklar, idoralar, mahalliy hokimiyat va boshqaruv organlari, muassasalar va tashkilotlar, mulkchilik shakllaridan qat’i nazar, xo‘jalik yurituvchi subyektlar va ularning birlashmalari, mansabdor shaxslar va fuqarolar tomonidan bajarilishi majburiy hisoblanadi.
5. “Davarxitektqurilish” qo‘mitasi yuridik shaxs hisoblanadi, O‘zbekiston Respublikasining Davlat gerbi tasviri tushirilgan va o‘z nomi yozilgan muhrga, mustaqil balansga, bankda hisob raqamlariga ega bo‘ladi.
shaharsozlik va shaharsozlik faoliyati sohasida davlat siyosatini amalga oshirish, zamonaviy arxitektura va shaharsozlik talablari texnologiyalarini hisobga olgan holda hududlarni joylashtirish, rejalashtirish va qurishning ilmiy asoslangan sxemalarini ta’minlash;
loyihalashtirish va qurilish-montaj ishlari sifati, shahar va qishloq aholi yashash punktlarini rejalashtirish va qurishda shaharsozlikka oid qonun hujjatlari, shaharsozlik normalari, qoidalari va standartlariga rioya etilishi ustidan nazoratni amalga oshirish;
shaharsozlik faoliyati sohasida yagona ilmiy va texnika siyosatini amalga oshirish, tegishli axborot bazasini yaratish;
kapital qurilishda islohotlarning borishini muvofiqlashtirish va uning monitoringini olib borish, kapital qurilishda iqtisodiy islohotlarning borishini aks ettiruvchi ko‘rsatkichlar tizimini ishlab chiqish va joriy etish, kapital qurilishda islohotlarni chuqurlashtirish bo‘yicha takliflar tayyorlash va Vazirlar Mahkamasiga kiritish;
kapital qurilishni yanada isloh qilish masalalarini tartibga soluvchi normativ-huquqiy hujjatlarni ishlab chiqish va ularning monitoringini olib borish, tanlov savdolarini tashkil etish va o‘tkazishning belgilangan tartibiga rioya etilishini nazorat qilish, shartnoma munosabatlarining rolini oshirish, qurilishda narxlarni shakllantirish tizimini takomillashtirish yuzasidan takliflar ishlab chiqish;
loyihalashtirish va pudrat ishlari, qurilish materiallari bozorlarida raqobat muhitini yanada shakllantirishga ko‘maklashish;
xususiylashtirish jarayonlarini chuqurlashtirishda, xususiy va qo‘shma korxonalar, injiniring, konsalting, sug‘urta tashkilotlari va bozor infratuzilmasining boshqa tashkilotlarini tashkil etishda, shaharsozlik faoliyati sohasida kichik va o‘rta biznesni rivojlantirishda ko‘maklashish;
tanlov savdolari natijalari bo‘yicha tuzilgan shartnomalar majburiyatlari bajarilishi monitoringini olib borish, obyektlar qurilishi sifati va muddatlari ustidan nazorat qilish, markazlashtirilgan manbalar hisobiga moliyalashtirilayotgan obyektlarni qurish sifati va muddatlarini nazorat qilish;
qurilish va qurilish materiallari, buyumlar va konstruksiyalar ishlab chiqarish sohasida standartlashtirish tartibini belgilash va u bo‘yicha ishlarni tashkil etish, loyihalashtirish va konstruksiyalash ham shu jumlaga kiradi;
shaharlar, qishloq aholi yashash punktlari va qishloqlar orasidagi hududlarni rejalashtirish va qurishda shaharsozlik normalari, qoidalari va standartlariga rioya qilinishi, madaniy meros obyektlari saqlab qolinishini hisobga olgan holda ularning arxitektura-rejalashtirilishi va arxitektura-badiiy sifatlarini yaxshilash, arxitektura va shaharsozlikda milliy va madaniy an’analarni rivojlantirish ustidan nazorat qilish.
7. “Davarxitektqurilish” qo‘mitasi o‘ziga yuklangan vazifalarga muvofiq quyidagi funksiyalarni amalga oshiradi:
shaharsozlik va shaharsozlik faoliyati sohasida davlat shaharsozlik normalari va qoidalari, boshqa qonun hujjatlari ishlab chiqilishi va tasdiqlanishini ta’minlaydi, ularga rioya etilishi va ularning qo‘llanishi ustidan monitoringni amalga oshiradi;
o‘z vakolatiga kiruvchi masalalar bo‘yicha respublika maqsadli dasturlari, ijtimoiy-iqtisodiy rivojlantirish prognozlarining shaharsozlik bo‘limlarini ishlab chiqish va amalga oshirishda qatnashadi;
O‘zbekiston Respublikasi hududida aholi joylashishining Bosh sxemasi ishlab chiqilishini, Qoraqalpog‘iston Respublikasi, viloyatlar (viloyatlar guruhlari) hududlarini rejalashtirish sxemalari va umumdavlat ahamiyatiga ega bo‘lgan alohida tartibga solinadigan shaharsozlik obyektlarining shaharsozlik hujjatlari, shuningdek shaharsozlik faoliyati sohasida ilmiy-tadqiqot ishlari ishlab chiqilishi tashkil etilishini ta’minlaydi;
shaharlar, shahar posyolkalarining bosh rejalarini tasdiqlaydi, tasdiqlanishi O‘zbekiston Respublikasi Vazirlar Mahkamasining vakolatiga tegishli bo‘lgan shaharlarning bosh rejalari bundan mustasno, va Toshkent shahrining, viloyat markazlarini va madaniy meros obyekti ahamiyatiga ega bo‘lgan shaharlarning markaziy qismlarini batafsil rejalashtirish loyihalarini tasdiqlaydi;
O‘zbekiston Respublikasi Vazirlar Mahkamasiga umumdavlat ahamiyatiga ega bo‘lgan alohida tartibga solinadigan shaharsozlik faoliyati obyektlari uchun chegaralarni belgilash to‘g‘risida takliflar kiritadi;
davlat shaharsozlik kadastri, shaharsozlik faoliyati obyektlari monitoringi yuritilishini amalga oshiradi, shaharsozlik va tanlov hujjatlarini ekspertizadan o‘tkazadi;
kapital qurilishda iqtisodiy islohotlarning borishi va uning ahvolini, loyihalashtirish va qurilish tashkilotlarini, qurilish industriyasi korxonalarini reyting baholarini aks ettiruvchi ko‘rsatkichlar tizimini joriy etadi;
loyihalash va pudrat tashkilotlari, qurilish industriyasi korxonalari va investitsiya faoliyatining boshqa qatnashchilari to‘g‘risidagi ma’lumotlar bankini, shuningdek qurilish materiallari, konstruksiyalari va buyumlari narxlari, qurilish mashinalari va mexanizmlari qiymati, transport xarajatlari, hududlar, tarmoq vazirliklari va idoralari bo‘yicha quruvchi ishchilar ish haqi to‘g‘risidagi ma’lumotlarning axborot bankini shakllantiradi;
Keyingi tahrirga qarang.
shaharsozlik va shaharsozlik faoliyati sohasida davlat normalari va qoidalari ishlab chiqilishi, ro‘yxatdan o‘tkazilishi, tasdiqlanishi, amalga joriy etilishi va qayta ko‘rib chiqilishi tartibini belgilaydi;
muhandislik izlanishlari sohasida yagona texnika siyosatini amalga oshiradi, kapital qurilish uchun kompleks muhandislik izlanishlarining davlat fondini yaratadi;
turar joy, jamoat binolari va boshqa binolarning ko‘p martalab qo‘llaniladigan yakka tartibdagi, namunaviy va tajriba loyihalarini ishlab chiqadi va tasdiqlaydi;
loyihalashtirish va qurilish-montaj ishlari sifatiga, shaharsozlik va shaharsozlik faoliyatida shaharsozlik normalari, qoidalari va standartlariga rioya etilishi ustidan davlat arxitektura-qurilish nazoratini amalga oshiradi, qurilish obyektlari ro‘yxatdan o‘tkazadi va qurilish-montaj ishlarini boshlashga ruxsatnomalar beradi;
Keyingi tahrirga qarang.
shaharsozlik va shaharsozlik faoliyati sohasida qoida buzilishlari uchun qonun hujjatlarida nazarda tutilgan moliyaviy va boshqa jazolarni belgilangan tartibda qo‘llaydi, qonun hujjatlarida nazarda tutilgan hollarda materiallarni yo‘l qo‘yilgan qoida buzishlarda aybdor bo‘lgan yuridik va mansabdor shaxslarni javobgarlikka tortish uchun huquqni muhofaza qilish organlariga beradi;
Keyingi tahrirga qarang.
kapital qurilishda davlat xaridlari tizimini takomillashtirish ishlarini va tanlov savdolari monitoringini, shartnoma munosabatlarini mustahkamlash, shartnoma majburiyatlari bajarilishi ta’minlanishi uchun javobgarlikning turli shakllarini joriy etish bo‘yicha ishlarni tashkil etadi;
qurilish qiymatini aniqlash metodlarini ishlab chiqadi, moddiy-texnika resurslari sarfining smeta-normativ bazasini va normativ ko‘rsatkichlarini ishlab chiqish va takomillashtirishni tashkil etadi;
kapital qurilishda shartnomaviy joriy narxlar va tariflarni shakllantirish bo‘yicha metodologik ko‘rsatmalar va tavsiyalarni ishlab chiqadi;
manfaatdor vazirliklar, idoralar, mahalliy davlat hokimiyati va boshqaruvi organlari bilan birgalikda shaharsozlik va shaharsozlik faoliyatida tarkibiy, ilmiy-texnik va iqtisodiy siyosatining asosiy yo‘nalishlarini belgilaydi;
tarmoqni rivojlantirishning yagona ilmiy-texnik konsepsiyasi o‘tkazilishini ta’minlaydi va maqsadli ilmiy-texnik dasturlarni amalga oshiradi;
qurilishning texnik darajasi va industriyalashtirilishini oshirish, kompleks mexanizatsiyalash va avtomatlashtirish, resurslarni tejash, materiallar va mehnat sarfini kamaytirish, qurilish materiallarini loyihalashtirish va ishlab chiqarish, kapital qurilishda ishlarning sifatini yaxshilash ishlarini tashkil etishda qatnashadi;
shaharsozlik faoliyati, investitsiya jarayonini boshqarish, shaharsozlik hujjatlarini ishlab chiqish, pudrat ishlari va qurilish materiallari bozorini takomillashtirish, yangi texnikani va qurilish-montaj ishlari texnologiyalarini qo‘llash masalalari bo‘yicha xorijiy mamlakatlar va tashkilotlar bilan xalqaro ilmiy-texnik va iqtisodiy hamkorlikni amalga oshiradi va ularda qatnashadi, mamlakatimiz korxonalari va tashkilotlariga xorijiy sheriklar bilan to‘g‘ridan to‘g‘ri aloqalar o‘rnatishda ko‘maklashadi;
o‘z vakolatlari doirasida shaharsozlik va shaharsozlik faoliyati sohasida mutaxassislar tayyorlash va ularni qayta tayyorlashni tashkil etadi;
Oldingi tahrirga qarang.
qurilish sohasida faoliyatning ayrim turlarini litsenziyalaydi, shuningdek Vazirlar Mahkamasining qurilish sohasida litsenziyalash komissiyasining ishchi organi funksiyasini bajaradi, uning qarorlariga ko‘ra litsenziyalarni rasmiylashtiradi, litsenziya bitimlari tuzadi, litsenziyalar reyestrini yuritadi, litsenziatlar tomonidan litsenziya talablari va shartlariga rioya etilishi ustidan nazoratni amalga oshiradi, litsenziyalarning amal qilishini o‘n ish kunidan ortiq bo‘lmagan muddatga to‘xtatib turadi hamda litsenziyalarning amal qilishini tiklaydi.
(7-bandning yigirma uchinchi xatboshisi O‘zbekiston Respublikasi Vazirlar Mahkamasining 2006-yil 22-maydagi 92-son qarori tahririda — O‘zbekiston Respublikasi Qonun hujjatlari to‘plami, 2006-y., 20-21-son, 181-modda)
qurilish materiallari, buyumlar va konstruksiyalarni standartlashtirish va sertifikatlashni amalga oshiradi;
har yili 1-fevralgacha Vazirlar Mahkamasiga kapital qurilishda iqtisodiy islohotlarning borishi hamda qurilish mahsulotlari qiymatiga ta’sir qiluvchi narx shakllantiruvchi omillarning holati to‘g‘risidagi tahliliy ma’lumotnomalarni taqdim etadi, unda markazlashtirilgan manbalar hisobiga moliyalashtirilayotgan obyektlar qurilishiga xarajatlar moddalar bo‘yicha ko‘rsatiladi;
8. “Davarxitektqurilish” qo‘mitasiga o‘ziga yuklangan funksiyalarni amalga oshirishi uchun quyidagi huquqlar beriladi:
o‘z vakolatlari doirasida shaharsozlik va shaharsozlik faoliyati sohasida kapital qurilishdagi iqtisodiy islohotlarni yanada chuqurlashtirish masalalari ishlab chiqilishini muvofiqlashtirish;
o‘z vakolatiga kiruvchi masalalarni hal etish uchun zarur bo‘lgan materiallarni vazirliklar, idoralar, xo‘jalik birlashmalari, mahalliy hokimiyat va boshqaruv organlari, korxonalar va tashkilotlardan so‘rash va belgilangan tartibda olish;
o‘z vakolatiga kiruvchi masalalar bo‘yicha normativ-huquqiy va metodologik hujjatlarni ishlab chiqish va belgilangan tartibda tasdiqlash;
o‘z vakolatiga kiruvchi masalalar yuzasidan Vazirlar Mahkamasining topshirig‘iga ko‘ra xalqaro darajada O‘zbekiston Respublikasi manfaatlarini ifodalash, o‘z vakolatiga kiruvchi masalalar bo‘yicha xorijiy davlatlar bilan bitimlar tayyorlash va tuzishda, xalqaro va hukumatlararo tashkilotlar (komissiyalar) ishida qatnashish;
shaharsozlik va shaharsozlik faoliyati sohasida eng muhim muammolarni ishlab chiqish va ko‘rib chiqish bo‘yicha idoralararo komissiyalar va kengashlar tashkil etish;
ilmiy-tadqiqot, texnologiya, loyiha-konstruktorlik tashkilotlarini, oliy o‘quv yurtlari va boshqa muassasalar mutaxassislarini, shuningdek alohida olimlarni materiallarni ishlab chiqishga jalb etish;
shaharsozlik faoliyati sohasidagi eng yaxshi ilmiy-texnik ishlanmalarni hamda hududlarni rejalashtirish va qurish loyihalarini tanlash uchun tanlovlar e’lon qilish va tanlov komissiyalari tashkil etish;
loyihalashtirish va qurishning sifati hamda texnik darajasini, ishlab chiqarilayotgan qurilish materiallari, buyumlar va konstruksiyalarni standartlashtirish va sertifikatlash ishlari tashkil etilishini belgilangan tartibda nazorat qilish; nazorat natijalari bo‘yicha tegishli qarorlar qabul qilish;
tanlov hujjatlarining sifati va tarkibini, markazlashtirilgan manbalar hisobiga moliyalashtiriladigan kapital qurilishda tovarlar (ishlar, xizmatlar)ni xarid qilish bo‘yicha tanlov savdolarini tashkil etish va o‘tkazishning belgilangan tartib-qoidalariga rioya etilishini tekshirish;
moliyalashtirishning markazlashtirilgan manbalari hisobiga amalga oshirilayotgan qurilishda tanlov savdolari natijalari to‘g‘risida buyurtmachilarning hisobotlarini kelishish;
moliyalashtirishning markazlashtirilgan manbalari hisobiga amalga oshirilayotgan qurilish obyektlari bo‘yicha tanlov savdolari va tuzilgan shartnomalar shartlarining buyurtmachilar va pudratchilar tomonidan bajarilishi monitoringini o‘tkazish;
tasdiqlangan loyiha hamda qurilish normalari va qoidalari buzilgan holda amalga oshirilayotgan obyektlar qurilishini to‘xtatib qo‘yish;
Keyingi tahrirga qarang.
materiallarni obyektlarni foydalanishga qabul qilib olish qoidalarini buzish hollari bo‘yicha — huquqni muhofaza qilish organlariga hamda obyektlarni (yakka tartibdagi uy-joy qurilishidan tashqari) qurilish normalari va qoidalari buzilgan holda foydalanishga topshirish hollari bo‘yicha statistika organlariga statistika hisobotidan chiqarish uchun — berish;
vazirliklar, idoralar hamda davlat va xo‘jalik boshqaruvi boshqa organlarining, shuningdek ular tasarrufidagi tashkilotlarning shaharsozlik va shaharsozlik faoliyati masalalari bo‘yicha qonun hujjatlariga zid bo‘lgan normativ-huquqiy hujjatlarining amal qilishini to‘xtatib turish yoki bekor qilish to‘g‘risida takliflar kiritish;
shaharsozlik va shaharsozlik faoliyati masalalari bo‘yicha normativ-huquqiy hujjatlarni mustaqil ravishda yoki boshqa vazirliklar va idoralar bilan birgalikda ishlab chiqish hamda belgilangan tartibda tasdiqlash.
shaharsozlik va shaharsozlik faoliyati sohasida davlat siyosatini amalga oshirish, zamonaviy arxitektura va shaharsozlik talablari texnologiyalarini hisobga olgan holda hududlarni joylashtirish, rejalashtirish va qurishning ilmiy asoslangan sxemalarini ta’minlash;
shaharlar, qishloq aholi yashash punktlari va qishloqlar orasidagi hududlarni rejalashtirish va qurishda loyihalashtirish, qurilish-montaj ishlari sifatiga, shaharsozlik normalari, qoidalari va standartlariga rioya qilinishini hisobga olgan holda ularning arxitektura-rejalashtirilishi va arxitektura-badiiy sifatlarini yaxshilash, arxitektura shaharsozlikda milliy an’analarni rivojlantirish ustidan nazorat qilish;
loyihalashtirish ishlarini takomillashtirish, loyihalashtirish va qurilish ishlari sifatini oshirish, qurilishda normativ bazani yangilash;
kapital qurilishni yanada iqtisodiy isloh qilish masalalarini tartibga soluvchi normativ-huquqiy hujjatlarni ishlab chiqish va ularning monitoringini olib borish, narxlarni shakllantirish, pudrat ishlari va qurilish materiallari bozorini rivojlantirish metodlarini takomillashtirish;
moddiy-texnika resurslarini sarflashning smeta-normativ bazasini va normativ ko‘rsatkichlarini ishlab chiqish va takomillashtirish;
tanlov savdolarini tashkil etish va o‘tkazish tartibiga rioya qilish, tanlov savdolari natijalari bo‘yicha tuzilgan shartnoma majburiyatlarining buyurtmachilar va pudratchilar tomonidan bajarilishi monitoringini olib borish, obyektlarni qurish sifati va muddatlarini nazorat qilish.
Keyingi tahrirga qarang.
10. “Davarxitektqurilish” qo‘mitasiga belgilangan tartibda lavozimga tayinlanadigan va lavozimdan ozod etiladigan rais boshchilik qiladi.
“Davarxitektqurilish” qo‘mitasi raisining O‘zbekiston Respublikasi Vazirlar Mahkamasi tomonidan tayinlanadigan uch nafar o‘rinbosari, shu jumladan bir nafar birinchi o‘rinbosari bo‘ladi.
“Davarxitektqurilish” qo‘mitasi faoliyatiga rahbarlik qiladi va “Davarxitektqurilish” qo‘mitasiga yuklangan vazifalar va funksiyalarning bajarilishi uchun shaxsan javob beradi;
tegishli organlarda, shuningdek xalqaro tashkilotlarda “Davarxitektqurilish” qo‘mitasi nomidan vakillik qiladi;
Qo‘mitaga qarashli tashkilotlarning ustavlari (nizomlari)ni belgilangan tartibda tasdiqlaydi, ularning rahbarlarini lavozimga tayinlaydi va lavozimdan ozod qiladi, Qo‘mitaga qarashli tashkilotlar rahbarlari bilan qonun hujjatlariga muvofiq shartnomalar tuzadi, ularni o‘zgartiradi va bekor qiladi;
Keyingi tahrirga qarang.
12. “Davarxitektqurilish” qo‘mitasida tarkibiga rais (hay’at raisi) va rais o‘rinbosarlari, shuningdek “Davarxitektqurilish” qo‘mitasi va uning tarkibiy bo‘linmalarining boshqa xodimlari kiruvchi 9 kishidan iborat hay’at tuziladi.
“Davarxitektqurilish” qo‘mitasi hay’ati a’zolari O‘zbekiston Respublikasi Vazirlar Mahkamasi tomonidan tasdiqlanadi.
13. “Davarxitektqurilish” qo‘mitasi hay’ati o‘z majlislarida shaharsozlik va shaharsozlik faoliyati sohasida yagona siyosatni o‘tkazish, shaharsozlik darajasini oshirish, qurilishda ilmiy-texnika taraqqiyotini jadallashtirish va iqtisodiy islohotlarni chuqurlashtirish masalalarini hamda “Davarxitektqurilish” qo‘mitasi faoliyatiga taalluqli boshqa masalalarni ko‘rib chiqadi, “Davarxitektqurilish” qo‘mitasi tashkilotlariga amaliy rahbarlik qilish masalalarini, shuningdek qarorlar, buyruqlar, qoidalar, yo‘riqnomalar va boshqa normativ hujjatlar loyihalarini muhokama qiladi.
Keyingi tahrirga qarang.
14. “Davarxitektqurilish” qo‘mitasi huzurida shaharsozlik va kapital qurilishda ilmiy-texnika taraqqiyoti muammolarini maqbul tarzda hal etish yo‘llarini ko‘rib chiqish va izlash uchun ilmiy-texnika kengashi tuziladi. Ilmiy-texnika kengashiga Qo‘mita raisi boshchilik qiladi. Kengashning shaxsiy tarkibi va uning to‘g‘risidagi Nizom Qo‘mita raisi tomonidan tasdiqlanadi. Vazirliklar, idoralar, xo‘jalik birlashmalari va boshqa tashkilotlar mutaxassislari Ilmiy-texnika kengashida ishlashga jamoatchilik asosida jalb qilinishi mumkin.
15. Boshqarmalar va bo‘limlar “Davarxitektqurilish” qo‘mitasi markaziy apparatining asosiy tarkibiy bo‘linmalari hisoblanadi.
“Davarxitektqurilish” qo‘mitasi boshqarmalari va bo‘limlari boshliqlari “Davarxitektqurilish” qo‘mitasi raisining buyrug‘i bilan lavozimga tayinlanadi va lavozimdan ozod etiladi.
Keyingi tahrirga qarang.
17. Qoraqalpog‘iston Respublikasi arxitektura va qurilish davlat qo‘mitasi, viloyatlar va Toshkent shahar arxitektura va qurilish bosh boshqarmalari rahbarlarini lavozimga tayinlash va lavozimdan ozod etish to‘g‘risidagi qaror tegishli ravishda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining taqdimnomasi bo‘yicha O‘zbekiston Respublikasi Davlat arxitektura va qurilish qo‘mitasi raisi tomonidan qabul qilinadi.
Boshqa tarkibiy bo‘linmalar rahbarlarini lavozimga tayinlash va lavozimdan ozod etish to‘g‘risidagi qarorni O‘zbekiston Respublikasi Davlat arxitektura va qurilish qo‘mitasi raisi qabul qiladi.
Keyingi tahrirga qarang.
18. “Davarxitektqurilish” qo‘mitasi markaziy apparati tuzilmasi va xodimlari soni, Qoraqalpog‘iston Respublikasi arxitektura va qurilish qo‘mitasi hamda viloyatlar va Toshkent shahar arxitektura va qurilish bosh boshqarmalari tuzilmasi va xodimlari soni O‘zbekiston Respublikasi Vazirlar Mahkamasi tomonidan tasdiqlanadi.
19. “Davarxitektqurilish” qo‘mitasi markaziy apparati, Qoraqalpog‘iston Respublikasi arxitektura va qurilish qo‘mitasi hamda viloyatlar va Toshkent shahar arxitektura va qurilish bosh boshqarmalari ta’minoti xarajatlarini mablag‘ bilan ta’minlash davlat budjeti mablag‘lari hamda budjetdan tashqari mablag‘lar hisobiga amalga oshiriladi.
20. “Davarxitektqurilish” qo‘mitasi markaziy apparatining shtat jadvali, shuningdek uning tarkibiy bo‘linmalari to‘g‘risidagi nizomlar hamda ularning shtat jadvali moliya organlarida ro‘yxatdan o‘tkazilgandan keyin, “Davarxitektqurilish” qo‘mitasi raisi tomonidan tasdiqlanadi.
21. “Davarxitektqurilish” qo‘mitasi xodimlarini moddiy rag‘batlantirish qonun hujjatlariga muvofiq amalga oshiriladi.
“Davarxitektqurilish” qo‘mitasida Rivojlantirish va moddiy rag‘batlantirish jamg‘armasi tashkil etiladi. Jamg‘arma mablag‘lari kapital qurilishda qonunbuzishlar uchun jazo jarimalari qo‘llashdan O‘zbekiston Respublikasi Davlat arxitektura va qurilish qo‘mitasi tasarrufiga tushgan mablag‘larning bir qismini ajratish hisobiga va qonun hujjatlarida taqiqlanmagan boshqa manbalar hisobiga belgilangan tartibda shakllantiriladi.
Rivojlantirish va moddiy rag‘batlantirish jamg‘armasi to‘g‘risidagi nizom Moliya vazirligi bilan kelishgan holda “Davarxitektqurilish” qo‘mitasi hay’atining qarori bilan tasdiqlanadi.
22. “Davarxitektqurilish” qo‘mitasi qonun hujjatlariga muvofiq jurnallar, gazetalar ta’sis etadi va nashr qiladi hamda radio va televideniyeda mavzuli dasturlar shakllantirilishini ta’minlaydi.
23. “Davarxitektqurilish” qo‘mitasini qayta tashkil etish va tugatish qonun hujjatlarida belgilangan tartibda amalga oshiriladi.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
1. Ushbu Nizom O‘zbekiston Respublikasi Shaharsozlik kodeksining 24-moddasiga muvofiq ishlab chiqilgan hamda Qoraqalpog‘iston Respublikasi, viloyatlar va Toshkent shahridagi Davlat ekspertizasi hududiy boshqarmasining (keyingi o‘rinlarda Boshqarma deb ataladi) vazifalari, funksiyalari, huquqlari va javobgarligini belgilaydi.
2. Boshqarma O‘zbekiston Respublikasi Davlat arxitektura va qurilish qo‘mitasining (keyingi o‘rinlarda “Davarxitektqurilish” qo‘mitasi deb ataladi) tarkibiy bo‘linmasi hisoblanadi.
3. Boshqarma o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, Oliy Majlis qarorlariga va boshqa qarorlariga, O‘zbekiston Respublikasi Prezidentining farmonlari va farmoyishlariga, Vazirlar Mahkamasining qarorlari va farmoyishlariga, boshqa normativ-huquqiy hujjatlarga, O‘zbekiston Respublikasi “Davarxitektqurilish” qo‘mitasining buyruqlari, farmoyishlari va topshiriqlariga hamda mazkur Nizomga amal qiladi.
4. Boshqarma davlat mulki shaklidagi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhrga ega bo‘ladi.
markazlashtirilgan manbalar hisobiga amalga oshiriladigan shaharsozlik hujjatlarining, shuningdek yuridik va jismoniy shaxslarning o‘z mablag‘lari va jalb etilgan mablag‘lari hisobiga obyektlar qurilishi texnik-iqtisodiy asoslarini va texnik-iqtisodiy hisoblarining mustahkamlikka, yong‘in va portlash xavfsizligi hamda shaharsozlik, ijtimoiy, sanitariya-gigiyena talablariga rioya etilishi, yoqilg‘i-energetika, xomashyo va tabiiy resurslardan oqilona foydalanilishi, loyiha yechimlarining amaldagi normativlar va standartlarga muvofiqligi yuzasidan belgilangan tartibda davlat ekspertizasi tashkil etilishi va o‘tkazilishini ta’minlash;
loyihalashtirish ishlarini, qurilish ishlab chiqarishini takomillashtirish, loyihalashtirish va qurilish sohasidagi ilg‘or tajribani o‘rganish va ommalashtirish;
buyurtmachilar, shaharsozlik hujjatlarini ishlab chiquvchilar va boshqa tashkilotlar o‘rtasidagi shaharsozlik hujjatlariga oid kelishmovchiliklarni ko‘rib chiqish.
mulkchilik shakllaridan va moliyalashtirish manbalaridan qat’i nazar, texnik-iqtisodiy asoslarni va texnik-iqtisodiy hisoblarni, korxonalar, binolar, inshootlar, muhandislik tarmoqlari va yo‘l qurilishi obyektlarini qurish, kengaytirish va rekonstruksiya qilishga doir loyihalashtirish hujjatlarini, qishloq aholi yashash joylari va shahar tipidagi aholi yashash joylarining loyihalashtirish-rejalashtirish hujjatlarini belgilangan tartibda davlat ekspertizasidan o‘tkazadi;
keyinchalik loyihalashtirish va qurishda ekspert bo‘linmasining takliflari amalga oshirilishini tanlab nazorat qiladi;
ekspertiza va tanlab nazorat qilish natijalarini umumlashtiradi, ular to‘g‘risida “Davarxitektqurilish” qo‘mitasining Shaharsozlik hujjatlarini ekspertizadan o‘tkazish boshqarmasini, buyurtmachi va loyihalashtirish tashkilotlarining barcha manfaatdor xizmatlarini xabardor qiladi, shaharsozlik hujjatlarini va ekspertizani takomillashtirish to‘g‘risida belgilangan tartibda takliflar kiritadi;
faoliyati litsenziyalanadigan tashkilotlar, boshqa yuridik shaxslar tomonidan ishlab chiqilgan shaharsozlik hujjatlarining sifati to‘g‘risida xulosalar beradi;
zarur hollarda O‘zbekiston Respublikasi “Davarxitektqurilish” qo‘mitasining Shaharsozlik hujjatlarini ekspertizadan o‘tkazish boshqarmasiga ishlab chiqilgan shaharsozlik hujjatlarining sifati pastligida aybdor bo‘lgan yuridik va jismoniy shaxslarga nisbatan sanksiyalar qo‘llash to‘g‘risida, shu jumladan ularni shaharsozlik hujjatlarini ishlab chiqish huquqini beruvchi litsenziyadan mahrum qilish to‘g‘risida ham takliflar kiritadi;
buyurtmachilarga (investorlarga) shaharsozlik hujjatlarini ishlab chiqishda (qayta ishlab chiqishda), ularni ekspertizadan o‘tkazishda hamda investitsiya faoliyatining texnik va iqtisodiy masalalari bo‘yicha maslahatlar berishda shartnoma asosida xizmatlar ko‘rsatadi.
ekspertiza va maslahatlar o‘tkazish uchun manfaatdor tashkilotlarni, davlat muassasalari va korxonalarini, oliy o‘quv yurtlarini, shuningdek ayrim olimlar va mutaxassislarni jalb etish;
zarur hollarda oqilona loyiha yechimlarini tanlab olish uchun murakkab texnologiya jarayonlariga yoki qurilish konstruksiyalariga ega bo‘lgan korxonalar, binolar va inshootlar qurilishi loyihalarining (yoki ularning bir qismining) qo‘shimcha variantlarini ishlab chiqish to‘g‘risida takliflar kiritish;
loyihalashtirish tashkilotlarida va boshqa tashkilotlarda shaharsozlik hujjatlarini ishlab chiqish bo‘yicha qurilish normalari va qoidalariga, yo‘riqnomalarga va ko‘rsatmalarga rioya qilinishi monitoringini olib borish;
zarur hollarda, ishlab chiqilgan shaharsozlik hujjatlarining sifati pastligida aybdor bo‘lgan yuridik va jismoniy shaxslarga nisbatan sanksiyalar qo‘llash to‘g‘risida, shu jumladan ularni shaharsozlik hujjatlarini ishlab chiqish huquqini beruvchi litsenziyadan mahrum qilish to‘g‘risida ham takliflar kiritish.
8. Boshqarma xodimlari O‘zbekiston Respublikasi qonun hujjatlarida belgilangan tartibda javob beradilar.
O‘zbekiston Respublikasining normativ-huquqiy hujjatlari hamda mazkur Nizom qoidalari va talablariga rioya etilmaganligi;
shaharsozlik hujjatlarining ekspertizadan sifatsiz o‘tkazilganligi sababli yetkazilgan zarar uchun davlat va buyurtmachi oldida;
noqonuniy xatti-harakatlar (harakatsizlik) oqibatida korxonalar, muassasalar, tashkilotlar va fuqarolarga moddiy va ma’naviy zarar yetkazilganligi;
O‘zbekiston Respublikasining qonun hujjatlari va normalariga muvofiq bo‘lmagan qarorlar qabul qilinganligi;
9. Boshqarmaga O‘zbekiston Respublikasi Davlat arxitektura va qurilish qo‘mitasi to‘g‘risidagi nizomga muvofiq “Davarxitektqurilish” qo‘mitasi raisining buyrug‘i bilan lavozimga tayinlanadigan va lavozimdan ozod qilinadigan boshliq rahbarlik qiladi.
Boshqarma nomidan ishonchnomasiz ish ko‘radi, tashkilotlar, muassasalar va korxonalarda uning manfaatlarini ifodalaydi, belgilangan tartibda Boshqarma mablag‘lari va mol-mulkini tasarruf etadi, shartnomalar, shu jumladan mehnat shartnomalari tuzadi, banklarda hisob raqamlari va boshqa hisob raqamlari ochadi, o‘ziga yuklangan vazifalar va funksiyalarning bajarilishi uchun shaxsan javob beradi;
11. Boshqarma to‘liq xo‘jalik hisobida va o‘zini-o‘zi mablag‘ bilan ta’minlash asosida faoliyat ko‘rsatadi.
12. Boshqarma har oyda O‘zbekiston Respublikasi “Davarxitektqurilish” qo‘mitasi hisob raqamiga o‘z daromadlarining 10 foizi miqdorida mablag‘ o‘tkazadi.
13. Boshqarmani qayta tashkil etish va tugatish qonun hujjatlarida belgilangan tartibda amalga oshiriladi.
Keyingi tahrirga qarang.
1. Ushbu Nizom O‘zbekiston Respublikasi Shaharsozlik kodeksining 25-moddasiga muvofiq ishlab chiqilgan hamda O‘zbekiston Respublikasi Davlat arxitektura va qurilish qo‘mitasining (keyingi o‘rinlarda “Davarxitektqurilish” qo‘mitasi deb ataladi) davlat arxitektura-qurilish nazorati hududiy inspeksiyasining (keyingi o‘rinlarda Inspeksiya deb ataladi) maqomi, vazifalari, funksiyalari, vakolatlari va javobgarligini belgilaydi.
2. Inspeksiya o‘z faoliyatida O‘zbekiston Respublikasi Konstitutsiyasiga va qonunlariga, Oliy Majlis qarorlariga, O‘zbekiston Respublikasi Prezidentining farmonlari va farmoyishlariga, Vazirlar Mahkamasining qarorlari va farmoyishlariga, O‘zbekiston Respublikasi “Davarxitektqurilish” qo‘mitasining buyruqlari va farmoyishlariga, boshqa normativ-huquqiy hujjatlarga hamda mazkur Nizomga amal qiladi.
3. Inspeksiya O‘zbekiston Respublikasi “Davarxitektqurilish” qo‘mitasi tizimiga kiradi, qonun hujjatlarida belgilangan o‘z vakolatlari doirasida O‘zbekiston Respublikasi hududida davlat standartlariga, shaharsozlik normalari va qoidalariga rioya etilishini nazorat qiladi.
4. Inspeksiya davlat mulki shaklidagi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi o‘zbek va rus tillarida yozilgan muhrga, mustaqil balansga, banklarda hisob raqamlariga ega bo‘ladi.
yuridik va jismoniy shaxslar tomonidan shaharsozlik to‘g‘risidagi qonun hujjatlari, belgilangan shaharsozlik normalari va qoidalari talablariga rioya etilishi ustidan nazoratni amalga oshirish;
obyektlar qurilishini moliyalashtirish manbalaridan qat’i nazar, qurilishning barcha bosqichlarida loyihalashtirish va qurilish-montaj ishlari sifatiga, davlat standartlariga, qurilish normalari va qoidalariga, ishlarni amalga oshirish texnologiyasiga rioya etilishi ustidan nazoratni amalga oshirish;
moliyalashtirish manbalaridan va buyurtmachining mulkchilik shakllaridan qat’i nazar, yakka tartibdagi uy-joy qurilishidan tashqari, barcha qurilish obyektlarini ro‘yxatdan o‘tkazish va hisobga olish, qurilish-montaj ishlarini boshlashga ruxsatnomalar berish;
bajarilayotgan qurilish-montaj ishlarining, qo‘llanayotgan qurilish materiallari, buyumlari va konstruksiyalarining davlat standartlari talablariga va texnik shartlarga muvofiqligi ustidan nazoratni amalga oshirish;
qurilish industriyasi korxonalarida qurilish materiallari, konstruksiyalari, buyumlarini ishlab chiqarish shart-sharoitlarining davlat standartlariga, normativ-texnik va loyiha hujjatlariga muvofiqligini nazorat qilish;
qurilishi tugallangan obyektlarni foydalanishga qabul qilish bo‘yicha komissiyalar ishlarida majburiy ravishda qatnashish;
ish hujjatlarini ishlab chiqish, obyektlarni qurish va qurilish materiallari, konstruksiyalari va buyumlarini ishlab chiqarish sifati ustidan nazoratni tashkil etish va amalga oshirish masalalari bo‘yicha normativ-metodik hujjatlarni ishlab chiqishda qatnashish;
qurilishda standartlashtirish va qurilish materiallari, buyumlari va konstruksiyalarini sertifikatlash bo‘yicha ishlarni amalga oshirish.
a) kapital qurilish obyektlarini ro‘yxatdan o‘tkazadi (yakka tartibdagi uy-joy qurilishi obyektlari bundan mustasno) va qurilish-montaj ishlarini boshlashga ruxsatnoma beradi;
yer uchastkalari ajratishning aholi yashash punktlarini qurishning bosh rejasi qoidalariga muvofiqligini;
boshlang‘ich — ruxsat berish hujjatlari mavjudligini nazorat qiladi va bosh rejalarga rioya etilishini nazorat qilishda aniqlangan o‘zboshimchalik bilan amalga oshirilayotgan qurilishni to‘xtatib qo‘yadi, bosh rejalarning aniqlangan buzilishlarini tahlil qiladi, tendensiyalarni hududlar bo‘yicha umumlashtiradi hamda hududiy arxitektura va qurilish bosh boshqarmasiga, hokimlikka va “Davarxitektqurilish” qo‘mitasiga tahliliy axborot va bosh rejalar buzilishini bartaraf etish yuzasidan takliflar taqdim etadi;
loyihalash va pudrat tashkilotlarida — ishlar va xizmatlarni bajaruvchilarda loyihalash va qurilish faoliyatining qonun hujjatlarida nazarda tutilgan litsenziyalanadigan turlarini amalga oshirish huquqiga litsenziyalarning mavjudligini;
bajarilayotgan qurilish-montaj ishlarining sifatli va qurilish normalari va qoidalariga, normativ-texnik va loyiha hujjatlariga muvofiqligini, shuningdek pudrat tashkiloti tomonidan ijro hujjatlari yuritilishini;
umumiy foydalaniladigan avtomobil yo‘llari, tegishli yo‘l infratuzilmasi qurilishi va ta’mirlanishini;
normativ-texnik va loyiha hujjatlarida nazar tutilgan sinovlar, suratga olishlar va o‘lchashlar o‘tkazilishini;
qo‘llanayotgan qurilish materiallari, buyumlari va konstruksiyalarining davlat standartlariga, normalar va texnik shartlarga muvofiqligini;
qurilish industriyasi korxonalarida qurilish materiallari, buyumlari va konstruksiyalari ishlab chiqarish sharoitlarining davlat standartlari, normalariga va texnik shartlarga muvofiqligini nazorat qiladi;
v) texnika komissiyalarining binolar, inshootlar, ularning qismlari va konstruktiv elementlarining avariya holatlarini va avariyalari sabablarini tekshirish bo‘yicha ishlarida qatnashadi;
g) shartnoma asosida mavjud binolar va inshootlarning texnik ahvolini ularni tiklash yoki rekonstruksiya qilish maqsadida tekshiradi va xulosalar beradi;
d) zarur hollarda bajarilgan qurilish-montaj ishlari hajmlarining nazorat o‘lchovini amalga oshirishda qatnashadi;
e) qurilish mahsulotlarining sifatini ta’minlash, qonun hujjatlariga rioya qilish masalalari bo‘yicha davlat nazoratining boshqa vakolatli organlari, ilmiy-tadqiqot, loyihalashtirish va jamoat tashkilotlari bilan o‘zaro hamkorlik qiladi;
j) qonun hujjatlariga muvofiq, O‘zbekiston Respublikasi “Davarxitektqurilish” qo‘mitasiga davlat standartlari, qurilish normalari va qoidalari talablarining buzilishiga yo‘l qo‘yayotgan tashkilotlar va korxonalarning muhandislik-texnik qidiruvlarni o‘tkazish, loyihalashtirish va qurilish faoliyatini amalga oshirishga berilgan litsenziyalarining amal qilishini to‘xtatib turish to‘g‘risida takliflar kiritadi;
z) qonun hujjatlariga muvofiq qurilish sohasidagi qonun buzilishlari uchun jarima sanksiyalari belgilash to‘g‘risida qaror qabul qiladi;
i) o‘tkazilgan nazorat natijalarini umumlashtiradi va tahlil qiladi, qurilish sifatini yaxshilash bo‘yicha normativ talablarni, metodik va yo‘riqnoma hujjatlarni takomillashtirishga doir takliflarni ishlab chiqadi;
k) qurilishda standartlash va qurilish materiallari, buyumlari va konstruksiyalarini sertifikatlash ishlarini olib boradi.
binolar va inshootlarning seysmik barqarorligini ta’minlash tadbirlarining bajarilishi, ro‘yxatdan o‘tkazilgan qurilish obyektlarini arxitektura jihatidan jihozlash normalariga, qoidalar va standartlar, texnik shartlarga rioya etilishi;
loyihalashtirish va qurilish-montaj ishlarining, ishlab chiqarilayotgan qurilish materiallari, buyumlari va konstruksiyalarining sifatini yaxshilash masalalarini tartibga soluvchi normativ talablar, metodik va yo‘riqnoma hujjatlar ishlab chiqilishi va takomillashtirilishi;
qo‘llanayotgan qurilish materiallari, buyumlari va konstruksiyalarining davlat standartlariga, normalar va texnik shartlarga muvofiqligi ustidan zarur nazorat ta’minlanishi;
qurilish industriyasi korxonalarida qurilish materiallari, buyumlari va konstruksiyalari ishlab chiqarish sharoitlarining davlat standartlari, normalariga va texnik shartlarga muvofiqligi uchun javob beradi.
8. Markazlashtirilgan manbalar hisobiga amalga oshirilgan, qurilishi tugallangan obyektlarni foydalanishga qabul qilib olishda Inspeksiya vakili, agar qonun hujjatlarida boshqacha qoida nazarda tutilmagan bo‘lsa, Davlat qabul komissiyasi raisining o‘rinbosari etib tayinlanadi.
9. Markazlashtirilgan manbalar hisobiga obyektlarni qurishda uni ro‘yxatdan o‘tkazgan Inspeksiya har oyda buyurtmachiga bajarilgan ishlarning shaharsozlik normalari, qoidalariga, standartlarga va texnik shartlarga muvofiqligi to‘g‘risida xulosa beradi.
10. Inspeksiya muntazam asosda “Davarxitektqurilish” qo‘mitasining Loyihalashtirish va qurilish-montaj ishlari sifati ustidan davlat nazorati bosh boshqarmasiga belgilangan shakllar bo‘yicha axborot va zarur materiallar taqdim etadi.
yuklangan vazifalarni bajarish maqsadida tashkilotlarda, qurilish obyektlarida hamda qurilish materiallari, buyumlari va konstruksiyalari ishlab chiqaruvchi korxonalarda bo‘lish;
loyihalashtirish, pudrat tashkilotlari va buyurtmachi tashkilotlardan loyiha, texnologiya va ijro hujjatlarini hamda qo‘llanilayotgan materiallar, buyumlar, konstruksiyalar va bajarilayotgan qurilish-montaj ishlari sifatini tekshirish uchun zarur bo‘lgan boshqa materiallarni olish;
pudrat tashkilotlariga konstruksiyalar, uzellar va detallarning ayrim elementlarini ochishni, tagzamindagi tuproqni sinashni va qayta yopib qo‘yishni, qo‘llanilgan qurilish materiallari, buyumlari, konstruksiyalarini, muhandislik tizimlarini sinab ko‘rishni topshirish, zarurat bo‘lganda tegishli xulosa tayyorlash uchun ekspertlarni jalb qilish;
qurilishi tugallangan obyektlarni foydalanishga qabul qilib olish bo‘yicha komissiyalar ishida qatnashish;
yo‘l qo‘yilgan buzilishlarni bartaraf etish to‘g‘risida o‘z vakolatlari doirasida qurilish qatnashchilari va qurilish materiallari, buyumlari, konstruksiyalarini tayyorlovchilar (yetkazib beruvchilar) tomonidan bajarilishi majburiy bo‘lgan yozma ko‘rsatmalar berish;
vazirliklar, idoralar va tashkilotlarning obyektlar qurilishi sifatini nazorat qiluvchi texnik nazorat ishlab chiqarish xizmatlari hamda sinov laboratoriyalari ishini tanlab nazoratdan o‘tkazish;
loyihani ishlab chiqqan mualliflar tomonidan mualliflik nazorati yuritilishini nazorat qilish, asoslangan hollarda ularga nisbatan qonun hujjatlariga muvofiq sanksiyalar qo‘llash to‘g‘risida O‘zbekiston Respublikasi “Davarxitektqurilish” qo‘mitasiga takliflar kiritish;
O‘zbekiston Respublikasi “Davarxitektqurilish” qo‘mitasiga kapital qurilish sohasidagi normativ-huquqiy hujjatlar talablarini buzuvchilarga nisbatan qonun hujjatlariga muvofiq sanksiyalar qo‘llash to‘g‘risida taqdimnomalar kiritish;
qurilish materiallari, konstruksiyalari, buyumlarini tayyorlash, yuklash-tushirish, tashish, saqlash bo‘yicha davlat standartlari talablari va texnik shartlar buzilishlari aniqlanganda ularni ishlab chiqarish, sotish va qo‘llashni to‘xtatib turish;
tasdiqlangan loyiha yechimlari va normativ-huquqiy hujjatlar talablari buzilganda, ushbu buzilishlar pishiqlik va mustahkamlik tavsiflarini pasaytirishga olib kelganda, shuningdek binolar va inshootlarda avariya xavfi paydo bo‘lganda, obyektlar o‘zboshimchalik bilan qurilganda qurilish-montaj ishlari amalga oshirilishini to‘xtatib turish, yakka tartibdagi uy-joy qurilishi bundan mustasno;
buyurtmachi va pudratchining tashkilotlariga kapital qurilish sohasida qonun hujjatlari talablarini buzayotgan mansabdor shaxslarni javobgarlikka tortish haqida taqdimnomalar kiritish;
bajarilgan qurilish-montaj ishlarining sifati va qurilish obyektlarining holati haqida ekspert xulosalari berish;
qurilishi tugallangan obyektlarni foydalanishga qabul qilishda qoidalar buzilganligi to‘g‘risidagi materiallarni tegishli organlarga va qonun hujjatlarida belgilangan qabul qilish qoidalari buzilgan holda topshirilgan obyektlarni statistika hisobotidan chiqarish to‘g‘risidagi materiallarni statistika organlariga berish.
12. Davlat arxitektura-qurilish nazorati hududiy inspeksiyasining davlat inspektorlari o‘z funksional faoliyatini O‘zbekiston Respublikasi “Davarxitektqurilish” qo‘mitasi tomonidan har yili o‘tkaziladigan attestatsiya natijalariga ko‘ra beriladigan sertifikatlar asosida amalga oshiradilar.
13. Qurilish obyektlarida nazorat ishlari buyurtmachi va pudratchining buyruqlari bilan tayinlanadigan ularning mas’ul vakillari ishtirokida o‘tkaziladi.
Zarur hollarda nazorat maqsadlari uchun loyihalashtirish, bank va (yoki) boshqa manfaatdor tashkilotlar mutaxassislari shartnoma asosida jalb etilishi mumkin.
14. Qurilish materiallari, konstruksiyalari, buyumlari sanoati korxonalarida nazorat ishlari ishlab chiqarishning texnik shartlariga rioya etilishi uchun mas’ul bo‘lgan mansabdor shaxslar (bosh muhandis, sex boshlig‘i, texnika nazorati bo‘limi boshlig‘i va boshqalar) ishtirokida o‘tkaziladi.
15. Nazorat ishlari natijalariga ko‘ra ishlarni bajarish daftariga tegishli yozuv yoziladi, Inspeksiya inspektori, buyurtmachi va pudratchining vakillari imzolaydigan dalolatnoma tuziladi, zarur hollarda yozma ko‘rsatma beriladi.
Buyurtmachi yoki pudratchi vakillari dalolatnomada bayon qilingan xulosalarga rozi bo‘lmagan taqdirda, uni o‘z e’tirozlarini yozma shaklda qayd etgan holda imzolaydilar.
16. Inspeksiya inspektorlari o‘z funksional vazifalarini bajarishda davlat nazoratining boshqa vakolatli organlari, soliq inspeksiyasi, bank muassasalari, prokuratura organlari, sudlar, hokimliklarning tegishli xizmatlari, iste’molchilar huquqlarini himoya qilish jamiyatlari va ommaviy axborot vositalari organlari bilan o‘zaro hamkorlik qiladilar.
17. Inspeksiyalarning mansabdor shaxslari xatti-harakatlari yuzasidan O‘zbekiston Respublikasi “Davarxitektqurilish” qo‘mitasiga yoki sudga shikoyat qilinishi mumkin.
18. Inspeksiya inspektorlari g‘ayriqonuniy xatti-harakatlari va yetkazilgan zarar uchun qonun hujjatlariga muvofiq javobgarlikka tortiladilar.
19. Inspeksiyaning moliya-xo‘jalik faoliyati qonun hujjatlariga muvofiq shartnoma asosida amalga oshiriladi.
Inspeksiya har oyda O‘zbekiston Respublikasi “Davarxitektqurilish” qo‘mitasiga o‘z daromadlarining 10 foizi miqdorida ajratma o‘tkazadi.
20. Inspeksiyaga O‘zbekiston Respublikasi “Davarxitektqurilish” qo‘mitasi raisining buyrug‘i bilan lavozimga tayinlanadigan va lavozimdan ozod qilinadigan boshliq rahbarlik qiladi.
21. Davlat arxitektura-qurilish nazorati hududiy inspeksiyasini qayta tashkil etish va tugatish qonun hujjatlarida belgilangan tartibda amalga oshiriladi.
Keyingi tahrirga qarang.
1. Ushbu Nizom O‘zbekiston Respublikasi Davlat arxitektura va qurilish qo‘mitasi (keyingi o‘rinlarda “Davarxitektqurilish” qo‘mitasi deb ataladi) qurilishda tanlov savdolari va narxlarni shakllantirish hududiy konsalting markazining (keyingi o‘rinlarda Markaz deb ataladi) maqomi, vazifalari, funksiyalari, vakolatlari va javobgarligini belgilaydi.
3. Markaz o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi qarorlariga, O‘zbekiston Respublikasi Prezidentining farmonlari va farmoyishlariga, Vazirlar Mahkamasining qarorlari va farmoyishlariga, boshqa normativ-huquqiy hujjatlarga, O‘zbekiston Respublikasi “Davarxitektqurilish” qo‘mitasining buyruqlari va farmoyishlariga hamda mazkur Nizomga amal qiladi.
4. Markaz davlat mulki shaklidagi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga, mustaqil balansga, bankda hisob raqamlariga ega bo‘ladi.
tanlov hujjatlarini ishlab chiqish, shartnoma asosida qurilishda tanlov savdolarini tashkil etish va o‘tkazish;
tanlov savdolarini tashkil etish va o‘tkazish, shartnomalar tuzish, tanlov savdolari shartlari va investitsiya loyihasini amalga oshirishda ishlarni bajarish va moliyalashtirish jadvalining bajarilishi, shuningdek markazlashtirilgan manbalar hisobiga moliyalashtirilayotgan qurilishi tugallangan obyektning o‘z vaqtida foydalanishga topshirilishi monitoringini olib borish;
shartnoma asosida qurilishda tanlov savdolari mavzuining dastlabki qiymatini belgilash bo‘yicha xizmatlar ko‘rsatish;
qurilish mahsulotining, shu jumladan “elementlar qiymati” usuli bilan, shartnomaviy joriy narxini aniqlash bo‘yicha metodik tavsiyalarni, narxlarni shakllantirishni yanada takomillashtirish, qurilishni tashkil etish va kapital qurilishda yangi texnologiyalarni joriy etish bo‘yicha normativ-metodik hujjatlarni ishlab chiqish va joriy etishda qatnashish;
qurilishda va qurilish materiallari, buyumlari va konstruksiyalari sanoatida narxlar shakllanishiga ta’sir qiluvchi omillarni to‘plash, tahlil qilish, ularni qayta ishlash va umumlashtirish;
qurilish ishlariga va tayyor qurilish mahsulotiga narxlar, yuklarni tashishga tariflar, materiallarni tashish shartlari va masofalarining o‘zgarishi monitoringini olib borish va tahlil qilish;
mahalliy tayyorlovchi zavodlar tomonidan ishlab chiqarilayotgan qurilish materiallari, buyumlari va konstruksiyalarining narxi to‘g‘risidagi ma’lumotlarni to‘plash;
narxlarni shakllantirish bo‘yicha yangi smeta normativlarini yaratish uchun boshlang‘ich axborotlarni to‘plash va dastlabki tahlil qilish;
kapital qurilish, loyihalashtirish va qiymatni aniqlash yuzasidan kompleks masalalar bo‘yicha vazirliklar, idoralar va xo‘jalik birlashmalariga, shuningdek yuridik va jismoniy shaxslarga, shu jumladan xorijiy yuridik va jismoniy shaxslarga konsalting xizmatlari ko‘rsatish;
qonun hujjatlariga muvofiq va O‘zbekiston Respublikasi “Davarxitektqurilish” qo‘mitasi tomonidan berilgan vakolatlar doirasida boshqa vazifalarni bajarish.
arizalar va ofertalar qabul qilinishini tashkil etadi, ularning hisobga olinishini, saqlanishini va maxfiyligini ta’minlaydi;
Qurilishda tanlov savdolari to‘g‘risidagi Nizom shartlari va talablariga rioya qilgan holda tanlov savdolari mavzuiga qo‘yiladigan tanlov hujjatlarini ishlab chiqadi;
tanlov hujjatlarini ekspertizadan o‘tkazish uchun O‘zbekiston Respublikasi “Davarxitektqurilish” qo‘mitasiga taqdim etadi;
tanlov hujjatlarida belgilangan shakl bo‘yicha tanlov savdolari o‘tkazilishi to‘g‘risida e’lon berish uchun materiallarni tayyorlaydi va/yoki potensial talabgorlarga taklifnomalar yuborilishini ta’minlaydi;
buyurtmachi va pudratchi tomonidan taqdim etiladigan axborotlarni tahlil qilish yo‘li bilan shartnoma majburiyatlari bajarilishi monitoringini olib boradi hamda tanlov savdolari va tanlov savdolari natijalari bo‘yicha tuzilgan shartnomalar bajarilishi monitoringi natijalari to‘g‘risida O‘zbekiston Respublikasi “Davarxitektqurilish” qo‘mitasiga har oylik hisobotni taqdim etadi;
seminarlar o‘tkazadi, kadrlarni tanlov savdolarini tashkil etish va o‘tkazish yuzasidan tasdiqlangan tartibotini, tanlov savdolari natijalari bo‘yicha tuzilgan shartnomalar shartlaridan kelib chiquvchi majburiyatlar bajarilishi monitoringini amaliyotda qo‘llash bo‘yicha o‘qitadi;
normativ-huquqiy hujjatlar loyihalarini, qurilish tannarxi pasaytirilishini va qurilish ishlab chiqarishi iqtisodiy rag‘batlantirilishini ta’minlovchi qurilishda iqtisodiy ishlarni takomillashtirish bo‘yicha takliflarni ishlab chiqadi va O‘zbekiston Respublikasi “Davarxitektqurilish” qo‘mitasining Kapital qurilishda iqtisodiy islohotlar va narxlarni shakllantirish markaziga kiritadi;
kapital qurilishda iqtisodiy va tashkiliy islohotlar amalga oshirilishi, qurilish materiallari, alohida va maxsus ishlar narxlarining, qurilish mexanizmlarini ishlatish va qurilish yuklarini tashish, tayyor qurilish mahsuloti xarajatlari o‘zgarishi monitoringini olib boradi;
o‘z vakolatlari doirasida investitsiya jarayoni qatnashchilari o‘rtasidagi kelishmovchiliklarni ko‘rib chiqadi, ular yuzasidan qarorlar tayyorlaydi va belgilangan tartibda O‘zbekiston Respublikasi “Davarxitektqurilish” qo‘mitasiga yoki tegishli organlarga kiritadi;
narxlarni shakllantirish bo‘yicha dasturiy vositalarni, normativ hujjatlarning elektron variantlarini sotib oladi, tarqatadi;
mahalliy davlat boshqaruvi organlaridan va boshqa tashkilotlardan Markazga yuklangan vazifalarni bajarish uchun zarur bo‘lgan materiallarni so‘rash va olish;
tanlov savdolari natijalari bo‘yicha tuzilgan shartnomalar shartlaridan kelib chiquvchi majburiyatlar bajarilishi monitoringini olib borish maqsadida qurilishning borishini o‘rganish;
qonun hujjatlarini va O‘zbekiston Respublikasi hududida kapital qurilishda tanlov savdolari to‘g‘risidagi nizom talablarini buzish hollari aniqlangan taqdirda buyurtmachiga xizmatlarni sotib olishni to‘xtatish to‘g‘risida taqdimnoma kiritish;
O‘zbekiston Respublikasining loyihalashtirish, ilmiy-tadqiqot tashkilotlarini va boshqa tashkilotlarini, olimlar va mutaxassislarni ular mehnatiga O‘zbekiston Respublikasining amaldagi qonun hujjatlariga muvofiq haq to‘lagan holda, belgilangan tartibda ishga jalb qilish;
qurilish va qurilish materiallari ishlab chiqarish masalalari bo‘yicha amaldagi qonun hujjatlariga zid bo‘lgan idoraviy normativ-huquqiy hujjatlarning amal qilishini to‘xtatish yoki bekor qilish to‘g‘risida “Davarxitektqurilish” qo‘mitasiga takliflar kiritish.
8. Markaz o‘ziga yuklangan funksional vazifalarning zarur darajada bajarilishi uchun qonun hujjatlariga muvofiq javob beradi.
9. Markaz faoliyatiga rahbarlikni O‘zbekiston Respublikasi “Davarxitektqurilish” qo‘mitasi raisining buyrug‘i bilan lavozimga tayinlanadigan va lavozimdan ozod qilinadigan direktor amalga oshiradi.
O‘zbekiston Respublikasi “Davarxitektqurilish” qo‘mitasi bilan kelishgan holda Markazning shtat jadvalini tasdiqlaydi;
Markaz faoliyati bilan bog‘liq masalalar bo‘yicha barcha organlarda va korxonalarda Markaz nomidan vakillik qiladi;
11. Markaz xo‘jalik faoliyatini O‘zbekiston Respublikasining amaldagi qonun hujjatlariga muvofiq amalga oshiradi.
shartnoma asosida tanlov hujjatlarini ishlab chiqqanlik, qurilishda tanlov savdolarini tashkil etganlik va o‘tkazganlik;
narxlarni shakllantirish, shartnoma asosida savdo mavzuining dastlabki qiymatini aniqlash masalalari bo‘yicha konsalting xizmatlari ko‘rsatganlik;
qurilish sohasida O‘zbekiston Respublikasining qonun hujjatlarida taqiqlanmagan xizmatlarning boshqa turlarini amalga oshirganlik uchun olinadigan daromadlar Markaz faoliyatini moliyalashtirish manbalari hisoblanadi.
13. Markaz har oyda “Davarxitektqurilish” qo‘mitasi ta’minoti uchun o‘z daromadlarining 10 foizi miqdorida mablag‘ o‘tkazadi.
14. Markazni qayta tashkil etish va tugatish qonun hujjatlarida belgilangan tartibda amalga oshiriladi.
Keyingi tahrirga qarang.
Oldingi tahrirga qarang.
1. Vazirlar Mahkamasining “O‘zbekiston Respublikasi Davlat arxitektura-qurilish nazorati bosh boshqarmasi to‘g‘risidagi va Davlat idoradan tashqari ekspertiza bosh boshqarmasi to‘g‘risidagi nizomlarni tasdiqlash haqida” 1995-yil 26-yanvardagi 19-son qarori (O‘zbekiston Respublikasi QT, 1995-y., 1-son, 2-modda).
3. Vazirlar Mahkamasining “Xorijiy investitsiyalar ishtirokidagi ustuvor investitsiya loyihalarini amalga oshirish chora-tadbirlari to‘g‘risida” 1999-yil 9-apreldagi 165-son qarori.
4. Vazirlar Mahkamasining “O‘zbekiston Respublikasi Davlat arxitektura va qurilish qo‘mitasi to‘g‘risidagi nizomni va uning tuzilmasini tasdiqlash haqida” 1999-yil 8-noyabrdagi 492-son qarori (O‘zbekiston Respublikasi QT, 1999-y., 11-son, 63-modda).
5. Vazirlar Mahkamasining “Arxitektura va qurilish sohasidagi ishlarni tashkil etish va nazoratni takomillashtirish chora-tadbirlari to‘g‘risida” 2000-yil 27-apreldagi 165-son qarorining 5 va 6-bandlari hamda qarorga 2, 3 va 4-ilovalar.
6. Vazirlar Mahkamasining “Kapital qurilishda iqtisodiy islohotlarni chuqurlashtirishga doir qo‘shimcha chora-tadbirlar to‘g‘risida” 2000-yil 5-avgustdagi 305-son qaroriga 3-ilova hamda qarorga 5-ilovaning 1-bandi (O‘zbekiston Respublikasi QT, 2000-y., 8-son, 48-modda).
7. Vazirlar Mahkamasining 2001-yil 30-martdagi 169-f-son farmoyishi 1-bandining ikkinchi xatboshi hamda farmoyishga 1-ilova 4-bandining birinchi xatboshi.