Keyingi tahrirga qarang.
LexUZ sharhi
Mazkur qaror O‘zbekiston Respublikasi Vazirlar Mahkamasining 2015-yil 9-dekabrdagi 354-sonli “Konsert-tomosha faoliyatini amalga oshirish tartibini yanada takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
“Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 5-moddasiga muvofiq Vazirlar Mahkamasi qaror qiladi:
O‘zbekiston Respublikasida va uning tashqarisida gastrol-konsert faoliyatini, shuningdek to‘y, yubiley va boshqa tantanalarda konsert xizmati ko‘rsatishni litsenziyalash to‘g‘risidagi Nizom 1-ilovaga muvofiq;
Keyingi tahrirga qarang.
Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini litsenziyalash to‘g‘risidagi Nizom 2-ilovaga muvofiq tasdiqlansin.
Keyingi tahrirga qarang.
2. Belgilab qo‘yilsinki, gastrol-konsert faoliyatini, shuningdek to‘y, yubiley va boshqa tantanalarga konsert xizmati ko‘rsatishni hamda gramplastinkalar, audio-videokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini amalga oshirish huquqi uchun ushbu qarorning 1-bandida ko‘rsatilgan nizomlar kuchga kirgungacha berilgan litsenziyalar ularning amal qilish muddati o‘tgungacha haqiqiy hisoblanadi.
3. O‘zbekiston Respublikasi Vazirlar Mahkamasining “Estrada-qo‘shiqchilik san’atini yanada rivojlantirish to‘g‘risida” 2001-yil 26-iyundagi 272-son va “Gastrol-konsert faoliyati sohasida soliq solishni va audio-videokassetalarni tarqatishni takomillashtirish chora-tadbirlari to‘g‘risida” 2001-yil 29-iyundagi 285-son qaroriga, 3-ilovaga muvofiq o‘zgartirishlar kiritilsin.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.A. Azizxo‘jayev zimmasiga yuklansin.
Keyingi tahrirga qarang.
1. Ushbu Nizom O‘zbekiston Respublikasida va uning tashqarisida gastrol-konsert faoliyatini, shuningdek to‘y, yubiley va boshqa tantanalarda konsert xizmati ko‘rsatishni (keyingi o‘rinlarda konsert-tomosha faoliyati turlari deb yuritiladi) litsenziyalash tartibini belgilaydi.
Keyingi tahrirga qarang.
2. Konsert-tomosha faoliyati turlarini litsenziyalash “O‘zbeknavo” estrada birlashmasi (keyingi o‘rinlarda litsenziyalovchi organ deb yuritiladi) tomonidan amalga oshiriladi.
Keyingi tahrirga qarang.
3. Konsert-tomosha faoliyati turlari yuridik va jismoniy shaxslar tomonidan amalga oshirilishi mumkin.
Keyingi tahrirga qarang.
Oldingi tahrirga qarang.
4. Konsert-tomosha faoliyati turlarini amalga oshirish huquqiga litsenziya 5 yil muddatga beriladi. Litsenziya faqat ijrochilarga — jismoniy shaxslarga va ijodiy jamoalarga — yuridik shaxslarga beriladi.
(4-band O‘zbekiston Respublikasi Prezidentining 2009-yil 22-dekabrdagi PQ-1245-sonli qarori tahririda — O‘R QHT, 2009-y., 52-son, 560-modda)
Keyingi tahrirga qarang.
5. Konsert-tomosha faoliyati turlarini amalga oshirish huquqi uchun namunaviy (oddiy) litsenziyalar beriladi.
Keyingi tahrirga qarang.
b) to‘ylar, yubileylar va boshqa tantanalarda konsert xizmati ko‘rsatish (restoranlar, xususiy uylar, qahvaxonalar va barlarda to‘y, yubiley va boshqa tantanalarga konsert xizmati ko‘rsatish), shu jumladan ko‘ngilochar muassasalarda (klublar, diskotekalar, restoranlar, barlar va qahvaxonalarda) konsert xizmati ko‘rsatish.
O‘zbekiston Respublikasida va uning tashqarisidagi gastrol-konsert faoliyatini amalga oshirish huquqi uchun litsenziya, shuningdek to‘y, yubiley va boshqa tantanalarda konsert xizmati ko‘rsatish huquqini ham beradi.
Litsenziya talabgorining arizasiga ko‘ra litsenziya umuman faoliyat turiga yoki uning bir qismiga berilishi mumkin.
Keyingi tahrirga qarang.
7. Quyidagilar konsert-tomosha faoliyati turlarini amalga oshirishdagi litsenziya talablari va shartlari hisoblanadi:
Keyingi tahrirga qarang.
reyting guruhlaridan biri ijrochilarining litsenziyalovchi organ tomonidan tasdiqlanadigan mezonlarga va malaka talablariga muvofiqligi;
litsenziyalovchi organga o‘tkazilgan konsert-tomosha tadbirlari soni to‘g‘risida litsenziyalovchi organ tomonidan belgilanadigan shakl bo‘yicha har choraklik hisobotlar taqdim etish.
8. Litsenziya olish uchun litsenziya talabgori — yuridik shaxs litsenziyalovchi organga quyidagi hujjatlarni taqdim etadi:
yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bank muassasasidagi hisob raqami;
Oldingi tahrirga qarang.
(8-band “a” kichik bandining uchinchi xatboshisi O‘zbekiston Respublikasi Vazirlar Mahkamasining 2006-yil 22-maydagi 92-son qarori tahririda — O‘zbekiston Respublikasi qonun hujjatlari to‘plami, 2006-y., 20-21-son, 181-modda)
Keyingi tahrirga qarang.
Oldingi tahrirga qarang.
(8-bandning “b” kichik bandi O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
v) litsenziyalovchi organ tomonidan litsenziya talabgori arizasi ko‘rib chiqilganligi uchun litsenziya talabgori tomonidan yig‘im to‘langanligini tasdiqlovchi hujjat;
g) ijrochida musiqa ma’lumoti mavjudligini, uning davlat mukofotlari, mukofotlar, sovrinlar va shu kabilarni olganligini tasdiqlovchi hujjatlar (guvohnomalar, attestatlar, diplomlar)ning tasdiqlangan nusxalari. Istisno hollarda (alohida iqtidor, talant yaqqol mavjud bo‘lganda) Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi qaroriga ko‘ra litsenziya olishga hujjatlar musiqa ma’lumoti mavjudligi to‘g‘risidagi hujjatlar nusxalarini taqdim qilmasdan qabul qilinishi mumkin.
e) litsenziya talabgorining malakasi to‘g‘risida yanada yaqqolroq tasavvurni shakllantirish maqsadida litsenziya talabgori qo‘shimcha ravishda mustaqil taqdim etishni xohlaydigan boshqa hujjatlar.
9. Litsenziya talabgori — jismoniy shaxs litsenziya olish uchun litsenziyalovchi organga quyidagi hujjatlarni taqdim etadi:
litsenziya talabgori amalga oshirishni mo‘ljallayotgan litsenziyalanadigan faoliyat turi va mazkur faoliyat turi amalga oshiriladigan muddat;
Keyingi tahrirga qarang.
b) litsenziyalovchi organ tomonidan litsenziya talabgori arizasi ko‘rib chiqilganligi uchun litsenziya talabgori tomonidan yig‘im to‘langanligini tasdiqlovchi hujjat;
g) ijrochida musiqa ma’lumoti mavjudligini, uning davlat mukofotlari, mukofotlar, sovrinlar va shu kabilarni olganligini tasdiqlovchi hujjatlar (guvohnomalar, attestatlar, diplomlar)ning notarial tasdiqlangan nusxalari. Istisno hollarda Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi qaroriga ko‘ra litsenziya olishga hujjatlar musiqa ma’lumoti mavjudligi to‘g‘risidagi hujjatlar nusxalarini taqdim qilmasdan qabul qilinishi mumkin.
e) litsenziya talabgorining malakasi to‘g‘risida yanada yaqqolroq tasavvurni shakllantirish maqsadida litsenziya talabgori qo‘shimcha ravishda mustaqil taqdim etishni xohlaydigan boshqa hujjatlar.
10. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.
11. Hujjatlar litsenziya talabgori tomonidan litsenziyalovchi organga bevosita yoxud olinganligi to‘g‘risidagi bildirishnoma bilan pochta aloqasi vositasi orqali yetkazib beriladi.
Hujjatlar litsenziyalovchi organning mas’ul shaxsi tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda arizachiga yuboriladi (topshiriladi).
12. Ishonchsiz yoki noto‘g‘ri ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
13. Litsenziya talabgorining litsenziya berish to‘g‘risidagi arizasi ko‘rib chiqilganligi uchun eng kam oylik ish haqining ikki baravari miqdorida yig‘im undiriladi.
Oldingi tahrirga qarang.
Litsenziya talabgori berilgan arizadan voz kechgan taqdirda to‘langan yig‘im summasi qaytarib berilmaydi.
(13-bandning ikkinchi xatboshi O‘zbekiston Respublikasi Prezidentining 2009-yil 22-dekabrdagi PQ-1245-sonli qarori tahririda — O‘R QHT, 2009-y., 52-son, 560-modda)
14. Konsert-tomosha faoliyati turlarini litsenziyalash ushbu Nizomga ilova qilinayotgan sxemaga muvofiq amalga oshiriladi.
Keyingi tahrirga qarang.
15. Litsenziya berish yoki litsenziya berishni rad etish to‘g‘risidagi qaror litsenziya talabgorining arizasi barcha zarur hujjatlar bilan birga olingan kundan boshlab o‘n besh kundan oshmaydigan muddatda qabul qilinadi.
16. Litsenziyalar berish (muddatini uzaytirish) to‘g‘risidagi hujjatlarni ko‘rib chiqish, ular bo‘yicha xulosalar tayyorlash Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi tomonidan amalga oshiriladi. Milliy estrada san’atini rivojlantirish va muvofiqlashtirish kengashi huzuridagi ijodiy ko‘maklashish vakillari guruhi majlislari o‘n besh kunda kamida bir marta o‘tkaziladi.
Litsenziya talabgorining barcha zarur hujjatlar bilan birgalikdagi arizasi ular qabul qilib olingan kunda Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhiga ko‘rib chiqish uchun kiritiladi.
Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi taqdim etilgan hujjatlarni o‘n kundan oshmaydigan muddatda ko‘rib chiqadi va ular bo‘yicha litsenziya berish yoki berishni rad etish to‘g‘risidagi xulosani tayyorlaydi. Xulosa Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi majlisi protokoli bilan tasdiqlanadi.
17. Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi litsenziya talabgorlari tomonidan taqdim etilgan hujjatlarni ko‘rib chiqish jarayonida ijrochilarning malaka (kasb) sifatlarini baholaydi va ularni litsenziyalovchi organ tomonidan tasdiqlangan mezonlarga va malaka talablariga muvofiq muayyan (birinchidan to‘rtinchigacha) reyting guruhlariga kiritadi.
Reytingning to‘rtinchi guruhi berilgan taqdirda ijrochi faoliyatining birinchi yilida boshlang‘ich stavka bo‘yicha davlat boji to‘lanadi.
Litsenziyaning amal qilish muddatini uzaytirish yuzasidan ariza berilgan taqdirda ilgari reytingning to‘rtinchi guruhini olgan ijrochiga Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi tomonidan belgilangan tartibda yo reytingning uchinchi guruhi berilishi, yoxud tegishli davlat boji to‘latilgan holda reytingning to‘rtinchi guruhi tasdiqlanishi, yoxud u malaka talablariga muvofiq bo‘lmaganda uning bundan buyon konsert-tomosha faoliyati turlari bilan shug‘ullanish huquqi rad etilishi mumkin.
Keyingi tahrirga qarang.
18. Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi tomonidan vokalchi-solistga va uning ansambli a’zolariga har birining malakasi va kasb mahorati darajasiga qarab reytingning turli guruhlari berilishi mumkin.
Akademik va xalq badiiy jamoalari tomonidan konsert-tomosha faoliyati turlari amalga oshirilganda Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi tomonidan umuman jamoa va solist uchun reyting guruhi berilishi, shuningdek litsenziya berish uchun davlat boji stavkalari alohida ko‘rib chiqilishi mumkin.
Keyingi tahrirga qarang.
19. Litsenziyalovchi organ besh kun muddatda Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi xulosasi asosida litsenziya berish yoki litsenziya berishni rad etish to‘g‘risida qaror qabul qiladi.
Litsenziyalovchi organ litsenziya talabgorini qabul qilingan qaror to‘g‘risida tegishli qaror qabul qilingandan keyin uch kun mobaynida xabardor qiladi.
Litsenziya berish yuzasidan qaror qabul qilingani to‘g‘risidagi bildirishnoma litsenziya talabgoriga bank hisob raqami rekvizitlari, davlat bojini to‘lash muddatlari ko‘rsatilgan holda yozma shaklda jo‘natiladi (taqdim etiladi).
20. Litsenziyalovchi organ bilan litsenziatning o‘zaro huquqlari va majburiyatlarini belgilovchi litsenziya bitimida quyidagilar bo‘lishi kerak:
Keyingi tahrirga qarang.
litsenziat tomonidan litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi.
21. Litsenziyalar maxsus blankalarda rasmiylashtiriladi. Litsenziya blankasi namunasi litsenziyalovchi organ tomonidan O‘zbekiston Respublikasi Vazirlar Mahkamasining 2000-yil 20-dekabrdagi 488-son qaroriga muvofiq tasdiqlanadi.
Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi. Litsenziyalar blankalari litsenziyalovchi organ buyurtmasi bo‘yicha “Davlat belgisi” davlat-ishlab chiqarish birlashmasida bosmaxona usulida tayyorlanadi. Litsenziyalovchi organ rahbari litsenziya blankalari hisobga olinishi, saqlanishi va ulardan maqsadli foydalanilishi uchun belgilangan tartibda shaxsan javob beradi.
Litsenziyalar litsenziya talabgori tomonidan davlat boji to‘langanini tasdiqlovchi hujjat taqdim etilgandan va u litsenziya bitimini imzolagandan keyin uch kun muddatda rasmiylashtiriladi va beriladi.
22. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, litsenziyalovchi organ litsenziyani bekor qilish to‘g‘risida qaror qabul qilishga haqlidir.
23. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida belgilangan asoslar bo‘yicha rad etilishi mumkin.
Litsenziya talabgori litsenziya berish rad etilishi to‘g‘risidagi qaror, shuningdek litsenziyalovchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
Oldingi tahrirga qarang.
24. Litsenziya berish rad etilishi to‘g‘risida qaror qabul qilingan taqdirda rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada ko‘rsatilgan muddat kamchiliklarni bartaraf etish uchun zarur bo‘lgan vaqtga mutanosib bo‘lishi kerak.
(24-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
25. Litsenziya talabgori tomonidan litsenziya berish rad etilishiga asos bo‘lgan sabablar bartaraf etilgan taqdirda, hujjatlar litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda takroran ko‘rib chiqiladi.
Bunda takroran taqdim etilgan hujjatlar Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhiga ko‘rib chiqish uchun ular qabul qilib olingan kunda taqdim etiladi.
Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi taqdim etilgan hujjatlarni olti kundan oshmaydigan muddatda qayta ko‘rib chiqadi va ular bo‘yicha litsenziya berish yoki litsenziya berishni rad etish to‘g‘risida ekspert xulosasi tayyorlaydi.
Litsenziyalovchi organ to‘rt kun muddatda Milliy estrada san’atini rivojlantirish va muvofiqlashtirish kengashi huzuridagi Ijodiy ko‘maklashish vakillari guruhi xulosasi asosida litsenziya berish yoki litsenziya berishni rad etish to‘g‘risida qaror qabul qiladi.
26. Litsenziya talabgorining arizasi takroran ko‘rib chiqilganligi uchun yig‘im undirilmaydi. Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
Keyingi tahrirga qarang.
Oldingi tahrirga qarang.
27. Litsenziat — yuridik shaxs qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir oy muddatda litsenziyalovchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
Litsenziat — jismoniy shaxsning familiyasi, ismi, otasining ismi yoki turar joyi o‘zgargan taqdirda litsenziat qayta ro‘yxatdan o‘tkazilgandan keyin bir oy muddatda litsenziyalovchi organga ko‘rsatib o‘tilgan ma’lumotlarni tasdiqlovchi tegishli hujjatlarni ilova qilgan holda litsenziyani qayta rasmiylashtirish to‘g‘risidagi ariza berishi shart.
(27-bandning birinchi va ikkinchi xatboshilari O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
28. Litsenziat litsenziya qayta rasmiylashtirilgunga qadar unda ko‘rsatilgan faoliyat ilgari berilgan litsenziya asosida amalga oshiradi.
29. Litsenziyalovchi organ litsenziyani qayta rasmiylashtirishda litsenziyalar reyestriga tegishli o‘zgartirishlar kiritadi. Litsenziyalarni qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyalarni qayta rasmiylashtirish to‘g‘risida ariza olingan kundan boshlab besh kun mobaynida amalga oshiriladi.
Oldingi tahrirga qarang.
Litsenziyalarni qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi.
(29-bandning ikkinchi xatboshi O‘zbekiston Respublikasi Prezidentining 2009-yil 22-dekabrdagi PQ-1245-sonli qarori tahririda — O‘R QHT, 2009-y., 52-son, 560-modda)
30. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi. Litsenziyaning amal qilish muddatini uzaytirish to‘g‘risidagi ariza litsenziyalovchi organga litsenziyaning amal qilish muddati o‘tgunga qadar ikki oydan kechikmay berilishi kerak. Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.
31. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra uning dublikati berilishi mumkin.
Oldingi tahrirga qarang.
Litsenziya dublikati berishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi.
(31-bandning ikkinchi xatboshi O‘zbekiston Respublikasi Prezidentining 2009-yil 22-dekabrdagi PQ-1245-sonli qarori tahririda — O‘R QHT, 2009-y., 52-son, 560-modda)
32. Litsenziat tomonidan litsenziya shartlari va talablariga rioya etilishini nazorat qilish litsenziyalovchi organ tomonidan qonun hujjatlarida belgilangan tartibda amalga oshiriladi.
33. Litsenziya talablari va shartlariga rioya etilishini nazorat qilishni amalga oshirishda litsenziyalovchi organ o‘z vakolatlari doirasida quyidagi huquqlarga ega:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi holatlar mavjud bo‘lgan taqdirda litsenziat tomonidan litsenziya talablari va shartlariga rioya etilishini qonunda belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chog‘ida paydo bo‘ladigan masalalar yuzasidan litsenziatdan zarur axborotni so‘rash va olish;
tekshirishlar natijalari asosida, litsenziya talablari va shartlarining litsenziat tomonidan aniq buzilishlarini ko‘rsatgan holda dalolatnomalar (ma’lumotnomalar) tuzish;
litsenziatga aniqlangan qonun buzilishlarini bartaraf etish majburiyatini yuklovchi qarorlar chiqarish, bunday qonun buzilishlarini bartaraf etish muddatlarini belgilash;
Oldingi tahrirga qarang.
litsenziyaning amal qilishini to‘xtatib turish, to‘xtatish yoki litsenziyani bekor qilish to‘g‘risida qonun hujjatlarida belgilangan tartibda qaror chiqarish yoki sudga murojaat qilish.
(33-bandning yettinchi xatboshisi O‘zbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — O‘zbekiston Respublikasi Qonun hujjatlari to‘plami, 2006-y., 46-47-son, 458-modda)
34. Litsenziya talablari va shartlariga rioya etilishini tekshirishda litsenziyalovchi organning tekshiruvchi xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi litsenziyalovchi organda qoladi.
Oldingi tahrirga qarang.
35. Litsenziyalovchi organ tomonidan litsenziyaning amal qilishini to‘xtatib turish va to‘xtatish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22-24-moddalarida nazarda tutilgan hollarda va tartibda amalga oshiriladi.
Litsenziyalovchi organning litsenziyaning amal qilishini to‘xtatib turish yoki to‘xtatish to‘g‘risidagi qarori yuzasidan sudga shikoyat qilish mumkin. Sud tomonidan litsenziyalovchi organning qarori asossiz deb e’tirof etilgan taqdirda, litsenziyalovchi organ litsenziat oldida uning ko‘rgan zarari miqdorida javob beradi.
(35-bandning birinchi xatboshisi O‘zbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — O‘zbekiston Respublikasi Qonun hujjatlari to‘plami, 2006-y., 46-47-son, 458-modda)
36. Litsenziyalovchi organ konsert-tomosha faoliyatining har bir turiga alohida litsenziyalar reyestri yuritadi.
Keyingi tahrirga qarang.
yuridik shaxslar uchun — yuridik shaxsning nomi, uning tashkiliy-huquqiy shakli, pochta manzili, telefoni;
jismoniy shaxslar uchun — litsenziatning familiyasi, ismi, otasining ismi, uning pasportiga oid ma’lumotlar, uy manzili, telefoni;
litsenziyalarni qayta rasmiylashtirish, ularning amal qilish muddatini to‘xtatib turish va tiklashning asoslari va sanasi;
Oldingi tahrirga qarang.
37. Litsenziyalarning reyestrlarida mavjud bo‘lgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq bo‘ladi.
(37-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
Litsenziya berish va uning amal qilish muddatini uzaytirish uchun davlat boji miqdori har qaysi litsenziya talabgori uchun u amalga oshiradigan konsert-tomosha faoliyati turiga va unga berilgan reyting guruhiga qarab belgilanadi.
39. Davlat boji litsenziya talabgori tomonidan Estrada san’atini rivojlantirish jamg‘armasining depozit hisob raqamiga to‘lanadi.
40. Litsenziya talabgorlari va litsenziatlar arizalarini ko‘rib chiqishdan tushgan mablag‘lar litsenziyalovchi organ tomonidan litsenziyalashni amalga oshirish bilan bog‘liq xarajatlarni qoplash uchun foydalaniladi.
O‘zbekiston Respublikasida va uning tashqarisida
gastrol-konsert faoliyatini, shuningdek to‘y,
yubiley va boshqa tantanalarda konsert
xizmati ko‘rsatishni litsenziyalash
to‘g‘risidagi nizomga
ILOVA
gastrol-konsert faoliyatini, shuningdek to‘y,
yubiley va boshqa tantanalarda konsert
xizmati ko‘rsatishni litsenziyalash
to‘g‘risidagi nizomga
ILOVA
Keyingi tahrirga qarang.
1. Ushbu Nizom gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini litsenziyalash tartibini belgilaydi.
Oldingi tahrirga qarang.
2. Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini litsenziyalash Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining komissiyalari (keyingi o‘rinlarda “Komissiya” deb yuritiladi) tomonidan amalga oshiriladi.
Komissiyalarga Qoraqalpog‘iston Respublikasi Vazirlar Kengashi Raisining, viloyatlar va Toshkent shahar hokimlarining tegishli o‘rinbosarlari boshchilik qiladi. Komissiyalar tarkiblari Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari tomonidan tasdiqlanadi.
Komissiyalarning ishchi organi funksiyasini Qoraqalpog‘iston Respublikasi Madaniyat va sport ishlari vazirligi, viloyatlar va Toshkent shahar madaniyat va sport ishlari boshqarmalari (keyingi o‘rinlarda ishchi organlar deb yuritiladi) bajaradilar.
(2-bandning birinchi xatboshisi O‘zbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — O‘zbekiston Respublikasi Qonun hujjatlari to‘plami, 2006-y., 46-47-son, 458-modda)
3. Ishchi organ litsenziyalar berish (ularning amal qilish muddatini uzaytirish) to‘g‘risidagi arizani tegishli hujjatlar bilan birga qabul qiladi, ular yuzasidan ekspert xulosasi tayyorlaydi, litsenziyalarni rasmiylashtirish va qayta rasmiylashtirishni amalga oshiradi, litsenziya bitimlari tuzadi, litsenziyalar reyestrini yuritadi, litsenziat tomonidan litsenziya talablari va shartlariga rioya etilishini nazorat qiladi, litsenziyalarning amal qilishini to‘xtatib turadi va tiklaydi.
4. Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyati faqat yuridik shaxslar tomonidan amalga oshirilishi mumkin.
5. Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini amalga oshirish huquqi uchun namunaviy (oddiy) litsenziyalar beriladi.
Litsenziya talabgorining arizasiga ko‘ra litsenziya umuman faoliyat turiga yoki uning bir qismiga berilishi mumkin.
Oldingi tahrirga qarang.
6. Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini amalga oshirish huquqiga litsenziya kamida 5 yil muddatga beriladi.
(6-band O‘zbekiston Respublikasi Vazirlar Mahkamasining 2006-yil 22-maydagi 92-son qarori tahririda — O‘zbekiston Respublikasi qonun hujjatlari to‘plami, 2006-y., 20-21-son, 181-modda)
7. Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyati turlarini amalga oshirishda litsenziya talablari va shartlariga quyidagilar kiradi:
a) gramplastinkalar, audiokassetalar va lazerli disklarni ishlab chiqish, ishlab chiqarish va yozish bo‘yicha:
qonun hujjatlariga, gramplastinkalar, audiokassetalar va lazerli disklarining texnik sifatiga qo‘yiladigan normativ-texnik talablarga majburiy rioya qilish;
gramplastinkalar, audiokassetalar va lazerli disklarni ishlab chiqish va yozish uchun zarur bo‘lgan tegishli moddiy-texnik bazaning, asbob-uskunalarning va boshqa texnik vositalarning mavjudligi;
Oldingi tahrirga qarang.
estrada jamoalari, yakkaxon ijrochilar hamda boshqa san’atkorlarning qo‘shig‘ini yozishda “O‘zbeknavo” estrada birlashmasi tomonidan gastrol-konsert faoliyatini amalga oshirish huquqi berilgan litsenziyaning mavjudligi.
(7-bandning “a” kichik bandi O‘zbekiston Respublikasi Prezidentining 2007-yil 13-iyundagi PQ-653-sonli qaroriga asosan xatboshi bilan to‘ldirilgan — Oliy Majlisi palatalarining Axborotnomasi, 2007-y., 6-son, 306-modda)
qonun hujjatlariga, gramplastinkalar, audiokassetalar va lazerli disklarning texnik sifatiga qo‘yiladigan normativ-texnik talablarga, shuningdek ularni bezash talablariga majburiy rioya qilish;
litsenziatning yoxud buyurtmachining gramplastinkalar, audiokassetalar va lazerli disklarni ko‘paytirishga bo‘lgan huquqlarini tasdiqlovchi hujjatlarning, import audiomahsulotlarni ko‘paytirishda esa, shuningdek ularni import qilish uchun belgilangan tartibda olingan ruxsatnomalarning mavjudligi;
litsenziat tomonidan mahsulotlar nomi, mazkur mahsulot tarkibiga kirgan asarlar nomini, tayyorlangan nusxalar sonini ko‘rsatgan holda gramplastinkalar, audiokassetalar va lazerli disklarning tayyorlangan nusxalari hisobi, shuningdek litsenziat yoxud ko‘paytirish buyurtmachisining ko‘paytirishga bo‘lgan huquqini tasdiqlovchi hujjatlar hisobi yuritilishi;
litsenziat tomonidan yong‘in xavfsizligi va sanitariya-gigiyena talablariga javob beradigan, ular to‘g‘risida litsenziyalovchi organga axborot taqdim etgan holda, binolar va xonalarda gramplastinkalar, audiokassetalar va lazerli disklarni ko‘paytirish bo‘yicha ishlab chiqarish faoliyati amalga oshirilishi;
litsenziat tomonidan standartlar talablariga muvofiq bo‘lgan asbob-uskunalar va boshqa texnik vositalardan foydalangan holda gramplastinkalar, audiokassetalar va lazerli disklarni ko‘paytirish bo‘yicha ishlab chiqarish faoliyati amalga oshirilishi;
qonun hujjatlariga, gramplastinkalar, audiokassetalar va lazerli disklarning texnik sifatiga qo‘yiladigan normativ-texnik talablarga majburiy rioya qilish;
litsenziat tomonidan yong‘in xavfsizligi va sanitariya-gigiyena talablariga javob beradigan binolar va xonalarda gramplastinkalar, audiokassetalar va lazerli disklarni sotish faoliyati amalga oshirilishi;
gramplastinkalar, audiokassetalar va lazerli disklarni nazorat-kassa mashinalarini majburiy qo‘llangan holda turg‘un savdo shoxobchalari orqali chakana sotish;
import audiomahsulotlarni, ularni import qilishga belgilangan tartibda olingan ruxsatnomalar mavjud bo‘lganda sotish.
8. Litsenziya bitimida ushbu Nizomning 7-bandida qayd etilganlardan aniq litsenziya talablari va shartlari nazarda tutilishi mumkin.
9. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:
yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bank muassasasidagi hisob raqami — yuridik shaxs uchun;
faoliyatning litsenziyalanadigan turi (yoxud uning bir qismi) va mazkur faoliyat turi amalga oshiriladigan muddat;
Oldingi tahrirga qarang.
(9-bandning “b” kichik bandi O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
v) ariza ko‘rib chiqilganligi uchun litsenziya talabgori tomonidan yig‘im to‘langanligini tasdiqlovchi hujjat.
10. Litsenziya talabgori tomonidan ushbu Nizomning 9-bandida ko‘rsatilgan hujjatlarga qo‘shimcha ravishda quyidagilar taqdim etiladi:
a) gramplastinkalar, audiokassetalar va lazerli disklarni ishlab chiqish va yozish faoliyatini amalga oshirish uchun mavjud moddiy-texnik baza, asbob-uskunalar va litsenziyalanayotgan faoliyatni amalga oshirish uchun zarur bo‘lgan boshqa texnik vositalar to‘g‘risidagi ma’lumotlar;
b) gramplastinkalar, audiokassetalar va lazerli disklarni ko‘paytirish faoliyatini amalga oshirish uchun:
litsenziyalanadigan faoliyat amalga oshiriladigan bino va xonalarga mulk huquqini yoki boshqa ashyoviy huquqlarni tasdiqlovchi hujjat;
yong‘in va sanitariya-epidemiologiya nazorati organlarining mavjud bino va xonalarning yong‘in xavfsizligi hamda sanitariya va gigiyena talablariga muvofiqligi to‘g‘risidagi xulosasi;
litsenziyalanayotgan faoliyatni amalga oshirish uchun zarur bo‘lgan mavjud asbob-uskunalar va boshqa texnik vositalar to‘g‘risidagi ma’lumotlar;
litsenziyalanadigan faoliyat amalga oshiriladigan bino va xonalarga mulk huquqini yoki boshqa ashyoviy huquqlarni tasdiqlovchi hujjat;
yong‘in va sanitariya-epidemiologiya nazorati organlarining mavjud bino va xonalarning yong‘in xavfsizligi hamda sanitariya va gigiyena talablariga muvofiqligi to‘g‘risidagi xulosasi;
kassa apparatining mavjudligini tasdiqlovchi hujjat — gramplastinkalar, audiokassetalar va lazerli disklarni naqd pulga chakana sotishni mo‘ljallayotgan litsenziya talabgorlari uchun.
11. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.
12. Hujjatlar litsenziya talabgori tomonidan litsenziyalovchi organga bevosita yoxud olinganligi to‘g‘risidagi bildirishnoma bilan pochta aloqasi vositasi orqali yetkazib beriladi.
Hujjatlar ishchi organning mas’ul shaxsi tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda ariza beruvchiga yuboriladi (topshiriladi).
Ishonchsiz yoki noto‘g‘ri ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
13. Litsenziya talabgorining arizasi ko‘rib chiqilganligi uchun O‘zbekiston Respublikasida belgilangan eng kam oylik ish haqining ikki baravari miqdorida yig‘im undiriladi.
Arizani ko‘rib chiqqanlik uchun yig‘im summasi ishchi organning bankdagi hisob raqamiga o‘tkaziladi. Litsenziya talabgori berilgan arizadan voz kechgan taqdirda to‘langan yig‘im summasi qaytarib berilmaydi.
14. Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini litsenziyalash ushbu Nizomga ilova qilinayotgan sxemaga muvofiq amalga oshiriladi.
Litsenziya talabgoriga litsenziyani berish yoki litsenziya berishni rad etish to‘g‘risidagi qaror litsenziya talabgorining arizasi olingan kundan boshlab o‘n besh kundan oshmaydigan muddatda qabul qilinadi.
Ishchi organ ariza olingan kundan boshlab besh kundan oshmaydigan muddatda hujjatlarni ko‘rib chiqadi, ular yuzasidan ekspert xulosasi tayyorlaydi va litsenziya talabgoriga litsenziya berish yoki litsenziya berishni rad etish to‘g‘risidagi taklifni tegishli qaror protokoli loyihasi bilan birga Komissiyaga tasdiqlash uchun taqdim etadi.
Komissiya ishchi organ taklifi olingandan keyin o‘n kundan oshmaydigan muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Komissiya qabul qilingan qaror protokolini komissiya (uning o‘rinbosari) tasdiqlaydi. Zarur hollarda Komissiya qarori so‘rov yo‘li bilan qabul qilinishi mumkin.
15. Ishchi organ litsenziya talabgorini qabul qilingan qaror to‘g‘risida tegishli qaror qabul qilingandan keyin uch kun mobaynida xabardor qiladi.
Litsenziya berish yuzasidan qaror qabul qilingani to‘g‘risidagi bildirishnoma litsenziya talabgoriga bank hisob raqami rekvizitlari, davlat bojini to‘lash muddatlari ko‘rsatilgan holda yozma shaklda jo‘natiladi (taqdim etiladi).
Litsenziyalovchi organ bilan litsenziat o‘rtasidagi o‘zaro huquqlar va majburiyatlarni belgilovchi litsenziya bitimi ishchi organ va litsenziat o‘rtasida tuziladi va unda quyidagilar bo‘lishi kerak:
litsenziat tomonidan litsenziya bitimi talablari va shartlari bajarilishining ishchi organ tomonidan nazorat qilinishi tartibi.
Oldingi tahrirga qarang.
16. Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi. Litsenziya blankasi namunasi O‘zbekiston Respublikasi Madaniyat va sport ishlari vazirligi tomonidan tasdiqlanadi va ishchi organ buyurtmasi bo‘yicha “Davlat belgisi” davlat-ishlab chiqarish birlashmasida bosmaxona usulida tayyorlanadi. Ishchi organ rahbari litsenziya blankalari hisobga olinishi, saqlanishi va ulardan maqsadli foydalanilishi uchun shaxsan javob beradi.
(16-bandning birinchi xatboshisi O‘zbekiston Respublikasi Vazirlar Mahkamasining 2005-yil 6-iyuldagi 156-son qarori tahririda — O‘zbekiston Respublikasi Qonun hujjatlari to‘plami, 2005-y., 27-son, 191-modda)
Litsenziyalar ishchi organ tomonidan rasmiylashtiriladi va Komissiya raisi (uning o‘rinbosari) tomonidan imzolanadi.
17. Litsenziya litsenziya talabgori tomonidan davlat boji to‘langanini tasdiqlovchi hujjat taqdim etilgandan va u litsenziya bitimini imzolagandan keyin uch kun muddatda beriladi.
18. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida ishchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, Komissiya litsenziyani bekor qilish to‘g‘risida qaror qabul qilishga haqlidir.
19. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida belgilangan asoslar bo‘yicha rad etilishi mumkin.
Litsenziya talabgori litsenziya berish rad etilishi to‘g‘risidagi qaror, shuningdek ishchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
Oldingi tahrirga qarang.
20. Litsenziya berish rad etilishi to‘g‘risida qaror qabul qilingan taqdirda rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada ko‘rsatilgan muddat kamchiliklarni bartaraf etish uchun zarur bo‘lgan vaqtga mutanosib bo‘lishi kerak.
(20-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
21. Litsenziya talabgori tomonidan litsenziya berish rad etilishiga asos bo‘lgan sabablar bartaraf etilgan taqdirda, hujjatlar litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda takroran ko‘rib chiqiladi.
Bunda ishchi organ hujjatlar takroran taqdim etilgandan keyin to‘rt kun mobaynida ular bo‘yicha ekspert xulosasi tayyorlaydi va litsenziya talabgoriga litsenziya berish yoki litsenziya berishni rad etish to‘g‘risidagi taklifni tegishli qaror protokoli loyihasi bilan birga Komissiyaga tasdiqlash uchun taqdim etadi.
Komissiya ishchi organ taklifi olingandan keyin olti kun muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Komissiya qabul qilgan qaror protokoli Komissiya raisi (uning o‘rinbosari) tomonidan imzolanadi.
Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
Oldingi tahrirga qarang.
22. Litsenziat qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir oy muddatda ishchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
(22-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
23. Litsenziat litsenziya qayta rasmiylashtirilgunga qadar unda ko‘rsatilgan faoliyatni ilgari berilgan litsenziya asosida amalga oshiradi.
24. Ishchi organ litsenziyani qayta rasmiylashtirishda litsenziyalar reyestriga tegishli o‘zgartirishlar kiritadi. Litsenziyalarni qayta rasmiylashtirish ishchi organ tomonidan tegishli hujjatlar ilova qilingan holda litsenziyalarni qayta rasmiylashtirish to‘g‘risida ariza olingan kundan boshlab besh kun mobaynida amalga oshiriladi.
Litsenziyalarni qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi ishchi organning bankdagi hisob raqamiga o‘tkaziladi.
25. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi.
Litsenziyaning amal qilish muddatini uzaytirish to‘g‘risidagi ariza ishchi organga litsenziyaning amal qilish muddati o‘tgunga qadar ikki oydan kechikmay berilishi kerak.
Litsenziyaning amal qilish muddatini uzaytirish yoki uzaytirishni rad etish to‘g‘risidagi qaror litsenziya berish uchun nazarda tutilgan tartibda qabul qilinadi.
26. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra uning dublikati berilishi mumkin.
Litsenziya dublikati berishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi ishchi organning bankdagi hisob raqamiga o‘tkaziladi.
27. Litsenziat tomonidan litsenziya shartlari va talablariga rioya etilishini nazorat qilish ishchi organ tomonidan qonun hujjatlarida belgilangan tartibda amalga oshiriladi.
28. Litsenziya talablari va shartlariga rioya etilishini nazorat qilishni amalga oshirishda ishchi organ o‘z vakolatlari doirasida quyidagi huquqlarga ega:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi holatlar mavjud bo‘lgan taqdirda litsenziat tomonidan litsenziya talablari va shartlariga rioya etilishini qonunda belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chog‘ida paydo bo‘ladigan masalalar yuzasidan litsenziatdan zarur axborotni so‘rash va olish;
tekshirishlar natijalari asosida, litsenziya talablari va shartlarining litsenziat tomonidan aniq buzilishlarini ko‘rsatgan holda dalolatnomalar (ma’lumotnomalar) tuzish;
litsenziatga aniqlangan qonun buzilishlarini bartaraf etish majburiyatini yuklovchi qarorlar chiqarish, bunday qonun buzilishlarini bartaraf etish muddatlarini belgilash;
litsenziyaning amal qilishini to‘xtatib turish, to‘xtatish yoxud litsenziyalarni bekor qilish to‘g‘risidagi takliflarni ko‘rib chiqish uchun Komissiyaga kiritish;
xo‘jalik yurituvchi subyektlar tomonidan faoliyat litsenziyasiz amalga oshirilishining aniqlangan holatlari to‘g‘risidagi materiallarni qonun hujjatlarida nazarda tutilgan choralarni ko‘rish uchun soliq organlariga belgilangan tartibda yuborish.
29. Litsenziya talablari va shartlariga rioya etilishini tekshirishda ishchi organning tekshiruvchi xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi ishchi organda qoladi.
Oldingi tahrirga qarang.
30. Litsenziyalovchi organ tomonidan litsenziyaning amal qilishini to‘xtatib turish va to‘xtatish, litsenziyani bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22-24-moddalarida nazarda tutilgan hollarda va tartibda amalga oshiriladi.
Komissiyaning litsenziyaning amal qilishini to‘xtatib turish to‘g‘risidagi qarori yuzasidan sudga shikoyat qilish mumkin. Litsenziya amal qilishining to‘xtatib turilishi sud tomonidan asossiz deb e’tirof etilgan taqdirda, Komissiya litsenziat oldida uning ko‘rgan zarari miqdorida javob beradi.
(30-bandning birinchi xatboshisi O‘zbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — O‘zbekiston Respublikasi Qonun hujjatlari to‘plami, 2006-y., 46-47-son, 458-modda)
Oldingi tahrirga qarang.
31. Litsenziat tomonidan litsenziya talablari va shartlarining buzilishlari aniqlangan hollarda Ma’naviy-ma’rifiy ishlarni muvofiqlashtirish kengashi litsenziyalovchi organlarga litsenziyalarning amal qilishini to‘xtatib turish to‘g‘risida takliflar kiritishga haqlidir.
(31-band O‘zbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — O‘zbekiston Respublikasi Qonun hujjatlari to‘plami, 2006-y., 46-47-son, 458-modda)
litsenziyalarni qayta rasmiylashtirish, ularning amal qilish muddatini uzaytirish, to‘xtatib turish va tiklashning asoslari va sanasi;
Oldingi tahrirga qarang.
33. Litsenziyalarning reyestrlarida mavjud bo‘lgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq bo‘ladi.
(33-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
34. Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini amalga oshirishga litsenziyalar berish va ularning amal qilish muddati uzaytirilganligi uchun to‘lov kunida qonunchilikda belgilangan eng kam oylik ish haqining o‘n baravari miqdorida davlat boji undiriladi.
Ishchi organ O‘zbekiston Respublikasi Davlat soliq qo‘mitasiga litsenziatlar reyestrini hamda yig‘imlar va davlat boji undirishdan mablag‘lar tushishi va ulardan maqsadli foydalanilishi to‘g‘risidagi hisobotni har chorakda, hisobot oyidan keyingi oyning 15-kunidan kechikmay taqdim etadi.
Gramplastinkalar, audiokassetalar va lazerli
disklarni ishlab chiqish, ishlab chiqarish, yozish,
ko‘paytirish va sotish faoliyatini
litsenziyalash to‘g‘risidagi nizomga
ILOVA
disklarni ishlab chiqish, ishlab chiqarish, yozish,
ko‘paytirish va sotish faoliyatini
litsenziyalash to‘g‘risidagi nizomga
ILOVA
Oldingi tahrirga qarang.
(Gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish faoliyatini litsenziyalash sxemasi O‘zbekiston Respublikasi Vazirlar Mahkamasining 2005-yil 6-iyuldagi 156-son qarori tahririda — O‘zbekiston Respublikasi Qonun hujjatlari to‘plami, 2005-y., 27-son, 191-modda)
Keyingi tahrirga qarang.
I. O‘zbekiston Respublikasi Vazirlar Mahkamasining “Estrada-qo‘shiqchilik san’atini yanada rivojlantirish to‘g‘risida” 2001-yil 26-iyundagi 272-son qarorida (O‘zbekiston Respublikasi QT, 2001-y., 6-son, 32-modda):
“O‘zbeknavo” estrada birlashmasi O‘zbekiston Respublikasida va undan tashqarida gastrol-konsert faoliyatini, shuningdek to‘y, yubiley va boshqa tantanalarda konsert xizmati ko‘rsatish faoliyatini litsenziyalovchi organ hisoblanadi”;
“Mazkur guruh xulosasi “O‘zbeknavo” estrada birlashmasi tomonidan litsenziyalar berilishi uchun asos hisoblanadi”.
3. Milliy estrada san’atini rivojlantirish va muvofiqlashtirish Kengashi to‘g‘risida Nizomning (qarorga 2-ilova) 5.6-bandidagi “to‘ylar, yubileylar va boshqa tantanalarda badiiy xizmat ko‘rsatish (konsert qo‘yish)” so‘zlari “to‘y, yubiley va boshqa tantanalarda konsert xizmati ko‘rsatish” so‘zlari bilan almashtirilsin.
4. Milliy estrada san’atini rivojlantirish va muvofiqlashtirish Kengashining “O‘zbeknavo” estrada birlashmasi to‘g‘risidagi Nizomda (qarorga 4-ilova):
“O‘zbekiston Respublikasida va uning tashqarisida gastrol-konsert faoliyatini amalga oshirish, to‘ylar, yubileylar va boshqa tantanalarga konsert xizmati ko‘rsatish huquqi uchun Ijodiy ko‘maklashish vakillari guruhi xulosalari asosida litsenziyalar berish”;
“O‘zbekiston Respublikasida va uning tashqarisida gastrol-konsert faoliyatini, shuningdek to‘y, yubiley va boshqa tantanalarda konsert xizmati ko‘rsatish faoliyatini litsenziyalashni amalga oshiradi”.
II. O‘zbekiston Respublikasi Vazirlar Mahkamasining “Gastrol-konsert faoliyati sohasida soliq solishni va audio-videokassetalarni tarqatishni takomillashtirish chora-tadbirlari to‘g‘risida” 2001-yil 29-iyundagi 285-son qarorida (O‘zbekiston Respublikasi QT, 2001-y., 6-son,36-modda):
T/r | Faoliyat turlari | Jismoniy va yuridik shaxslar uchun (bir jismoniy shaxs hisobiga) yillik boj miqdori, eng kam oylik ish haqining quyidagicha baravari miqdorida | ||||||||||||||||
reyting guruhlari bo‘yicha | ||||||||||||||||||
I | II | III | IV | |||||||||||||||
1. | O‘zbekiston Respublikasida va undan tashqarida gostrol-konsert faoliyatini amalga oshirish: | 150 | 75 | 50 | 30 | |||||||||||||
yakka ijrochi konserti (bitta ijrochining konsert dasturi); | ||||||||||||||||||
bitta janrning ikki yoki undan ko‘p ijrochisi ishtiro-kidagi konsert dasturi; | ||||||||||||||||||
2. | To‘y, yubiley va boshqa tantanalarda konsert xizmati ko‘rsatish: | 100 | 50 | 25 | 15 | |||||||||||||
restoranlar, qahvaxonalar, barlar va xususiy uylarda yubiley tantanalariga �izmat ko‘rsatish; | ||||||||||||||||||
restoranlar, xususiy uylar, qahvaxonalar va barlarda to‘ylarda (nikohni qayd etish, osh berish, kechqurungi nikoh to‘yi, “kelin salom”, “charlar”, “sunnat to‘yi” tadbirlariga) xizmat ko‘rsatish; | ||||||||||||||||||
xordiq chiqarish muassasalari, klublar, diskotekalar, restoranlar, barlar va qahva-xonalarda xizmat ko‘rsatish. | ||||||||||||||||||