LexUZ sharhi
Mazkur qaror O‘zbekiston Respublikasi Vazirlar Mahkamasining 2012-yil 26-iyundagi 183-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasining “Davlat statistikasi to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqida” 2012-yil 3-yanvardagi O‘RQ-315-son Qonuni)” qaroriga asosan o‘z kuchini yo‘qotgan.
O‘zbekiston Respublikasi Prezidentining “Kapital qurilishda iqtisodiy islohotlarni yanada chuqurlashtirishning asosiy yo‘nalishlari to‘g‘risida” 2003-yil 6-maydagi PF-3240-son Farmonini bajarish yuzasidan hamda qurilish sohasida hisobotni yanada takomillashtirish, birxillashtirish va ma’lumotlarni qisqartirish hisobiga bozor iqtisodiyoti talablariga javob beruvchi yagona hisobot tizimini barpo etish maqsadida Vazirlar Mahkamasi qaror qiladi:
1. O‘zbekiston Respublikasi Iqtisodiyot vazirligi, Davlat statistika qo‘mitasi, Moliya vazirligi, Davlat soliq qo‘mitasi hamda Davlat arxitektura va qurilish qo‘mitasining kapital qurilishda hisobotlarning ilovaga muvofiq shakllarini birxillashtirish va qisqartirish to‘g‘risidagi taklifi ma’qullansin.
2. Qiymat ko‘rsatkichlari taqqoslanishini ta’minlash uchun O‘zbekiston Respublikasi Iqtisodiyot vazirligi “Davarxitektqurilish” qo‘mitasi va Davlat statistika qo‘mitasi bilan birgalikda ikki oy muddatda asosiy sarmoyaga va qurilish ishlariga investitsiyalar bo‘yicha narxlar indekslarini hisoblab chiqish metodikasini xalqaro standartlarga muvofiq ishlab chiqsin va tasdiqlasin.
qurilish sohasidagi davlat statistika hisobotini mazkur qarorning ilovasiga muvofiqlashtirsin va uning 2004-yil 1-yanvardan boshlab olib borilayotgan statistika ishlari amaliyotiga kiritilishini ta’minlasin;
ikki oy muddatda manfaatdor vazirliklar va idoralar bilan birgalikda qurilish sohasidagi idoraviy statistika hisobotining amaldagi shakllarini ularning bozor talablariga muvofiqligi yuzasidan xatlovdan o‘tkazsin hamda ularni tartibga solish yoki bekor qilish to‘g‘risida Vazirlar Mahkamasiga taklif kiritsin;
2003-yil 1-dekabrgacha ilovada keltirilgan statistika hisoboti shakllari va ularni to‘ldirishga doir yo‘riqnomalarni belgilangan tartibda O‘zbekiston Respublikasi Adliya vazirligiga taqdim etsin.
LexUZ sharhi
Qarang: “Obyektlar, quvvatlarni ishga tushirish va ularning qurilishiga kiritilgan investitsiyalardan foydalanish to‘g‘risida hisobot” bo‘yicha 1-qurilish (yillik) va 1-qurilish (choraklik) davlat statistika hisoboti shakllarini to‘ldirish tartibi to‘g‘risida”gi Yo‘riqnoma (ro‘yxat № 1314, 17.02.2004-y.) va “Nomoliyaviy aktivlarga kiritilgan investitsiyalar to‘g‘risida hisobot” bo‘yicha 2-invest (yillik) va 2-invest (choraklik) davlat statistika hisoboti shakllarini to‘ldirish tartibi to‘g‘risida”gi Yo‘riqnoma (ro‘yxat № 1316, 24.02.2004-y.).
4. Vazirliklar, idoralar, uyushmalar, korporatsiyalar, boshqa xo‘jalik birlashmalari qurilish ixtisosligidagi korxonalar va tashkilotlar uchun boshqaruvning barcha darajalarida qonun hujjatlarida va mazkur qarorda nazarda tutilmagan qo‘shimcha hisobot shakllari joriy etilishiga yo‘l qo‘ymasinlar.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
T/r | Statistika hisoboti shakllarining nomi | Shaklning tartib raqami | Davriyligi | Kiritilayotgan o‘zgartirish va qo‘shimchalar |
I. Hisobotlarning tugatilayotgan shakllari | ||||
1. | Asosiy kapitalga kiritilgan investitsiyalar to‘g‘risida | 2-invest (qisqacha | oylik | |
2. | Ijtimoiy soha ayrim obyektlarini ishga tushirish to‘g‘risida | 2-qurilish | choraklik | |
3. | Pudrat shartnomasi tuzishning borishi to‘g‘risida | 1-KS (shartnoma) | yilda 2-marta | |
4. | Bajarilgan ishlarni qabul qilib olish dalolatnomasi | 2-shakl | oylik | |
5. | Bajarilgan ishlar va xarajatlar to‘g‘risida ma’lumotnoma | 3-shakl | oylik | |
II. Hisobotlarning saqlanib qoladigan, birxillashtiriladigan va yangidan kiritiladigan shakllari | ||||
1. | Yakka tartibda qurilgan uy-joy binolarini ishga tushirish to‘g‘risida | 1-YaTUJQ | yillik | Saqlanib qoladi |
2-3. | Nomoliyaviy aktivlarga kiritilgan investitsiyalar to‘g‘risida | 2-invest | choraklik yillik | Shakllar mazmuni O‘zbekiston Respublikasi Prezidentining 2003-yil 6-maydagi PF-3240-son Farmoni qoidalariga va Farmonni bajarish yuzasidan qabul qilingan Hukumat qarorlariga muvofiq yoziladi |
4-5. | Obyektlar, quvvatlarni ishga tushirish va ular qurilishida asosiy kapitalga kiritilgan investitsiyalardan foydalanish to‘g‘risida | 1-qurilish | choraklik yillik | |
6. | Jismoniy shaxslar tomonidan olib borilayotgan obyektlar qurilishi to‘g‘risida | 1-JQ (shoshi-linch) | choraklik | |
7. | Ijtimoiy soha obyektlarining ishga tushirilishi va qurilish ishlarining bajarilishi to‘g‘risida | 1-KS | yillik | Shakllar mazmuni O‘zbekiston Respublikasi Prezidentining 2003-yil 6-maydagi PF-3240-son Farmoni qoidalariga va Farmonni bajarish yuzasidan qabul qilingan Hukumat qarorlariga muvofiq yoziladi |
8. | Quri�ish ishlarining bajarilishi to‘g‘risida | 1-KS | oylik | |
9. | Loyiha-qidiruv ishlari qiymati to‘g‘risida | 4-KS | yillik | |
10. | Tugallanmagan qurilishlar ahvoli to‘g‘risida | 8-KS | oylik | |
11. | Atrof muhitni muhofaza qilish va tabiat resurslaridan oqilona foydalanishga yo‘naltirilgan asosiy kapitalga kiritilgan investitsiyalar to‘g‘risida | 18-KS | yillik | |
12. | Xarid qilingan asosiy qurilish materiallari, qismlar, konstruksiyalar va uskunalar narxi to‘g‘risida (moliyalashtirishning markazlashtirilgan manbalari hisobiga qurilayotgan obyektlar bo‘yicha taqdim etiladi) | 9-KS | oylik | Yangidan kiritilmoqda |
13. | Bajarilgan ishlar (qilingan xarajatlar) qiymati to‘g‘risida ma’lumotnoma-hisob-faktura | oylik | 2 va 3-shakllar o‘rniga yangidan kiritilmoqda |