LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 7-iyuldagi 472-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zi qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Yo‘l xo‘jaligini boshqarish tizimini yanada takomillashtirish chora-tadbirlari to‘g‘risida” 2017-yil 14-fevraldagi PF-4954-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Umumiy foydalaniladigan avtomobil yo‘llari qurish va ulardan foydalanishni boshqarish tizimini takomillashtirish to‘g‘risida” 2003-yil 19-avgustdagi PF-3292-son Farmoniga muvofiq hamda umumiy foydalaniladigan yo‘llar samarali saqlanishi, ta’mirlanishi, rekonstruksiya qilinishi va qurilishini ta’minlash maqsadida Vazirlar Mahkamasi qaror qiladi:
“O‘zavtoyo‘l” davlat-aksiyadorlik kompaniyasining tashkiliy tuzilmasi va boshqaruv xodimlarining cheklangan soni 29 nafar bo‘lgan ijro etuvchi apparati tuzilmasi 1 va 2-ilovalarga muvofiq;
yo‘l-qurilish hududiy sho‘ba tashkilotlarining (keyingi o‘rinlarda matnda hududiy yo‘l-qurilish tashkilotlari deb yuritiladi) boshqaruv xodimlarining cheklangan soni 15 nafar bo‘lgan namunaviy tuzilmasi 3-ilovaga muvofiq;
yo‘l xo‘jaligi tuman pudrat ta’mirlash-foydalanish korxonalarining boshqaruv xodimlarining cheklangan soni 10 nafar bo‘lgan namunaviy tuzilmasi 4-ilovaga muvofiq tasdiqlansin.
Keyingi tahrirga qarang.
“O‘zavtoyo‘l” davlat-aksiyadorlik kompaniyasini boshqarishning yuqori organi O‘zbekiston Respublikasi Vazirlar Mahkamasi tomonidan tayinlanadigan Kompaniya kengashi hisoblanadi;
“O‘zavtoyo‘l” davlat-aksiyadorlik kompaniyasi raisi va uning o‘rinbosarlari lavozimga Kompaniya kengashi taqdimnomasiga ko‘ra O‘zbekiston Respublikasi Vazirlar Mahkamasi tomonidan tayinlanadi;
Keyingi tahrirga qarang.
yo‘l-qurilish hududiy tashkilotlari rahbarlari lavozimga tegishli ravishda Qoraqalpog‘iston Respublikasi Vazirlar Kengashi va viloyatlar hokimlari taqdimnomasiga ko‘ra “O‘zavtoyo‘l” davlat-aksiyadorlik kompaniyasi tomonidan tayinlanadi.
3. O‘zbekiston Respublikasining Bosh vaziri O‘.T. Sultonov Vazirlar Mahkamasining Yo‘l-transport kommunikatsiyalarini qurish va rivojlantirish kompleksi bilan birgalikda bir hafta muddatda Vazirlar Mahkamasiga Kompaniya kengashi tarkibi yuzasidan takliflar kiritsin.
“O‘zavtoyo‘l” davlat-aksiyadorlik kompaniyasi shartnomalar va majburiyatlar bo‘yicha “O‘zavtoyo‘l” davlat konsernining huquqiy vorisi hisoblanadi;
“O‘zavtoyo‘l” davlat-aksiyadorlik kompaniyasining ustav fondi umumiy foydalaniladigan avtomobil yo‘llari asosiy fondlari va o‘zgartirilayotgan “O‘zavtoyo‘l” davlat konserni mol-mulki hisobiga hosil bo‘ladi;
hududiy yo‘l-qurilish tashkilotlarining ustav fondlari mahalliy ahamiyatga (viloyat ahamiyatiga) ega bo‘lgan umumiy foydalaniladigan avtomobil yo‘llarining ularga beriladigan asosiy fondlari, shuningdek o‘zgartirilayotgan hududiy davlat-aksiyadorlik birlashmalarining mol-mulki hisobiga hosil bo‘ladi;
“O‘zavtoyo‘l” davlat-aksiyadorlik kompaniyasini tashkil etish jarayonida chiqarilgan aksiyalar davlat mulki hisoblanadi va sotilmasligi yoki boshqacha begonalashtirilmasligi kerak.
5. O‘zbekiston Respublikasi Davlat mulki qo‘mitasi va “O‘zavtoyo‘l” davlat-aksiyadorlik kompaniyasi bir oy muddatda:
“O‘zavtoyo‘l” davlat-aksiyadorlik kompaniyasining ustavi ishlab chiqilishi, tasdiqlanishi va belgilangan tartibda ro‘yxatdan o‘tkazilishini ta’minlasinlar;
“O‘zavtoyo‘l” davlat-aksiyadorlik kompaniyasi tarkibiga kiruvchi umumiy foydalanishdagi avtomobil yo‘llarini qurish, ulardan foydalanish va ularni saqlash bilan bog‘liq bo‘lmagan korxonalarni xatlovdan o‘tkazsinlar hamda ularni davlat tasarrufidan chiqarish va xususiylashtirish yuzasidan Vazirlar Mahkamasiga takliflar kiritsinlar;
6. “O‘zavtoyo‘l” davlat-aksiyadorlik kompaniyasi tarkibiga kiruvchi korxonalar va tashkilotlar yo‘l xo‘jaligi tizimi korxonalari va tashkilotlari o‘zgartirilishi munosabati bilan tekin oladigan mol-mulk, asosiy va aylanma vositalar bo‘yicha daromad (foyda) solig‘idan ozod qilinsin.
O‘zbekiston Respublikasi Moliya vazirligi huzuridagi Respublika yo‘l jamg‘armasi to‘g‘risidagi Nizom 5-ilovaga muvofiq;
O‘zbekiston Respublikasi Moliya vazirligi huzuridagi Respublika yo‘l jamg‘armasi daromadlarini shakllantirish va mablag‘larini sarflash tartibi to‘g‘risidagi Nizom 6-ilovaga muvofiq;
Keyingi tahrirga qarang.
O‘zbekiston Respublikasi Moliya vazirligi huzuridagi Respublika yo‘l jamg‘armasini boshqarish kengashi tarkibi 7-ilovaga* muvofiq;
O‘zbekiston Respublikasi Moliya vazirligi huzuridagi Respublika yo‘l jamg‘armasi Ijro etuvchi direksiyasining xodimlarning cheklangan soni 45 nafar bo‘lgan tuzilmasi 8-ilovaga muvofiq tasdiqlansin.
Keyingi tahrirga qarang.
8. Belgilansinki, O‘zbekiston Respublikasi Moliya vazirligi huzuridagi Respublika yo‘l jamg‘armasining ijro etuvchi direktori O‘zbekiston Respublikasi Moliya vazirining taqdimnomasiga ko‘ra O‘zbekiston Respublikasi Vazirlar Mahkamasi tomonidan lavozimga tayinlanadi hamda moddiy ta’minot, ijtimoiy va transport xizmati ko‘rsatish shart-sharoitlari bo‘yicha vazir o‘rinbosariga tenglashtiriladi.
Respublika yo‘l jamg‘armasi mablag‘laridan qonuniy va maqsadli foydalanilishini nazorat qilish O‘zbekiston Respublikasi Moliya vazirligi huzuridagi Respublika yo‘l jamg‘armasini boshqarish kengashiga yuklanadi;
Respublika yo‘l jamg‘armasining noqonuniy sarflangan va maqsadli foydalanilmagan mablag‘lari qonun hujjatlarida belgilangan tartibda Jamg‘armaga undirib olinadi.
10. O‘zbekiston Respublikasi Moliya vazirligining Nazorat-taftish bosh boshqarmasi O‘zbekiston Respublikasi Davlat soliq qo‘mitasi bilan birgalikda bir oy muddatda Respublika yo‘l jamg‘armasi mablag‘laridan foydalanilishini tekshirib chiqsin, xarajatlarning maqsadli yo‘naltirilganligi va samaradorligiga, shuningdek asbob-uskunalar va tovar-moddiy boyliklar sotib olishga tuzilgan kontraktlarga, shu jumladan import kontraktlarga alohida e’tiborni qaratsin.
11. O‘zbekiston Respublikasi Davlat arxitektura va qurilish qo‘mitasi yo‘l xo‘jaligi tizimida tanlov savdolari (tenderlar) tashkil etilishi va o‘tkazilishi ustidan nazoratni ta’minlasin hamda tanlov savdolari natijalariga ko‘ra tuzilgan shartnomalar bajarilishining monitoringini olib borsin.
12. O‘zbekiston Respublikasi Davlat soliq qo‘mitasi unga Moliya vazirligi huzuridagi Respublika yo‘l jamg‘armasiga mablag‘lar to‘planishini ta’minlash funksiyalari yuklanganligini hisobga olgan holda:
ikki hafta muddatda xodimlarning belgilangan soni doirasida markaziy apparatda xodimlar soni 4 kishidan iborat bo‘lgan tegishli bo‘lim, viloyat boshqarmalarida 3 kishidan ortiq bo‘lmagan sektor tashkil etsin, shuningdek tuman va shahar soliq inspeksiyalari tuzilmasiga zarur o‘zgartirishlar kiritsin;
2003-yil 1-oktabrga qadar Respublika yo‘l jamg‘armasiga mablag‘lar tushishini hisobga olish va nazorat qilish funksiyalarini bajaruvchi kadrlarning o‘qishini o‘tkazsin.
13. O‘zbekiston Respublikasi Hukumatining 9-ilovaga muvofiq ayrim qarorlari o‘z kuchini yo‘qotgan deb hisoblansin.
14. O‘zbekiston Respublikasi Adliya vazirligi tegishli vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
15. Mazkur qarorning bajarilishini nazorat qilish O‘zbekiston Respublikasining Bosh vaziri O‘. T. Sultonov zimmasiga yuklansin.
Oldingi tahrirga qarang.
(“O‘zavtoyo‘l” davlat-aksiyadorlik kompaniyasining tashkiliy tuzilmasi O‘zbekiston Respublikasi Vazirlar Mahkamasining 2005-yil 15-fevraldagi 64-son qarori tahririda — O‘zbekiston Respublikasi Qonun hujjatlari to‘plami, 2005-y., 7-son, 57-modda)
Keyingi tahrirga qarang.
1. O‘zbekiston Respublikasi Moliya vazirligi huzuridagi Respublika yo‘l jamg‘armasi (keyingi o‘rinlarda matnda Jamg‘arma deb yuritiladi) O‘zbekiston Respublikasi Prezidentining “Umumiy foydalaniladigan avtomobil yo‘llari qurish va ulardan foydalanishni boshqarish tizimini takomillashtirish to‘g‘risida” 2003-yil 19-avgustdagi PF-3292-son Farmoni bilan tashkil etilgan hamda umumiy foydalaniladigan avtomobil yo‘llarini qurish, ta’mirlash va saqlash uchun maqsadli moliyaviy resurslarni jamlovchi davlat organi hisoblanadi.
2. Jamg‘arma o‘z faoliyatini O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy majlisining boshqa qarorlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga hamda mazkur Nizomga muvofiq amalga oshiradi.
3. Jamg‘arma yuridik shaxs hisoblanadi, mustaqil balansga, O‘zbekiston Respublikasi Markaziy bankida hisob raqamlariga, shu jumladan xorijiy valyutadagi hisob raqamlariga, O‘zbekiston Respublikasi Davlat gerbi tasviri tushirilgan gerbli muhrga ega bo‘ladi.
Oldingi tahrirga qarang.
umumiy foydalaniladigan avtomobil yo‘llarini loyihalashtirish, qurish, rekonstruksiya qilish, ta’mirlash, saqlash, shu jumladan foydalanish ehtiyojlari uchun jihozlash (mashina va mexanizmlar sotib olish) va yo‘l diagnostikasiga;
“O‘zavtoyo‘l” davlat-aksiyadorlik kompaniyasi, hududiy sho‘ba yo‘l-qurilish tashkilotlari va Jamg‘arma Ijro etuvchi direksiyasining muhandis-texnik xodimlari va boshqaruv apparati xodimlari malakasini oshirishga;
Jamg‘arma Ijro etuvchi direksiyasi ta’minotiga, “O‘zavtoyo‘l” davlat-aksiyadorlik kompaniyasi hamda Qoraqalpog‘iston Respublikasi va viloyatlardagi hududiy sho‘ba yo‘l-qurilish tashkilotlarining ular tomonidan bajariladigan buyurtmachi funksiyalari xarajatlarini qoplashga sarflanadi.
(4-band O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
5. Jamg‘armaning yuridik manzili: O‘zbekiston Respublikasi, Toshkent shahri, Mustaqillik maydoni, 5.
6. Umumiy foydalaniladigan avtomobil yo‘llarini tarmog‘ini rivojlantirish dasturlarini hamda ularning zarur darajadagi texnik holatiga va avtomobillarni o‘tkazish imkoniyatlariga erishishga yo‘naltirilgan tadbirlarni moliyalashtirish uchun mablag‘larni jamlash Jamg‘armaning maqsadi hisoblanadi.
Respublika yo‘l jamg‘armasi mablag‘lari tushishi va sarflanishining har yillik va choraklik balanslarini shakllantirish;
investitsiya loyihalarining texnik-iqtisodiy asoslashlarini hamda umumiy foydalaniladigan avtomobil yo‘llarini qurish, rekonstruksiya qilish, ta’mirlash va jihozlash bo‘yicha tender hujjatlarini ekspertizadan o‘tkazish;
yo‘l xo‘jaligi obyektlarini qurish, rekonstruksiya qilish, ta’mirlash va jihozlashning aniq ro‘yxatlarini belgilangan tartibda kelishish;
umumiy foydalaniladigan avtomobil yo‘llaridan foydalanish va ularni saqlash bo‘yicha xarajatlar smetalarini ro‘yxatdan o‘tkazish;
umumiy foydalaniladigan avtomobil yo‘llarini qurish, rekonstruksiya qilish, ta’mirlash va jihozlashni tasdiqlangan xarajatlarga muvofiq moliyalashtirish, Jamg‘arma mablag‘laridan foydalanishning qonuniyligi va maqsadli foydalanilishini nazorat qilish.
Respublika yo‘l jamg‘armasi daromadlari va xarajatlarining har yillik balanslarini ishlab chiqadi va yig‘ma Davlat budjeti loyihasiga kiritish uchun belgilangan muddatlarda O‘zbekiston Respublikasi Moliya vazirligiga taqdim etadi;
Jamg‘arma kelgusi yil xarajatlarining tasdiqlangan parametrlarini “O‘zavtoyo‘l” davlat-aksiyadorlik kompaniyasiga, daromadlarining yil choraklari bo‘yicha taqsimlangan parametrlarini O‘zbekiston Respublikasi Davlat soliq qo‘mitasiga va Davlat bojxona qo‘mitasiga yetkazadi;
Jamg‘arma daromadlarining tushum manbalari va respublika mintaqalari bo‘yicha, shuningdek xarajatlarining asosiy yo‘nalishlari bo‘yicha hisobini olib boradi;
Davlat soliq qo‘mitasi va Davlat bojxona qo‘mitasi bilan birgalikda Jamg‘armaga to‘lovlar o‘z vaqtida va to‘liq tushishini ta’minlash ishlarini olib boradi;
daromadlar tushishi prognozi bajarilishini tahlil qiladi, Davlat soliq qo‘mitasi va Davlat bojxona qo‘mitasi bilan birgalikda daromadlar tushishi prognozi bajarilishiga salbiy ta’sir ko‘rsatgan omillarni bartaraf etish chora-tadbirlarini ko‘radi;
yo‘l xo‘jaligi obyektlarini qurish, rekonstruksiya qilish, mukammal ta’mirlash va jihozlash bo‘yicha yig‘ma aniq ro‘yxatlarni ko‘rib chiqadi va “O‘zavtoyo‘l” davlat-aksiyadorlik kompaniyasi tasdiqlashi uchun rozilik beradi;
umumiy foydalaniladigan avtomobil yo‘llarini saqlash va ta’mirlash uchun xarajatlar smetasini belgilangan tartibda ro‘yxatdan o‘tkazadi;
“O‘zavtoyo‘l” davlat-aksiyadorlik kompaniyasi tomonidan taqdim etiladigan investitsiya loyihalarining texnik-iqtisodiy asoslashlarini hamda umumiy foydalaniladigan avtomobil yo‘llarini qurish, rekonstruksiya qilish, ta’mirlash va jihozlash bo‘yicha tender hujjatlarini ekspertizadan o‘tkazadi;
o‘tkazilgan ekspertiza natijalari bo‘yicha investitsiya loyihalarining texnik-iqtisodiy asoslashlarida tender hujjatlaridagi qonun buzilishlarni bartaraf etish yuzasidan xulosa (yozma ko‘rsatma) beradi;
Jamg‘arma mablag‘laridan maqsadli va samarali foydalanish masalalari bo‘yicha “O‘zavtoyo‘l” davlat-aksiyadorlik kompaniyasida, yo‘l-qurilish hududiy sho‘ba tashkilotlarida va yo‘l xo‘jaligi tuman pudrat ta’mirlash-foydalanish korxonalarida hujjatli tekshirishlar va taftishlar o‘tkazish;
tekshirishlar va taftishlarda aniqlangan qonun buzilishlar va kamchiliklarni bartaraf etish, shuningdek belgilangan tartibda qonun hujjatlarida nazarda tutilgan tegishli jazo choralari berish to‘g‘risida takliflar kiritadi;
daromadlar va xarajatlarni shakllantirish tartibini, shuningdek Jamg‘armaga ajratmalar va yig‘imlar stavkalarini takomillashtirish yuzasidan maqsadli ishlarni olib boradi;
Jamg‘arma daromadlari va xarajatlari bo‘yicha normativ-huquqiy hujjatlarni ishlab chiqadi va tasdiqlash uchun tegishli organlarga kiritadi;
umumiy foydalaniladigan avtomobil yo‘llarini qurish, rekonstruksiya qilish, mukammal ta’mirlash va jihozlash bo‘yicha belgilangan tartibda tasdiqlanadigan aniq ro‘yxatlar va xarajatlar smetasi asosida, shuningdek yo‘l xo‘jaligi obyektlari bo‘yicha qurilish va ta’mirlash ishlarining amalda bajarilishini hisobga olgan holda Jamg‘arma xarajatlarini moliyalashtiradi.
Jamg‘arma mablag‘laridan maqsadli va samarali foydalanilishini ta’minlash maqsadida “O‘zavtoyo‘l” davlat-aksiyadorlik kompaniyasida va uning tarkibiga kiruvchi yo‘l-qurilish hududiy sho‘ba tashkilotlarida, shuningdek yo‘l xo‘jaligi tuman pudrat ta’mirlash-foydalanish korxonalarida hamda Jamg‘arma mablag‘laridan foydalanish bilan bog‘liq bo‘lgan boshqa tashkilotlarda taftishlar va tekshirishlar o‘tkazish;
qurilish, ta’mirlash, boshqa ishlar hajmlarini nazorat tartibida o‘lchash hamda boshqa tekshirishlar uchun tegishli idoralar va vakolatli banklar mutaxassislarini belgilangan tartibda jalb qilish;
tekshirilayotgan tashkilot rahbarlaridan va mansabdor shaxslaridan taftishlar va tekshirishlar o‘tkazishda paydo bo‘luvchi masalalar, moliyaviy intizomni buzish hollari yuzasidan tushuntirishlar berishni, shuningdek ma’lumotnomalarni, taftishlar va tekshirishlar dalolatnomalarini imzolashni talab qilish;
taftishlar va tekshirishlar materiallari bo‘yicha moliyaviy intizomni buzish hollarini bartaraf etish, moddiy zararni qoplash, aybdor shaxslarni javobgarlikka tortish yuzasidan tegishli takliflar kiritish;
moliyaviy intizomni buzish hollari aniqlangan taqdirda taftishlar va tekshirishlar materiallarini huquqni muhofaza qilish organlariga berish;
Jamg‘arma mablag‘lari tushishida va ularni sarflashdagi kamchiliklar va qonun buzilishlarni bartaraf etish yuzasidan takliflar kiritish;
aniqlangan qonun buzilishlarni bartaraf etish yuzasidan amaldagi qonun hujjatlariga muvofiq boshqa chora-tadbirlar ko‘rish;
a) O‘zbekiston Respublikasi Davlat soliq qo‘mitasi va Davlat bojxona qo‘mitasidan – tezkor hisobotni hamda ajratmalar hisoblanganligi va tushganligi to‘g‘risidagi boshqa ma’lumotlarni, Jamg‘armaga to‘lovlar bo‘yicha vaqtida to‘lanmagan to‘lovlar miqdori haqidagi ma’lumotlarni;
v) “O‘zavtoyo‘l” davlat-aksiyadorlik kompaniyasi va uning bo‘linmalaridan – yillik buxgalteriya va statistika hisobotini olish.
yuklangan vazifalarga muvofiq Jamg‘arma mablag‘laridan qat’iy maqsadli foydalanilishini ta’minlashga;
O‘zbekiston Respublikasi Davlat soliq qo‘mitasi va Davlat bojxona qo‘mitasi bilan birgalikda Jamg‘arma daromadlari prognozining tushum turlari va mintaqalar bo‘yicha bajarilishi ahvolini tahlil qilish hamda daromadlar uzluksiz tushishiga salbiy ta’sir ko‘rsatgan omillar asosida ularni bartaraf etish yuzasidan qo‘shma chora-tadbirlar ko‘rishga;
a) O‘rta muddatli va uzoq muddatli dasturlarni hamda respublikada avtomobil yo‘llari tarmog‘ini rivojlantirish va takomillashtirish bo‘yicha alohida investitsiya loyihalarini ishlab chiqish va amalga oshirishda;
b) umumiy foydalaniladigan avtomobil yo‘llariga, ko‘priklar, tonnellarga, eng avvalo xalqaro va respublika ahamiyatiga ega bo‘lgan avtomobil yo‘llariga, ko‘priklar, tonnellarga kompleks xizmat ko‘rsatish, ularning o‘tkazish imkoniyatlarining zarur darajadagi texnik holatini ta’minlashda;
v) respublikada avtomobil yo‘llari tarmog‘ini rivojlantirish va takomillashtirishda yagona texnika, investitsiya va tashqi iqtisodiy siyosatni amalga oshirishda ko‘maklashishga majburdir.
Jamg‘armani boshqarish kengashining tarkibi O‘zbekiston Respublikasi Vazirlar Mahkamasi qarori bilan tasdiqlanadi.
Jamg‘arma ijro etuvchi direksiyasi va O‘zavtoyo‘l” davlat-aksiyadorlik kompaniyasining avtomobil yo‘llari tarmog‘ini rivojlantirish va takomillashtirishning belgilangan tartibda tasdiqlangan dasturlari, shuningdek ularga kompleks xizmat ko‘rsatishni hamda ularning zarur darajadagi texnik holatini va o‘tkazish imkoniyatlarini ta’minlash tadbirlaridan kelib chiqqan holda Jamg‘arma xarajatlarining asosiy yo‘nalishlari, mablag‘lardan foydalanish ustuvorliklari to‘g‘risidagi takliflarini ko‘rib chiqadi;
O‘zbekiston Respublikasi Davlat soliq qo‘mitasi ishtirokida Jamg‘armaga to‘lovlarning to‘liq va o‘z vaqtida to‘lanishini ta’minlash masalalari yuzasidan ayrim vazirliklar va idoralarning hisobotlarini eshitadi;
O‘zbekiston Respublikasi Vazirlar Mahkamasiga Jamg‘arma daromadlarini shakllantirish va sarflash tartibini takomillashtirish yuzasidan takliflar kiritadi;
Respublika yo‘l jamg‘armasi mablag‘laridan foydalanishning qonuniyligi va maqsadli foydalanilishini nazorat qiladi;
Jamg‘arma daromadlari va xarajatlarini ijro etish bilan bog‘liq boshqa vakolatlarni amalga oshiradi.
13. Ijro etuvchi direksiya Jamg‘armaning ijro etuvchi organi hisoblanadi, uning tuzilmasi va xodimlari soni O‘zbekiston Respublikasi Vazirlar Mahkamasi tomonidan belgilanadi.
Ijro etuvchi direksiyaning ta’minoti budjet tashkilotlari uchun belgilangan tartibda tasdiqlanadigan xarajatlar smetasi asosida Respublika yo‘l jamg‘armasi mablag‘lari hisobiga amalga oshiriladi.
14. Ijro etuvchi direksiya Jamg‘arma daromadlari va xarajatlarini ijro etilishi to‘g‘risida buxgalteriya hisoboti tuzadi hamda Jamg‘armani boshqarish kengashi tomonidan tasdiqlangandan keyin uni O‘zbekiston Respublikasi Moliya vazirligiga taqdim etadi.
15. Jamg‘armaning ijro etuvchi direktori O‘zbekiston Respublikasi Moliya vazirining taqdimnomasiga ko‘ra O‘zbekiston Respublikasi Vazirlar Mahkamasi tomonidan lavozimga tayinlanadi va lavozimdan ozod qilinadi hamda moddiy ta’minot, ijtimoiy va transport xizmati ko‘rsatish shart-sharoitlari bo‘yicha vazir o‘rinbosariga tenglashtiriladi.
16. Ijro etuvchi direktor o‘rinbosarlari Jamg‘armani boshqarish kengashi bilan kelishgan holda O‘zbekiston Respublikasi Moliya vazirligi hay’ati qarori asosida Moliya vaziri tomonidan lavozimga tayinlanadi va lavozimdan ozod qilinadi.
Jamg‘armaga yuklangan vazifalar va funksiyalarga muvofiq Ijro etuvchi direksiya faoliyati tashkil etilishi uchun shaxsan javob beradi;
Jamg‘armani boshqarish kengashi bilan kelishgan holda Jamg‘arma mablag‘laridan foydalanishning qonuniyligi, maqsadliligi va samaradorligi masalalari bo‘yicha “O‘zavtoyo‘l” davlat-aksiyadorlik kompaniyasi tarkibiga kiruvchi tashkilotlar va korxonalarni tekshirish to‘g‘risida qarorlar qabul qiladi, ularning natijalarini ko‘rib chiqadi hamda ular yuzasidan aniqlangan kamchiliklarni bartaraf etishga doir qarorlar va zarur chora-tadbirlar ko‘radi;
18. Jamg‘armani qayta tashkil etish va tugatish qonun hujjatlarida belgilangan tartibda amalga oshiriladi.
Keyingi tahrirga qarang.
1. Mazkur Nizom O‘zbekiston Respublikasi Moliya vazirligi huzuridagi Respublika yo‘l jamg‘armasi (keyingi o‘rinlarda matnda Jamg‘arma deb yuritiladi) mablag‘lari tushishi va sarflanishi tartibini belgilab beradi.
2. “Avtomobil yo‘llari to‘g‘risida”gi O‘zbekiston Respublikasi Qonunining 10-moddasiga muvofiq yo‘l ishlarini moliyalashtirish (umumiy foydalaniladigan avtomobil yo‘llarini qurish, rekonstruksiya qilish, ta’mirlash va saqlash) Jamg‘arma mablag‘lari hisobiga amalga oshiriladi.
3. Jamg‘arma mablag‘lari Markaziy bankning Toshkent shahri boshqarmasi hisob-kitob-kassa markazidagi Jamg‘armaning maxsus maqsadli hisob raqamida jamlanadi.
4. O‘zbekiston Respublikasi Moliya vazirligi huzuridagi Jamg‘armaning Ijro etuvchi direksiyasi Jamg‘arma mablag‘larini tassaruf etuvchi hisoblanadi.
5. Jamg‘armaning daromadlari va xarajatlari mablag‘lar shakllanishi va sarflanishining maqsadli yo‘nalishi saqlab qolingan holda O‘zbekiston Respublikasining yig‘ma budjeti tarkibiga kiritiladi va Jamg‘armaning maxsus yalpi balansida aks ettiriladi.
6. Jamg‘armaga tushumlar tuman (shahar) soliq inspeksiyalariga va Davlat bojxona qo‘mitasining hududiy boshqarmalariga xizmat ko‘rsatuvchi tegishli banklarda ochilgan Jamg‘armaning tranzit hisob raqamlari (bankning balans hisob raqami 20207) orqali Markaziy bankning Toshkent shahri boshqarmasi hisob-kitob-kassa markazidagi (bankning balans hisob raqami 21508) Jamg‘armaning maxsus hisob raqamiga o‘tkaziladi.
Oldingi tahrirga qarang.
a) korxonalar, xo‘jaliklar, tashkilotlar tomonidan (mazkur bandning “a-1”, “b”, “v”, “v-1”, “g”, “d”, “j” kichik bandlarida ko‘rsatilganlardan tashqari) qo‘shilgan qiymat solig‘i va aksiz solig‘i chiqarib tashlangan holda mahsulot (ishlar, xizmatlar) sotish hajmidan majburiy ajratmalar hisobiga shakllantiriladi.
Yuridik shaxslar — asosiy faoliyati tovarlar ishlab chiqarish va sotish, ishlarni bajarish va xizmatlar ko‘rsatish bilan bog‘liq bo‘lgan korxonalar, tashkilotlar va boshqa xo‘jalik subyektlari mablag‘ to‘lovchilar hisoblanadi. Ular bo‘yicha to‘lanadigan aylanmaga, shuningdek faoliyatning boshqa turlari bo‘yicha mahsulotlar sotish, ishlarni bajarish, xizmatlar ko‘rsatish hajmi ham kiritiladi;
(7-bandning “a” kichik bandi birinchi xatboshisi O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Oldingi tahrirga qarang.
a-1) kommunal xo‘jaligi tizimi korxonalari tomonidan mablag‘lardan majburiy ajratmalar — sotib olish qiymatini chegirgan holda mahsulotlar (ishlar, xizmatlar)ni — tegishli ravishda issiqlik ta’minoti korxonalari uchun — issiqlik energiyasini, suv ta’minoti korxonalari uchun — suvni, gaz ta’minoti korxonalari uchun — tabiiy gazni sotish hajmidan.
(7-band O‘zbekiston Respublikasi Vazirlar Mahkamasining 2004-yil 28-dekabrdagi 610-son qaroriga muvofiq “a-1” kichik bandi bilan to‘ldirilgan — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Oldingi tahrirga qarang.
b) tayyorlov, ta’minot-sotish tashkilotlari, — savdo va umumiy ovqatlanish korxonalari tomonidan qo‘shilgan qiymat solig‘i chiqarib tashlangan holda tovar aylanmasidan, vositachilik xizmatlari ko‘rsatayotgan korxonalar tomonidan — vositachilikni taqdirlash summasidan, ulgurji va chakana dorixona tashkilotlari tomonidan — yalpi daromaddan majburiy ajratmalar hisobiga shakllantiriladi;
(7-bandning “b” kichik bandi O‘zbekiston Respublikasi Prezidentining 2005-yil 27-dekabrdagi PQ-244-son qarori tahririda — O‘zbekiston Respublikasi Qonun hujjatlari to‘plami, 2005-y., 52-son, 386-modda)
Oldingi tahrirga qarang.
v) banklar (O‘zbekiston Respublikasi Markaziy bankidan tashqari), sug‘urta tashkilotlari, videosalonlar (videoko‘rsatuv punktlari), kim oshdi savdolari, kazinolar, video va audiomanbalarni ko‘paytirishdan, ular prokatidan, lotereya o‘yinlari o‘tkazishdan va tavakkalchilikka asoslangan boshqa o‘yinlardan, shuningdek ommaviy konsert-tomosha tadbirlaridan daromad oluvchi korxonalar tomonidan daromaddan majburiy ajratmalar hisobiga shakllantiriladi;
(7-bandning “v” kichik bandi O‘zbekiston Respublikasi Vazirlar Mahkamasining 2006-yil 18-oktabrdagi 217-son qarori tahririda — O‘zbekiston Respublikasi qonun hujjatlari to‘plami, 2006-y., 42-son, 418-modda)
Oldingi tahrirga qarang.
v-1) asosiy faoliyati lizingga mol-mulk taqdim etish bo‘lgan korxonalar tomonidan mablag‘laridan — lizing beruvchi (marja) summasidan majburiy ajratmalar hisobiga shakllantiriladi;
(7-bandning “v-1” kichik bandi O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
g) qurilish, qurilish-montaj, ta’mirlash-qurilish, ishga tushirish-sozlash, loyiha-qidiruv va ilmiy-tadqiqot tashkilotlari tomonidan o‘z kuchlari bilan bajarilgan ishlar hajmidan, qo‘shilgan qiymat solig‘i chiqarib tashlangan holda, majburiy ajratmalar hisobiga shakllantiriladi;
d) avtotransport korxonalari tomonidan mahsulot (ishlar, xizmatlar)ni sotish hajmidan, qo‘shilgan qiymat solig‘i chiqarib tashlangan holda, majburiy ajratmalar hisobiga shakllantiriladi.
Yuridik shaxslar — asosiy faoliyati tegishli to‘lov evaziga yuklar va yo‘lovchilarni tashish bilan bog‘liq bo‘lgan avtomobil transporti korxonalari mablag‘ to‘lovchilar hisoblanadi. Ushbu korxonalar to‘lanadigan aylanmaga, shuningdek faoliyatning boshqa turlari bo‘yicha mahsulotlarni sotish, ishlarni bajarish, xizmatlar ko‘rsatish hajmi ham kiritiladi;
Oldingi tahrirga qarang.
e) sotib olish, almashtirish, hadya, ustav sarmoyasiga olish yoki dividendlar va foizlar sifatida olish yo‘li bilan xarid qilingan, shuningdek qonun hujjatlarida taqiqlanmagan boshqa bitishuvlar va avtotransport vositalarini O‘zbekiston Respublikasi Ichki ishlar vazirligi organlarida ro‘yxatdan o‘tkazishda ushbu vositalarining egalari (foydalanuvchilari) tomonidan to‘lanadigan vaqtincha olib kiriladigan avtotransport vositalari qiymatidan to‘lanadigan yig‘imlar hisobiga shakllantiriladi.
Yig‘imlar bevosita transport egalari (foydalanuvchilar) tomonidan avtotransport vositalarini ro‘yxatdan o‘tkazish joyidagi tuman (shahar) soliq inspeksiyalariga xizmat ko‘rsatuvchi tegishli banklarda ochilgan Jamg‘armaning tegishli tranzit hisob raqamlariga to‘lanadi.
Avtotransport vositalarini sotib olishga yoki qayta sotishga va vaqtincha olib chiqib ketishga yig‘im to‘langanligi to‘g‘risidagi hujjat ko‘rsatilmasdan avtotransport vositalari ro‘yxatdan o‘tkazilmaydi, qayta ro‘yxatdan o‘tkazilmaydi yoki texnik ko‘rikdan o‘tkazilmaydi.
(7-bandning “e” kichik bandi birinchi xatboshisi O‘zbekiston Respublikasi Prezidentining 2005-yil 27-dekabrdagi PQ-244-son qarori tahririda — O‘zbekiston Respublikasi Qonun hujjatlari to‘plami, 2005-y., 52-son, 386-modda)
Oldingi tahrirga qarang.
(7-bandning “j” kichik bandi O‘zbekiston Respublikasi Vazirlar Mahkamasining 2003-yil 25-dekabrdagi 567-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2003-y., 24-son, 241-modda)
z) “O‘zavtoyo‘l” davlat-aksiyadorlik kompaniyasi korxonalari va tashkilotlari mol-mulkini sotishdan budjetga tushishi kerak bo‘lgan mablag‘lar umumiy summasining 50 foizi hisobiga shakllantiriladi;
Oldingi tahrirga qarang.
i) xorijiy davlatlarning avtotransport vositalarining O‘zbekiston Respublikasi hududiga kirishi, chiqishi va tranziti uchun yig‘imlar — O‘zbekiston Respublikasi Vazirlar Mahkamasi tomonidan bir avtotashuvchi uchun belgilangan miqdorlarda;
Agar ushbu bandning “a”, “a-1”, “b”, “v”, “v-1” va “g” kichik bandlarida ko‘rsatilgan xo‘jalik yurituvchi subyekt faoliyatning bir necha turlari bilan shug‘ullansa, bu holda u alohida hisob-kitob yuritishi hamda to‘lovlarni Jamg‘armaga faoliyatning ushbu turlari uchun belgilangan stavkalar bo‘yicha to‘lashi kerak”.
(7-bandning “i” kichik bandi O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
k) O‘zbekiston Respublikasi qonun hujjatlarida taqiqlanmagan boshqa manbalar, shu jumladan ixtiyoriy badallar, xorijiy investitsiyalar va kreditlar mablag‘lari hisobiga shakllantiriladi.
8. Jamg‘armaga majburiy ajratmalar va yig‘imlarni to‘lash tartibi va stavkalar miqdori Davlat budjeti tasdiqlanishi bilan bir vaqtda har yili O‘zbekiston Respublikasi Vazirlar Mahkamasi tomonidan belgilanadi va O‘zbekiston Respublikasi Davlat soliq qo‘mitasi tomonidan mablag‘ to‘lovchilarga yetkaziladi.
9. “O‘zavtoyo‘l” davlat-aksiyadorlik kompaniyasi va uning hududiy yo‘l-qurilish sho‘ba tashkilotlari (keyingi o‘rinlarda matnda hududiy yo‘l-qurilish tashkilotlari deb yuritiladi) umumiy foydalaniladigan avtomobil yo‘llarini qurish, rekonstruksiya qilish, ta’mirlash va saqlashga Jamg‘arma mablag‘larini sarflash bo‘yicha buyurtmachilar hisoblanadi.
Oldingi tahrirga qarang.
Umumiy foydalanishdagi avtomobil yo‘llarini loyihalash, qurish, rekonstruksiya qilish, ta’mirlash va saqlash bo‘yicha xarajatlarni moliyalashtirishga Jamg‘armaning maxsus maqsadli hisob raqamiga tushadigan pul mablag‘larini o‘tkazish uchun buyurtmachilar — “O‘zavtoyo‘l” davlat-aksiyadorlik kompaniyasi va hududiy yo‘l-qurilish tashkilotlari tomonidan ularga xizmat ko‘rsatuvchi banklarda moliyalashtirishning maxsus hisob raqamlari ochiladi.
Buyurtmachilar — “O‘zavtoyo‘l” davlat-aksiyadorlik kompaniyasi va hududiy yo‘l-qurilish tashkilotlarining saqlash bo‘yicha xarajatlarini to‘lash tasdiqlangan va belgilangan tartibda ro‘yxatdan o‘tkazilgan xarajatlar smetasiga muvofiq alohida depozit hisob raqamidan amalga oshiriladi.
Jamg‘armaning valyuta mablag‘larini sarflash tranzit magistral yo‘llarni ta’mirlash va saqlash, chet elda ishlab chiqarilgan yo‘l texnikasi, asbob-uskunalar, texnologiyalar va materiallar sotib olishga, shuningdek “O‘zavtoyo‘l” davlat-aksiyadorlik kompaniyasi va Jamg‘armaning malakali kadrlarini chet elda yoki xorijiy mutaxassislarni respublikaga taklif etgan holda tayyorlash uchun “O‘zavtoyo‘l” davlat-aksiyadorlik kompaniyasi va hududiy sho‘ba yo‘l-qurilish tashkilotlarining xarajatlarini moliyalashtirish uchun qonun hujjatlarida belgilangan tartibda amalga oshiriladi.
(9-bandning birinchi xatboshisidan keyin O‘zbekiston Respublikasi Vazirlar Mahkamasining 2004-yil 28-dekabrdagi 610-son qaroriga muvofiq xatboshilar bilan to‘ldirilgan — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Umumiy foydalaniladigan avtomobil yo‘llarini qurish, rekonstruksiya qilish, ta’mirlash va saqlashga Jamg‘arma mablag‘larini sarflash Jamg‘arma bilan kelishgan holda “O‘zavtoyo‘l” davlat-aksiyadorlik kompaniyasi tomonidan tasdiqlanadigan xarajatlar smetasi va aniq ro‘yxatlar asosida amalga oshiriladi.
Umumiy foydalaniladigan avtomobil yo‘llarini qurish, rekonstruksiya qilish, ta’mirlash va jihozlash bo‘yicha “O‘zavtoyo‘l” davlat-aksiyadorlik kompaniyasi tomonidan ishlab chiqiladigan va tasdiqlanadigan investitsiya loyihalarining texnik-iqtisodiy asoslashlari, tender hujjatlari Jamg‘armaning Ijro etuvchi direksiyasida ekspertizadan o‘tadi.
10. “O‘zavtoyo‘l” davlat-aksiyadorlik kompaniyasi va uning tarkibiga kiruvchi hududiy yo‘l-qurilish tashkilotlari tomonidan Jamg‘arma mablag‘lari hisobiga amalga oshiriladigan umumiy foydalaniladigan avtomobil yo‘llarini qurish, rekonstruksiya qilish va jihozlash belgilangan tartibda O‘zbekiston Respublikasining Investitsiya dasturiga kiritiladi. Jamg‘arma mablag‘laridan har yili belgilangan tartibda tasdiqlanadigan obyektlarning aniq ro‘yxati asosida qat’iy ravishda ushbu maqsadlar uchun nazarda tutilgan kapital qo‘yilmalar limitlari doirasida foydalaniladi.
Tasdiqlangan loyiha hujjatlari mavjudligi va o‘tkazilgan tanlov savdolari (tenderlar) asosida ishlarni bajaruvchilar bilan shartnomalar tuzilishi obyektlarni aniq ro‘yxatlarga kiritishning majburiy sharti hisoblanadi.
11. Umumiy foydalaniladigan avtomobil yo‘llarini va tegishli yo‘l infratuzilmasini mukammal ta’mirlash umumiy foydalaniladigan avtomobil yo‘llarining ahamiyati va holatiga qarab shakllantiriladigan, belgilangan tartibda “O‘zavtoyo‘l” davlat-aksiyadorlik kompaniyasi tomonidan tasdiqlangan obyektlarning aniq ro‘yxati asosida hududiy yo‘l-qurilish tashkilotlari tomonidan amalga oshiriladi.
Tasdiqlangan loyiha yoki smeta hujjatlari mavjudligi va o‘tkazilgan tanlov savdolari (tenderlar) asosida yoki so‘rov yo‘li bilan (ishlar qiymatiga qarab) tanlangan ishlarni bajaruvchilar bilan shartnomalar tuzilishi obyektlarni mukammal ta’mirlashning aniq ro‘yxatlariga kiritishning majburiy sharti hisoblanadi.
12. Jamg‘armaning umumiy foydalaniladigan avtomobil yo‘llariga va tegishli infratuzilmaga kompleks xizmat ko‘rsatishga hamda ularni joriy ta’mirlashga yo‘naltiriladigan mablag‘laridan qat’iy ravishda Jamg‘arma bilan kelishgan holda “O‘zavtoyo‘l” davlat-aksiyadorlik kompaniyasi tomonidan tasdiqlanadigan xarajatlar smetasi asosida foydalaniladi.
13. Jamg‘armaning tabiiy ofatlar oqibatlarini bartaraf etish ishlarini mablag‘ bilan ta’minlash uchun zaxirada nazarda tutilgan mablag‘larini sarflash “O‘zavtoyo‘l” davlat-aksiyadorlik kompaniyasining Jamg‘arma Ijro etuvchi direksiyasida ekspertizadan o‘tgan asoslangan hisob-kitoblari asosida amalga oshiriladi.
Oldingi tahrirga qarang.
14. Haqi Jamg‘armaning valyuta mablag‘lari hisobiga to‘lanadigan yo‘l-ta’mirlash va qurilish texnikasi, asbob-uskunalar va ularga ehtiyot qismlar importi yuzasidan barcha kontraktlar qonun hujjatlarida belgilangan tartibda O‘zbekiston Respublikasi Tashqi iqtisodiy aloqalar, investitsiyalar va savdo vazirligida ro‘yxatdan o‘tkazilishi shart.
(14-band O‘zbekiston Respublikasi Vazirlar Mahkamasining 2005-yil 8-sentabrdagi 206-son qarori tahririda — O‘zbekiston Respublikasi Qonun hujjatlari to‘plami, 2005-y., 34-36-son, 264-modda)
15. Jamg‘arma mablag‘lari olib qo‘yilmaydi yoki umumiy foydalaniladigan avtomobil yo‘llarini saqlash, ta’mirlash, rekonstruksiya qilish va qurish bilan bog‘liq bo‘lmagan ehtiyojlarga sarflanmaydi. Joriy yilda foydalanilmagan mablag‘lar olib qo‘yilmaydi va keyingi davrda maqsadli yo‘nalishiga muvofiq foydalaniladi.
16. Manbalar va foydalanish yo‘nalishlari bo‘yicha Jamg‘armaning bo‘lajak yilga daromadlari va xarajatlari prognozi O‘zbekiston Respublikasi Moliya vazirligi tomonidan tasdiqlangan, Davlat soliq qo‘mitasi bilan kelishilgan Jamg‘arma daromadlari va xarajatlari tasnifi asosida ishlab chiqiladi.
Jamg‘armaga — Jamg‘arma xarajatlarining joriy yilda kutilayotgan ijrosi va bo‘lg‘usi yilga xarajatlar prognozini;
Iqtisodiyot vazirligiga – bo‘lajak yilda yo‘l xo‘jaligi obyektlarini qurish va rekonstruksiya qilish prognozini taqdim etadi.
oldingi yilda Jamg‘armaga mablag‘larning amaldagi tushumi va Qoraqalpog‘iston Respublikasi, viloyatlar va Toshkent shahri bo‘yicha daromadlar manbalari bo‘yicha joriy yilda kutilayotgan tushum;
Qoraqalpog‘iston Respublikasi, viloyatlar va Toshkent shahri bo‘yicha Jamg‘armaga ajratmalar va yig‘imlar bo‘yicha hisobot moliya yili oxiriga yuridik shaxslarning kreditorlik qarzi hisobga olingan holda O‘zbekiston Respublikasi Davlat soliq qo‘mitasi bilan kelishgan holda O‘zbekiston Respublikasining makroiqtisodiy ko‘rsatkichlari asosida bevosita Jamg‘arma tomonidan ishlab chiqiladi.
19. Foydalanishning asosiy yo‘nalishlari va respublika hududlari bo‘yicha keyingi yilga xarajatlarning taqdim etiladigan prognozi oldingi yilda amalda foydalanilgan mablag‘larni va asosiy yo‘nalishlar (umumiy foydalaniladigan avtomobil yo‘llarini qurish, rekonstruksiya qilish, ta’mirlash va saqlash) bo‘yicha joriy yilning birinchi yarim yilligida kutilayotgan mablag‘lardan foydalanish hamda joriy yilga tasdiqlangan prognozlar bilan taqqoslagan holda hududlar bo‘yicha hisobga olingan holda “O‘zavtoyo‘l” davlat-aksiyadorlik kompaniyasi tomonidan belgilanadi. Bunda tabiiy ofatlar oqibatini bartaraf etish ishlarini mablag‘ bilan ta’minlash uchun zaxira (xarajatlar hajmining 5 foizi miqdorida) tashkil etish nazarda tutiladi.
20. Jamg‘arma daromadlar va xarajatlarning ishlab chiqilgan prognozini qonun hujjatlarida belgilangan muddatlarda, biroq 1-iyuldan kechikmay O‘zbekiston Respublikasi Moliya vazirligiga taqdim etadi.
21. Jamg‘arma daromadlari va xarajatlarining aniqlashtirilgan prognozi bo‘lajak yilga O‘zbekiston Respublikasi Davlat budjetining asosiy parametrlari prognozi bilan bir vaqtda Moliya vazirligi tomonidan O‘zbekiston Respublikasi Vazirlar Mahkamasiga kiritiladi.
22. O‘zbekiston Respublikasi Davlat budjeti Oliy Majlis sessiyasida tasdiqlangandan, shuningdek bo‘lajak yilga O‘zbekiston Respublikasi Davlat budjetining parametrlari to‘g‘risida O‘zbekiston Respublikasi Vazirlar Mahkamasining qarori qabul qilingandan keyin Jamg‘arma besh kun muddatda:
yil choraklari va hududlar bo‘yicha bo‘lajak yilga jamg‘arma daromadlarining tasdiqlangan asosiy parametrlarini — O‘zbekiston Respublikasi Davlat soliq qo‘mitasiga;
bo‘lajak yilga Jamg‘arma xarajatlarining tasdiqlangan asosiy parametrlarini (yo‘nalishlarini) yil choraklari va hududlar bo‘yicha “O‘zavtoyo‘l” davlat-aksiyadorlik kompaniyasiga yetkazadi.
23. Jamg‘arma O‘zbekiston Respublikasi Davlat soliq qo‘mitasi bilan birgalikda daromadlarning tasdiqlangan parametrlari olingan kundan boshlab bir hafta muddatda yil choraklari va respublika mintaqalari hamda manbalar bo‘yicha daromadlarning yillik prognozini belgilaydi hamda uni Qoraqalpog‘iston Respublikasi, viloyatlar va Toshkent shahar davlat soliq boshqarmalariga yetkazadi.
24. “O‘zavtoyo‘l” davlat aksiyadorlik kompaniyasi bo‘lajak yilga Jamg‘arma xarajatlari prognozi olingan kundan boshlab ikki hafta muddatda belgilangan tartibda:
O‘zbekiston Respublikasi Iqtisodiyot vazirligi va Jamg‘arma bilan kelishgan holda – umumiy foydalaniladigan avtomobil yo‘llari tarmoqlarini qurish, rekonstruksiya qilish va jihozlashning yig‘ma aniq ro‘yxatlarini;
Jamg‘arma bilan kelishgan holda – avtomobil yo‘llarini, ko‘priklar va ularga tegishli bo‘lgan muhandislik inshootlarini mukammal ta’mirlashning yig‘ma aniq ro‘yxatlarini;
o‘z tarkibiga kiruvchi hududiy yo‘l-qurilish tashkilotlari bo‘yicha umumiy foydalaniladigan avtomobil yo‘llarini saqlash va joriy ta’mirlash bo‘yicha Jamg‘armada belgilangan tartibda ro‘yxatdan o‘tkaziladigan xarajatlarning yig‘ma smetalarini;
Jamg‘arma bilan kelishgan holda – tabiiy ofatlar oqibatlarini bartaraf etish ishlarini mablag‘ bilan ta’minlash uchun zaxira miqdorini tasdiqlaydi.
25. “O‘zavtoyo‘l” davlat-aksiyadorlik kompaniyasi ikki kun muddatda Obyektlarni qurish direksiyasiga va hududiy yo‘l–qurilish tashkilotlariga tegishli hududda amalga oshiriladigan avtomobil yo‘llari tarmoqlarini qurish, rekonstruksiya qilish va jihozlashning belgilangan tartibda tasdiqlangan ichki titul ro‘yxatlarini yuboradi.
Obyektlarni qurish direksiyasi va hududiy yo‘l-qurilish tashkilotlari olingan va “O‘zavtoyo‘l” davlat-aksiyadorlik kompaniyasi tomonidan tasdiqlangan yo‘l xo‘jaligi obyektlarini qurish (rekonstruksiya qilish yoki jihozlash)ning titul ro‘yxatlari asosida titul ro‘yxatlarida nazarda tutilgan kapital qo‘yilmalar limitlari doirasida pudrat ishlarini bajarishga tanlov savdolari (tenderlar) g‘oliblari bilan kontraktlar (shartnomalar) tuzadi.
Hududiy yo‘l-qurilish tashkilotlari yo‘l xo‘jaligi obyektlarini mukammal ta’mirlashning tasdiqlangan aniq ro‘yxati olingan sanadan boshlab besh kun mobaynida 25 ming AQSh dollariga teng bo‘lgan va undan yuqori qiymatli obyektlar bo‘yicha pudrat ishlarini bajarishga tanlov savdolari g‘oliblari bilan kontraktlar (shartnomalar) tuzadi, qiymati 25 ming AQSh dollarigacha bo‘lgan kontraktlar esa pudrat tashkilotlarini so‘rov o‘tkazish yo‘li bilan tanlab olgan holda tuziladi.
Umumiy foydalaniladigan avtomobil yo‘llarini saqlash va joriy ta’mirlashga tasdiqlangan xarajatlarning yig‘ma smetasi asosida hududiy yo‘l-qurilish tashkilotlari normativ mezonlarini qo‘llash yo‘li bilan va avtomobil yo‘llarining toifasi, ahamiyati va uzunligiga qarab Jamg‘arma xarajatlari prognozini xizmat ko‘rsatiladigan pudrat ta’mirlash-foydalanish korxonalari bo‘yicha taqsimlaydi hamda ularga xizmat ko‘rsatish uchun ular bilan kontraktlar tuzadi.
Oldingi tahrirga qarang.
26. Ajratmalar soliq solish obyektidan va tasdiqlangan stavkadan kelib chiqib har oyda hisoblab chiqiladi.
Ajratmalarning hisob-kitobi o‘sib boruvchi yakun bilan to‘lovchi ro‘yxatdan o‘tkazilgan joy bo‘yicha davlat soliq xizmati organlariga:
yagona soliq to‘lovi to‘lamaydigan mikrofirmalar va kichik korxonalar tomonidan — yilning har choragida hisobot choragidan keyingi oyning 25-kunidan kechikmay;
mikrofirmalar va kichik korxonalar toifasiga tegishli bo‘lmagan to‘lovchilar tomonidan — hisobot oyidan keyingi oyning 15-kunidan kechikmay taqdim etiladi.
Ajratmalar hisobot oyidan keyingi oyning 20-kunidan kechikmay to‘lanadi. Majburiy ajratmalarning ortiqcha to‘langan summasi bo‘lg‘usi to‘lovlar hisobiga o‘tkaziladi yoki soliq organlarining ortiqcha to‘lov mavjudligi to‘g‘risidagi xulosasiga ko‘ra soliq to‘lovchining yozma arizasi olingan kundan boshlab 30 kun muddatda Respublika yo‘l jamg‘armasi tomonidan soliq to‘lovchiga qaytariladi.
(26-band O‘zbekiston Respublikasi Prezidentining 2005-yil 27-dekabrdagi PQ-244-son qarori tahririda — O‘zbekiston Respublikasi Qonun hujjatlari to‘plami, 2005-y., 52-son, 386-modda)
Oldingi tahrirga qarang.
27. Xo‘jalik yurituvchi subyektlar tarkibiga kiradigan, yuridik shaxslar bo‘lmagan tarkibiy bo‘linmalar Jamg‘armaga ajratmalarni tuman (shahar)lar soliq inspeksiyalarining tranzit hisob raqamlariga o‘tkazadilar, ularga budjetga va budjetdan tashqari Pensiya jamg‘armasiga to‘lovlar bo‘yicha hisob-kitoblarni taqdim etadilar.
(27-band O‘zbekiston Respublikasi Vazirlar Mahkamasining 2003-yil 25-dekabrdagi 567-son qarori tahririda — O‘zbekiston Respublikasi Qonun hujjatlari to‘plami, 2003-y., 24-son, 241-modda)
28. O‘zbekiston Respublikasi Davlat soliq qo‘mitasi har oyda belgilangan muddatlarda Jamg‘armaning Ijro etuvchi direksiyasiga hisobot oyidan keyingi oyning 1-kunidagi holat bo‘yicha hisoblangan va tushgan to‘lovlar, shuningdek Qoraqalpog‘iston Respublikasi, viloyatlar va Toshkent shahri bo‘yicha Jamg‘armaga majburiy ajratmalar turlari bo‘yicha qarzdorlik to‘g‘risidagi tezkor hisobotni taqdim etadi.
29. Quyidagilar Jamg‘armaga mazkur Nizom 7-bandining “a”, “b”, “v” va “g” kichik bandlarida nazarda tutilgan majburiy ajratmalar to‘lashdan ozod etiladi:
davlat budjetidagi tashkilotlar va muassasalar (shu jumladan faoliyat ixtisosligi bo‘yicha ishlarni bajarish va xizmatlar ko‘rsatishdan, foydalanilmayotgan binolarni ijaraga berishdan olingan daromadlar bo‘yicha, homiylik yordamidan, pulli-kontrakt asosida o‘qitish uchun tushumdan);
budjetdan dotatsiya oluvchi tomosha ko‘rsatish bilan bog‘liq korxonalar, sanatoriylar, dam olish uylari va pansionatlar;
Oldingi tahrirga qarang.
yo‘l xo‘jaligi tashkilotlari — umumiy foydalanishdagi avtomobil yo‘llarini saqlash, ta’mirlash, rekonstruksiya qilish va qurish bo‘yicha ishlarni bajarishdan olinadigan daromadlar bo‘yicha;
(29-band to‘rtinchi xatboshisi O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Oldingi tahrirga qarang.
(29-band beshinchi xatboshisi O‘zbekiston Respublikasi Vazirlar Mahkamasining 2004-yil 28-dekabrdagi 610-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Oldingi tahrirga qarang.
uy-joy-foydalanish idoralari, uy boshqarmalari, uy-joy mulkdorlari shirkatlari va mulkchilik shakllaridan qat’i nazar, uy-joy fondini boshqarish, saqlash va ulardan foydalanishni bevosita amalga oshiruvchi boshqa tashkilotlar, tadbirkorlik faoliyatidan olinadigan daromadlardan tashqari;
(29-band oltinchi xatboshisi O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Oldingi tahrirga qarang.
O‘zbekiston Respublikasi Markaziy banki, O‘zbekiston Respublikasining Tiklanish va taraqqiyot jamg‘armasi, O‘zbekiston Respublikasi Moliya vazirligi huzuridagi Qishloqni qishloq xo‘jaligi texnikasi bilan ta’minlashni davlat tomonidan rag‘batlantirish jamg‘armasi.
(29-bandning oltinchi xatboshisi O‘zbekiston Respublikasi Vazirlar Mahkamasining 2006-yil 24-martdagi 51-son qarori tahririda — O‘zbekiston Respublikasi qonun hujjatlari to‘plami, , 2006-y., 12-13-son, 105-modda)
davlat tashkilotlarini boshqarish respublika va mahalliy organlari, nodavlat notijorat tashkilotlar tijorat va xo‘jalik faoliyati bo‘lmagan faoliyatdan olingan daromadlar va tushumlar bo‘yicha;
O‘zbekiston Respublikasi Mudofaa vazirligi va Ichki ishlar vazirligining korxonalari va tashkilotlari, ularga bo‘ysunuvchi xo‘jalik hisobidagi xo‘jalik tashkilotlari bundan mustasno.
30. Quyidagi avtomobil transporti korxonalari Jamg‘armaga mazkur Nizom 7-bandining “d” kichik bandida nazarda tutilgan majburiy ajratmalar to‘lashdan ozod etiladi:
Oldingi tahrirga qarang.
(30-bandning uchinchi xatboshisi O‘zbekiston Respublikasi Vazirlar Mahkamasining 2003-yil 25-dekabrdagi 567-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2003-y., 24-son, 241-modda)
Oldingi tahrirga qarang.
korxonalar, birlashmalar va tashkilotlar — umumiy foydalanishdagi avtomobil yo‘llarini saqlash, ta’mirlash, rekonstruksiya qilish va qurish bo‘yicha ishlarni bajarishdan olinadigan daromadlar bo‘yicha;
(30-bandning uchinchi xatboshisi O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Oldingi tahrirga qarang.
(30-bandning beshinchi xatboshisi O‘zbekiston Respublikasi Vazirlar Mahkamasining 2003-yil 25-dekabrdagi 567-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2003-y., 24-son, 241-modda)
Oldingi tahrirga qarang.
(31-band O‘zbekiston Respublikasi Vazirlar Mahkamasining 2006-yil 27-iyuldagi 149-son qaroriga muvofiq ikkinchi xatboshi bilan to‘ldirildi — O‘zbekiston Respublikasi qonun hujjatlari to‘plami, 2006-y., 30-son, 294-modda)
motoaravalarga va avtomobillarga ega bo‘lgan va ularni sotib olgan barcha guruhlarga tegishli bo‘lgan nogironlar;
Oldingi tahrirga qarang.
ixtisoslashtirilgan tarmoqdan “O‘zDEUavto” qo‘shma korxonasi tomonidan ishlab chiqarilgan yangi avtomobillarni sotib olayotgan fuqarolar, shuningdek hadya shartnomasi asosida yaqin qarindoshlardan (ota-onalar, bolalar, aka-ukalar, opa-singillar, er, xotin) avtomobillar va motoaravachalar oluvchi fuqarolar;
(31-band uchinchi xatboshisi O‘zbekiston Respublikasi Vazirlar Mahkamasining 2003-yil 25-dekabrdagi 567-son qarori tahririda — O‘zbekiston Respublikasi Qonun hujjatlari to‘plami, 2003-y., 24-son, 241-modda)
Oldingi tahrirga qarang.
umumiy foydalanishdagi avtomobil yo‘llarini saqlash, ta’mirlash, rekonstruksiya qilish va qurishni amalga oshiruvchi yo‘l xo‘jaligi pudrat ta’mirlash — foydalanish korxonalari;
(31-bandning to‘rtinchi xatboshisi O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Oldingi tahrirga qarang.
(31-band beshinchi xatboshisi O‘zbekiston Respublikasi Vazirlar Mahkamasining 2004-yil 28-dekabrdagi 610-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2004-y., 52-son, 523-modda)
Oldingi tahrirga qarang.
yuridik shaxslar — faoliyatining asosiy turi yo‘lovchilar tashish bo‘lgan, qonun hujjatlariga muvofiq yo‘lovchilar tashish uchun belgilangan namunadagi litsenziyalarga ega bo‘lgan avtotransport korxonalari — yo‘lovchilar tashishni amalga oshiruvchi transport vositalari bo‘yicha (yengil avtomobillar va yo‘nalish taksilaridan tashqari);
(31-band oltinchi xatboshisi O‘zbekiston Respublikasi Vazirlar Mahkamasining 2004-yil 28-dekabrdagi 610-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2004-y., 52-son, 523-modda)
40 tonnadan ortiq yuk ko‘taradigan konlarda ishlatiladigan avtosamosvallarni sotib olayotgan korxonalar.
Oldingi tahrirga qarang.
homiylik (beg‘araz) yordami sifatida avtomobil olgan yuridik shaxslar — bolalar uylari, ixtisoslashtirilgan maktab-internatlar, keksalar va kichik yoshdagi nogironlar uchun internat-uylar, shuningdek davlat budjetidan ta’minlanadigan tibbiyot muassasalari;
yuridik shaxslar — avtotransport vositalarini bitta tizim (vazirlik, idora, xo‘jalik birlashmasi) ichida balansdan balansga bepul berishda;
lizing yoki lizing beruvchi — O‘zbekiston Respublikasi rezidenti bilan sublizing shartnomasi bo‘yicha lizing oluvchilar — bunday shartnomada avtotransport vositasiga egalik qilish huquqining sotib olish qiymatini to‘lamasdan o‘tishi nazarda tutilganda va barcha lizing to‘lovlari to‘langan taqdirda.
(31-bandning to‘qqizinchi va o‘ninchi xatboshlari O‘zbekiston Respublikasi Vazirlar Mahkamasining 2004-yil 28-dekabrdagi 610-son qarori tahririda — O‘zbekiston Respublikasi Qonun hujjatlari to‘plami, 2004-y., 52-son, 523-modda)
yuridik shaxslar – mulkchilik shakllaridan qat’i nazar, korxonalar, tashkilotlar va muassasalar tomonidan Jamg‘armaga majburiy ajratmalarning o‘z vaqtida va to‘liq tushishi uchun – O‘zbekiston Respublikasi Davlat soliq qo‘mitasi va uning joylardagi organlari;
O‘zbekiston Respublikasi hududiga xorijiy davlatlarning avtotransport vositalari kirganligi uchun to‘lovning to‘liq tushishi uchun — O‘zbekiston Respublikasi Davlat bojxona qo‘mitasi va uning joylardagi organlari;
avtotransport vositalari sotib olinganligi yoki qayta sotilganligi uchun yuridik va jismoniy shaxslar tomonidan to‘lov to‘langanligi to‘g‘risidagi hujjatsiz ro‘yxatdan o‘tkazilishiga, qayta ro‘yxatdan o‘tkazilishiga yoki texnik ko‘rikdan o‘tkazilishiga yo‘l qo‘yilmasligi uchun – O‘zbekiston Respublikasi Ichki ishlar vazirligi (Harakat xavfsizligi davlat xizmati organlari) va uning joylardagi organlari javob beradilar.
33. Jamg‘armaning Ijro etuvchi direksiyasi obyektlar qurish, rekonstruksiya qilish va mukammal ta’mirlashning aniq ro‘yxatlarida, shuningdek umumiy foydalaniladigan avtomobil yo‘llarini saqlash va ta’mirlashga xarajatlar smetasida nazarda tutilgan mablag‘lar limitlari doirasida Jamg‘arma mablag‘lari qonuniy va qat’iy maqsadli sarflanishi uchun javob beradi.
34. Majburiy ajratmalar va yig‘imlar to‘g‘ri hisoblab chiqilishi va o‘z vaqtida to‘lanishi uchun javobgarlik to‘lovchilar zimmasiga yuklanadi, ular:
mazkur Nizomda belgilangan tartibda va muddatlarda yig‘imlar va to‘lovlarning to‘g‘ri hisoblab chiqilishi va o‘z vaqtida to‘lanishini ta’minlashga;
Jamg‘armaga yig‘imlar va majburiy to‘lovlar to‘g‘ri hisoblab chiqilishini va to‘lanishini tekshirish uchun davlat soliq xizmati organlari xodimlarini qonun hujjatlarida belgilangan tartibda qo‘yishga, ularning talabiga ko‘ra ushbu yig‘imlar va majburiy ajratmalarni hisoblab chiqish va to‘lash bilan bog‘liq zarur hujjatlar va ma’lumotlarni taqdim etishga majburdirlar.
35. Jamg‘armaga majburiy ajratmalar va yig‘imlar to‘g‘ri hisob-kitob qilinishi, to‘liq va o‘z vaqtida to‘lanishi ustidan nazorat qonun hujjatlariga muvofiq O‘zbekiston Respublikasi Davlat soliq qo‘mitasi va Davlat bojxona qo‘mitasi hamda ularning joylardagi organlari tomonidan amalga oshiriladi.
36. Jamg‘arma mablag‘lari to‘liq tushishi va ulardan maqsadli foydalanilishi ustidan nazorat Jamg‘armani boshqarish kengashiga yuklanadi.
Jamg‘armaning Ijro etuvchi direksiyasi Jamg‘arma mablag‘laridan maqsadli foydalanilishini belgilangan tartibda muntazam ravishda nazorat qiladi.
Jamg‘arma mablag‘laridan belgilangan maqsadlardan boshqa maqsadlarda va yo‘l xo‘jaligi obyektlarini qurish, rekonstruksiya qilish va mukammal ta’mirlashning aniq ro‘yxatlarida, shuningdek umumiy foydalaniladigan avtomobil yo‘llarini saqlash va ta’mirlash xarajatlari smetasida nazarda tutilmagan maqsadlar uchun foydalanish hollari aniqlangan taqdirda Jamg‘armaning Ijro etuvchi direksiyasi aniqlangan qonun buzilishlarini belgilangan tartibda bartaraf etish chora-tadbirlarini ko‘radi hamda qonun hujjatlarida nazarda tutilgan tegishli jazo choralarini qo‘llaydi.
37. “O‘zavtoyo‘l” davlat-aksiyadorlik kompaniyasi Ijro etuvchi direksiyaga O‘zbekiston Respublikasi Moliya vazirligi tomonidan belgilangan shakllar bo‘yicha va muddatlarda Jamg‘arma xarajatlari prognozining ijro etilishi to‘g‘risida har oylik, choraklik va yillik hisobotlar taqdim etadi.
38. Jamg‘armaning Ijro etuvchi direksiyasi O‘zbekiston Respublikasi Moliya vazirligiga belgilangan muddatlarda Jamg‘armani boshqarish kengashi tomonidan tasdiqlangan choraklik va yillik buxgalteriya hisobotini taqdim etadi.
39. Jamg‘armaga o‘z vaqtida to‘lanmagan to‘lovlarni undirib olish O‘zbekiston Respublikasi qonun hujjatlarida belgilangan tartibda amalga oshiriladi.
Keyingi tahrirga qarang.
Keyingi tahrirga qarang.
1. O‘zbekiston Respublikasi Vazirlar Mahkamasining “O‘zbekiston avtomobil yo‘llari qurish va foydalanish (“O‘zavtoyo‘l”) davlat-aksionerlik konsernini tashkil etish va uning faoliyati masalalari to‘g‘risida” 1993-yil 5-fevraldagi 58-son qarori.
2. O‘zbekiston Respublikasi Vazirlar Mahkamasining “Respublika yo‘l jamg‘armasini tashkil etish to‘g‘risida” 1993-yil 5-iyuldagi 334-son qarori (O‘zbekiston Respublikasi QT, 1993-y., 7-son, 26-modda).
3. O‘zbekiston Respublikasi Vazirlar Mahkamasining “Respublika yo‘l jamg‘armasi mablag‘larini shakllantirish va ulardan foydalanish to‘g‘risidagi nizomga o‘zgartirish va qo‘shimchalar kiritish haqida” 1996-yil 21 maydagi 184-son qarori (O‘zbekiston Respublikasi QT, 1996-y., 5-son, 16-modda).
4. O‘zbekiston Respublikasi Vazirlar Mahkamasining “O‘zbekiston Respublikasi Vazirlar Mahkamasining “Respublika yo‘l jamg‘armasini tashkil etish to‘g‘risida” 1993-yil 5-iyuldagi 334-son qaroriga qo‘shimchalar va o‘zgartirishlar kiritish to‘g‘risida” 1996-yil 30-dekabrdagi 466-son qarori (O‘zbekiston Respublikasi QT, 1996-y., 12-son, 39-modda).
5. O‘zbekiston Respublikasi Vazirlar Mahkamasining “O‘zbekiston Respublikasi Hukumatining ba’zi qarorlarini o‘zgartirish va o‘z kuchini yo‘qotgan deb hisoblash to‘g‘risida” 1997-yil 30-yanvardagi 56-son qarori bilan tasdiqlangan O‘zbekiston Respublikasi Hukumatining qarorlariga kiritilayotgan o‘zgartirishlarning 2-bandi (O‘zbekiston Respublikasi QT, 1997-y., 1-son, 3-modda).
6. O‘zbekiston Respublikasi Vazirlar Mahkamasining “O‘zbekiston Respublikasi Hukumatining qarorlarini o‘z kuchini to‘liq va qisman yo‘qotgan deb hisoblash hamda ayrim qarorlariga o‘zgartirish va qo‘shimchalar kiritish to‘g‘risida” 1998-yil 3-fevraldagi 55-son qaroriga 2-ilovaning 3-bandi (O‘zbekiston Respublikasi QT, 1998-y., 2-son, 6-modda).
7. O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish hamda ularning ba’zilarini o‘z kuchini yo‘qotgan deb hisoblash to‘g‘risida” 2000-yil 11-apreldagi 140-son qaroriga 1-ilovaning 2-bandi (O‘zbekiston Respublikasi QT, 2000-y., 4-son, 18-modda).
8. O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2000-yil 19-maydagi 193-son qaroriga ilovaning 1-bandi (O‘zbekiston Respublikasi QT, 2000-y., 5-son, 24-modda).
9. O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2000-yil 2-oktabrdagi 375-son qaroriga ilovaning 1-bandi (O‘zbekiston Respublikasi QT, 2000-y., 10-son, 63-modda).
10. O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2000-yil 2-oktabrdagi 380-son qarorining 1-bandi (O‘zbekiston Respublikasi QT, 2000-y., 10-son, 64-modda).
11. O‘zbekiston Respublikasi Vazirlar Mahkamasining “O‘zbekiston Respublikasining 2003-yilgi asosiy makroiqtisodiy ko‘rsatkichlari prognozi va davlat budjeti parametrlari to‘g‘risida” 2002-yil 30-dekabrdagi 455-son qaroriga 26-ilovaning 1-bandi.
12. O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish va ayrimlarini o‘z kuchini yo‘qotgan deb hisoblash to‘g‘risida” 2003-yil 14-yanvardagi 17-son qaroriga 1-ilovaning 1-bandi (O‘zbekiston Respublikasi QT, 2003-y., 1-son, 7-modda).