Uy-joy qurilishini kengaytirish uchun shart-sharoitlar yaratish, aholi va respublika korxonalarining yog‘och-taxta materiallariga va yog‘ochga bo‘lgan ehtiyojini ta’minlash, ichki iste’mol bozorini ular bilan to‘ldirish maqsadida Vazirlar Mahkamasi qaror qiladi:
yuridik shaxslar tomonidan ilovaga muvofiq olib kelinadigan yog‘och-taxta materiallari va yog‘ochga nol foiz miqdorida import bojxona boji stavkasi;
eksport-import operatsiyalarini amalga oshirish huquqi bilan yuridik shaxs tashkil etmasdan yakka tartibdagi tadbirkorlar sifatida belgilangan tartibda ro‘yxatdan o‘tkazilgan jismoniy shaxslar uchun mazkur qarorga ilovada ko‘rsatilgan, tijorat faoliyatiga mo‘ljallangan yog‘och-taxta materiallari va yog‘och olib kelishda yagona bojxona to‘lovining nol stavkasi belgilansin.
Keyingi tahrirga qarang.
2. O‘zbekiston Respublikasi Davlat bojxona qo‘mitasi respublikaga yog‘och-taxta materiallari va yog‘och olib kelishning belgilangan tartibiga yuridik va jismoniy shaxslar tomonidan qat’iy rioya qilinishi, bojxona rasmiylashtiruvining va bojxona to‘lovlari undirishning to‘g‘ri amalga oshirilishi ustidan nazoratni ta’minlasin.
Keyingi tahrirga qarang.
3. O‘zbekiston Respublikasi Adliya vazirligi Moliya vazirligi, Davlat bojxona qo‘mitasi hamda boshqa manfaatdor vazirliklar va idoralar bilan birgalikda:
o‘n kun muddatda Vazirlar Mahkamasiga amaldagi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida takliflar kiritsin;
4. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T.Sultonov zimmasiga yuklansin.
Keyingi tahrirga qarang.
Tovarning nomi | TIF TNkodi |
1. Ishlov berilmagan, shilingan yoki shilinmagan, xomaki bruslangan yoki bruslanmagan yog‘och-taxta materiallari | 4403 |
2. Temir yo‘llar yoki tramvay yo‘llari uchun yog‘och shpallar | 4406 |
3. Uzunasiga arralangan yoki yorilgan, randalangan yoki po‘sti olingan, yo‘nilgan yoki yo‘nilmagan, silliqlangan yoki silliqlanmagan 6 millimetrdan ortiq yo‘g‘onlikdagi shipga biriktirilgan yoki biriktirilmagan yog‘och-taxta materiallari | 4407 |
4. Elimlangan fanera uchun bir qatlamli fanera va bir qavatli yupqa fanera uchun listlar (yelimlangan yoki yelimlanmagan) hamda uzunasiga arralangan, qismlarga kesilgan yoki po‘sti olingan, randalangan yoki randalanmagan, silliqlangan yoki silliqlanmagan, 6 millimetrdan ortiq yo‘g‘onlikdagi shipga biriktirilgan yoki biriktirilmagan yog‘och | 4408 |
5. Har qanday qirrali yoki yassilikdagi, randalangan yoki randalanmagan, silliqlangan yoki silliqlanmagan, shipga biriktirilgan yoki biriktirilmagan, bir shaklga keltirilgan o‘lchovli (o‘rkachli, o‘yiqli, shpuntlangan, chetlari yo‘nilgan, yarim doira randalangan shaklda biriktirilgan, bir qolipdagi, dumaloqlangan yoki shunga o‘xshash) arralangan binokorlik materiallari (polni parket bilan qoplash uchun yig‘ilmagan planka va friz ham shu jumlaga kiradi) (rasmlar, fotosuratlar, oynalar yoki shunga o‘xshash buyumlar uchun bir qolipdagi ramkalardan, shuningdek parket yoki polni yog‘och bilan qoplash uchun yig‘ilmagan brus, planka va frizlardan tashqari) | 4409 (440910110, 0440920110 va 440920910 dan tashqari |
6. Yog‘och-payraxa plitalar va yog‘ochdan yasalgan shunga o‘xshash plitalar yoki qatron yoki boshqa organik bog‘lovchi moddalar shimdirilgan yoki shimdirilmagan boshqa yog‘ochsimon materiallar | 4410 |
7. Yog‘ochdan tayyorlangan yog‘och-tolali plitalar yoki qatron yoki organik moddalar qo‘shilgan yoki qo‘shilmagan yog‘ochsimon boshqa materiallar | 4411 |
8. Elimlanadigan fanera, fanera holiga keltirilgan panellar va qatlamli yog‘ochdan shunga o‘xshash materiallar | 4412 |
9. Blok, plita, brus yoki bir qolipdagi (buyum) shakllardagi presslangan yog‘och | 4413 |
Keyingi tahrirga qarang.
Keyingi tahrirga qarang.