“Qon va uning tarkibiy qismlari donorligi to‘g‘risida”gi O‘zbekiston Respublikasi Qonunining 21-moddasiga muvofiq, shuningdek qon va uning tarkibiy qismlari donorligini rivojlantirish, aholining keng qatlamlarini bepul donorlikka jalb etish maqsadida Vazirlar Mahkamasi qaror qiladi:
1. “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishonining nizomi, uning tavsifi va unga guvohnoma namunasi 1, 2, 3-ilovalarga muvofiq tasdiqlansin.
2. “Davlat belgisi” davlat ishlab chiqarish birlashmasi O‘zbekiston Respublikasi Sog‘liqni saqlash vazirligining buyurtmanomalari bo‘yicha belgilangan tartibda “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishonlari va ularga guvohnomalar blankalari tayyorlanishini ta’minlasin.
3. O‘zbekiston Respublikasi Sog‘liqni saqlash vazirligining “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishonini donorlarga Jahon donor kunida – 14-iyunda berish to‘g‘risidagi taklifi ma’qullansin.
Oldingi tahrirga qarang.
(4-band O‘zbekiston Respublikasi Vazirlar Mahkamasining 2016-yil 5-fevraldagi 31-sonli qaroriga asosan o‘z kuchini yo‘qotgan — O‘R QHT, 2016-y., 6-son, 54-modda)
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.
1. “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishoni bilan o‘z qonini kamida qirq marta yoki uning tarkibiy qismlaridan bir qismini kamida oltmish marta bepul topshirgan O‘zbekiston Respublikasi fuqarolari mukofotlanadilar.
“O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishoni bilan O‘zbekiston Respublikasi fuqarolari hisoblanmagan shaxslar ham mukofotlanishi mumkin.
2. “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishoni bilan mukofotlash O‘zbekiston Respublikasi Sog‘liqni saqlash vazirligi tomonidan nazarda tutilgan tartibga muvofiq markaziy apparat boshqarmalari, hududiy va tarkibiy bo‘linmalar boshliqlarining taqdimnomasi bo‘yicha O‘zbekiston Respublikasi Sog‘liqni saqlash vazirining buyrug‘i bilan amalga oshiriladi.
Mukofotlash to‘g‘risidagi buyruq O‘zbekiston Respublikasi Sog‘liqni saqlash vazirligining axborot vositalarida e’lon qilinadi.
3. “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishoni va unga guvohnoma Jahon donor kunida – 14-iyunda Sog‘liqni saqlash vaziri yoki uning nomidan va uning topshirig‘iga ko‘ra boshqa mas’ul shaxslar tomonidan tantanali vaziyatda topshiriladi.
Keyingi tahrirga qarang.
Keyingi tahrirga qarang.
4. Aynan bir shaxs “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishoni bilan, qoidaga ko‘ra, bir marta mukofotlanadi.
5. “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishoni ko‘krakning chap tomonida davlat mukofotlaridan quyida taqiladi.
Ko‘krak nishoni mis qotishmasidan tayyorlanadi va yarimcho‘ziq shaklni ifodalaydi, uning o‘zagi 28,0 millimetrni, balandligi — 32,0 millimetrni, qalinligi — 3 millimetrni tashkil etadi.
Ko‘krak nishonining old tomonida hayotbaxsh qonning ramzini ifodalaydigan qabariq qizil rangli qon tomchisi tasvirlangan. Ko‘krak nishonining o‘ng tomonida shon-sharaf ramzi bo‘lgan tilla rang dafna navdasi joylashgan. Ko‘krak nishonining chap tomonida tilla rang shaklli plastinada “FAXRIY DONOR” degan yozuv berilgan. Yozuv qabariq tilla rang bosh harflarda bajarilgan. Harflarning balandligi 4 millimetr.
Ko‘krak nishoni mis qotishmasidan tayyorlanadigan va O‘zbekiston Respublikasi Davlat bayrog‘i ramzini ifodalaydigan shaklli to‘g‘ri burchak shaklida bajariladigan 21,0 x 25,0 millimetr o‘lchamli qadag‘ich (kolodka)ga halqa va ilmoqcha yordamida ulanadi. Qadag‘ichning qalinligi 3 millimetr.
Qadag‘ichning old tomoni bayroqning oq foni bo‘ylab qabariq tilla rang bosh harflar bilan “O'ZBEKISTON RESPUBLIKASI” yozuvi tushirilgan holda O‘zbekiston Respublikasining Davlat bayrog‘i ranglarida bajariladi. Harflarning balandligi 3 millimetr.
Qadag‘ichning orqa tomonida ko‘krak nishonini kiyimga mahkamlash uchun to‘g‘nog‘ich shaklidagi moslama mavjud.