LexUZ sharhi
Mazkur Farmon O‘zbekiston Respublikasi Prezidentining 2023-yil 28-avgustdagi PF-151-sonli “Ma’muriy islohotlar doirasida qurilish va uy-joy kommunal xo‘jaligi sohasida davlat boshqaruvini samarali tashkil qilish chora-tadbirlari to‘g‘risida”gi Farmoniga asosan o‘z kuchini yo‘qotgan.
Kapital qurilishda iqtisodiy islohotlarni chuqurlashtirish, arxitektura, loyihalash va qurilish faoliyati darajasi hamda sifatini oshirish, shaharlar va aholi punktlarining shahar qurilishini zamonaviy talablarga hamda milliy an’analarga mos keladigan tarzda kompleks rivojlantirishni ta’minlash, arxitektura-shahar qurilishi sohasidagi qimmatli merosni saqlash va avaylash maqsadida:
1. O‘zbekiston Respublikasi Vazirlar Mahkamasi huzurida Respublika arxitektura-shahar qurilishi kengashi tashkil qilinsin.
zamonaviy talablarni, milliy va me’moriy-madaniy an’analarni hisobga olgan holda shahar qurilishi va arxitekturani yanada rivojlantirish konsepsiyasi hamda dasturlarini shakllantirish, ko‘rib chiqish va amalga oshirish borasidagi ishlarni tashkil qilish, shaharlar va tumanlarning markazlarini, arxitektura komplekslarini rejalashtirish va barpo etish loyihalari bo‘yicha tanlovlar o‘tkazish;
arxitektura va loyiha faoliyatida bozor muhitini tobora shakllantirish bo‘yicha takliflar ishlab chiqish, arxitektura va shahar qurilishi sohasida shartnomaviy munosabatlarni mustahkamlash va huquqiy bazani takomillashtirish;
shaharlarning bosh rejalarini ko‘rib chiqib, Vazirlar Mahkamasiga tasdiqlash uchun kiritish, ularning amalga oshirilishini, arxitektura-rejalashtirish hujjatlariga, g‘oyat muhim shahar qurilishi me’yorlari va standartlariga rioya etilishini nazorat qilish.
Belgilab qo‘yilsinki, Kengash o‘zining vakolati doirasida qabul qiladigan qarorlar mulkchilik shaklidan qat’i nazar, jismoniy va yuridik shaxslar tomonidan ijro etilishi majburiy hisoblanadi.
Keyingi tahrirga qarang.
2. O‘zbekiston Respublikasi Davlat arxitektura va qurilish qo‘mitasi (O‘zbekiston Respublikasi “Davarxitektqurilish”)ning vazifalari aniqlanib, uning zimmasiga quyidagilar yuklansin:
qurilish, arxitektura, shahar qurilishi va binokorlik materiallari ishlab chiqarish masalalari bo‘yicha amaldagi qonunchilikka rioya etilishini ta’minlash;
kapital qurilishni va investitsiya faoliyatini isloh qilish sohasida davlat siyosatini shakllantirish hamda ruyobga chiqarishda ishtirok etish;
shaharlarning, tuman markazlari hamda shahar posyolkalarining bosh rejalarini ishlab chiqishni tashkil etish, loyiha-rejalashtirish hujjatlariga qat’iy muvofiq ravishda aholi punktlarining rivojlantirilishini ta’minlash;
arxitektura, qurilish va binokorlik materiallari ishlab chiqarish sohasida yagona ilmiy-texnikaviy siyosatni o‘tkazish;
qurilishda narx belgilash tizimini takomillashtirish, pudrat ishlari bozorini va tegishli bozor infratuzilmasini shakllantirish bo‘yicha tashkiliy-uslubiy rahbarlikni amalga oshirish, qurilishga va qurilish industriyasiga boshqaruv va menejmentni tashkil etishning ilg‘or tizimlarini, zamonaviy qurilish texnologiyalarini joriy qilish;
qurilish, arxitektura, shahar qurilishi va loyihalash faoliyati sohasida me’yoriy-huquqiy hujjatlarni, davlat me’yorlari va standartlarini ishlab chiqish, davlat shahar qurilishi kadastrini yuritish;
loyihalash, qurilish va binokorlik materiallari hamda konstruksiyalarini ishlab chiqarish chog‘ida me’yorlar va standartlarga rioya etilishi ustidan, qurilish faoliyatining amalga oshirilishi, loyiha va qurilish-montaj ishlarining sifati ustidan nazorat o‘rnatilishini ta’minlash, shahar qurilishiga oid hujjatlarning hamda qurilish mahsulotlari, binokorlik materiallari, buyumlar va konstruksiyalarning idoradan tashqari ekspertizasini o‘tkazish;
xorijiy arxitektura va qurilish tuzilmalari, xalqaro tashkilotlar bilan iqtisodiy hamda ilmiy-texnikaviy hamkorlikni amalga oshirish.
Keyingi tahrirga qarang.
Qoraqalpog‘iston Respublikasi, viloyatlar va Toshkent shahar Arxitektura va qurilish bosh boshqarmalarining boshliqlari Qoraqalpog‘iston Respublikasi Vazirlar Kengashi Raisining, Toshkent shahar va viloyatlar hokimlarining taqdimnomasiga binoan hamda Respublika arxitektura-shahar qurilishi Kengashi bilan kelishilgan holda O‘zbekiston Respublikasi Davlat arxitektura va qurilish qo‘mitasining qaroriga asosan lavozimga tayinlanadilar va ozod qilinadilar;
tuman va shahar arxitektorlari Qoraqalpog‘iston Respublikasi Vazirlar Kengashining Raisi, Toshkent shahar va viloyatlarning hokimlari hamda O‘zbekiston Respublikasi “Davarxitektqurilish” bilan kelishilgan holda Qoraqalpog‘iston Respublikasi, viloyatlar va Toshkent shahar Arxitektura va qurilish bosh boshqarmasining boshlig‘i tomonidan lavozimga tayinlanadilar va ozod qilinadilar.
Qoraqalpog‘iston Respublikasi, viloyatlar va Toshkent shahar Arxitektura va Qurilish bosh boshqarmalarining boshliqlari lavozimiga ko‘ra Respublika arxitektura-shahar qurilishi kengashining a’zolari hisoblanadilar.
Keyingi tahrirga qarang.
shaharlar markazlari va tumanlarning markazlarini, arxitektura komplekslarini rejalashtirish hamda barpo etish loyihalariga tanlovlar o‘tkazish borasidagi ishlarni faollashtirish, jamoatchilikni va ommaviy axborot vositalarini jalb etgan holda shu loyihalarning keng muhokama etilishini ta’minlash;
O‘zbekiston Respublikasi “Davarxitektqurilish” bilan birgalikda ikki oy muddatda arxitektorlarning mualliflik huquqlarini himoya qilishga oid takliflarni tayyorlash va ularni Vazirlar Mahkamasiga kiritish.
5. Belgilab qo‘yilsinki, O‘zbekiston Respublikasi Arxitektorlar uyushmasining raisi o‘z lavozimiga ko‘ra O‘zbekiston Respublikasi Davlat arxitektura va qurilish qo‘mitasi Raisining birinchi o‘rinbosari hisoblanadi.
Keyingi tahrirga qarang.
6. Bosh rejalari Vazirlar Mahkamasi tomonidan tasdiqlanadigan respublika shaharlarining ro‘yxati tasdiqlansin.
7. O‘zbekiston Respublikasi Davlat arxitektura va qurilish qo‘mitasi Qoraqalpog‘iston Respublikasi Vazirlar Kengashi va viloyatlarning hokimliklari bilan birgalikda 2000—2002-yillarda shaharlar, tuman markazlari hamda shahar posyolkalarining bosh rejalarini ishlab chiqish va o‘zgartishlar kiritish jadvalini tuzib, uni 2000-yilning 1-iyuniga qadar tasdiqlash uchun Respublika arxitektura-shahar qurilishi kengashiga kiritsin.
Shaharlar, tuman markazlari hamda shahar posyolkalarining bosh rejalarini ishlab chiqish va amalga oshirish chog‘ida quyidagilar ustuvor yo‘nalishlar deb belgilab qo‘yilsin:
tutash qishloq hududlari bilan shaharlarning arxitektura-rejalashtirish tuzilmasi uyg‘un rivojlantirilishini, shahar hududlaridan tejamli foydalanishni, aholi istiqomat joylarining tabiiy muhitiga ehtiyotkorona munosabatda bo‘lishni ta’minlash;
zamonaviy shahar markazlarini, yangi arxitektura komplekslarini shakllantirish, shaharlarning tarixiy-me’moriy merosini saqlab qolib, uni rivojlantirgan holda, qadimdan tarkib topgan hududlarini rekonstruksiyalash;
transport yo‘llari sxemalarini, muhandislik-texnikaviy tizimlarini, o‘quv-ta’lim muassasalari tarmoqlarini, sport-sog‘lomlashtirish komplekslarini hamda ijtimoiy sohaning boshqa obyektlarini maqbul tarzga keltirib, yashash muhitining qulayligini oshirgan holda shaharlarning infratuzilmalarini kompleks yangilash.
Shaharlar, tuman markazlari va shahar posyolkalari bosh rejalarga qat’iy muvofiq ravishda barpo etilishini ta’minlash hamda aholi punktlari bosh rejalarining loyihalarini hamda loyiha-rejalashtirish hujjatlarini ishlab chiqish borasidagi ishlarning moliyalanishi uchun shaxsiy javobgarlik Qoraqalpog‘iston Respublikasi Vazirlar Kengashining Raisi, Toshkent shahar va viloyatlarning hokimlari zimmasiga yuklansin.
8. O‘zbekiston Respublikasi Vazirlar Mahkamasi bir hafta muddatda ushbu Farmonni ijro etish yuzasidan qaror qabul qilsin.