“Ta’lim to‘g‘risida”gi O‘zbekiston Respublikasi Qonuniga muvofiq hamda O‘zbekiston Respublikasi Bank-moliya akademiyasi magistraturasiga qabul qilish tartibini takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Bank-moliya akademiyasida “magistr” darajali yuqori malakali kadrlarni tayyorlash magistratura mutaxassisliklari bo‘yicha davlat ta’lim standartlariga muvofiq amalga oshirilishi belgilansin.
2. O‘zbekiston Respublikasi Bank-moliya akademiyasi magistraturasiga qabul qilish tartibi to‘g‘risidagi Nizom ilovaga muvofiq tasdiqlansin.
Keyingi tahrirga qarang.
3. Vazirlar Mahkamasining “Oliy ta’lim muassasalariga qabul qilish, talabalar o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizomlarni tasdiqlash haqida” 2010-yil 18-iyundagi 118-son qarori bilan tasdiqlangan Oliy ta’lim muassasalarining magistraturasiga qabul qilish tartibi to‘g‘risidagi Nizomning 1-bandi ikkinchi xatboshi quyidagi tahrirda bayon etilsin:
“Ushbu Nizom harbiy ta’lim muassasalariga, O‘zbekiston Respublikasi Prezidenti huzuridagi Davlat boshqaruvi akademiyasi, Toshkent davlat yuridik universiteti hamda O‘zbekiston Respublikasi Bank-moliya akademiyasining magistraturalariga nisbatan tatbiq etilmaydi”.
4. O‘zbekiston Respublikasi Oliy va o‘rta maxsus ta’lim vazirligi bir oy muddatda boshqa manfaatdor vazirliklar va idoralar bilan birgalikda:
qonun hujjatlariga ushbu qarordan kelib chiqadigan o‘zgartirish va qo‘shimchalar kiritish to‘g‘risidagi takliflarni O‘zbekiston Respublikasi Vazirlar Mahkamasiga kiritsin;
5. Ushbu qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.
1. Ushbu Nizom “Ta’lim to‘g‘risida” va “Kadrlar tayyorlash milliy dasturi to‘g‘risida”gi O‘zbekiston Respublikasi qonunlariga muvofiq O‘zbekiston Respublikasi Bank-moliya akademiyasi (keyingi o‘rinlarda — Akademiya deb yuritiladi) magistraturasiga qabul qilish tartibini belgilaydi.
2. Akademiya magistraturasiga qabul mutaxassisliklar bo‘yicha Vazirlar Mahkamasi tomonidan belgilangan davlat grantlariga va to‘lov-kontrakt asosida qabul kvotalariga muvofiq amalga oshiriladi.
3. Akademiya magistraturasida o‘qish muddati mutaxassisliklar bo‘yicha davlat ta’lim standartlariga muvofiq ikki yilga mo‘ljallangan o‘quv rejalari asosida amalga oshiriladi.
4. Akademiya magistraturasida ikkinchi va undan keyingi oliy ma’lumotni olish to‘lov-kontrakt asosida amalga oshiriladi.
5. Akademiya magistraturasiga qabul qilishni tashkil etish tegishli o‘quv yili uchun tashkil etilgan Akademiya qabul komissiyasiga (keyingi o‘rinlarda — qabul komissiyasi deb yuritiladi) yuklanadi. Qabul komissiyasining joriy ishlari uning mas’ul kotibi va o‘rinbosari tomonidan amalga oshiriladi.
7. Akademiya magistraturasiga qabul barcha uchun teng huquqlilik, yagona qabul qoidalari va yagona tanlov asosida amalga oshiriladi.
Kirish test sinovlarida eng yuqori ball to‘plagan nomzodlarga davlat grantlari bo‘yicha birinchi navbatda qabul qilinish huquqi ta’minlanadi. Qolgan nomzodlar reyting ballari asosida belgilangan to‘lov-kontrakt kvotalari doirasida qabul qilinish huquqiga egadirlar.
9. Kirish test sinovlari “Demokratik davlat va fuqarolik jamiyati qurish nazariyasi va amaliyoti asoslari”, “Mutaxassislik fani”, “Ingliz tili” fanlaridan o‘tkaziladi.
10. Akademiya magistraturasiga qabul qilish uchun test sinovlari nomzodlar tomonidan kirish uchun to‘ldiriladigan arizada ko‘rsatilgan davlat tilida yoki rus tilida amalga oshiriladi.
Kirish test sinovlari magistratura mutaxassisliklari va sinovlarni topshirish tillariga ko‘ra alohida o‘tkaziladi.
11. Akademiya magistraturasiga xorijiy fuqarolarni qabul qilish Vazirlar Mahkamasining “Xorijiy fuqarolarni O‘zbekiston Respublikasi ta’lim muassasalariga o‘qishga qabul qilish va o‘qitish tartibini takomillashtirish to‘g‘risida” 2008-yil 4-avgustdagi 169-son qarori hamda O‘zbekiston Respublikasining xalqaro shartnomalari asosida amalga oshiriladi.
12. Akademiya magistraturasiga ko‘zi ojiz nomzodlarni qabul qilish Vazirlar Mahkamasining 2010-yil 18-iyundagi 118-son qarori bilan tasdiqlangan Oliy ta’lim muassasalarining bakalavriatiga talabalarni qabul qilish tartibi to‘g‘risidagi Nizomning 3-ilovasida belgilangan tartibga muvofiq amalga oshiriladi.
13. Akademiya magistraturasiga iqtisod sohasida bakalavr darajasiga ega bo‘lgan, yoshi 35 dan oshmagan, ushbu Nizomning ilovasida belgilangan lavozimlar ro‘yxatiga muvofiq nomzodlar vazirliklar va boshqa tashkilotlar rahbarlarining yo‘llanmalari asosida qabul qilinadi.
14. Akademiya magistraturasiga hujjat topshirayotgan vaqtda nomzodlar tavsiya etayotgan vazirliklar va boshqa tashkilotlarda kamida 2 yillik mehnat stajiga ega bo‘lishlari lozim.
15. Tavsiya etilayotgan nomzodlar Akademiyaning ta’lim va tadqiqot dasturlarini to‘liq va sifatli o‘zlashtirishini ta’minlash maqsadida ingliz tilini yetarli darajada egallagan, axborot-kommunikatsiya texnologiyalaridan erkin foydalana oladigan hamda keng umumkasbiy bilim va dunyoqarashga, yuksak ma’naviy sifatlarga ega bo‘lishlari talab etiladi.
16. Qabul komissiyasi kirish test sinovlari boshlanishidan bir oy oldin nomzodlarga Akademiyaga qabul qilish muddatlari, mutaxassisliklarning nomlanishi va Akademiya magistraturasiga qabul qilish kvotasini ma’lum qiladi.
17. Akademiya magistraturasiga qabul qilishda nomzodlar qabul komissiyasiga quyidagi hujjatlarni taqdim etadilar:
oliy ma’lumot to‘g‘risidagi diplomning asl nusxasi (yoki diplomdan ko‘chirma — O‘zbekiston Respublikasi oliy ta’lim muassasalarini davlat granti bo‘yicha o‘qib tugatganlar uchun) hamda unga ilovaning asli;
19. Hujjatlar taqdim etilishi jarayonida nomzodlar pasport va harbiy xizmatga aloqadorlik haqidagi hujjatlarini shaxsan ko‘rsatadilar.
20. Ushbu Nizomning 17-bandida nazarda tutilgan talablarga mos keladigan hujjatlar taqdim etilganda qabul komissiyasi nomzodlarning hujjatlarini qabul qilishni rad etishga haqli emas.
21. Kirish test sinovlariga kiritilgan fanlarning o‘quv dasturlari kirish test sinovlari boshlanishidan bir oy oldin qabul komissiyaning axborot stendiga va Akademiya veb-saytiga joylashtiriladi.
22. Kirish test sinovlari o‘tkazilishiga qadar qabul komissiyasi tomonidan nomzodlar uchun maslahatlar tashkil etiladi. Maslahatlar jadvali qabul komissiyasi tomonidan ishlab chiqiladi va Akademiya rektori tomonidan tasdiqlanadi.
24. Kirish test sinovlari O‘zbekiston Respublikasi Vazirlar Mahkamasi huzuridagi Davlat test markazi (keyingi o‘rinlarda — Davlat test markazi deb yuritiladi) tomonidan o‘tkaziladi.
25. Kirish test sinovlarining savollari O‘zbekiston Respublikasi Oliy va o‘rta maxsus ta’lim vazirligi tomonidan tasdiqlangan o‘quv dasturlari asosida Davlat test markazi tomonidan shakllantiriladi.
26. Akademiya magistraturasiga kirish test sinovlarini tashkil etish va o‘tkazish tartibi Davlat test markazi tomonidan Akademiya bilan kelishilgan holda belgilanadi.
27. Kirish test sinovlari bo‘yicha nomzodlarning maksimal balli 200 ballni tashkil qiladi va ushbu ballar quyidagilardan tashkil topadi:
“Demokratik davlat va fuqarolik jamiyati qurish nazariyasi va amaliyoti asoslari” fani bo‘yicha — 0 balldan 50 ballgacha;
28. Xalqaro test bo‘yicha ingliz tilida IELTS (International English Language Testing System) yoki TOEFL (Test of English as a Foreign Language) imtihon topshirgan va amaldagi IELTS sertifikati bo‘yicha kamida 5.0 ballga yoki ushbu ballning ekvivalentiga teng bo‘lgan TOEFL sertifikatiga ega bo‘lgan nomzodlar “Ingliz tili” fani bo‘yicha kirish test sinovlarini topshirishdan ozod etiladi. Ushbu nomzodlarga “Ingliz tili” fanidan maksimal 50 ball hisoblanadi.
29. Belgilangan tartibda GMAT (The Graduate Management Admission Test — biznes maktablarida muvaffaqiyatli o‘qish imkoniyatlarini aniqlash uchun standartlashtirilgan test) tizimida kamida umumiy 500 ballik amaldagi sertifikatga ega bo‘lgan nomzodlar “Mutaxassislik fani” va “Ingliz tili” fanlaridan kirish test sinovlarini topshirishdan ozod etiladilar. Ushbu nomzodlarga “Mutaxassislik fani” va “Ingliz tili” fanlari bo‘yicha maksimal 150 ball hisoblanadi.
30. Kirish test sinovlarining natijalari Davlat test markazining qaydnomasiga kiritiladi va ushbu qaydnoma qabul komissiyasi uchun tanlov o‘tkazishga asos hisoblanadi. Bunda, kirish test sinovlari bo‘yicha maksimal 200 ballning 25 foizidan kam ball to‘plagan nomzodlar tanlovda ishtirok etmaydi.
31. Akademiya magistraturasiga kirish test sinovlari natijalari yuzasidan nomzodlarning arizalarini ko‘rib chiqish uchun Akademiya rektorining buyrug‘iga asosan Appelatsiya komissiyasi tashkil etiladi.
32. Apellatsiya komissiyasiga shikoyatlar kirish test sinovlari natijalari e’lon qilingan kundan boshlab ikki ish kuni mobaynida Apellatsiya komissiyasi raisi nomiga nomzodlar tomonidan ariza bilan berilishi mumkin.
Apellatsiya komissiyasi taqdim etilgan arizalarni ular kelib tushgan kundan boshlab uch kundan oshmagan muddatda ko‘rib chiqadi.
33. Akademiya magistraturasiga qabul qilish to‘g‘risidagi qabul komissiyasining qarori 20-sentabrdan kechikmay qabul qilinishi lozim. Ushbu qaror nomzodlarni davlat grantlari bo‘yicha tinglovchilar safiga qabul qilish haqidagi Akademiya rektori buyrug‘ini rasmiylashtirish uchun asos bo‘ladi.
34. To‘lov-kontrakt asosida Akademiya magistraturasiga qabul qilish O‘zbekiston Respublikasi Vazirlar Mahkamasi tomonidan belgilangan qabul kvotalari doirasida yagona qabul qoidalari asosida qabul komissiyasi tomonidan amalga oshiriladi.
35. Nomzodlarni to‘lov-kontrakt asosida Akademiya magistraturaga tavsiya etish to‘g‘risida qabul komissiyasining qarori qabul qilingandan keyin Akademiya bilan yuridik yoki jismoniy shaxslar o‘rtasida belgilangan tartibda kontrakt (shartnoma) rasmiylashtiriladi.
Akademiya magistraturasiga to‘lov-kontrakt asosida o‘qishga tavsiya etilgan nomzodlarga kontrakt (shartnoma)da belgilangan muddat va tartibda o‘qish uchun mablag‘ to‘langunga qadar, qabul komissiyasi qaroriga ko‘ra o‘qishga ruxsat etiladi.
36. Qabul komissiyasining Akademiya magistraturasiga qabul qilish to‘g‘risidagi qaroriga muvofiq to‘lov-kontrakt asosida o‘qishga qabul qilish yuridik yoki jismoniy shaxslar tomonidan o‘qish uchun belgilangan mablag‘ miqdori kontrakt (shartnoma)da belgilangan muddat va tartibda o‘tkazilgandan so‘ng, Akademiya rektorining buyrug‘i bilan rasmiylashtiriladi.
37. Akademiya magistraturasida grant va to‘lov-kontrakt asosida ta’lim olayotgan tinglovchilarning asosiy ish joyi va o‘rtacha ish haqi miqdori o‘qish muddati mobaynida saqlanadi.
38. Akademiya magistraturasida tinglovchilar ishlab chiqarishdan ajralgan holda o‘qiydilar. O‘quv kursini muvaffaqiyatli tugatgan tinglovchilar malakaviy amaliyot o‘taydilar hamda yakuniy Davlat attestatsiyasi sinovlarini topshiradilar.
39. Akademiya magistraturasida ta’lim jarayoni o‘quv jarayoni jadvaliga muvofiq magistrlik dissertatsiyasining himoyasi bilan yakunlanadi.
40. Akademiya magistraturasi mutaxassisligining o‘quv rejasi talablarini to‘liq bajargan, jumladan, yakuniy davlat attestatsiyasi sinovlaridan muvaffaqiyatli o‘tgan va magistrlik dissertatsiyasini himoya qilgan tinglovchilarga belgilangan tartibda davlat namunasidagi magistrlik diplomi va “magistr” darajasi beriladi.
41. Boshqa shaharlardan kelgan tinglovchilarga ish joyiga borish va qaytish yo‘l xarajatlari hamda mehmonxonada (turar joy)da yashash xarajatlari ularni jo‘natgan vazirliklar va boshqa tashkilotlar tomonidan qoplanadi.
Keyingi tahrirga qarang.
42. Akademiya magistraturasiga qabul qilingan nomzodlarning kirish test sinovlari natijalari nomzodlarning shaxsiy hujjatlar yig‘ma jildlariga tikib qo‘yiladi.
43. Akademiya magistraturasiga qabul qilinmagan nomzodlarning kirish test sinovlar natijalari 6 oy davomida saqlanadi va shundan so‘ng belgilangan tartibda yo‘q qilinadi.
44. Kirish test sinovlari o‘tkazilishi bilan bog‘liq xarajatlar Davlat test markazi tomonidan taqdim etiladigan hisob-kitobga muvofiq Akademiyaning budjetdan tashqari mablag‘lari hisobidan qoplanadi.
45. Ushbu Nizom talablari buzilishida aybdor bo‘lgan shaxslar qonun hujjatlarida belgilangan tartibda javob beradilar.
46. Ushbu Nizomni qo‘llashda yuzaga keladigan nizo va kelishmovchiliklar qonun hujjatlarida belgilangan tartibda hal etiladi.
O‘zbekiston Respublikasi Bank-moliya akademiyasi magistraturasiga qabul qilish tartibi to‘g‘risidagi Nizomga
ILOVA
ILOVA
O‘zbekiston Respublikasi Markaziy banki va respublika tijorat banklarining departament direktorlari va ularning o‘rinbosarlari, boshqarma boshliqlari, bo‘lim boshliqlari;
O‘zbekiston Respublikasi Moliya vazirligi markaziy apparati boshqarmalari boshliqlari va ularning o‘rinbosarlari, bo‘lim boshliqlari, sho‘ba mudirlari, bosh mutaxassislari, bosh iqtisodchilari, moliyaviy inspektorlari;
Qoraqalpog‘iston Respublikasi moliya vaziri va uning o‘rinbosarlari, bo‘limlari boshliqlari, sho‘ba mudirlari;
viloyatlar va Toshkent shahar moliya boshqarmalari boshliqlari va ularning o‘rinbosarlari, bo‘limlari boshliqlari;
O‘zbekiston Respublikasi Moliya vazirligi, Qoraqalpog‘iston Respublikasi Moliya vazirligi hamda viloyatlar va Toshkent shahar nazorat-taftish boshqarmalari boshliqlari, bo‘limlari boshliqlari;
shaharlar va tumanlar moliya bo‘limlari mudirlari va g‘aznachilik bo‘linmalari boshliqlari, g‘aznachilik bo‘linmalari sho‘ba mudirlari, guruh boshliqlari, bosh hisobchilar, bosh inspektorlar, bosh iqtisodchilar;
viloyat moliya boshqarmalari sho‘ba mudirlari, guruh boshliqlari, bosh hisobchilar, bosh iqtisodchilar, bosh nazoratchi-taftishchilar, tuman va shahar nazorat-taftish boshqarmalari buxgalter-taftishchilari;
sug‘urta kompaniyasi direktori, viloyat direksiyasi direktori, viloyat sug‘urta kompaniyasi filiali direktori, sug‘urta kompaniyasi departamenti bosh menejeri, bosh yurist konsultanti, sug‘urta kompaniyasi menejeri, menejer katta assistenti, menejer assistenti, katta anderrayteri, anderrayteri, yurist konsultanti, shahar va tuman bo‘linmasi rahbari.
Davlat soliq qo‘mitasi markaziy apparatining bosh boshqarma boshliqlari va boshqarma boshliqlari, bo‘lim va sho‘ba boshliqlari, davlat soliq bosh inspektorlari, bosh mutaxassislari, bosh iqtisodchilari;
Qoraqalpog‘iston Respublikasi, viloyatlar va Toshkent shahar davlat soliq boshqarmalari boshliqlari va ularning o‘rinbosarlari, bo‘lim boshliqlari va ularning o‘rinbosarlari, sho‘ba boshliqlari, davlat soliq bosh inspektorlari;
bozorlar va savdo komplekslari faoliyatini nazorat qilish bosh boshqarmasining hududiy bo‘limlari boshliqlari va ularning o‘rinbosarlari;
tumanlar va shaharlar davlat soliq inspeksiyalari boshliqlari va ularning o‘rinbosarlari, bo‘lim va sho‘ba boshliqlari, davlat soliq bosh inspektorlari.
O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiya va savdo vazirligi, tarmoq va soha vazirliklari, “Davarxitektqurilish” qo‘mitasi boshqarma boshliqlari va ularning o‘rinbosarlari, bo‘lim boshliqlari, bosh mutaxassislari;
O‘zbekiston Respublikasi Mudofaa vazirligining moliya va nazorat-taftish boshqarmalari, xizmatlari, bo‘limlari va bo‘linmalarining rahbarlari va ularning o‘rinbosarlari, katta ofitserlari hamda bosh mutaxassislari;
kompaniyalar, assotsiatsiyalar rahbarlari o‘rinbosarlari, boshqarma boshliqlari va ularning o‘rinbosarlari, bo‘lim boshliqlari, bosh mutaxassislari;
loyiha institutlarining rahbarlari o‘rinbosarlari, guruh rahbari va uning o‘rinbosari, loyiha bosh muhandisi o‘rinbosari, bo‘lim boshliqlari, bosh mutaxassislari;
xo‘jalik yurituvchi subyektlar rahbarlari va ularning o‘rinbosarlari, bo‘linma rahbarlari, bo‘lim boshliqlari, bosh mutaxassislari.
Keyingi tahrirga qarang.