O‘zbekiston Respublikasining “Soliq va budjet siyosatining 2013-yilga mo‘ljallangan asosiy yo‘nalishlari qabul qilinganligi, shuningdek soliq hisoboti taqdim etish davriyligi qisqartirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida” 2012-yil 25-dekabrdagi O‘RQ-343-son Qonuniga, O‘zbekiston Respublikasi Prezidentining “O‘zbekiston Respublikasi Prezidentining ayrim Farmonlariga o‘zgartish va qo‘shimchalar kiritish to‘g‘risida” 2012-yil 26-dekabrdagi PF-4491-son Farmoniga hamda O‘zbekiston Respublikasi Prezidentining “O‘zbekiston Respublikasining 2013-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida” 2012-yil 25-dekabrdagi PQ-1887-son qaroriga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Vazirliklar va idoralar bir oy muddatda idoraviy normativ-huquqiy hujjatlarni ushbu qarorga muvofiqlashtirsinlar.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 1992-yil 23-noyabrdagi 553-son qarori (O‘zbekiston Respublikasi QT, 1992-y., 12-son, 37-modda) bilan tasdiqlangan O‘zbekiston Respublikasi Moliya vazirligi haqidagi Nizomning 10-bandida:
“tegishli mahalliy budjetlarga (daromadlar va xarajatlar o‘rtasidagi vaqtinchalik kassa tafovutini qoplashga) budjet subvensiyalari va ssudalar ajratishda, hududlar bo‘yicha to‘lanishi kerak bo‘lgan barcha soliqlar va boshqa majburiy to‘lovlar tushumlarining to‘liqligidan, shuningdek ish haqi (yagona ijtimoiy to‘lov bilan birga), nafaqalar va ularga tenglashtirilgan to‘lovlar bo‘yicha O‘zbekiston Respublikasi Davlat budjeti xarajatlarini birinchi navbatda so‘zsiz moliyalashtirishning zarurligidan kelib chiqqan holda, ularning miqdorlarini aniqlashtirish;
respublika budjetidan Qoraqalpog‘iston Respublikasi budjetiga va viloyatlarning mahalliy budjetlariga berilayotgan daromadlarning tasdiqlangan hajmlariga, ularning hududida shakllantirilayotgan soliq tushumlarini hisobga olgan holda, o‘zaro hisob-kitoblar vositasida daromadlar va xarajatlar o‘rtasida paydo bo‘ladigan kassa tafovutlarini tartibga solib, aniqlashtirishlar kiritish”;
“mintaqalarni ijtimoiy-iqtisodiy rivojlantirish tendensiyasi va dinamikasining, O‘zbekiston Respublikasi Davlat budjeti daromadlarini ko‘paytirish rezervlari safarbar qilinishining, shuningdek soliqlarning barqaror tushishidan mahalliy hokimiyat organlarining manfaatdorligi oshishining tizimli tahlilidan kelib chiqqan holda budjet daromadlari prognozini har chorakda davlat soliq va bojxona xizmatlari organlariga yetkazish”.
Keyingi tahrirga qarang.
2. Vazirlar Mahkamasining 2000-yil 29-iyundagi 245-son qarori (O‘zbekiston Respublikasi QT, 2000-y., 6-son, 33-modda) bilan tasdiqlangan Xo‘jalik yurituvchi subyektlar tomonidan xorijiy valyutadagi tushumni majburiy sotish tartibi 3-bandining “e” kichik bandidagi “gaz” so‘zi “tabiiy gaz” so‘zlari bilan almashtirilsin.
Keyingi tahrirga qarang.
3. Vazirlar Mahkamasining “Valyuta bozorini yanada erkinlashtirish chora-tadbirlari to‘g‘risida” 2001-yil 22-iyundagi 263-son qarori (O‘zbekiston Respublikasi QT, 2001-y., 6-son, 30-modda) 5-bandining ikkinchi xatboshidagi “gaz” so‘zi “tabiiy gaz” so‘zlari bilan almashtirilsin.
4. Vazirlar Mahkamasining 2004-yil 23-martdagi 138-son qarori (O‘zbekiston Respublikasi QT, 2004-y., 3-son, 33-modda) bilan tasdiqlangan Sud boshqaruvchilari to‘g‘risidagi Nizomning 40-bandiga quyidagi mazmundagi xatboshilar qo‘shilsin:
“mulk solig‘ini, yer solig‘ini, shuningdek ilgari hisoblab yozilgan hamda undirilmagan soliqlar va boshqa majburiy to‘lovlar bo‘yicha penya va jarimalarni hisoblab yozishni to‘xtatib turish maqsadida xo‘jalik sudining yuridik shaxsni bankrot deb e’tirof etish to‘g‘risidagi qarorini ilova qilgan holda davlat soliq xizmati organini yozma ravishda xabardor qiladi.
Yuridik shaxsning bankrotligi to‘g‘risidagi ishlar to‘xtatilganda va to‘lovga qodirligi tiklanganda, xo‘jalik sudining bankrotlik to‘g‘risidagi ishlar to‘xtatilganligi to‘g‘risidagi qarori qabul qilingan sanadan boshlab tugatish boshqaruvchisi bu to‘g‘rida davlat soliq xizmati organini O‘zbekiston Respublikasi Soliq kodeksiga muvofiq soliqlar va boshqa majburiy to‘lovlarni hisoblab yozish uchun yozma ravishda xabardor qiladi”.
Keyingi tahrirga qarang.
5. Vazirlar Mahkamasining “Xorijiy investorlar va xorijiy investitsiyalar ishtirokidagi korxonalar tomonidan o‘z ishlab chiqarish ehtiyojlari uchun olib kelinayotgan mol-mulkni sertifikatlash mexanizmini takomillashtirishga doir qo‘shimcha chora-tadbirlar to‘g‘risida” 2011-yil 16-maydagi 136-son qarorida (O‘zbekiston Respublikasi QT, 2011-y., 5-son, 35-modda):
a) qarorning nomidagi, muqaddimasidagi va 1-bandidagi “xorijiy investorlar va” so‘zlari chiqarib tashlansin;
to‘rtinchi — o‘n ikkinchi xatboshilar tegishli ravishda uchinchi – o‘n birinchi xatboshilar deb hisoblansin;
to‘rtinchi, beshinchi va oltinchi xatboshilardagi “(xorijiy investor tomonidan ariza berilganda – ariza beruvchi yoki uning ishonchli shaxsi tomonidan tasdiqlangan)” so‘zlari chiqarib tashlansin;
v) Nizomning 1—7-ilovalaridagi ko‘rsatkichlardan hamda 1 va 7-ilovalari matnlaridan “xorijiy investorlar va” so‘zlari chiqarib tashlansin.