LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Siyosiy sohada, davlat qurilishi va boshqaruvi, iqtisodiy, ma’naviy, sud-huquq, tashqi siyosiy sohalar va xavfsizlikni ta’minlash sohasida islohotlarni erkinlashtirish va chuqurlashtirish bo‘yicha O‘zbekiston Respublikasi Prezidentining ikkinchi chaqiriq O‘zbekiston Respublikasi Oliy Majlisi birinchi sessiyasida qilgan ma’ruzasida belgilab berilgan ustuvor yo‘nalishlarni amalga oshirish maqsadida:
1. O‘zbekiston Respublikasi Prezidentining 2000-yil 10-fevraldagi F-1118-son Farmoyishi bilan tuzilgan ishchi guruhlarning siyosiy sohada, davlat qurilishi va boshqaruvi, iqtisodiy, ma’naviy, sud-huquq, tashqi siyosiy sohalar va xavfsizlikni ta’minlash sohasida O‘zbekiston Respublikasi Prezidentining ikkinchi chaqiriq O‘zbekiston Respublikasi Oliy Majlisi birinchi sessiyasidagi ma’ruzasida belgilab berilgan asosiy vazifalarni amalga oshirish Dasturlari bo‘yicha takliflari 1 — 6-ilovalarga* muvofiq ma’qullansin.
* 1— 6-ilovalar rus tilidagi matnda berilgan.
2. O‘zbekiston Respublikasi Vazirlar Mahkamasi, ushbu Farmonning 1-6-ilovalarida ko‘rsatilgan vazirliklar, idoralar, jamoat va nohukumat tashkilotlari ilmiy xodimlar va mutaxassislarni, jamoat arboblarini keng jalb etgan holda:
tegishli qonun hujjatlarining loyihalari o‘z vaqtida, belgilangan muddatlarga qat’iy muvofiq ravishda ishlab chiqilishi hamda tasdiqlash uchun Oliy Majlisga kiritilishini;
qabul qilingan qonun hujjatlarini amalga oshirishning ta’sirchan mexanizmini yaratuvchi aniq tadbirlar, me’yoriy hujjatlar, nizomlar va yo‘riqnomalarning belgilangan tartibda shakllantirilishi hamda ro‘yobga chiqarilishini ta’minlasinlar.
3. Mazkur Farmonda ma’qullangan qonun hujjatlari loyihalarini ishlab chiqish borasidagi faoliyatni muvofiqlashtirish hamda belgilangan tadbirlar amalga oshirilishi ustidan doimiy monitoringni olib borish uchun 7-ilovaga* muvofiq tarkibda maxsus Komissiya tuzilsin.
* 7-ilova rus tilidagi matnda berilgan.
ushbu Farmonda ma’qullangan qonun hujjatlari loyihalarining hamda ularni amalga oshirish chora-tadbirlarining yuksak kasb saviyasida shakllantirilishi bo‘yicha ishchi guruhlarning o‘z vaqtida va amaliy ishlashini ta’minlasin;
mazkur Farmonda tasdiqlangan Dasturlarning bajarilishini yilning har choragida O‘zbekiston Respublikasi Hukumati va Oliy Majlis Kengashining qo‘shma majlislarida ko‘rib chiqsin.
Keyingi tahrirga qarang.