O‘zbekiston Respublikasining Fuqarolik kodeksi (O‘zbekiston Respublikasi Oliy Majlisining Axborotnomasi, 1996-y., 2-songa ilova), Soliq kodeksi (O‘zbekiston Respublikasi qonun hujjatlari to‘plami, 2007-y., 52 (I)-son), O‘zbekiston Respublikasining “O‘zbekiston Respublikasining Markaziy banki to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1995-y., 12-son, 247-modda), “Banklar va bank faoliyati to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1996-y., 5-6-son, 54-modda), O‘zbekiston Respublikasi Prezidentining 1996-yil 9-avgustdagi PF-1504-son “Budjet bilan hisob-kitoblar uchun xo‘jalik yurituvchi subyektlarning mas’uliyatini oshirish chora-tadbirlari to‘g‘risida”gi (O‘zbekiston Respublikasi Oliy Majlisining Axborotnomasi, 1996-y., 8-son, 103-modda), 1998-yil 4-fevraldagi PF-1923-son “Hisob-kitob mexanizmini takomillashtirish hamda respublika budjeti va mahalliy budjetlarga to‘lovlar tushishini rag‘batlantirish choralari to‘g‘risida”gi va 2002-yil 30-martdagi PF-3047-son “Pul massasi o‘sishini cheklash va moliyaviy intizomiga rioya etish mas’uliyatini oshirish chora-tadbirlari to‘g‘risida”gi (O‘zbekiston Respublikasi Oliy Majlisining Axborotnomasi, 2002-y., 3-son, 51-modda) farmonlariga muvofiq O‘zbekiston Respublikasi Markaziy banki Boshqaruvi, Moliya vazirligi va Davlat soliq qo‘mitasi qaror qiladilar:
Keyingi tahrirga qarang.
1. Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘g‘risidagi yo‘riqnoma ilovaga muvofiq tasdiqlansin.
O‘zbekiston Respublikasi Markaziy banki, Moliya vazirligi tomonidan 1999-yil 22-yanvarda 104-v, 21-son va Adliya vazirligi tomonidan 1999-yil 30-yanvarda 615-son bilan tasdiqlangan “Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘g‘risidagi yo‘riqnoma” (ro‘yxat raqami 615, 1999-yil 30-yanvar) (O‘zbekiston Respublikasi vazirliklari, davlat qo‘mitalari va idoralarining me’yoriy hujjatlari axborotnomasi, 1999-yil, 1-son);
O‘zbekiston Respublikasi Markaziy banki, Moliya vazirligi va Adliya vazirligi tomonidan 1999-yil 3-martda 104-v-1, 21-son va 615-1-son bilan tasdiqlangan “Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘g‘risidagi yo‘riqnomaga 1-son qo‘shimcha” (ro‘yxat raqami 615-1, 1999-yil 3-mart);
O‘zbekiston Respublikasi Markaziy banki tomonidan 1999-yil 21-aprelda 104-v-2-son, Moliya vazirligi tomonidan 1999-yil 20-aprelda 12-02-29/794-son va Adliya vazirligi tomonidan 1999-yil 4-mayda 615-2-son bilan tasdiqlangan “Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘g‘risidagi yo‘riqnomaga 2-son qo‘shimcha” (ro‘yxat raqami 615-2, 1999-yil 4-may);
O‘zbekiston Respublikasi Markaziy banki tomonidan 1999-yil 27-sentabrda 104-v-3-son, Moliya vazirligi tomonidan 1999-yil 22-sentabrda 21-3-son va Adliya vazirligi tomonidan 2000-yil 5-yanvarda 615-3-son bilan tasdiqlangan “Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘g‘risidagi yo‘riqnomaga 3-son o‘zgartirish va qo‘shimcha” (ro‘yxat raqami 615-3, 2000-yil 5-yanvar);
O‘zbekiston Respublikasi Markaziy banki, Moliya vazirligi tomonidan 2000-yil 6-yanvarda 104-v-4, 4-son va Adliya vazirligi tomonidan 2000-yil 1-martda 615-4-son bilan tasdiqlangan “Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘g‘risidagi yo‘riqnomaga 4-son o‘zgartirishlar” (ro‘yxat raqami 615-4, 2000-yil 1-mart).
3. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
O‘zbekiston Respublikasi Markaziy banki Boshqaruvi, Moliya vazirligi, Davlat soliq qo‘mitasining 2011-yil 12-dekabrdagi 35/4, 82, 2011-41-son qaroriga
ILOVA
ILOVA
Mazkur Yo‘riqnoma O‘zbekiston Respublikasi Fuqarolik kodeksi (O‘zbekiston Respublikasi Oliy Majlisining Axborotnomasi, 1996-yil, 2-songa ilova), O‘zbekiston Respublikasi Soliq kodeksi (O‘zbekiston Respublikasi qonun hujjatlari to‘plami, 2007-yil, 52(I)-son), O‘zbekiston Respublikasining “O‘zbekiston Respublikasining Markaziy banki to‘g‘risida”gi (O‘zbekiston Respublikasi Oliy Majlisining Axborotnomasi, 1995-yil, 12-son, 247-modda), “Banklar va bank faoliyati to‘g‘risida”gi (O‘zbekiston Respublikasi Oliy Majlisining Axborotnomasi, 1996-yil, 5-6-son, 54-modda) va “Fuqarolarning jamg‘arib boriladigan pensiya ta’minoti to‘g‘risida”gi (O‘zbekiston Respublikasi qonun hujjatlari to‘plami, 2004-yil, 51-son, 512-modda) qonunlari, O‘zbekiston Respublikasi Prezidentining 1996-yil 9-avgustdagi PF-1504-son “Budjet bilan hisob-kitoblar uchun xo‘jalik yurituvchi subyektlarning mas’uliyatini oshirish chora-tadbirlari to‘g‘risida”gi (O‘zbekiston Respublikasi Oliy Majlisining Axborotnomasi, 1996-yil, 8-son, 103-modda), 1998-yil 4-fevraldagi PF-1923-son “Hisob-kitob mexanizmini takomillashtirish hamda Respublika budjeti va mahalliy budjetlarga to‘lovlar tushishini rag‘batlantirish choralari to‘g‘risida” va 2002-yil 30-martdagi PF-3047-son “Pul massasi o‘sishini cheklash va moliyaviy intizomiga rioya etilishi yuzasidan javobgarlikni oshirish bo‘yicha chora-tadbirlar to‘g‘risida”gi (O‘zbekiston Respublikasi qonun hujjatlari to‘plami, 2002-yil, 5-6-son) farmonlariga muvofiq xo‘jalik yurituvchi subyektlarning bank hisobvaraqlaridan (keyingi o‘rinlarda hisobvaraq deb yuritiladi) pul mablag‘lari ularga qo‘yilgan talablarni qondirish uchun yetarli bo‘lmaganda, mablag‘larni hisobdan chiqarish tartibini belgilaydi.
Keyingi tahrirga qarang.
Keyingi tahrirga qarang.
Oldingi tahrirga qarang.
qonun hujjatlarida belgilangan tartibda xatlangan hisobvaraqlarga hamda sud, sud ijrochilari yoki boshqa vakolatli organlar tomonidan foydalanishga oid cheklovlar o‘rnatilgan hisobvaraqlarga yoki ushbu hisobvaraqlar bo‘yicha xatlangan pul mablag‘lariga;
(1-bandning uchinchi xatboshisi O‘zbekiston Respublikasi Markaziy banki Boshqaruvi, Moliya vazirligi va Davlat soliq qo‘mitasining 2012-yil 28-iyuldagi 22/2, 57, 2012-24-sonli qarori (ro‘yxat raqami. 2342-1, 14.09.2012-y.) tahririda — O‘R QHT, 2012-y., 38-son, 438-modda)
Keyingi tahrirga qarang.
budjet mablag‘larini oluvchilarning kreditorlik qarzlarini to‘lash uchun ularning hisobvaraqlariga mablag‘ ajratish rejalari chegarasida moliya va soliq organlari tomonidan ishlab chiqilgan hamda Muddati o‘tkazib yuborilgan debitorlik va kreditorlik qarzlarni qisqartirish va budjetga to‘lovlar intizomini mustahkamlash bo‘yicha Respublika komissiyasining tegishli qarori asosida Moliya vazirligi va Davlat soliq qo‘mitasi tomonidan qonunchilikda o‘rnatilgan tartibda tasdiqlangan sxemalarda belgilangan hisobvaraqlarga;
Keyingi tahrirga qarang.
Oldingi tahrirga qarang.
xo‘jalik yurituvchi subyektlarning ushbu Yo‘riqnomaning 1-ilovasida keltirilgan hisobvaraqlariga nisbatan qo‘llanilmaydi.
(1-bandning beshinchi xatboshisi O‘zbekiston Respublikasi Markaziy banki Boshqaruvi, Moliya vazirligi va Davlat soliq qo‘mitasining 2012-yil 28-iyuldagi 22/2, 57, 2012-24-sonli qarori (ro‘yxat raqami. 2342-1, 14.09.2012-y.) tahririda — O‘R QHT, 2012-y., 38-son, 438-modda)
Keyingi tahrirga qarang.
Keyingi tahrirga qarang.
2. Xo‘jalik yurituvchi subyektning asosiy talab qilib olinguncha depozit hisobvarag‘ida (keyingi o‘rinlarda asosiy hisobvaraq deb yuritiladi) yetarli miqdorda pul mablag‘lari bo‘lganda, mablag‘larni hisobdan chiqarish qonun hujjatlarida belgilangan tartibda mijozning farmoyishiga va boshqa pul-hisob-kitob hujjatlarining kelib tushishi tartibida amalga oshiriladi.
Keyingi tahrirga qarang.
3. Xo‘jalik yurituvchi subyektning asosiy hisobvarag‘ida mablag‘ unga qo‘yilgan talablarni qondirish uchun yetarli bo‘lmagan holda, pul-hisob-kitob hujjatlari 2-son kartotekaga kirim qilinadi. 2-son kartoteka xo‘jalik yurituvchi subyektning faqat asosiy hisobvarag‘i ochilgan bankda shakllantiriladi.
Keyingi tahrirga qarang.
Oldingi tahrirga qarang.
Xo‘jalik yurituvchi subyektning asosiy hisobvarag‘iga sud ijrochilari tomonidan soliq qarzi bo‘yicha inkasso topshiriqnomalari qo‘yilgan taqdirda, shu qarzdorlik miqdorida oldin davlat soliq xizmati organlari tomonidan qo‘yilgan inkasso topshiriqnomalari ijrosiz qoldiriladi. Sud ijrochilari tomonidan banklarga davlat soliq xizmati organlarining ijrosiz qoldiriladigan inkasso topshiriqnomalari raqami, sanasi, summasi to‘g‘risidagi ma’lumotlar taqdim qilinadi.
Keyingi tahrirga qarang.
Banklar shu kunning o‘zida davlat soliq xizmati organlariga ijrosiz qoldiriladigan inkasso topshiriqnomalari to‘g‘risida elektron xabar beradi. Davlat soliq xizmati organlari shu kunning o‘zida ushbu xabarnoma asosida ijrosiz qoldiriladigan inkasso topshiriqnomalarini banklardan chaqirib oladi.
Keyingi tahrirga qarang.
Banklar tomonidan sud ijrochilarining inkasso topshiriqnomalarining to‘lanmagan summasi ijroga qabul qilinadi.
Keyingi tahrirga qarang.
Ijroga qabul qilingan inkasso topshiriqnomalarining sud ijrochilariga qaytariladigan nusxasining orqa tomoniga qabul qilingan summa ko‘rsatilib, bank mas’ul ijrochi xodimi tomonidan imzo chekilib, shtamp bosiladi.
(3-band O‘zbekiston Respublikasi Markaziy banki Boshqaruvi, Moliya vazirligi va Davlat soliq qo‘mitasining 2012-yil 28-iyuldagi 22/2, 57, 2012-24-sonli qaroriga (ro‘yxat raqami. 2342-1, 14.09.2012-y.) asosan xatboshilar bilan to‘ldirilgan — O‘R QHT, 2012-y., 38-son, 438-modda)
Keyingi tahrirga qarang.
4. Xo‘jalik yurituvchi subyektning asosiy hisobvarag‘idagi mablag‘lar unga qo‘yilgan talablarni qondirish uchun yetarli bo‘lmaganda, asosiy hisobvaraqqa xizmat ko‘rsatuvchi bank 2-son kartoteka paydo bo‘lganligi to‘g‘risida 3-so‘rovnomaning “taqiq” faylini “2” belgisi bilan shakllantirib, Bank depozitorlari milliy axborotlar bazasiga dasturiy ravishda yuboradi. Ushbu ma’lumotlar Bank depozitorlari milliy axborotlar bazasi orqali barcha boshqa hisobvaraqlar ochgan banklarga uzatiladi.
Oldingi tahrirga qarang.
Mazkur ma’lumotlar Bank depozitorlarining milliy axborotlar bazasi orqali Davlat soliq qo‘mitasiga axborot tariqasida uzatilib boriladi.
(4-bandning ikkinchi xatboshisi O‘zbekiston Respublikasi Markaziy banki Boshqaruvi, Moliya vazirligi va Davlat soliq qo‘mitasining 2012-yil 28-iyuldagi 22/2, 57, 2012-24-sonli qarori (ro‘yxat raqami. 2342-1, 14.09.2012-y.) tahririda — O‘R QHT, 2012-y., 38-son, 438-modda)
Keyingi tahrirga qarang.
Hisobvaraq ochgan banklar ushbu ma’lumotnomani amaliyot kuni davomida olganda, shu amaliyot kunidan kechikmagan holda, ma’lumotnomani amaliyot kunidan keyin olganda esa keyingi amaliyot kunida mazkur mijozning asosiy hisobvarag‘iga qo‘yilgan talablarni qondirish uchun xo‘jalik yurituvchi subyektning boshqa hisobvaraqlaridagi pul mablag‘larini uning asosiy hisobvarag‘iga memorial order asosida o‘tkazib berishlari shart.
Xo‘jalik yurituvchi subyektning asosiy hisobvarag‘ida 2-son kartoteka paydo bo‘lgandan so‘ng, uning boshqa barcha ikkilamchi talab qilib olinguncha depozit hisobvaraqlari ochilgan banklar tomonidan pul-hisob-kitob hujjatlarini qabul qilish va asosiy hisobvarag‘iga bo‘lgan to‘lovlardan tashqari boshqa to‘lovlarni amalga oshirish taqiqlanadi.
Keyingi tahrirga qarang.
Xo‘jalik yurituvchi subyektning boshqa hisobvarag‘idan to‘lovlar asosiy hisobvarag‘i ochilgan bankdan uning 2-son kartotekasi mavjud emasligi to‘g‘risidagi fayl ma’lumot dasturiy ravishda olingandan so‘ng amalga oshiriladi.
5. Xo‘jalik yurituvchi subyektning asosiy hisobvarag‘i ochilgan bankda 2-son kartoteka mavjud bo‘lgan hollarda to‘lovlar quyidagi navbatda amalga oshiriladi:
a) navbatdan tashqari, hisobvaraq egasining arizasiga ko‘ra bevosita ishlab chiqarish (xizmat ko‘rsatish) faoliyati bilan bog‘liq bo‘lgan kechiktirib bo‘lmaydigan ehtiyojlari uchun to‘lovlar o‘tgan oy davomida uning faqat asosiy hisobvarag‘iga kelib tushgan jami tushumlarning 5 foizi miqdorigacha, O‘zbekiston Respublikasi Vazirlar Mahkamasi tomonidan belgilanadigan ro‘yxatga asosan o‘ta muhim obyektlarni qo‘riqlovchi bo‘linmalar xizmatidan foydalanuvchi hisobvaraq egalari uchun esa 6 foiz miqdorigacha amalga oshiriladi.
2-son kartoteka paydo bo‘lganda, hisobvaraq egasi tomonidan ariza kechiktirib bo‘lmaydigan ehtiyojlar miqdoriga bog‘liq hisob-kitob bilan birga shu oyning keyingi dekadasi birinchi sanasiga, joriy oyning uchinchi dekadasi va keyinchalik esa keyingi oyning uchinchi sanasigacha bankka taqdim qilinadi. Xo‘jalik yurituvchi subyektlar faoliyatining o‘ziga xosligidan kelib chiqqan holda, bevosita ishlab chiqarish (xizmat ko‘rsatish) bilan bog‘liq bo‘lgan, o‘ta muhim obyektlarni qo‘riqlovchi bo‘linmalar xizmati bo‘yicha xarajatlarni ham hisobga olgan holda zaruriy xarajatlar ro‘yxatini aniqlaydi.
Keyingi tahrirga qarang.
Hisobvaraq egasi kechiktirib bo‘lmaydigan ehtiyojlar uchun mablag‘lar hisob-kitobini va arizani bankka taqdim etgan kunning ertasidan boshlab joriy oy davomida ushbu to‘lovlarni to‘liq yoki bo‘lib-bo‘lib amalga oshirishi mumkin. Kechiktirib bo‘lmaydigan ehtiyojlar uchun mablag‘lar limitining ishlatilmagan qismi joriy oyning oxirgi kunigacha ishlatilishi mumkin va keyingi oyga ishlatish uchun o‘tkazilmaydi.
Kechiktirib bo‘lmaydigan ehtiyojlar uchun to‘lovlar hisobvaraq egasining to‘lov topshiriqnomalari bo‘yicha amalga oshiriladi. Bunda to‘lov topshiriqnomalarining “to‘lov maqsadi” grafasida “kechiktirib bo‘lmaydigan ehtiyojlar summasi hisobiga”, deb yozilgan bo‘lishi shart.
Banklar kechiktirib bo‘lmaydigan ehtiyojlar uchun sarflanadigan mablag‘lar limitining to‘g‘ri hisoblanganligi (aniqlashini) va unga rioya qilinishini nazorat qiladi.
Kechiktirib bo‘lmaydigan ehtiyojlar uchun sarflanadigan mablag‘lar limiti noto‘g‘ri hisoblanganligi aniqlangan taqdirda, ular bo‘yicha taqdim etilgan ariza va to‘lov hujjatlari bank tomonidan ijro uchun qabul qilinmaydi;
b) birinchi navbatda, mutanosib ravishda budjetga, budjetdan tashqari fondlarga to‘lovlarni hamda ish haqi to‘lash uchun pul mablag‘lari berilishini nazarda tutuvchi to‘lov (ijrochi) hujjatlari bo‘yicha, alimentlarni undirishga doir talablarni qondirish uchun hisobvarag‘idan pul mablag‘larini o‘tkazish yoki pulni berishni nazarda tutuvchi ijrochi hujjatlar bo‘yicha, mualliflik shartnomalariga binoan mukofotlarni to‘lash bo‘yicha, shuningdek hayoti va salomatligiga yetkazilgan zararning o‘rnini qoplash bo‘yicha, budjetga to‘lovlar bo‘yicha hamda mehnatga oid va unga tenglashtirilgan huquqiy munosabatlardan kelib chiqadigan to‘lovlar bo‘yicha xo‘jalik subyektlarining majburiyatlari teng darajada bajarilishini ta’minlovchi ijrochi hujjatlar bo‘yicha pul o‘chiriladi;
v) ikkinchi navbatda, navbatdan tashqari va birinchi navbatdagi to‘lovlar amalga oshirilgandan keyin asosiy hisobvaraqdan quyidagi majburiyatlarning kalendar navbati tartibida bajarilishi ta’minlanadi:
mazkur bandning “b” kichik bandida nazarda tutilmagan boshqa ijro hujjatlari bo‘yicha inkasso topshiriqnomalari yuzasidan to‘lovlar;
banklar tomonidan xo‘jalik yurituvchi subyektlarga Hukumat kafolati ostida berilgan muddatli va muddatida qaytarilmagan kreditlarni (ularning foizlarini ham) qaytarish uchun qo‘yilgan mijozning talabnomalari bo‘yicha to‘lovlar;
Keyingi tahrirga qarang.
g) uchinchi navbatda, ushbu xo‘jalik yurituvchi subyektning asosiy hisobvarag‘iga qo‘yilgan boshqa pul talablari yuzasidan to‘lovlarni amalga oshirish bo‘yicha to‘lov hujjatlarining kelib tushish sanasiga qarab kalendar navbatida hisobdan chiqariladi.
6. Xo‘jalik yurituvchi subyektning milliy valyutadagi hisobvaraqlaridagi mablag‘lar qo‘yilgan talablarni qondirish uchun yetarli bo‘lmasa, xizmat ko‘rsatuvchi bank davlat soliq xizmati organlarining taqdimnomasi asosida mazkur xo‘jalik yurituvchi subyektning chet el valyutasidagi hisobvarag‘ida mavjud bo‘lgan mablag‘ning ushbu talablarni qondirish uchun yetarli bo‘lgan miqdoridagi qismini keyingi ish kunidan kechikmagan holda Respublika valyuta birjasiga sotish uchun buyurtmanoma kiritadi.
Keyingi tahrirga qarang.
7. Vakolatli bank tomonidan chet el valyutasini sotishdan olingan mablag‘lar xo‘jalik yurituvchi subyektning asosiy hisobvarag‘iga kirim qilinadi va ushbu Yo‘riqnomada belgilangan tartibda mazkur hisobvaraqqa taqdim etilgan talablarni qondirish uchun yo‘naltiriladi.
Keyingi tahrirga qarang.
8. Xo‘jalik yurituvchi subyektlarning muddatli va jamg‘arma depozit hisobvaraqlaridagi mablag‘lar ushbu Yo‘riqnomaning 5-bandida ko‘rsatib o‘tilgan talablarni qondirish uchun depozitning shartnomada ko‘rsatilgan muddati tugagandan keyin banklar tomonidan asosiy hisobvaraqqa kirim qilinadi.
Keyingi tahrirga qarang.
9. Asosiy hisobvaraqda unga qo‘yilgan talablarni qondirish uchun mablag‘lar yetarli bo‘lmagan holda xo‘jalik yurituvchi subyektlarning muddatli va jamg‘arma depozitlari bo‘yicha depozit shartnomalarini uzaytirish hamda yangi shartnomalar tuzish taqiqlanadi.
Keyingi tahrirga qarang.
Keyingi tahrirga qarang.
10. Kechiktirib bo‘lmaydigan ehtiyojlar uchun mablag‘lar limiti aniqlangandan va zaxira qilinganidan keyin xo‘jalik yurituvchi subyektning asosiy hisobvarag‘idan pul mablag‘larini mutanosib ravishda hisobdan chiqarish mazkur Yo‘riqnomaning 5-bandi “b” kichik bandida nazarda tutilgan navbat asosida amalga oshiriladi.
11. Mutanosib ravishda hisobdan chiqarishni amalga oshirish uchun asos bo‘lib quyidagi hujjatlar xizmat qiladi:
to‘lovchining budjet va davlat maqsadli jamg‘armalariga soliqlar va boshqa majburiy to‘lovlari bo‘yicha to‘lov topshiriqnomalari;
Keyingi tahrirga qarang.
davlat soliq xizmati organlarining budjet va davlat maqsadli jamg‘armalariga muddatida to‘lanmagan soliqlar va boshqa majburiy to‘lovlarni undirish borasidagi inkasso topshiriqnomalari;
Keyingi tahrirga qarang.
bojxona xizmati organlari tomonidan muddatida to‘lanmagan bojxona to‘lovlarini undirish borasida inkasso topshiriqnomalari;
davlat budjeti va davlat maqsadli jamg‘armalarining daromadlariga (jarima va moliyaviy sanksiyalar hamda boshqa shunga o‘xshash to‘lovlar ko‘rinishidagi) hisobvaraq egasining to‘lov topshiriqnomalari;
Keyingi tahrirga qarang.
xodimlarga ish haqi va unga tenglashtirilgan to‘lovlarni amalga oshirish uchun hisobvaraqda mablag‘larni band (bron) qilishga doir ariza, shuningdek ish haqidan budjetdan tashqari Pensiya jamg‘armasiga majburiy badallarni, Kasaba uyushmalariga ixtiyoriy badallarni, jismoniy shaxslarni daromad solig‘i hamda jamg‘arib boriladigan shaxsiy pensiya hisobvaraqlariga majburiy badallarini o‘tkazish bo‘yicha xo‘jalik yurituvchi subyekt rahbari hamda buxgalteriya hisobi va moliyaviy boshqarish vazifalarini amalga oshiruvchi shaxs tomonidan imzolangan va dumaloq muhr bilan tasdiqlangan reyestr ilova qilingan to‘lov topshiriqnomalari hamda ish haqi va unga tenglashtirilgan to‘lovlarni undirish borasidagi sud qarori asosida ijro organlari tomonidan qo‘yilgan inkasso topshiriqnomalari;
Keyingi tahrirga qarang.
Keyingi tahrirga qarang.
12. Band (bron) qilishga doir ariza bank bilan kelishilgan grafikdagi kundan bir kun oldin taqdim etilishi lozim. Band (bron) miqdori ish haqidan ajratmalarsiz shakllantirilgan bo‘lsa hamda arizada ko‘rsatilgan ish haqiga tenglashtirilgan to‘lovlar summasiga to‘lov topshiriqnomalari bankka taqdim qilinmasa, bank tomonidan bunday arizalar qabul qilinmaydi.
13. Xo‘jalik yurituvchi subyektlarning asosiy hisobvarag‘iga qo‘yilayotgan birinchi navbatdagi talablarni mutanosib ravishda qondirish ulushi qarzlarning umumiy hajmidan kelib chiqqan holda belgilanadi. Mutanosiblikni aniqlashda soliqlar va yig‘imlarning barcha turlari bo‘yicha qarz budjetga to‘lovlar sifatida bir miqdorga jamlanadi hamda ularga nisbatan bitta ulush aniqlanadi. Barcha davlat maqsadli jamg‘armalarining barcha talablari ham shunday usulda jamlanadi, keyinchalik ular davlat maqsadli jamg‘armalari o‘rtasida mutanosib tartibda taqsimlanadi.
14. Ish haqini berish, shuningdek ish haqi to‘lash uchun olingan kreditlarni qaytarish, belgilangan miqdorlardagi ushlab qolingan daromad solig‘i, jamg‘arib boriladigan shaxsiy pensiya hisobvaraqlariga majburiy badallar, budjetdan tashqari Pensiya jamg‘armasiga badallar va Kasaba uyushmasiga ixtiyoriy badallar summalarini o‘tkazish mutanosib ravishda amalga oshiriladi.
Keyingi tahrirga qarang.
15. Mutanosib taqsimlash hisobvaraqdagi mablag‘larning kun boshidagi qoldig‘idan kelib chiqqan holda amalga oshiriladi. Oyning oxirgi bank ish kunida asosiy hisobvaraqlarga kelib tushgan mablag‘lar kun davomida mutanosib taqsimlanadi.
Xo‘jalik yurituvchi subyektning asosiy hisobvarag‘idagi mablag‘lar unga qo‘yilgan talablarni qondirish uchun yetarli bo‘lmagan holda, hisobvaraqdan pul mablag‘larini mutanosib ravishda hisobdan chiqarish mazkur Yo‘riqnomaning 2-ilovasida keltirilgan misol asosida amalga oshiriladi.
Keyingi tahrirga qarang.
16. Mazkur Yo‘riqnomaning buzilishida aybdor bo‘lgan shaxslar qonun hujjatlarida belgilangan tartibda javobgarlikka tortiladi.
Keyingi tahrirga qarang.
Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘g‘risidagi yo‘riqnomaga
1-ILOVA
1-ILOVA
Keyingi tahrirga qarang.
1. Xo‘jalik yurituvchi subyektlarning asosiy hisobvarag‘i ochilgan balans hisobvarag‘ida “888” tartib raqam bilan ochilgan hisobvaraq.
2. 22604 — Mijozlarning boshqa depozitlari — Jamg‘arma — Maqsadli. (Hukumat qarorlari asosida ajratilgan mablag‘lar)
3. 22626 — Korxona va tashkilotlarning maqsadli mablag‘lari. (Hukumat qarorlari asosida ajratilgan mablag‘lar)
Keyingi tahrirga qarang.
7. 23210 — Moliya vazirligi fondlaridan qishloq xo‘jalik mahsulotlari uchun ajratilgan maqsadli mablag‘lar.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
11. 23224 — Xo‘jalik yurituvchi subyektlar o‘rtasidagi o‘zaro bir martalik hisob-kitoblar uchun budjet mablag‘lari.
12. 23226 — Respublika budjetining eksportchi-korxonalar bilan bo‘ladigan maqsadli hisob-kitoblar uchun mablag‘lari.
13. 23228 — Respublika budjetining pudratchi tashkilotlar bilan bo‘ladigan maqsadli hisob-kitoblar uchun mablag‘lari.
Oldingi tahrirga qarang.
Keyingi tahrirga qarang.
14. 20412 — Nodavlat notijorat tashkilotlarining jamg‘arma depozitlari (Vazirlar Mahkamasining 2000-yil 18-yanvardagi 16-sonli qarori bilan tasdiqlangan “Ko‘p kvartirali uylarni kapital ta’mirlash uchun mablag‘lar to‘plash (yig‘ish) va ulardan foydalanish to‘g‘risida”gi vaqtinchalik nizomga asosan ochilgan jamg‘arma depozit hisobvaraq).
(14-band O‘zbekiston Respublikasi Markaziy banki Boshqaruvi, Moliya vazirligi, Davlat soliq qo‘mitasining 2013-yil 22-avgustdagi 321-V-2, 79, 2013-40-sonli qarori (ro‘yxat raqami 2342-2, 02.09.2013-y.) tahririda — O‘R QHT, 2013-y., 36-son, 480-modda)
Oldingi tahrirga qarang.
Keyingi tahrirga qarang.
15. Maqsadli mablag‘lar taqsimoti bo‘yicha alohida tartiblarda ishtirok etadigan “O‘zbekneftegaz” MXK, “O‘zdonmahsulot” AK, “O‘zbekiston temir yo‘llari” DATK va “O‘zbekenergo” DAK tarkibidagi tashkilotlarga “O‘zbekneftegaz” MXK korxonalari va tashkilotlari hisobvaraqlaridan to‘lovlarni amalga oshirish va ularga “O‘zkommunxizmat” agentligining hududiy gaz ta’minoti korxonalaridan tushadigan to‘lovlari to‘g‘risidagi nizomga (ro‘yxat raqami 1441, 2005-yil 14-yanvar), “O‘zbekiston temir yo‘llari” DATK korxonalari hisob raqamlaridan to‘lovlarni amalga oshirish to‘g‘risida nizomga (ro‘yxat raqami 1088, 2001-yil 27-noyabr), “O‘zbekenergo DAK korxonalari hisobvaraqlaridan to‘lovlarni amalga oshirish to‘g‘risida nizomga (ro‘yxat raqami 1078, 2001-yil 6-noyabr), Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasi” mablag‘lari hisobiga topshirilgan g‘alla va sholi uchun yakuniy hisob-kitoblar qilishda to‘lovlarni amalga oshirish tartibiga (ro‘yxat raqami 657, 1999-yil 1-mart) muvofiq ochilgan hisobvaraqlar (asosiy talab qilib olinguncha depozit hisobvarag‘idan tashqari).
(1-ilova O‘zbekiston Respublikasi Markaziy banki Boshqaruvi, Moliya vazirligi va Davlat soliq qo‘mitasining 2012-yil 28-iyuldagi 22/2, 57, 2012-24-sonli qaroriga (ro‘yxat raqami. 2342-1, 14.09.2012-y.) asosan 15-band bilan to‘ldirilgan — O‘R QHT, 2012-y., 38-son, 438-modda)
Oldingi tahrirga qarang.
16. 22630 — Mahalliy budjetlardan moliyalashtiriladigan fuqarolarning o‘zini o‘zi boshqarish organlari tomonidan tayinlanadigan ijtimoiy nafaqalar bo‘yicha mablag‘lar (Vazirlar Mahkamasining 2013-yil 15-fevraldagi 44-sonli qarori bilan tasdiqlangan Kam ta’minlangan oilalarga ijtimoiy nafaqalar va moddiy yordam tayinlash va to‘lash tartibi to‘g‘risidagi nizomga asosan ochilgan maxsus hisobvaraq).
(16-band O‘zbekiston Respublikasi Markaziy banki Boshqaruvi, Moliya vazirligi, Davlat soliq qo‘mitasining 2013-yil 22-avgustdagi 321-V-2, 79, 2013-40-sonli qaroriga (ro‘yxat raqami 2342-2, 02.09.2013-y.) asosan kiritilgan — O‘R QHT, 2013-y., 36-son, 480-modda)
Keyingi tahrirga qarang.
Keyingi tahrirga qarang.
Keyingi tahrirga qarang.
Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘g‘risidagi yo‘riqnomaga
2-ILOVA
2-ILOVA
Xo‘jalik yurituvchi subyektning bank hisobvarag‘iga kelib tushgan kunlik mablag‘lar uning budjet, davlat maqsadli jamg‘armalarga to‘lovlar bo‘yicha qarzi hamda hisobvarag‘ida ish haqi uchun band (bron) mavjud bo‘lganda, quyidagi tartibda mutanosib ravishda taqsimlanadi:
Masalan mijozning asosiy hisobvarag‘ida kun boshida 5000 ming so‘m miqdorida mablag‘lar qoldig‘i mavjud.
Xo‘jalik yurituvchi subyektning to‘lov topshiriqnomalari va tegishli organlarning inkasso topshiriqnomalariga asosan quyidagi to‘lovlar bo‘yicha qarz mavjud:
budjetga — 4000 ming so‘m (foyda solig‘idan — 3000 ming so‘m, QQSdan — 500 ming so‘m, budjetga to‘lanadigan boshqa soliqlar va to‘lovlardan — 500 ming so‘m);
davlat maqsadli jamg‘armalar oldida — 2350 ming so‘m, bundan Pensiya jamg‘armasiga yagona ijtimoiy to‘lovlar bo‘yicha 825 ming so‘m, sotilgan tovar (ishlar, xizmatlar) haqiqiy hajmidan QQS va aksiz solig‘ini ayirib olgan holda 0,7% ajratmalar — 534 ming so‘m, Respublika yo‘l jamg‘armasiga — 477 ming so‘m va boshqa davlat maqsadli jamg‘armalarga, shu jumladan maktab ta’limini rivojlantirish jamg‘armasiga majburiy ajratmalar — 514 ming so‘m;
Bundan tashqari, ish haqi bo‘yicha umumiy summa — 3000 ming so‘m, undan ish haqi to‘lashga berilgan kredit summasi — 1000 ming so‘m, ish haqini bronlash summasi — 2000 ming so‘m, unga quyidagilar kiradi: daromad solig‘i — 380 ming so‘m va jamg‘arib boriladigan shaxsiy pensiya hisobvaraqlariga majburiy badallar — 20 ming so‘m, budjetdan tashqari Pensiya jamg‘armasiga majburiy badallar summasi (4,5%) — 90 ming so‘m va Kasaba uyushmasiga badallar (1%) — 20 ming so‘m.
Hisobvaraqdagi ushbu barcha talablar jamlanadi (4000 + 2350 + 3000 = 9350 ming so‘m) va 100 foiz deb qabul qilinadi. Yuqorida sanab o‘tilgan talablarning har birini qondirish bo‘yicha mutanosiblik quyidagicha aniqlanadi: 9350 ming so‘m 100 foiz deb qabul qilinadi va hisobvaraqda mavjud 5000 ming so‘m mablag‘larning unga nisbati aniqlanadi, ya’ni quyidagi hisob-kitob amalga oshiriladi: 5000 x 100/9350 = 53,476%.
Ushbu talablarning miqdoridan kelib chiqqan holda, ularning har birining ulushi tegishli mutanosibliklarda aniqlanadi:
2) Davlat maqsadli jamg‘armalarga to‘lovlar ulushi: 2350 x 0,53476 = 1256,7 ming so‘mni tashkil qiladi.
Davlat maqsadli jamg‘armalarning ichida har bir jamg‘arma bo‘yicha nisbat (proporsiya) belgilanadi. Bizning misolimizdan kelib chiqib, ushbu nisbat quyidagicha bo‘ladi:
boshqa davlat maqsadli jamg‘armalarning ulushi, shu jumladan maktab ta’limini rivojlantirish jamg‘armasiga majburiy ajratmalar 514 x 0,53476 = 274,9 ming so‘mni tashkil etadi;
3) Ish haqi bo‘yicha umumiy summa (shu jumladan, ish haqini to‘lashga berilgan kredit va ish haqi fondi bo‘yicha bronni o‘z ichiga olgan holda) 3000 x 0,53476 = 1604,3 ming so‘mni tashkil etadi. Ushbu qism ichida:
ish haqi fondi bo‘yicha bronning ulushi (o‘z ichiga daromad solig‘i, jamg‘arib boriladigan shaxsiy pensiya hisobvaraqlariga majburiy badallar, Pensiya jamg‘armasiga va kasaba uyushmasiga badallarini oladi) 2000 x 0,53476 = 1069,5 ming so‘mni tashkil etadi. Ulardan:
jismoniy shaxslarning daromadidan soliq ulushi 380 x 0,53476 = 203,2 ming so‘mni (uning tarkibida jamg‘arib boriladigan shaxsiy pensiya hisobvaraqlariga majburiy badallar ulushi 20 x 0,53476 = 10,7 ming so‘mni) tashkil etadi;
budjetdan tashqari Pensiya jamg‘armasining ulushi (4,5%) 90 x 0,53476 = 48,1 ming so‘mni tashkil etadi;
Shu tariqa, xo‘jalik yurituvchi subyektning budjetga soliq va yig‘imlarning har bir turi bo‘yicha qarzdorligi budjet oldidagi umumiy qarzdorligidan 53,476 foiz miqdorida qondiriladi. Shuningdek, xo‘jalik yurituvchi subyektning davlat maqsadli jamg‘armalar oldidagi qarzdorligi ushbu davlat maqsadli jamg‘armalar oldidagi umumiy qarzdorlikdan 53,476 foiz miqdorida qondiriladi. Xo‘jalik yurituvchi subyektning ish haqi bo‘yicha qarzdorligi ham jismoniy shaxslar daromadidan soliq, jamg‘arib boriladigan shaxsiy pensiya hisobvaraqlariga majburiy badallar, budjetdan tashqari Pensiya jamg‘armasiga to‘lovlar va Kasaba uyushmasiga ixtiyoriy badallarni hisobga olgan holda, ular bo‘yicha umumiy qarzdorlikdan 53,476 foiz miqdorida qondiriladi.
Keyingi tahrirga qarang.