O‘zbekiston Respublikasi Ichki ishlar vazirligi, O‘zbekiston Respublikasi Oliy va o‘rta maxsus ta’lim vazirligi, Vazirlar Mahkamasi huzuridagi Davlat test markazi qaror qiladilar:
1. Avtomototransport vositalari va shahar elektr transporti vositalari haydovchilarini tayyorlash va qayta tayyorlash bilan shug‘ullanuvchi ta’lim muassasalari o‘quvchilarining bilimini baholash uchun test savollarini tuzish va test sinovlarini o‘tkazish tartibi to‘g‘risidagi nizom ilovaga muvofiq tasdiqlansin.
2. Ushbu qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
O‘zbekiston Respublikasi Ichki ishlar vazirligi, Oliy va o‘rta maxsus ta’lim vazirligi, O‘zbekiston Respublikasi Vazirlar Mahkamasi huzuridagi Davlat test markazining 2011-yil 29-iyuldagi 7, 316, 89-01-2090-son qaroriga
ILOVA
ILOVA
Ushbu Nizom O‘zbekiston Respublikasi Prezidentining 2010-yil 19-avgustdagi PQ-1392-son “Davlat yo‘l harakati xavfsizligi xizmati idoralari faoliyatini takomillashtirish va mas’uliyatini oshirish choralari haqida”gi qaroriga muvofiq avtomototransport va shahar elektr transporti vositalari haydovchilarini tayyorlash va qayta tayyorlash bilan shug‘ullanuvchi ta’lim muassasalari (keyingi o‘rinlarda ta’lim muassasalari deb yuritiladi) faoliyatining samaradorligini oshirish, test savollarini tuzish va test sinovlarini o‘tkazish tartibini belgilaydi.
Mazkur Nizom avtomototransport vositalari va shahar elektr transporti vositalari haydovchilarini tayyorlash va qayta tayyorlash bilan shug‘ullanuvchi davlat ta’lim muassasalari, shuningdek Mudofaaga ko‘maklashuvchi “Vatanparvar” tashkiloti, “Toshshahartransxizmat” uyushmasi, “Transkasb” uyushmasi va O‘zbekiston Respublikasi Avtomotohavaskorlar ko‘ngilli jamiyatiga tatbiq etiladi.
Keyingi tahrirga qarang.
1. Ta’lim muassasalari ushbu Nizom asosida ishlab chiqilgan test savollari bilan o‘quvchilarning bilimlarini baholaydi.
2. Avtomototransport vositalari va shahar elektr transporti vositalari haydovchilarini tayyorlash va qayta tayyorlash muddatlari tasdiqlangan rejalar va o‘quv dasturlariga muvofiq belgilanadi.
3. Test savollari ularni tuzishga qo‘yilgan talablarga qat’iy rioya etilgan holda tuzilishi, ularning javoblari mazmunan bir-biriga yaqin bo‘lishi, alternativ javoblardagi jumlalar soni va hajmi bir-biridan keskin farq qilmasligi va murakkablik darajalari bo‘yicha uchta toifaga (murakkab, o‘rtacha va oddiy) bo‘linishi lozim.
5. Test savollari soni fanga ajratilgan har bir mavzu uchun uchtadan beshtagacha tuzilishi hamda har bir savoldagi alternativ javoblar soni ikkitadan beshtagacha va ular A, V, S, D, E ko‘rinishida berilishi shart.
joriy nazorat — o‘quvchilarning bilimlari, ko‘nikma va malakalari muntazam nazorat qilinishi munosabati bilan o‘tkaziladi;
oraliq nazorat — fanning ma’lum bir qismi, bo‘limi yakunlangandan so‘ng o‘quvchilarning bilimlari, ko‘nikma va malakalarini baholash uchun amalga oshiriladi;
8. Joriy, oraliq va yakuniy nazoratlar testlar, og‘zaki so‘rovlar, yozma ishlar va shu kabi so‘rov shakllari orqali amalga oshiriladi.
10. Joriy va oraliq nazoratlarning test natijalari Mashg‘ulotlarni hisobga olish jurnalida baho qo‘yish yo‘li bilan qayd etiladi.
11. O‘quvchilarning bilimi 5 ballik (“5”, “4”, “3”, “2”) tizimida, butun sonlar yordamida baholanadi.
13. 55 foizdan kam ball to‘plagan o‘quvchi yakuniy test sinovlari (ichki imtihon)ni topshirmagan hisoblanadi va kamida 5 kundan so‘ng qayta test sinoviga qo‘yiladi.
14. Joriy va oraliq nazoratlar ta’lim muassasasida mashg‘ulotlarni olib borayotgan o‘qituvchilar tomonidan amalga oshiriladi.
15. Yakuniy nazorat ta’lim muassasasi rahbariyati tomonidan tasdiqlangan tarkibdagi test sinovlarini o‘tkazish komissiyasi (keyingi o‘rinlarda komissiya deb yuritiladi) tomonidan o‘tkaziladi.
16. Komissiya ta’lim muassasalarida test sinovlarini yuqori saviyada va sifatli tashkil etish maqsadida tuziladi.
18. Komissiya test jarayoniga tayyorgarlik ko‘rish va uni o‘tkazish vaqtida quyidagi ishlarni amalga oshiradi:
test jarayoni boshlangunga qadar test o‘tkaziladigan auditoriyalar va ulardagi o‘rinlar sonini aniqlaydi. Bunda, har bir auditoriyada o‘tirish o‘rinlari 25 nafar o‘quvchiga mo‘ljallangan bo‘lishi lozim;
o‘quvchilarga test jarayoni, baholash mezonlari va boshqa tegishli zaruriy axborot (tushuntirish)larni beradi;
barcha o‘quvchilarni mazkur Nizomning 1-ilovasida keltirilgan O‘quvchilarga eslatma bilan ta’minlaydi;
mazkur Nizomning 2-ilovasida keltirilgan O‘quvchilarning guruhlar bo‘yicha ro‘yxatining tegishli qismini to‘ldiradi.
19. O‘quv guruhi o‘qituvchisi va amaliy mashg‘ulot instruktori test sinovlarini o‘tkazishda bevosita qatnashadilar.
20. Test sinovi o‘tkaziladigan xonada sinovning belgilangan talablarga qat’iy rioya etilgan holda xolis va adolatli o‘tkazilishini ta’minlash, paketlar, savollar kitobi va javoblar varag‘i qutisidagi shakllarni to‘g‘ri to‘ldirish, dalolatnomalarni to‘g‘ri rasmiylashtirish bo‘yicha mas’uliyat shaxsan o‘quv guruhi o‘qituvchisi va amaliy mashg‘ulot instruktorining zimmasiga yuklatiladi.
21. O‘tkazilgan test sinovlari natijalari bo‘yicha o‘quvchilarning arizalarini ko‘rib chiqish maqsadida arizalarni ko‘rib chiqish komissiyasi tashkil etiladi.
22. Arizalarni ko‘rib chiqish komissiyasi tarkibiga mas’ul xodimlar va fanlar bo‘yicha ekspertlar kiritiladi va uning tarkibi ta’lim muassasasi rahbari tomonidan tasdiqlanadi.
23. O‘quvchilar tomonidan fanlar bo‘yicha test savollariga e’tiroz bildirib yozilgan arizalar test javoblari e’lon qilingan kundan boshlab o‘n kun davomida arizalarni ko‘rib chiqish komissiyasi tomonidan ko‘rib chiqilishi shart.
24. Ariza o‘quvchi ishtirokida ko‘rib chiqiladi. Bunda o‘quvchi o‘zining pasporti yoki shaxsini tasdiqlovchi boshqa hujjati bilan ishtirok etadi.
25. Arizani ko‘rib chiqish jarayonida o‘quvchiga uning javoblar varag‘i ko‘rsatiladi va unga test sinovida u tomonidan to‘ldirilgan javoblar ro‘yxati bilan birgalikda testda tushgan savollar kitobining varianti nusxasi joyida o‘rganish uchun beriladi.
Arizalarni ko‘rib chiqish natijasi bo‘yicha bayonnoma tuziladi va arizalarni ko‘rib chiqish komissiyasi a’zolari hamda murojaat etgan o‘quvchi tomonidan imzolanadi.
26. Test sinovlarini topshirgan o‘quvchi ta’lim muassasasining ichki sinovlaridan o‘tgan haydovchilikka nomzod deb hisoblanadi va Davlat yo‘l harakati xavfsizligi xizmatlarining ro‘yxatlash va imtihon olish bo‘limlari yoki tumanlararo ro‘yxatlash va imtihon olish bo‘linmalarida imtihon topshirishga qo‘yiladi.
27. O‘quvchi arizalarni ko‘rib chiqish komissiyasining xulosasidan norozi bo‘lgan taqdirda vakolatli davlat organlariga yoki sudga murojaat qilishi mumkin.
Avtomototransport vositalari va shahar elektr transporti vositalari haydovchilarini tayyorlash va qayta tayyorlash bilan shug‘ullanuvchi ta’lim muassasalari o‘quvchilarining bilimini baholash uchun test savollarini tuzish va test sinovlarini o‘tkazish tartibi to‘g‘risidagi nizomga
1-ILOVA
1-ILOVA
Test sinovlarida axborot manbai sifatida xizmat qilishi mumkin bo‘lgan qonun hujjatlaridan, adabiyotlardan, har qanday turdagi texnika vositalari yoki boshqa hujjatlar va vositalardan foydalanish taqiqlanadi.
Keyingi tahrirga qarang.
Test sinovlari boshlangandan so‘ng kechikib kelgan o‘quvchi sinov o‘tkazilayotgan xonaga kiritilmaydi.
O‘quvchi test sinovlarini ta’lim muassasasida o‘qitiladigan tilda va yozuvda (kirill, lotin) topshirishi mumkin.
Savollar varag‘ining test savollarida tipografik xato yoki boshqa sabablarga ko‘ra to‘la nashr qilinmagan o‘rinlari bo‘lsa, zudlik bilan guruh o‘qituvchisiga xabar beradi va nuqsonsiz test savollari varag‘ini oladi. Javoblar varag‘ining tegishli joyiga o‘z familiyasi, ismi va otasining ismini yozib, imzo qo‘yadi.
O‘quvchi o‘zi haqidagi ma’lumotlarni javoblar varag‘ining tegishli qismiga titul varag‘idan ko‘chirib yozadi va imzo qo‘yadi.
Har bir test savoliga faqat bitta javob belgilanadi. Agar bitta savolga ikki yoki undan ko‘p javob belgilansa, ushbu savolga ball berilmaydi.
Javoblar varag‘ida noto‘g‘ri belgilangan, javoblar varag‘ini almashtirgan, fan bloklari o‘rnini almashtirib belgilagan, javoblar varag‘ining tegishli bloklarida familiyasi, ismi va otasining ismi, test varianti raqamini yozmagan hamda imzo qo‘ymagan o‘quvchilarning e’tirozi ko‘rib chiqilmaydi.
Test sinovini belgilangan muddatdan oldin tugatgan o‘quvchi savollar varianti va javoblar varag‘ini guruh o‘qituvchisiga topshiradi va test o‘tkazilayotgan xonadan chiqib ketadi.
Test sinovlari uchun ajratilgan vaqt tugagandan so‘ng, auditoriya rahbari test sinovi tugaganligini rasman e’lon qiladi. O‘quvchilarning barcha test materiallari — savollar variantlari, javoblar varag‘lari guruh o‘qituvchisi va amaliy mashg‘ulot instruktori tomonidan yig‘ib olinadi.
Test materiallarini topshirishga rozi bo‘lmagan o‘quvchi uchun belgilangan tartibda dalolatnoma tuziladi va uning javoblar varag‘i o‘qilmaydi.
Avtomototransport vositalari va shahar elektr transporti vositalari haydovchilarini tayyorlash va qayta tayyorlash bilan shug‘ullanuvchi ta’lim muassasalari o‘quvchilarining bilimini baholash uchun test savollarini tuzish va test sinovlarini o‘tkazish tartibi to‘g‘risidagi nizomga
2-ILOVA
2-ILOVA
O‘quvchilarning guruhlar bo‘yicha | ||||
Ta’lim muassasasi _________________________________ | ||||
Ta’lim tili _______ Guruh _______ Sana_________ | ||||
T/r | O‘quvchining familiyasi, ismi, otasining ismi | Javoblar varag‘i raqami | Variant raqami | Imzo |
Komissiya raisi ________________________________ |
| |||
(F.I.O) | (imzo) | |||
Komissiya raisi ________________________________ | _____________ | |||
(F.I.O) | (imzo) | |||
Komissiya raisi ________________________________ | _____________ | |||
(F.I.O) | (imzo) |