Teatr va musiqa san’ati yutuqlarini mustahkamlash va yanada yuksaltirish, madaniyatning ushbu sohasi ijodiy xodimlari mehnatini rag‘batlantirish va ularni ijtimoiy himoya qilishni ta’minlash maqsadida, shuningdek respublika teatr va musiqa jamoatchiligining istaklarini e’tiborga olib:
1. 1995-yil 1-noyabrdan boshlab teatr-konsert tashkilotlari artistlari va badiiy xodimlari, teatr va musiqa san’ati ijodiy kadrlarini tayyorlovchi o‘quv muassasalarining professor-o‘qituvchilari va konsertmeysterlari uchun:
uzoq muddat xizmat qilganligi uchun lavozim maoshiga nisbatan har oylik taqdirlash puli miqdorlari 1-ilovaga muvofiq;
pensiyaga chiqishda — amaldagi qonun hujjatlariga muvofiq hisoblab chiqilgan asosiy pensiyaga respublikada belgilangan eng kam ish haqiga nisbatan har oylik ustama miqdorlari 2-ilovaga muvofiq belgilansin.
Keyingi tahrirga qarang.
respublikada teatr va musiqa san’atini yanada rivojlantirishning istiqbol dasturini ishlab chiqsin va tasdiqlasin;
Alisher Navoiy nomidagi Davlat akademik opera va balet katta teatri huzurida 15 kishidan iborat stajorlar guruhi tashkil etsin;
xorijiy investorlarni jalb etgan holda teatr va musiqa san’ati uchun maxsus buyumlar ishlab chiqarish bo‘yicha korxonalar tashkil etish to‘g‘risida Vazirlar Mahkamasiga takliflar kiritsin.
3. Musiqa san’ati sohasida kadrlar tayyorlash uchun qulay shart-sharoitlar yaratish maqsadida Toshkent shahrida konservatoriyaning yangi kompleksini qurish maqsadga muvofiq deb hisoblansin. O‘zbekiston Respublikasi Madaniyat ishlari vazirligi “O‘zistiqbolstat” davlat qo‘mitasi, Moliya vazirligi va “Davarxitektqurilish” qo‘mitasi bilan birgalikda bir oy muddatda ushbu masala bo‘yicha Hukumat qarori loyihasini tayyorlasin.
4. O‘zbekiston Respublikasi Moliya vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda teatr-konsert tashkilotlari va ko‘rsatib o‘tilgan o‘quv muassasalarining moddiy-texnika bazasini mustahkamlash uchun 1996-1997-yillarda budjetdan mablag‘ ajratishni nazarda tutsin.
5. O‘zbekiston Respublikasi Moliya vazirligi mazkur Farmonning joriy etilishiga aloqador xarajatlarni mablag‘ bilan ta’minlash manbalarini aniqlasin.
6. O‘zbekiston Respublikasi Adliya vazirligi 20 kun muddatda amaldagi qonunchilik va normativ hujjatlarga qo‘shimchalar to‘g‘risida takliflar tayyorlasin.
Xizmat muddatlari | Lavozim maoshiga nisbatan foizlardagi har oylik taqdirlash puli miqdorlari |
I. Yoshidan qat’i nazar imtiyozli pensiyaga chiqish huquqiga ega bo‘lgan teatr-konsert tashkilotlari artistlari | |
1 yildan 3 yilgacha | 10 |
3 yildan 5 yilgacha | 20 |
5 yildan 10 yilgacha | 40 |
10 yildan 15 yilgacha | 45 |
15 yildan ortiq | 50 |
II. Teatr-konsert tashkilotlarining artistlari va badiiy xodimlari | |
3 yildan 5 yilgacha | 10 |
5 yildan 10 yilgacha | 20 |
10 yildan 15 yilgacha | 35 |
15 yildan 20 yilgacha | 40 |
20 yildan 25 yilgacha | 45 |
25 yildan ortiq | 50 |
III. O‘quv muassasalarining professor-o‘qituvchilari va konsertmeysterlari | |
3 yildan 5 yilgacha | 10 |
5 yildan 10 yilgacha | 15 |
10 yildan 15 yilgacha | 20 |
15 yildan 20 yilgacha | 30 |
20 yildan 25 yilgacha | 40 |
25 yildan ortiq | 50 |
Guruhlar | Eng kam ish haqiga nisbatan foizlardagi har oylik ustama miqdori |
1. Yoshidan qat’i nazar imtiyozli pensiyaga chiqish huquqiga ega bo‘lgan artistlar | 75 |
2. Teatr-konsert tashkilotlari artistlari va badiiy xodimlari, o‘quv muassasalarining professor-o‘qituvchilari va konsertmeysterlari | 50 |
Keyingi tahrirga qarang.