LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasining “Xorijiy sarmoyalar va xorijiy sarmoyadorlar faoliyatining kafolatlari to‘g‘risida”gi Qonunga muvofiq hamda eksportga yo‘naltirilgan va import o‘rnini bosadigan mahsulot ishlab chiqaradigan, shuningdek respublika iqtisodiyotiga sarmoya qo‘yadigan xorijiy sarmoyalar ishtirokidagi ishlab chiqarish korxonalari barpo etilishini hamda ularning samarali faoliyat ko‘rsatishini rag‘batlantirish maqsadida:
Oldingi tahrirga qarang.
1. Belgilab qo‘yilsinki, 1998-yilning 1-aprelidan boshlab quyidagi shartlarga javob beradigan yangidan tashkil etiladigan korxonalar O‘zbekiston Respublikasi Adliya vazirligida va uning hududiy organlarida davlat ro‘yxatidan o‘tkazilishi lozim bo‘lgan xorijiy sarmoyalar ishtirokidagi korxonalar jumlasiga kiradi:
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Yangi tashkil etilayotgan korxonalar mazkur shartlarga javob bermagan taqdirda xorijiy sarmoyalar ishtirokidagi korxonalar jumlasiga kirmaydi hamda korxona joylashgan hududdagi shahar va tuman hokimliklarida belgilangan tartibda davlat ro‘yxatidan o‘tkazilishi lozim.
Keyingi tahrirga qarang.
(1-band O‘zbekiston Respublikasi Prezidentining 1998-yil 27-martdagi PF-1981-sonli Farmoni tahririda — Oliy Majlis Axborotnomasi, 1998-y., 4-son, 62-modda)
2. Shu narsa belgilab qo‘yilsinki, yuqorida ko‘rsatilgan shartlarga muvofiq bo‘lgan hamda xo‘jalik faoliyatidan tushadigan jami mablag‘ning 60 foizdan ko‘prog‘i nizom faoliyatida ularning o‘zlari ishlab chiqarayotgan mahsulot va (yoki) ko‘rsatayotgan servis xizmati ulushiga to‘g‘ri keladigan xorijiy, shu’ba va qo‘shma korxonalar xorijiy sarmoyalar ishtirokidagi ishlab chiqarish korxonalari jumlasiga kiradi.
3. Ushbu Farmon qabul qilingunga qadar ro‘yxatga olingan xorijiy sarmoyalar ishtirokidagi korxonalar uchun hozir amalda bo‘lgan soliq imtiyozlari belgilangan muddat tugaguncha saqlab qolinsin.
4. 1997-yilning 1-yanvaridan boshlab xorijiy sarmoyalar ishtirokidagi ishlab chiqarish korxonalari uchun amaldagi kafolatlar va imtiyozlarga qo‘shimcha ravishda soliq imtiyozlarining quyidagi turlari joriy etilsin:
4.1. Respublika investitsiya dasturiga kiritilgan loyihalarga mablag‘ sarflayotgan xorijiy sarmoyalar ishtirokidagi ishlab chiqarish korxonalari uchun foydadan olinadigan soliqdan ozod qilish muddati 5 yildan 7 yilga qadar uzaytirilsin.
Ilgari Respublika investitsiya dasturiga kiritilgan xorijiy sarmoyalar ishtirokidagi ishlab chiqarish korxonalari uchun mazkur Farmonning 1-bandida ko‘zda tutilgan shartlarga rioya etilgani holda avval berilgan imtiyozli muddatni hisobga olib, soliqqa tortish imtiyozli rejimining umumiy davri 7 yilgacha oshiriladi.
4.2. Nizom jamg‘armasidagi xorijiy sarmoya ulushi 50 foizdan va undan ko‘proq bo‘lgan xorijiy sarmoyalar ishtirokidagi ishlab chiqarish korxonalari uchun foydadan olinadigan soliqning amaldagi stavkalari kamaytirilib, ular nizom jamg‘armasining kattaligiga qarab quyidagi miqdorlarda belgilansin:
4.3. Eksportga yo‘naltirilgan va importning o‘rnini bosadigan mahsulot ishlab chiqaruvchi xorijiy sarmoyalar ishtirokidagi yangidan tashkil etiladigan ishlab chiqarish korxonalari:
agar ishlab chiqarish hajmida 25 foizdan ko‘prog‘ini bolalarga mo‘ljallangan tovarlar tashkil etgan taqdirda ishlab chiqarish boshlangan paytdan 5 yil muddat mobaynida foydadan olinadigan soliqni to‘lashdan ozod qilinsin. Shundan keyingi yillarda mazkur korxonalarning foydasidan soliq amaldagiga nisbatan 2 baravar kamaytirilgan stavka bo‘yicha undirib olinsin;
agar korxonaning nizom jamg‘armasida xorijiy sarmoya ulushi 50 foiz va undan ko‘proqni tashkil etgan taqdirda ishlab chiqarish boshlangan paytdan 2 yil muddat mobaynida foydadan olinadigan soliqni to‘lashdan ozod qilinsin.
Foydadan olinadigan soliq to‘lashdan ozod qilingan xorijiy sarmoyalar ishtirokidagi ishlab chiqarish korxonasini tugatish chog‘ida belgilangan imtiyozli davrdan so‘ng bir yil o‘tgunga qadar soliq summasi uning butun faoliyat davri uchun to‘liq miqdorda undirib olinadi.
4.4. Nizom jamg‘armasida xorijiy sarmoyalar ulushi 50 foiz va undan ko‘proq bo‘lgan xorijiy sarmoyalar ishtirokidagi ishlab chiqarish korxonalarining ishlab chiqarishni rivojlantirish va kengaytirishga sarflanadigan foydasi soliqqa tortishdan ozod qilinsin.
4.5. Qo‘shimcha soliq imtiyozlari 1997-yilning 1-yanvariga qadar ishlab turgan va ro‘yxatga olingan xorijiy sarmoyalar ishtirokidagi ishlab chiqarish korxonalariga nisbatan ham joriy etilsin, bunda ular o‘zlarining ta’sis hujjatlarini ushbu Farmon qoidalariga muvofiq holga keltirishlari va O‘zbekiston Respublikasining Adliya vazirligida qayta ro‘yxatdan o‘tishlari shart.
Keyingi tahrirga qarang.
5. Belgilab qo‘yilsinki, 1997-yilning 1-yanvaridan boshlab xorijiy sarmoyalar ishtirokidagi ishlab chiqarish korxonalari jumlasiga kirmaydigan yangidan tashkil etilayotgan xorijiy sarmoyalar ishtirokidagi korxonalarga nisbatan amaldagi va qo‘shimcha ravishda joriy etilayotgan soliq imtiyozlari tatbiq qilinmaydi.
Oldingi tahrirga qarang.
6. Belgilab qo‘yilsinki, xorijiy sarmoyalar ishtirokidagi korxonalarning ustav jamg‘armalarini ta’sis hujjatlarida ko‘zda tutilgan miqdorlarda shakllantirishning oxirgi muddati hukumatning ayrim qarorlarida boshqa narsa ko‘zda tutilmagan bo‘lsa, korxona davlat ro‘yxatidan o‘tgan paytdan boshlab bir yildan oshmasligi kerak.
(6-band O‘zbekiston Respublikasi Prezidentining 1999-yil 28-iyundagi PF-2331-sonli Farmoni tahririda — Oliy Majlis Axborotnomasi, 1999-y., 6-son, 155-modda)
7. O‘zbekiston Respublikasining Vazirlar Mahkamasi ikki hafta muddatda O‘zbekiston Respublikasining amaldagi qonunlari va me’yoriy hujjatlariga ushbu Farmondan kelib chiqadigan o‘zgartish hamda qo‘shimchalar kiritish yuzasidan takliflar tayyorlasin.