Keyingi tahrirga qarang.
O‘zbekiston Respublikasi Vazirlar Mahkamasining 2009-yil 15-iyuldagi 200-sonli “Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibini takomillashtirish to‘g‘risida”gi qaroriga muvofiq O‘zbekiston Respublikasi Bosh prokuraturasi, Oliy sudi, Milliy xavfsizlik xizmati, Ichki ishlar vazirligi, Adliya vazirligi, Mudofaa vazirligi, Davlat bojxona qo‘mitasi va Davlat soliq qo‘mitasi qaror qiladi:
1. Surishtiruv, dastlabki tergov va sud muhokamasi davomida ashyoviy dalillar, moddiy qimmatliklar va boshqa mol-mulkni olib qo‘yish (qabul qilish), hisobga olish, saqlash, berish, sotish, qaytarish, yo‘q qilib tashlash tartibi to‘g‘risidagi yo‘riqnoma ilovaga muvofiq tasdiqlansin.
Keyingi tahrirga qarang.
2. O‘zbekiston Respublikasi Bosh prokuraturasi, Oliy sudi, Milliy xavfsizlik xizmati, Ichki ishlar vazirligi, Adliya vazirligi, Mudofaa vazirligi va Davlat bojxona qo‘mitasining 2006-yil 8-avgustdagi 63, KGB-176-06, 3/2161, 9, 19, 12, 01-02/22-19-son “Tergov, surishtiruv va sud davomida jinoyat ishlari va materiallari bo‘yicha olib qo‘yilayotgan ashyoviy dalillar va moddiy boyliklarni olib qo‘yish, hisobga olish, saqlash, berish va yo‘q qilib tashlash tartibi to‘g‘risidagi yo‘riqnomani tasdiqlash haqida”gi qarori (ro‘yxat raqami 1616, 2006-yil 23-avgust) (O‘zbekiston Respublikasi qonun hujjatlari to‘plami, 2006-y., 34-35-son, 350-modda) o‘z kuchini yo‘qotgan deb hisoblansin.
3. Mazkur qaror O‘zbekiston Respublikasi Adliya vazirligida davlat ro‘yxatidan o‘tgan kundan boshlab 10 kundan so‘ng kuchga kiradi.
O‘zbekiston Respublikasi Bosh prokuraturasi, Oliy sudi, Milliy xavfsizlik xizmati, Ichki ishlar vazirligi, Adliya vazirligi, Mudofaa vazirligi, Davlat bojxona qo‘mitasi, Davlat soliq qo‘mitasining 2010-yil 22-oktabrdagi 14-q/q, Q-87, 100, 17, 16, 7, 01-02/22-22, 2010-41-son qaroriga
ILOVA
ILOVA
Keyingi tahrirga qarang.
Mazkur Yo‘riqnoma O‘zbekiston Respublikasi Jinoyat-protsessual kodeksi (keyingi o‘rinlarda JPK deb yuritiladi), O‘zbekiston Respublikasi Vazirlar Mahkamasining 2009-yil 15-iyuldagi 200-sonli “Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibini takomillashtirish to‘g‘risida”gi qarori bilan tasdiqlangan Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibi to‘g‘risidagi nizom (O‘zbekiston Respublikasi qonun hujjatlari to‘plami, 2009-y., 29-son, 335-modda) (keyingi o‘rinlarda Nizom deb yuritiladi) va boshqa normativ-huquqiy hujjatlarga muvofiq surishtiruv, dastlabki tergov va sud muhokamasi davomida ashyoviy dalillar, moddiy qimmatliklar va boshqa mol-mulkni olib qo‘yish (qabul qilish), hisobga olish, saqlash, berish, sotish, qaytarish va yo‘q qilib tashlash tartibini belgilaydi.
Keyingi tahrirga qarang.
1. Jinoiy ishlar bo‘yicha surishtiruv, dastlabki va sud tergovi davomida surishtiruvchi, tergovchi va sud quyidagilarni olib qo‘yishga haqli:
Keyingi tahrirga qarang.
ashyoviy dalil sifatida ahamiyatga ega bo‘lgan, muayyan xususiyatlari, belgilari, izlari mavjud narsa, hujjat va boshqa yozuvlar;
sud tomonidan fuqaroviy da’voni ta’minlash maqsadida undiruv qaratilishi mumkin bo‘lgan milliy va chet el valyuta hamda boshqa qimmatliklar;
muomaladan chiqarilgan yoki muomalasi cheklangan narsalar (keyingi o‘rinlarda “muomaladan chiqarilgan” deb yuritiladi) — agarda egasida ularni sotib olish, saqlash, foydalanish uchun tegishli ruxsatnoma bo‘lmasa;
gumon qilinuvchi, ayblanuvchi, sudlanuvchining shaxsini tasdiqlovchi hujjatlar — agar unga nisbatan qamoqqa olish tarzidagi ehtiyot chorasi yoki ozodlikdan mahrum qilish bilan bog‘liq jazo qo‘llanilgan holda;
davlat mukofotlari va ularga tegishli hujjatlar — ularning kimga tegishliligi aniqlanmagan bo‘lsa yoki ularning egasiga nisbatan qamoqqa olish tarzidagi ehtiyot chorasi yoki ozodlikdan mahrum qilish bilan bog‘liq jazo qo‘llanilganligi sababli ularning saqlanishini ta’minlash imkoniyati bo‘lmasa, shuningdek sud tomonidan O‘zbekiston Respublikasi Prezidentiga mahkumni davlat mukofotlaridan mahrum qilish to‘g‘risida taqdimnoma bilan murojaat etilgan hollarda.
2. Surishtiruvchi, tergovchi va sud mazkur Yo‘riqnomaning 1-bandida ko‘rsatilgan narsa va hujjatlarni JPK 198, 200 va 201-moddalariga muvofiq ularning talabiga asosan yoki ushbu narsa va hujjatlarning egasi bo‘lmish shaxslar tashabbusi bilan taqdim etilgan holda, agarda ular ish uchun ahamiyatli bo‘lsa yoki kelgusida ahamiyatga ega bo‘lishi mumkin bo‘lsa, ularni qabul qilishi shart.
Keyingi tahrirga qarang.
Surishtiruvchi, tergovchi va sud gumon qilinuvchi, ayblanuvchi, sudlanuvchi yoki ularni vakilining arizasiga asosan fuqaroviy da’voni ta’minlash maqsadida yoxud garov tariqasida pul mablag‘lari va tovar-moddiy qimmatliklarni ham qabul qilib oladi.
Keyingi tahrirga qarang.
3. Narsa, hujjat, moddiy qimmatliklar va boshqa mol-mulkni (keyingi o‘rinlarda “narsalar” deb yuritiladi) olib qo‘yish, taqdim qilish JPK 16, 20 va 24-boblarida nazarda tutilgan qoidalarga rioya qilgan holda amalga oshiriladi.
Keyingi tahrirga qarang.
4. JPKning 206-moddasiga muvofiq, olib qo‘yilayotgan yoki taqdim qilinayotgan narsalar ishga taalluqliligi to‘g‘risida xulosa chiqarishga asos bo‘ladigan, shuningdek ularni boshqa narsalardan farqlovchi belgilarini aniqlash maqsadida JPK 135 — 137, 139 va 140-moddalarida belgilangan qoidalar asosida darhol ko‘zdan kechiriladi.
O‘zi bilan muomala qilish uchun muayyan mahoratga ega bo‘lishini, o‘z sifat tavsiflari, individual xususiyatlarining aniq qayd etilishini va qiymatining aniqlanishini talab etuvchi narsalarni olib qo‘yish yoxud qabul qilish tegishli mutaxassislar ishtirokida amalga oshiriladi.
Ashyoviy dalil sifatida ahamiyatga ega bo‘lgan yoki muomaladan chiqarilgan narsalar olib qo‘yilganida yoxud taqdim qilinganida, surishtiruvchi, tergovchi, sud narsalar olib qo‘yilayotgan yoki qabul qilinayotgan shaxsni, ularning topilishi, qo‘lga kiritilishi va saqlanish vaqti, joyi va boshqa holatlari to‘g‘risida so‘roq qilishi shart.
Ish holatlaridan kelib chiqqan holda, agarda narsani butunligicha olib qo‘yish imkoni bo‘lmasa, surishtiruvchi, tergovchi, sud, ushbu narsaning ishga bog‘liq bo‘lgan izlar (mikroizlar) joylashgan yoki joylashishi mumkin bo‘lgan qismini olib qo‘yish yoki qabul qilishga haqli. Bunda, narsaning shikastlanishiga yo‘l qo‘ymaslik, agarda buning imkoni bo‘lmasa — narsaning yaxlitligini buzish asosi batafsil bayon etilishi zarur.
Keyingi tahrirga qarang.
Ish uchun ahamiyatli bo‘lmagan yoki muomaladan chiqarilmagan narsalar taqdim qilingan hollarda, surishtiruvchi, tergovchi, sud, ularni ko‘zdan kechirib bo‘lganidan keyin egalariga darhol qaytarib beradi. Narsani qabul qilib olgan shaxsdan bu haqda tilxat olinadi.
5. JPK 90 — 92, 141, 163, 202-moddalarida nazarda tutilgan qoidalarga muvofiq narsalarning olib qo‘yilganligi, taqdim etilganligi to‘g‘risida surishtiruvchi, tergovchi bayonnoma tuzadi, sud esa sud majlisining bayonnomasiga yozib qo‘yadi.
Keyingi tahrirga qarang.
Ko‘p sonli narsalarni olib qo‘yish yoki taqdim qilishda ular to‘g‘risidagi barcha ma’lumotlarni bayonnomada aks ettirish imkoniyati bo‘lmasa, majburiy tarzda ularning ro‘yxati tuzilib, bayonnomaga ilova qilinadi va uning ajralmas qismi hisoblanadi. Bayonnomada yoki unga ilova qilinayotgan ro‘yxatda olib qo‘yilgan, taqdim qilingan hujjatlarning turi va rekvizitlari, narsalarning turi, miqdori, tipi, markasi, modeli, kalibri, seriyasi, raqami va boshqa identifikatsion xususiyatlari to‘g‘risidagi aniq ma’lumotlar ko‘rsatiladi.
Agar olib qo‘yilayotgan yoki taqdim qilinayotgan narsalar ro‘yxatini, ularning miqdori ko‘pligi sababli, shu joyning o‘zidayoq tuzish imkoniyati bo‘lmasa, ular o‘ramga solinib muhrlanadi va narsalari olib qo‘yilgan yoki qabul qilingan shaxs, xolislar, surishtiruvchi, tergovchi, sudya tomonidan yozuvlar va imzolar bilan tasdiqlangan yorliqlar bilan ta’minlanadi. Bunday holatlarda, olib qo‘yilayotgan, taqdim etilayotgan narsalarning ro‘yxati surishtiruv, tergov yoki sud muhokamasi o‘tkazilayotgan joyda xolislar ishtirokida tuziladi va bu haqda bayonnomada narsalar solingan o‘ramdagi muhrlar va imzolar butunligi ko‘rsatiladi.
Keyingi tahrirga qarang.
6. Zarur hollarda narsalarni olib qo‘yish, taqdim qilish chog‘ida fotosuratga yoki videoyozuvga tushiriladi. Bunda, fotosuratlar, videoyozuv bayonnomaga ilova qilinadi va tergov yoki sud harakatining nomlanishi, sanasi, joyini izohlovchi yozuvlar bilan rasmiylashtiriladi.
Keyingi tahrirga qarang.
Basharti, olib qo‘yilayotgan, taqdim etilayotgan narsaning qiymati eng kam oylik ish haqining ikki yuz baravariga teng yoki undan ko‘p bo‘lsa, olib qo‘yilayotgan yoki taqdim etilayotgan narsalarning har biri alohida fotosuratga (imkoni bo‘lsa, video suratga ham) olinishi shart.
Keyingi tahrirga qarang.
7. Har bir olib qo‘yilgan, taqdim etilgan narsa xolislarga va tergov yoki sud harakatining amalga oshirilishida ishtirok etayotgan shaxslarga taqdim etiladi, uning shikastlanishiga yo‘l qo‘ymaydigan va undagi izlarning (mikroizlar) butunligini ta’minlaydigan o‘ramga joylashtiriladi (fuqaroviy da’voni ta’minlash uchun yoki garov tariqasida taqdim etilayotgan pul yoki boshqa mol-mulk, katta hajmli narsalar, katta og‘irlikdagi yoki hajmdagi moddalardan tashqari) va narsasi olib qo‘yilgan yoxud qabul qilingan shaxs, xolislar, tergovchi, sudyaning imzolari va tasdiqlovchi yozuvlari bo‘lgan yorliq bilan ta’minlanadi, tegishli organ muhri bilan muhrlanib, bu haqda bayonnomaga tegishli yozuv kiritiladi.
Keyingi tahrirga qarang.
8. Bayonnoma narsani olib qo‘ygan yoxud qabul qilgan shaxs, xolislar, mutaxassislar (agar ular tergov yoki sud harakati amalga oshirilishida qatnashgan bo‘lsalar), shuningdek narsasi olib qo‘yilgan yoki qabul qilingan shaxs, agarda u yo‘q bo‘lsa, uning voyaga yetgan oila a’zosi yoki tegishli mahalliy davlat hokimiyati organi yoxud fuqarolarning o‘zini o‘zi boshqarish organi vakili tomonidan imzolanadi.
Keyingi tahrirga qarang.
tilxat orqali narsasi olib qo‘yilgan yoki qabul qilingan shaxsga, agar u yo‘q bo‘lsa — uning voyaga yetgan oila a’zosiga yoxud tegishli mahalliy davlat hokimiyati organi yoki fuqarolarning o‘zini o‘zi boshqarish organi vakiliga;
olib qo‘yilgan, taqdim etilgan narsalar saqlanishi uchun javobgar shaxsga (narsa saqlash uchun surishtiruv, dastlabki tergov, sud organida maxsus ajratilgan xonaga yoxud korxona, muassasa, tashkilotga topshirilganda);
Keyingi tahrirga qarang.
surishtiruv yoki dastlabki tergov olib borayotgan organ, sudning buxgalteriya hisobi bo‘limiga (depozit hisobiga pul topshirilganda).
9. Ishga aloqador olib qo‘yilgan, taqdim etilgan narsalar JPK 207-moddasida belgilangan tartibda ashyoviy dalil deb e’tirof etilishi va ishga qo‘shib qo‘yilishi shart.
10. Davlat daromadiga o‘tkazilishi yoxud yo‘q qilib tashlanishi lozim bo‘lgan olib qo‘yilgan yoki taqdim etilgan narsalarni iste’mol, foydalanish, qayta ishlash uchun yaroqliligini ekspertizadan o‘tkazish va baholash Nizomning II bo‘limi talablariga asosan amalga oshiriladi.
11. JPK 207-moddasiga muvofiq ashyoviy dalilni ishda qoldirish yoki uni saqlash uchun topshirish masalasi narsani ashyoviy dalil deb e’tirof etish va jinoyat ishiga qo‘shish to‘g‘risidagi surishtiruvchi, tergovchining qarori, sudning ajrimiga asosan hal etilishi lozim.
Fuqaroviy da’voni ta’minlash uchun yoxud garov tariqasida olib qo‘yilgan yoki qabul qilingan pullarni surishtiruv, dastlabki tergov organi yoki sudning depozit hisob raqamiga topshirish masalasi, pullar olib qo‘yilishi, qabul qilinishi bilanoq alohida qaror (ajrim) chiqarish orqali hal etilishi shart.
Keyingi tahrirga qarang.
Fuqaroviy da’voni ta’minlash uchun yoki garov tariqasida olib qo‘yilgan, qabul qilingan narsalarni saqlash uchun topshirish masalasi ham shunday tartibda hal etiladi.
12. Ashyoviy dalillar jinoyat ishi bilan saqlanadi, agar buning imkoniyati bo‘lmasa (juda katta bo‘lsa yoki boshqa sabablarga ko‘ra) saqlashga topshiriladi va bu haqda ikki nusxada bayonnoma tuziladi.
Keyingi tahrirga qarang.
Ashyoviy dalillarni saqlash uchun surishtiruv, dastlabki tergov organlari va sudlarda stellajlari, metall eshigi, panjara qilingan derazalari, qo‘riqlash va yong‘inga qarshi signalizatsiyasi bo‘lgan maxsus xonalar jihozlanadi yoki yetarli kattalikdagi maxsus seyf ajratiladi (keyingi o‘rinlarda “saqlash xonasi” deb yuritiladi).
Agarda, narsa o‘zining alohida xususiyatlari yoki sifatlari sababli maxsus saqlash sharoitlarida saqlanishi lozim bo‘lsa (ma’lum harorat, namlik va h. k.), surishtiruvchi, tergovchi, sud uni shu sharoitlariga ega muassasa yoki tashkilotga saqlash uchun topshiradi. Olingan (qabul qilingan) narsalar Nizomning 5-bandi ikkinchi xatboshida nazarda tutilgan tartibda (olib qo‘yilgan mol-mulk saqlash uchun savdo tashkilotlariga beriladi) ham saqlanishi mumkin.
Keyingi tahrirga qarang.
13. Ashyoviy dalillar saqlash uchun, qoida tariqasida, o‘ramga solingan, muhrlangan ko‘rinishda, o‘ram ichidagi narsalar ro‘yxati bilan birgalikda qabul qilinadi.
14. Ashyoviy dalillar va boshqa narsalarni saqlashda olib qo‘yilgan, qabul qilingan obyektlar, ularning belgilari va xususiyatlari, shuningdek ulardagi mavjud izlarning butligini ta’minlovchi chora-tadbirlar ko‘riladi.
15. Jinoyat ishi bilan saqlanayotgan ashyoviy dalillarning butligi uchun jinoyat ishi ish yurituvida bo‘lgan shaxs, sudda esa — ish bo‘yicha raislik etuvchi yoki sud raisi javobgar hisoblanadi.
Saqlash xonasiga topshirilgan ashyoviy dalillar va boshqa narsalarning butligi uchun surishtiruv, dastlabki tergov organi rahbarining yoki sud raisining buyrug‘iga asosan mas’ul etib tayinlangan shaxs javobgar hisoblanadi. Bunda, qoida tariqasida, saqlash uchun mas’ul bo‘lgan shaxs surishtiruvchi, tergovchi yoki sudya bo‘lmasligi lozim.
Keyingi tahrirga qarang.
Muassasa yoki tashkilotga saqlash uchun topshirilgan ashyoviy dalil va boshqa narsalarning butligi uchun mazkur muassasa yoki tashkilotning rahbari javobgar hisoblanadi, bu haqda unga ma’lum qilinib, tilxat olinadi.
16. Saqlash xonasiga faqat ashyoviy dalillar va boshqa narsalarning saqlanishi uchun javobgar shaxs (keyingi o‘rinlarda javobgar shaxs deb yuritiladi) ishtirokida kirish mumkin. Agar u yoki uning o‘rnini bosuvchi shaxs bo‘lmasa, saqlash xonasiga kirish prokurorning, surishtiruv, dastlabki tergov organi rahbarining, prokuratura, Milliy xavfsizlik xizmati (keyingi o‘rinlarda MXX deb yuritiladi), Ichki ishlar vazirligi (keyingi o‘rinlarda IIV deb yuritiladi) organi tergov tarmog‘i boshlig‘ining, sud raisining (sudyaning) yozma ruxsati va ularning bevosita ishtirokida amalga oshiriladi, ushbu shaxslarda saqlash xonasiga kirish eshigining dublikat kaliti bo‘lishi shart.
Keyingi tahrirga qarang.
Ashyoviy dalillar va boshqa narsalarning saqlanishi uchun javobgar shaxsning ishtirokisiz saqlash xonasi ochilishining har bir holati bo‘yicha ochilish sabablari ko‘rsatilgan dalolatnoma tuziladi. Dalolatnomada nima munosabati bilan va qaysi ashyoviy dalillar yoki boshqa narsalar saqlash xonasidan olinganligi yoki unga qo‘yilganligi ham ko‘rsatiladi. Dalolatnoma, ashyoviy dalillar va boshqa narsalarni hisobga olish kitobiga tegishli yozuvlar kiritilishi uchun, ashyoviy dalillar va boshqa narsalarning saqlanishi uchun javobgar shaxsga beriladi.
17. Surishtiruv, dastlabki tergov yoki sud muhokamasi davomida olib qo‘yilgan yoxud taqdim qilingan o‘q otar qurollar, o‘q-dorilar, ekspert-kriminalistika bo‘linmalarida tekshiruvdan o‘tkazilganidan keyin, faqat IIV, MXX organlarida yoki Mudofaa vazirligining harbiy muassasalarida saqlanadi.
Keyingi tahrirga qarang.
Portlovchi moddalar va portlatish vositalari saqlash uchun harbiy qismlar omborxonalariga yoki tegishli davlat korxonalariga (tashkilotlariga) topshiriladi, zaharlar va kuchli ta’sir qiluvchi moddalar ularni saqlash uchun yetarli shart-sharoitlari bo‘lgan tashkilotlar omborxonalariga, ularning rahbariyati (qo‘mondonligi) bilan kelishgan holda va roziligi asosida topshiriladi.
Tegishli organ yoki idoraga qarashli qurol-yarog‘lar, o‘q-dorilar, harbiy anjomlar olib qo‘yilgan, taqdim etilgan holatlarda, ular tegishliligi bo‘yicha saqlash uchun berilishi lozim, agar bu tergov harakatlari yoki sud muhokamasi o‘tkazilishini qiyinlashtirmasa.
Keyingi tahrirga qarang.
Keyingi tahrirga qarang.
18. Kesma stvolli o‘q otar qurollarni qo‘llash bilan bog‘liq barcha jinoyatlar bo‘yicha surishtiruv, dastlabki tergov organlari va sudlar olib qo‘yish (qabul qilish), ko‘zdan kechirish va tegishli tekshirishlar o‘tkazilganidan so‘ng, qurol izi bo‘lgan o‘qlar, gilzalar va patronlarni, shuningdek kesma stvolli o‘q otar qurolni IIVning pulegilzotekasiga yuborishlari shart.
Kesma stvolli o‘q otar qurolni pulegilzotekada tekshiruvdan o‘tkazish bilan bir vaqtda, u Qoraqalpog‘iston Respublikasi IIV, Toshkent shahar IIBB, viloyatlar IIB va IIV axborot markazlarining yo‘qolgan va aniqlangan qurollarning operativ hisobi bo‘yicha ham tekshiriladi.
Kesma stvolli o‘q otar qurollarni qo‘llash bilan bog‘liq ishlar tamomlangach, ko‘rsatilgan qurollar O‘zbekiston Respublikasi hududida yo‘qolgan va aniqlangan kesma stvolli o‘q otar qurollar bo‘yicha yagona ma’lumotlar bankiga hisobga qo‘yilishi shart.
Keyingi tahrirga qarang.
19. Tegishliligi aniqlanmagan va qidiruvi ichki ishlar organlarining tegishli operativ-qidiruv va kriminalistik hisoblari bo‘yicha amalga oshirilishi mumkin bo‘lgan narsalar aniqlanganida va olib qo‘yilganida (taqdim etilganida), darhol ushbu obyektlarni mazkur hisoblar bo‘yicha tekshiruvdan o‘tkazish choralari ko‘riladi.
Keyingi tahrirga qarang.
20. Olib qo‘yilgan (taqdim etilgan) davlat mukofotlari va ularga taalluqli hujjatlar ikki nusxada tuzilgan olib qo‘yish bayonnomasi va narsalar ro‘yxati bilan birga olib qo‘yilganidan (taqdim etilganidan) keyin bir sutka muddat ichida surishtiruv yoki tergov o‘tkazayotgan organ buxgalteriyasining kassasiga topshiriladi yoki maxsus aloqa orqali yuboriladi (ularni o‘rganish zarur bo‘lgan hollar bundan mustasno). Bayonnomaning ikkinchi nusxasiga kassir mukofotlar va ularga taalluqli hujjatlarni qabul qilganligi haqida imzo qo‘yib beradi va u ishga qo‘shib qo‘yiladi. Ayblov xulosasiga ilova qilinadigan ma’lumotnomada olib qo‘yilgan, taqdim etilgan davlat mukofotlari, ularga taalluqli hujjatlar va ularning saqlanish joyi haqidagi ma’lumotlar ko‘rsatiladi.
Agar davlat mukofotlari va ularga taalluqli hujjatlar ashyoviy dalil hisoblansa yoki ular bo‘yicha ekspertiza tayinlansa, ular zarur tergov va sud harakatlarini amalga oshirish uchun surishtiruv, dastlabki tergov organida, sudda qolishi mumkin.
Keyingi tahrirga qarang.
21. Jinoyat sodir etish quroli sifatida foydalanilgan va ashyoviy dalil deb e’tirof etilgan avtomashinalar, mototsikllar va boshqa transport, shu jumladan, suzuvchi vositalarni, shuningdek xatlangan transport vositalari, dastlabki tergov va sud muhokamasi davomida olib qo‘yilgan transport vositalarini almashtirish yoki ekspluatatsiya qilishga imkon bermaslik uchun transport vositasining spidometri, dvigateli, rul boshqaruvi, boshqa qismlari va detallari oldindan muhrlangan va plombalangan holda (agarda ular egasiga, uning qarindoshlariga yoki boshqa shaxslarga, shuningdek tashkilotlarga saqlashga topshirilishi mumkin bo‘lmasa) saqlash uchun IIV Davlat yo‘l harakati xavfsizligi xizmati (keyingi o‘rinlarda DYHXX deb yuritiladi), Bosh prokuratura, IIV va MXXning xo‘jalik boshqarmalariga (bo‘limlariga) topshiriladi va ushbu boshqarma (bo‘lim) rahbarlaridan saqlash haqida tilxat olinib, ishga qo‘shib qo‘yiladi. Tilxatda saqlash uchun qabul qilingan transport vositasi butligi uchun shaxsan kim javobgar ekanligi ko‘rsatiladi.
Keyingi tahrirga qarang.
Transport vositasini olib qo‘yishda, taqdim etishda, shuningdek saqlash uchun topshirishda DYHXX organlari mutaxassislari tomonidan hududiy moliya organi va ixtisoslashtirilgan avtomobillarga texnik xizmat ko‘rsatish korxonalari vakillarini jalb qilgan holda hamda imkoni bo‘lsa, transport vositasining egasi ishtirokida ushbu transport vositasining texnik holati to‘g‘risida dalolatnoma tuziladi.
Keyingi tahrirga qarang.
22. Giyohvandlik vositalari va psixotrop moddalarni olib qo‘yish, taqdim etish, ekspertizadan o‘tkazish, saqlash va boshqa harakatlar qonun hujjatlari bilan belgilangan tartibda amalga oshiriladi.
Keyingi tahrirga qarang.
23. Surishtiruv yoki dastlabki tergov davomida (ishni tugatish haqida qaror qabul qilingunga qadar) va sud hukmi qonuniy kuchga kirgunga qadar, shu bilan birga tergovoldi tekshiruv o‘tkazilishi davomida (jinoyat ishi qo‘zg‘atishni rad qilish to‘g‘risida qaror chiqarilgunga qadar) giyohvandlik vositalari muhrlangan holda IIV, MXX organining saqlash xonasida yoki jazoni ijro etish muassasasida yashash va ishlab chiqarish zonalaridan tashqarida joylashgan operativ qismning seyfida saqlanishi shart.
Keyingi tahrirga qarang.
24. Qamoqda saqlanayotgan ayblanuvchilarning (sudlanuvchilarning) pasportlari, tug‘ilganlik haqidagi guvohnomalari, ofitser shaxsini tasdiqlovchi guvohnomalari, kontrakt bo‘yicha harbiy xizmatchi guvohnomalari, harbiy guvohnomalar, qayd etish guvohnomalari jinoyat ishiga qo‘shib qo‘yiladi va ishga navbatdagi varag‘i sifatida tikilgan va raqamlangan alohida muhrlangan paketda saqlanadi. Boshqa shaxsiy hujjatlar, shuningdek belgilangan tartibda ashyoviy dalil deb e’tirof etilmagan narsa va ashyolar, agar ular ish uchun ahamiyatga ega bo‘lmasa, egalariga, ularning qarindoshlariga yoki egasi ko‘rsatgan boshqa shaxslarga qaytarib beriladi.
Keyingi tahrirga qarang.
25. Qimmatbaho metallar (bunday buyumlarning parchalari), qimmatbaho toshlar va durdan yasalgan buyumlar, shuningdek qimmatbaho toshlar, qo‘lda yasalgan zargarlik buyumlari, qimmatbaho metallardan yasalgan tangalar tegishli ekspertizalar o‘tkazilganidan so‘ng hamda baholanganidan keyin o‘ralgan holatda, ro‘yxat asosida saqlash xonasiga yoxud xizmat ko‘rsatuvchi bankka yoki O‘zbekiston Respublikasi Markaziy banki huzuridagi Qimmatbaho metallar agentligiga (keyingi o‘rinlarda Qimmatbaho metallar agentligi deb yuritiladi) saqlash uchun topshiriladi.
Keyingi tahrirga qarang.
26. Muomaladan chiqarilgan qimmatbaho metallarning (oltin, kumush, platina va platina guruhiga kiruvchi boshqa metallar) quymalari, cho‘kindilari (shlix), yombi, xomaki mahsulot shaklidagi, ishlab chiqarish yoki laboratoriyada foydalanishga mo‘ljallangan, shuningdek olmoslar yoki boshqa tabiiy qimmatbaho toshlar tegishli o‘rganishlardan so‘ng, agarda ular ashyoviy dalil hisoblanmasa va keyinchalik maxsus o‘rganilishi lozim bo‘lmasa, Qimmatbaho metallar agentligiga topshiriladi.
Keyingi tahrirga qarang.
27. Fuqarolardan olib qo‘yilgan (qabul qilingan) milliy va chet el valyutasidagi pul summalari, davlat zayom obligatsiyalari, pul-buyum lotereya biletlari, omonat daftarchalari, depozit sertifikatlari, akkreditivlari, cheklari va chek daftarchalari, depo hisobvarag‘idan ko‘chirmalar (depozitariy tomonidan beriladigan deponentning qimmatli qog‘ozlarga bo‘lgan huquqlarini tasdiqlaydigan hujjat) hukm qonuniy kuchga kirgunga qadar quyidagi tartibda saqlanadi (agarda ular ashyoviy dalil deb hisoblanmasa va maxsus tekshiruvdan o‘tkazish lozim bo‘lmasa):
milliy yoki chet el valyutasidagi naqd pul mablag‘lari tegishli organga xizmat ko‘rsatuvchi bankda milliy yoki chet el valyutasida ochilgan ikkilamchi talab qilib olinguncha depozit hisobvarag‘iga kiritib qo‘yiladi yoki Tijorat banklarida kassa ishini tashkil etish, inkassatsiya va qimmatliklarni tashishga doir Yo‘riqnomada (ro‘yxat raqami 1831, 2008-yil 27-iyun) belgilangan tartibda saqlash uchun bank kassasiga topshiriladi;
Keyingi tahrirga qarang.
davlat zayom obligatsiyalari, omonat daftarchalari, sertifikatlar, akkreditivlar, cheklar va chek daftarchalari, pul-buyum lotereyasi biletlari, shuningdek depo hisobvarag‘idan ko‘chirmalar ularni olib qo‘ygan (qabul qilgan) organda saqlanadi, bunda ularning but saqlanishiga rioya etilishi lozim, yoki o‘ramga solingan holda banklar yoki ularning filiallariga saqlash uchun topshiriladi.
Qimmatliklarni saqlash uchun qabul qilishda bank ularni topshirgan organga saqlash uchun qabul qilingan qimmatliklar turi, ularning baholanishi va raqami ko‘rsatilgan 004-shakldagi kvitansiyani beradi. Ushbu kvitansiya topshiruvchida saqlanadi. Topshirilgan qimmatliklarni qaytarib olish uchun ushbu qimmatliklarni topshirgan organ rahbari imzolagan xat va unga ilova qilingan 004-shakldagi kvitansiya taqdim etiladi. Bankka saqlash uchun qabul qilingan qimmatliklarning qisman qaytarilishiga yo‘l qo‘yilmaydi. Qimmatliklarning bir qismini olish zarur bo‘lsa, bank qimmatliklar solingan jo‘natmani to‘lig‘icha ularni topshirgan organga qaytarib beradi. Qimmatliklarning tegishli qismi olingach, qolgan qismi belgilangan tartibda bankka qayta topshirilishi mumkin. Banklar qabul qilgan qimmatliklarning saqlanishi uchun baholash summasidan oshmagan holda, haqiqiy zarar summasida javobgar bo‘ladi.
Keyingi tahrirga qarang.
Keyingi tahrirga qarang.
28. Omonat daftarchalarini olib qo‘yish bilan bir vaqtda, tegishli banklarga banklarda ochilgan depozit hisobvaraqlardagi mablag‘larni xatlash to‘g‘risidagi qaror nusxasi ham yuboriladi. Xatlash to‘g‘risidagi qarorning matnida ish yurituvdagi jinoyat ishining raqami, qonun hujjatlarida nazarda tutilgan hollarda esa — jinoyat ishidan kelib chiqadigan fuqarolik ishining raqami ko‘rsatiladi.
Keyingi tahrirga qarang.
29. Fuqaroviy da’voni ta’minlash uchun va garov tariqasida olib qo‘yilgan, qabul qilingan milliy yoki chet el valyutasidagi pul mablag‘lari (ashyoviy dalil deb e’tirof etilgan va individual xususiyatlarga ega bo‘lgan pul mablag‘laridan tashqari) dastlab dalillarni qayd etish kitobiga tegishli yozuvlar kiritilib, surishtiruv, tergov organining qarori, bayonnomasi yoki sud ajrimi nusxasiga muvofiq tergov yoki surishtiruv o‘tkazayotgan organning moliya-xo‘jalik bo‘limiga bir sutka muddat davomida topshiriladi. Buning o‘rniga kassir surishtiruvchi, tergovchi yoki sud organining mas’ul shaxsiga raqami ko‘rsatilgan kirim orderi kvitansiyasini beradi.
Keyingi tahrirga qarang.
Kassir qabul qilingan pullarni ikki sutka davomida olib qo‘yishni (qabul qilishni) amalga oshirgan organning milliy yoki chet el valyutasidagi talab qilib olinguncha hisobvarag‘iga kiritish uchun bankka topshiradi.
30. Mazkur Yo‘riqnomaning 25 — 27-bandlarida qayd etib o‘tilgan narsalar yoki boshqa qimmatliklar ashyoviy dalil bo‘lib hisoblangan hollarda, ular zarur tekshiruvlar o‘tkazilgandan so‘ng uch kunlik muddatdan kechiktirmasdan, alohida muhrlangan va ro‘yxati ilova qilingan paketlarda javobgar shaxsga saqlash uchun saqlash xonasiga yoki banklar yoki ularning filiallariga topshiriladi. Bunday hollarda yo‘naltiruvchi xatda jo‘natilayotgan qimmatliklar ashyoviy dalil ekanligi va ular olib qo‘yilishi (qabul qilinishi) uchun asos bo‘lgan jinoyat ishini ko‘rib chiqayotgan yoki hukmni ijro etuvchi organning alohida farmoyishi berilmagunga qadar saqlanishi haqida alohida ko‘rsatib o‘tiladi.
31. Ishga ashyoviy dalil tariqasida qo‘shilgan hujjatlar, xatlar va boshqa yozuvlar toza qog‘oz varaqlari orasiga solingan holda konvertlarda saqlanadi, bunda ularga qandaydir belgilar, yozuvlar kiritish yoki ularni buklash man etiladi. Konvertlar muhrlanadi, ishga tikiladi va ishning navbatdagi varag‘i sifatida raqamlanadi. Ishga qo‘shilayotgan xatlar va hujjatlar ko‘p miqdorda bo‘lsa, ular ishga ilova qilinadigan alohida konvertga solinadi. Konvertda yoki paketda unga solib qo‘yilgan hujjatlarning ro‘yxati ko‘rsatilgan yozuv bo‘lishi shart.
Surishtiruvchi, tergovchi, prokuror, sudya ishga qo‘shilgan korrespondensiyaning mazkur ish bo‘yicha surishtiruv, tergov, sud muhokamasini yuritishga daxldor bo‘lmagan shaxslardan sir saqlanishini ta’minlashi shart.
Keyingi tahrirga qarang.
32. Olib qo‘yilgan maxfiy xarakterli, lekin ashyoviy dalil bo‘lmagan hujjatlar, chizmalar, fotosuratlar maxsus qismlar va 1-bo‘limlar orqali ularning egasi bo‘lgan tashkilotlar va muassasalarga yuboriladi.
33. Ashyoviy dalillar va boshqa narsalarni ularning shikastlanishiga va kelgusida tekshiruvlar o‘tkazish hamda dalil sifatida foydalanish imkonini bermaydigan holatga tushishiga olib keluvchi holatda saqlashga topshirish man qilinadi. Zarur hollarda olib qo‘yilgan, qabul qilingan ashyoviy dalillar va boshqa narsalarni kelgusida saqlash imkonini beruvchi holatga olib kelishga qaratilgan kechiktirib bo‘lmas choralar ko‘rilishi shart.
O‘zgaruvchan xususiyatga ega, shuningdek bir marta ishlatiladigan yoki vaqtinchalik xususiyatlarga ega bo‘lgan narsalar olib qo‘yilgan, taqdim etilgan holda, olib qo‘yish, qabul qilishni amalga oshirgan organ uning ko‘zdan kechirilishi va ko‘zdan kechirish natijalari JPK 141-moddasi talablariga muvofiq mustahkamlanishini ta’minlashi shart.
34. Biologik kelib chiqishga ega, shu jumladan, mikroskopik yoki kimyoviy tekshiruv o‘tkazilishi lozim bo‘lgan, tez buziladigan obyektlar germetik zich yopiladigan idishga joylashtirilishi kerak. Bunday idishga joylashtirish sud-tibbiyot muassasalari xodimlari tomonidan amalga oshiriladi.
Ekspert tekshiruvi tamomlangach, biologik obyektlar dastlabki tergov yoki sud muhokamasi o‘tkazilgan joyda saqlanadi. Agar biologik obyektlarni saqlash uchun maxsus shart-sharoitlar talab qilinsa, ular rahbariyat bilan kelishilgan holda sud-tibbiyot muassasasida saqlanadi.
Keyingi tahrirga qarang.
35. Saqlash muddati 72 soatgachani tashkil qiladigan tez buziladigan tovarlar, shuningdek yaroqlilik muddati bir oy mobaynida tugaydigan tovarlar, ularning davlat daromadiga o‘tkazilishi to‘g‘risida qaror qabul qilinganidan qat’i nazar, iste’molga (foydalanishga, qayta ishlashga) yaroqliligi bo‘yicha ekspertiza xulosasi va uni baholash vaqtidan boshlab bir sutka mobaynida olib qo‘ygan organning mansabdor shaxsi tomonidan sud ijrochisi ishtirokida sotish uchun berish dalolatnomasi bilan savdo tashkilotlariga sotish uchun beriladi.
Keyingi tahrirga qarang.
Bunda tovarlarni sotishdan tushgan mablag‘lar tovarni davlat daromadiga o‘tkazish yoxud uni qaytarish to‘g‘risida ijro hujjati olingunga qadar sud ijrochilarining tegishli bo‘limlaridagi depozit hisob raqamlariga o‘tkaziladi.
Keyingi tahrirga qarang.
Ushbu bandning birinchi xatboshida ko‘rsatilgan tovarlarning iste’molga, foydalanishga yoki qayta ishlashga yaroqsizligi to‘g‘risida ekspertiza tomonidan xulosa chiqarilgan taqdirda uni olib qo‘ygan vakolatli organning mansabdor shaxsi sud ijrochisi, sanitariya-epidemiologiya stansiyasi va O‘zbekiston Respublikasi Davlat tabiatni muhofaza qilish qo‘mitasi vakillari va xolis guvohlar ishtirokida iste’mol qilish, foydalanish yoki qayta ishlash uchun yaroqsiz deb topilgan mol-mulkni Nizomda nazarda tutilgan barcha talablar bajarilgan holda yo‘q qilib tashlaydi.
Keyingi tahrirga qarang.
36. Jinoiy harakatlar obyekti bo‘lib xizmat qilgan yoki o‘zida jinoyat izlarini saqlab qolgan oziq-ovqatlar yoki sanoat tovarlari ekspert tekshiruvi uchun butunligicha yoki zarur bo‘lgan qismi (namuna, proba) topshiriladi. Imkoni bo‘lsa, tekshiruvga yuborilayotgan proba yoki namunadan tashqari, qayta tekshiruv o‘tkazish imkoniyatini ta’minlash uchun namuna yoki proba ajratib olinadi va muhrlangan ko‘rinishda ishga qo‘shib qo‘yiladi.
37. Ashyoviy dalil tariqasida e’tirof etilgan ish va uy hayvonlari, surishtiruv, tergov organlari, sud tomonidan qaror chiqarilgunga qadar, tegishli dalolatnoma rasmiylashtirilgan holda, saqlash uchun jabrlanuvchi shaxslar yoki tashkilotlarga, ular bo‘lmaganda esa, hududiylik bo‘yicha mahalliy davlat hokimiyati organi, shirkat yoki fermer xo‘jaliklariga topshiriladi.
Keyingi tahrirga qarang.
38. Ayblov xulosasiga ilova qilinadigan ma’lumotnomada ish bo‘yicha olib qo‘yilgan, taqdim etilgan narsalar qayerda saqlanayotganligi va ular topshirilganligini tasdiqlovchi hujjatlar tikilgan ish varag‘i ko‘rsatiladi.
Keyingi tahrirga qarang.
39. Xatlangan narsalar surishtiruvchi, tergovchining qarori yoki sudning ajrimi bo‘yicha, aniq holatlar va ish manfaatlaridan kelib chiqqan holda, saqlash uchun mahalliy davlat hokimiyati organi yoki xususiy uy-joy mulkdorlari shirkatiga, IIV huzuridagi “Qo‘riqlash” Respublika birlashmasining tarmoqlariga, shuningdek zarar yetkazilgan taraf yoki ushbu mol-mulk egasi yoxud uning qarindoshiga topshiriladi va ular qabul qilingan narsaning saqlanishi uchun javobgar ekanligi tushuntiriladi hamda bu haqda tilxat olinadi.
Keyingi tahrirga qarang.
40. Muayyan jinoiy ishlar bo‘yicha ashyoviy dalillar boshqa ishlar bo‘yicha ashyoviy dalillardan alohida holda saqlanadi.
Ochilmagan jinoyatlar bo‘yicha harakatdan to‘xtatilgan ishlar yuzasidan ashyoviy dalillar tergov o‘tkazilgan joyda, harakatdagi ishlar bo‘yicha ashyoviy dalillardan alohida holda, o‘ramga solingan va muhrlangan ko‘rinishda saqlanadi, ularning saqlanishi va keyinchalik foydalanish imkoniyati ta’minlanadi. Bunday obyektlar solingan har bir paket ish raqami, uning qisqacha mazmuni (fabulasi) va qo‘zg‘atish sanasi, o‘ramga solingan obyekt nomi ko‘rsatilgan izohli yozuv bilan ta’minlanadi.
To‘xtatilgan ishlar bo‘yicha maxsus saqlash sharoitlarini talab etadigan biologik obyektlar sud-tibbiyot muassasalarning arxivlarida saqlanadi. Biologik obyektlarni sud-tibbiyot muassasasining arxiviga joylashtirish uchun prokuror, tergovchi, sudning tegishli muassasa rahbariga yuboriladigan xati asos bo‘lib hisoblanadi.
Keyingi tahrirga qarang.
41. Ashyoviy dalillarni, shu jumladan o‘q otar qurol va jinoyat ishlari bo‘yicha olib qo‘yilgan, ashyoviy dalil bo‘lib hisoblanmagan boshqa narsalarni qayd etish uchun har bir surishtiruv (olis safarda bo‘lgan dengiz kemalarining kapitanlari bundan mustasno), dastlabki tergov organlari va sudlarda mazkur Yo‘riqnomaning 1, 2-ilovalarida keltirilgan shakllarga muvofiq hisobga olish kitoblari yuritilib, ular ashyoviy dalillar va boshqa narsalarni saqlash va hisobga olish uchun javobgar shaxsda turadi. Ushbu kitoblarni yuritish qat’iy hisobdagi hujjatlarni yuritish qoidalari bo‘yicha amalga oshiriladi. Kitobning har bir varag‘i raqamlanadi, ip bilan tikiladi va muhrlanadi hamda tegishlicha surishtiruv organining boshlig‘i, tergov tarmog‘ining rahbari, prokuror, sud raisining imzosi bilan tasdiqlanadi.
Keyingi tahrirga qarang.
42. Ashyoviy dalillar va boshqa ashyoviy dalil hisoblanmagan narsalarni hisobga olish kitoblariga yozuvlar narsalarni olib qo‘yish yoki taqdim etish haqidagi bayonnomalar asosida ularning saqlanishi uchun javobgar shaxslar tomonidan kiritiladi.
43. Ashyoviy dalillar va boshqa narsalarning saqlanishi uchun javobgar shaxs hisobga olish kitobida ro‘yxatga olish vaqtida qabul qilinayotgan narsalarning ularni ishga qo‘shib qo‘yish to‘g‘risidagi qaror bilan muvofiqligini tekshiradi.
44. Kitobga qayd etishda yozuvlar xronologik tartibda amalga oshiriladi, har bir narsa alohida yoziladi. Bir turdagi bir nechta narsa qayddan o‘tkazilayotganda ularning miqdori, kelib tushish sanasi, nomi yoziladi (agar ashyoviy dalillar o‘ramga solingan bo‘lsa, ularning miqdori va nomlari o‘ramni ochish orqali tekshiruvdan o‘tkazilishi mumkin, bu haqda dalolatnoma tuziladi). Bunda har bir narsaga tartib raqami beriladi.
Agar ashyoviy dalillar jinoyat ishi bilan bo‘lsa va saqlashga topshirilmasa, shuningdek mazkur Yo‘riqnoma 12-bandining uchinchi xatboshida ko‘rsatilgan hollarda hisobga olish kitobida bu haqda belgi qo‘yilib, ashyoviy dalillarni o‘zida saqlayotgan mansabdor shaxsning familiyasi ko‘rsatiladi.
Keyingi tahrirga qarang.
Ashyoviy dalillar va boshqa narsalarni hisobga olish kitobidan tashqari, surishtiruv, dastlabki tergovni amalga oshirayotgan organlar rahbarlarining va sudlarning o‘z xohishiga ko‘ra mazkur obyektlarni hisobga olishning boshqa shakllari (qaydnomalar, kvitansiyalar va hokazo) belgilanishi mumkin.
Keyingi tahrirga qarang.
45. Jinoyat ishi bilan saqlanayotgan ashyoviy dalillar ish surishtiruv organidan tergovchiga, yoki bir surishtiruv organidan boshqa surishtiruv organiga, yoki bir tergovchidan boshqa tergovchiga, shuningdek prokuror yoki sudga yuborilganda yoxud bir suddan boshqa sudga o‘tkazilganda ish bilan birga topshiriladi. Bu haqda har bir topshirilayotgan narsa bo‘yicha ashyoviy dalillarni hisobga olish kitobida tegishli yozuv kiritiladi. Belgilangan tartibda ashyoviy dalil deb e’tirof etilmagan narsalar jinoyat ishi bilan birga topshirilishiga yo‘l qo‘yilmaydi.
Keyingi tahrirga qarang.
46. Ashyoviy dalillarni ish bilan birga qabul qilayotgan mas’ul xodim hisobga olish kitobida o‘z lavozimi va familiyasini ko‘rsatgan holda tushunarli tarzda imzo chekadi, o‘z imzosini tegishli muassasaning shtampi bilan tasdiqlaydi. Barcha ashyoviy dalillar kelib tushish kunida ro‘yxatdan o‘tkaziladi. Sud tomonidan ishga qo‘shilgan ashyoviy dalillarni ro‘yxatdan o‘tkazish ajrim chiqarilgan kuni amalga oshiriladi.
47. Saqlash xonalariga joylashtirilgan, shuningdek ish bilan birga bo‘lmagan ashyoviy dalillar va fuqaroviy da’voni ta’minlash maqsadida xatlangan narsalar jinoyat ishi topshirilayotgan organ hisobida turadi, bu haqda ashyoviy dalillar saqlanayotgan joyga xabarnoma yuboriladi hamda hisobga olish daftari va jinoyat ishi bo‘yicha ma’lumot varag‘ida ular kimda saqlanayotganligi to‘g‘risida belgi qo‘yiladi.
Jinoyat ishini o‘tkazishda, u bilan birga yo‘llanadigan ashyoviy dalillar ilova xatda yoki unga ilova qilinayotgan ro‘yxatda birma-bir sanab o‘tiladi. Ayblov xulosasiga ilova qilingan ma’lumotnomada ishga doir barcha ashyoviy dalillar, har birining saqlanayotgan joyi ko‘rsatilib, birma-bir sanab o‘tilishi lozim.
Ashyoviy dalillar pochta yoki chopar orqali yetkazib berilganda, surishtiruvchi, tergovchi yoki sudya xolislar ishtirokida, zarur bo‘lganda esa, shuningdek ekspert yoxud mutaxassislar ishtirokida olingan dalillarni ko‘zdan kechirib, ularni aloqa xati yoki ro‘yxat bilan solishtiradi. Ko‘zdan kechirish jarayoni va natijasi haqida bayonnoma tuziladi.
Keyingi tahrirga qarang.
48. Ashyoviy dalillar bilan birga jinoyat ishi yuborilayotgan organning devonxona xodimi, sudning mas’ul xodimi, ushbu narsalarni qabul qilayotganda o‘ramning va undagi muhrlarning butunligi (saqlanganligi)ni tekshiradi.
O‘ram va muhr buzilgan holda sud kotibi sud raisi (sudya, sudning mas’ul xodimi) hozirligida, tergov yoki surishtiruv organining devonxona xodimi uning rahbari yoki o‘rinbosari, shuningdek ish va ashyoviy dalillarni yetkazib bergan shaxs hozirligida o‘ramni ochadi hamda unda mavjud bo‘lgan narsalarni ayblov xulosasining ma’lumotnomasidagi ashyoviy dalillar to‘g‘risidagi yozuv va ashyoviy dalillarni ishga qo‘shib qo‘yish to‘g‘risidagi qaror bilan solishtiradi.
Keyingi tahrirga qarang.
49. Agar mavjud ashyoviy dalillar ayblov xulosasining ma’lumotnomasidagi va ashyoviy dalillarni ishga qo‘shib qo‘yish to‘g‘risidagi qarorning ma’lumotlari bilan to‘g‘ri kelsa, ular yana o‘ramga joylanadi va muhrlanadi. O‘ramning ochilganligi haqida dalolatnoma tuzilib, ishga tikib qo‘yiladi.
Keyingi tahrirga qarang.
O‘ram yoki muhr buzilgan hollarda o‘ram ochilganda, haqiqatda mavjud ashyoviy dalillar ayblov xulosasining ma’lumotnomasidagi va ashyoviy dalillarni ishga qo‘shib qo‘yish to‘g‘risidagi qarorda bu haqda keltirilgan ma’lumotlar bilan to‘g‘ri kelmasligi aniqlansa, shuningdek o‘ramdagi yozuv (o‘ramda mavjud ashyolar ro‘yxati) ushbu yozuvlarga to‘g‘ri kelmagan hollarda, manfaatdor idoralarning mansabdor shaxslari tomonidan ushbu nomuvofiqlik sabablari aniqlamagunga qadar, ish qabul qilinmaydi.
Keyingi tahrirga qarang.
Aniqlangan nomuvofiqliklar to‘g‘risida dalolatnoma tuzilib, tegishlicha sudning raisi (sudya), prokuror, surishtiruv, tergov organi boshlig‘i (ushbu organlar tergov tarmoqlarining boshlig‘i) va devonxona xodimi, shuningdek ishni olib kelgan shaxs tomonidan imzolanadi.
Keyingi tahrirga qarang.
50. Ashyoviy dalil sudda ro‘yxatdan o‘tkazilayotganida unga raqam (kitob bo‘yicha tartib raqami) beriladi, ashyoviy dalilning kelib tushgan sanasi, nomi, miqdori, u qo‘shib qo‘yilgan ishning raqami, ayblanuvchining familiyasi, ismi va otasining ismi ko‘rsatiladi. Ashyoviy dalil ro‘yxatdan o‘tkazilgach, uning o‘ramiga jinoyat ishi sudda ro‘yxatdan o‘tkazilgan raqam qo‘yiladi, shuningdek ashyoviy dalilning raqami ko‘rsatiladi.
Keyingi tahrirga qarang.
51. Jinoyat ishi va ashyoviy dalillar boshqa sud yoki prokuraturaga topshirilganida har bir topshirilayotgan ashyoviy dalil bo‘yicha ashyoviy dalillarni ro‘yxatga olish kitobiga tegishli yozuv kiritilishi kerak.
Agar ashyoviy dalillar sudga yuborilmasdan, surishtiruv, dastlabki tergov organi yoki boshqa muassasada saqlanayotgan bo‘lsa, sud kotibi ashyoviy dalillarni ro‘yxatga olish kitobiga ular saqlanayotgan joy to‘g‘risida yozuv kiritadi.
52. Jinoyat ishi bir tergovchidan aynan shu prokuraturada, IIV, MXX organida ishlovchi boshqa tergovchiga topshirilganida, birinchisi topshirishi, ikkinchisi esa ish bo‘yicha olib qo‘yilgan barcha narsalarning borligini tekshirib qabul qilib olishi, ashyoviy dalillarni saqlashga javobgar shaxs ishtirokida ashyoviy dalillarni hisobga olish kitobiga ularni qabul qilganligi to‘g‘risida imzo qo‘yishi shart.
Keyingi tahrirga qarang.
53. Jinoyat ishini tugatish to‘g‘risidagi dastlabki tergov organining qarori, sudning hukmi yoki ajrimida ashyoviy dalillar taqdiri masalasi hal etilishi kerak, bunda:
Keyingi tahrirga qarang.
jinoyat qurollari, kimga tegishliligidan qat’i nazar, musodara qilinishi kerak va tegishli muassasalarga topshiriladi yoki yo‘q qilib yuboriladi;
Keyingi tahrirga qarang.
hech qanday qimmatga ega bo‘lmagan narsalar yo‘q qilib yuboriladi, manfaatdor shaxslar yoki muassasalar iltimos qilgan hollarda esa ularga berilishi mumkin;
jinoyat yoki boshqa g‘ayriqonuniy harakatlar sodir qilinishi natijasida qonuniy egasi va mulkdoridan mahrum bo‘lib qolgan pullar yoki boshqa boyliklar qonuniy egalariga, mulkdorlariga yoki ularning huquqiy vorislariga, shuningdek merosxo‘rlariga qaytarib berilishi lozim;
jinoiy yo‘l bilan orttirilgan pullar va boshqa boyliklar sudning hukmiga binoan jinoyat natijasida yetkazilgan mulkiy zararni qoplashga o‘tkaziladi, mulkiy zarar ko‘rgan shaxs aniqlanmagan taqdirda, davlat foydasiga o‘tkaziladi. Ushbu buyumlarning tegishliligi haqidagi nizolar fuqaroviy sud ish yurituvi tartibida hal etilishi lozim;
ashyoviy dalil hisoblanuvchi hujjatlar ularni saqlash zarurati tugagunga qadar ishda saqlab turiladi yoki manfaatdor shaxslarga yoxud muassasalarga beriladi. Ishdagi hujjatlarni qaytarish masalasi ularning xarakteri va ish uchun ahamiyatiga qarab hal etiladi.
54. Ashyoviy dalil tariqasida mazkur Yo‘riqnomaning 25 — 27-bandlarida qayd etib o‘tilgan narsalar qo‘shilgan jinoyat ishini qabul qilish vaqtida sud kotibi ishda dastlabki tergov organi tomonidan ushbu ashyoviy dalillar saqlash uchun topshirilganligini tasdiqlovchi kvitansiyaning mavjudligini tekshiradi. Ashyoviy dalillarni hisobga olish kitobiga ular haqida saqlanayotgan joyi ko‘rsatilgan holda yozuv kiritiladi.
Keyingi tahrirga qarang.
55. Mazkur Yo‘riqnomaning 25 — 27-bandlarida sanab o‘tilgan va ishga sud tomonidan ashyoviy dalillar sifatida qo‘shilgan narsalar ashyoviy dalillarni hisobga olish kitobida ro‘yxatdan o‘tkazilishi, o‘ramga solinishi, muhrlanishi va bir sutka muddat davomida xizmat ko‘rsatuvchi bankka yoki javobgar shaxsga saqlash xonasida saqlash uchun topshirilishi kerak.
56. Dastlabki tergovni to‘xtatish to‘g‘risida qaror chiqarilayotganida unda to‘xtatilayotgan ish bo‘yicha olib qo‘yilgan ashyoviy dalillar va boshqa narsalarning saqlanayotgan joyi belgilanadi. Ushbu obyektlar, maxsus saqlashga topshirilishi lozim bo‘lmasa, to‘xtatilgan jinoyat ishi tergov organida saqlab turilgan vaqt davomida tergov yuritilgan joyda saqlanadi va ish boshqa tergov organiga topshirilayotgan vaqtda ish bilan birga topshiriladi.
Keyingi tahrirga qarang.
Qayerdaligi aniqlanmagan ayblanuvchilarga nisbatan to‘xtatilgan jinoyat ishlari bo‘yicha moddiy zararni qoplash maqsadida xatlangan ayblanuvchilarning shaxsiy mol-mulki, ekspertlar tomonidan baholangach, mazkur Yo‘riqnomaning 62-bandiga muvofiq sotilishi mumkin.
57. Qonuniy kuchga kirgan hukm bo‘yicha sud ijro varaqasini yozadi va keyingi kundan kechiktirmasdan uni ijro etish uchun tegishli organga yuboradi.
58. Agar ashyoviy dalillar va boshqa narsalar maxsus saqlashda bo‘lsa, ularni saqlash joyiga ushbu obyektlarning keyingi taqdiri ko‘rsatilgan hukm, ajrim, qarordan nusxa yoki ko‘chirma yuboriladi. Qabul qilingan qaror ashyoviy dalillar saqlanayotgan muassasalarning rahbarlari uchun majburiydir.
59. Muomaladan chiqarilgan narsalar (qurol-yarog‘, o‘q-dorilar, giyohvandlik, psixotrop moddalar va shu kabilar) IIV va MXX organlari tomonidan qonun hujjatlarida belgilangan tartibda yo‘q qilinadi.
Keyingi tahrirga qarang.
Keyingi tahrirga qarang.
60. Egalariga qaytarilishi lozim bo‘lgan ashyoviy dalillar va boshqa narsalar ularga tilxat asosida natura shaklida beriladi, tilxat jinoyat ishiga tikib qo‘yiladi va uning navbatdagi varag‘i sifatida raqamlanadi. Bir vaqtning o‘zida tergov yoki surishtiruvni olib borayotgan organning buxgalteriya hisobi bo‘limi ashyoviy dalillar va boshqa narsalar qaytarilganligi haqida yozma shaklda xabardor qilinadi.
Manfaatdor shaxslar ulardan olib qo‘yilgan narsalarni qaytarib olishlari mumkinligi to‘g‘risida yozma ravishda xabardor qilinadi, xabarnomaning nusxasi jinoyat ishiga tikib qo‘yiladi. Tilxatda oluvchi o‘z pasporti yoki shaxsini tasdiqlovchi boshqa hujjatdagi ma’lumotlarni va yashash joyini ko‘rsatadi. Narsalarning egasi shaxsan kela olmaydigan holatda, ularni uning ishonchnomasi bo‘yicha boshqa shaxs olishi mumkin, uning tilxati ham ishga tikib qo‘yiladi. Agar narsalarning egasi muassasa, tashkilot bo‘lsa, narsalar ularning vakillariga ishonchnoma va shaxsini tasdiqlovchi hujjati bo‘lganida tilxat orqali topshiriladi.
Keyingi tahrirga qarang.
61. Jinoyat ishi noreabilitatsiya asoslari bo‘yicha tugatilgan holda, zararni qoplash, olib qo‘yilgan yoki qabul qilingan pul yoxud boshqa narsalarni davlat daromadiga o‘tkazish masalasi jinoyat-protsessual va fuqarolik protsessual qonunchiligida belgilangan tartibda hal qilinadi.
62. Ashyoviy dalillar, narsalar va jinoyat qurollarini davlat daromadiga o‘tkazish va ularni yo‘q qilib tashlash Nizomning IV — VII bo‘limlari talablariga muvofiq amalga oshiriladi.
63. Ashyoviy dalillar va boshqa narsalarni qaytarish yuzasidan ijro ish yurituvini qo‘zg‘atish haqidagi qaror, shuningdek ularni olish tartibi to‘g‘risida yozma xabarnoma bir sutka muddat davomida ijro varaqasida ko‘rsatilgan shaxsga yuboriladi.
Ijro ishi yuritilishi qo‘zg‘atilganidan so‘ng, sud ijrochisi tegishli dalolatnoma tuzadi va uning o‘zi, jinoyat ishi bo‘yicha dastlabki tergovni o‘tkazgan mansabdor shaxs, ushbu narsalarni bergan sudya, shuningdek narsalarni saqlash uchun javobgar shaxs imzo qo‘yadi.
Keyingi tahrirga qarang.
Ijro varaqasida oluvchi sifatida ko‘rsatilgan shaxs sud ijrochisiga murojaat qilganida, qabul qilish-topshirish dalolatnomasi tuzilib, unda narsani topshirish joyi va vaqti, topshirilayotgan narsa nomi, shuningdek topshirishda ishtirok etayotgan shaxslar ko‘rsatiladi. Narsani olgan shaxsdan tilxat olinadi.
Keyingi tahrirga qarang.
Keyingi tahrirga qarang.
Agar ijro varaqasida oluvchi sifatida ko‘rsatilgan shaxs 3 yil davomida sud ijrochisiga narsani berish to‘g‘risida murojaat etmagan bo‘lsa, sud ijrochisi bu haqda dalolatnoma tuzadi.
Keyingi tahrirga qarang.
Sud ijrochisi narsa talab qilib olinmaganligi to‘g‘risida dalolatnoma tuzganidan so‘ng, narsani egasiz deb topish bo‘yicha qonun hujjatlariga muvofiq zarur hujjatlarni rasmiylashtiradi va ularni hududiyligi bo‘yicha fuqarolik ishlari bo‘yicha sudga yuboradi.
Keyingi tahrirga qarang.
64. Ijro ishi yuritilishini tamomlashda sud ijrochisi bu haqda qaror chiqaradi. Sud ijrochisining qaror nusxalari u chiqarilgan kuning ertasidan kechiktirmasdan ijro varaqasini bergan sud yoki boshqa organga yuboriladi.
Keyingi tahrirga qarang.
65. Ashyoviy dalillar yuzasidan qaror, hukm (ajrim) qonuniy kuchga kirgandan so‘ng yoki ishni tugatish to‘g‘risida ajrim, qaror ustidan shikoyat qilish muddati tugagach, ijroga qaratiladi.
66. Alohida hollarda surishtiruv, dastlabki tergov organi, sud ish bo‘yicha yakuniy qaror qabul qilinmasdan ham olib qo‘yilgan narsalarni egalariga qaytarishi mumkin, agar bu ishni to‘g‘ri hal etishga to‘sqinlik qilmaydi deb topilsa.
Keyingi tahrirga qarang.
67. Surishtiruv yoki dastlabki tergov bosqichida ishi tugatilgan shaxslarga ulardan olib qo‘yilgan narsalarni qaytarish mazkur Yo‘riqnomaning 60-bandiga muvofiq amalga oshiriladi.
Qabul qilingan qaror haqida ishini tugatish to‘g‘risida qaror chiqarilgan shaxsga darhol yozma xabarnoma yuboriladi.
Keyingi tahrirga qarang.
68. Jinoyat ishini tugatish haqida qaror, hukm (ajrim) chiqarilganidan keyin ashyoviy dalillarni hisobga olish kitobida ashyoviy dalillarga nisbatan qabul qilingan qaror haqida uning mazmuni va sanasi ko‘rsatilgan holda belgi qo‘yiladi.
Keyingi tahrirga qarang.
69. Jinoyat tarkibi yo‘qligi yoki jinoiy hodisa yuz bermaganligi sababli jinoyat ishi tugatilgan holda, ish bo‘yicha ashyoviy dalil deb e’tirof etilgan hujjatlar (adabiy asarlar, arizalar, murojaatlar va boshqalar, shu jumladan mualliflar tomonidan tayyorlanganlari ham) egalariga qaytarilishi shart.
Keyingi tahrirga qarang.
70. Qimmatbaho metallar agentligiga topshirilgan narsalar belgilangan hollarda egalariga natura shaklida qaytarib beriladi, naturada qaytarish yo‘l qo‘yilmaydigan holatlarda esa qonun hujjatlariga muvofiq ularning qiymati qoplanadi.
Keyingi tahrirga qarang.
71. Olib qo‘yilgan narsalar (pullar) tilxat orqali reabilitatsiya qilinganlarga yoki JPK 304-moddasining uchinchi qismida ko‘rsatilgan shaxslarga ular mulkiy zararni qoplash uchun pul to‘lovlarini amalga oshirish haqidagi qaror yoki ajrimni olgan kundan boshlab ikki yil davomida qaytarib berilishi mumkin. Zararni qoplash hisobiga to‘langan mablag‘lar JPK 304 — 313-moddalarida nazarda tutilgan tartibda qaytariladi.
Yuqorida ko‘rsatilgan muddat tugagach, pullar, shuningdek narsalarni sotishdan olingan mablag‘lar respublika budjeti daromadiga o‘tkaziladi.
72. Dastlabki tergov organi yoki sudning depozit hisob raqamiga garov tariqasida qo‘yilgan pul mablag‘lari yoki qimmatliklarni (keyingi o‘rinlarda garov summasi deb yuritiladi) qaytarish haqida hujjat chiqargan sud ijro varaqasini yozib beradi va 3 sutkadan kechiktirmasdan uni qonuniy kuchga kirgan sud hujjatining gerbli muhr bilan tasdiqlangan nusxasi va garov summasi qabul qilinganligi haqidagi bank kvitansiyasi nusxasi bilan birgalikda O‘zbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy ta’minlash departamentining hududiy organiga (keyingi o‘rinlarda Sud departamentining hududiy organi deb yuritiladi) yuboradi.
Keyingi tahrirga qarang.
Dastlabki tergov organi 3 sutkadan kechiktirmasdan, dastlabki tergov organining depozit hisob raqamiga garov tariqasida qo‘yilgan garov summasining qaytarilishi ko‘rsatilgan, garov tariqasida ehtiyot chorasini bekor qilish yoki o‘zgartirish (agar bekor qilish yoki o‘zgartirish uni tanlash shart-sharoitlarini buzish bilan bog‘liq bo‘lmasa) yoxud jinoyat ishini tugatish haqidagi qarorning (keyingi o‘rinlarda dastlabki tergov organining qarori deb yuritiladi) gerbli muhr bilan tasdiqlangan nusxasini, garov summasi qabul qilinganligi haqidagi bank kvitansiyasi nusxasi bilan birga Sud departamentining hududiy organiga yuboradi. Agar garov summasi uni qaytarish to‘g‘risida bevosita qaror qabul qilgan dastlabki tergov organining depozit hisob raqamida saqlanayotgan bo‘lsa, mazkur Yo‘riqnomaning 75-bandida ko‘rsatilgan qoidalar qo‘llaniladi.
Keyingi tahrirga qarang.
73. Sud ijrochisi ijro hujjatini olgach, 3 sutkadan kechiktirmasdan ijro ishi yuritishni qo‘zg‘atish haqida qaror chiqaradi va bir nusxasini ijro ishi yuritilishi qo‘zg‘atilganidan so‘ng bir sutka davomida ijro hujjatini bergan sud yoki boshqa organga jinoyat ishi materiallariga qo‘shib qo‘yish uchun yuboradi.
Sud ijrochisi garov summasi vaqtincha saqlanayotgan organga garov summasini uch kunlik muddat ichida keyingi ijro harakatlarini davom ettirish uchun Sud departamentining hududiy organi depozit hisob raqamiga o‘tkazish to‘g‘risida talabnoma yuboradi. Talabnoma belgilangan muddatda bajarilmagan taqdirda, sud ijrochisi garov saqlanayotgan organ hisob raqamiga inkasso topshiriqnomasi qo‘yish orqali nizosiz tartibda garov summasini hisobdan chiqarishi shart.
Keyingi tahrirga qarang.
74. Sud departamentining hududiy organi hisob raqamiga garov summasi kelib tushgach, sud ijrochisi bu haqda O‘zbekiston Respublikasi “Sud hujjatlari va boshqa organlar hujjatlarini ijro etish to‘g‘risida”gi Qonunining 221-moddasiga asosan garov summasini oluvchi shaxsni xabardor qiladi. Ijro hujjatida garov summasini oluvchi sifatida ko‘rsatilgan shaxs yoki uning qonuniy vakili sud ijrochisiga garov summasini qaytarish to‘g‘risida talab qo‘ygan kuni sud ijrochisi tomonidan unga bank cheki yozib beriladi. Bank cheki olinganligi haqida uni olgan shaxsdan tilxat olinadi.
Keyingi tahrirga qarang.
Bank cheki berilgandan so‘ng, davlat ijrochisi tomonidan ijro ishini yuritishni tamomlash to‘g‘risida qaror qabul qilinadi va uning nusxasi ijro hujjatini bergan sudga yoki boshqa organga jinoyat ishiga qo‘shib qo‘yish uchun yuboriladi. Ijro hujjati va tilxat ijro ishi materiallariga tikiladi.
Keyingi tahrirga qarang.
Agar ijro hujjatida garov oluvchi sifatida ko‘rsatilgan shaxsdan yoki uning qonuniy vakilidan u xabardor qilingan paytdan boshlab uch yil davomida garovni berish haqida talabnoma kelib tushmagan bo‘lsa, garov summasi talab qilib olinmaganligi haqida dalolatnoma tuziladi.
Bunday holatda, sud ijrochisi qonun hujjatlarida belgilangan tartibda garov summasi talab qilib olinmaganligi haqidagi dalolatnoma, ijro hujjati va boshqa zarur hujjatlarni ilova qilgan holda garov summasini egasiz deb topish to‘g‘risida ariza bilan sudga murojaat qiladi.
Keyingi tahrirga qarang.
75. Garov tariqasidagi ehtiyot chorasi o‘zgartirilgan yoki bekor qilingan taqdirda, agar uning o‘zgartirilishi yoki bekor qilinishi uni tanlash shart-sharoitlari buzilganligi tufayli ro‘y bermagan bo‘lsa (shu jumladan, jinoyat ishi tugatilishi yoxud sud qarorining kuchga kirishi munosabati bilan), garov summasi depozit hisob raqamida turgan organ tomonidan ijro hujjati berilmaydi, dastlabki tergov organining garov summasini qaytarish to‘g‘risidagi qarori esa ijro qilish uchun mazkur organning moliya tarmog‘iga yuboriladi.
Keyingi tahrirga qarang.
Shu bilan bir vaqtda dastlabki tergov organi qarorda garov summasini oluvchi sifatida ko‘rsatilgan shaxsni uni olish joyi va vaqti haqida xabardor qiladi.
Keyingi tahrirga qarang.
Dastlabki tergov organining qarorida garov summasini oluvchi sifatida ko‘rsatilgan shaxs yoki uning qonuniy vakili garov summasini qaytarish to‘g‘risida talab qo‘ygan kuni moliya tarmog‘ining mas’ul xodimi tomonidan unga bank cheki yozib beriladi. Bank chekini olgan shaxsdan uni olganligi haqida tilxat olinadi va jinoyat ishiga qo‘shib qo‘yiladi.
Keyingi tahrirga qarang.
Agar dastlabki tergov organining qarorida garov oluvchi sifatida ko‘rsatilgan shaxsdan yoki uning qonuniy vakilidan u xabardor qilingan paytdan boshlab uch yil davomida garovni berish haqida talabnoma kelib tushmagan bo‘lsa, garov summasi talab qilib olinmaganligi haqida dalolatnoma tuziladi.
Keyingi tahrirga qarang.
Bunday holatda, dastlabki tergov organi tomonidan qonun hujjatlarida belgilangan tartibda garov summasi talab qilib olinmaganligi haqidagi dalolatnoma va boshqa zarur hujjatlar ilova qilingan holda garov summasini egasiz deb topish to‘g‘risida ariza bilan sudga murojaat qilinadi.
Keyingi tahrirga qarang.
76. Ayblov xulosasi, tomonlarning yarashganligi munosabati bilan jinoyat ishini sudga yuborish haqidagi qaror, tibbiy yo‘sindagi majburlov choralarini qo‘llash uchun ishni sudga yuborish to‘g‘risidagi qaror, jinoyat ishini tugatish haqidagi qaror tasdiqlanganida, amnistiya aktiga asosan jinoyat ishini qo‘zg‘atishni rad qilish to‘g‘risidagi yoki jinoyat ishini tugatish haqidagi iltimosnoma bilan tergovoldi tekshiruv hujjatlari va jinoyat ishi sudga yuborilganida, shuningdek ish boshqa tergov yoki surishtiruv organiga yuborilganida, prokuror, surishtiruv, tergov organining boshlig‘i, sud raisi (sudning mas’ul xodimi) ish bo‘yicha olib qo‘yilgan ashyoviy dalillar va boshqa narsalarni joylashgan joyi ko‘rsatilgan hujjatlarning ishda mavjudligini tekshirishi, ularni ashyoviy dalillarni hisobga olish kitobidagi yozuvlar bilan solishtirishi shart.
Keyingi tahrirga qarang.
77. Surishtiruv organi boshlig‘i, tergov tarmog‘ining boshlig‘i, prokuror, sud raisi (sudning mas’ul xodimi) 6 oyda kamida bir marta ashyoviy dalillar va boshqa narsalarning saqlanish holati va sharoitlari, mazkur Yo‘riqnomaga muvofiq ularni qabul qilish, hisobga olish va o‘tkazish bo‘yicha hujjatlar yuritilishi to‘g‘riligini tekshirishi shart.
Keyingi tahrirga qarang.
78. Tekshirish natijalari haqida ashyoviy dalillar va boshqa narsalar uchun maxsus saqlash joylarini jihozlash, ularni saqlash uchun lozim darajadagi sharoitlarni ta’minlash choralarini ko‘rishga majbur bo‘lgan yuqori turuvchi rahbariyatga yuboriladigan dalolatnoma tuziladi.
79. Javobgar shaxs boshqa ishga o‘tganida, ishdan bo‘shatilganida tegishli prokuror, surishtiruv, dastlabki tergov organi boshlig‘i, sud raisi ushbu shaxsga saqlash uchun berilgan, haqiqatda mavjud ashyoviy dalillar va boshqa narsalarning mazkur obyektlarni olib qo‘yish aks ettirilgan hujjatlardagi yozuvlarga muvofiqligini tekshirish uchun komissiya tayinlaydi. Tekshirish natijalari ashyoviy dalillar va boshqa narsalarni qabul qilish-topshirish dalolatnomasida aks ettiriladi.
Keyingi tahrirga qarang.
80. Qo‘yi organlarda o‘tkaziladigan taftishlar va rejali tekshirishlarda ashyoviy dalillar va boshqa narsalarni hisobga olish hamda saqlash ahvoli majburiy tartibda tekshiriladi, tekshirish natijalari tegishli ma’lumotnomalar va dalolatnomalarda qayd etiladi.
To‘xtatib qo‘yilgan jinoyat ishlari bo‘yicha ashyoviy dalillarni saqlash holati alohida qayd etiladi.
81. Olib qo‘yilgan ashyoviy dalillar va boshqa narsalar shikastlangan, yo‘qolgan hollarda ularning egalariga yetkazilgan zarar qonun hujjatlarida belgilangan tartibda qoplanishi lozim.
Ashyoviy dalillar va boshqa narsalarni lozim darajada hisobga olish va saqlash shart-sharoitlari ta’minlanmaganligi, ularning yo‘qolishi, shikastlanishiga olib kelgan bo‘lsa, ko‘rsatib o‘tilgan oqibatlar kelib chiqishida aybdor bo‘lgan shaxslarni qonun hujjatlarida nazarda tutilgan javobgarlikka tortish uchun asos bo‘ladi.
Keyingi tahrirga qarang.
82. Mazkur Yo‘riqnoma O‘zbekiston Respublikasi Markaziy banki va Sog‘liqni saqlash vazirligi bilan kelishilgan.
Surishtiruv, dastlabki tergov va sud muhokamasi davomida ashyoviy dalillar, moddiy qimmatliklar va boshqa mol-mulkni olib qo‘yish (qabul qilish), hisobga olish, saqlash, berish, sotish, qaytarish, yo‘q qilib tashlash tartibi to‘g‘risida yo‘riqnomaga
1-ILOVA
1-ILOVA
T/r | Saqlashga kelib tushgan sana | Jinoyat ishi raqami, ayblanuvchining F.I.O. | Olib qo‘yilgan,taqdim etilgan narsalarning nomlanishi, alohida belgilari, raqamlari | Miqdori, summasi | Kelib tushgan narsalar qachon, qayerda kim tomonidan olib qo‘yilgan( qabul qilingan) | Saqlash joyi. Saqlash uchun mas’ulning lavozimi va familiyasi | Ashyoviy dalillar, boshqa narsalar qayerga va qanday asoslarga ko‘ra yuborilgan | Ashyoviy dalillar, boshqa narsalar qabul qilib olgan shaxsning lavozimi va familiyasi | Qabul qilish sanasi va imzo, muassasa shtampi | Narsalari qaytarilgan shaxsning F.I.O, pasport raqami, sana va imzo |
1 | 2 | 3 | 4 | 5 | 6 | 7 | 8 | 9 | 10 | 11 |
Keyingi tahrirga qarang.
Surishtiruv, dastlabki tergov va sud muhokamasi davomida ashyoviy dalillar, moddiy qimmatliklar va boshqa mol-mulkni olib qo‘yish (qabul qilish), hisobga olish, saqlash, berish, sotish, qaytarish, yo‘q qilib tashlash tartibi to‘g‘risida yo‘riqnomaga
2-ILOVA
2-ILOVA
T/r | Saqlash uchun kelib tushgan sana | Ashyoviy dalillar,boshqa narsalarning nomlanishi | Miqdori, summasi | Jinoyat ishi raqami, gumonlanuvchi, ayblanuvchi, sudlanuvchining F.I.O. | Saqlanishi | Sudning ashyoviy dalillar yuzasidan qarori | Ijrosi | Izoh | |||
Mas’ul shaxsning familiyasi ko‘rsatilgan haqiqiy saqlash joyi | Qachon,kimga ko‘zdan kechirish uchun berilgan va qachon qaytarilgan | Hujjatlar ijro qilish uchun kimga yuborilgan ( berilgan) | Ashyoviy dalillar ijro qilish uchun kimga yuborilgan (berilgan) | Sana ko‘rsatilgan holda ijro etilganligi to‘g‘risidagi qayd yozuv | |||||||
1 | 2 | 3 | 4 | 5 | 6 | 7 | 8 | 9 | 10 | 11 | 12 |
Keyingi tahrirga qarang.