Chimyon-Chorvoq kurort-rekreatsiya zonasining tabiiy boyliklarini saqlab qolish va uni kompleks o‘zlashtirish, dam olish bazasini rivojlantirish chora-tadbirlarining amalga oshirilishini jadallashtirish maqsadida Vazirlar Mahkamasi qaror qiladi:
1. Toshkent viloyati va Toshkent shahar hokimliklarining, 1-ilovaga muvofiq idoralar, korxonalar va tashkilotlarning ustav fondi miqdori 205 mln so‘m, unda davlat ulushi 51 foiz bo‘lgan ochiq aksiyadorlik jamiyati shaklidagi “Chatqol” aksiyadorlik kompaniyasi tashkil etish to‘g‘risidagi taklifi qabul qilinsin.
Belgilansinki, “Chatqol” aksiyadorlik kompaniyasi Chimyon-Chorvoq kurort-rekreatsiya zonasi muhandislik tarmoqlari va dam olish obyektlaridan shartnoma asosida foydalanilishini ta’minlaydi, maishiy axlat va chiqindilar to‘planishini, hududlar va sohil bo‘yi suvlari ulardan tozalanishini tashkil etadi, dam oluvchilarga, shu jumladan avtomobillar to‘xtash joylaridan foydalanganlik uchun belgilangan tartibda pulli xizmatlar ko‘rsatadi.
2. “Chatqol” aksiyadorlik kompaniyasining xodimlarning cheklangan soni 14 nafardan iborat (xizmat ko‘rsatuvchi xodimlardan tashqari) apparati tuzilmasi 2-ilovaga* muvofiq ma’qullansin.
“Chatqol” aksiyadorlik kompaniyasi muassislari O‘zbekiston Respublikasi Davlat mulki qo‘mitasi bilan birgalikda 2 oy muddatda kompaniyani tashkil etishga doir tashkiliy chora-tadbirlarni amalga oshirsin, muassislar ulushini va ustav fondiga beriladigan davlat mulki tarkibini aniqlasin, ta’sis yig‘ilishi o‘tkazsin va kompaniya Ustavini tasdiqlasin, kompaniyani belgilangan tartibda ro‘yxatdan o‘tkazsin.
2002-yilning I yarim yilligida G‘azalkent-Chorvoq-Baqacho‘l magistral kanalizatsiya kollektori, shu jumladan ikkita kanalizatsiya nasos stansiyasi va Ko‘priksoy ustidagi vant ko‘prik qurilishini tugallasin; 2003-yil oxirigacha — Chimyonsoy kollektori qurilishini va Chirchiq kanalizatsiya tozalash inshootlari kengaytirilishini tugallasin;
O‘zbekiston Respublikasi Davlat arxitektura va qurilish qo‘mitasi bilan birgalikda 2001-yil oxirigacha Chimyon-Chorvoq kurort-rekreatsiya zonasini rivojlantirishning bosh rejasini ishlab chiqsin va belgilangan tartibda tasdiqlasin;
Chimyon-Chorvoq kurort-rekreatsiya zonasida imorat qurilishi uchun yer uchastkalarini faqat tasdiqlangan bosh rejaga muvofiq ajratsin;
2001-yil oxirigacha Chorvoq suv omborining 100 metrlik sanitariya zonasida joylashgan binolar va inshootlar buzilishini (ko‘chirilishini) ta’minlasin;
Chorvoq suv omborining o‘ng qirg‘og‘ida, shu jumladan sharqiy qirg‘oqda 100 metrlik sanitariya zonasida yer uchastkalari ajratilishini taqiqlasin;
yuridik shaxslarga imorat qurish uchun, shuningdek aholining ommaviy dam olishini tashkil etishga faqat Chorvoq suv omborining so‘l qirg‘og‘idan, Baqacho‘ldan Burchmullagacha bo‘lgan joydan yer ajratsin;
O‘zbekiston Respublikasi Qishloq va suv xo‘jaligi vazirligining O‘rmon xo‘jaligi bosh boshqarmasi bilan birgalikda Ugom-Chatqol Davlat milliy tabiat bog‘i o‘rmon xo‘jaligi korxonalarining kuchi bilan yer uchastkalaridan foydalanuvchi buyurtmachilarning mablag‘lari hisobiga 2002 — 2005-yillarda kurort-rekreatsiya zonasi o‘rmonzorga aylantirilishini ta’minlasin;
bir oy muddatda “O‘zbekneftgaz” milliy xolding kompaniyasi, “O‘zbekenergo” davlat-aksiyadorlik kompaniyasi, “O‘zkommunxizmat” agentligi va Toshkent shahrining bosh rejasi ilmiy-tadqiqot va loyiha instituti bilan birgalikda Chimyon-Chorvoq kurort-rekreatsiya zonasida joylashgan turar joy va ma’muriy binolarning energiya ta’minoti manbalarini (issiqlik ta’minoti va ovqat pishirish) variantlarini ko‘rib chiqsin va qaror qabul qilsin.
Belgilab qo‘yilsinki, yuqorida ko‘rsatib o‘tilgan maqsadlar uchun yer uchastkalariga egalik qilish va ulardan foydalanish huquqi Toshkent viloyati hokimining tegishli qarori qabul qilingan holda kim oshdi savdosi orqali amalga oshiriladi.
4. O‘zbekiston Respublikasi Yer resurslari davlat qo‘mitasi 3 oy muddatda yerlarni xatlovdan o‘tkazishni va qishloq xo‘jalik yer maydonlarini keyinchalik belgilangan tartibda Chimyon-Chorvoq kurort-rekreatsiya zonasida qurilishga yer ajratish uchun ularning qiymat jihatidan baholanishini tugallasin.
O‘zbekiston Respublikasi Yer resurslari davlat qo‘mitasi bilan birgalikda 2001-yil oxirigacha Chimyon-Chorvoq kurort-rekreatsiya zonasi yerlarini kadastr jihatidan baholasin;
“Gidroloyiha” instituti, O‘zbekiston Respublikasi Davlat tabiatni muhofaza qilish qo‘mitasi va Sog‘liqni saqlash vazirligi bilan birgalikda 2001-yil oxirigacha tegishli hujjatni rasmiylashtirgan holda Chorvoq suv omborining butun qirg‘og‘i bo‘ylab suv gorizontining eng yuqori sathi bo‘yicha sanitariya zonasining 100 metrlik chegarasini belgilasin.
“O‘zbekenergo” davlat-aksiyadorlik kompaniyasi 2002-yil 1-iyungacha — Chimyon-Chorvoq kurort-rekreatsiya zonasi tashqi elektr ta’minoti obyektlarini loyihalashtirsin va qursin;
“O‘zavtoyo‘l” konserni — 2002-yil 1-avgustgacha Chorvoq-Yusupxona avtoyo‘lini rekonstruksiya qilishni tugallasin;
“O‘zbekiston temir yo‘llari” davlat-aksiyadorlik kompaniyasi — 2002-yil 1-iyungacha Xo‘jakent temir yo‘l stansiyasida avtostansiya qurilishini tugallasin.
2002-yil 1-iyungacha Chorvoq suv omborining Baqacho‘l plyaj zonasini obodonlashtirish ishlarini bajarsin va ushbu zonadagi tugallanmagan 3 binoni qurib bitkazsin;
2003-yil 1-sentabrgacha Chimyonda 100 o‘rinli mehmonxonasi bo‘lgan 3000 kishini qabul qiluvchi Jamoatchilik markazi qurilishini tugallasin.
8. Nasos stansiyalari qurilishini 2002-yilning I yarim yilligida, suv ta’minoti obyektlari qurilishini esa — 2003-yilda tugallagan holda magistral suv ta’minoti obyektlari qurilishi bo‘yicha buyurtmachi va pudratchi funksiyasi “O‘zkommunxizmat” agentligiga, texnik suv ta’minoti nasos stansiyalari bo‘yicha esa — O‘zbekiston Respublikasi Qishloq va suv xo‘jaligi vazirligiga yuklansin.
9. O‘zbekiston Respublikasi Qishloq va suv xo‘jaligi vazirligining O‘rmon xo‘jaligi bosh boshqarmasi 2001-yil 1-dekabrgacha bo‘lgan muddatda Chimyon—Chorvoq kurort-rekreatsiya zonasida o‘rmon daraxtlari va manzarali daraxtlarni joylashtirish sxemasini ishlab chiqsin.
10. O‘zbekiston Respublikasi Makroiqtisodiyot va statistika vazirligi tozalash inshootlari, kanalizatsiya va suv ta’minotining magistral obyektlari qurilishini mablag‘ bilan ta’minlash budjet mablag‘lari hisobiga amalga oshirilishini nazarda tutgan holda Chimyon—Chorvoq kurort-rekreatsiya zonasi obyektlari qurilishini mablag‘ bilan ta’minlash manbalarini aniqlab respublikaning investitsiya dasturlariga kiritishni nazarda tutsin.
11. Navoiy va Olmaliq kon-metallurgiya kombinatlari, “O‘zmetkombinat” birlashmasi, “O‘zsanoatqurilishbank”, “Paxta-bank”ning Chorvoq suv ombori plyaj zonasining tugallanmagan obyektlari qurilishi o‘z mablag‘lari hisobiga ular tomonidan 2002-yilda tugallanishi to‘g‘risidagi takliflari qabul qilinsin.
O‘zbekiston Respublikasi Davlat mulki qo‘mitasi, Toshkent shahri va Toshkent viloyati hokimliklari bir oy muddatda ushbu obyektlar ro‘yxatini aniqlasin va ular ustav fondida davlat ulushini tegishli ravishda ko‘paytirgan holda ko‘rsatib o‘tilgan korxonalar balansiga bersinlar.
12. Chimyon-Chorvoq kurort-rekreatsiya zonasida obyektlar qurayotgan tashkilotlarga ushbu maqsadlar uchun import qilinadigan qurilish asbob-uskunalari, mashina va mexanizmlar uchun qo‘shilgan qiymat solig‘i va bojxona bojlari bo‘yicha O‘zbekiston Respublikasi Vazirlar Mahkamasining 2000-yil 5-avgustdagi 305-son qarorining 8-bandida nazarda tutilgan imtiyozlar tatbiq etilsin.
“Chatqol” aksiyadorlik kompaniyasi va muassislarning Chimyon-Chorvoq kurort-rekreatsiya zonasi qurilishiga va uni rivojlantirishga yo‘naltirilayotgan mablag‘lari soliqlarning barcha turlarini to‘lashdan istisno tariqasida uch yil muddatga ozod qilinsin, “Chatqol” aksiyadorlik kompaniyasining bo‘shab qoladigan mablag‘lari tegishli ravishda davlat ulushi hisobiga uning ustav fondiga kiritilsin.
13. Chimyon-Chortoq kurort-rekreatsiya zonasi obyektlarida loyihalash va qurilish ishlari 2001-yil oxirigacha istisno tariqasida bir paytda olib borilishiga ruxsat berilsin.
14. “Chatqol” aksiyadorlik kompaniyasi O‘zbekiston Respublikasi Favqulodda vaziyatlar vazirligi bilan birgalikda 2002-yil 1-iyungacha suvda qutqarish xizmatini binolar, suzish vositalari va maxsus g‘avvoslik anjomlari bilan ta’minlasin.
Oldingi tahrirga qarang.
15. O‘zbekiston Respublikasi Ichki ishlar vazirligi Toshkent viloyati hokimligi bilan birgalikda Chimyon-Chorvoq kurort-rekreatsiya zonasida Bo‘stonliq tuman ichki ishlar bo‘limining shtatdagi xodimlari soni 20 nafar bo‘lgan bo‘linmasini tashkil etsin.
O‘zbekiston Respublikasi Moliya vazirligi Chimyon-Chorvoq kurort-rekreatsiya zonasida qurilish tugallangunga qadar bo‘linmasining shtatdagi xodimlariga sarflanadigan xarajatlarni har yili mablag‘ bilan ta’minlashni nazarda tutsin.
(15-band O‘zbekiston Respublikasi Vazirlar Mahkamasining 2018-yil 3-maydagi 321-sonli qarori tahririda — Qonun hujjatlari ma’lumotlari milliy bazasi, 04.05.2018-y., 09/18/321/1154-son)
16. Vazirlar Mahkamasining “Chimyon-Chorvoq zonasi tabiiy boyliklarini saqlash hamda hududni o‘zlashtirishga kompleks va izchillik bilan yondashishni ta’minlash choralari to‘g‘risida” 2000-yil 10-martdagi 83-son qarori bilan tashkil etilgan respublika shtabining yangilangan tarkibi 3-ilovaga muvofiq tasdiqlansin.
Vazirlar Mahkamasining “Chimyon-Chorvoq zonasi tabiiy boyliklarini saqlash hamda hududni o‘zlashtirishga kompleks va izchillik bilan yondashishni ta’minlash choralari to‘g‘risida” 2000-yil 10-martdagi 83-son qaroriga 6-ilova o‘z kuchini yo‘qotgan deb hisoblansin.
17. Mazkur qarorning bajarilishini nazorat qilish O‘zbekiston Respublikasi Prezidentining Davlat maslahatchisi I.H. Jo‘rabekov va O‘zbekiston Respublikasi Bosh vazirining o‘rinbosari A.N. Isayev zimmasiga yuklansin.
Oldingi tahrirga qarang.
(4-band O‘zbekiston Respublikasi Vazirlar Mahkamasining 2006-yil 24-martdagi 51-sonli qarori tahririda— O‘R QHT, 2006-y., 12-13-son, 105-modda)
Keyingi tahrirga qarang.
Jo‘rabekov I.H. | — | O‘zbekiston Respublikasi Prezidentining Davlat maslahatchisi, shtab raisi | |
Xudoybergenov T.A. | — | O‘zbekiston Respublikasi Prezidentining Davlat maslahatchisi, rais o‘rinbosari | |
Isayev A.N. | — | O‘zbekiston Respublikasi Bosh vazirining o‘rinbosari, rais o‘rinbosari | |
Mirzaqulov U.M. | — | Toshkent viloyati hokimi, rais o‘rinbosari | |
To‘laganov K.N. | — | Toshkent shahri hokimi, rais o‘rinbosari | |
Alixo‘jayev O.S. | — | Vazirlar Mahkamasining Qurilish, qurilish materiallari sanoati, transport va aloqa kompleksi kotibiyati mudiri, shtab kotibi | |
Shtab a’zolari: | |||
Asatov X.A. | — | Toshkent viloyati hokimining birinchi o‘rinbosari | |
Ne’matov O‘.U. | — | Bo‘stonliq tumani hokimi | |
O‘taganov M.I. | — | Davlat chegaralarini himoya qiluvchi qo‘mita raisi | |
Tojibayev A.K. | — | “O‘zmontajmaxsusqurilish” uyushmasi raisi | |
Toxtayev A.R. | — | “Davarxitektqurilish” qo‘mitasi raisi | |
Shoismatov E.R. | — | “O‘zbekenergo” kompaniyasi raisi | |
Qurbonov E.Q. | — | Yer resurslari davlat qo‘mitasi raisi | |
Qosimov B.E. | — | Favqulodda vaziyatlar vaziri | |
Zohidov R.Q. | — | “O‘zbekiston temir yo‘llari” kompaniyasi raisi | |
Rahimov G‘.A. | — | Adliya vazirining birinchi o‘rinbosari | |
Azimov T.S. | — | “O‘zuyjoyjamg‘armabank” raisi | |
Xo‘jayev B.E. | — | Makroiqtisodiyot va statistika vazirining o‘rinbosari | |
Zinin V.I. | — | Moliya vazirining o‘rinbosari | |
Parpiyev B.R. | — | Ichki ishlar vazirining o‘rinbosari | |
Azimboyev T.A. | — | “O‘zavtoyo‘l” konserni raisining o‘rinbosari | |
Sherimbetov H.S. | — | Davlat tabiatni muhofaza qilish qo‘mitasi raisi | |
Niyozmatov B.I. | — | O‘zbekiston Respublikasi bosh sanitariya vrachi | |
Xolmuhamedov O‘.O. | — | “O‘zkommunxizmat” agentligi bosh direktori | |
Julin N.I. | — | “O‘ztransgaz” kompaniyasi bosh direktori | |
Isayev G.G. | � | “O‘zbekgidroenergoqurilish” tresti boshqaruvchisi | |
Akopdjanyan V.A. | — | Toshkent shahrining bosh rejasi ilmiy-tadqiqot va loyiha instituti direktori |