O‘zbekiston Respublikasi Prezidentining “Fuqarolarning O‘zbekiston Respublikasi Qurolli Kuchlarida muddatli harbiy xizmatni o‘tash shart-sharoitlarini takomillashtirish chora-tadbirlari to‘g‘risida” 2008-yil 20-noyabrdagi PF-4054-son Farmoni talablarini amalga oshirish, fuqarolarni muddatli harbiy xizmatga chaqirish va O‘zbekiston Respublikasi Qurolli Kuchlari rezerviga bo‘shatilgan harbiy xizmatchilarni yashash joylariga qaytarishning samarali tashkil etilishini ta’minlash maqsadida Vazirlar Mahkamasi qaror qiladi:
1. Fuqarolarni muddatli harbiy xizmatga yig‘ish va jo‘natish, ularni harbiy qismlarda qabul qilish, shuningdek O‘zbekiston Respublikasi Qurolli Kuchlari rezerviga bo‘shatilgan harbiy xizmatchilarni yashash joylariga qaytarish tartibi to‘g‘risidagi nizom ilovaga muvofiq tasdiqlansin.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari rahbarlarining — fuqarolarni uyushgan holda yig‘ish va muddatli harbiy xizmatga harbiy qismlarga tantanali vaziyatda jo‘natishni; O‘zbekiston Respublikasi Qurolli Kuchlari rezerviga bo‘shatilgan harbiy xizmatchilarning yashash joylarida tantanali ravishda kutib olinishini ta’minlash; muddatli harbiy xizmatni o‘tab bo‘lgan fuqarolarga qonun hujjatlarida belgilangan tartibda ishga joylashishda va oliy ta’lim muassasalariga o‘qishga kirishda ko‘maklashish yuzasidan;
Keyingi tahrirga qarang.
harbiy qismlar komandirlarining — muddatli harbiy xizmatga yangidan chaqirilgan harbiy xizmatchilarni qo‘shinlarda qabul qilib olish bo‘yicha tantanali tadbirlarni o‘tkazish, ularni harbiy xizmat sharoitlariga ko‘niktirish; oziq-ovqat va kiyim-kechaklarning barcha turlari bilan ta’minlash, jangovar va ijtimoiy-siyosiy jihatdan samarali tayyorlash, ma’naviy-axloqiy va vatanparvarlik ruhida tarbiyalash; O‘zbekiston Respublikasi Qurolli Kuchlari rezerviga bo‘shatilgan muddatli harbiy xizmatchilarni harbiy qismlardan uyushgan holda kuzatib qo‘yish yuzasidan;
O‘zbekiston Respublikasi Vazirlar Mahkamasi huzuridagi Davlat test markazi rahbariyatining (B. Ismoilov) — muddatli harbiy xizmatga chaqirilayotgan fuqarolarni va O‘zbekiston Respublikasi Qurolli Kuchlari rezerviga bo‘shatilayotgan harbiy xizmatchilarni aloqador vazirliklar va idoralar tomonidan taqdim etilgan jadvallarga muvofiq test sinovlaridan o‘tkazish, shuningdek chaqiriluvchilarni test sinovlaridan o‘tkazish natijalarini mudofaa ishlari boshqarmalariga o‘z vaqtida taqdim etish yuzasidan shaxsan javobgarligi belgilab qo‘yilsin.
Keyingi tahrirga qarang.
3. O‘zbekiston Respublikasi Mudofaa vazirligi (K. Berdiyev), Ichki ishlar vazirligi (B. Matlyubov), Milliy xavfsizlik xizmati (R. Inoyatov), MXXning Davlat chegaralarini himoya qiluvchi qo‘mitasi (I. Ibragimov), O‘zbekiston aloqa va axborotlashtirish agentligi (A. Aripov):
Keyingi tahrirga qarang.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda Fuqarolarni muddatli harbiy xizmatga yig‘ish va jo‘natish, ularni harbiy qismlarda qabul qilish, shuningdek O‘zbekiston Respublikasi Qurolli Kuchlari rezerviga bo‘shatilgan harbiy xizmatchilarni yashash joylariga qaytarish tartibi to‘g‘risidagi nizom talablarining sifatli bajarilishini ta’minlasinlar;
Qoraqalpog‘iston Respublikasi, viloyatlar va Toshkent shahar yig‘ish punktlariga belgilangan namunadagi ashyoviy buyumlarning yetkazilishini hamda muddatli harbiy xizmatga yangidan chaqirilgan harbiy xizmatchilarga berilishini ta’minlasinlar.
uch oy muddatda Chaqiruv komissiyalari to‘g‘risidagi nizom hamda 2009 — 2012-yillarda chaqiruv va yig‘ish punktlarini rekonstruksiya va modernizatsiya qilish dasturi loyihalarini ishlab chiqsin va tasdiqlash uchun O‘zbekiston Respublikasi Vazirlar Mahkamasiga kiritsin;
2009-yil 1-martgacha “Davarxitektqurilish” qo‘mitasi (N. Xanov) hamda “Harbiyloyiha” loyihalash instituti (A. Timoshenko) bilan birgalikda viloyatlar va tumanlar (shaharlar)ning chaqiruv punktlari infratuzilmasi va hududlarini zamonaviy talablarga muvofiqlashtirish maqsadida chaqiruv va yig‘ish punktlarining namunaviy loyihasini ishlab chiqsin.
5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Mehnat va aholini ijtimoiy muhofaza qilish vazirligining mahalliy organlari bilan birgalikda O‘zbekiston Respublikasi Qurolli Kuchlarida muddatli harbiy xizmatni o‘tab bo‘lgan fuqarolarni qonun hujjatlarida belgilangan tartibda, ular egallagan harbiy va xo‘jalik ixtisosliklarni hisobga olgan holda ishga joylashtirish chora-tadbirlarini ko‘rsinlar.
Keyingi tahrirga qarang.
6. O‘zbekiston Respublikasi Sog‘liqni saqlash vazirligi (F. Nazirov) Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda joylardagi tibbiy komissiyalarning samarali ishlashini, chaqiriluvchilarning tibbiy ko‘rikdan sifatli va xolisona o‘tkazilishini, shuningdek chaqiruv va yig‘ish punktlarining zarur tibbiy asbob-uskunalar va anjomlar bilan qo‘shimcha ravishda jihozlanishini ta’minlasin.
7. Oliy va o‘rta maxsus ta’lim vazirligi (A. Parpiyev) O‘zbekiston Respublikasi Vazirlar Mahkamasi huzuridagi Davlat test markazi (B. Ismoilov), tegishli vazirliklar va idoralar bilan birgalikda muddatli harbiy xizmatni o‘tab bo‘lgan fuqarolarning oliy ta’lim muassasalariga o‘qishga kirishga sifatli tayyorlanishi uchun zarur tashkiliy-texnik shart-sharoitlarni ta’minlash, zarur metodik yordamni tashkil etish bo‘yicha chora-tadbirlar kompleksini amalga oshirsin.
8. Ushbu qaror talablarini bajarish bo‘yicha tadbirlarni mablag‘ bilan ta’minlash davlat budjeti va mahalliy budjetlar mablag‘lari hisobiga belgilangan tartibda amalga oshirilishi ma’lumot uchun qabul qilinsin.
Keyingi tahrirga qarang.
9. O‘zbekiston milliy teleradiokompaniyasi (A. Xodjayev), O‘zbekiston Milliy axborot agentligiga (M. Hazratqulov) Fuqarolarni muddatli harbiy xizmatga yig‘ish va jo‘natish, ularni harbiy qismlarda qabul qilish, shuningdek O‘zbekiston Respublikasi Qurolli Kuchlari rezerviga bo‘shatilgan harbiy xizmatchilarni yashash joylariga qaytarish tartibi to‘g‘risidagi nizom talablarini amalga oshirish tadbirlarining ommaviy axborot vositalarida keng yoritilishini tashkil etish tavsiya qilinsin.
O‘zbekiston Respublikasi Vazirlar Mahkamasining “Fuqarolarni muddatli harbiy xizmatga yig‘ish va jo‘natish, ularni harbiy qismlarda qabul qilish, shuningdek O‘zbekiston Respublikasi Qurolli Kuchlari rezerviga bo‘shatilgan harbiy xizmatchilarni yashash joylariga qaytarish tartibi to‘g‘risida” 2005-yil 15-martdagi 84-son qarori (O‘zbekiston Respublikasi QT, 2005-y., 3-4-son, 15-modda);
Vazirlar Mahkamasining “O‘zbekiston Respublikasi Prezidentining “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari to‘g‘risida” 2007-yil 6-apreldagi PQ-616-son qarorini amalga oshirish chora-tadbirlari haqida 2007-yil 8-maydagi 95-son qaroriga 2-ilovaning 12-bandi (O‘zbekiston Respublikasi QT, 2007-y., 5-son, 25-modda) o‘z kuchini yo‘qotgan deb hisoblansin.
11. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R.S. Qosimov va F.Sh. Akbarova zimmasiga yuklansin.
1. Mazkur Nizom fuqarolarni muddatli harbiy xizmatga yig‘ish va jo‘natish, ularni harbiy qismlarda qabul qilish, shuningdek O‘zbekiston Respublikasi Qurolli Kuchlari rezerviga bo‘shatilgan harbiy xizmatchilarni yashash joylariga qaytarish tartibini, davlat organlarining ushbu ishlarni amalga oshirish bo‘yicha vazifalarini belgilaydi.
Keyingi tahrirga qarang.
3. O‘zbekiston Respublikasi Qurolli Kuchlarining Birlashgan shtabi O‘zbekiston Respublikasi Prezidentining fuqarolarni muddatli harbiy xizmatga chaqirish hamda muddatli harbiy xizmatning belgilangan muddatlarini o‘tab bo‘lgan shaxslarni Qurolli Kuchlar rezerviga bo‘shatish to‘g‘risidagi qarori e’lon qilingandan keyin o‘n kun muddatda chaqiriluvchilarni harbiy qismlarga jo‘natishning umumiy jadvalini ishlab chiqadi. Chaqiriluvchilarni harbiy qismlarga jo‘natish jadvallari besh kun muddatda harbiy okruglar qo‘shinlari qo‘mondonlari, O‘zbekiston Respublikasi Mudofaa vazirligining markaziy bo‘ysunishdagi qo‘shinlari harbiy qismlari komandirlari, Ichki ishlar vazirligi, Milliy xavfsizlik xizmati qo‘shilmalari va harbiy qismlari komandirlariga, O‘zbekiston aloqa va axborotlashtirish agentligiga, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga ularga tegishli qismi bo‘yicha yetkaziladi.
Keyingi tahrirga qarang.
4. Fuqarolarni muddatli harbiy xizmatga chaqirish, safarbarlik chaqiruvi rezerviga xizmatga olish tuman (shahar) chaqiruv punktida amalga oshiriladi.
Tuman (shahar) chaqiruv punkti fuqarolarni tibbiy ko‘rikdan o‘tkazish bo‘yicha chaqiruv va tibbiy komissiyalar ishini tashkil etish, fuqarolarni muddatli harbiy xizmatga va safarbarlik chaqiruvi rezerviga xizmatga chaqirish, ularni Qoraqalpog‘iston Respublikasi, viloyatlar va Toshkent shahar yig‘ish punktlariga (keyingi o‘rinlarda “yig‘ish punktlari” deb ataladi) tashkiliy jo‘natish uchun mo‘ljallangan.
Tuman (shahar) chaqiruv punktlari, qoidaga ko‘ra, mudofaa ishlari bo‘limi bilan bir binoda yoki uning hududida joylashadi.
chaqiriluvchilar chaqiruv punktida bo‘lgan vaqtda ular orasida madaniy-tarbiyaviy ishlar olib boradigan xona (100 kishiga);
mutaxassis vrachlar chaqiriluvchilarni tibbiy ko‘rikdan o‘tkazishi uchun xona, bir nafar mutaxassis vrachga bir xona hisobidan;
Chaqiriluvchilarning harbiy qismlarga jo‘natish uchun mudofaa ishlari bo‘limlariga kelish vaqti ularning yig‘ish punktlariga harbiy komandalarning harbiy qismlarga jo‘natilishidan kamida 6 soat oldin yetib kelishi hisobga olingan holda belgilanadi.
Chaqiriluvchilarni yig‘ish punktlariga jo‘natish mahalliy davlat hokimiyati organlari tomonidan ajratilgan avtotransportda mudofaa ishlari bo‘limlari, yo‘l harakati xavfsizligi xizmati xodimlari hamrohligida tashkiliy ravishda va chaqiriluvchilarni jo‘natish jadvallarida belgilangan muddatlarda amalga oshiriladi.
jo‘natilayotgan fuqarolarga harbiy guvohnomalar berishi va ulardan ro‘yxatdan o‘tkazish guvohnomalari va pasportlarni olib qo‘yishi;
5. Chaqiriluvchilarni qo‘shinlarga jo‘natish Qoraqalpog‘iston Respublikasi, viloyatlar va Toshkent shahar yig‘ish punktlarida amalga oshiriladi.
Yig‘ish punktlari chaqiriluvchilarni nazorat tibbiy ko‘rigidan o‘tkazish, tumanlar (shaharlar) chaqiruv komissiyalari tomonidan chaqiriluvchilarni O‘zbekiston Respublikasi Qurolli Kuchlari qo‘shinlarining har xil turlari bo‘yicha tayinlash to‘g‘risida qabul qilgan qarorlarining qonuniyligini tekshirish, chaqiriluvchilarni safarbarlik chaqiruvi rezerviga xizmatga olish, sog‘lig‘ining holatiga ko‘ra chaqiruvni kechiktirish, komandalarni shakllantirish, ularni komandalarni qabul qilish va ularga hamrohlik qilish uchun kelgan harbiy qismlar vakillariga berish, muddatli harbiy xizmatning yangidan chaqirilgan harbiy xizmatchilarini yo‘lda zarur bo‘lgan barcha zarur narsalar bilan ta’minlash va komandalarni qo‘shinlarga tashkiliy jo‘natish uchun mo‘ljallangan.
Keyingi tahrirga qarang.
chaqiriluvchilar belgilangan kiyim-kechakni qayta kiyib oladigan xonasi bo‘lgan shaxsiy tarkibni sanitariya ko‘rigidan o‘tkazish uchun bino (hammom) (50 kishiga);
yangidan chaqirilgan harbiy xizmatchilar bilan tantanali kuzatish marosimini o‘tkazish uchun saf tortish maydoni (300 kishiga);
yig‘ish punkti ma’muriyati uchun bino (yig‘ish punkti boshlig‘i, yig‘ish punkti navbatchisi, harbiy komandalarni shakllantirish bo‘limi, harbiy qismlar va mudofaa ishlari bo‘limlari vakillarining ishlashi uchun xonalar);
chaqiriluvchilarning shaxsiy moslashuv salohiyatini va intellektual darajasini aniqlash bo‘yicha ularni psixologik tekst sinovidan o‘tkazish uchun ikkita sinf (har biri 50 kishiga mo‘ljallangan);
yangidan chaqirilgan harbiy xizmatchilarni tantanali kuzatish va ularni harbiy qismlar vakillariga berish uchun bino (300 kishiga);
yangi chaqirilganlarni qabul qilib olish va harbiy qismlarga kuzatib borish uchun qo‘shinlardan kelgan shaxsiy tarkibni joylashtirish uchun bino (50 kishiga);
tibbiy (chaqiruv) komissiyasidan o‘tish uchun mudofaa ishlari bo‘limlaridan kelgan shaxsiy tarkibni joylashtirish uchun bino (100 kishiga);
Keyingi tahrirga qarang.
mutaxassis vrachlar chaqiriluvchilarni tibbiy ko‘rikdan o‘tkazishi uchun xona, bir nafar mutaxassis vrachga bir xona hisobidan;
tashrif buyuruvchilarning chaqiruv komissiyasi raisi va uning a’zolari tomonidan qabul qilinishi uchun xona;
Keyingi tahrirga qarang.
Chaqiruv va yig‘ish punktlari harbiy-vatanparvarlik mavzusi bo‘yicha zarur ko‘rgazmali tashviqotlar, aloqa vositalari va ovozni kuchaytiradigan aloqa apparatlari bilan jihozlangan bo‘lishi, elektr va issiqlik energiyasi bilan uzluksiz ta’minlanishi kerak.
Binolar va xonalar, chaqiruv va yig‘ish punktlarining ayrim elementlari tasdiqlangan namunaviy loyihalar talablariga muvofiq bo‘lishi kerak.
6. Yig‘ish punktlarida muddatli harbiy xizmatga yangidan chaqirilganlarni mudofaa ishlari bo‘limlari vakillaridan qabul qilib olish va ularni harbiy qismlar vakillariga berish nomma-nom ro‘yxat bo‘yicha amalga oshiriladi. Harbiy qismlarning vakillari (komandalarning boshliqlari) yangidan chaqirilgan harbiy xizmatchilarning zarur hujjatlarini oladilar.
kiyim-kechak to‘liq almashtirilgan holda hammomda yuvintiriladi va ashyoviy mulk bilan ta’minlanadi, bunda yangidan chaqirilgan harbiy xizmatchilarning fuqarolik kiyim-kechagi ularning ota-onalariga, ota-onalarga tenglashtirilgan shaxslarga qaytariladi;
chaqiruv komissiyasining qarori e’lon qilinadi, xavfsizlik chora-tadbirlari va boriladigan yo‘lda o‘zini tutish qoidalari bo‘yicha yo‘riqnoma beriladi;
Keyingi tahrirga qarang.
7. Muddatli harbiy xizmatning yangidan chaqirilgan harbiy xizmatchilarini qayta kiyintirish uchun yig‘ish punktlarida vaqtinchalik kiyintirish punktlari tashkil etiladi.
Chaqiruv boshlangunga qadar Mudofaa vazirligi, Ichki ishlar vazirligi, MXXning Davlat chegaralarini himoya qiluvchi qo‘mitasi, Milliy xavfsizlik xizmatining boshqa harbiy tuzilmalari va O‘zbekiston aloqa va axborotlashtirish agentligining mansabdor shaxslari tomonidan belgilangan hisob-kitobga muvofiq yangidan chaqirilgan harbiy xizmatchilar uchun ashyoviy mulk yetkaziladi.
Keyingi tahrirga qarang.
Qishki reja bo‘yicha ashyoviy mulk berish Mudofaa vazirligi, Ichki ishlar vazirligi, Davlat chegaralarini himoya qiluvchi qo‘mita, Milliy xavfsizlik xizmatining boshqa harbiy tuzilmalari va O‘zbekiston aloqa va axborotlashtirish agentligining mansabdor shaxslari tomonidan amalga oshiriladi.
Keyingi tahrirga qarang.
8. Mudofaa ishlari boshqarmalari boshliqlari yig‘ish punktlarida chaqiruv komissiyalarining qarorlari bilan muddatli harbiy xizmatga olingan chaqiriluvchilarga “Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonunining 27-moddasiga muvofiq ular O‘zbekiston Respublikasi Qurolli Kuchlarining muddatli xizmatiga yangidan chaqirilgan harbiy xizmatchilari ekanligini e’lon qiladi. Harbiy xizmatchilarga havo, temir yo‘l va avtomobil transporti qatnovi yo‘lida xavfsizlik choralari va xatti-harakat qoidalari bo‘yicha yo‘riqnomalar beriladi. Harbiy xizmatchilarga va ularning kuzatish uchun kelgan ota-onalariga muddatli harbiy xizmatni tashkil etish bo‘yicha normativ-huquqiy hujjatlar, muddatli harbiy xizmatchilarning huquqlari, vazifalari va imtiyozlari, O‘zbekiston Respublikasi Qurolli Kuchlari qo‘shinlarining har xil turlarida muddatli harbiy xizmatni o‘tash xususiyatlari tushuntiriladi.
Keyingi tahrirga qarang.
9. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan mudofaa ishlari boshqarmalari bilan birgalikda yangidan chaqirilgan harbiy xizmatchilarni harbiy qismlarga jo‘natish jadvali olingandan keyin uch kun muddatda ularni harbiy qismlarga tantanali kuzatish marosimini tashkil etish va o‘tkazish rejasi tuziladi.
Harbiy qismlarga yuborilayotgan yangidan chaqirilgan harbiy xizmatchilarni tantanali kuzatib qo‘yish chaqiruv komissiyalarining raislari — Qoraqalpog‘iston Respublikasi Vazirlar Kengashi Raisining o‘rinbosari, viloyatlar va Toshkent shahar hokimliklarining o‘rinbosarlari rahbarligida tashkil etiladi hamda hokimliklar, Xotin-qizlar qo‘mitasi, O‘zbekiston yoshlarining “Kamolot” ijtimoiy harakati, “Mahalla”, “Nuroniy” jamoat jamg‘armalari vakillari, harbiy xizmatchilarning ota-onalari ishtirokida o‘tkaziladi.
Keyingi tahrirga qarang.
harbiy xizmatchilar ota-onalar, hokimliklar, jamoatchilik vakillari bilan esdalik uchun suratga tushadilar.
10. Tantanali kuzatib qo‘yish tugallangandan keyin harbiy xizmatchilar xavfsizlik choralariga rioya qilgan holda va Ichki ishlar vazirligining Yo‘l harakati xavfsizligi davlat xizmati xodimlari hamrohligida tashkiliy ravishda transportda xizmat joylariga jo‘natish uchun vokzallarga (aeroportlarga) yuboriladi.
Harbiy xizmatchilar harakat xavfsizligi shartlariga javob beradigan, yo‘lovchilar tashish uchun mo‘ljallangan, texnik jihatdan tayyor transport vositalarida tibbiyot xodimlari hamrohligida xizmat joylariga yetkaziladi. Harbiy xizmatchilarni moslashtirilgan vagonlarda tashish qat’iyan taqiqlanadi.
11. Ommaviy axborot vositalari vakillari tomonidan harbiy xizmatchilarni harbiy qismlarga kuzatish bilan bog‘liq tantanali tadbirlarni keng yoritish tashkil etiladi.
12. Harbiy qo‘shilmalar va harbiy qismlarning komandirlari muddatli harbiy xizmatni o‘tash uchun kelgan harbiy xizmatchilarni vokzallar, aeroportlarda shaxsan kutib oladilar hamda ularning yo‘l harakati xavfsizligi xizmati xodimlari hamrohligida bevosita harbiy qismlarga tashkiliy ravishda yetkazilishini amalga oshiradilar.
13. Harbiy qismlarda yangidan chaqirilgan harbiy xizmatchilarni kutib olish munosabati bilan harbiy qismlarning komandirlari, hokimliklar va jamoat tashkilotlari vakillari ishtirokida qismga harbiy xizmatchilar kelganligiga bag‘ishlangan tantanali mitinglar o‘tkaziladi hamda bayram tushligi tashkil etiladi.
14. Qismlarning komandirlari tomonidan harbiy xizmatchilar bo‘linmalarda bo‘lgan dastlabki o‘n kunda:
yuqumli kasalliklarning oldini olish bo‘yicha tibbiy tadbirlar kompleksi (dastlabki tibbiy ko‘riklar, profilaktik emlash va sanitariya ko‘rigi), sanitariya madaniyati darajasini oshirish tadbirlari (shaxsiy va jamoat gigiyenasi qoidalariga rioya qilish);
jamoatchilikni jalb etgan holda joylarda “Sen xizmat qilayotgan o‘lka” rukni ostida mavzuli tadbirlar o‘tkaziladi. Bunday tadbirlar davomida harbiy xizmatchilarga viloyat, tuman, shaharning tarixi, iqtisodiy sohadagi muvaffaqiyatlar va yutuqlar, viloyat, tuman, shaharning hurmatli kishilari, harbiy qismning tashkil etilishi tarixi, uning an’analari hamda jangovar va ijtimoiy-siyosiy tayyorgarlik borasida erishgan yutuqlari to‘g‘risida axborot beriladi;
muddatli harbiy xizmatning harbiy xizmatchilari va ularning oila a’zolarining huquq va majburiyatlari, ularga belgilangan imtiyozlar, ashyolar va pul, ovqat bilan ta’minlash normalari, tibbiy va hammom-kir yuvish xizmatlari tartibi ma’lum qilinadi;
harbiy xizmatchilarni bo‘linmalarda shtatdagi lavozimlar bo‘yicha taqsimlash haqidagi qarorlar aniqlashtiriladi;
shaxsiy tarkib Harbiy qasamyodni, umumqo‘shin ustavlarini, muddatli harbiy xizmatni o‘tash masalalari bo‘yicha amaldagi qonun hujjatlari qoidalarini o‘rganadi;
Keyingi tahrirga qarang.
15. Harbiy xizmatchilarni jismoniy yuklamalarga moslashtirish maqsadida harbiy qismlar va bo‘linmalarning komandirlari, harbiy-tibbiy xizmatlar mutaxassislarining doimiy nazorati ostida:
ertalabki badantarbiyani amalga oshirish jarayonida shaxsiy tarkibni chiniqtirish va jismoniy tayyorgarlik bo‘yicha rejali mashg‘ulotlar;
harbiy xizmatchilarning yuklamalarga yakka tartibda jismoniy va ruhiy chidamliligini, ularning harbiy xizmatchilar organizmiga ta’siri darajasini aniqlash;
harbiy xizmatchilar tomonidan harbiy mutaxassisliklar sifatli o‘zlashtirib olinishiga, jismoniy va axloqiy kamol topishiga, barqaror xarakter, Vatanga muhabbat va uning himoyasi uchun tayyor turishga asoslangan qat’iy hayotiy nuqtayi nazar shakllanishiga yo‘naltirilgan muddatli harbiy xizmatchilarni jangovar va ijtimoiy-siyosiy, ma’naviy-axloqiy va vatanparvarlik ruhida samarali tarbiyalashni ta’minlash bo‘yicha tadbirlar amalga oshiriladi.
16. Muddatli harbiy xizmatchilarni rezervga bo‘shatish qonun hujjatlarida belgilangan muddatlarda amalga oshiriladi.
Keyingi tahrirga qarang.
17. O‘zbekiston Respublikasi Qurolli Kuchlarining Birlashgan shtabi O‘zbekiston Respublikasi Prezidentining fuqarolarni muddatli harbiy xizmatga chaqirish hamda muddatli harbiy xizmatning belgilangan muddatlarini o‘tab bo‘lgan shaxslarni Qurolli Kuchlar rezerviga bo‘shatish to‘g‘risidagi qarori e’lon qilingandan keyin Mudofaa vazirligining harbiy okruglari, markaziy bo‘ysunishdagi qo‘shilmalari va qismlari shtablari, Milliy xavfsizlik xizmati Chegara qo‘shinlari birlashmalari, Milliy xavfsizlik xizmatining harbiy qismlari, Ichki ishlar vazirligining Qorovullik xizmati qo‘shilmalari va qismlari shtablari, O‘zbekiston aloqa va axborotlashtirish agentligi ma’lumotlari asosida o‘n kun muddatda Qurolli Kuchlar uchun yagona bo‘lgan muddatli harbiy xizmatning belgilangan muddatlarini o‘tagan harbiy xizmatchilarni Qurolli Kuchlar rezerviga bo‘shatish rejasini ishlab chiqadilar.
Bo‘shatish rejasidan ko‘chirmalar harbiy okruglar, Mudofaa vazirligining markaziy bo‘ysunishdagi qo‘shilmalari va qismlari shtablariga, Milliy xavfsizlik xizmatining Chegara qo‘shinlari Bosh shtabiga, harbiy qismlariga, Ichki ishlar vazirligining Qorovullik qo‘shinlari Bosh boshqarmasiga, O‘zbekiston aloqa va axborotlashtirish agentligiga yuboriladi.
Keyingi tahrirga qarang.
18. Harbiy qismlar komandirlari mahalliy davlat hokimiyati organlari, jamoat tashkilotlari bilan o‘zaro hamkorlikda harbiy xizmatchilarning harbiy qism bilan tantanali xayrlashuvini ta’minlaydilar, xayrlashuv davomida:
muddatli harbiy xizmatning belgilangan muddatlarini o‘tab bo‘lgan harbiy xizmatchilarni yashash joylariga jo‘natishga bag‘ishlangan mitinglar;
rezervga bo‘shatilgan, jangovar va ijtimoiy-siyosiy tayyorgarlik a’lochilari bo‘lgan harbiy xizmatchilarga oliy ta’lim muassasalariga kirish uchun harbiy qismlar qo‘mondonligining tavsiyanomalarini topshirish;
19. Harbiy xizmatchilar Mudofaa vazirligining harbiy qismlaridan, Milliy xavfsizlik xizmatining Chegara qo‘shinlaridan, harbiy qismlaridan, Ichki ishlar vazirligining Qorovullik qo‘shinlaridan, O‘zbekiston aloqa va axborotlashtirish agentligidan, keyinchalik yashash joylariga jo‘natish uchun xavfsizlik choralariga rioya etgan holda belgilangan muddatlarda vokzallarga (aeroportlarga) yetkaziladi.
Keyingi tahrirga qarang.
20. Rezervga bo‘shatilayotgan harbiy xizmatchilarga harbiy guvohnoma va hisobga olish-xizmat qilish kartochkasi, ko‘rsatma, harbiy tashuv hujjatlari beriladi.
21. Qurolli Kuchlar rezerviga bo‘shatilgan harbiy xizmatchilarni mudofaa ishlari boshqarmasiga yetkazish harbiy qismlarning vakillari hamrohligida amalga oshiriladi.
22. Rezervga bo‘shatilgan harbiy xizmatchilarni tantanali kutib olish Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan joylardagi mudofaa ishlari boshqarmalari bilan o‘zaro hamkorlikda tashkil etiladi.
rezervga bo‘shatilgan harbiy xizmatchilarni kutib olishga bag‘ishlangan mitinglar o‘tkaziladi, mitingda hokimliklar, jamoat tashkilotlari vakillari, harbiy xizmatchilarning ota-onalari ishtirok etadilar;
Mehnat va aholini ijtimoiy muhofaza qilish vazirligining joylardagi organlari vakillari chiqishlari o‘tkaziladi, bunday chiqishlarda harbiy xizmatchilarga va ularning ota-onalariga ishga joylashtirish va kasbga o‘qitish yuzasidan ma’lumot beriladi, tegishli eslatmalar topshiriladi;
Keyingi tahrirga qarang.
rezervga bo‘shatilgan harbiy xizmatchilarni kutib olish bo‘yicha tantanali tadbirlar ommaviy axborot vositalarida yoritiladi.
Tantanali tadbirlar tamom bo‘lgandan keyin rezervga bo‘shatilgan harbiy xizmatchilar mudofaa ishlari bo‘limlari vakillari tomonidan xavfsizlik choralariga rioya etilgan holda tashkiliy tartibda transportda yashash joylariga yetkaziladi.
23. O‘zbekiston Respublikasi Mudofaa vazirligi rezervga bo‘shatilgan harbiy xizmatchilarni qonun hujjatlarida belgilangan tartibda hisobga olishni amalga oshiradi.
Keyingi tahrirga qarang.
24. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Mehnat va aholini ijtimoiy muhofaza qilish vazirligi bilan birgalikda Qurolli Kuchlarda muddatli harbiy xizmatni o‘tab bo‘lgan fuqarolar boshqa teng shartlarda (ta’lim, kasb malakasi va boshqalar) davlat muassasalari, tashkilotlari va korxonalariga ishga qabul qilishda mardlikning armiya maktabidan o‘tgan va vatanparvarlik tarbiyasi singdirilgan, harbiy tayyorgarlik ko‘rgan, mamlakatning eng faol va tayyorlangan kadrlar zaxirasi hisoblangan shaxslar sifatida ustunlik huquqidan foydalanishini hisobga oladilar.
Keyingi tahrirga qarang.
25. O‘zbekiston Respublikasi Mehnat va aholini ijtimoiy muhofaza qilish vazirligi “Aholini ish bilan ta’minlash to‘g‘risida”gi O‘zbekiston Respublikasi Qonuniga muvofiq:
Keyingi tahrirga qarang.
muddatli harbiy xizmatni o‘tab bo‘lgan fuqarolarni kasbga o‘qitish hamda ustun darajada davlat korxonalari, muassasalari va tashkilotlariga ishga joylashtirish;
fuqarolarning ko‘rsatib o‘tilgan toifasini ishga joylashtirish va ijtimoiy muhofaza qilish bo‘yicha Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari mehnat va aholini ijtimoiy muhofaza qilish bosh boshqarmalari, tuman (shahar) ishga joylashishga ko‘maklashish va ijtimoiy muhofaza markazlari faoliyati nazorat qilinishini;
Keyingi tahrirga qarang.
muddatli harbiy xizmatni o‘tab bo‘lgan fuqarolar bilan ularning mehnat huquqlarini tushuntirish bo‘yicha shaxsan ish olib borilishini;
mudofaa ishlari bo‘limlarining rezervga bo‘shatilgan harbiy xizmatchilar ishga joylashtirilishi va ijtimoiy muhofaza qilinishi to‘g‘risida belgilangan muddatlarda xabardor qilinishini;
rezervga bo‘shatilgan harbiy xizmatchilarni ishga joylashtirish yuzasidan olib borilgan ishlar to‘g‘risida O‘zbekiston Respublikasi Vazirlar Mahkamasiga belgilangan tartibda hisobotlar taqdim etilishini ta’minlaydilar.
26. Oliy va o‘rta maxsus ta’lim vazirligi Davlat test markazi, tegishli vazirliklar va idoralar bilan birgalikda:
muddatli harbiy xizmatni o‘tagan fuqarolardan bo‘lgan shaxslarni oliy ta’lim muassasalariga o‘qishga kirishga sifatli tayyorlash uchun zarur shart-sharoitlarni ta’minlaydi;
oliy ta’lim muassasalariga o‘qishga kirishda test sinovlari o‘tkazish davomida muddatli harbiy xizmat davomida jangovar va ijtimoiy-siyosiy tayyorgarlikda yuqori ko‘rsatkichlarga erishgan va harbiy qismlar qo‘mondonligining tegishli tavsiyanomalarini olgan fuqarolar uchun eng ko‘p to‘plash mumkin bo‘lgan ballning 25 foizi miqdorida qo‘shimcha ballar tarzidagi qonun hujjatlarida belgilangan imtiyozlarni hisobga oladi;
Keyingi tahrirga qarang.
harbiy qismlarning qo‘mondonligi tavsiyalari bo‘yicha rezervga bo‘shatilgan harbiy xizmatchilarning oliy ta’lim muassasalariga kirishi uchun zarur shart-sharoitlarni tashkil etish, test sinovi yakunlari va oliy ta’lim muassasalariga o‘qishga kirish bo‘yicha qilingan ishlar to‘g‘risida O‘zbekiston Respublikasi Vazirlar Mahkamasiga belgilangan tartibda hisobot taqdim etadi.