Oʻzbekiston Respublikasi Prezidentining “Iqtisodiyot real sektori korxonalarining moliyaviy barqarorligini yanada oshirish chora-tadbirlari toʻgʻrisida” 2008-yil 18-noyabrdagi PF-4053-son Farmoniga hamda Oʻzbekiston Respublikasi Prezidentining “Iqtisodiy nochor korxonalarni tijorat banklariga sotish tartibini tasdiqlash toʻgʻrisida” 2008-yil 19-noyabrdagi F-4010-son Farmoyishiga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar va qoʻshimcha kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Investitsiya va Xususiylashtirish investitsiya fondlari faoliyatini takomillashtirish chora-tadbirlari toʻgʻrisida” 1998-yil 25-sentabrdagi 410-son qarorida:

a) 2-ilovaning (Investitsiya fondlari toʻgʻrisida) 13-bandi birinchi xatboshidagi “50” raqami “400” raqami bilan almashtirilsin;

b) 3-ilovaning (Xususiylashtirish investitsiya fondlari toʻgʻrisida) 11-bandidagi “50” raqami “400” raqami bilan almashtirilsin.

2. Vazirlar Mahkamasining “Amalga oshirilayotgan iqtisodiy nochor korxonalarni tarkibiy oʻzgartirish va moliyaviy sogʻlomlashtirish samaradorligini oshirish chora-tadbirlari toʻgʻrisida” 2003-yil 18-apreldagi 188-son qarorida:

a) 4-bandda:

uchinchi—oltinchi xatboshilar quyidagi tahrirda bayon qilinsin:

“Qarzdor korxona bankrot deb eʼlon qilinganda va tugatish ishlari boshlanganda, agar qarzdor kreditori kreditorlar talabnomalari reyestriga kiritilgan, kreditor qarzi boʻyicha qarzdor kreditor qarzining umumiy summasidan 70 va undan koʻp foizi talabiga ega tijorat banki hisoblangan taqdirda tugatish ishi ochilganda, ushbu kreditor, garov predmeti hisoblangan mol-mulkdan tashqari, bank tomonidan:

“Bankrotlik toʻgʻrisida”gi Oʻzbekiston Respublikasi Qonuni 134-moddasining birinchi qismida nazarda tutilgan sarf-xarajatlarni toʻlashni va talablarni qondirishni va ish haqi boʻyicha qarzlarni toʻlashni;

tijorat banklari tomonidan bankrot korxona sotilgandan keyin bankrot korxonaning boshqa kreditorlik qarzini toʻlashni nazarda tutadigan majburiyatlar qabul qilinganda qarzdor korxonasi (mol-mulki)ni tugatish qiymati boʻyicha oʻz mulkiga oʻtkazish toʻgʻrisida sudga ariza bilan murojaat qilish huquqiga egadir.

Tijorat banki tomonidan “Bankrotlik toʻgʻrisida”gi Oʻzbekiston Respublikasi Qonunining 134-moddasining birinchi qismida nazarda tutilgan sarf-xarajatlar va talablarni qondirish va ish haqi boʻyicha qarzdorlikni toʻlash xoʻjalik sudi tomonidan kreditorlik qarzi tarkibida bank kreditlari boʻyicha 70 va undan koʻp foiz qarzdorlikka ega boʻlgan bankrot korxonaning mol-mulkini kreditor bankning mulkiga tugatish qiymati boʻyicha berish toʻgʻrisidagi qarori qabul qilingan paytdan boshlab bir oydan oshmasligi kerak.

Ushbu bandning uchinchi xatboshiga muvofiq tijorat bankining mulki qilib berilgan bankrot korxonaning kreditorlari bilan uzil-kesil hisob-kitoblar Oʻzbekiston Respublikasi Markaziy bankining qayta moliyalashtirish stavkasi boʻyicha hisoblab chiqilgan qoʻyilgan mablagʻlar boʻyicha foiz daromadi va sotish summasining 10 foizi miqdoridagi marja hisobga olingan holda ilgari bankrot korxonaga berilgan kreditlar boʻyicha qarzdorlik, faoliyatni tiklashga bankning xarajatlari chiqarib tashlangan holda keyinchalik korxonani bozor qiymati boʻyicha strategik investorlarga sotishdan tushgan mablagʻlar hisobiga amalga oshiriladi. Kreditorlarning talablari qondirilgandan keyin qolgan mablagʻlar foyda sifatida bankka yuboriladi. Mablagʻlar yetarli boʻlmaganda kreditorlar bilan hisob-kitoblar “Bankrotlik toʻgʻrisida”gi Oʻzbekiston Respublikasi Qonunining 134-moddasida nazarda tutilgan tartibda amalga oshiriladi.

Ushbu bandning toʻrtinchi xatboshida koʻrsatib oʻtilgan shartlar bank tomonidan bajarilganda, qarzdorning mol-mulki sud boshqaruvchisi tomonidan sud hujjatlari asosida tijorat bankining mulkiga oʻtkaziladi”;

yettinchi xatboshi toʻqqizinchi xatboshi deb hisoblansin;

toʻqqizinchi xatboshi chiqarib tashlansin;

b) 1-ilovada (Tarkibiy oʻzgartiriladigan korxonalarning, shuningdek ularga nisbatan bankrotlik tartiboti qoʻllanilgan korxonalarning mol-mulkini baholash va sotish tartibi toʻgʻrisida):

1-bandning ikkinchi xatboshi quyidagi tahrirda bayon qilinsin:

“Ushbu Nizom:

Oʻzbekiston Respublikasi tashqarisida joylashgan Oʻzbekiston Respublikasi mulki boʻlgan obyektlar boʻyicha bitishuvlarni amalga oshirishda;

12-bandning oltinchi xatboshiga quyidagi mazmundagi jumla qoʻshilsin:

“Ayrim bankrot korxonalarni tijorat banklariga sotishda balansni tashkil etish uchun zarur boʻlgan sotib olish toʻlovlari va boshqa majburiyatlar miqdorlari qonun hujjatlariga muvofiq belgilanadi”;

Oʻzbekiston Respublikasi Prezidentining 2008-yil 19-noyabrdagi F-4010-son Farmoyishi bilan tasdiqlangan Iqtisodiy nochor korxonalarni tijorat banklariga sotish tartibiga muvofiq bankrot korxonalarni tijorat banklariga sotishda qoʻllanilmaydi, ushbu Nizomning 3 —12-bandlari bundan mustasno”;

13-bandning uchinchi xatboshi quyidagi tahrirda bayon qilinsin:

“birja savdolari (faqat tarkibiy oʻzgartiriladigan korxonalarga nisbatan qoʻllaniladi)”;

27-bandda “83-moddasining toʻqqizinchi qismiga” soʻzlari “134-moddasining sakkizinchi va toʻqqizinchi qismlariga” soʻzlari bilan almashtirilsin.

3. Vazirlar Mahkamasining 2003-yil 19-apreldagi 189-son qarori (Oʻzbekiston Respublikasi QT, 2003-y., 4-son, 32-modda) bilan tasdiqlangan Investitsiya aktivlarining ishonchli boshqaruvchilari toʻgʻrisidagi Nizomning 4-bandi oʻz kuchini yoʻqotgan deb hisoblansin.