Avtomototransport vositalari bilan bog‘liq bitimlar tuzish tartibini takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasining “Avtomototransport vositalarini sotib olish, ulardan foydalanish va ularni boshqa shaxsga berishni tartibga solishga doir qo‘shimcha chora-tadbirlar to‘g‘risida” 2006-yil 7-martdagi 38-son qarori bilan belgilangan tartib 2008-yil 1-dekabrdan boshlab yuridik shaxslar o‘rtasida, jismoniy shaxslar o‘rtasida, shuningdek yuridik va jismoniy shaxslar o‘rtasida tuziladigan avtomototransport vositalari rentasi, ulardan bepul foydalanish, ularni garovga qo‘yish va lizing shartnomalarini tasdiqlashga ham joriy etilsin.
2. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
Oldingi tahrirga qarang.
(1-band O‘zbekiston Respublikasi Vazirlar Mahkamasining 2020-yil 16-iyundagi 384-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 16.06.2020-y., 09/20/384/0770-son)
2. Vazirlar Mahkamasining “Avtomototransport vositalarini sotib olish, ulardan foydalanish va ularni boshqa shaxsga berishni tartibga solishga doir qo‘shimcha chora-tadbirlar to‘g‘risida” 2006-yil 7-martdagi 38-son qarorida (O‘zbekiston Respublikasi QT, 2006-y., 3-son, 17-modda):
notariuslar tomonidan avtomototransport vositalaridan foydalanish va (yoki) ularni tasarruf etish ishonchnomalarini, boshqa shaxsga berish (oldi-sotdi, almashtirish, hadya etish, renta), ijaraga berish, tekin foydalanish, garovga qo‘yish, lizing shartnomalarini notarial tasdiqlash faqat “Davlat belgisi” davlat ishlab chiqarish birlashmasi tomonidan tayyorlanadigan, himoya darajasiga, seriyaga, tartib raqamiga va hududiy kodga ega bo‘lgan qat’iy hisobot beriladigan gerbli (maxsus) blankalarda amalga oshiriladi;
notarial tasdiqlangan boshqa shaxsga berish shartnomalari ro‘yxatdan o‘tkazilishi kerak, foydalanish va (yoki) tasarruf etish huquqiga ishonchnomalar va ijaraga berish, tekin foydalanish, garovga qo‘yish, lizing shartnomalari esa O‘zbekiston Respublikasi Ichki ishlar vazirligining DYHXX organlarida hisobga qo‘yilishi kerak”;
“Avtomototransport vositalari bilan bog‘liq bitimlarni rasmiylashtirish tartibi to‘g‘risidagi Nizom ilovaga muvofiq tasdiqlansin”;
“Avtomototransport vositalari bilan bog‘liq bitimlarni rasmiylashtirish tartibi to‘g‘risidagi Nizom”;
“1. Ushbu Nizom avtomototransport vositalaridan foydalanish va (yoki) ularni tasarruf etish ishonchnomalarini, boshqa shaxsga berish (oldi-sotdi, almashtirish, hadya etish, renta), ijaraga berish, tekin foydalanish, garovga qo‘yish, lizing shartnomalarini (keyingi o‘rinlarda “avtomototransport vositalari bilan bog‘liq bitimlar” deb yuritiladi) rasmiylashtirish tartibini belgilaydi;
birinchi xatboshidagi “avtomototransport vositalari bilan bog‘liq ishonchnomalar, ularni boshqa shaxsga berish (oldi-sotdi, ayirboshlash, hadya etish) va ijaraga berish shartnomalari” so‘zlari “Avtomototransport vositalari bilan bog‘liq bitimlar” so‘zlari bilan almashtirilsin;
uchinchi xatboshidagi “departamentining hududiy bo‘limlari sud ijrochilarining tuman (shahar) bo‘limlari sud ijrochilari” so‘zlari “departamentining hududiy boshqarmalari sud ijrochilari tuman (shahar) bo‘limlari” so‘zlari bilan almashtirilsin;
4-banddagi “O‘zbekiston Respublikasi hududiga boshqa davlatlardan olib kelingan avtomototransport vositalariga ishonchnomalar berish, ularni boshqa shaxsga berish va ijaraga berish” so‘zlari “O‘zbekiston Respublikasi hududiga boshqa davlatlardan olib kelingan avtomototransport vositalari bilan bog‘liq bitimlar tuzish” so‘zlari bilan almashtirilsin;
5-bandning ikkinchi xatboshidagi “ishonchnomalarini, boshqa shaxsga berish va ijaraga berish shartnomalarini” so‘zlari “bilan bog‘liq bitimlarni” so‘zlari bilan va 6-banddagi “ishonchnomalarni, ularni boshqa shaxsga berish va ijaraga berish shartnomalarini” so‘zlari “bitimlarni” so‘zlari bilan almashtirilsin;
“7. Notariuslar tomonidan avtomototransport vositalari bilan bog‘liq bitimlarni tasdiqlash boshqa shaxsga berish taqiqlanmaganligi va xatlab qo‘yilmaganligi tekshirilgandan keyin amalga oshiriladi, tasarruf etish huquqisiz ishonchnomalar bundan mustasno”;
8-bandning birinchi xatboshidagi “avtomototransport vositalari bilan bog‘liq ishonchnomalarni, ularni boshqa shaxsga berish va ijaraga berish shartnomalarini” so‘zlari “avtomototransport vositalari bilan bog‘liq bitimlar” so‘zlari bilan almashtirilsin, shuningdek ushbu xatboshi “ijaraga berish shartnomasi bo‘yicha ijaraga oluvchiga” so‘zlaridan keyin “tekin foydalanish shartnomasi bo‘yicha ssuda oluvchiga, garov shartnomasi bo‘yicha pul beruvchiga, lizing shartnomasi bo‘yicha lizing oluvchiga” so‘zlari bilan to‘ldirilsin;
“10. Notariuslar tomonidan tasdiqlangan avtomototransport vositalarini boshqa shaxsga berish shartnomalari, shuningdek avtotransport vositalarini ixtisoslashtirilgan savdo korxonalari va kimoshdi savdolari orqali sotish shartnomasi (bayonnoma) O‘zbekiston Respublikasi Vazirlar Mahkamasining “Avtomototransport vositalarini ro‘yxatdan o‘tkazish, qayta ro‘yxatdan o‘tkazish, ularning hisobini olib borish, milliy davlat raqami belgilarini berish va ularni almashtirish ishlarini tartibga solish haqida” 1997-yil 26-maydagi 256-son qaroriga muvofiq bir vaqtning o‘zida avtotransport vositasini ro‘yxatdan o‘tkazgan va hisobdan chiqargan holda sotib oluvchining yashash joyidagi (turgan joyidagi) DYHXX organlarida ro‘yxatdan o‘tkazilishi kerak.
Avtotransport vositalarini 18 yoshga to‘lmagan shaxslarga, mototransport vositalarini 16 yoshga to‘lmagan shaxslarga istisno tariqasida ro‘yxatdan o‘tkazishda ro‘yxatdan o‘tkazish guvohnomasi ushbu shaxslarga rasmiylashtiriladi, guvohnomaga va avtomototransport vositalarini ro‘yxatga olish kartochkasiga: “Transport vositasi egasi 18 (16) yoshga to‘lgunga qadar vasiylik va homiylik organlarining yoki ularning qonuniy vakillarining (ota-onalari, farzandlikka oluvchilar va homiylarning) ruxsatisiz avtomototransport vositalari bilan bog‘liq bitimlar tuzish taqiqlanadi” yozuvi kiritiladi.
Notariuslar tomonidan tasdiqlangan avtomototransport vositalari bilan bog‘liq bitimlar (ixtisoslashtirilgan savdo korxonalari va kimoshdi savdolari orqali sotish bo‘yicha boshqa shaxsga berish shartnomalari, shartnomalar (bayonnomalar) bundan mustasno) O‘zbekiston Respublikasi Ichki ishlar vazirligi tomonidan belgilangan tartibda avtomototransport vositasi ro‘yxatga olingan joydagi DYHXX organlarida hisobga qo‘yilishi kerak”;
birinchi xatboshidagi “avtomototransport vositalari bilan bog‘liq ishonchnomalar, ularni boshqa shaxsga berish va ijaraga berish shartnomalari” so‘zlari “avtomototransport vositalari bilan bog‘liq bitimlar” so‘zlari bilan almashtirilsin;
“DYHXX organlari tegishli notarial idoralardan ularga nisbatan avtomototransport vositalari bilan bitimlar tasdiqlangan avtomototransport vositalariga tegishli tezkor ma’lumotlarni olish yo‘li bilan avtomototransport vositalari bilan bog‘liq bitimlar avtomobil egalari (ijaraga oluvchilar va ishonchli shaxslar) tomonidan DYHXX organlarida o‘z vaqtida ro‘yxatdan o‘tkazilishi (hisobga qo‘yilishi) bo‘yicha talablarga rioya qilinishi ustidan nazoratni amalga oshiradi”;
12-bandning ikkinchi xatboshidagi “avtomototransport vositalari bilan bog‘liq ishonchnomalar, ularni boshqa shaxsga berish va ijaraga berish shartnomalari” so‘zlari “avtomototransport vositalari bilan bog‘liq bitimlar” so‘zlari bilan almashtirilsin.
Oldingi tahrirga qarang.
(3-band O‘zbekiston Respublikasi Vazirlar Mahkamasining 2020-yil 16-iyundagi 384-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 16.06.2020-y., 09/20/384/0770-son)