LexUZ sharhi
Mazkur qaror O‘zbekiston Respublikasi Vazirlar Mahkamasining 2009-yil 28-dekabrdagi 335-sonli “Xalqaro sanoat yarmarkasi va Kooperatsiya birjasi direksiyasi faoliyatini tashkil etish chora-tadbirlari to‘g‘risida”gi qaroriga muvofiq o‘z kuchini yo‘qotgan.
LexUZ sharhi
Mazkur hujjatga O‘zbekiston Respublikasi Vazirlar Mahkamasining 2009-yil 26-fevraldagi 55-sonli qaroriga asosan o‘zgartirishlar kiritilgan. Qarorning rus tilidagi matniga qarang.
O‘zbekiston Respublikasi Prezidentining “Ichki tarmoq va tarmoqlararo sanoat kooperatsiyasini yanada kuchaytirish chora-tadbirlari to‘g‘risida” 2007-yil 12-noyabrdagi PF-3937-son Farmonini bajarish yuzasidan hamda Respublika sanoat yarmarkasi va Kooperatsiya birjasi faoliyatini muntazam asosda tashkil etish maqsadida Vazirlar Mahkamasi qaror qiladi:
1. O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasining “O‘zekspomarkaz” MKK” ochiq aksiyadorlik jamiyati tuzilmasida Respublika sanoat yarmarkasi va Kooperatsiya birjasining Ijro etuvchi organini tashkil etish to‘g‘risidagi taklifiga rozilik berilsin.
2. Quyidagilar Respublika sanoat yarmarkasi va Kooperatsiya birjasi Ijro etuvchi organining asosiy vazifalari etib belgilansin:
Respublika sanoat yarmarkasi va Kooperatsiya birjasining muntazam asosda o‘tkazilishini tashkil etish;
ishlab chiqarilayotgan, import qilinayotgan va o‘zlashtirilishi istiqbolli bo‘lgan tovarlar to‘g‘risida, buning uchun ishlab chiqarish va texnologik resurslarga ega bo‘lgan mamlakatimiz korxonalari to‘g‘risida, shuningdek bunday tovarlarni ishlab chiqarishni davlat tomonidan qo‘llab-quvvatlash chora-tadbirlari to‘g‘risidagi ma’lumotlarning axborotlar bazasini, shu jumladan doimiy ravishda yangilab boriladigan Internet tarmog‘iga joylashtirish yo‘li bilan yuritish va xo‘jalik yurituvchi subyektlarni ulardan keng xabardor qilish;
sheriklarni izlab topishda hamda o‘zi ishlab chiqargan mahsulotni yetkazib berish yuzasidan mahalliy ishlab chiqaruvchilar o‘rtasida xo‘jalik shartnomalari tuzishda, shuningdek tarmoqlararo va ichki tarmoq ishlab chiqarish kooperatsiya aloqalarini yo‘lga qo‘yish va mustahkamlashda hamda xo‘jalik yurituvchi subyektlarning buyurtmalar portfellarini shakllantirishda ko‘maklashish;
Respublika sanoat yarmarkasi va Kooperatsiya birjasi tashkiliy qo‘mitasi qarorlarini amalga oshirish.
3. Respublika sanoat yarmarkasi va Kooperatsiya birjasi Ijro etuvchi organining xodimlarning cheklangan soni 12 nafardan iborat bo‘lgan (xizmat ko‘rsatuvchi xodimlardan tashqari) tuzilmasi 1-ilovaga muvofiq ma’qullansin.
Keyingi tahrirga qarang.
Respublika sanoat yarmarkasi va Kooperatsiya birjasi Ijro etuvchi organi faoliyatini tashkil etish tartibi to‘g‘risidagi nizom 2-ilovaga muvofiq tasdiqlansin.
4. O‘zbekiston Respublikasi Tashqi iqtisodiy aloqalar, investitsiyalar va savdo vazirligi Iqtisodiyot vazirligi, Davlat statistika qo‘mitasi, Davlat bojxona qo‘mitasi, boshqa manfaatdor tuzilmalar bilan birgalikda:
Respublika sanoat yarmarkasi va Kooperatsiya birjasining Ijro etuvchi organiga uning faoliyatini samarali tashkil etish uchun zarur bo‘lgan axborot materiallarni muntazam asosda taqdim etsin;
bir oy muddatda Respublika sanoat yarmarkasi va Kooperatsiya birjasi Ijro etuvchi organining samarali faoliyatini ta’minlovchi ma’lumotlarning axborot bazalarini shakllantirishda va doimiy ravishda yangilab borishda o‘zaro hamkorlik qilish tartibi to‘g‘risidagi Nizomni tasdiqlasin.
“O‘zekspomarkaz” MKK” ochiq aksiyadorlik jamiyati mablag‘lari, tuzilgan shartnomalardan olinadigan vositachilik haqi, xalqaro moliya institutlari va donor tashkilotlarning grant mablag‘lari, homiylik yordami va qonun hujjatlarida taqiqlanmagan boshqa manbalar Respublika sanoat yarmarkasi va Kooperatsiya birjasi Ijro etuvchi organi faoliyatini moliyalashtirish manbalari hisoblanadi;
“O‘zekspormarkaz” MKK” ochiq aksiyadorlik jamiyatining ko‘rgazma maydonlari kichik biznes korxonalariga — Respublika sanoat yarmarkasi va Kooperatsiya birjasi qatnashchilariga imtiyozli tariflar bo‘yicha beriladi.
6. 2008-yilda Respublika sanoat yarmarkasi va Kooperatsiya birjasini tayyorlash va o‘tkazish bo‘yicha Kompleks tadbirlar 3-ilovaga muvofiq tasdiqlansin.
Respublika sanoat yarmarkasi va Kooperatsiya birjasining doimiy faoliyat ko‘rsatuvchi tashkiliy qo‘mitasi (R. Azimov) davlat va xo‘jalik boshqaruvi organlari, korxonalarning 2008-yil oktyabr oyida Respublika sanoat yarmarkasi va Kooperatsiya birjasini sifatli tayyorlash va o‘tkazish bo‘yicha faoliyatini muvofiqlashtirishni ta’minlasin.
7. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
Keyingi tahrirga qarang.
1. Ushbu Nizom O‘zbekiston Respublikasi Prezidentining “Ichki tarmoq va tarmoqlararo sanoat kooperatsiyasini yanada kuchaytirish chora-tadbirlari to‘g‘risida” 2007-yil 12-noyabrdagi PF-3937-son Farmoniga muvofiq ishlab chiqilgan va Respublika sanoat yarmarkasi va Kooperatsiya birjasi hamda uning Ijro etuvchi organi faoliyatini tashkil etish tartibini belgilaydi.
2. Respublika sanoat yarmarkasi va Kooperatsiya birjasi xo‘jalik yurituvchi subyektlarni respublikada ishlab chiqarilayotgan mahsulotlar to‘g‘risida keng xabardor qilish, sheriklarni izlab topishda hamda o‘zi ishlab chiqargan mahsulotlarni yetkazib berish yuzasidan mamlakatimiz ishlab chiqaruvchilari o‘rtasida xo‘jalik shartnomalari tuzishda yordam ko‘rsatish maqsadida muntazam asosda o‘tkaziladi.
3. Respublika sanoat yarmarkasi va Kooperatsiya birjasi “O‘zekspomarkaz” MMK” ochiq aksiyadorlik jamiyati ko‘rgazma maydonlarida o‘tkaziladi.
4. Respublika sanoat yarmarkasi va Kooperatsiya birjasi faoliyatini tashkil etishda davlat va xo‘jalik boshqaruvi organlarining o‘zaro hamkorligi bilan bog‘liq masalalarni muvofiqlashtirish Respublika sanoat yarmarkasi va Kooperatsiya birjasining doimiy faoliyat ko‘rsatuvchi tashkiliy qo‘mitasi (keyingi o‘rinlarda tashkiliy qo‘mita deb ataladi) tomonidan amalga oshiriladi.
Respublika sanoat yarmarkasi va Kooperatsiya birjasini tayyorlash va o‘tkazish tashkiliy qo‘mita tomonidan tasdiqlanadigan Kompleks tadbirlar asosida amalga oshiriladi.
5. Respublika sanoat yarmarkasi va Kooperatsiya birjasining Ijro etuvchi organi (keyingi o‘rinlarda Ijro etuvchi organ deb ataladi) “O‘zekspomarkaz” MMK” ochiq aksiyadorlik jamiyatining tarkibiy bo‘linmasi hamda Respublika sanoat yarmarkasi va Kooperatsiya birjasi tashkiliy qo‘mitasining ishchi organi hisoblanadi.
Respublika sanoat yarmarkasi va Kooperatsiya birjasining muntazam asosda o‘tkazilishini tashkil etish;
ishlab chiqarilayotgan, import qilinayotgan va o‘zlashtirilishi istiqbolli bo‘lgan tovarlar to‘g‘risida, buning uchun ishlab chiqarish va texnologik resurslarga ega bo‘lgan mamlakatimiz korxonalari to‘g‘risida, shuningdek bunday tovarlarni ishlab chiqarishni davlat tomonidan qo‘llab-quvvatlash chora-tadbirlari to‘g‘risidagi ma’lumotlarning axborotlar bazasini, shu jumladan doimiy ravishda yangilab boriladigan Internet tarmog‘iga joylashtirish yo‘li bilan yuritish va xo‘jalik yurituvchi subyektlarni ulardan keng xabardor qilish;
sheriklarni izlab topishda o‘zi ishlab chiqargan mahsulotni yetkazib berish yuzasidan mahalliy ishlab chiqaruvchilar o‘rtasida xo‘jalik shartnomalari tuzishda, shuningdek tarmoqlararo va ichki tarmoq ishlab chiqarish kooperatsiya aloqalarini yo‘lga qo‘yish va mustahkamlashda hamda xo‘jalik yurituvchi subyektlarning buyurtmalar portfellarini shakllantirishda ko‘maklashish;
Respublika sanoat yarmarkasi va Kooperatsiya birjasi tashkiliy qo‘mitasi qarorlarini amalga oshirish.
ishlab chiqarilayotgan, import qilinayotgan va o‘zlashtirilishi istiqbolli bo‘lgan tovarlar to‘g‘risidagi, buning uchun ishlab chiqarish va texnologik resurslarga ega bo‘lgan mamlakatimiz korxonalari to‘g‘risidagi, shuningdek bunday tovarlarni ishlab chiqarishda davlat tomonidan qo‘llab-quvvatlash chora-tadbirlari to‘g‘risidagi (mavjud bo‘lgan taqdirda) doimiy ravishda yangilab boriladigan axborotlar ma’lumotlar bazasini Internet tarmog‘iga joylashtirish;
mamlakatimiz ishlab chiqaruvchilarini ichki bozorda ularning korxonalari bazasida, shuningdek o‘zlashtirilgan mahsulotlarning potensial iste’molchilari bo‘lgan korxonalarda ishlab chiqarish mumkin bo‘lgan tovarlarga, butlovchi buyumlarga va materiallarga bo‘lgan ehtiyoj to‘g‘risida aniq manzilli xabardor qilish;
import qiluvchilarning mamlakatimizdagi potensial mahsulot ishlab chiqaruvchilar bilan, shunga o‘xshash import qilinadigan mahsulotlarni ishlab chiqaruvchilar bilan ishlab chiqarish aloqalarini yo‘lga qo‘yish uchun amaliy uchrashuvlari va muzokaralarini tashkil etish;
mamlakatimiz ishlab chiqaruvchilarining birgalikdagi ishlab chiqarish faoliyatini va kooperatsiya aloqalarini yo‘lga qo‘yish maqsadida mamlakatimizning boshqa ishlab chiqaruvchilari bilan prezentatsiyalarini tashkil etish;
mamlakatimiz xo‘jalik yurituvchi subyektlarini Respublika sanoat yarmarkasi va Kooperatsiya birjasini o‘tkazish sanalari, tartibi va ularda qatnashish shartlari to‘g‘risida o‘z vaqtida xabardor qilish;
tashkil etilayotgan Respublika sanoat yarmarkasi va Kooperatsiya birjasida xo‘jalik yurituvchi subyektlarning — ishlab chiqaruvchilarning, birinchi navbatda mamlakatimizdagi import qilinayotganga o‘xshash mahsulotlar ishlab chiqaruvchi korxonalarning, shuningdek respublikada o‘zlashtirilishi istiqbolli bo‘lgan xorijiy tovarlarni import qiluvchilarning keng taqdim etilishini ta’minlash;
milliy ishlab chiqaruvchilarga sheriklarni izlab topishda va Respublika sanoat yarmarkasi va Kooperatsiya birjasi doirasida o‘z mahsulotini mamlakatimiz korxonalariga yetkazib berish yuzasidan shartnomalar tuzishda ko‘maklashish;
Respublika sanoat yarmarkasi va Kooperatsiya birjasi doirasida xo‘jalik yurituvchi subyektlar bilan tuzilgan shartnomalarni ro‘yxatdan o‘tkazish va ularning reyestrini yuritish, shuningdek bunday shartnomalar qatnashchilariga ushbu reyestrdan ko‘chirmalar berish;
tarmoqlararo Respublika sanoat yarmarkasi va Kooperatsiya birjasi doirasida tuzilgan shartnomalarning bajarilishini tahlil qilish;
tarmoq va mintaqaviy sanoat yarmarkalari tashkilotchilariga ularni o‘tkazishda metodik yordam ko‘rsatish;
sanoat kooperatsiya aloqalarini chuqurlashtirishga va mahalliy xomashyoni qayta ishlash hamda zamonaviy texnologiyalarni o‘zlashtirish asosida mahsulotlar ishlab chiqarishni mahalliylashtirishni kengaytirishga yo‘naltirilgan tadbirlar bo‘yicha axborotlarni tadbirkorlar va aholi o‘rtasida keng targ‘ib qilishni ta’minlash uchun ommaviy axborot vositalarida materiallar va tahliliy sharhlar e’lon qilish;
Respublika sanoat yarmarkasi va Kooperatsiya birjasining doimiy ishlaydigan tashkiliy qo‘mitasiga hamda Iqtisodiyot vazirligiga Ijro etuvchi organ faoliyatini, shuningdek Respublika sanoat yarmarkasi va Kooperatsiya birjasini tayyorlash va o‘tkazish jarayonini maqbullashtirish bo‘yicha takliflar kiritish.
8. Ijro etuvchi organ o‘z vazifalari va funksiyalarini amalga oshirishda Savdo-sanoat palatasi, davlat va xo‘jalik boshqaruvi organlari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, korxonalar bilan o‘zaro hamkorlik qiladi.
9. Respublika sanoat yarmarkasi va Kooperatsiya birjasi faoliyatini samarali tashkil etish maqsadida O‘zbekiston Respublikasi Tashqi iqtisodiy aloqalar, investitsiyalar va savdo vazirligi Iqtisodiyot vazirligi, Davlat statistika qo‘mitasi, Davlat bojxona qo‘mitasi, Savdo-sanoat palatasi, O‘zbekiston respublika tovar-xomashyo birjasi bilan birgalikda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarini, xo‘jalik boshqaruvi organlarini va korxonalarni jalb etgan holda Ijro etuvchi organga zarur axborot materiallarni muntazam asosda taqdim etadi.
10. Axborot materiallarni shakllantirish va doimiy ravishda yangilab borishda, boshlang‘ich axborotlarni to‘plash va tahlil qilishda, shuningdek keyinchalik ma’lumotlar bazasiga taqdim etishda vazirliklar, idoralar va tashkilotlar bilan o‘zaro hamkorlik qilish tartibi O‘zbekiston Respublikasi Vazirlar Mahkamasi tomonidan tasdiqlanadi.
11. Ijro etuvchi organ o‘ziga yuklangan vazifalar va funksiyalarni bajarish uchun o‘z vakolatlari doirasida quyidagi huquqlarga ega:
Respublika sanoat yarmarkasi va Kooperatsiya birjasining doimiy ishlaydigan tashkiliy qo‘mitasiga hamda O‘zbekiston Respublikasi Iqtisodiyot vazirligiga Ijro etuvchi organ faoliyatini, shuningdek Respublika sanoat yarmarkasi va Kooperatsiya birjasini tayyorlash va o‘tkazish jarayonini maqbullashtirish bo‘yicha takliflar kiritish;
O‘zbekiston Respublikasi Iqtisodiyot vazirligidan ushbu Nizomda belgilangan ma’lumotlarning elektron bazalarini olish.
ma’lumotlarning doimiy ravishda yangilab boriladigan axborot bazalarining tizimli yuritilishi va Internet tarmog‘iga joylashtirilishi hamda tarmoqlararo va ichki tarmoq ishlab chiqarish aloqalarini yo‘lga qo‘yishda va mustahkamlashda va ushbu Nizomda belgilangan tartibda xo‘jalik yurituvchi subyektlarning buyurtmalar portfellarini shakllantirishda ko‘maklashish bo‘yicha chora-tadbirlarning samarali amalga oshirilishi;
ishlab chiqariladigan, import qilinadigan va o‘zlashtirilishi istiqbolli bo‘lgan tovarlar to‘g‘risida, shuningdek buning uchun ishlab chiqarish va texnologik resurslarga ega bo‘lgan korxonalar to‘g‘risida, bunday tovarlarni (mavjud bo‘lgan taqdirda) ishlab chiqarishda davlat tomonidan qo‘llab-quvvatlash chora-tadbirlari to‘g‘risida;
Respublika sanoat yarmarkasi va Kooperatsiya birjasining doimiy ishlaydigan tashkiliy qo‘mitasi bilan Kompleks tadbirlarni o‘z vaqtida kelishilishi va tasdiqlanishi;
vazirliklar, idoralar va xo‘jalik yurituvchi subyektlarning, Savdo-sanoat palatasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining, korxonalarning Respublika sanoat yarmarkasi va Kooperatsiya birjasining o‘tkazilish muddatlari to‘g‘risida o‘z vaqtida xabardor qilinishi;
Respublika sanoat yarmarkasi va Kooperatsiya birjasi doirasida xo‘jalik yurituvchi subyektlar bilan tuzilgan shartnomalar reyestrining sifatli yuritilishi uchun javob beradi.
Ijro etuvchi organ ushbu Nizomga muvofiq o‘ziga yuklangan boshqa vazifalar va funksiyalarning samarali bajarilishi uchun javob beradi.
13. Ijro etuvchi organga ayni bir vaqtda “O‘zekspormarkaz” MMK” ochiq aksiyadorlik jamiyati bosh direktorining o‘rinbosari hisoblanadigan boshliq boshchilik qiladi.
14. Ijro etuvchi organning rahbari Respublika sanoat yarmarkasi va Kooperatsiya birjasining tashkiliy qo‘mitasi bilan kelishilgan holda, belgilangan tartibda lavozimga tayinlanadi va lavozimdan ozod qilinadi.
Ijro etuvchi organning samarali faoliyat ko‘rsatishini ta’minlaydi, Ijro etuvchi organga yuklangan vazifalar va funksiyalarning bajarilishi uchun shaxsan javob beradi;
Respublika sanoat yarmarkasi va Kooperatsiya birjasini o‘tkazish bilan bog‘liq bo‘lgan tadbirlarning o‘z vaqtida va sifatli bajarilishi ustidan nazoratni ta’minlaydi.
xo‘jalik yurituvchi subyektlar bilan ishlash va ishlab chiqarish-kooperatsiya aloqalarini yo‘lga qo‘yishga ko‘maklashish bo‘limi.
17. Ijro etuvchi organning xodimlari Respublika sanoat yarmarkasi va Kooperatsiya birjasining tashkiliy qo‘mitasi bilan kelishilgan holda, belgilangan tartibda lavozimga tayinlanadi va lavozimdan ozod qilinadi.
18. Respublika sanoat yarmarkasi va Kooperatsiya birjasining tashkiliy qo‘mitasi Ijro etuvchi organning tuzilmasiga va xodimlari soniga o‘zgartirishlar kiritishi mumkin.
19. Ijro etuvchi organni qayta tashkil etish va uning faoliyatini to‘xtatish O‘zbekiston Respublikasi Vazirlar Mahkamasi tomonidan amalga oshiriladi.
T/r | Tadbirlar nomi | Mas’ullar | Bajarish muddati |
I. Asosiy tashkiliy va tayyorgarlik tadbirlari | |||
1.1. | Quyidagilar: — mamlakatimiz korxonalari tomonidan ishlab chiqarilayotgan tovarlar; — mamlakatimiz ishlab chiqaruvchilari o‘zlashtirishi uchun istiqbolli bo‘lgan import qilinadigan tovarlar; — import qilinadigan tovarlarga o‘xshash tovarlar ishlab chiqarilishini o‘zlashtirish uchun ishlab chiqarish va texnologiya resurslariga ega bo‘lgan korxonalar to‘g‘risidagi ma’lumotlarni Internet tarmog‘iga joylagan holda ma’lumotlar bazasini yaratish va doimiy ravishda yangilash | Tashkiliy qo‘mita, Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Davlat statistika qo‘mitasi, Davlat bojxona qo‘mitasi, Aloqa va axborotlashtirish agentligi, vazirliklar, idoralar, xo‘jalik birlashmalari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Savdo-sanoat palatasi, korxonalar, Respublika sanoat yarmarkasi va Kooperatsiya birjasining Ijro etuvchi organi | Sayt ishini 2008-yil iyun oyidan boshlab ishga tushirish (har yili yangilash) |
1.2. | Respublika sanoat yarmarkasi va Kooperatsiya birjasiga qatnashish uchun taqdim etiladigan buyurtmanoma shaklini va zarur hujjatlar ro‘yxatini ishlab chiqish va ularni mamlakatimiz ishlab chiqaruvchilari o‘rtasida tarqatish | Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Davlat statistika qo‘mitasi, Savdo-sanoat palatasi, Respublika sanoat yarmarkasi va Kooperatsiya birjasining Ijro etuvchi organi | 2008-yil 1-avgust |
1.3. | Mahsulot yetkazib berishga shartnomalar, shuningdek shartnomalarni ro‘yxatdan o‘tkazish hamda tayyor mahsulotlarning yangi turlarini, butlovchi buyumlar va materiallarni ishlab chiqarishni o‘zlashtirish yuzasidan bayonnoma-mo‘ljallar tuzish tartibini va shakllarini ishlab chiqish va tasdiqlash | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Davlat statistika qo‘mitasi, Savdo-sanoat palatasi, Respublika sanoat yarmarkasi va Kooperatsiya birjasining Ijro etuvchi organi | 2008-yil 1-may |
1.4. | Respublika sanoat yarmarkasi va Kooperatsiya birjasini o‘tkazish tadbirlarini tayyorlash bilan bog‘liq xarajatlar smetasini tasdiqlash | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, “O‘zekspomarkaz” MMK” OAJ, Respublika sanoat yarmarkasi va Kooperatsiya birjasining Ijro etuvchi organi | 2008-yil 5-sentabr |
1.5. | Korxonalar, vazirliklar, idoralar, xo‘jalik birlashmalari, kichik biznes subyektlari va ommaviy axborot vositalari vakillaridan iborat bo‘lgan Respublika sanoat yarmarkasi va Kooperatsiya birjasi qatnashchilari ro‘yxatini tuzish | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Savdo-sanoat palatasi, vazirliklar, idoralar, xo‘jalik birlashmalari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Respublika sanoat yarmarkasi va Kooperatsiya birjasining Ijro etuvchi organi | 2008-yil 15-sentabr |
1.6. | Respublika sanoat yarmarkasi va Kooperatsiya birjasi bo‘yicha taklifnomalar va materiallarni tayyorlash va jo‘natish | Tashkiliy qo‘mita, Respublika sanoat yarmarkasi va Kooperatsiya birjasining Ijro etuvchi organi | 2008-yil sentyabrdan boshlab |
1.7. | Respublika sanoat yarmarkasi va Kooperatsiya birjasi qatnashchilari bo‘lgan korxonalarning stendlarini tayyorlash va ularning joylashtirilishini kelishish, stendlarni joylashtirish va rasmiylashtirish yuzasidan shartnomalar tuzish | Tashqi iqtisodiy aloqalar, investitsiyalar va savdo vazirligi, “O‘zekspomarkaz” MMK” OAJ, Respublika sanoat yarmarkasi va Kooperatsiya birjasining Ijro etuvchi organi | 2008-yil 5-sentabr |
1.8. | Respublika sanoat yarmarkasi va Kooperatsiya birjasini o‘tkazishning kundalik dasturini ishlab chiqish va tasdiqlash | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Savdo-sanoat palatasi, Iqtisodiyot vazirligi, “O‘zekspomarkaz” MMK” OAJ, Respublika sanoat yarmarkasi va Kooperatsiya birjasining Ijro etuvchi organi | 2008-yil 1-oktabr |
1.9. | Respublika sanoat yarmarkasi va Kooperatsiya birjasini ochish va yopish marosimi ssenariysini tayyorlash, yarmarkani o‘tkazishning kundalik dasturini tasdiqlash | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, “O‘zekspomarkaz” MMK” OAJ, Respublika sanoat yarmarkasi va Kooperatsiya birjasining Ijro etuvchi organi | 2008-yil 1-oktabr |
1.10. | Vazirliklar, idoralar, xo‘jalik yurituvchi subyektlarning taqdimotlarini o‘tkazish jadvalini ishlab chiqish va ularni ko‘rib chiqish uchun taqdimotlar qatnashchilariga taqdim etish | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Respublika sanoat yarmarkasi va Kooperatsiya birjasining Ijro etuvchi organi | 2008-yil 1-oktabr |
1.11. | Respublika sanoat yarmarkasi va Kooperatsiya birjasi qatnashchilari va ularga keluvchilarning sanoat korxonalariga borishi jadvallarini (Toshkent shahrida va uning atrofida) ishlab chiqish va kelishish | Tashkiliy qo‘mita, Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Toshkent viloyati va Toshkent shahar hokimliklari, Savdo-sanoat pala�asi, vazirliklar, idoralar, xo‘jalik birlashmalari, Ichki ishlar vazirligi, Respublika sanoat yarmarkasi va Kooperatsiya birjasining Ijro etuvchi organi | 2008-yil 1-oktabr |
1.12. | Respublika sanoat yarmarkasi va Kooperatsiya birjasi qatnashchilari va ularga keluvchilarning sanoat korxonalariga borishini (Toshkent shahrida va uning atrofida) tashkil etish | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Toshkent viloyati va Toshkent shahar hokimliklari, Savdo-sanoat palatasi, vazirliklar, idoralar, xo‘jalik birlashmalari, Ichki ishlar vazirligi, Respublika sanoat yarmarkasi va Kooperatsiya birjasining Ijro etuvchi organi | Respublika sanoat yarmarkasi va Kooperatsiya birjasini o‘tkazish vaqtida |
1.13. | Respublika sanoat yarmarkasi va Kooperatsiya birjasi o‘tishi davomida mahsulot yetkazib berishga tuzilgan shartnomalarni ro‘yxatdan o‘tkazish, shuningdek ilgari import qilingan mahsulotlarni o‘zlashtirishga mo‘ljallar bayonnomalarini hisobga olish | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Davlat statistika qo‘mitasi, Respublika sanoat yarmarkasi va Kooperatsiya birjasining Ijro etuvchi organi | Respublika sanoat yarmarkasi va Kooperatsiya birjasini o‘tkazish vaqtida |
1.14. | Respublika sanoat yarmarkasi va Kooperatsiya birjasini o‘tkazish davomida mahsulot yetkazib berishga tuzilgan shartnomalarni, shuningdek ilgari import qilingan mahsulotlarni o‘zlashtirishga mo‘ljallar bayonnomalarini tahlil qilish | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Davlat statistika qo‘mitasi, Respublika sanoat yarmarkasi va Kooperatsiya birjasining Ijro etuvchi organi | Doimo |
II. Ko‘rgazma pavilonlarini tayyorlash va qatnashchilarni ularga joylashtirish | |||
2.1. | Qatnashchi korxonalar va tashkilotlarning ko‘rgazmaga qo‘yiladigan mahsulotlari turlarini va stendlari eskizlarini ishlab chiqish hamda Respublika sanoat yarmarkasi va Kooperatsiya birjasining Ijro etuvchi organiga taqdim etish | Vazirliklar, idoralar, xo‘jalik birlashmalari, Savdo-sanoat palatasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, korxonalar, Respublika sanoat yarmarkasi va Kooperatsiya birjasining ishchi organi | 2008-yil 10-sentabr |
2.2. | Respublika sanoat yarmarkasi va Kooperatsiya birjasi qatnashchilarining ko‘rgazmaga qo‘yiladigan mahsulotlari turlarini, stendlari eskizlarini va ularni joylashtirish rejasini kelishish | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, vazirliklar, idoralar, xo‘jalik birlashmalari, Savdo-sanoat palatasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Respublika sanoat yarmarkasi va Kooperatsiya birjasining Ijro etuvchi organi | 2008-yil 15-sentabr |
2.3. | Tadbirlarni o‘tkazish uchun pavilonlar va majlislar zalini tayyorlash | Tashqi iqtisodiy aloqalar, investitsiyalar va savdo vazirligi, “O‘zekspomarkaz” MMK” OAJ, Respublika sanoat yarmarkasi va Kooperatsiya birjasining Ijro etuvchi organi | Respublika sanoat yarmarkasi va Kooperatsiya birjasi boshlanishidan bir hafta oldin |
2.4. | Respublika sanoat yarmarkasi va Kooperatsiya birjasi qatnashchilari stendlarini o‘rnatish va bezash | Respublika sanoat yarmarkasi va Kooperatsiya birjasi qatnashchilari bo‘lgan korxonalar, “O‘zekspomarkaz” MMK” OAJ, Respublika sanoat yarmarkasi va Kooperatsiya birjasining Ijro etuvchi organi | Respublika sanoat yarmarkasi va Kooperatsiya birjasi boshlanishidan 3 kun oldin |
III. Asosiy tadbirlar o‘tadigan joylarni tayyorlash | |||
3.1. | Atrof hududni, pavilonlar va majlislar zalini obodonlashtirish | “O‘zekspomarkaz” MMK” OAJ | Doimo |
3.2. | “O‘zekspomarkaz” MMK” OAJ pavilonlari va majlislar zalining elektr ta’minoti, yoritish, konditsionerlashtirish tizimlarini tayyorlash | “O‘zbekenergo” DAK, “O‘zekspomarkaz” MMK” OAJ, Respublika sanoat yarmarkasi va Kooperatsiya birjasining Ijro etuvchi organi | Respublika sanoat yarmarkasi va Kooperatsiya birjasi boshlanishidan bir hafta oldin |
3.3. | Respublika sanoat yarmarkasi va Kooperatsiya birjasi o‘tkaziladigan joylarda yong‘in xavfsizligi choralarini ta’minlash | “O‘zekspomarkaz” MMK” OAJ, Toshkent shahar ichki ishlar bosh boshqarmasi yong‘in xavfsizligi boshqarmasi | Doimo |
3.4. | Sanoat korxonalariga borilgan vaqtda Toshkent shahrida va shahar atrofida transport harakati xavfsizligi choralarini ta’minlash | Toshkent shahar va Toshkent viloyati ichki ishlar bosh boshqarmasi Yo‘l harakati xavfsizligi boshqarmasi | Korxonalarga borish vaqtida |
3.5. | Sanoat yarmarkasi ishlari davrida qatnashchilar, shartnomalar va bayonnoma-mo‘ljallarni ro‘yxatga olish joylarini, shuningdek matbuot markazini tashkil etish, zarur asbob-uskunalar va infratuzilma bilan jihozlash (kompyuter, printer, nusxa ko‘paytirish asboblari, faks, Internet va hokazolar.) | Tashqi iqtisodiy aloqalar, investitsiyalar va savdo vazirligi, “O‘zekspomarkaz” MMK” OAJ, Respublika sanoat yarmarkasi va Kooperatsiya birjasining Ijro etuvchi organi | Respublika sanoat yarmarkasi va Kooperatsiya birjasi boshlanishidan bir hafta oldin |
3.6. | Respublika sanoat yarmarkasi va Kooperatsiya birjasi qatnashchilarining ovqatlanishini tashkil etish | “O‘zekspomarkaz” MMK” OAJ | Respublika sanoat yarmarkasi va Kooperatsiya birjasini o‘tkazish davrida |
3.7. | Tadbirlar o‘tkaziladigan joylarda jamoat tartibi muhofaza qilinishini tashkil etish | Toshkent shahar IIBB | Respublika sanoat yarmarkasi va Kooperatsiya birjasini o‘tkazish davrida |
IV. Tadbirlar o‘tkazilishini axborotlar bilan ta’minlash va ommaviy axborot vositalarida yoritish | |||
4.1. | “O‘zbekiston Respublikasining sanoat mahsulotlari” katalogini tayyorlash, chiqarish va tarqatish | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Iqtisodiy tadqiqotlar markazi, Respublika sanoat yarmarkasi va Kooperatsiya birjasining Ijro etuvchi organi | 2008-yil 1-oktabrgacha |
4.2. | Respublika sanoat yarmarkasi va Kooperatsiya birjasi o‘tkazilishi to‘g‘risidagi axborotni ommaviy axborot vositalarida (shu jumladan elektron OAVda), Toshkent shahri ko‘chalarida rasmiylashtirish va joylashtirish | Tashqi iqtisodiy aloqalar, investitsiyalar va savdo vazirligi, Toshkent shahar hokimligi, Respublika sanoat yarmarkasi va Kooperatsiya birjasining Ijro etuvchi organi | 2008-yil sentyabr oyidan boshlab doimo |
4.3. | Ommaviy axborot vositalari vakillari uchun matbuot konferensiyalarini tashkil etish va o‘tkazish | Tashkiliy qo‘mita, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Respublika sanoat yarmarkasi va Kooperatsiya birjasining Ijro etuvchi organi | Respublika sanoat yarmarkasi va Kooperatsiya birjasi boshlanishigacha va ularni o‘tkazish davrida |
4.4. | Respublika sanoat yarmarkasi va Kooperatsiya birjasi o‘tkazilishini, uning maqsadi va vazifalarini ommaviy axborot vositalarida keng yoritish | Tashqi iqtisodiy aloqalar, �nvestitsiyalar va savdo vazirligi, O‘zbekiston matbuot va axborot agentligi, O‘zbekiston Milliy axborot agentligi, O‘zbekiston milliy teleradiokompaniyasi, Respublika sanoat yarmarkasi va Kooperatsiya birjasining Ijro etuvchi organi | 2008-yil sentyabr-oktyabr |