LexUZ sharhi
Mazkur qaror O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Toshkent shahrida yo‘lovchilar tashish hajmlari ortib borayotganini hisobga olgan holda yo‘lovchi transporti tizimini yanada rivojlantirish hamda avtobuslar parkini zamonaviy transport vositalari bilan ta’minlash maqsadida:
1. Toshkent shahar hokimligi, “Toshshahartransxizmat” uyushmasi hamda O‘zbekiston Respublikasi Tashqi iqtisodiy aloqalar, investitsiyalar va savdo vazirligining 2008-yilda 200 ta “Mersedes-Benz Sonesto Low G‘loor” shahar yo‘lovchi avtobuslarini xarid qilish to‘g‘risidagi taklifi qabul qilinsin.
har biri uchun 132,0 ming yevrodan umumiy miqdori 26,4 mln. yevroga teng bo‘lgan, shartnoma qiymatining 50 foizi (13,2 mln. yevro)ni oldindan to‘lash, qolgan qismini esa — avtobuslar O‘zbekiston Respublikasining bojxona hududiga olib kelinishiga qarab akkreditiv ochish orqali to‘lash sharti bilan 200 ta “Mersedes-Benz Sonesto Low G‘loor” rusumli shahar avtobuslarini yetkazib berish;
“Toshavtobustrans” aksiyadorlik kompaniyasining “Mersedes-Bens” servis xizmati ko‘rsatish markazi” shu’ba korxonasini jihozlash uchun bepul asosda 400,0 ming yevro miqdorida uskunalar va maxsus asboblar yetkazib berish bo‘yicha shartnoma tuzilganligi ma’lumot uchun qabul qilinsin.
shartnomaning to‘liq qiymatini moliyalashtirish O‘zbekiston Respublikasi Taraqqiyot va tiklanish jamg‘armasining 3 yil imtiyozli davrni ham hisobga olgan holda 10 yil muddatga beriladigan kredit mablag‘lari hisobidan, yillik 2 foizli stavka va qayta moliyalashtiruvchi “O‘zsanoatqurilishbank”ning yillik 0,25 foizli marjasi bo‘yicha amalga oshiriladi;
O‘zbekiston Respublikasi Taraqqiyot va tiklanish jamg‘armasining asosiy qarzini uzish, kreditga xizmat ko‘rsatish bo‘yicha foizlar va vositachilik haqini to‘lash “Toshshahartransxizmat” uyushmasi mablag‘lari, shuningdek, oladigan avtobuslar miqdoriga mutanosib ravishda “Toshavtobustrans” aksiyadorlik kompaniyasi va avtobus parklarining mablag‘lari hisobidan amalga oshiriladi.
Keyingi tahrirga qarang.
4. O‘zbekiston Respublikasi Tashqi iqtisodiy aloqalar, investitsiyalar va savdo vazirligi belgilangan tartibda mazkur shartnoma bo‘yicha ekspert xulosasini bersin.
5. O‘zbekiston Respublikasi Taraqqiyot va tiklanish jamg‘armasi, “O‘zsanoatqurilishbank” va “Toshshahartransxizmat” uyushmasi, istisno tariqasida, texnik-iqtisodiy hisob-kitoblarni ko‘rib chiqish va tasdiqlashdan avval qarz bitimlarini rasmiylashtirsin hamda “EvoBus Gmbx” kompaniyasi bilan tuzilgan shartnomada nazarda tutilgan muddatlarda moliyalashtirishni ochsin.
bir oy muddatda 200 dona shahar avtobuslarini sotib olishning texnik-iqtisodiy hisob-kitobini ishlab chiqishni va tasdiqlash uchun O‘zbekiston Respublikasi Vazirlar Mahkamasiga kiritishni ta’minlasin;
O‘zbekiston Respublikasi Taraqqiyot va tiklanish jamg‘armasi kreditiga xizmat ko‘rsatishga yo‘naltiriladigan mablag‘larni jamlash uchun “O‘zsanoatqurilishbank”da maxsus jamg‘arish hisob raqamini ochsin.
7. O‘zbekiston Respublikasi Moliya vazirligi O‘zbekiston Respublikasi Taraqqiyot va tiklanish jamg‘armasining jalb etiladigan krediti bo‘yicha “Toshshahartransxizmat” uyushmasining “O‘zsanoatqurilishbank” oldidagi majburiyatlari yuzasidan belgilangan tartibda O‘zbekiston Respublikasining kafolatini bersin.
8. O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi tasdiqlangan texnik-iqtisodiy hisob-kitoblarga asoslangan holda 200 ta “Mersedes-Benz Sonesto Low G‘loor” avtobuslarini sotib olish O‘zbekiston Respublikasining 2008-yilgi Investitsiya dasturiga kiritilishini ta’minlasin.
9. “Toshshahartransxizmat” uyushmasi “EvoBus Gmbx” kompaniyasi bilan tuzilgan shartnoma bo‘yicha olib kelinadigan 200 ta avtobus, asbob-uskunalar va maxsus jihozlar, shuningdek avtobuslardan foydalanishning kafolat muddati davrida ishdan chiqqan qismlari o‘rniga yetkazib beriladigan ehtiyot qismlar hamda materiallar bojxona to‘lovlaridan (bojxona rasmiylashtiruvi yig‘imlaridan tashqari) ozod etilsin.
Keyingi tahrirga qarang.
10. Mazkur qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.