LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora-tadbirlari to‘g‘risida” 2006-yil 21-apreldagi PQ-331-son qarorini bajarish yuzasidan hamda Vazirlar Mahkamasining “O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamentida yagona axborot-kompyuter tarmog‘ini tashkil etish chora-tadbirlari to‘g‘risida” 2006-yil 23-iyundagi 123-son qaroriga muvofiq Vazirlar Mahkamasi qaror qiladi:
1. “O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamentida yagona axborot-kompyuter tarmog‘ini tashkil etish” loyihasining texnik-iqtisodiy hisob-kitobi ilovaga* muvofiq tasdiqlansin.
* Ilova rus tilidagi matnda berilgan.
2. Belgilab qo‘yilsinki, loyihaning texnik-iqtisodiy ko‘rsatkichlarini maqbullashtirish hisobiga bo‘shagan mablag‘lar loyihani amalga oshirish uchun olib kelinadigan asbob-uskunalar uchun bojxona to‘lovlari to‘lashga yo‘naltiriladi.
3. Belgilansinki, dollar kursining oshishi munosabati bilan loyihani amalga oshirish yuzasidan ajratilgan mablag‘lardan ortiqcha qo‘shimcha sarf-xarajatlar O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamentining budjetdan tashqari manbalari hisobiga qoplanadi.
4. O‘zbekiston Respublikasi Moliya vazirligi 2008-yildan boshlab har yili Davlat budjetini shakllantirishda O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamentiga yagona axborot-kompyuter tarmog‘ini saqlash uchun foydalanish xarajatlarini to‘lashga mablag‘ ajratishni nazarda tutsin.
Keyingi tahrirga qarang.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R.S. Azimov va A.N. Aripov zimmasiga yuklansin.