O‘zbekiston Respublikasining “Telekommunikatsiyalar to‘g‘risida”gi Qonunining 19-moddasi va O‘zbekiston Respublikasi Prezidentining 2007-yil 20-fevraldagi “O‘zbekiston Respublikasi telekommunikatsiyalar tarmoqlarini boshqarish tizimini takomillashtirishga oid qo‘shimcha chora-tadbirlar to‘g‘risida”gi PQ-589-son Qarorining 4-bandiga asosan qaror qilamiz:
1. Ilova qilingan favqulodda holatlarda telekommunikatsiyalar tarmoqlari va vositalaridan ustuvor foydalanish, ulardan foydalanishni to‘xtatib qo‘yish yoki cheklash tartibi to‘g‘risidagi nizom tasdiqlansin.
2. Ushbu qaror O‘zbekiston Respublikasi Adliya vazirligida davlat ro‘yxatidan o‘tkazilganidan o‘n kun o‘tgandan keyin kuchga kiradi.
O‘zbekiston aloqa va axborotlashtirish agentligi, Mudofaa vazirligi, Milliy xavfsizlik xizmati, Vazirlar Mahkamasining Hukumat aloqa xizmati, Favqulodda vaziyatlar vazirligi, Ichki ishlar vazirligining
2007-yil 31-oktabrdagi 02-8/3191, 16, 133, 9, 207, 18-son qarori bilan
TASDIQLANGAN
2007-yil 31-oktabrdagi 02-8/3191, 16, 133, 9, 207, 18-son qarori bilan
TASDIQLANGAN
Ushbu Nizom O‘zbekiston Respublikasining “Telekommunikatsiyalar to‘g‘risida”gi Qonuni, O‘zbekiston Respublikasi Prezidentining 2007-yil 20-fevraldagi “O‘zbekiston Respublikasi telekommunikatsiyalar tarmoqlarini boshqarish tizimini takomillashtirishga oid qo‘shimcha chora-tadbirlar to‘g‘risida”gi PQ-589-son qaroriga muvofiq O‘zbekiston Respublikasida favqulodda holatlarda telekommunikatsiyalar tarmoqlari va vositalaridan ustuvor foydalanish, foydalanishni to‘xtatib qo‘yish yoki cheklash tartibini belgilaydi.
favqulodda holatlar — harbiy harakatlar, zilzilalar, suv toshqinlari, yong‘inlar, epidemiyalar va boshqa favqulodda vaziyatlar;
telekommunikatsiyalar tarmoqlari va vositalaridan ustuvor foydalanish — boshqa foydalanuvchilarga nisbatan telekommunikatsiyalarning istalgan tarmoqlari va vositalaridan foydalanish uchun birinchi navbatdagi huquq;
telekommunikatsiyalar tarmoqlari va vositalaridan foydalanishni to‘xtatib qo‘yish — favqulodda holatlar bo‘yicha ishlarni tashkil qilish va o‘tkazish vaqtida boshqa foydalanuvchilar tomonidan telekommunikatsiyalar tarmoqlari va vositalaridan foydalanishni to‘xtatib qo‘yish;
telekommunikatsiyalar tarmoqlari va vositalaridan foydalanishni cheklash — favqulodda holatlar bo‘yicha ishlarni tashkil qilish va o‘tkazish vaqtida boshqa foydalanuvchilar tomonidan telekommunikatsiyalar tarmoqlari va vositalaridan foydalanishni qisqartirish (telekommunikatsiyalar vositalari ishlarining rejimlari, ko‘rsatilayotgan telekommunikatsiyalar xizmatlarining hajmlarini o‘zgartirish);
2. Favqulodda holatlarda telekommunikatsiyalar sohasidagi maxsus vakolatli organ telekommunikatsiyalarning istalgan tarmoqlari va vositalaridan ustuvor foydalanish, ularning ishlashini cheklash yoki to‘xtatib qo‘yish huquqiga ega.
Keyingi tahrirga qarang.
3. Telekommunikatsiyalar tarmoqlari va vositalaridan ustuvor foydalanish, ulardan foydalanishni to‘xtatib qo‘yish yoki cheklash Qurolli kuchlar Birlashgan shtabi, Mudofaa vazirligi, Ichki ishlar vazirligi, Favqulodda vaziyatlar vazirligi, O‘zbekiston Respublikasi Vazirlar Mahkamasining Hukumat aloqa xizmati, O‘zbekiston Respublikasi Milliy xavfsizlik xizmati (keyingi o‘rinlarda — maxsus iste’molchi deb yuritiladi) favqulodda holatlarning oldini olish va ularning oqibatlarini bartaraf etish bo‘yicha kechiktirib bo‘lmaydigan chora-tadbirlarni ko‘rish imkoniyatini ta’minlash, favqulodda holatlar yuzaga kelganda davlat boshqaruvi, milliy xavfsizlik, mudofaa va huquq-tartibotni qo‘riqlash bo‘yicha vazifalarni ta’minlash maqsadida amalga oshiriladi.
Keyingi tahrirga qarang.
4. Favqulodda holatlar vaqtida vaziyatga bog‘liq holda maxsus iste’molchilar bo‘linmalarini aloqa bilan ta’minlash navbati faqat birinchi va ikkinchi navbatning aloqalari bo‘yicha amalga oshiriladi, bunda aloqa kanallari va vositalarini ajratish tasdiqlangan navbatchilik ro‘yxati (ko‘chirma)da belgilanganligiga muvofiq amalga oshiriladi;
5. Favqulodda holatlarda telekommunikatsiyalar tarmoqlari va vositalaridan ustuvor foydalanish, ulardan foydalanishni to‘xtatib qo‘yish va cheklash telekommunikatsiyalarning istalgan tarmoqlari va vositalariga nisbatan qo‘llanishi mumkin.
6. Favqulodda holatlar yuzaga kelganda, telekommunikatsiyalar operatorlari, idoraviy telekommunikatsiyalar tarmoqlari egalari texnik imkoniyatlar mavjud bo‘lganda, maxsus iste’molchilarga aloqa kanallari, telekommunikatsiyalar liniyalari, telekommunikatsiyalar vositalari, shu jumladan oxirgi (terminal) uskunani qonunchilikda belgilangan tartibda va muddatda foydalanishga taqdim etadilar.
7. Telekommunikatsiyalar operatorlari, idoraviy telekommunikatsiyalar tarmoqlarining egalari favqulodda holatlar, favqulodda holatlar oqibatlari bilan bog‘liq kechiktirib bo‘lmaydigan tadbirlarni o‘tkazish, davlat boshqaruvi, huquq-tartibotni qo‘riqlash, davlatning mudofaa qobiliyati va xavfsizligiga taalluqli barcha xabarlarga mutlaq ustuvorlikni taqdim etadi.
8. Favqulodda holatlar yuzaga kelganda, telekommunikatsiyalar tarmoqlari va vositalaridan foydalanishni to‘xtatib qo‘yish yoki cheklash to‘g‘risidagi qaror quyidagi holatlarda qabul qilinadi:
maxsus iste’molchilarning ehtiyojlarini qondirish uchun bo‘sh telekommunikatsiya vositalari mavjud bo‘lmaganda;
telekommunikatsiyalar tarmoqlarida o‘ta yuklanishning oldini olish maqsadida trafikni cheklash zarur bo‘lganda;
favqulodda holatlar mintaqalarida ishga jalb qilinadigan radioelektron vositalar ishida elektromagnit moslashuvni ta’minlash zarur bo‘lganda.
9. Telekommunikatsiyalarning istalgan tarmoqlari va vositalaridan foydalanishni to‘xtatib qo‘yish yoki cheklash O‘zbekiston aloqa va axborotlashtirish agentligi (keyingi o‘rinlarda — Agentlik deb yuritiladi) tomonidan tegishli maxsus iste’molchining asoslangan takliflariga binoan maxsus iste’molchilar bilan o‘zaro hamkorlikda qabul qilinadi. Ushbu takliflar Agentlikka telekommunikatsiyalarning istalgan tarmoqlari va vositalaridan foydalangan holda yetkaziladi hamda zudlik bilan ko‘rib chiqiladi.
Keyingi tahrirga qarang.
telekommunikatsiyalar tarmoqlari va vositalarining favqulodda holatlar mintaqalarida aloqa xizmatlariga ehtiyojlarini qondirish uchun zarurligi va yetarliligining asoslantirish;
aloqa kanallari, telekommunikatsiyalar liniyalari va vositalari, jumladan oxirgi (terminal) uskuna, radiochastotalarning qo‘shimcha diapazonlari (polosalari)ga nisbatan ehtiyoj;
telekommunikatsiyalar tarmoqlari va vositalaridan foydalanishni to‘xtatib qo‘yish va cheklash yoki ularni taqdim etish vaqti hamda muddatlari.
11. Telekommunikatsiyalar tarmoqlari va vositalarining favqulodda holatlar zonasida aloqa xizmatlariga ehtiyojlarini qondirish uchun zarurligi va yetarliligini asoslagan holda, ulardan foydalanishni to‘xtatib qo‘yish va cheklash to‘g‘risidagi takliflar bir kun davomida hujjatlarni uzatishning istalgan usullaridan, shu jumladan elektron raqamli imzodan foydalangan holda, hujjatlar bilan maxsus iste’molchining rahbari tomonidan tasdiqlangan bo‘lishi kerak.
12. Favqulodda holatlar mintaqasida telekommunikatsiyalar tarmoqlari va vositalarining holatini tahlil qilish asosida Agentlik telekommunikatsiyalar tarmoqlari va vositalaridan foydalanishni to‘xtatib qo‘yish yoki cheklash to‘g‘risidagi qarorni qabul qiladi. Qabul qilingan qaror farmoyish bilan rasmiylashtiriladi va telekommunikatsiyalar operatorlari va idoraviy tarmoqlar egalariga, shu jumladan favqulodda holatlar zonasida joylashganlarga yetkaziladi.
Ushbu farmoyish Agentlik rahbari tomonidan imzolanadi va telekommunikatsiyalarning istalgan tarmoqlari va vositalaridan foydalangan holda, telekommunikatsiyalar operatorlari va idoraviy tarmoqlar egalariga yetkaziladi hamda zudlik bilan bajariladi.
Agentlik, aloqani tashkil qilish zarur bo‘lganda, favqulodda holatlar vaqtida hududda barcha aloqa tashkilotlarining o‘zaro hamkorligini ta’minlash, ularning telekommunikatsiyalar tarmoqlarini boshqarish va tiklash bo‘yicha vakolatlari uchun javobgarlarni belgilaydi hamda buni ko‘rsatilgan farmoyishda belgilaydi.
Keyingi tahrirga qarang.
13. Favqulodda holatlar vaqtida telekommunikatsiyalar tarmoqlari va vositalaridan foydalanishni to‘xtatib qo‘yish yoki cheklash to‘g‘risidagi farmoyishda cheklashlar (taqiqlashlar)ning amal qilish muddatlari belgilanadi. Zarur bo‘lganda telekommunikatsiyalarning istalgan tarmoqlari va vositalaridan foydalanishni to‘xtatib qo‘yish yoki cheklash muddatini farmoyishda ko‘rsatilgandan ortiq muddatga uzaytirishni Agentlik tegishli qaror bilan qabul qiladi va uni ushbu Nizomda belgilangan tartibda yetkazadi.
Keyingi tahrirga qarang.
14. Favqulodda vaziyatlar vaqtida ushbu Nizomning talablari bajarilishini rad etish, kechiktirish yoki bajarilishiga qarshi harakat qilish holatlarida yuridik va jismoniy shaxslar qonun hujjatlariga muvofiq javobgar bo‘ladilar.
Keyingi tahrirga qarang.