O‘zbekiston Respublikasi Prezidentining “Davlat budjetining g‘azna ijrosi tizimini yanada rivojlantirish chora-tadbirlari to‘g‘risida” 2007-yil 28-fevraldagi PQ-594-son qaroriga muvofiq Vazirlar Mahkamasi qaror qiladi:
O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 1994-yil 9-martdagi 124-son qarori (O‘zbekiston Respublikasi QT, 1994-y., 3-son, 15-modda) bilan tasdiqlangan Yoqilg‘i-energetika resurslaridan foydalanish qoidalarini buzganlik uchun iqtisodiy jazolarni qo‘llash to‘g‘risidagi nizom III bo‘limining 5-bandidagi “moliya organlari” so‘zlari “O‘zbekiston Respublikasi Moliya vazirligining g‘aznachiligi va uning hududiy bo‘linmalari” so‘zlari bilan almashtirilsin.
2. Vazirlar Mahkamasining 1997-yil 31-martdagi 165-son qarori bilan tasdiqlangan Narxlar (tariflar)ni shakllantirish va ularning qo‘llanishini nazorat qilish tartibi 26-bandining birinchi xatboshidagi “Moliya organlari” so‘zlari “O‘zbekiston Respublikasi Moliya vazirligining g‘aznachiligi va uning hududiy bo‘linmalari” so‘zlari bilan almashtirilsin.
Keyingi tahrirga qarang.
3. Vazirlar Mahkamasining “Gumon qilinuvchi, ayblanuvchi yoki sudlanuvchiga advokat tomonidan huquqiy yordam ko‘rsatish bo‘yicha xarajatlarni davlat hisobiga o‘tkazish tartibi to‘g‘risida” 1997-yil 16-iyundagi 297-son qarorida:
a) 3-bandning birinchi xatboshiga “haq to‘lashni” so‘zlaridan keyin “Moliya vazirligi g‘aznachiligining tegishli hududiy bo‘linmasi orqali” so‘zlari qo‘shilsin;
b) 4-bandga “bir oy muddatda” so‘zlaridan keyin “Moliya vazirligi g‘aznachiligining tegishli hududiy bo‘linmasi orqali” so‘zlari qo‘shilsin.
Keyingi tahrirga qarang.
4. Vazirlar Mahkamasining “O‘zbekiston Respublikasi sog‘liqni saqlash muassasalarini moliyalashtirish va boshqarish tizimini yanada takomillashtirish to‘g‘risida” 2005-yil 28-sentabrdagi 217-son qarorida (O‘zbekiston Respublikasi QT, 2005-y., 9-10-son, 51-modda):
10-banddagi “xarajatlar guruhiga bo‘lmasdan bitta summa bilan” so‘zlari “belgilangan tartibda” so‘zlari bilan almashtirilsin;
“13. BTSYo qishloq muassasalari xarajatlarini moliyalashtirish (ularni to‘lash) tasdiqlangan xarajatlar smetasiga muvofiq belgilangan tartibda amalga oshiriladi.
Hisobot yilining oxirida BTSYo muassasalari hisob raqamlarida qolgan mablag‘lar olib qo‘yilmaydi va ularni rivojlantirish uchun foydalaniladi”;
9-banddagi “xarajatlar guruhi bo‘yicha bo‘lmasdan bitta summada” so‘zlari “belgilangan tartibda” so‘zlari bilan almashtirilsin;
“13. BTSYo ShE muassasalari xarajatlarini moliyalashtirish (ularni to‘lash) tasdiqlangan xarajatlar smetasiga muvofiq belgilangan tartibda amalga oshiriladi”;