O‘zbekiston Respublikasi Prezidentining “Chigit yetkazib berish mexanizmini hamda o‘simlik yog‘i va yog‘-moy mahsulotlari sotishni tartibga solish to‘g‘risida” 2006-yil 31-maydagi PQ-360-son qaroriga muvofiq Vazirlar Mahkamasi qaror qiladi:
O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Bozorlarda sifatsiz oziq-ovqat tovarlari sotilishini bartaraf etish chora-tadbirlari to‘g‘risida” 1998-yil 4-sentabrdagi 378-son qarorining 1-bandida (O‘zbekiston Respublikasi QT, 1998-y., 9-son, 32-modda):
“Bunda aholiga o‘simlik yog‘i sotish faqat yuridik shaxs shaklidagi chakana savdo tashkilotlari tomonidan nazorat-kassa apparatlari bilan jihozlangan turg‘un savdo shoxobchalari orqali amalga oshiriladi”.
2. Vazirlar Mahkamasining “2000-yilda davlat ehtiyojlari uchun oziq-ovqat mahsulotlarining asosiy turlarini xarid qilish to‘g‘risida” 2000-yil 8-apreldagi 136-son qaroriga 1-ilovada:
“Respublika korxonalari tomonidan paxta chigitidan ishlab chiqarilayotgan o‘simlik yog‘ini xarid qilish to‘g‘ridan to‘g‘ri shartnomalar bo‘yicha amalga oshiriladi”;
“Respublika korxonalari tomonidan ishlab chiqarilayotgan o‘simlik yog‘ini xarid qilish tartibga solinadigan narxlar bo‘yicha amalga oshiriladi”.
3. Vazirlar Mahkamasining “2002-yilda paxta xomashyosi yetishtirish, g‘o‘zani navlar bo‘yicha joylashtirish va navlarni yangilashni takomillashtirish chora-tadbirlari to‘g‘risida” 2001-yil 19-dekabrdagi 477-son qarorining 8-bandi o‘z kuchini yo‘qotgan deb hisoblansin.
Keyingi tahrirga qarang.
4. Vazirlar Mahkamasining 2002-yil 5-noyabrdagi 380-son qarori (O‘zbekiston Respublikasi QT, 2002-y., 11-son, 66-modda) bilan tasdiqlangan Tadbirkorlik subyektlari — faqat yuridik shaxslar tomonidan qonun hujjatlarida belgilangan tartibda amalga oshiriladigan faoliyatning ayrim turlari ro‘yxatiga quyidagi mazmundagi 14-band qo‘shilsin:
Keyingi tahrirga qarang.
5. Vazirlar Mahkamasining “Paxta xomashyosi yetishtirishda bozor prinsiplarini amalga oshirish va uni yetishtirishni tashkil etishni yanada takomillashtirish chora-tadbirlari to‘g‘risida” 2003-yil 19-fevraldagi 93-son qarorining (O‘zbekiston Respublikasi QT, 2003-y., 2-son, 16-modda) 7-bandidagi “o‘simlik moyining 50 foizi va” so‘zlari chiqarib tashlansin.
6. Vazirlar Mahkamasining “Paxta chigiti resurslaridan foydalanish ustidan nazoratni kuchaytirish va ulardan foydalanish samaradorligini oshirish chora-tadbirlari to‘g‘risida” 2005-yil 31-martdagi 93-son qarorida (O‘zbekiston Respublikasi QT, 2005-y., 3-4-son, 17-modda):
7-bandga “qabul qilishni” so‘zlaridan keyin “O‘zbekiston “Sifat” markazining Paxta chigitidan foydalanishni nazorat qilish inspeksiyasi vakillari ishtirokida” so‘zlari qo‘shilsin;
“8. “O‘zpaxtasanoat” uyushmasi va Yog‘-moy va oziq-ovqat sanoati uyushmasi o‘z tarkibiga kiradigan korxonalar hamda “Sifat” O‘zbekiston paxta tolasini sertifikatlash markazi bilan birgalikda har yili paxta xomashyosi va chigitni qayta ishlash tugallangandan keyin barcha paxta tozalash va yog‘-moy korxonalarida paxta chigitini xatlovdan o‘tkazsinlar va omborlarni tozalasinlar. Xatlov natijalari bo‘yicha materiallar har yili hisobot yilining 1-avgustigacha O‘zbekiston Respublikasi Vazirlar Mahkamasiga va Iqtisodiyot vazirligiga taqdim etilsin”.
Keyingi tahrirga qarang.