Qishloqda agrar va iqtisodiy munosabatlarni isloh qilishga qaratilgan qonunlar va ular asosida qabul qilingan me’yoriy hujjatlarning og‘ishmay ijro etilishini ta’minlash, shuningdek xo‘jalik yurituvchi subyektlar hamda davlat manfaatlarini himoya qilish borasida prokuratura organlari faoliyatini kuchaytirish maqsadida:
1. Bosh prokuratura, Qoraqalpog‘iston Respublikasi va viloyatlar prokuraturalari tuzilmalarida qishloq xo‘jaligi sohasida qonuniylikni ta’minlash va xo‘jalik yurituvchi subyektlarning huquqlarini himoya qilish bo‘limlari tashkil qilinsin hamda ularga 48 ta qo‘shimcha shtat birligi, shu jumladan markaziy mahkama uchun 3 ta shtat birligi ajratilsin.
2. Hududiy prokuraturalarning qishloq xo‘jaligi sohasida qonuniylikni ta’minlash va xo‘jalik yurituvchi subyektlarning huquqlarini himoya qilish bo‘limlarining asosiy vazifalari etib quyidagilar belgilansin:
qishloq xo‘jaligida iqtisodiy islohotlarni chuqurlashtirishga oid qonunlar, O‘zbekiston Respublikasi Prezidentining farmonlari hamda hukumat qarorlarida bayon etilgan talab va qoidalar o‘z vaqtida, to‘liq ijro etilishini nazorat qilish;
asosiy qishloq xo‘jalik ekinlari (paxta va g‘alla) ekiladigan maydonlar monitoringini muntazam o‘tkazib turish, ekin maydonlari mahsulot ishlab chiqaruvchilar — fermer va shirkat xo‘jaliklari, tuman va viloyatlar tomonidan qabul qilingan hamda tasdiqlangan shartnoma majburiyatlariga muvofiqligini tanlab tekshirishlar o‘tkazish;
fermer va dehqon xo‘jaliklariga yer ajratish borasida qonunchilik hamda me’yoriy hujjatlarda o‘rnatilgan tartib buzilishining oldini olish kompleks chora-tadbirlarini amalga oshirish, bunda mas’ul shaxslar tomonidan xizmat mavqeyi suiiste’mol qilinishiga, qarindosh-urug‘chilik va oshna-og‘aynigarchilik munosabatlaridan foydalanish hollariga yo‘l qo‘ymaslik;
yerlardan qat’iy ravishda maqsadli foydalanish, sug‘oriladigan ekin maydonlari muomaladan chiqarilishiga yo‘l qo‘ymaslik, qishloq xo‘jalik mahsulotlari yetishtirish bo‘yicha qabul qilingan shartnoma majburiyatlariga rioya etilishi ustidan doimiy nazoratni amalga oshirish;
yerlardan maqsadli va asrab-avaylab foydalanishni, ularning unumdorligi saqlanishi hamda ekologiya normalariga rioya etilishini ta’minlab kelayotgan fermer hamda dehqon xo‘jaliklarining huquq va manfaatlarini himoya qilish;
suv resurslaridan isrofgarchilik bilan foydalanish, mineral o‘g‘itlar, yoqilg‘i-moylash materiallarini o‘g‘irlab talon-toroj qilish, gidrotexnika, melioratsiya inshootlari hamda qishloq xo‘jalik texnikasini ishlatishda xo‘jasizlik faktlarining oldini olish choralarini ko‘rish;
qishloq xo‘jaligi sohasida huquqbuzarliklar profilaktikasi, shu jumladan qonunchilikni keng ko‘lamda tushuntirish yo‘li bilan shunday huquqbuzarliklarning oldini olish.
Oldingi tahrirga qarang.
(3-band O‘zbekiston Respublikasi Prezidentining 2016-yil 8-avgustdagi PF-4815-sonli Farmoniga asosan o‘z kuchini yo‘qotgan — O‘R QHT, 2016-y., 32-son, 387-modda)
4. O‘zbekiston Respublikasi Bosh prokurori (R. Qodirov) va O‘zbekiston Respublikasi Moliya vaziri (M. Nurmurodov) bir oy muddatda O‘zbekiston Respublikasi prokuratura organlarining shtatlar ro‘yxatini mazkur Farmonga muvofiqlashtirsinlar.
5. “O‘zbekiston Respublikasi prokuratura organlarining faoliyatini tashkil qilish masalalari to‘g‘risida” O‘zbekiston Respublikasi Vazirlar Mahkamasining 1992-yil 24-yanvardagi 33-son qarorining 1-bandi o‘z kuchini yo‘qotgan deb hisoblansin.
Keyingi tahrirga qarang.
6. Ushbu Farmonning ijrosini nazorat qilish O‘zbekiston Respublikasi Prezidentining davlat maslahatchisi T.A. Xudaybergenov zimmasiga yuklatilsin.
Oldingi tahrirga qarang.
(1-ilova O‘zbekiston Respublikasi Prezidentining 2014-yil 24-iyuldagi PF-4636-sonli Farmoniga asosan o‘z kuchini yo‘qotgan — O‘R QHT, 2014-y., 32-son, 395-modda)
Oldingi tahrirga qarang.
(2-ilova O‘zbekiston Respublikasi Prezidentining 2014-yil 24-iyuldagi PF-4636-sonli Farmoniga asosan o‘z kuchini yo‘qotgan — O‘R QHT, 2014-y., 32-son, 395-modda)
Oldingi tahrirga qarang.
(3-ilova O‘zbekiston Respublikasi Prezidentining 2014-yil 24-iyuldagi PF-4636-sonli Farmoniga asosan o‘z kuchini yo‘qotgan — O‘R QHT, 2014-y., 32-son, 395-modda)
Oldingi tahrirga qarang.
(4-ilova O‘zbekiston Respublikasi Prezidentining 2014-yil 24-iyuldagi PF-4636-sonli Farmoniga asosan o‘z kuchini yo‘qotgan — O‘R QHT, 2014-y., 32-son, 395-modda)
Oldingi tahrirga qarang.
(5-ilova O‘zbekiston Respublikasi Prezidentining 2016-yil 8-avgustdagi PF-4815-sonli Farmoniga asosan o‘z kuchini yo‘qotgan — O‘R QHT, 2016-y., 32-son, 387-modda)
Oldingi tahrirga qarang.
(6-ilova O‘zbekiston Respublikasi Prezidentining 2016-yil 8-avgustdagi PF-4815-sonli Farmoniga asosan o‘z kuchini yo‘qotgan — O‘R QHT, 2016-y., 32-son, 387-modda)