Keyingi tahrirga qarang.
LexUZ sharhi
Mazkur Qonun O‘zbekistan Respublikasining 2020-yil 27-oktabrdagi O‘RQ-644-sonli “Narkologik kasalliklar profilaktikasi va ularni davolash to‘g‘risida”gi Qonuniga asosan 2021-yil 29-yanvardan o‘z kuchini yo‘qotadi.
1. Surunkali alkogolizm yoki giyovandlikka mubtalo bo‘lgan bemorlarni O‘zbekiston Respublikasi Sog‘liqni saqlash vazirligining maxsus davolash-oldini olish muassasalarida mehnatga muqarrar jalb etish orqali majburiy davolash belgilab qo‘yilsin.
Keyingi tahrirga qarang.
Jamoat tartibini, boshqa shaxslarning huquqlarini buzayotgan, yoxud aholining osoyishtaligiga, salomatligiga va ma’naviyatiga xavf tug‘dirayotgan surunkali alkogolizm yoki giyovandlikka mubtalo bo‘lgan bemorlarga nisbatan majburiy davolash qo‘llanadi.
2. Shaxsni surunkali alkogolizmga yoki giyovandlikka mubtalo bo‘lgan bemor deb topish O‘zbekiston Respublikasi Sog‘liqni saqlash vazirligi belgilagan tartibda tegishli davolash muassasalari tomonidan amalga oshiriladi.
Keyingi tahrirga qarang.
Shaxs majburiy davolashga jo‘natish uchun tibbiy ko‘rikdan o‘tishdan bosh tortgan hollarda, u ichki ishlar idoralarining ko‘magida o‘n kun muddat ichida narkologiya muassasasida majburiy tarzda tekshirilishi kerak.
Z. Mazkur toifadagi shaxslarni majburiy davolashga yuborish to‘g‘risidagi materiallar tibbiy xulosa bo‘lgan taqdirda ichki ishlar idoralari tomonidan ularning o‘z tashabbusiga ko‘ra, yoki bemorning oila a’zolari yoxud qarindoshlarining, mehnat jamoalarining, sog‘liqni saqlash muassasalarining, ichkilikbozlikka va giyovandlikka qarshi kurashuvchi komissiyalarning iltimosnomalari asosida tayyorlanadi va rasmiylashtiriladi.
Keyingi tahrirga qarang.
4. Ushbu Qonunning 1-moddasida ko‘rsatilgan shaxslarni majburiy davolashga jo‘natish masalasi yigirma kunlik muddat ichida bemor yashab turgan joydagi sud tomonidan bemor ishtirokida hal etiladi.
Keyingi tahrirga qarang.
5. Sudning majburiy davolashga yuborish to‘g‘risidagi qarori haqida ustidan qaror chiqarilgan shaxs yoxud uning himoyachisi shikoyat qilishi yoki prokuror tomonidan kassatsiya tartibida yetti kunlik muddat ichida yuqori turuvchi sudga norozilik bildirilishi mumkin.
Shikoyat berilishi yoki prokuror tomonidan kassatsiya tartibida norozilik bildirilishi sud qarorining ijrosini to‘xtatib turadi.
6. Sudning shaxsni majburiy davolashga yuborish to‘g‘risidagi qarori ichki ishlar idoralari tomonidan bu qaror qonuniy kuchga kirgan paytdan boshlab kechi bilan o‘n kunlik muddat ichida ijro etiladi.
Keyingi tahrirga qarang.
7. Majburiy davolash muddati to‘g‘risidagi masala davolash muassasasi tomonidan komissiyadan o‘tkazish tartibida, bemor davolashga joylashtirilgach besh kun ichida hal etiladi.
Bemor davolanayotgan davolash muassasasining komissiyasi qabul qilgan qaror asosida bemorni majburiy davolash to‘xtatiladi.
8. Majburiy davolashni o‘tayotgan va davolashga hamda mehnat terapiyasiga vijdonan munosabatda bo‘layotgan shaxslarga qonunda belgilangan tartibda ta’til berilishi mumkin.
Keyingi tahrirga qarang.
9. Shaxsni majburiy davolashga yuborish to‘g‘risidagi sudning qarori uni ishdan bo‘shash nafaqasi to‘lamay ishdan bo‘shatish uchun asos bo‘ladi.
10. Majburiy davolanishga yuborilgan shaxslar avvalgi yashash joyidagi turar joy maydonidan foydalanish huquqini saqlab qoladilar.
11. Davolash muassasasida bo‘lish vaqti mehnat stajining uzilishiga olib kelmaydi va umumiy mehnat stajiga ko‘shiladi.
Keyingi tahrirga qarang.
12. Davolash muassasalaridan majburiy davolashdan qaytgan shaxslarni ishga joylashtirish tuman, shahar, shahardagi tuman hokimlari zimmasiga yuklanadi.
Keyingi tahrirga qarang.
13. 1-ilovaga muvofiq O‘zbekiston Respublikasining qonun hujjatlariga o‘zgartish va qo‘shimchalar kiritilsin.
14. 2-ilovaga muvofiq O‘zbekiston Respublikasining qonun hujjatlari o‘z kuchini yo‘qotgan deb hisoblansin.
1992-yil 9-dekabrda qabul qilingan “Surunkali alkogolizm yoki giyovandlikka mubtalo bo‘lgan bemorlarni majburiy davolash to‘g‘risida”gi O‘zbekiston Respublikasi Qonuniga
1- ILOVA
1- ILOVA
Oldingi tahrirga qarang.
(1-band O‘zbekiston Respublikasi Oliy Majlisining 1995-yil 6-maydagi 73-I-sonli qaroriga asosan o‘z kuchini yo‘qotgan — Oliy Majlis Axborotnomasi, 1995-y., 6-son, 121-modda)
Oldingi tahrirga qarang.
(2-band O‘zbekiston Respublikasi Oliy Majlisining 1995-yil 6-maydagi 73-I-sonli qaroriga asosan o‘z kuchini yo‘qotgan — Oliy Majlis Axborotnomasi, 1995-y., 6-son, 121-modda)
Oldingi tahrirga qarang.
(3-band O‘zbekiston Respublikasi Oliy Majlisining 1995-yil 6-maydagi 73-I-sonli qaroriga asosan o‘z kuchini yo‘qotgan — Oliy Majlis Axborotnomasi, 1995-y., 6-son, 121-modda)
4. O‘zbekiston Respublikasining 1970-yil 24-iyundagi Qonuni bilan tasdiqlangan O‘zbekiston Respublikasining Axloq tuzatish-mehnat kodeksi (O‘zbekiston Respublikasi Oliy Soveti Vedomostlari, 1970-yil, № 18, 168-modda) 76-moddasining uchinchi qismidagi “maxsus davolash va mehnat rejimi bo‘lgan meditsina muassasalarida” degan so‘zlar “O‘zbekiston Respublikasi Sog‘liqni saqlash vazirligi tarmog‘ining ixtisoslashtirilgan davolash-oldini olish muassasalarida” degan so‘zlar bilan almashtirilsin.
Keyingi tahrirga qarang.
Oldingi tahrirga qarang.
(5-band O‘zbekiston Respublikasi Oliy Majlisining 1996-yil 30-avgustdagi 283-I-sonli qaroriga asosan o‘z ahamiyatini yo‘qotgan — Oliy Majlis Axborotnomasi, 1996-y., 9-son, 146-modda)
6. O‘zbekiston Respublikasining 1983-yil 5-iyuldagi Qonuni bilan tasdiqlangan O‘zbekiston Respublikasining Uy-joy kodeksi (O‘zbekiston Respublikasi Oliy Soveti Vedomostlari, 1983-yil, № 19, 320-modda) 67-moddasining ikkinchi qismi quyidagi mazmunda bo‘lgan 5-1-bandi bilan to‘ldirilsin:
“5-1) majburan davolash uchun ixtisoslashtirilgan davolash-oldini olish muassasiga joylashtirilganda — u yerda bo‘lingan butun davr mobaynida saqlanadi”.
Keyingi tahrirga qarang.
Oldingi tahrirga qarang.
(7-band O‘zbekiston Respublikasi Oliy Majlisining 1996-yil 27-dekabrdagi 371-I-sonli qaroriga asosan o‘z kuchini yo‘qotgan — Oliy Majlis Axborotnomasi, 1997-y., 2-son, 69-modda)
8. O‘zbekiston Respublikasi Oliy Soveti Prezidiumining 1970-yil 29-oktabrdagi Farmoni bilan tasdiqlangan “O‘zbekiston Respublikasi kuzatuv komissiyalari to‘g‘risida”gi Nizomning (O‘zbekiston Respublikasi Oliy Soveti Vedomostlari, 1970-yil, № 31, 366-modda) 9-modda:
“m” bandidagi “maxsus davolash va mehnat rejimi bo‘lgan meditsina muassasalarida” degan so‘zlar “O‘zbekiston Respublikasi Sog‘liqni saqlash vazirligi tarmog‘ining ixtisoslashtirilgan davolash-oldini olish muassasalarida” degan so‘zlar bilan almashtirilsin;
“t) surunkali alkogolizm yoki giyohvandlikka mubtalo bo‘lgan bemorlarni davolashga ixtisoslashtirilgan davolash-oldini olish muassasalarining va tarbiya-mehnat profilaktoriylarining faoliyatini nazorat qilish”.
Keyingi tahrirga qarang.
9. O‘zbekiston Respublikasi Oliy Soveti Prezidiumining 1967-yil 31-maydagi Farmoni bilan tasdiqlangan O‘zbekiston Respublikasining voyaga yetmaganlar ishi bilan shug‘ullanuvchi komissiyalari to‘g‘risidagi Nizomning O‘zbekiston Respublikasi Oliy Soveti Prezidiumining 1985-yil 31-oktabrdagi Farmoni asosidagi tahrirda — (O‘zbekiston Respublikasi Oliy Soveti Vedomostlari, 1985-yil, № 31, 363-modda):
a) 1-moddasidan, 10-moddasining birinchi qismidan, 12-moddasidan, 13-moddasining birinchi qismidan, 24-moddasining yettinchi qismidan “va davolash-tarbiya” degan so‘zlar chiqarib tashlansin;
“i” bandidan “davolash-tarbiya profilaktoriysining ma’muriyati bilan birgalikda davolash-tarbiya profilaktoriysidan muddatidan ilgari ozod qilish to‘g‘risida sudga taqdimnoma bilan kiradilar; o‘n sakkiz yoshga to‘lgan, giyohvandlikka mubtalo bo‘lgan bemorlarni davolash-tarbiya profilaktoriysidan davolash-mehnat profilaktoriysiga ko‘chirish to‘g‘risidagi taqdimnoma bilan sudga murojaat qilish xususida davolash-tarbiya profilaktoriysi ma’muriyatiga rozilik beradilar” degan jumla chiqarib tashlansin.
“n” bandidan “shuningdek o‘n sakkiz yoshga to‘lgan giyohvandlikka mubtalo bo‘lgan bemorlarni profilaktoriyda qoldirish xususida davolash-tarbiya profilaktoriysi ma’muriyatiga rozilik beradilar” degan so‘zlar chiqarib tashlansin;
“Voyaga yetmaganlar maxsus o‘quv-tarbiya muassasalariga ota-onalari yoki ularning o‘rnini bosuvchi shaxslar roziligisiz ham voyaga yetmaganlar ishlari bo‘yicha komissiyaning qaroriga binoan yuborilish mumkin. Maxsus o‘quv-tarbiya muassasalariga yuborish to‘g‘risidagi ishlar faqat prokuror ishtirokidagina qarab chiqariladi”;
d) “26-moddaning birinchi qismidan yoki davolash-tarbiya”, “narkomaniya kasalligiga yo‘liqqanlar uchun davolash-tarbiya profilaktoriylari bundan mustasnodir” degan so‘zlar chiqarib tashlansin;
Keyingi tahrirga qarang.
10. O‘zbekiston Respublikasi Oliy Soveti Prezidiumining 1967-yil 31-maydagi Farmoni bilan tasdiqlangan (O‘zbekiston Respublikasi Oliy Soveti Prezidiumining 1985-yil 31-oktabrdagi Farmoni tahririda) O‘zbekiston Respublikasining voyaga yetmaganlar bilan ish olib boruvchi jamoat tarbiyachilari to‘g‘risidagi Nizom (O‘zbekiston Respublikasi Oliy Soveti Vedomostlari, 1985-yil, № 31, 363-modda);
3-moddasining birinchi qismi “d” bandidagi va 7-moddasining birinchi qismidagi “davolash-tarbiya” degan so‘zlar “ixtisoslashtirilgan davolash-oldini olish” degan so‘zlar bilan almashtirilsin.
Keyingi tahrirga qarang.
11. O‘zbekiston Respublikasi Oliy Soveti Prezidiumining 1972-yil 26-oktabrdagi Farmoni bilan tasdiqlangan “Ichkilikbozlikka qarshi kurash olib boruvchi komissiyalar to‘g‘risidagi Nizom” (O‘zbekiston Respublikasi Oliy Soveti Vedomostlari, 1985-yil,№ 31, 361-modda — O‘zbekiston Respublikasi Oliy Soveti Prezidiumining 1985-yil 31-oktabrdagi Farmoni tahririda):
v) korxonalarda, muassasalarda, tashkilotlarda alkogolni yoki giyovand moddalarni suiiste’mol qiluvchi shaxslar o‘rtasida zarur tarbiyaviy ishlar olib borishni tashkil etishda qatnashadilar, bu ishga mehnat jamoalarini, jamoat tashkilotlari va tashabbuskor jamoat idoralari vakillarini keng jalb etadilar; alkogolni yoki giyovand moddalarni suiiste’mol qiluvchi shaxslarni qayta tarbiyalashda jamoat tashkilotlariga va mehnat jamoalariga yordam beradilar, alkogolni suiiste’mol qiluvchi shaxslarga jamoat ta’siri va ma’muriy ta’sir ko‘rsatish qanchalik samarali ekanligini tekshirib turadilar;
g) ichkilikbozlik yoki giyovandlik uchun ilgari ma’muriy jazoga tortilgan yoki jamoat ta’siri ko‘rsatish chorasi qo‘llanilgan, alkogolni yoki giyovand moddalarni muntazam suiiste’mol qilib, bir necha bor meditsina hushyorxonasiga tushgan shaxslarni aniqlab topish va hisobga olishda ichki ishlar va sog‘liqni saqlash idoralari olib boradigan ishlarni nazorat qilib turadilar, bunday shaxslar turmushda va ishlab chiqarishda o‘zlarini qanday tutayotganliklari ustidan doimiy jamoat nazorati olib borilishini uyushtiradilar; surunkali alkogolizm yoki giyovandlikka mubtalo bo‘lgan bemorlarni tegishli meditsina muassasalariga majburiy yuborish yuzasidan zarur choralar ko‘radilar, shuningdek ichkilikbozlik, alkogolizm va giyovandlikka barham berishga qaratilgan boshqa ogohlantiruvchi choralarni ko‘radilar;
d) O‘zbekiston Respublikasi Sog‘liqni saqlash vazirligi tarmog‘ining meditsina hushyorxonalari va ixtisoslashtirilgan davolash-oldini olish profilaktoriylarning ishlarini tekshirib turadilar, shuningdek mazkur profilaktoriylarda bo‘lgan shaxslarni qayta tarbiyalash va axloqni tuzatish ishlarida shu profilaktoriylar ma’muriyatiga yordam beradilar;
e) davolash profilaktoriysidan majburiy davolanib qaytgan shaxslarning xulq-atvori ustidan jamoat tashkilotlari va mehnat jamoalari nazorat qilib borishini tashkil etadilar va ularga ishga joylashishda yordam ko‘rsatadilar”;
“j) jamoat tartibini buzayotgan, boshqa shaxslarning huquqlarini buzayotgan, yoxud aholining osoyishtaligi, sog‘lig‘i va ma’naviyatini xavf ostida qoldirayotgan surunkali alkogolizm va giyovandlikka mubtalo bo‘lganlarni majburiy davolash va mehnatda qayta tarbiyalash uchun O‘zbekiston Respublikasi Sog‘liqni saqlash vazirligi tarmog‘ining ixtisoslashtirilgan davolash-oldini olish muassasalariga yuborish to‘g‘risidagi ariza bilan sudga murojaat etish”.
12. O‘zbekiston Respublikasi Oliy Soveti Prezidiumining 1985-yil Z1-oktabrdagi Farmoni bilan tasdiqlangan “Korxonalar, muassasalar, tashkilotlarda va ularning strukturaviy bo‘linmalarida tuziladigan ichkilikbozlikka qarshi kurash olib boruvchi komissiyalar to‘g‘risidagi Nizom” (O‘zbekiston Respublikasi Oliy Sovetining Vedomostlari, 1985-yil, № Z1, Z62-modda):
“4) mehnat jamoasining ixtisoslashtirilgan davolash-oldini olish muassasalarida majburiy davolanish kursini o‘tgan a’zolari xulq-atvorini nazorat qilib boradi”.
b) 6-moddasining 5-bandidan “ixtiyoriy davolanishdan bosh tortib kelayotgan” degan so‘zlar chiqarib tashlansin.
13. O‘zbekiston Respublikasi Oliy Soveti Prezidiumi 1985-yil 25-mayda qabul qilgan “Ichkilikbozlikka va alkogolizmga qarshi kurashni kuchaytirish, samogon tayyorlashga barham berish tadbirlari to‘g‘risida”gi Farmonning (O‘zbekiston Respublikasi Oliy Soveti Vedomostlari, 1985-yil, № 16, 169-modda) 26-moddasi quyidagi tahrirda bayon etilsin:
“26-modda. Jamoat tartibini buzayotgan, boshqa shaxslarning huquqlarini buzayotgan, yoxud aholining osoyishtaligini, sog‘lig‘ini va ma’naviyatini xavf ostida qoldirayotgan surunkali alkogolizmga mubtalo bo‘lgan bemorlar sudning qaroriga muvofiq majburiy davolash uchun O‘zbekiston Respublikasi Sog‘liqni saqlash vazirligi tarmog‘ining maxsus davolash-oldini olish muassasalariga jo‘natilishi kerak.
Qayd etilgan toifadagi shaxslarni majburiy davolashga jo‘natish to‘g‘risidagi masala sud tomonidan ochiq sud majlisida, meditsina xulosasi mavjud bo‘lgan holda hamda ichki ishlar idoralari o‘z tashabbusiga ko‘ra yoki bemor oila a’zolarining yoxud qarindoshlarining, mehnat jamoalarining, sog‘liqni saqlash muassasalarining, shuningdek ichkilikbozlikka va giyovandlikka qarshi kurash bo‘yicha tuman, shahar, shahardagi tuman komissiyalarining arizasiga asosan tayyorlanadigan va jo‘natiladigan materiallar asosida hal etiladi.
Majburiy davo muddati davolash muassasasi tomonidan bemor davolanishga yotqizilgan kundan boshlab, besh kunlik muddat ichida komissiya xohish-irodasiga ko‘ra belgilanadi”.
1992-yil 9-dekabrda qabul qilingan “Surunkali alkogolizm yoki giyovandlikka mubtalo bo‘lgan bemorlarni majburiy davolash to‘g‘risida”gi O‘zbekiston Respublikasi Qonuniga
2-ILOVA
2-ILOVA
1. O‘zbekiston Respublikasi Oliy Soveti Prezidiumining 197Z yil 22-fevraldagi “Xronik alkogoliklar va giyovandlik (narkomaniya) kasaliga yo‘liqqanlar uchun davolash — mehnat profilaktoriylari to‘g‘risidagi Nizomni tasdiqlash to‘g‘risida”gi Farmon (O‘zbekiston Respublikasi Oliy Soveti Vedomostlari, 197Z yil, № 6, 96-modda).
2. O‘zbekiston Respublikasi Oliy Soveti Prezidiumining 1982-yil 27-maydagi “O‘zbekiston Respublikasining huquq-tartibotni saqlash masalalariga oid ba’zi qonun aktlariga o‘zgartishlar kiritish to‘g‘risida”gi Farmonining (O‘zbekiston Respublikasi Oliy Soveti Vedomostlari, 1982-yil, № 16, 278-modda) 3-moddasi va 6-moddasidagi yigirma beshinchi xatboshi.
3. O‘zbekiston Respublikasi Oliy Soveti Prezidiumining “Xronik alkogoliklar va narkomaniya kasaliga yo‘liqqanlarni majburiy davolash va mehnatda qayta tarbiyalash to‘g‘risida”gi Farmoniga o‘zgartirishlar va qo‘shimchalar kiritish haqida” O‘zbekiston Respublikasi Oliy Soveti Prezidiumi 1984-yil 2-dekabrda qabul qilgan Farmon (O‘zbekiston Respublikasi Oliy Soveti Vedomostlari, 1984-yil, № 34, 474-modda).
4. O‘zbekiston Respublikasi Oliy Soveti Prezidiumining “O‘zbekiston Respublikasining ayrim qonun aktlariga o‘zgartirishlar va qo‘shimchalar kiritish to‘g‘risida”gi Farmonlarini tasdiqlash haqida” 1984-yilning 3-dekabrida qabul qilingan O‘zbekiston Respublikasi Qonunining (O‘zbekiston Respublikasi Oliy Soveti Vedomostlari, 1984-yil, № 34, 485-modda) O‘zbekiston Respublikasi Oliy Soveti Prezidiumining “Xronik alkogoliklar va giyovandlik (narkomaniya) kasaliga yo‘liqqanlarni majburiy davolash va mehnatda qayta tarbiyalash to‘g‘risida”gi Farmoniga o‘zgartirishlar va qo‘shimchalar kiritish haqidagi 1984-yil 2-dekabr Farmoni”ga oid qismi.
5. O‘zbekiston Respublikasi Oliy Soveti Prezidiumining 1984-yil 2-dekabrdagi O‘zbekiston Respublikasi Oliy Soveti Prezidiumining “Xronik alkogoliklar va giyovandliklar (narkomaniya) kasaliga yo‘liqqanlarni majburiy davolash va mehnatda qayta tarbiyalash to‘g‘risida”gi Farmonini qo‘llanish tartibi haqida”gi O‘zbekiston Respublikasi Oliy Soveti Prezidiumining Qaroriga o‘zgartirishlar kiritish to‘g‘risida”gi Qarori (O‘zbekiston Respublikasi Oliy Soveti Vedomostlari, 1984-yil, № 34, 476-modda).
6. O‘zbekiston Respublikasi Oliy Soveti Prezidiumining 1985-yil 31-oktabrdagi “O‘zbekiston Respublikasining ba’zi bir qonun aktlariga o‘zgartirish va qo‘shimchalar kiritish to‘g‘risida”gi Farmoni (O‘zbekiston Respublikasi Oliy Soveti Vedomostlari, 1985-yil, № 31, 360-modda).
7. “O‘zbekiston Respublikasi Oliy Soveti Prezidiumining ba’zi qonunbuzarliklar uchun javobgarlik to‘g‘risidagi O‘zbekiston Respublikasining ayrim kodekslariga va boshqa qonun aktlariga o‘zgartirish va qo‘shimchalar kiritish to‘g‘risidagi farmonlarini tasdiqlash haqida” 1985-yilning 13-dekabrida qabul qilingan O‘zbekiston Respublikasi Qonunining (O‘zbekiston Respublikasi Oliy Soveti Vedomostlari 1985-yil, № 35, 414-modda) “O‘zbekiston Respublikasining ba’zi qonun aktlariga o‘zgartirish va qo‘shimchalar kiritish to‘g‘risidagi 1985-yil 31-oktabr Farmoni”ga oid qismi.
8. O‘zbekiston Respublikasi Oliy Soveti Prezidiumining 1986-yil 17-noyabrdagi “O‘zbekiston Respublikasining ba’zi qonun aktlariga o‘zgartirish va qo‘shimchalar kiritish to‘g‘risida hamda narkomaniya kasalligiga yo‘liqqanlar uchun davolash-tarbiya profilaktoriysi to‘g‘risidagi nizomni tasdiqlash haqida”gi Farmoni (O‘zbekiston Respublikasi Oliy Soveti Vedomostlari, 1986-yil, № 33, 387-modda).
9. “O‘zbekiston Respublikasi Oliy Soveti Prezidiumining O‘zbekiston Respublikasining ba’zi qonun aktlariga o‘zgartish va qo‘shimchalar kiritish to‘g‘risidagi farmonlarini tasdiqlash haqida” 1986-yilning 6-dekabrida qabul qilingan O‘zbekiston Respublikasi Qonunining (O‘zbekiston Respublikasi Oliy Soveti Vedomostlari, 1986-yil, № 34, 417-modda) “O‘zbekiston Respublikasi Oliy Soveti Prezidiumining O‘zbekiston Respublikasining ba’zi qonun aktlariga o‘zgartirish va qo‘shimchalar kiritish to‘g‘risida hamda narkomaniya kasalligiga yo‘liqqanlar uchun davolash-tarbiya profilaktoriysi to‘g‘risidagi Nizomni tasdiqlash haqida”gi 1986-yil 17-noyabr Farmoniga oid qismi.
10. O‘zbekiston Respublikasi Oliy Soveti Prezidiumining 1987-yil 7-avgustidagi “O‘zbekiston Respublikasi Jinoyat kodeksiga, O‘zbekiston Respublikasining Ma’muriy huquqbuzarlik to‘g‘risidagi kodeksiga va O‘zbekiston Respublikasining boshqa Qonun aktlariga o‘zgartirishlar hamda qo‘shimchalar kiritish haqida”gi Farmoni (O‘zbekiston Respublikasi Oliy Soveti Vedomostlari, 1987-yil № 23, 250-modda) 1-bo‘limining 1-moddasi, IV va V bo‘limlari.