Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonunlariga oʻzgartishlar va qoʻshimchalar kiritilsin:

I. Oʻzbekiston Respublikasining 1963-yil 23-martda qabul qilingan Qonuni bilan tasdiqlangan Oʻzbekiston Respublikasi Grajdanlik kodeksi (Oʻzbekiston Respublikasi Oliy Sovetining. Vedomostlari, 1963-yil, № 9, 30-modda) 108-moddasining ikkinchi qismi quyidagi tahrirda bayon etilsin:

“Yer uchastkalari qonun hujjatlarida nazarda tutilgan hollarda, tartibda va shartlarda yuridik hamda jismoniy shaxslarning mulki boʻlishi mumkin”.

II. Oʻzbekiston Respublikasining 1990-yil 20-iyunda qabul qilingan “Yer toʻgʻrisida”gi Qonuniga (Oʻzbekiston Respublikasi Oliy Sovetining Vedomostlari, 1990-yil, № 16 — 18, 294-modda; Oʻzbekiston Respublikasi Oliy Kengashining Axborotnomasi, 1992-yil, № 2, 84-modda; 1993-yil, № 6, 243-modda; 1994-yil, № 5, 161-modda, № 11-12, 285-modda):

1) 2-moddaning ikkinchi qismi quyidagi tahrirda bayon etilsin:

“Yer uchastkalari quyidagilarga mulk qilib berilishi mumkin:

yuridik va jismoniy shaxslarga, shu jumladan chet ellik yuridik va jismoniy shaxslarga savdo va xizmat koʻrsatish sohasi obyektlari shu obyektlar joylashgan yer uchastkalari bilan birga xususiylashtirilayotganda;

chet ellik yuridik va jismoniy shaxslarga — diplomatiya korpusi xodimlariga, Oʻzbekiston Respublikasida akkreditatsiya qilingan matbuot vakillariga, firmalar, kompaniyalar va xalqaro tashkilotlar doimiy vakolatxonalarining xodimlariga, chet el investitsiyalari ishtirokidagi korxonalarda doimiy asosda ishlovchi shaxslarga, shuningdek respublikada doimiy istiqomat qilayotgan va istiqomat qilish uchun guvohnomasi boʻlgan shaxslarga turar joy binolari shu binolar joylashgan yer uchastkalari bilan birga sotilayotganda”;

2) 5-moddaning:

birinchi qismi quyidagi mazmundagi toʻrtinchi xatboshi bilan toʻldirilsin:

“yer uchastkalarini fuqarolarning meros qilib qoldiriladigan umrbod egaligiga kim oshdi asosida sotish”;

toʻrtinchi — sakkizinchi xatboshilari tegishli ravishda beshinchi — toʻqqizinchi xatboshlari deb hisoblansin;

3) 6-moddaning:

birinchi qismi quyidagi mazmundagi beshinchi xatboshi bilan toʻldirilsin:

“yer uchastkalarini fuqarolarning meros qilib qoldiriladigan umrbod egaligiga kim oshdi asosida sotish”;

beshinchi — oʻninchi xatboshilari tegishli ravishda oltinchi — oʻn birinchi xatboshilari deb hisoblansin;

4) 12-moddaning nomi, birinchi, uchinchi, beshinchi va oltinchi qismlari “berish”, “berilgan” degan soʻzlardan keyin tegishli ravishda “(sotish)”, “(sotilgan)” degan soʻzlar bilan toʻldirilsin;

5) 12-1-modda quyidagi tahrirda bayon etilsin:

Yuridik va jismoniy shaxslarning, shu jumladan chet ellik yuridik va jismoniy shaxslarning yer uchastkalariga mulkdorligi savdo va xizmat koʻrsatish sohasi obyektlari ular joylashgan yer uchastkalari bilan birga xususiylashtirilayotganda Oʻzbekiston Respublikasi Vazirlar Mahkamasi belgilagan tartibda tanlov yoki kim oshdi savdosi oʻtkazish natijasida yuzaga keladi. Tanlov yoki kim oshdi savdosining zarur sharti Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasi yoki uning hududiy organi bilan yangi mulkdor oʻrtasida Oʻzbekiston Respublikasining qonun hujjatlariga muvofiq shartnoma tuzishdan iborat.

Yer uchastkalariga chet ellik yuridik va jismoniy shaxslarning — diplomatiya korpusi xodimlarining, Oʻzbekiston Respublikasida akkreditatsiya qilingan matbuot vakillarining, firmalar, kompaniyalar va xalqaro tashkilotlar doimiy vakolatxonalari xodimlarining, chet el investitsiyalari ishtirokidagi korxonalarda doimiy asosda ishlovchi shaxslarning, shuningdek respublikada doimiy istiqomat qilayotgan va istiqomat qilish uchun guvohnomasi boʻlgan shaxslarning mulkdorligi ularga qonun hujjatlarida belgilangan tartibda turar joy binolari shu binolar joylashgan yer uchastkalari bilan birga sotilayotganida yuzaga keladi”;

6) 13-moddaning:

birinchi qismi quyidagi mazmundagi 11-band bilan toʻldirilsin:

“11) meros qilib qoldiriladigan umrbod egalik huquqini beruvchi order kim oshdi savdosi asosida olinganidan keyin yer uchastkasidan ikki yil mobaynida foydalanilmaganida. Foydalanilmagan yer uchastkalari avvalgi egalariga ular toʻlagan haqni qaytarib bergan holda tortib olinadi”;

11-band 12-band deb hisoblansin;

uchinchi qismining 1 va 3-bandlari“xizmat koʻrsatish sohasi obyektlari” degan soʻzlardan keyin “shuningdek turar joy binolari” degan soʻzlar bilan toʻldirilsin;

7) 14-moddaning yettinchi qismi “xizmat koʻrsatish sohasi obyektlari” degan soʻzlardan keyin “yoki turar joy binosi” degan soʻzlar bilan toʻldirilsin;

8) 19-moddaning:

nomi quyidagi tahrirda bayon etilsin: “Yer uchastkalariga mulkdorlik va yerga egalik huquqining kafolatlari”;

uchinchi qismidagi “sohasi obyektlarini” degan soʻzlar “sohasi obyektlari, shuningdek turar joy binolari” degan soʻzlar bilan almashtirilsin;

9) 20-moddaning birinchi qismidagi oxirgi xatboshi “olish” degan soʻzdan keyin “va kim oshdi asosida sotib olish” degan soʻzlar bilan toʻldirilsin;

10) 20-1-modda quyidagi tahrirda bayon etilsin:

Yuridik va jismoniy shaxslar, shu jumladan chet ellik yuridik va jismoniy shaxslar savdo hamda xizmat koʻrsatish sohasi obyektlarini, chet ellik yuridik va jismoniy shaxslar esa, shuningdek turar joy binolarini ham shu obyektlar yoki binolar joylashgan yer uchastkalari bilan birga qonun hujjatlarida belgilangan tartibda va shartlarda sotib olish huquqiga egadirlar”;

11) 21-modda:

nomi va toʻrtinchi qismi “berish” degan soʻzdan keyin “(sotish)” degan soʻz bilan toʻldirilsin;

quyidagi mazmundagi toʻrtinchi qism bilan toʻldirilsin:

“Shaxsiy yordamchi xoʻjalik yuritish uchun 0,06 gektargacha yer uchastkalari meros qilib qoldiriladigan umrbod egalikka kim oshdi asosida sotiladi”;

toʻrtinchi — yettinchi qismlari tegishli ravishda beshinchi — sakkizinchi qismlar deb hisoblansin;

12) 22-modda:

nomi “berish” degan soʻzdan keyin “(sotish)” degan soʻz bilan toʻldirilsin:

quyidagi mazmundagi ikkinchi qism bilan toʻldirilsin:

“Yakka tartibda uy-joy qurish uchun 0,04 gektargacha yer uchastkalari meros qilib qoldiriladigan umrbod egalikka kim oshdi asosida sotiladi”;

13) 62-moddaning ikkinchi qismi “xizmat koʻrsatish sohasi obyektlari” degan soʻzlardan keyin “shuningdek turar joy binolari” degan soʻzlar bilan toʻldirilsin.

III. Oʻzbekiston Respublikasining 1990-yil 31-oktabrda qabul qilingan “Oʻzbekiston Respublikasida mulkchilik toʻgʻrisida”gi Qonuniga (Oʻzbekiston Respublikasi Oliy Sovetining Vedomostlari, 1990-yil, № 31 — 33, 371-modda; Oʻzbekiston Respublikasi Oliy Kengashining Axborotnomasi, 1993-yil, № 5, 235-modda; 1994-yil, № 11-12, 285-modda):

1) 7-moddaning 8-bandidagi “mulki” degan soʻz “xususiy mulki” degan soʻzlar bilan almashtirilsin:

2) 19-modda 1-bandining ikkinchi xatboshisidagi “(savdo va xizmat koʻrsatish sohasi obyektlari bilan birga yuridik xamda jismoniy shaxslarning mulki qilib berilgan yerlardan tashqari)” degan soʻzlar “(qonun hujjatlarida nazarda tutilgan hollarda, tartibda va shartlarda mulk qilib berilgan yerlardan tashqari)” degan soʻzlar bilan almashtirilsin;

3) 27-1-moddadagi “xususiy” degan soʻz chiqarib tashlansin.

IV. Oʻzbekiston Respublikasining 1992-yil 9-dekabrda qabul qilingan “Garov toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 17-modda; 1994-yil, № 11-12, 285-modda) 4-moddasi 1-bandining birinchi xatboshisi va 36-moddasining 1-bandi “xizmat koʻrsatish sohasi obyektlari” degan soʻzlardan keyin “shuningdek turar joy binolari” degan soʻzlar bilan toʻldirilsin.

V. Oʻzbekiston Respublikasining 1993-yil 6-mayda qabul qilingan “Yer soligʻi toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1993-yil, № 5, 215-modda; 1994-yil № 5, 161-modda; № 11-12, 285-modda):

1) 1-moddaning birinchi qismidagi “Oʻz egaligida, foydalanishida yer uchastkalari boʻlgan yuridik va jismoniy shaxslar, shuningdek savdo hamda xizmat koʻrsatish sohasi obyektlari bilan birga ular joylashgan yer uchastkalarining mulkdorlari” degan soʻzlar “Oʻz mulkida, egaligida yoki foydalanishida yer uchastkalari boʻlgan yuridik va jismoniy shaxslar” degan soʻzlar bilan almashtirilsin;

2) 6-modda quyidagi tahrirda bayon etilsin:

Yer uchastkalarining mulkdorlari, yerga egalik qiluvchi yoki yerdan foydalanuvchi fuqarolar soliq organlari tomonidan xar yili 1-yanvargacha boʻlgan holatga qarab roʻyxatga olinadilar. Soliqni hisoblash va uni toʻlash haqidagi xabarnomalar taqdim etish 1-aprelga qadar tugallanadi. Fuqarolar yer soligʻini yiliga bir marta 1-noyabrga qadar toʻlaydilar.

Fuqarolarga yil davomida yer uchastkasi ajratilgan (qoʻshimcha yer berilgan) xollarda yer soligʻi yer uchastkasi ajratilgandan keyingi oydan boshlab hisoblanadi. Yer soligʻi undirish yer uchastkasi olib qoʻyilgan (kamaytirilgan) oydan boshlab toʻxtatiladi (kamaytiriladi).

Fuqarolar qonun hujjatlarida belgilangan tartibda yer uchastkalari olganlari taqdirda yer soligʻini yer olgan oydan keyingi oydan boshlab toʻlaydilar. Yer soligʻi undirish yer uchastkasi sotilgan oydan boshlab toʻxtatiladi (kamaytiriladi).

Yer soligʻi berib qoʻyilgan yer uchastkalaridan foydalanilgani yoki foydalanilmaganidan, shuningdek qishloq xoʻjalik ekinlari hosildorligi darajasidan qatʼi nazar undiriladi”;

3) 12-modda quyidagi mazmundagi ikkinchi qism bilan toʻldirilsin:

“Meros qilib qoldiriladigan umrbod egalik huquqini beruvchi order olingandan keyin yer uchastkalaridan bir yil davomida foydalanmaganlik uchun uch baravar miqdorda yer soligʻi undiriladi”.

VI. Oʻzbekiston Respublikasining 1994-yil 5-mayda qabul qilingan “Chet el investitsiyalari va chet ellik investorlar faoliyatining kafolatlari toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1994-yil, № 5, 128-modda; № 11-12, 285-modda):

1) 3-moddaning beshinchi xatboshisi “xizmat koʻrsatish sohasi obyektlari” degan soʻzlardan keyin “shuningdek turar joy binolari” degan soʻzlar bilan toʻldirilsin;

2) 4-moddaning uchinchi qismi quyidagi tahrirda bayon etilsin:

“Chet el investitsiyalari ishtirokidagi korxona Oʻzbekiston Respublikasi Adliya vazirligida roʻyxatdan oʻtmogʻi lozim va roʻyxatga olingan paytdan boshlab yuridik shaxs huquqiga ega boʻladi”;

3) 9-moddaning toʻrtinchi qismi quyidagi tahrirda bayon etilsin:

“Chet ellik investorlar va chet el investitsiyasi ishtirokidagi korxonalar qonun hujjatlarida nazarda tutilgan hollarda va shartlarda yer uchastkalarini sotib olishlari mumkin”;

4) 22-modda “xizmat koʻrsatish sohasi obyektlari” degan soʻzlardan keyin “, shuningdek turar joy binolari” degan soʻzlar bilan toʻldirilsin.

VII. Oʻzbekiston Respublikasining 1992-yil 9-dekabrda qabul qilingan “Tabiatni muhofaza qilish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil № 1, 38-modda) 42-moddasining ikkinchi qismi quyidagi tahrirda bayon etilsin:

“Radioaktiv chiqindilarni va kimyoviy moddalarni koʻmib tashlash uchun ruxsatnoma mahalliy davlat hokimiyati organlari hamda davlat sanitariya va konchilik nazorati organlari bilan kelishilgan holda Oʻzbekiston Respublikasi Tabiatni muhofaza qilish davlat qoʻmitasi tomonidan beriladi”.

VIII. Oʻzbekiston Respublikasining 1991-yil 14-iyunda qabul qilingan “Ommaviy axborot vositalari toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1991-yil, № 8, 180-modda) 30-moddasi quyidagi tahrirda bayon etilsin:

Ommaviy axborot vositalarining mahsulotlarini belgilangan tartibda roʻyxatdan oʻtkazmasdan yoki ularni chiqarishni yoxud nashr etishni toʻxtatish toʻgʻrisida qaror qabul qilingandan keyin qonunga hilof ravishda tayyorlaganlik va tarqatganlik qonun hujjatlariga muvofiq javobgarlikka tortishga sabab boʻladi”.

IX. Oʻzbekiston Respublikasining 1992-yil 13-yanvarda qabul qilingan “Aholini ish bilan taʼminlash toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1992-yil, № 4, 175-modda; 1993-yil, № 6, 238-modda; 1994-yil, № 5, 161-modda) 40-moddasi quyidagi tahrirda bayon etilsin:

Ushbu Qonun 2-moddasi 1-bandining uchinchi qismida nazarda tutilgan harakatlarning sodir etilishida aybdor boʻlgan shaxslar qonun hujjatlariga muvofiq maʼmuriy javobgarlikka tortiladilar”.

X. Oʻzbekiston Respublikasining 1992-yil 3-iyulda qabul qilingan “Davlat sanitariya nazorati toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1992-yil, № 9, 355-modda) 30-moddasi quyidagi tahrirda bayon etilsin:

Ushbu Qonun talablarining buzilishida aybdor boʻlgan shaxslar qonun hujjatlariga muvofiq javobgarlikka tortiladi. Maʼmuriy jarima pullari Oʻzbekiston Respublikasi, Qoraqalpogʻiston Respublikasi, viloyatlar va Toshkent shahrining epidemiyaga qarshi jamgʻarmalariga tushadi”.

XI. Oʻzbekiston Respublikasining 1992-yil 3-iyulda qabul qilingan “Guvohlar, jabrlanuvchilar, ekspertlar, mutaxassislar, tarjimonlar va xolislarning qilgan xarajatlarini toʻlash tartibi va miqdorlari toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1992-yil, № 9, 359-modda):

7-moddasidagi “86”, “87”, raqamlari tegishincha “318”, “320” raqamlari bilan, “sud xarajatlariga”, “sud xarajatlari” degan soʻzlar tegishincha “protsessual chiqimlarga”, “protsessual chiqimlar” degan soʻzlar bilan;

8-moddasidagi “sud xarajatlari” degan soʻzlar “protsessual chiqimlar” degan soʻzlar bilan almashtirilsin.

XII. Oʻzbekiston Respublikasining 1993-yil 3-sentabrda qabul qilingan “Veterinariya toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1993-yil, № 9, 335-modda):

1) 4-moddaning ikkinchi qismidagi, 5-moddaning birinchi, uchinchi, beshinchi va yettinchi qismlaridagi, 7-moddaning birinchi, ikkinchi va beshinchi qismlaridagi, 17-moddaning toʻrtinchi xatboshisidagi, 18-moddaning oʻn ikkinchi va oʻn uchinchi xatboshisidagi, 19-moddaning toʻrtinchi qismidagi “Vazirlar Mahkamasi” degan soʻzlar “Qishloq xoʻjaligi vazirligi” degan soʻzlar bilan almashtirilsin;

2) 9-moddaning uchinchi qismi “Roʻyxati” degan soʻzdan keyin “Oʻzbekiston Respublikasi Qishloq xoʻjaligi vazirligining taqdimiga asosan” degan soʻzlar bilan toʻldirilsin.