|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
ТОШКЕНТ—ЧИМЁН—ЧОРВОҚ ДАМ ОЛИШ ЗОНАСИ АВТОМОБИЛЬ ЙЎЛИНИ МУКАММАЛ ТАЪМИРЛАШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Тошкент—Чимён—Чорвоқ дам олиш масканларига олиб борадиган автомобиль йўлида автотранспортнинг хавфсиз юришини таъминлаш ҳамда ҳайдовчи ва йўловчилар учун қулай шарт-шароитлар яратиш мақсадида, шунингдек автосайёҳларнинг тобора кўпайиб бораётганлигини ҳисобга олиб Вазирлар Маҳкамаси қарор қилади:
1. «Ўзавтойўл» давлат-акциядорлик компанияси, Тошкент вилояти ва Тошкент шаҳар ҳокимликларининг 2003 йил ва 2004 йилнинг биринчи ярмида Тошкент—Чимён—Чорвоқ дам олиш зонаси автомобиль йўлини халқаро стандартлар даражасида мукаммал таъмирлаш ва қайта қуриш тўғрисидаги таклифлари қабул қилинсин.
2. Қуйидагилар:
йўл-кўприк ишларини лойиҳалаштириш ва уларни бажариш бўйича — «Ўзавтойўл» давлат-акциядорлик компанияси бош буюртмачи ва бош пудратчи этиб;
электр узатиш тармоқларини кўчириш ишларини лойиҳалаштириш ва уларни бажариш бўйича — «Ўзбекэнерго» давлат-акциядорлик компанияси бош пудратчи этиб;
алоқа тармоқларини кўчириш ишларини лойиҳалаштириш ва уларни бажариш бўйича — Ўзбекистон алоқа ва ахборотлаштириш агентлиги бош пудратчи этиб белгилансин.
3. Ўзбекистон Республикаси Молия вазирлиги ҳузуридаги Республика йўл жамғармаси маблағлари Тошкент—Чимён—Чорвоқ дам олиш зонаси автомобиль йўлини лойиҳалаштириш ва таъмирлаш-қурилиш ишларини молиялаштириш манбаси этиб белгилансин.
Молия вазирлиги (Республика йўл жамғармаси) «Ўзавтойўл» давлат-акциядорлик компанияси буюртманомаси асосида 2003 йилнинг охиригача Тошкент—Чимён—Чорвоқ дам олиш зонаси автомобиль йўлини лойиҳалаштириш, мукаммал таъмирлаш ва қайта қуриш ишлари аванслаштирилишини таъминласин.
«Ўзавтойўл» давлат-акциядорлик компанияси 2003 йилнинг 15 декабригача бўлган муддатда белгиланган тартибда ишчи ҳужжатлар билан биргаликда техник-иқтисодий асослашларни ишлаб чиқсин ва тасдиқлансин, улар асосида Ўзбекистон Республикаси Молия вазирлиги Республика йўл жамғармасининг 2004 йилги харажатлар сметасида кўрсатиб ўтилган ишларни молиялаштиришни назарда тутсин.
Олдинги таҳрирга қаранг.
(3-банднинг тўртинчи хатбошиси Ўзбекистон Республикаси Вазирлар Маҳкамасининг 2004 йил 18 мартдаги 130-сон қарорига мувофиқ ўз кучини йўқотган)
Кўрсатиб ўтилган объект қурилишида бевосита ишлаётган барча тоифадаги ходимларнинг ойлик иш ҳақига 1,3 коэффициент белгилансин.
Олдинги таҳрирга қаранг.
(4-банд Ўзбекистон Республикаси Вазирлар Маҳкамасининг 2004 йил 18 мартдаги 130-сон қарорига мувофиқ ўз кучини йўқотган)
5. Тошкент вилояти ва Тошкент шаҳар хокимликлари:
ўз вақтида ер ажратилиши, иморатлар бузилишини ва автомобиль йўли бўйи ободонлаштирилишини;
лойиҳани амалга оширишда қатнашаётган ходимлар учун зарур ижтимоий-маиший шароитлар яратилишини, улар жойлаштирилишини ва овқатланишини таъминласинлар.
Олдинги таҳрирга қаранг.
(6-7-бандлар Ўзбекистон Республикаси Вазирлар Маҳкамасининг 2004 йил 18 мартдаги 130-сон қарорига мувофиқ ўз кучини йўқотган)
Вазирлар Маҳкамасининг Раиси И. КАРИМОВ
Тошкент ш.,
2003 йил 7 ноябрь,
493-сон
