Ҳужжат 01.04.2005 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

Олдинги таҳрирга қаранг.

ЎЗБЕКИСТОН РЕСПУБЛИКАСИНИНГ МУҲОФАЗА ЭТИЛАДИГАН ТАБИИЙ ҲУДУДЛАРИ ДАВЛАТ КАДАСТРИНИ ЮРИТИШ ТАРТИБИ ТЎҒРИСИДАГИ НИЗОМНИ ТАСДИҚЛАШ ҲАҚИДА

(қарор номи Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда— ЎР ҚҲТ, 2005 й., 14-сон, 103-модда)

«Алоҳида муҳофаза этиладиган табиий ҳудудлар тўғрисида» Ўзбекистон Республикаси Қонунига мувофиқ, Ўзбекистон Республикаси давлат кадастрлари ягона тизимининг амалда бўлишини таъминлаш мақсадида Вазирлар Маҳкамаси қарор қилади:

Олдинги таҳрирга қаранг.

1. Ўзбекистон Республикасининг муҳофаза этиладиган табиий ҳудудлари давлат кадастрини юритиш тартиби тўғрисидаги илова қилинаётган Низом тасдиқлансин.

(1-банд Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

2. Мазкур қарорнинг бажарилишини назорат қилиш Вазирлар Маҳкамасининг Агросаноат комплекси Котибиятига юклансин.

Ўзбекистон Республикасининг Бош вазири Ў. СУЛТОНОВ

Тошкент ш.,

1998 йил 10 март,

Вазирлар Маҳкамасининг 1998 йил
10 мартдаги 104-сон қарори билан
ТАСДИҚЛАНГАН

Олдинги таҳрирга қаранг.

Ўзбекистон Республикасининг муҳофаза этиладиган табиий ҳудудлари давлат кадастрини юритиш тартиби тўғрисида

(низом номи Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

I. Умумий қоидалар

Олдинги таҳрирга қаранг.

1. Муҳофаза этиладиган ҳудудлар давлат кадастри Ўзбекистон Республикаси Давлат табиатни муҳофаза қилиш қўмитаси томонидан Фанлар академияси билан биргаликда юритилади ва табиий муҳитнинг муҳофаза этиладиган тоифаларига киритилган объектлари бўйича бирхиллаштирилган маълумотлар тўпламидан иборат бўлади, у Ўзбекистон Республикаси Давлат кадастрлари ягона тизимининг таркибий қисми ҳисобланади.

(1-банд Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

Кейинги таҳрирга қаранг.

Олдинги таҳрирга қаранг.

2. Муҳофаза этиладиган табиий ҳудудлар давлат кадастри ана шундай ҳудудлар тармоқларини режалаштириш, уларни муҳофаза қилишни таъминлаш, илмий тадқиқотлар ўтказиш, тегишли тартибга риоя қилиниши устидан давлат назорати даражасини ошириш, муҳофаза қилинадиган табиий ҳудудларнинг асосий тавсифлари билан тезкорлик билан танишиш, шунингдек уларнинг ишлаб чиқарувчи кучларни ривожлантириш ва жойлаштиришни ривожлантиришдаги ролини ҳисобга олиш учун мўлжалланган.

(2-банд Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

Олдинги таҳрирга қаранг.

II. Муҳофаза этиладиган табиий ҳудудлар давлат кадастрини ҳисобга олиш объектлари

3. Қуйидагилар муҳофаза этиладиган табиий ҳудудлар давлат кадастрини ҳисобга олиш объектлари ҳисобланади:

давлат қўриқхоналари, комплекс (ландшафт) заказниклар, табиий боғлар, давлат табиат ёдгорликлари, заказниклари ва табиат питомниклари, табиий курорт ҳудудлари, дам олиш ҳудудлари, сувни муҳофаза қилиш зоналари ва қирғоқбўйи полосалари, ер усти ва ер ости сувлари ҳосил бўладиган ҳудудлар (дарё водийлари, сурилма конуслари, тоғ этаклари) балиқчилик хўжалиги ҳудудлари, алоҳида табиий ресурсларни бошқариш учун ҳудудлар, давлат биосфера резерватлари ҳамда қонун ҳужжатлари ва халқаро шартномалар билан муҳофаза этиладиган тоифага киритилган бошқа табиий ҳудудлар.

Кейинги таҳрирга қаранг.

4. Муҳофаза этиладиган табиий ҳудудлар ўзининг фаолият кўрсатиш мақсади ва режимига кўра қуйидаги тоифаларга бўлинади:

давлат қўриқхоналари;

комплекс (ландшафт) заказниклар;

табиий боғлар;

давлат табиат ёдгорликлари;

алоҳида табиий объектлар ва комплексларни сақлаш, кўпайтириш ва тиклаш учун ҳудудлар;

муҳофаза этиладиган ландшафтлар;

алоҳида табиий ресурсларни бошқариш учун ҳудудлар.

5. Муҳофаза этиладиган табиий ҳудудлар бўйсуниши, муҳимлиги, шунингдек табиий объектларнинг ноёблигига кўра маҳаллий ва умумдавлат аҳамиятига эга бўлиши мумкин.

6. Фақат қонунчиликда белгиланган тартибда ташкил этилган объектларгина рўйхатдан ўтказилади ва муҳофаза этиладиган табиий ҳудудлар кадастрига киритилади.

Объектларни кадастрга киритиш учун зарур бўладиган ҳужжатлар рўйхати Давлат табиатни муҳофаза қилиш қўмитаси томонидан белгиланади.

(II бўлим Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

Кейинги таҳрирга қаранг.

Олдинги таҳрирга қаранг.

III. Муҳофаза этиладиган табиий ҳудудлар давлат кадастри таркиби

7. Муҳофаза этиладиган табиий ҳудудлар давлат кадастри ушбу ҳудудларнинг ҳуқуқий мақоми ва тартиби, уларнинг жуғрофий ҳолати, миқдори ва сифатига оид тавсифлари, экологик, илмий, маърифий, тарихий ва бошқа қимматлари, идоравий мансублиги, ер эгалари ва ердан фойдаланувчилар, шунингдек ҳисобга олинган ҳар бир объект бўйича ушбу ҳудудлардаги табиий ресурслардан фойдаланиш характери тўғрисидаги маълумотлардан иборат бўлади.

Кадастр ҳужжатлари картография, фотография, ҳисобот, ҳисобга олиш материалларини ва бошқа материалларни, муҳофаза этиладиган табиий ҳудудларнинг ҳолати тўғрисидаги, кадастр шаклларини тузишда ҳисобга олинадиган маълумотларни ўз ичига олади.

8. Муҳофаза этиладиган табиий ҳудудлар кадастри қуйидаги асосий шаклларни ўз ичига олади:

1-шакл (йиғма) — «Муҳофаза этиладиган табиий ҳудудлар рўйхати»;

2-шакл — «Давлат қўриқхоналари, комплекс (ландшафт) заказниклар, табиий боғлар, давлат биосфера резерватларининг ер-сув ресурслари»;

3-шакл — «Давлат қўриқхоналари, комплекс (ландшафт) заказниклар, табиий боғлар, давлат биосфера резерватларининг ўсимлик дунёси»;

4-шакл — «Давлат қўриқхоналари, комплекс (ландшафт) заказниклар, табиий боғлар, давлат биосфера резерватларининг ҳайвонот дунёси»;

5-шакл — «Давлат табиат ёдгорликларининг, алоҳида табиий объектлар ва комплексларни сақлаш, кўпайтириш ва тиклаш учун ҳудудларнинг умумий тавсифи»;

6-шакл — «Муҳофаза этиладиган ландшафтларнинг, алоҳида табиий ресурсларни бошқариш учун ҳудудларнинг умумий тавсифи»;

7-шакл — «Муҳофаза этиладиган табиий ҳудудлар табиатни муҳофаза қилиш фаолиятининг асосий натижалари».

Шаклларнинг тузилиши ва мазмуни Давлат табиатни муҳофаза қилиш қўмитаси томонидан белгиланади.

Кейинги таҳрирга қаранг.

9. 7-шаклдан ташқари, барча шакллар бўйича маълумотлар туман («Т» литерли шакл), вилоят («В» литерли шакл) ва республика (литерсиз шакл) даражасида ишлаб чиқилади. 7-шакл бўйича маълумотлар фақат туман даражасидагина берилади.

Барча шаклларга (туман, вилоят ва республика даражасида) муҳофаза этиладиган табиий ҳудудларнинг ҳозирги ҳолати ва унинг ўзгариши даражаси таҳлил қилинган ҳолдаги қисқача изоҳнома берилади.

10. Туман даражасида — муҳофаза этиладиган табиий ҳудудлар кадастри таркибига «Т» литери билан барча шакллар бўйича маълумотлар, муҳофаза этиладиган табиий ҳудудлар раҳбарларининг ҳисоботлари, тадқиқотлар, изланишлар материаллари, ҳисобга олиш маълумотлари ва бошқа бирламчи кадастр ҳужжатлари киритилади.

Вилоят даражасида — муҳофаза этиладиган табиий ҳудудлар кадастри таркибига «Т» ва «В» литерлари билан барча шакллар бўйича маълумотлар киритилади.

Республика даражасида — муҳофаза этиладиган табиий ҳудудлар кадастри таркибига «В» литери билан ва литерсиз барча шакллар бўйича маълумотлар киритилади.

(III бўлим Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

IV. Кадастрни ишлаб чиқишни ташкил этиш ва юритиш

Олдинги таҳрирга қаранг.

Кейинги таҳрирга қаранг.

11. Муҳофаза этиладиган табиий ҳудудлар кадастри Давлат табиатни муҳофаза қилиш қўмитасининг уччала даражалардаги органлари томонидан юритилади:

туман (шаҳар) даражасида — туман табиатни муҳофаза қилиш инспекцияси томонидан;

вилоят (Қорақалпоғистон Республикаси) даражасида — Қорақалпоғистон Республикаси Давлат табиатни муҳофаза қилиш қўмитасининг, вилоятлар ва Тошкент шаҳар табиатни муҳофаза қилиш инспекция хизмати томонидан;

республика даражасида — Давлат табиатни муҳофаза қилиш қўмитасининг республика инспекция хизмати томонидан.

(11-банд Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

Кейинги таҳрирга қаранг.

12. 3 ва 4-шакллар бўйича маълумотларни тайёрлашда Ўзбекистон Республикаси Фанлар академияси иштирок этади.

Олдинги таҳрирга қаранг.

13. Ер ости чучук сувларининг шаклланиш ҳудудлари бўйича кадастр маълумотлари Ўзбекистон Республикаси Давлат геология ва минерал ресурслар қўмитаси томонидан тузилади. Белгиланган шаклдаги якуний маълумотлар умумий кадастрга киритиш учун ушбу Низомда назарда тутилган муддатларда Давлат табиатни муҳофаза қилиш органларига тақдим этилади.

(13-банд Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

Кейинги таҳрирга қаранг.

14. Кадастр тадрижий равишда юритилади, шакллар бўйича маълумотлар, ҳисобот йилидан кейинги йилнинг 1 январидаги ҳолат бўйича, ҳар йили бир марта тақдим этилади.

Олдинги таҳрирга қаранг.

15. Туман даражасида — 2-т, 3-т, 4-т, 5-т, 7-т шакллари бўйича маълумотлар (ҳисоботлар) туман (шаҳар) табиатни муҳофаза қилиш (объект жойлашган ердаги) инспекциясига муҳофаза этиладиган ҳудудлар раҳбарлари* томонидан ҳисобот йилидан кейинги йилнинг 1 февралигача тақдим этилади.

* Изоҳ. Муҳофаза этиладиган табиий ҳудудлар раҳбари маълумотларнинг ўз вақтида тақдим этилиши ва уларнинг тўғрилиги учун шахсан жавоб беради. Зарурат бўлганда кадастр (текширишлар, изланишлар ва бошқалар) маълумотларини тайёрлаш учун раҳбарлар ўзларининг юқори органлари билан келишган ҳолда тегишли мутахассисларни жалб этишлари мумкин.

6-т ва 7-т шакллари бўйича маълумотлар ерларни ҳисобга олиш ҳужжатлари асосида туман табиатни муҳофаза қилиш инспекцияси томонидан тайёрланади.

Туман инспекциялари тақдим этилган маълумотлар (ҳисоботлар)нинг тўғрилигини аниқлайдилар, туман (шаҳар) бўйича муҳофаза этиладиган табиий ҳудудлар рўйхатини тузадилар (1-т йиғма шакл) барча кадастр материалларини туман ҳокимлиги билан келишиб оладилар ва 1-т, 2-т, 3-т, 4-т, 5-т, 6-т, 7-т шакллари бўйича 1 мартгача уларни Қорақалпоғистон Республикаси Давлат табиатни муҳофаза қилиш қўмитасига, вилоятлар ва Тошкент шаҳар табиатни муҳофаза қилиш қўмиталарига тақдим этадилар.

(15-банд Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

Кейинги таҳрирга қаранг.

16. Вилоят даражасида — олинган материаллар вилоят инспекция хизмати томонидан умумлаштирилади ва таҳлил қилинади, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан келишиб олинади ҳамда 1 апрелгача 1-«В», 2-«В», 3-«В», 4-«В», 5-«В», 6-«В» шакллари бўйича Давлат табиатни муҳофаза қилиш қўмитасига жўнатилади.

Кейинги таҳрирга қаранг.

Олдинги таҳрирга қаранг.

17. Республика даражасида — муҳофаза этиладиган табиий ҳудудлар давлат кадастри Давлат табиатни муҳофаза қилиш қўмитасининг «Бошерсувназорат» бошқармаси томонидан юритилади.

(17-банд Ўзбекистон Республикаси Вазирлар Маҳкамасининг 2005 йил 1 апрелдаги 95-сонли қарори таҳририда — ЎР ҚҲТ, 2005 й., 14-сон, 103-модда)

Кейинги таҳрирга қаранг.