|
Ҳужжат кучини йўқотган " " 22.02.2021
|
Ҳужжат 15.06.1998 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ОЛМАЛИҚ КОН-МЕТАЛЛУРГИЯ КОМБИНАТИНИ АКЦИЯДОРЛАШТИРИШГА ОИД ҚЎШИМЧА ЧОРА-ТАДБИРЛАР ТЎҒРИСИДА
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Акциядорлаштириш жараёнини самарали ташкил этиш ва рангли ҳамда қимматбаҳо металлар қазиб олиш ва уларни қайта ишлаш ишлаб чиқаришини бошқаришни такомиллаштириш мақсадида Вазирлар Маҳкамаси қарор қилади:
1. «Олмалиқ кон-металлургия комбинати» акциядорлик жамияти акцияларини қуйидаги улушларда дастлабки жойлаштириш назарда тутилсин:
51 фоиз — давлат улуши;
46,5 фоиз —тендер асосида хорижий инвесторларга сотиладиган улуш;
2,5 фоиз — меҳнат жамоаси аъзолари улуши.
2. Ўзбекистон Республикаси Давлат мулки қўмитаси Олмалиқ кон-металлургия комбинати билан биргаликда икки ҳафта муддатда «Олмалиқ кон-металлургия комбинати» очиқ турдаги акциядорлик жамиятини ташкил этишга оид дастлабки ҳужжатларга тегишли ўзгартиришлар киритсин.
3. Тендер комиссияси ва Ўзбекистон Республикаси Давлат мулки қўмитасининг «Олмалиқ кон-металлургия комбинати» очиқ турдаги акциядорлик жамиятининг акциялаштириладиган мол-мулкини баҳолаш, сотиладиган акциялар нархини белгилаш ва тайёрланган тендер ҳужжатларини экспертизадан ўтказиш учун «Атлантик Галф Ассошиэйтес» (АҚШ), «Индепендент Майнинг Консалтантс. Инк» (АҚШ) ва «Паттон Боггс» (АҚШ) компаниялари гуруҳини жалб этиш тўғрисидаги таклифи қабул қилинсин.
4. Ўзбекистон Республикаси Давлат мулки қўмитаси:
ишларнинг бажарилишига қараб кўрсатилган хизматларга уч босқичда ҳақ тўлашни назарда тутган ҳолда ишларни бажариш учун «Атлантик Галф Ассошиэйтес» (АҚШ), «Индепендент Майнинг Консалтантс. Инк» (АҚШ) ва «Паттон Боггс» (АҚШ) компаниялари гуруҳи билан 10 кун муддатда контракт тузсин;
контракт имзоланган кундан бошлаб икки ой муддатда компаниялар гуруҳининг «Олмалиқ кон-металлургия комбинати» очиқ турдаги акциядорлик жамиятининг акциялаштириладиган мол-мулкини баҳолаш, сотиладиган акциялар нархини белгилаш ва тайёрланган тендер ҳужжатлари экспертизаси юзасидан иш натижаларига оид материалларни тендер комиссиясига киритсин.
Кейинги таҳрирга қаранг.
* Илова келтирилмайди.
8. Вазирлар Маҳкамасининг «Олмалиқ кон-металлургия комбинатини акционерлик жамиятига айлантириш тўғрисида» 1997 йил 10 февралдаги 71-сон қарорининг 3, 4-бандлари ўз кучини йўқотган деб ҳисоблансин.
9. Мазкур қарорнинг бажарилишини назорат қилиш Ўзбекистон Республикасининг Бош вазири Ў. Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1998 йил 15 июнь,
251-сон
