Ҳужжат кучини йўқотган " " 22.02.2021
Ўзбекистон Республикаси Вазирлар Маҳкамасининг
қарори
ВАЗИРЛАР МАҲКАМАСИНИНГ «АМАЛГА ОШИРИЛАЁТГАН ИҚТИСОДИЙ НОЧОР КОРХОНАЛАРНИ ТАРКИБИЙ ЎЗГАРТИРИШ ВА МОЛИЯВИЙ СОҒЛОМЛАШТИРИШ САМАРАДОРЛИГИНИ ОШИРИШ ЧОРА-ТАДБИРЛАРИ ТЎҒРИСИДА» 2003 ЙИЛ 18 АПРЕЛДАГИ 188-СОН ҚАРОРИГА ЎЗГАРТИРИШ ВА ҚЎШИМЧАЛАР КИРИТИШ ТЎҒРИСИДА
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
«Банкротлик тўғрисида»ги Ўзбекистон Республикаси Қонунига ҳамда Ўзбекистон Республикаси Президентининг «Банк тизимини янада ислоҳ қилиш ва эркинлаштириш чора-тадбирлари тўғрисида» 2005 йил 15 апрелдаги ПҚ-56-сон қарорига мувофиқ Вазирлар Маҳкамаси қарор қилади:
1. Вазирлар Маҳкамасининг «Амалга оширилаётган иқтисодий ночор корхоналарни таркибий ўзгартириш ва молиявий соғломлаштириш самарадорлигини ошириш чора-тадбирлари тўғрисида» 2003 йил 18 апрелдаги 188-сон қарорида (Ўзбекистон Республикаси ҚТ, 2003 й., 4-сон, 31-модда):
а) 4-банд қуйидаги мазмундаги учинчи—еттинчи хатбоши билан тўлдирилсин:
«Қарздор корхона банкрот деб эълон қилинганда ва тугатиш ишлари бошланганда, агар қарздор кредитори кредиторлар талабномалари реестрига киритилган, кредитор қарзи бўйича қарздор кредитор қарзининг умумий суммасидан 70 ва ундан кўп фоизи талабига эга тижорат банки ҳисобланган тақдирда, ушбу кредитор, гаров предмети ҳисобланган мол-мулкдан ташқари, қарздор корхонаси (мол-мулки)ни ўз мулкига ўтказиш тўғрисида судга ариза билан мурожаат қилиш ҳуқуқига эгадир.
Бунда, агар кредиторлик қарз бўйича банк талаби «Банкротлик тўғрисида»ги Ўзбекистон Республикаси Қонунининг 131-моддасига мувофиқ аниқланган корхонани баҳолаш қийматидан кўп ёки тенг бўлса, банк томонидан «Банкротлик тўғрисида»ги Ўзбекистон Республикаси Қонунининг 134-моддаси биринчи қисмида кўрсатилган тартибда навбатдан ташқари харажатларни қоплаш учун маблағлар қарздорнинг ягона ҳисоб рақамига ўтказилганда ҳамда корхона ходимларининг иш ҳақлари бўйича қарздорлик қопланганда корхона банк мулкига ўтказилади.
Банкнинг кредиторлик қарз бўйича, шунингдек корхона ходимларига иш ҳақи тўлашдаги қарзларни ҳамда «Банкротлик тўғрисида»ги Ўзбекистон Республикаси Қонунининг 134-моддаси биринчи қисмида белгиланган навбатдан ташқари харажатларни тўлаш бўйича талаблари суммаси корхонанинг баҳолаш қийматидан кам бўлган тақдирда корхонани банк мулкига ўтказиш кўрсатилган тафовут ҳамда навбатдан ташқари харажатларни қоплаш ва корхона ходимларининг иш ҳақи бўйича қарзларни тўлаш учун маблағларни банк томонидан қарздорнинг ягона ҳисоб рақамига ўтказиш шарти билан амалга оширилади. Ушбу маблағлар тугатиш бошқарувчиси томонидан, биринчи навбатда — навбатдан ташқари тўловларга ва корхона ходимларининг иш ҳақи бўйича қарзларни тўлашга, шунингдек «Банкротлик тўғрисида»ги Ўзбекистон Республикаси Қонунининг 134-моддасида кўрсатилган тартибда йўналтирилади».
Ушбу банднинг тўртинчи ва бешинчи хатбошида кўрсатиб ўтилган шартлар банк томонидан бажарилганда, қарздорнинг мол-мулки суд бошқарувчиси томонидан суд ҳужжатлари асосида тижорат банкининг мулкига ўтказилади.
Мазкур банднинг учинчи—олтинчи хатбошида кўрсатилган тартиб 2005—2007 йилларда амал қилади»;
б) 1-иловада:
16-банддаги «банкротлик тартиботини ўтказиш учун хўжалик суди тасдиқлаган шахс» сўзлари «суд бошқарувчиси» сўзлари билан алмаштирилсин;
20 ва 21-бандлардаги «банкротлик тартиботини ўтказиш учун хўжалик суди тасдиқлаган шахс» сўзлари «суд бошқарувчиси» сўзлари билан алмаштирилсин;
23-банддаги «банкротлик тартиботини ўтказиш учун хўжалик суди тасдиқлаган шахс» сўзлари «суд бошқарувчиси» сўзлари билан алмаштирилсин;
26-банддаги «банкротлик тартиботини ўтказиш учун хўжалик суди тасдиқлаган шахс» сўзлари «суд бошқарувчиси» сўзлари билан ҳамда «83» рақами «134» рақами билан алмаштирилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари В.А. Голишев зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2005 йил 22 август,
204-сон

(Ўзбекистон Республикаси Қонун ҳужжатлари тўплами, 2005 й., 34–36-сон, 263-модда)