Ўзбекистон Республикаси Президентининг «Хизматлар соҳаси барқарор ривожланиши учун қулай шарт-шароитлар яратишга оид қўшимча чора-тадбирлар тўғрисида» 2025 йил 27 февралдаги ПҚ-78-сон қарори ижросини таъминлаш ҳамда аккредитациядан ўтказиш талабларини соддалаштириш мақсадида Вазирлар Маҳкамаси қарор қилади:

1. Вазирлар Маҳкамасининг 2019 йил 24 апрелдаги 349-сон қарори билан тасдиқланган Мувофиқликни баҳолаш органларини аккредитациядан ўтказиш тартиби тўғрисидаги низомга иловага мувофиқ қуйидагиларни назарда тутувчи ўзгартиришлар киритилсин:

аккредитация объекти томонидан аккредитациядан ўтишда камчиликларни бартараф этиш муддатини тўрт ойгача этиб белгилаш;

синов, калибрлаш ва тиббий лаборатория (марказ) ёки метрология хизматининг жойлашган жойи ўзгарган тақдирда, такрорий аккредитациядан ўтказиш ўрнига соддалаштирилган тартибни жорий этиш.

2. Ушбу қарорнинг бажарилишини назорат қилиш Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директори А.Р. Жуманазаров зиммасига юклансин.

1. 3-банднинг бешинчи хатбошисидаги «белгиланган тартибда малака оширган ва аттестациядан ўтган» сўзлари «малакали» сўзи билан алмаштирилсин.

2. 21-бандда:

биринчи хатбошидаги «икки ойдан» сўзлари «тўрт ойдан» сўзлари билан алмаштирилсин;

иккинчи хатбоши чиқариб ташлансин.

3. 48-банднинг биринчи хатбошисидаги «уч ойдан» сўзлари «тўрт ойдан» сўзлари билан алмаштирилсин.

4. 67-банд қуйидаги таҳрирда баён этилсин:

«67. Аккредитация қилинган синов, калибрлаш ва тиббий лаборатория (марказ) ёки метрология хизмати жойлашган жойи ўзгарса, хабарнома келиб тушгандан кейин Марказнинг буйруғи билан тайинланган масъул гуруҳ томонидан ушбу аккредитация қилинган субъектларни баҳолаш мақсадида бир иш кунида ўтказилган огоҳлантиришсиз ташрифнинг ижобий натижасига асосан, аккредитация тўғрисидаги гувоҳнома амалдаги аккредитация муддатига қайта расмийлаштирилади».

5. 1-илованинг 3-босқич «Бажариш муддатлари» устунининг 1-бандидаги «Икки ой мобайнида» сўзлари «Тўрт ой мобайнида» сўзлари билан алмаштирилсин.