VI. Ўзбекистон Республикасининг 1990 йил 20 июнда қабул қилинган «Ер тўғрисида»ги Қонунига (Ўзбекистон Республикаси Олий Советининг Ведомостлари, 1990 йил, № 16-18, 294-модда; Ўзбекистон Республикаси Олий Кенгашининг Ахборотномаси, 1992 йил, № 2, 84-модда; 1993 йил, № 6, 243-модда; 1994 йил, № 5, 161-модда):

1) 2-модда қуйидаги мазмундаги иккинчи қисм билан тўлдирилсин:

«Савдо ва хизмат кўрсатиш соҳаси объектлари хусусийлаштирилаётганда улар жойлашган ер участкалари юридик ва жисмоний шахсларга мулк қилиб берилиши мумкин»;

иккинчи қисми учинчи қисм деб ҳисоблансин;

2) 4-модданинг олтинчи хатбошиси, 5-модда биринчи қисмининг тўртинчи хатбошиси, 6-модда биринчи қисмининг олтинчи хатбошиси қуйидаги таҳрирда баён этилсин:

«ер участкаларига мулкдорлик, ерга эгалик қилиш, ундан фойдаланиш ҳуқуқларини шунингдек ерни ижарага олиш шартномаларини рўйхатдан ўтказиш»;

3) Қонун қуйидаги мазмундаги 12¹-модда билан тўлдирилсин:

«12¹-модда. Савдо ва хизмат кўрсатиш соҳаси объектларини улар жойлашган ер участкалари билан бирга хусусийлаштириш

Савдо ва хизмат кўрсатиш соҳаси объектларини улар жойлашган ер участкалари билан бирга хусусийлаштириш танлов асосида ёки ким ошди савдосида Ўзбекистон Республикаси Вазирлар Маҳкамаси белгилаган тартибда амалга оширилади.

Ўзбекистон Республикаси Давлат мол-мулкини бошқариш ва тадбиркорликни қўллаб-қувватлаш давлат қўмитаси ёки унинг ҳудудий органи билан янги мулкдор ўртасида объект фаолиятининг ихтисосини сақлаб қолиш тўғрисида шартнома тузиш танлов ёки ким ошди савдосининг мажбурий шарти бўлиб, мулкдор уни ўзгартиришга ҳақли эмас»;

4) 13-модда:

сарлавҳаси қуйидаги таҳрирда баён этилсин:

«Ер участкаларига мулкдорлик, ерга эгалик қилиш ва ундан фойдаланиш ҳуқуқини тўхтатиш»;

учинчи қисми қуйидаги мазмундаги учинчи ва тўртинчи қисмлар билан алмаштирилсин:

«Ер участкаларига мулкдорлик ҳуқуқини қуйидаги ҳолларда тўхтатилади:

1) савдо ва хизмат кўрсатиш соҳаси объектлари сотилганда;

2) давлат ва жамоат эҳтиёжлари учун сотиб олинганда;

3) Қонунда белгиланган ҳолларда савдо ва хизмат кўрсатиш соҳаси объектлари мусодара этилганда.

Ушбу модда биринчи қисмининг 5, 7 ва 8-бандларида ҳамда учинчи қисмининг 2-бандида қайд этилган ҳолларда ерга мулкдорлик, эгалик қилиш ва ундан фойдаланиш ҳуқуқини тўхтатиш тўғрисидаги қарор устидан судга шикоят қилиниш мумкин»;

тўртинчи қисми бешинчи қисм деб ҳисоблансин;

5) 14-модда сарлавҳаси «олиб қўйилиши» деган сўзлардан кейин «сотиб олиниши» деган сўзлар билан тўлдирилсин. Ушбу модда қуйидаги мазмундаги қисм билан тўлдирилсин:

«Давлат ва жамоат эҳтиёжлари учун савдо ва хизмат кўрсатиш соҳаси объектлари билан бирга ер участкаларини сотиб олиш ҳокимият тегишли органларининг қарорига биноан амалга оширилиб, ушбу Қонун 19-моддасининг учинчи қисмида назарда тутилган кафолатлар билан таъминланади»;

6) 16-модданинг биринчи қисмидаги «Ўзбекистон Республикасида ерга эгалик қилиш ва ердан фойдаланиш учун ҳақ тўланади. Ер учун ҳақ ҳар йили ер солиғи шаклида олинади» деган жумлалар «Ўз мулкида, эгалигида, фойдаланишида ер участкалари бўлган юридик ва жисмоний шахслар ер солиғи тўлайдилар» деган жумла билан алмаштирилсин;

7) 19-модда қуйидаги мазмундаги учинчи қисм билан тўлдирилсин:

«Юридик ва жисмоний шахслар мулки бўлган савдо ва хизмат кўрсатиш соҳаси объектларини ер участкалари билан бирга давлат ва жамоат эҳтиёжлари учун мулкдорни камида бир йил олдин огоҳ этиб, бозор нархида сотиб олиниши мумкин»;

8) Қонун қуйидаги мазмундаги 20¹-модда билан тўлдирилсин:

«20¹-модда. Савдо ва хизмат кўрсатиш соҳаси объектларига ер участкалари билан бирга хусусий мулк ҳуқуқи

Юридик ва жисмоний шахслар, шу жумладан чет эл юридик ва жисмоний шахслари савдо ҳамда хизмат кўрсатиш соҳаси объектларини улар жойлашган ер участкалари билан бирга қонун ҳужжатларида белгиланган тартибда сотиб олиш ҳуқуқига эгадирлар»;

9) 34-модданинг сарлавҳасидаги «ва олиб қўйиш» деган сўзлар «олиб қўйиш ва сотиб олиш» деган сўзлар билан алмаштирилсин. Шу модданинг учинчи қисмидаги «олиб қўйилади» деган сўзлар «олиб қўйилади, сотиб олинади» деган сўзлар билан алмаштирилсин;

10) 62-модда қуйидаги мазмундаги иккинчи қисм билан тўлдирилсин:

«Ерга доир низолар, башарти томонлар ёки томонларнинг бири савдо ва хизмат кўрсатиш соҳаси объектлари билан бирга улар жойлашган ер участкаларининг мулкдори бўлса, суд томонидан ҳал қилинади»;

иккинчи — ўнинчи қисмлари тегишли равишда учинчи — ўн биринчи қисмлар деб ҳисоблансин;

11) 64-модда:

биринчи қисмдаги «Ер участкаларини» деган сўзлар «Ер эгалари, ердан фойдаланувчилар, шу жумладан ижарачилар томонидан ер участкаларини» деган сўзлар билан алмаштирилсин;

бешинчи қисми қуйидаги таҳрирда баён этилсин:

«Ўзбошимчалик билан эгаллаб олинган ер участкаси тегишли суднинг, туман, шаҳар ҳокимият органларининг қарорига мувофиқ ер участкасининг мулкдорига, ерга эгалик қилувчига ёки ердан фойдаланувчига қайтарилади».

Кейинги таҳрирга қаранг.

VII. Ўзбекистон Республикасининг 1990 йил 31 октябрда қабул қилинган «Ўзбекистон Республикасида мулкчилик тўғрисида»ги Қонунига (Ўзбекистон Республикаси Олий Советининг Ведомостлари, 1990 йил, №31-33, 371-модда; Ўзбекистон Республикаси Олий Кенгашининг Ахборотномаси, 1993 йил, №5, 235-модда):

1) 3-модданинг 1-бандидаги «маҳсулот белгилар, саноат намуналари» деган сўзлар «ихтиролар, фойдали моделлар, саноат намуналари, интеграл микросхемаларнинг тополигияси, селекция ютуқлари, маҳсулот белгилари ва хизмат кўрсатиш белгилари» деган сўзлар билан алмаштирилсин;

2) 7-модда қуйидаги мазмундаги 8-банд билан тўлдирилсин:

«8. Савдо ва хизмат кўрсатиш соҳаси объектлари улар жойлашган ер участкалари билан бирга қонун ҳужжатларида назарда тутилган тартибда ҳамда шартларда юридик ва жисмоний шахсларнинг хусусий мулки қилиб берилиши мумкин»;

3) 19-модданинг 1-банди иккинчи хатбошисидаги «ер, ер ости бойликлари» деган сўзлар «ер (савдо ва хизмат кўрсатиш соҳаси объектлари билан бирга юридик ҳамда жисмоний шахсларнинг мулки қилиб берилган ерлардан ташқари), ер ости бойликлари» деган сўзлар билан алмаштирилсин;

4) Қонун қуйидаги мазмундаги 27¹ ва 36-моддалар билан тўлдирилсин:

27¹-модда. Давлат мол-мулкини хусусийлаштириш

Ўзбекистон Республикасининг ёки маъмурий-ҳудудий тузилмаларнинг мулки (коммунал мулк) бўлмиш корхоналар, мулкий мажмуалар, бинолар, иншоотлар ва бошқа мол-мулк Ўзбекистон Республикасининг қонунларида белгилаб қўйилган тартиб ва шартлар асосида мулк қилиб республика ва бошқа давлатлар жисмоний ҳамда юридик шахсларнинг тасарруфига ўтказиб берилиши мумкин».

«36-модда. Давлат органларининг мулкдор ўз ваколатларини амалга оширишига аралашганлиги учун жавобгарлиги

Давлат органлари мулкдорга ёхуд тўла хўжалик юритиш, бевосита бошқариш ҳуқуқи бўйича ёки қонун ёхуд шартномада назарда тутилган бошқа асосда мол-мулкка эгалик қилувчи шахсларга Ўзбекистон Республикасининг қонунларида назарда тутилмаган қўшимча вазифалар ёки чеклашлар белгилаб қўйишга ҳуқуқли эмас.

Давлат органлари мулкдорнинг ҳамда ушбу модданинг биринчи қисмида кўрсатиб ўтилган шахсларнинг ўз мол-мулкига эгалик қилиш, ундан фойдаланиш ва уни тасарруф этишдан иборат ҳуқуқларини амалга оширишига қонунга хилоф равишда аралашганлик оқибатида етказилган зарар учун ушбу Қонуннинг 35-моддасида назарда тутилган ҳажмда мулкий жавобгар бўладилар.

5) 28-модда қуйидаги таҳрирда баён этилсин:

«28-модда. Чет эл инвестициялари иштирокидаги корхоналар мол-мулки

Корхоналар акцияларининг (улушлари, пайларининг) ёки устав фондининг камида 10 фоизини чет эл инвестициялари ташкил этадиган корхоналар Ўзбекистон Республикаси ҳудудида чет эл инвестициялари иштирокидаги корхоналар ҳисобланади. Улар Ўзбекистон Республикасининг қонун ҳужжатларига зид келмайдиган ҳар қандай ташкилий-ҳуқуқий шаклларда амал қилади.

Чет эл инвестициялари иштирокидаги корхона ёки ушбу корхонани таъсис этиш йўли билан ёҳуд илгари чет эл инвестицияларисиз таъсис этилган корхонада чет эллик инвесторнинг иштирок улушини (пай, акция) сотиб олиши ёки бундай корхонани бутунлай, шу жумладан, хусусийлаштириш жараёни мобайнида сотиб олиши натижасида ташкил этилиши мумкин».

VIII. Ўзбекистон Республикасининг 1991 йил 15 февралда қабул қилинган «Ўзбекистон Республикасидаги корхоналар тўғрисида»ги Қонунига (Ўзбекистон Республикаси Олий Кенгашининг Ахборотномаси, 1991 йил, № 4, 78-модда; 1993 йил, № 6, 246-модда):

1) 39-модда 1-бандининг биринчи қисми қуйидаги таҳрирда баён этилсин:

«1. Корхонани тугатиш мол-мулк эгаси ёки шу мол-мулкни бошқаришга вакил қилинган орган тузган тугатиш комиссияси томонидан амалга оширилади, банкротлик ҳоллари бундан мустасно. Хўжалик суди хўжалик юритиш субъектининг банкрот бўлганлиги тўғрисида ҳал қилув қарори қабул қилган тақдирда, тугатиш комиссиясини тузиш ҳамда унинг ишлаш тартиби «Банкротлик тўғрисида»ги Ўзбекистон Республикаси Қонунига мувофиқ белгиланади»;

2) 40-модда 1-бандининг биринчи қисми қуйидаги мазмундаги гап билан тўлдирилсин:

«Банкрот бўлган хўжалик юритиш субъектининг кредиторлар даъволарини қаноатлантириш ҳамда мол-мулкини тақсимлаш тартиби ва навбати «Банкротлик тўғрисида»ги Ўзбекистон Республикаси Қонунига мувофиқ белгиланади».

Кейинги таҳрирга қаранг.

IX. Ўзбекистон Республикасининг 1991 йил 15 февралда қабул қилинган «Корхоналар, бирлашмалар ва ташкилотлардан олинадиган солиқлар тўғрисида»ги Қонунига (Ўзбекистон Республикаси Олий Кенгашининг Ахборотномаси, 1991 йил, № 4, 86-модда; № 8, 191-модда; 1992 йил, № 1, 49-модда; № 4, 177-модда; № 9, 337-модда; 1993 йил, № 1, 20-модда; № 6, 240-модда; 1994 йил, № 5, 159-модда):

1) муқаддиманинг учинчи қисми қуйидаги мазмундаги хатбоши билан тўлдирилсин:

«ер ости бойликларидан фойдаланганлик учун олинадиган солиқ»;

2) 4-модданинг биринчи қисмида:

тўртинчи хатбошидаги «банк кредитлари» деган сўзлар «қисқа муддатли банк кредитлари» деган сўзлар билан алмаштирилсин;

саккизинчи хатбошидаги иккинчи гап қуйидаги таҳрирда баён этилсин:

«Интеллектуал мулкка ва бошқа номоддий мулк объектларига бўлган ҳуқуқ олинганда бу ҳуқуқнинг қиймати номоддий харажатлар таркибига қўшилади»;

3) 6-модда 1-бандининг биринчи хатбошиси «ўтилганларидан ташқари» деган сўзлардан кейин «шунингдек «Тошкент» республика фонд биржаси ва Миллий депозитарий даромадларига» деган сўзлар билан тўлдирилсин;

4) 11-модданинг 1-банди қуйидаги таҳрирда баён этилсин:

«1) юридик шахс бўлмиш:

а) патент эгасининг (лицензиарнинг) саноат мулки объектларидан ўз ишлаб чиқаришида фойдаланишдан, шунингдек улар учун лицензия сотишдан олинадиган даромадларига, шу жумладан валюта тушумларига қуйидагиларни қўллаш бошланган санадан эътиборан уларнинг амал қилиш муддати доирасида:

патент бўйича ихтирони — 5 йил давомида;

дастлабки патент бўйича ихтирони — 3 йил давомида;

патент бўйича саноат намунасини — 3 йил давомида;

дастлабки патент бўйича саноат намунасини — 2 йил давомида;

гувоҳнома бўйича фойдали моделни — 2 йил давомида;

б) лицензиатнинг (лицензия шартномаси предметидан фойдаланишдан оладиган даромадларига, шу жумладан валюта тушумларига қуйидагиларни қўллаш бошланган санадан эътиборан:

патент бўйича ихтирони — 5 йил давомида;

дастлабки патент бўйича ихтирони — 3 йил давомида;

патент бўйича саноат намунасини — 3 йил давомида;

дастлабки патент бўйича саноат намунасини — 2 йил давомида;

гувоҳнома бўйича фойдали моделни — 2 йил давомида;

маҳсулот белгиси ёки хизмат кўрсатиш белгиси —1 йил давомида (лицензиарнинг маҳсулотини ишлаб чиқарганда)»;

5) 12-модданинг биринчи қисми қуйидаги мазмундаги хатбоши билан тўлдирилсин:

«корхоналарнинг, муассасаларнинг ва ташкилотларнинг ўз маблағларини кооперациялаш усули билан уй-жой қурилишига, шунингдек якка тартибда уй-жой қуриш ёки уй-жой сотиб олиш учун махсус ссуда-жамғарма счётига маблағларни ўтказиш йўли билан ўз ходимларига молиявий ёрдам кўрсатишига қаратилган даромадларига»;

6) 18-моддадаги «25» рақами «20» рақами билан алмаштирилсин;

7) 19-модданинг:

16-банди қуйидаги таҳрирда баён этилсин:

«16) интеллектуал мулк объектларига бўлган ҳуқуқини олганлик учун патент божи рўйхатдан ўтказиш йиғими ва лицензия тўлови»;

модда қуйидаги мазмундаги 37 ва 38-бандлар билан тўлдирилсин:

«37) республикада ишлаб чиқариладиган ҳамда якка тартибда уй қурувчиларга ва уй-жой қурилиши кооперативларига сотиладиган бинокорлик материаллари;

38) хусусий ва кооператив уй-жой қурилишида бинокорлик ҳамда махсус монтаж ишларини амалга оширувчи, мулкчилик шаклидан қатъи назар, пудратчи, ремонт-қурилиш, махсус монтаж ташкилотларининг бажарган иш ҳажми»;

8) 34-модда қуйидаги таҳрирда баён этилсин:

«34-модда. Солиқ ставкалари

Корхоналарнинг мол-мулкига 2 фоиз ставка бўйича солиқ солинади»;

9) Қонун қуйидаги мазмундаги VII-1 боб билан тўлдирилсин:

«VII-1. ЕР ОСТИ БОЙЛИКЛАРИДАН ФОЙДАЛАНГАНЛИК УЧУН ОЛИНАДИГАН СОЛИҚ

36¹-модда. Солиқ тўловчилар

Ўзбекистон Республикаси ҳудудида фойдали қазилмаларни қазиб олишни амалга ошираётган ёки ер ости бойликларидан ўзгача тарзда фойдаланаётган мулкчиликнинг барча шаклларига мансуб корхоналар, бирлашмалар ва ташкилотлар, юридик ва жисмоний шахслар ер ости бойликларидан фойдаланганлик учун солиқ тўловчилардир.

36²-модда. Солиқ объекти

Қазиб олинган минерал хом ашёнинг ҳажми ёки ер ости бойликларидан минерал хом ашё қазиб олиш ва қайта ишлаш билан боғлиқ бўлмаган ҳолда ўзгача тарзда фойдаланиш солиқ солиш объекти ҳисобланади.

Ер ости бойликларидан фойдаланувчилар қазиб олган ҳамма минерал хом ашё учун — асосий фойдали қазилма учун ҳам уларга қўшилиб чиқадиган фойдали қазилмалар ва компонентлар учун ҳам солиқ тўлайдилар.

36³-модда. Солиқ ставкалари ва имтиёзлар

Минерал хом ашё турлари бўйича солиқ ставкаларининг миқдорларини, ер ости бойликларидан фойдаланувчиларнинг айрим тоифалари учун қўшимча имтиёзларни, солиқни тўлаш ва бюджетга киритиш тартибини Ўзбекистон Республикаси Вазирлар Маҳкамаси белгилайди»;

10) 39-модданинг:

1-банди қуйидаги мазмундаги «б» бандча билан тўлдирилсин:

«б) республика ҳудудидаги банкларда валюта счётлари очилганликлари тўғрисидаги ахборотни бир ҳафта муддат ичида тақдим этишлари»;

1-банднинг «б», «в» ва «г» бандчалари тегишли равишда «в», «г» ва «д» бандчалари деб ҳисоблансин;

3-бандининг иккинчи хатбошисидаги «43» рақами «40» рақами билан алмаштирилсин.

Кейинги таҳрирга қаранг.

X. Ўзбекистон Республикасининг 1991 йил 19 ноябрда қабул қилинган «Давлат тасарруфидан чиқариш ва хусусийлаштириш тўғрисида»ги Қонуни (Ўзбекистон Республикаси Олий Кенгашининг Ахборотномаси, 1992 йил, № 1, 43-модда; 1993 йил, № 5, 236-модда) 4-моддасининг 2-бандидаги «ер, ер ости бойликлари» деган сўзлар «ер (қонун ҳужжатларида назарда тутилган ҳоллар бундан мустасно), ер ости бойликлари» деган сўзлар билан алмаштирилсин.

Кейинги таҳрирга қаранг.

XI. Ўзбекистон Республикасининг 1992 йил 2 июлда қабул қилинган «Биржалар ва биржа фаолияти тўғрисида»ги Қонунининг (Ўзбекистон Республикаси Олий Кенгашининг Ахборотномаси, 1992 йил, № 10, 394-модда; 1993 йил, № 9, 329-модда) 6-моддаси 1-бандининг иккинчи қисми қуйидаги таҳрирда баён этилсин:

«Биржанинг устав фонди энг кам ойлик иш ҳақининг 500 бараваридан кам бўлмаслиги керак».

Кейинги таҳрирга қаранг.

XII. Ўзбекистон Республикасининг 1992 йил 2 июлда қабул қилинган «Монополистик фаолиятни чеклаш тўғрисида»ги Қонуни (Ўзбекистон Республикаси Олий Кенгашининг Ахборотномаси, 1992 йил, № 10, 392-модда) 9-моддасининг 1-банди қуйидаги таҳрирда баён этилсин:

«1. Монополияга қарши фаолиятни амалга оширишга ваколатли орган хўжалик юритувчи субъектларга:

а) қоидабузарликни тўхтатиш, дастлабки ҳолатни тиклаш, ушбу Қонунга зид шартномаларни бекор қилиш ёки ўзгартириш тўғрисидаги кўрсатмаларни бажаришдан бўйин товлаганлик ёки ўз вақтида бажармаганлик учун:

бошқарув органларига ва юридик шахс бўлмиш хўжалик юритувчи субъектларга — энг кам ойлик иш ҳақининг 100 бараваридан 500 бараваригача миқдорда;

жисмоний шахс бўлмиш хўжалик юритувчи субъектларга — энг кам ойлик иш ҳақининг 5 бараваридан 7 бараваригача миқдорда;

давлат ҳокимияти ва бошқарув органларининг ҳамда хўжалик юритувчи субъектларнинг мансабдор шахсларига — энг кам ойлик иш ҳақининг 3 бараваридан 5 бараваригача миқдорда;

б) монополияга қарши фаолиятни амалга оширишга ваколатли органга хабар бермаганлик ёки қасддан нотўғри маълумот берганлик учун:

бошқарув органларига ва юридик шахс бўлмиш хўжалик юритувчи субъектларга — энг кам ойлик иш ҳақининг 40 бараваридан 50 бараваригача миқдорда;

давлат ҳокимияти ва бошқарув органларининг ҳамда хўжалик юритувчи субъектларнинг мансабдор шахсларига — энг кам ойлик иш ҳақининг 3 бараваридан 5 бараваригача миқдорда жарима солишга ҳақлидир».

Кейинги таҳрирга қаранг.

XIII Ўзбекистон Республикасининг 1992 йил 3 июлда қабул қилинган «Умумий ҳарбий мажбурият ва ҳарбий хизмат тўғрисида»ги Қонуни (Ўзбекистон Республикаси Олий Кенгашининг Ахборотномаси, 1992 йил, № 10, 401-модда) 15-моддасининг 1-бандининг иккинчи хатбошиси қуйидаги таҳрирда баён этилсин:

«Фуқароларни муддатли ҳарбий хизматга чақириш Ўзбекистон Республикаси Вазирлар Маҳкамасининг қарорига асосан йилига икки марта ўтказилади».

Кейинги таҳрирга қаранг.

XIV. Ўзбекистон Республикасининг 1992 йил 3 июлда қабул қилинган «Гувоҳлар, жабрланувчилар, экспертлар, мутахассислар, таржимонлар ва холисларнинг қилган харажатларини тўлаш тартиби ва миқдорлари тўғрисида»ги Қонунига (Ўзбекистон Республикаси Олий Кенгашининг Ахборотномаси, 1992 йил, № 9, 359-модда):

1) 3-модда қуйидаги таҳрирда баён қилинсин:

«3. Экспертлар, мутахассислар бажарган иш учун энг кам иш ҳақига нисбатан — ишнинг бир соатига 0,015 — 0, 020 коэффициенти бўйича ҳақ тўланади»;

2) 4-модда қуйидаги таҳрирда баён қилинсин:

«4. Таржимонлар ёзма таржимага — ҳар 1000 босма (қўлёзма) белги учун энг кам иш ҳақига нисбатан — 0,010 — 0,015 коэффициенти бўйича ҳақ оладилар.

Суд мажлисларида ёки суриштирув органлари ва дастлабки тергов органлари ўтказадиган сўроқларда таржимон сифатида қатнашганлик учун таржимонлар энг кам иш ҳақига нисбатан — ишнинг бир соатига 0,015 — 0,020 коэффициенти бўйича ҳақ оладилар».

Кейинги таҳрирга қаранг.

XV. Ўзбекистон Республикасининг 1992 йил 9 декабрда қабул қилинган «Гаров тўғрисида»ги Қонунига (Ўзбекистон Республикаси Олий Кенгашининг Ахборотномаси, 1993 йил, № 1, 17-модда):

1) 4-модданинг 1-банди «пул маблағлари» деган сўзлардан кейин «юридик ва жисмоний шахслар мулкида бўлган савдо ва хизмат кўрсатиш соҳаси объектлари улар жойлашган ер участкалари билан бирга» деган сўзлар билан тўлдирилсин;

2) 36-модданинг 1-банди «бошқа мулкий мажмуалар» деган сўзлардан кейин «юридик ва жисмоний шахслар мулкида бўлган савдо ва хизмат кўрсатиш соҳаси объектлари улар жойлашган ер участкалари билан бирга» деган сўзлар билан тўлдирилсин.

Кейинги таҳрирга қаранг.

XVI. Ўзбекистон Республикасининг 1992 йил 9 декабрда қабул қилинган «Хўжалик жамиятлари ва ширкатлари тўғрисида»ги Қонунига (Ўзбекистон Республикаси Олий Кенгашининг Ахборотномаси, 1993 йил, № 1, 13-модда):

1) 10-модданинг 1-банди қуйидаги таҳрирда баён этилсин:

«1. Акциядор жамиятнинг устав фонди ёпиқ жамият учун энг кам ойлик иш ҳақининг 100 бараваридан ҳамдан очиқ жамият учун энг кам ойлик иш ҳақининг 200 бараваридан кам бўлмаслиги керак»;

2) 11-модда 4-бандининг биринчи қисми қуйидаги таҳрирда баён этилсин:

«4. Акциянинг номинал қиймати 100 сўмдан кам бўлиши мумкин эмас»;

3) 17-модданинг 1-банди қуйидаги таҳрирда баён этилсин:

«1. Масъулияти чекланган ёки қўшимча масъулиятли жамиятда устав фонди тузилиб, унинг миқдори энг кам ойлик иш ҳақининг 50 бараваридан кам бўлмаслиги керак».

Кейинги таҳрирга қаранг.

XVII. Ўзбекистон Республикасининг 1993 йил 6 майда қабул қилинган «Суғурта тўғрисида»ги Қонунига (Ўзбекистон Республикаси Олий Кенгашининг Ахборотномаси, 1993 йил, № 5, 217-модда);

1) 4-модданинг 1-банди қуйидаги таҳрирда баён этилсин:

«1. Ўзбекистон Республикасида мажбурий суғурта амалга оширилади. Мажбурий суғурта турлари, шартлари, суғурта тарифлари ва мажбурий суғуртани ўтказиш тартиби Ўзбекистон Республикаси Вазирлар Маҳкамаси томонидан белгиланади»;

2) 10-модда:

1-бандининг биринчи қисми қуйидаги таҳрирда баён этилсин:

«1. Суғурта тўловлари (суғурта мукофотлари) — суғурталанувчи суғурталовчига тўлайдиган бадаллар бўлиб, уларни ҳисоблаб чиқариш тартиби ва уларнинг миқдори суғурта шартномасида белгилаб қўйилади ҳамда улар сўмда ҳам, чет эл валютасида ҳам тўланиши мумкин»;

3-банди чиқариб ташлансин;

3) 22-модданинг 3-бандидаги «тугатиш» деган сўз «тугатилувчанлик» деган сўз билан алмаштирилсин.

Кейинги таҳрирга қаранг.

XVIII. Ўзбекистон Республикасининг 1993 йил 6 майда қабул қилинган «Ер солиғи тўғрисида»ги Қонунига (Ўзбекистон Республикаси Олий Кенгашининг Ахборотномаси, 1993 йил, № 5, 215-модда):

1) 1-модда:

биринчи қисми қуйидаги таҳрирда баён этилсин:

«Ўз эгалигида, фойдаланишида ер участкалари бўлган юридик ва жисмоний шахслар, шунингдек савдо ҳамда хизмат кўрсатиш соҳаси объектлари билан бирга улар жойлашган ер участкаларининг мулкдорлари ҳар йили ер солиғи тўлайдилар, унинг миқдори ушбу ер участкасининг сифати, қандай жойдалиги ва сув билан қандай таъминланганлигига қараб белгиланади»;

иккинчи қисми чиқариб ташлансин;

2) 2-модданинг биринчи қисмидаги «Ўз тасарруфида» деган сўзлар «Ўз мулкида, эгалигида» деган сўзлар билан алмаштирилсин;

3) 3-модданинг иккинчи қисми қуйидаги таҳрирда баён этилсин:

«Кимнингдир мулкида, эгалигида ва фойдаланишида бўлган ҳар бир ер участкаси учун ер солиғи ставкаларининг миқдорлари ер участкасининг сифати, қандай жойдалиги ва сув билан қандай таъминланганлигига қараб табақалаштирилган ҳолда белгиланади»;

4) 5-модда:

учинчи қисми «йил давомида» деган сўзлардан кейин «ер участкасига мулкдорлик қилиш» деган сўзлар билан тўлдирилсин;

тўртинчи қисми «олиб қўйилган (ер майдони камайтирилган)» деган ҳамда «ер участкаси олиб қўйилган» деган сўзлардан кейин «сотиб олинган, сотилган» деган сўзлар билан тўлдирилсин;

5) 6-модда:

биринчи қисмидаги «Ерга эгалик қилувчи» деган сўзлар «Ер участкалари мулкдорлари, ерга эгалик қилувчи» деган сўзлар билан алмаштирилсин;

қуйидаги мазмундаги учинчи қисм билан тўлдирилсин:

«Фуқаролар йил давомида савдо ва хизмат кўрсатиш соҳаси объектларини улар жойлашган ер участкалари билан бирга олган тақдирда ер солиғи улар олингандан кейинги ойдан бошлаб ҳисобланади. Ер солиғи ундириш улар сотиб олинган, сотилган ойдан бошлаб тўхтатилади (камайтирилади)»;

учинчи қисми тўртинчи қисм деб ҳисоблансин.

Кейинги таҳрирга қаранг.

XIX. Ўзбекистон Республикасининг 1993 йил 7 майда қабул қилинган «Валютани тартибга солиш тўғрисида»ги Қонуни (Ўзбекистон Республикаси Олий Кенгашининг Ахборотномаси, 1993 йил, № 5, 225-модда) 1-моддасининг 1-бандидаги «рубльдир» деган сўз «сўмдир» деган сўз билан алмаштирилсин.

Кейинги таҳрирга қаранг.

XX. Ўзбекистон Республикасининг 1993 йил 7 майда қабул қилинган «Маҳаллий солиқлар ва йиғимлар тўғрисида»ги Қонуни (Ўзбекистон Республикаси Олий Кенгашининг Ахборотномаси, 1993 йил, № 5, 227-модда) 1-моддасининг тўртинчи қисмидаги «т» бандчаси чиқариб ташлансин.

Кейинги таҳрирга қаранг.

XXI. Ўзбекистон Республикасининг 1993 йил 2 сентябрда қабул қилинган «Қимматли қоғозлар ва фонд биржаси тўғрисида»ги Қонунига (Ўзбекистон Республикаси Олий Кенгашининг Ахборотномаси, 1993 йил, № 9, 325-модда):

1) 14-модда қуйидаги таҳрирда баён этилсин:

«14-модда. Герб йиғими

Қимматли қоғозлар ва эмиссия рисолаларини чиқаришни рўйхатдан ўтказиш пайтида герб йиғими олинади. Йиғим миқдори ҳамда уни тўлаш тартиби Ўзбекистон Республикаси қонун ҳужжатлари билан белгилаб қўйилади. Бошқа бирон бир йиғим ва бож (биржа йиғимлари ва божларидан ташқари) ундириб олинишига йўл қўйилмайди.»;

2) 16-модданинг учинчи қисмидаги «чет эл инвестициялари тўғрисидаги» деган сўзлар чиқариб ташлансин.

Кейинги таҳрирга қаранг.

XXII. Ўзбекистон Республикасининг 1994 йил 5 майда қабул қилинган «Чет эл инвестициялари ва чет эллик инвесторлар фаолиятининг кафолатлари тўғрисида»ги Қонунига (Ўзбекистон Республикаси Олий Кенгашининг Ахборотномаси, 1994 йил, № 5, 128-модда):

1) 3-модданинг бешинчи хатбошиси «шу жумладан» деган сўзлардан кейин «савдо ва хизмат кўрсатиш соҳаси объектлари билан бирга улар жойлашган ер участкаларига мулкдорлик» деган сўзлар билан тўлдирилсин;

2) 9-модда қуйидаги мазмундаги тўртинчи қисм билан тўлдирилсин:

«Чет эл инвесторлари ва чет эл инвестицияси иштирокидаги корхоналар қонун ҳужжатларида белгиланган тартибда ҳамда шартларда савдо ва хизмат кўрсатиш соҳаси объектларини улар жойлашган ер участкалари билан бирга мулк қилиб олишлари мумкин»;

3) 22-моддадаги «Унинг биноларга» деган сўзлар «Унинг савдо ва хизмат кўрсатиш соҳаси объектлари билан бирга улар жойлашган ер участкаларига мулкдорлик ҳуқуқи, биноларга» деган сўзлар билан алмаштирилсин.

Кейинги таҳрирга қаранг.

Ўзбекистон Республикасининг Президенти И. КАРИМОВ

Тошкент ш.,

1994 йил 23 сентябрь,

2022-XII-сон

(Ўзбекистон Республикаси Олий Кенгашининг Ахборотномаси, 1994 й., 11-12-сон, 285-модда; Ўзбекистон Республикаси Олий Мажлисининг Ахборотномаси, 1995 й., 6-сон, 121-модда; 1995 й., 12-сон, 269-модда; 1996 й., 11-12-сон; 1997 й., 2-сон, 55-модда; 4-5-сон; 1998 й., 5-6-сон, 92-модда;83-модда; 96-модда; 2001 й., 1-2-сон, 23-модда; 9-10-сон, 171-модда; 2002 й., 1-сон, 9-модда; 11-модда; 4-5-сон, 69-модда; 12-сон, 218-модда; 2004 й., 1-2-сон, 6-модда; Ўзбекистон Республикаси қонун ҳужжатлари тўплами, 2008 й., 29-30-сон, 278-модда; Қонунчилик маълумотлари миллий базаси, 04.08.2022 й., 03/22/786/0705-сон; 15.02.2024 й., 03/24/907/0127-сон)