Ҳужжат 01.01.2024 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Ёшлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида
Ўзбекистон Республикаси Президентининг «Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида» 2022 йил 19 январдаги ПҚ-92-сон ва «Заковат» интеллектуал ўйинини аҳоли ўртасида оммавий-маърифий ҳаракатга айлантириш ва бошқа интеллектуал ўйинларни ривожлантиришга оид чора-тадбирлар тўғрисида» 2022 йил 20 январдаги ПҚ-96-сон қарорларига мувофиқ ижтимоий ҳимояга муҳтож, ишсиз ва ижтимоий фаол бўлмаган ёшлар билан «Ёшлар дафтари»ни юритиш орқали ишлаш тизимини янада такомиллаштириш, уларни ҳар томонлама қўллаб-қувватлаш, шунингдек, олий таълим ташкилотлари талабалари ўртасида интеллектуал соғлом рақобатни шакллантириш, талаба ва ёшларнинг билим ва салоҳиятини янада ошириш ҳамда уларни рағбатлантириш мақсадида Вазирлар Маҳкамаси қарор қилади:
1. «Ёшлар дафтари»га киритилган ёшларнинг ижтимоий-иқтисодий муаммоларини ҳал этиш мақсадида туман ва шаҳарларда «Ёшлар дафтари»га киритилган ёшларни қўллаб-қувватлаш жамғармалари (кейинги ўринларда — туман (шаҳар) «Ёшлар дафтари» жамғармаси) ташкил этилганлиги маълумот учун қабул қилинсин.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда Ёшлар ишлари агентлигининг Қорақалпоғистон Республикаси, вилоятлар ва Тошкент шаҳрида «Ёшлар дафтари»га киритилган ёшларни қўллаб-қувватлаш жамғармаларини (кейинги ўринларда — ҳудудий «Ёшлар дафтари» жамғармаси) ташкил этиш ҳамда ушбу жамғармалар маблағларини қуйидаги манбалар ҳисобидан шакллантириш тўғрисидаги таклифи маъқуллансин:
Олдинги таҳрирга қаранг.
Қорақалпоғистон Республика Жўқорғи Кенгеси, халқ депутатлари вилоятлар ва Тошкент шаҳар Кенгашлари қарорига асосан Қорақалпоғистон Республикаси республика бюджети, вилоятлар вилоят бюджети ва Тошкент шаҳрининг шаҳар бюджети қўшимча манбалари ҳисобидан ҳар чоракда ажратиладиган маблағлар;
(2-банднинг иккинчи хатбошиси Ўзбекистон Республикаси Президентининг 2023 йил 29 декабрдаги ПҚ-422-сонли қарори таҳририда — Қонунчилик маълумотлари миллий базаси, 29.12.2023 й., 07/23/422/0994-сон — 2024 йил 1 январдан кучга киради)
жисмоний ва юридик шахсларнинг ҳомийлик маблағлари ҳамда қонунчилик ҳужжатларида тақиқланмаган бошқа манбалар.
3. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар, шунингдек, туман (шаҳар) ҳокимлари ушбу қарорда назарда тутилган манбалар ҳисобидан ҳудудий ва туман (шаҳар) «Ёшлар дафтари» жамғармалари маблағларини ўз вақтида ва тўлиқ шакллантиришга шахсан масъул ҳисобланиши белгилаб қўйилсин.
4. Қуйидагиларни назарда тутувчи:
Қорақалпоғистон Республикаси, вилоятлар ва Тошкент шаҳри, шунингдек, туман (шаҳар)лардаги «Ёшлар дафтари» жамғармалари тўғрисидаги низом 1-иловага мувофиқ:
юридик шахс бўлмаган ҳудудий ва туман (шаҳар) «Ёшлар дафтари» жамғармасини ташкил этиш тартиби;
ҳудудий ва туман (шаҳар) «Ёшлар дафтари» жамғармаси маблағларини шакллантириш тартиби;
ҳудудий ва туман (шаҳар) «Ёшлар дафтари» жамғармаси маблағларини бошқариш ва улардан фойдаланиш;
Ёшлар ишлари агентлигининг ҳудудий бошқармаларини ҳудудий «Ёшлар дафтари» жамғармасининг, Ёшлар ишлари агентлигининг туман (шаҳар) бўлимларини туман (шаҳар) «Ёшлар дафтари» жамғармасининг ишчи органи этиб белгилаш;
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низом 2-иловага мувофиқ тасдиқлансин:
«Ёшлар дафтари»га киритилган ва моддий аҳволи оғир ёшларга бир марталик моддий ёрдам кўрсатиш;
«Ёшлар дафтари»га киритилган ёшларга уларнинг давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курси харажатларини қоплаш учун субсидия ажратиш;
«Ёшлар дафтари»га киритилган ёшларнинг муаммоларини тизимли равишда ҳал этиш ва уларни ижтимоий қўллаб-қувватлаш, ижтимоий-иқтисодий, психологик ҳимояга муҳтож ҳамда иқтидорли ва фаол ёшларга кўмаклашиш;
«Ёшлар дафтари»га киритилган ёшларни касб-ҳунарга ўргатиш орқали уларнинг бандлигини таъминлаш, тадбиркорлик лойиҳалари ва ташаббусларини қўллаб-қувватлаш;
ёшларнинг истеъдодларини қўллаб-қувватлаш, беш муҳим ташаббус доирасидаги тадбирларни молиялаштириш ҳамда амалий ёрдамлар тўлиқ кўрсатиш орқали ёшларни «Ёшлар дафтари»дан чиқариш тартиби.
Кейинги таҳрирга қаранг.
5. Белгилансинки:
ҳудудий ва туман (шаҳар) «Ёшлар дафтари» жамғармаларининг даромадлар ва харажатлар параметрларини, уларнинг ижроси тўғрисидаги ҳисоботларни, иш режаларини тасдиқлаш ҳамда маблағларини шакллантириш ва улардан фойдаланиш билан боғлиқ бошқа ваколатлар тегишлича Қорақалпоғистон Республикаси, вилоятлар ва Тошкент шаҳар, шунингдек, туман (шаҳар)лардаги «Ёшлар дафтари» жамғармалари Васийлик кенгашлари томонидан амалга оширилади;
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари — тегишли ҳудудий «Ёшлар дафтари» жамғармаси, туман (шаҳар) ҳокимлари — тегишли туман (шаҳар) «Ёшлар дафтари» жамғармаси Васийлик кенгаши раиси ҳисобланади;
ҳудудий ва туман (шаҳар) «Ёшлар дафтари» жамғармалари Васийлик кенгашлари аъзоларининг фаолияти жамоатчилик асосида ташкил этилади.
Кейинги таҳрирга қаранг.
6. Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар ҳамда туман (шаҳар) Кенгашларига ҳудудий ва туман (шаҳар) «Ёшлар дафтари» жамғармалари даромадларининг барқарор шакллантирилиши ва ўз вақтида молиялаштирилишини доимий назорат қилиб бориш тавсия этилсин.
7. Ёшлар ишлари агентлиги ҳамда Ахборот технологиялари ва коммуникацияларини ривожлантириш вазирлиги:
Иқтисодий тараққиёт ва камбағалликни қисқартириш вазирлиги билан биргаликда 2022 йил 1 июлга қадар «Онлайн маҳалла» электрон платформасининг «Ёшлар дафтари» ахборот тизими билан;
2022 йил 1 сентябрга қадар «Ёшлар дафтари» ахборот тизимини тегишли вазирлик ва идораларнинг ахборот тизимлари билан интеграция қилинишини таъминласин.
8. Ёшлар ишлари агентлиги томонидан «Ёшлар портали» ахборот тизими негизида яратилган «Ёшлар мурожаати» электрон платформаси Ўзбекистон Республикаси Президентининг Виртуал қабулхонаси билан интеграция қилинганлиги маълумот учун қабул қилинсин.
9. 2022 йил 1 июлдан бошлаб «Ёшлар мурожаати» электрон платформасига келиб тушган мурожаатлар Ўзбекистон Республикаси Президентининг Виртуал қабулхонаси орқали тегишлилиги бўйича давлат органлари ва ташкилотларига юборилиши инобатга олинсин.
Бунда Ёшлар ишлари агентлиги томонидан мурожаатларнинг кўриб чиқилиши ва ҳал этилиши бўйича тизимли мониторинг юритилиб, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни талабларининг бузилиш ҳолатлари аниқланган тақдирда, ҳуқуқий баҳо бериш учун ҳар чорак якунида ҳуқуқни муҳофаза қилувчи органларга маълумот киритиб борилади.
10. Ўзбекистон Республикаси Президентининг «Заковат» интеллектуал ўйинини аҳоли ўртасида оммавий-маърифий ҳаракатга айлантириш ва бошқа интеллектуал ўйинларни ривожлантиришга оид чора-тадбирлар тўғрисида» 2022 йил 20 январдаги ПҚ-96-сон қарорининг 6-бандига мувофиқ 2022 йилдан бошлаб ҳар йили интеллектуал олимпиада ташкил этилиши белгиланганлиги маълумот учун қабул қилинсин.
11. Олий таълим ташкилотларининг талабалари ўртасида интеллектуал олимпиадага тайёргарлик кўриш ва уни ўтказиш бўйича ташкилий қўмита таркиби 3-иловага мувофиқ тасдиқлансин.
12. Ташкилий қўмита (А. Саъдуллаев):
бир ой муддатда олий таълим ташкилотларининг талабалари ўртасида интеллектуал олимпиадани ўтказиш тартибини ишлаб чиқсин ва тасдиқласин;
амалиётда тўпланган тажрибаларни инобатга олган ҳолда 2023 йил 31 январга қадар олий таълим ташкилотлари талабалари ўртасида интеллектуал олимпиадани ўтказиш тартибини тасдиқлаш учун белгиланган тартибда Вазирлар Маҳкамасига киритсин;
манфаатдор вазирликлар ва идоралар билан биргаликда интеллектуал олимпиадани ташкил этиш ҳамда ўтказиш бўйича барча ташкилий ва ижодий ишларни мувофиқлаштирсин;
интеллектуал олимпиаданинг республика босқичи ўтказиладиган жойни белгиласин ҳамда ҳакамлар ҳайъати таркиби, апелляция комиссияси аъзолари рўйхатини шакллантирсин;
интеллектуал олимпиада материалларининг махфийлигини, олимпиаданинг белгиланган талаблар асосида ўтказилишини таъминласин;
интеллектуал олимпиадага таълим йўналиши, соҳаси, мутахассислигидан қатъи назар, республикадаги барча олий таълим ташкилотлари талабаларини жалб этиш чораларини кўрсин;
умумжамоа ҳисобида 1, 2 ва 3-ўринни қўлга киритган олий таълим ташкилотларини мукофотлаш турларини, шу жумладан, Ўзбекистон Республикаси Президенти совғасини белгилаш ҳамда интеллектуал олимпиаданинг ғолиб ва совриндорларига топширилишини таъминласин;
интеллектуал олимпиаданинг ғолиб ва совриндорларини ўз мутахассислиги бўйича кадрлар захирасига киритиш учун уларнинг рўйхатини Давлат хизматини ривожлантириш агентлигига тақдим этиб борсин;
Кейинги таҳрирга қаранг.
интеллектуал олимпиаданинг ташкил этилиши, ўтказилиши ва натижаларини оммавий ахборот воситалари ҳамда ижтимоий тармоқларда кенг ёритиб бориш чораларини кўрсин.
13. Қуйидагилар:
интеллектуал олимпиада иштирокчиларининг яшаш ва транспорт харажатлари — ушбу иштирокчилар таълим олаётган олий таълим ташкилотларининг бюджетдан ташқари жамғармалари маблағлари ҳисобидан;
ғолиб ва совриндор бўлган иштирокчиларни рағбатлантириш харажатлари — Ёшлар ишлари агентлиги орқали Давлат бюджетидан «Заковат» интеллектуал клуби» нодавлат нотижорат ташкилотига ажратиладиган маблағлар ҳисобидан қопланиши белгилаб қўйилсин.
14. Ўзбекистон Республикаси Спортни ривожлантириш вазирлиги Ўзбекистон шахмат федерацияси, Ўзбекистон шашка федерацияси билан биргаликда интеллектуал олимпиада давомида шахмат ва шашка мусобақаларини ўтказиш чораларини кўрсин.
Кейинги таҳрирга қаранг.
15. Ўзбекистон Республикаси Ички ишлар вазирлиги, Фавқулодда вазиятлар вазирлиги Миллий гвардия билан биргаликда интеллектуал олимпиада тадбирлари ўтказиладиган объектлар ва уларнинг атрофидаги ҳудудларда жамоат тартибини сақлаш, йўл ҳаракати, ёнғин ва фуқаролар хавфсизлигини таъминлашга қаратилган чора-тадбирларни амалга оширсин.
16. Ўзбекистон Республикаси Соғлиқни сақлаш вазирлиги, Санитария-эпидемиологик осойишталик ва жамоат саломатлиги хизмати интеллектуал олимпиада ўтказиладиган ҳамда иштирокчилар жойлашган турар жойларда тиббий хизмат навбатчилигини ташкил этиш, юқори савияда тиббий хизмат кўрсатиш, шунингдек, уларни зарур тиббий анжомлар, дори воситалари билан таъминлаш чораларини кўрсин.
Кейинги таҳрирга қаранг.
17. Ўзбекистон Республикаси Ҳукуматининг 4-иловага мувофиқ айрим қарорларига ўзгартириш ва қўшимчалар киритилсин.
18. Мазкур қарорнинг бажарилишини назорат қилиш Ўзбекистон Республикаси Ёшлар ишлари агентлиги директори А.З. Саъдуллаев зиммасига ҳамда Вазирлар Маҳкамасининг Ёшларни қўллаб-қувватлаш ва жамоат ташкилотлари масалалари котибиятига юклансин.
Кейинги таҳрирга қаранг.
Ўзбекистон Республикасининг Бош вазири А. АРИПОВ
Тошкент ш.,
2022 йил 7 июнь,
312-сон
Вазирлар Маҳкамасининг 2022 йил 7 июндаги 312-сон қарорига
1-ИЛОВА
Қорақалпоғистон Республикаси, вилоятлар ва Тошкент шаҳри, шунингдек, туман (шаҳар)лардаги «Ёшлар дафтари» жамғармалари тўғрисида
НИЗОМ
1-боб. Умумий қоидалар
1. Ушбу Низом Қорақалпоғистон Республикаси, вилоятлар ва Тошкент шаҳридаги «Ёшлар дафтари» жамғармалари (кейинги ўринларда — ҳудудий «Ёшлар дафтари» жамғармаси), шунингдек, туман (шаҳар)лардаги «Ёшлар дафтари» жамғармаларини (кейинги ўринларда — туман (шаҳар) «Ёшлар дафтари» жамғармаси) ташкил этиш, уларнинг маблағларини шакллантириш ва ушбу маблағлардан фойдаланиш тартибини белгилайди.
2. Ҳудудий «Ёшлар дафтари» жамғармаси маблағлари тегишлича Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари қарорига, шунингдек, туман (шаҳар) «Ёшлар дафтари» жамғармаси халқ депутатлари туман (шаҳар) Кенгашлари қарорига мувофиқ белгиланган тартибда шакллантирилади.
3. Ҳудудий ва туман (шаҳар) «Ёшлар дафтари» жамғармаси юридик шахс ҳисобланмайди.
Ҳудудий «Ёшлар дафтари» жамғармасининг маблағлари тегишлича Қорақалпоғистон Республикаси, вилоятлар ва Тошкент шаҳар ғазначилик бошқармаларида, шунингдек, туман (шаҳар) «Ёшлар дафтари» жамғармасининг маблағлари туман (шаҳар) ғазначилик бўлимларида алоҳида очилган шахсий ғазна ҳисобварақларида йиғилади.
2-боб. Ҳудудий ва туман (шаҳар) «Ёшлар дафтари» жамғармалари маблағларини шакллантириш манбалари
4. Ҳудудий «Ёшлар дафтари» жамғармаси қуйидаги манбалар ҳисобидан шакллантирилади:
Олдинги таҳрирга қаранг.
Қорақалпоғистон Республика Жўқорғи Кенгеси, халқ депутатлари вилоятлар ва Тошкент шаҳар Кенгашларининг қарорига асосан Қорақалпоғистон Республикаси республика бюджети, вилоятлар вилоят бюджети ва Тошкент шаҳрининг шаҳар бюджети қўшимча манбалари ҳисобидан ҳар чоракда ажратиладиган маблағлар;
(4-банднинг иккинчи хатбошиси Ўзбекистон Республикаси Президентининг 2023 йил 29 декабрдаги ПҚ-422-сонли қарори таҳририда — Қонунчилик маълумотлари миллий базаси, 29.12.2023 й., 07/23/422/0994-сон — 2024 йил 1 январдан кучга киради)
хорижий (халқаро) молия институтлари ва бошқа хорижий донорларнинг техник кўмак маблағлари ва грантлари;
жисмоний ва юридик шахсларнинг ҳомийлик маблағлари ҳамда қонунчилик ҳужжатлари билан тақиқланмаган бошқа манбалар.
Олдинги таҳрирга қаранг.
Бунда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари тегишлича Қорақалпоғистон Республика Жўқорғи Кенгеси, вилоятлар ва Тошкент шаҳар халқ депутатлари Кенгашлари қарорларига асосан Қорақалпоғистон Республикаси республика бюджети, вилоятлар вилоят бюджети ва Тошкент шаҳрининг шаҳар бюджети қўшимча манбалари ҳисобидан ҳар чоракда ажратиладиган маблағларни, биринчи навбатда, тегишли ҳудуднинг қўшимча манбалари нисбатан кам миқдорда шаклланган туман (шаҳар) «Ёшлар дафтари» жамғармаларига ўтказиб бориш юзасидан таклифларни Қорақалпоғистон Республикаси Жўқорғи Кенгесига, халқ депутатлари вилоятлар ва Тошкент шаҳар Кенгашларига киритиб борсин.
(4-банднинг бешинчи хатбошиси Ўзбекистон Республикаси Президентининг 2023 йил 29 декабрдаги ПҚ-422-сонли қарори таҳририда — Қонунчилик маълумотлари миллий базаси, 29.12.2023 й., 07/23/422/0994-сон — 2024 йил 1 январдан кучга киради)
5. Туман (шаҳар) «Ёшлар дафтари» жамғармаси қуйидаги манбалар ҳисобидан шакллантирилади:
ҳудудий «Ёшлар дафтари» жамғармасидан ажратмалар;
Олдинги таҳрирга қаранг.
туман (шаҳар) халқ депутатлари Кенгашлари қарорига асосан туман (шаҳар) бюджетлари қўшимча манбалари ҳисобидан ҳар чоракда ажратиладиган маблағлар;
(5-банднинг учинчи хатбошиси Ўзбекистон Республикаси Президентининг 2023 йил 29 декабрдаги ПҚ-422-сонли қарори таҳририда — Қонунчилик маълумотлари миллий базаси, 29.12.2023 й., 07/23/422/0994-сон — 2024 йил 1 январдан кучга киради)
Ўзбекистон Республикаси Президентининг «Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида» 2020 йил 24 ноябрдаги ПФ-6118-сон Фармонининг 12-бандида белгиланган тушумларнинг мазкур Фармонга 3-иловага мувофиқ миқдордаги маблағлар;
хорижий (халқаро) молия институтлари ва бошқа хорижий донорларнинг техник кўмак маблағлари ва грантлари;
жисмоний ва юридик шахсларнинг ҳомийлик маблағлари ҳамда қонунчилик ҳужжатлари билан тақиқланмаган бошқа манбалар.
6. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар, шунингдек, туман (шаҳар) ҳокимлари ушбу Низомнинг 4-бандида назарда тутилган манбалар ҳисобидан ҳудудий ва туман (шаҳар) «Ёшлар дафтари» жамғармалари маблағларини ўз вақтида ва тўлиқ шакллантиришга шахсан масъул ҳисобланади.
3-боб. Ҳудудий ва туман (шаҳар) «Ёшлар дафтари» жамғармалари маблағларидан фойдаланиш
7. Ҳудудий «Ёшлар дафтари» жамғармаси маблағлари:
тегишли ҳудуднинг қўшимча манбалари нисбатан кам миқдорда шаклланган туман (шаҳар) «Ёшлар дафтари» жамғармаларига;
Ёшлар ишлари агентлиги директори томонидан тасдиқланган календарь режада белгиланган маҳалла, сектор, туман (шаҳар) ва ҳудуд даражасидаги лойиҳалар, ёшлар фестиваллари, форумлар, танловлар ва бошқа маданий-маърифий тадбирларни молиялаштиришга;
маҳаллаларда ёшларнинг бўш вақтини мазмунли ташкил этиш учун қўшимча шароитлар яратишга мўлжалланган енгил турдаги кичик кутубхоналар ва спорт объектларини барпо этиш ҳамда уларни замонавий жиҳозлашга;
маҳаллалардаги ёшлар етакчилари учун ажратилган хизмат хоналарини моддий-техник жиҳозлар (мебель, планшет, компьютер тўплами, алоқа, интернет ва бошқалар) билан таъминлашга;
қонунчилик ҳужжатлари билан белгиланган бошқа харажатларни қоплашга йўналтирилади.
8. Туман (шаҳар) «Ёшлар дафтари» жамғармаси маблағлари:
«Ёшлар дафтари»га киритилган ва моддий аҳволи оғир ёшларга базавий ҳисоблаш миқдорининг (кейинги ўринларда — БҲМ) 4 бараваригача миқдорда бир марталик моддий ёрдам кўрсатишга;
«Ёшлар дафтари»га киритилган ёшларни тадбиркорлик ва касб-ҳунарга ўқитиш учун сарфланган харажатларнинг 75 фоизигача қисмини, бироқ бир ойгача, бир ойдан икки ойгача, икки ойдан ортиқ муддатли ўқув курслари учун тегишлича БҲМнинг 4, 8, 12 бараваридан кўп бўлмаган миқдордаги қисмини қоплашга;
«Ёшлар дафтари»га киритилган ёшларга уларнинг давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курси харажатларини қоплаш учун БҲМнинг 4 бараваригача миқдорда субсидия ажратишга;
«Ёшлар дафтари»га киритилган, деҳқончилик ва томорқа хўжалигини юритиш билан шуғулланаётган ёшларга уруғлик ва кўчатлар сотиб олиш учун БҲМнинг 8 бараваригача миқдорда субсидия ажратишга;
Кейинги таҳрирга қаранг.
«Ёшлар дафтари»га киритилган ёшларга тадбиркорлик фаолияти ҳамда ўзини ўзи банд қилиш мақсадида нотурар жойнинг 12 ойгача ижара харажатларини кўпи билан бир йилда 30 фоиз, бироқ БҲМнинг 25 бараваригача миқдорда қоплашга;
«Ёшлар дафтари»га киритилган ёшларга тадбиркорлик фаолиятини бошлаш ва ўзини ўзи банд қилиш учун зарур бўлган асбоб-ускуналар ва меҳнат қуролларини харид қилишга БҲМнинг 40 бараваригача миқдорда субсидия ажратишга;
мамлакатимиздаги профессионал ва олий таълим муассасаларида таълим олаётган, «Темир дафтар»га киритилган оилалар фарзандларининг, шунингдек, «Ёшлар дафтарига» киритилган ёшларнинг тўлов-контракт суммасининг 50 фоизигача, аммо БҲМнинг 50 бараваридан ошмаган миқдорда тўлаб беришга;
ёшларга замонавий касбларни эгаллаши, ахборот технологияларини ўрганиши ва уларни хорижий тилларга ўқитиш бўйича олти ойгача муддатли ўқув курслар учун ҳар ойда БҲМнинг 4 бараваригача миқдорда субсидия ажратишга;
ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги олти ойгача муддатли ўқув курслари учун ҳар ойда БҲМнинг 1 бараваригача миқдорда субсидия ажратишга;
«Темир дафтар» ва «Аёллар дафтари»га киритилган оилаларнинг фарзандлари ҳамда «Ёшлар дафтари»га киритилган ижтимоий ҳимояга муҳтож ёшларнинг фуқаролик паспорти (биометрик паспорт) олиш бадалини қоплаб бериш;
ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги олимпиада, танлов ва мусобақаларнинг маҳаллий босқичларида қатнашиш харажатлари учун БҲМнинг 4 бараваригача ҳамда халқаро босқичларида қатнашиш харажатлари учун БҲМнинг 40 бараваригача миқдорда субсидия ажратишга;
«Темир дафтар» ва «Аёллар дафтари»га киритилган оилаларнинг фарзандлари ҳамда «Ёшлар дафтари»га киритилган ёш оилаларнинг ўқувчи фарзандлари учун бир календарь йилида бир маротаба мактаб формаси ҳамда ўқув қуроллари учун харажатларини қоплаш;
«Темир дафтар» ва «Аёллар дафтари»га киритилган оилаларнинг фарзандлари ҳамда «Ёшлар дафтари»га киритилган ижтимоий ҳимояга муҳтож ёшлар ҳамда тенгдошлари орасида намуна кўрсатган фаол ёшларнинг мамлакатимиз бўйлаб туризм объектларига саёҳатлари учун меҳмонхона ва йўл харажатларини қоплаб бериш;
ёшларга таълим, маданият ва санъат, спорт, ахборот технологиялар соҳасига ва фанларни ўқитишга ихтисослашган таълим ташкилотларининг уч ой муддатгача нотурар жой ижара харажатлари учун БҲМнинг 50 бараваригача миқдорда субсидия ажратишга;
моддий аҳволи оғир бўлган 30 ёшдан ошмаган бемор фуқароларга мамлакатда ёки хорижий давлатларда даволаниш билан боғлиқ харажатларни қоплаш учун БҲМнинг 50 бараваридан ошмаган миқдорда субсидия ажратишга;
психологик маслаҳатга муҳтож ёшларга ихтисослашган нодавлат нотижорат ташкилотлари ҳамда нодавлат таълим ташкилотлари томонидан пулли психологик хизмат кўрсатилиши билан боғлиқ харажатларни қоплашга;
ижтимоий ҳимояга муҳтож ёшларнинг сафарбарлик чақируви резервидаги хизматни ўташ бадалини тўлиқ миқдорда қоплаш учун субсидия ажратишга;
ёшларга янги турмуш қураётганда, ўз хонадонида қўшимча уй-жой қуриш учун 33 миллион сўмгача гаровсиз кредит ажратишга кафиллик беришга;
ижтимоий ҳимояга муҳтож ёш оилаларга ҳар ойда БҲМнинг 3 бараваридан ошмаган миқдорда 12 ойгача турар жой ижараси учун субсидия ажратишга;
Ёшлар ишлари агентлиги директори томонидан тасдиқланган календарь режада белгиланган маҳалла, сектор ва туман (шаҳар) даражасидаги лойиҳалар, ёшлар фестиваллари, форумлар, танловлар ва бошқа маданий-маърифий тадбирларни молиялаштиришга;
маҳалладаги ёшлар етакчисининг туман (шаҳар) Васийлик кенгашига киритган илтимосномасига биноан Кенгаш раиси Ёшлар ишлари агентлигининг ҳудудий бошқармасига «Ёшлар дафтари»га киритилган ёшларнинг муаммоларини «Ёшлар дафтари» жамғармаси маблағлари ҳисобидан етарли даражада ҳал қилинганлиги тўғрисида ахборот беради. Мазкур ахборот асосида Ёшлар ишлари агентлигининг ҳудудий бошқармаси тавсияси билан туман (шаҳар) жамғармасидаги мавжуд маблағлар ҳисобидан маҳаллаларда ёшларнинг бўш вақтини мазмунли ташкил этиш учун қўшимча шароитлар яратишга мўлжалланган енгил турдаги кичик кутубхоналар ва спорт объектларини барпо этиш ҳамда уларни замонавий жиҳозлашга маблағ йўналтириш;
қонунчилик ҳужжатлари билан белгиланган бошқа харажатларни қоплашга йўналтирилади.
9. Ҳудудий ва туман (шаҳар) «Ёшлар дафтари» жамғармаларининг маблағлари ушбу Низомнинг 7 ва 8-бандларида назарда тутилмаган мақсадларга йўналтирилишига, шунингдек, «Ёшлар дафтари»га киритилган ёшларга айнан бир турдаги субсидия ёки ижтимоий ёрдам (бир марталик моддий ёрдам бундан мустасно) бошқа манбалар ва жамғармалар томонидан кўрсатилганда тақдим этилишига йўл қўйилмайди.
10. Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси ҳисобидан, зарур ҳолларда, ушбу Низомнинг 7 ва 8-бандларида назарда тутилган мақсадлар учун маблағлар ажратилиши мумкин.
11. Ҳудудий ва туман (шаҳар) «Ёшлар дафтари» жамғармалари маблағларини шакллантириш, бошқариш ва улардан фойдаланиш мақсадида ушбу Низомга 1 ва 2-иловаларга мувофиқ таркибда Васийлик кенгаши (кейинги ўринларда — Васийлик кенгаши) тузилади.
Васийлик кенгаши таркиби Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари, шунингдек, халқ депутатлари туман (шаҳар) Кенгашлари қарорига мувофиқ тасдиқланади.
Васийлик кенгаши раиси ва аъзолари «Ёшлар дафтари» жамғармасини бошқариш бўйича фаолиятини жамоатчилик асосида амалга оширади.
Васийлик кенгаши раиси «Ёшлар дафтари» жамғармаси маблағларини бошқарувчи ҳисобланади.
12. Ёшлар ишлари агентлигининг ҳудудий бошқармалари ҳудудий «Ёшлар дафтари» жамғармасининг, Ёшлар ишлари агентлигининг туман (шаҳар) бўлимлари туман (шаҳар) «Ёшлар дафтари» жамғармасининг ишчи органи ҳисобланади.
13. «Ёшлар дафтари» жамғармалари маблағлари сарфлаш Васийлик кенгаши қарори асосида сарфланади.
Васийлик кенгаши йиғилишлари ҳар ойда камида икки марта — ойнинг 15-санасигача ва охирги санасигача ўтказилади.
14. Васийлик кенгаши раиси Васийлик кенгаши йиғилишларига раислик қилади.
15. Васийлик кенгашлари қарорлари Васийлик кенгаши йиғилиши баёни билан расмийлаштирилади.
16. Васийлик кенгаши:
«Ёшлар дафтари» жамғармасига умумий раҳбарлик қилади ва унинг фаолиятини назорат қилади;
«Ёшлар дафтари» жамғармасининг даромад ва харажатлари йиллик параметрларини, уларнинг ижроси тўғрисидаги йиллик ҳисоботларни, шунингдек, «Ёшлар дафтари» жамғармасига юкланган вазифаларнинг бажарилиши тўғрисидаги ҳисоботларни тасдиқлайди;
«Ёшлар дафтари» жамғармасининг йиллик иш режаси ва дастурларини тасдиқлайди;
«Ёшлар дафтари» жамғармаси маблағларидан фойдаланишда шаффофликни таъминлайди;
«Ёшлар дафтари» жамғармаси маблағлари ҳисобидан алоҳида тадбирларни молиялаштириш тартибини белгилайди;
«Ёшлар дафтари» жамғармасига ҳомийлик хайриялари, шунингдек, халқаро ташкилотларнинг техник кўмак маблағлари ва грантларини жалб қилишга кўмаклашади;
«Ёшлар дафтари» жамғармасига юклатилган вазифаларни Васийлик кенгаши аъзолари ўртасида тақсимлайди;
«Ёшлар дафтари» жамғармаси фаолиятига тааллуқли масалаларни кўриб чиқади ва улар бўйича қарорлар қабул қилади;
«Ёшлар дафтари» жамғармаси маблағларини шакллантириш ва улардан фойдаланиш билан боғлиқ бошқа ваколатларни амалга оширади;
«Ёшлар дафтари» жамғармаси фаолиятига алоқадор бошқа масалаларни кўриб чиқади ва улар бўйича қарорлар қабул қилади.
17. «Ёшлар дафтари» жамғармасининг ишчи органи:
«Ёшлар дафтари» жамғармасининг йиллик иш режаси ва дастурларини ишлаб чиқади;
Васийлик кенгаши йиғилиши кун тартибига киритиладиган масалаларни тайёрлайди, йиғилиш баённомасини юритади ва расмийлаштиради;
Васийлик кенгаши аъзоларига Васийлик кенгаши йиғилишининг вақти ва ўтказиладиган жойи тўғрисида хабар беради;
давлат томонидан бериладиган ижтимоий кўмак ва кўрсатиладиган моддий ёрдам тўғрисидаги маълумотларни «Ёшлар дафтари»га киритилган ёшларнинг якка тартибдаги анкетасида қайд этиб боради;
«Ёшлар дафтари»га киритилган ёшларнинг мурожаатлари билан ишлайди ва кўриб чиқиш учун Васийлик кенгашига тақдим этади;
Васийлик кенгаши томонидан қабул қилинган қарор тўғрисида мурожаат этувчига хабар юборади.
Васийлик кенгаши қарори билан ишчи органга қўшимча вазифалар ҳам юкланиши мумкин.
4-боб. Ҳудудий ва туман (шаҳар) «Ёшлар дафтари» жамғармалари маблағларидан фойдаланиш бўйича ҳисоб ва ҳисобот
18. Ҳудудий ва туман (шаҳар) «Ёшлар дафтари» жамғармалари маблағларидан фойдаланиш бўйича ҳисоб ва ҳисоботлар тегишлича Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари ҳисобот бўлимлари томонидан ҳар ойнинг 5-санасига қадар харажатлар тўғрисида, Қорақалпоғистон Республикаси Молия вазирлиги, вилоятлар ва Тошкент шаҳар молия бошқармалари ҳамда туман (шаҳар) молия бўлимлари маҳаллий бюджетнинг орттирилган қисми миқдори тўғрисида Ёшлар ишлари агентлигига маълумот бериб боради.
19. Қорақалпоғистон Республикаси, вилоятлар, Тошкент шаҳар ҳамда туман (шаҳар) молия органлари томонидан бюджет ижроси ҳисоботини шакллантириш даврида тегишлича «Ёшлар дафтари» жамғармаси ҳисоботи ҳам қабул қилинади.
20. Васийлик кенгаши раиси ҳар чоракда «Ёшлар дафтари» жамғармаси даромадлари ва харажатлари ижроси тўғрисида тегишлилиги бўйича Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳар, туман (шаҳар) Кенгашларига ҳисобот беради.
5-боб. Якунловчи қоидалар
21. Ҳудудий ва туман (шаҳар) «Ёшлар дафтари» жамғармаларининг жорий йилда фойдаланилмай қолган маблағлари кейинги йилга ўтади ҳамда Қорақалпоғистон Республикаси республика бюджети, вилоятлар ва Тошкент шаҳар, шунингдек, туман (шаҳар) маҳаллий бюджетига олиб қўйилмайди.
22. Ўзбекистон Республикаси Молия вазирлиги ҳузурида Давлат молиявий назорати инспекциясининг ҳудудий бошқармалари мазкур Низом доирасида туман (шаҳар)ларда амалга ошириладиган ишлар учун ажратилган маблағлар самарали ва мақсадли ишлатилиши бўйича назорат ўрнатади.
23. Мазкур Низом талабларининг бузилишида айбдор шахслар қонунчилик ҳужжатларида белгиланган тартибда жавоб берадилар.
Қорақалпоғистон Республикаси, вилоятлар ва Тошкент шаҳар, шунингдек, туман (шаҳар)лардаги «Ёшлар дафтари»жамғармалари тўғрисидаги низомга
1-ИЛОВА
Қорақалпоғистон Республикаси, вилоятлар ва Тошкент шаҳридаги «Ёшлар дафтари» жамғармаси васийлик кенгашининг
НАМУНАВИЙ ТАРКИБИ

1.

Лавозимига кўра

—

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари, Васийлик кенгаши раиси

2.

Лавозимига кўра

—

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари, Васийлик кенгаши раиси ўринбосари

3.

Лавозимига кўра

—

Қорақалпоғистон Республикаси, вилоятлар ва Тошкент шаҳар прокурорлари (келишув асосида)

4.

Лавозимига кўра

—

Қорақалпоғистон Республикаси ички ишлар вазири, Тошкент шаҳар, Тошкент вилояти ички ишлар бош бошқармалари ва вилоятлар ички ишлар бошқармалари бошлиқлари

5.

Лавозимига кўра

—

Қорақалпоғистон Республикаси бандлик ва меҳнат муносабатлари вазири, вилоятлар ва Тошкент шаҳар бандлик бош бошқармалари бошлиқлари

6.

Лавозимига кўра

—

Қорақалпоғистон Республикаси соғлиқни сақлаш вазири, Тошкент шаҳар соғлиқни сақлаш бош бошқармаси, вилоятлар соғлиқни сақлаш бошқармалари бошлиқлари

7.

Лавозимига кўра

—

Қорақалпоғистон Республикаси спортни ривожлантириш вазири, вилоятлар ва Тошкент шаҳар спортни ривожлантириш бош бошқармалари бошлиқлари

8.

Лавозимига кўра

—

Қорақалпоғистон Республикаси маданият вазирлиги, Тошкент шаҳар маданият бош бошқармаси, вилоятлар маданият бошқармалари бошлиқлари

9.

Лавозимига кўра

—

Қорақалпоғистон Республикаси, вилоятлар ва Тошкент шаҳар давлат солиқ бошқармалари бошлиқлари

10.

Лавозимига кўра

—

Қорақалпоғистон Республикаси молия вазири, вилоятлар ва Тошкент шаҳар молия бошқармалари бошлиқлари

11.

Лавозимига кўра

—

Маҳаллабай ишлаш ва тадбиркорликни ривожлантириш агентлигининг Қорақалпоғистон Республикаси, вилоятлар ва Тошкент шаҳар бошқармалари бошлиқлари

12.

Лавозимига кўра

—

Ёшлар ишлари агентлигининг Қорақалпоғистон Республикаси, вилоятлар ва Тошкент шаҳар бошқармаси бошлиқлари, Васийлик кенгаши котиби

Изоҳ. Васийлик кенгаши аъзолари бошқа ишга ўтган тақдирда, Васийлик кенгаши таркибига ушбу лавозимга янгидан тайинланган ходимлар ёки тегишли функцияларни бажариш зиммасига юкланган масъуллар киритилади.
Қорақалпоғистон Республикаси, вилоятлар ва Тошкент шаҳар, шунингдек, туман (шаҳар)лардаги «Ёшлар дафтари»жамғармалари тўғрисидаги низомга
2-ИЛОВА
Туман (шаҳар)лардаги «Ёшлар дафтари» жамғармаси васийлик кенгашининг
НАМУНАВИЙ ТАРКИБИ

1.

Лавозимига кўра

—

туман (шаҳар) ҳокимлари, Васийлик кенгаши раиси

2.

Лавозимига кўра

—

туман (шаҳар) ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари, Васийлик кенгаши раиси ўринбосари

3.

Лавозимига кўра

—

туман (шаҳар) ҳокимининг молия-иқтисодиёт ва камбағалликни қисқартириш масалалари бўйича биринчи ўринбосарлари

4.

Лавозимига кўра

—

туман (шаҳар) прокурорлари (келишув асосида)

5.

Лавозимига кўра

—

туман (шаҳар) ички ишлар бошқармалари (бўлимлари) бошлиқлари

6.

Лавозимига кўра

—

туман (шаҳар) аҳоли бандлигига кўмаклашиш марказлари бошлиқлари

7.

Лавозимига кўра

—

туман (шаҳар) тиббиёт бирлашмалари бошлиқлари

8.

Лавозимига кўра

—

туман (шаҳар) спортни ривожлантириш бўлимлари бошлиқлари

9.

Лавозимига кўра

—

туман (шаҳар) маданият бўлимлари бошлиқлари

10.

Лавозимига кўра

—

туман (шаҳар) давлат солиқ инспекциялари бошлиқлари

11.

Лавозимига кўра

—

туман (шаҳар) молия бўлими бошлиқлари

12.

Лавозимига кўра

—

Маҳаллабай ишлаш ва тадбиркорликни ривожлантириш агентлигининг туман (шаҳар) марказлари бошлиқлари

13.

Лавозимига кўра

—

Ёшлар ишлари агентлигининг туман (шаҳар) бўлими бошлиқлари, Васийлик кенгаши котиби

Изоҳ. Васийлик кенгаши аъзолари бошқа ишга ўтган тақдирда, Васийлик кенгаши таркибига ушбу лавозимларга янгидан тайинланган ходимлар ёки тегишли функцияларни бажариш зиммасига юкланган масъуллар киритилади.
Кейинги таҳрирга қаранг.
Вазирлар Маҳкамасининг 2022 йил 7 июндаги 312-сон қарорига
2-ИЛОВА
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисида
НИЗОМ
1-боб. Умумий қоидалар
1. Мазкур Низом «Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартибини белгилайди.
2. Ушбу Низомда қуйидаги асосий тушунчалар қўлланилади:
ариза берувчи — «Ёшлар дафтари»га кириш ёки «Ёшлар дафтари» жамғармаси маблағлари ҳисобидан қўллаб-қувватлаш бўйича мазкур Низомга мувофиқ мурожаат қилган ўн тўрт ёшга тўлган ва ўттиз ёшдан ошмаган (ўттиз бир ёшга тўлмаган) Ўзбекистон Республикаси фуқароси ёки уларнинг вакили (ўн олти ёшга тўлмаган шахс номидан мурожаат қилган унинг қонуний вакили) ҳамда фуқаролиги бўлмаган шахс;
Васийлик кенгаши — «Ёшлар дафтари» жамғармаси маблағларини шакллантириш, бошқариш ва улардан фойдаланиш мақсадида қонунчилик ҳужжатларида белгиланган тартибда манфаатдор ташкилотлар раҳбарлари ва масъул ходимларидан иборат таркибда тузиладиган коллегиал орган;
«Ёшлар дафтари» — ижтимоий, иқтисодий, ҳуқуқий, психологик ва бошқа турдаги қўллаб-қувватлашга, билим ва касб ўрганишга эҳтиёжи ва иштиёқи бўлган ёшларнинг муаммоларини аниқлаш, бартараф этиш ва назорат қилиб бориш тизими;
«Ёшлар дафтари» электрон платформаси (электрон платформа) — ёшларга тегишли бўлган маълумотларни жамлаш, таҳлил қилиш, қайта ишлаш тизимини яратиш ҳамда тегишли вазирликлар ва идоралар билан рақамли маълумотлар алмашувини ташкил этиш, ёшларнинг мурожаатлари билан тизимли ишлаш юзасидан чора-тадбирлар самарадорлиги мониторингини олиб бориш имконини берувчи махсус электрон платформа;
«Ёшлар дафтари» жамғармаси — «Ёшлар дафтари»га киритилган ёшларни ижтимоий қўллаб-қувватлаш ва уларнинг ташаббусларини рағбатлантириш мақсадида белгиланган тартибда Қорақалпоғистон Республикаси, вилоятлар ва Тошкент шаҳри, шунингдек, туман (шаҳар)ларда ташкил этилган жамғарма;
«Ёшлар дафтари» жамғармасининг ишчи органи — Қорақалпоғистон Республикаси, вилоятлар ва Тошкент шаҳри Ёшлар ишлари агентлигининг ҳудудий бошқармалари ҳамда туман (шаҳар) Ёшлар ишлари агентлиги бўлимлари;
ишсиз ёшлар — ҳақ тўланадиган ишга ёки иш ҳақи (меҳнат даромади) келтирадиган машғулотга эга бўлмаган, иш қидираётган ва иш таклиф этилса, унга киришишга тайёр бўлган ёхуд касбга тайёрлашдан, қайта тайёрлашдан ўтишга ёки малакасини оширишга тайёр бўлган, ишга жойлашишда кўмак олиш учун маҳаллий меҳнат органларига мурожаат қилган ва ушбу органлар томонидан иш қидираётган шахслар сифатида рўйхатга олинган меҳнатга лаёқатли ёшлар (бундан таълим ташкилотларида таҳсил олаётганлар мустасно);
нодавлат касб-ҳунарга ўқитиш ташкилотлари — ёшларни касб-ҳунар, тадбиркорлик, таълим, фан, маданият ва санъат, спорт, ахборот технологиялар ва хорижий тилларга ўқитиш ваколатига эга бўлган нодавлат нотижорат ташкилотлар, шу жумладан, нодавлат таълим ташкилотлари;
секторлар — Қорақалпоғистон Республикаси, вилоятлар, туманлар, шаҳарлар ҳудудларини тегишлича Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар, туманлар (шаҳарлар) ҳокимлари, прокуратура, ички ишлар ва давлат солиқ хизмати ҳудудий органлари раҳбарлари бошчилик қиладиган туманлар (шаҳарлар) ва ҳудудларни комплекс ижтимоий-иқтисодий ривожлантириш бўйича тегишли маҳаллий давлат ҳокимияти органининг коллегиал ишчи тузилмаси;
ёшлар етакчиси — Ўзбекистон Республикаси Президентининг «Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида» 2022 йил 19 январдаги ПҚ-92-сон қарори билан ҳар бир маҳаллада жорий этилган маҳаллалардаги ёшлар етакчиси;
хотин-қизлар фаоли — Ўзбекистон Республикаси Президентининг «Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида» 2022 йил 1 мартдаги ПФ-81-сон Фармони билан ҳар бир маҳаллада жорий этилган хотин-қизлар фаоли;
ҳоким ёрдамчиси — Ўзбекистон Республикаси Президентининг «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида» 2021 йил 3 декабрдаги ПҚ-31-сон қарори билан ҳар бир маҳаллада ташкил этилган маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчиси.
календарь режа — ёшларнинг интеллектуал салоҳиятини юксалтириш, уларни бўш вақтини мазмунли ташкил этиш ва ҳуқуқий саводхонлигини ошириш, шунингдек, беш муҳим ташаббус доирасидаги маҳалла, сектор, туман (шаҳар) ва ҳудудий тадбирларни молиялаштириш учун «Ёшлар дафтари» электрон платформаси орқали шакллантириладиган ҳамда Ёшлар ишлари агентлиги томонидан тасдиқланадиган йил ёки ярим йилга мўлжалланган режа.
Календарь режада акс этмаган бироқ ҳудуднинг ўзига хослигидан келиб чиқиб, маҳалла, сектор, туман(шаҳар) босқичларини ўзида акс эттирган тадбирларни молиялаштириш Ёшлар ишлари агентлигининг ҳудудий бошқармаси билан келишилгандан сўнг «Ёшлар дафтари» жамғармаси маблағлари ҳисобидан амалга оширилиши мумкин.
Давлат ва хўжалик бошқарув органлари, маҳаллий давлат ҳокимияти органлари томонидан маҳаллада ёшлар сиёсати соҳасида ташкил этиладиган лойиҳа, танлов ва тадбирларини молиялаштириш Ёшлар ишлари агентлиги билан келишган ҳолда белгиланган тартибда календарь режага киритилгандан сўнг ҳудудий ва туман (шаҳар) «Ёшлар дафтари» жамғармаси маблағлари ҳисобидан молиялаштирилади.
3. «Ёшлар дафтари»га киритилган ёшларни ижтимоий қўллаб-қувватлаш бўйича чора-тадбирлар ушбу Низомга мувофиқ ҳамда тегишли қонунчилик ҳужжатларида белгиланган тартибда амалга оширилади.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш мазкур Низомнинг 1-иловасидаги рўйхатда келтирилган субсидия, компенсация ва моддий ёрдамларни бериш орқали амалга оширилади.
2-боб. «Ёшлар дафтари»ни шакллантириш
4. «Ёшлар дафтари»га доимий ёки вақтинча яшаш жойи бўйича ўн тўрт ёшга тўлган ва ўттиз ёшдан ошмаган (ўттиз бир ёшга тўлмаган) қуйидаги тоифадаги:
оила аъзоси «Темир дафтар», «Аёллар дафтари» ёки «Ижтимоий ҳимоя ягона реестри»га киритилган;
ижтимоий ҳимояга муҳтож бўлган;
боқувчисини йўқотган, етим ёки ота-она қарамоғидан маҳрум бўлган;
ўзига нисбатан васийлик ёки ҳомийлик белгиланган;
ўзгалар парваришига муҳтож бўлган ишга лаёқатсиз;
I ёки II гуруҳ ногиронлиги бўлган;
фарзандида I ёки II гуруҳ ногиронлиги бўлган;
жисмоний ва (ёки) руҳий ривожланишида нуқсонлари бўлган;
ота-онасидан бирида I ёки II гуруҳ ногиронлиги бўлган, иккинчиси эса иш фаолиятини тўхтатган ҳолда беморга қарашга мажбур бўлган ёхуд ота-онасининг ҳар иккисида I ёки II гуруҳ ногиронлиги бўлган;
юзага келган ҳолатлар сабабли оғир турмуш шароитида қолган;
зўравонлик ва эксплуатация, табиий офатлар, ҳалокатлар, ёнғинлар ва бошқа фавқулодда вазиятлар оқибатида ҳаётига, соғлиғига, мулкига зарар етган;
«Меҳрибонлик» уйи, Болалар шаҳарчаси ёки оилавий болалар уйида тарбияланган;
ҳақ тўланадиган ишга ёки иш ҳақи (меҳнат даромади) келтирадиган машғулотга эга бўлмаган;
даволанишга муҳтож бўлган бемор ёшлар;
жазони ижро этиш муассасаларидан қайтган;
муайян яшаш жойига эга бўлмаган;
психологик маслаҳатга муҳтож;
никоҳи қайд этилганига уч йилдан ошмаган ёш оила;
деҳқончилик ёки томорқа хўжалигини юритаётган;
ёш тадбиркор ёки ўзини ўзи банд қилган шахс сифатида солиқ хизмати органларида рўйхатдан ўтган ёшлар киритилади.
5. «Ёшлар дафтари»га ёшлар яшаб турган жойи бўйича киритилади. Бунда ёшларнинг яшаб турган жойи бўйича ҳисобда турмаслиги уларни «Ёшлар дафтари»га киритишни рад этиш учун асос ҳисобланмайди.
Ушбу Низомнинг 4-бандида келтирилган тоифадаги ариза берувчилар электрон платформа орқали:
ариза берувчининг бевосита ўзи томонидан электрон платформага тегишли маълумотларни киритиш;
ариза берувчи томонидан Ёшлар ишлари агентлигининг «1093» қисқа рақамли Call-марказига мурожаат қилиш;
ёшлар етакчисининг кўмагида электрон платформага ариза берувчининг тегишли маълумотларини киритиш йўли билан «Ёшлар дафтари»га киритилади.
6. Ариза берувчи яшаб турган маҳалладаги ёшлар етакчиси унинг «Ёшлар дафтари»га киритиш ҳақидаги мурожаатини уч кун муддатда ўрганиб чиқади ва ариза берувчининг «Ёшлар дафтари»га киритилишини тасдиқлайди ёки рад этади.
Ариза берувчининг ушбу мурожаати асосида унинг маълумотлари тегишли интеграция қилинган маълумотлар базалари орқали тасдиқланган ҳолларда ариза берувчи «Ёшлар дафтари»га автоматик тарзда киритилади ва бунда ёшлар етакчисининг тасдиқлаши талаб этилмайди.
7. Ариза берувчига «Ёшлар дафтари»га киритилганлиги ёки киритиш рад этилганлиги ҳақида асосланган хабар, шу жумладан, СМС-хабарнома юборилади.
8. Ариза берувчи «Ёшлар дафтари»га киритилганда тизим томонидан автоматик тарзда ариза берувчи ушбу Низомга мувофиқ олмоқчи бўлган ёрдам турини олиш ҳақидаги ариза унинг номидан шакллантирилади ва ушбу ёрдам турини бериш ёки бермаслик юзасидан тавсия бериш учун ариза берувчининг яшаб турган жойидаги маҳалланинг ёшлар етакчисига йўналтирилади, ушбу Низомнинг 3-боби 2, 4, 5, 6, 10, 13-параграфларида белгиланган субсидия ва ёрдам турлари бундан мустасно.
3-боб. «Ёшлар дафтари»га киритилган ёшларнинг муаммоларини тизимли равишда ҳал этиш ва уларни ижтимоий қўллаб-қувватлаш
1-§. «Ёшлар дафтари»га киритилган моддий аҳволи оғир ёшларга бир марталик моддий ёрдам кўрсатиш тартиби
9. «Ёшлар дафтари»га киритилган моддий аҳволи оғир ёшларга бир марталик моддий ёрдам ушбу Низомга 2-иловада келтирилган схемага мувофиқ ҳар бир индивидуал ҳолатда ариза берувчининг ҳаётий вазияти мураккаблигини, унинг ижтимоий ҳимояга муҳтож эканлигини инобатга олган ҳолда базавий ҳисоблаш миқдорининг (кейинги ўринларда — БҲМ) 4 бараваригача миқдорда тўлаб берилади.
10. Ариза берувчи бир марталик моддий ёрдам ажратишни сўраб маҳалладаги ёшлар етакчисига ариза беради.
11. Маҳалладаги ёшлар етакчиси уч иш куни ичида ариза берувчининг ижтимоий тоифаси ва ҳолатини ўрганади ҳамда моддий ёрдам ажратиш ҳақидаги тавсиянома ёки рад этиш тўғрисида хабарномани Васийлик кенгашига юборади.
12. Маҳалладаги ёшлар етакчисининг моддий ёрдам ажратиш ҳақидаги ижобий тавсияси асосида Васийлик кенгаши қарори қабул қилиниб, етти иш куни ичида туман (шаҳар)лар ҳокимликларига юборилади.
Васийлик кенгаши қарори асосида туман (шаҳар)лар ҳокимликлари «Ёшлар дафтари» жамғармаси маблағлари ҳисобидан зарур маблағларни уч иш куни ичида Халқ банкининг тегишли бўлими (филиали)га ўтказади.
13. Халқ банкининг тегишли бўлими (филиали) томонидан бир марталик моддий ёрдам тўловларини уч иш куни ичида ариза берувчига нақд ёки нақд пулсиз шаклда тўлаб беради.
Ойнинг охирги иш кунида қайдномалар ёпилади, тайинланган, бироқ ўз вақтида талаб қилиб олинмаган моддий ёрдам, уни олувчининг номидаги махсус депозит ҳисоб рақамига ўтказилади ва олувчининг биринчи талабига кўра тўланади.
Шунингдек, ойнинг 27-кунига қадар тўланмаган моддий ёрдамга йўналтирилган маблағлар ҳар ойнинг охирида тегишли ҳисоб рақамларга қайтарилади. Қайдноманинг бир нусхаси Ёшлар ишлари агентлигининг туман (шаҳар) бўлимига тақдим этилади.
Ариза берувчи томонидан талаб қилиб олинмаган моддий ёрдам маблағларини қонунчиликда белгиланган тартибда «Ёшлар дафтари» жамғармаси ҳисоб рақамига қайтариш чоралари кўрилади.
«Ёшлар дафтари» жамғармасининг ишчи органи муҳтож ёшларга тўланган бир марталик моддий ёрдам тўғрисидаги маълумотлар қайднома нусхаси тақдим этилган кундан бошлаб уч кун муддатда электрон платформадаги ёшларнинг индивидуал сўровномасига киритилишини таъминлайди.
Бунда Халқ банкининг тегишли ахборот тизимидаги маълумотлар бўйича электрон платформа билан ўзаро ахборот алмашинуви тизими жорий этилгандан сўнг электрон қайднома нусхасини тақдим этиш ҳамда ёшларнинг индивидуал сўровномасига киритиш талаб этилмайди.
14. Шахсга бир марталик моддий ёрдам берилиши уни «Ёшлар дафтари»дан чиқаришга асос бўлмайди.
15. Моддий ёрдам шахсга бир календарь йил давомида бир маротаба берилади.
2-§. «Ёшлар дафтари»га киритилган ёшларни тадбиркорликка ва касб-ҳунарга ўқитиш курслари харажатларини қоплаш тартиби
16. «Ёшлар дафтари»га киритилган ёшларни тадбиркорликка ва касб-ҳунарга ўқитиш учун сарфланган харажатларнинг 75 фоизигача қисми ҳоким ёрдамчисининг ижобий тавсияси асосида «Ёшлар дафтари» жамғармаси маблағлари ҳисобидан ушбу Низомга 3-иловадаги схемага мувофиқ ўқитиш хизматини кўрсатган нодавлат таълим ташкилоти ёки касб-ҳунарга ўқитиш марказига қоплаб берилади.
Бунда ёшларни тадбиркорликка ва касб-ҳунарга ўқитиш учун сарфланган харажатларнинг 75 фоизигача қисми, бироқ бир ойгача, бир ойдан икки ойгача, икки ойдан ортиқ муддатли ўқув курслари учун тегишлича БҲМнинг 4, 8, 12 бараваридан кўп бўлмаган қисми қоплаб берилади.
Ўқув курслари харажатларининг қолган қисми ариза берувчи томонидан нодавлат таълим ташкилотига тўлаб берилади.
17. Тадбиркорликка ёки касб-ҳунарга ўқиш истагида бўлган ариза берувчи ўқитиш курслари харажатларини қоплашни сўраб Васийлик кенгашига ўзи ва таълим ташкилоти ўртасида тузилган шартнома нусхасини тақдим этади.
Шартномада таълим ташкилотининг номи, СТИР, ўқув курси ёки ўқитиладиган касб-ҳунар номи, ўқув курсининг бир ойлик тўлови миқдори ва умумий муддати кўрсатилган бўлиши лозим.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ушбу бандда назарда тутилган ҳужжатлар тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ҳоким ёрдамчисига кўриб чиқиш учун юборади.
Ҳоким ёрдамчиси беш иш куни ичида ўқиш харажатларини қоплаш ҳақидаги тавсиянома ёки рад этиш ҳақидаги хабарномани Васийлик кенгашига юборади. Бунда субсидия ажратишни рад этиш ҳақидаги хабарнома юборилганда рад этиш сабаблари асосланиши талаб этилади.
Агар ҳоким ёрдамчиси мурожаатни унга келиб тушган пайтдан бошлаб беш иш куни ичида кўриб чиқмаса ёки ўқиш харажатларини қоплашни асоссиз рад этиш ҳақида хабарнома берса, ариза берувчининг мурожаати ушбу Низом талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
Мурожаатни ўрганиш натижалари бўйича Васийлик кенгаши томонидан ўқиш харажатларини қоплаш ҳақида қарор қабул қилингандан сўнг уч иш куни ичида ўқув курси учун белгиланган маблағлар ариза берувчининг ўқиганлигини тасдиқловчи ҳисоб-фактура ва далолатномага асосан таълим ташкилотининг ҳисоб рақамига ўтказиб борилади.
18. Ҳоким ёрдамчиси ариза берувчи ҳақиқатда ўқув курсида ўқиётганлигини ҳар ойда камида бир марта мониторинг асосида ўрганади.
Ўрганиш жараёнида ариза берувчи ўқув курсида ўқимаётганлиги аниқланган тақдирда, ҳоким ёрдамчисининг тақдимномасига асосан ўқув курси харажатларини қоплаш тўхтатилади.
3-§. «Ёшлар дафтари»га киритилган ёшларнинг давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курси харажатларини қоплаш учун субсидия ажратиш тартиби
19. «Ёшлар дафтари»га киритилган ижтимоий ҳимояга муҳтож ёшларнинг давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курсининг харажатларини қоплаш учун БҲМнинг 4 бараваригача миқдорда ёшлар етакчисининг ижобий тавсияси асосида «Ёшлар дафтари» жамғармаси маблағлари ҳисобидан ушбу Низомга 4-иловада келтирилган схемага мувофиқ ўқитиш хизматини кўрсатган давлат ва нодавлат таълим ташкилотига субсидия ажратилади.
Ўқиш харажатларининг қолган қисми ариза берувчи томонидан таълим ташкилотига тўлаб берилади.
20. Автомототранспорт воситалари ҳайдовчиларини тайёрлаш ўқув курсида ўқиш истагида бўлган ариза берувчи ўқитиш курслари харажатлари учун субсидия ажратишни сўраб Васийлик кенгашига ўзи ва таълим ташкилоти ўртасида тузилган шартнома нусхасини тақдим этади.
Шартномада таълим ташкилотининг номи, СТИР, ўқитиладиган тоифа номи, ўқув курсининг бир ойлик тўлови миқдори ва умумий муддати кўрсатилган бўлиши лозим.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ушбу бандда назарда тутилган ҳужжатлар тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.
Маҳалладаги ёшлар етакчиси беш иш куни ичида мурожаатни кўриб чиқади ва ўқиш харажатларини қоплаш ҳақидаги тавсиянома ёки рад этиш тўғрисидаги хабарномани Васийлик кенгашига юборади. Бунда субсидия ажратишни рад этиш тўғрисида хабарнома юборилганда рад этиш сабаблари асосланиши талаб этилади.
Агар маҳалладаги ёшлар етакчиси мурожаатни унга тушган пайтдан бошлаб беш иш куни ичида кўриб чиқмаса ёки ўқиш харажатларини қоплашни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
21. Мурожаатни ўрганиш натижалари бўйича Васийлик кенгаши томонидан ўқиш харажатларини қоплаш ҳақида қарор қабул қилингандан сўнг уч иш куни ичида ўқув курси учун белгиланган маблағлар ариза берувчининг ўқиганлигини тасдиқловчи ҳисоб-фактура ва далолатномага асосан таълим ташкилотининг ҳисоб рақамига ўтказиб борилади.
22. Маҳалладаги ёшлар етакчиси ариза берувчининг ҳақиқатда ўқув курсида ўқиётганлигини ҳар ойда камида бир марта мониторинг қилиб боради.
Ўрганиш жараёнида ариза берувчи ўқув курсида ўқимаётганлиги аниқланган тақдирда, ёшлар етакчисининг тақдимномасига асосан ўқув курси харажатларини қоплаш тўхтатилади ва тўланган сумма белгиланган тартибда ундирилади.
§4-§. «Ёшлар дафтари»га киритилган деҳқончилик ва томорқа хўжалигини юритиш билан шуғулланаётган ёшларга уруғлик ва кўчатлар харид қилиш учун субсидия ажратиш тартиби
Кейинги таҳрирга қаранг.
23. Томорқа ер эгаси бўлган ёки деҳқончилик билан шуғулланиш учун, шу жумладан, янги ўзлаштирилган, лалми, фойдаланилмаётган ер майдонларида 0,1 гектардан 1 гектаргача ер майдони ажратиб берилган ёшларга уруғлик ва кўчатлар харид қилиш учун БҲМнинг 8 бараваригача миқдорда ҳоким ёрдамчисининг ижобий тавсияси асосида «Ёшлар дафтари» жамғармаси маблағлари ҳисобидан ушбу Низомга 5-иловада келтирилган схемага мувофиқ субсидия ажратилади.
Кейинги таҳрирга қаранг.
Субсидия ажратиш учун ариза берувчи Васийлик кенгашига қуйидаги ҳужжатларни тақдим этади:
ариза берувчининг эгалигида ёки фойдаланишида бўлган ерга нисбатан ҳуқуқини тасдиқловчи ҳужжат (ижара шартномаси ва бошқалар);
уруғлик ва кўчатларни харид қилиш бўйича етказиб берувчи ташкилот билан тузилган шартнома нусхаси. Шартномада етказиб берувчининг номи, СТИР, харид қилинадиган маҳсулот номи, тўлов суммаси кўрсатилиши лозим.
Кейинги таҳрирга қаранг.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ушбу бандда назарда тутилган ҳужжатлар тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи фаолият юритиб келаётган маҳалладаги ҳоким ёрдамчисига кўриб чиқиш учун юборади.
24. Ҳоким ёрдамчиси ёшлар етакчиси ва тегишли соҳа мутахассислари билан биргаликда «Ёшлар дафтари»га киритилган ариза берувчининг мурожаати тушган кундан бошлаб беш иш куни ичида жойига чиққан ҳолда ариза берувчининг томорқа ерида ёки деҳқончилик билан шуғулланиш учун ажратилган экин майдонида уруғлик ва кўчатлар экиш учун мавжуд шароитни ўрганади.
Кейинги таҳрирга қаранг.
Ҳоким ёрдамчиси ўрганиш натижаларига кўра, ариза берувчининг томорқа ерига ёки деҳқончилик билан шуғулланиш учун ажратилган экин майдонида уруғлик ва кўчатлар харид қилиш учун субсидия ажратиш ҳақидаги тавсиянома ёки рад қилиш тўғрисидаги хабарномани Васийлик кенгашига киритади. Бунда субсидия ажратишни рад этиш ҳақида хабарнома юборилганда рад этиш сабаблари асосланиши талаб этилади.
Кейинги таҳрирга қаранг.
Агар ҳоким ёрдамчиси мурожаатни унга тушган пайтдан бошлаб беш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
25. Васийлик кенгашининг қарорига асосан уч иш куни ичида «Ёшлар дафтари» жамғармаси маблағлари ҳисобидан субсидия етказиб берувчи ташкилотнинг ҳисоб рақамига ўтказилади.
5-§. «Ёшлар дафтари»га киритилган ёшларга тадбиркорлик фаолияти ва ўзини ўзи банд қилиш учун нотурар жойнинг ижара харажатларини қоплаш тартиби
26. «Ёшлар дафтари»га киритилган ёш тадбиркор ёки ўзини ўзи банд қилган шахс сифатида солиқ хизмати органларида рўйхатдан ўтган ёш фуқарога фаолиятини амалга ошираётган нотурар жойнинг 12 ойгача ижара харажатларининг бир йилда 30 фоизи, бироқ БҲМнинг 25 бараваригача бўлган қисми ҳоким ёрдамчисининг ижобий тавсияси асосида «Ёшлар дафтари» жамғармаси маблағлари ҳисобидан ушбу Низомга 6-иловада келтирилган схемага мувофиқ ижарага берувчи ташкилотга қоплаб берилади.
27. Нотурар жойнинг ижара харажатларини қоплаш учун ариза берувчи Васийлик кенгашига қуйидаги ҳужжатларни тақдим этади:
тадбиркорлик субъекти гувоҳномаси нусхаси ёки ўзини ўзи банд қилган сифатида рўйхатдан ўтганликни тасдиқловчи матрицали штрих кодли (QR-код) маълумотнома;
ижара шартномасининг солиқ органларида ҳисобга қўйилганлиги ҳақидаги билдиришнома;
ижара шартномаси нусхаси. Бунда ижара шартномасида ижарага берувчининг номи, СТИР, ижара муддати, ижаранинг бир ойлик ва умумий тўлови миқдори кўрсатилиши лозим.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ушбу бандда назарда тутилган ҳужжатлар тақдим этилгандан сўнг Васийлик кенгаши уч иш куни ичида мурожаатни илова қилинган ҳужжатлар билан бирга ариза берувчи фаолият юритиб келаётган маҳалладаги ҳоким ёрдамчисига кўриб чиқиш учун юборади.
Ҳоким ёрдамчиси беш иш куни ичида ижара харажатларини қоплаш ҳақидаги тавсияномани ёки рад этиш ҳақида хабарномани Васийлик кенгашига юборади. Бунда, ижара харажатларини қоплашни рад этиш ҳақида хабарнома юборилганда рад этиш сабаблари асослантириши талаб этилади.
Агар ҳоким ёрдамчиси мурожаатни унга тушган пайтдан бошлаб беш иш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
28. Мурожаатни ўрганиш натижалари бўйича Васийлик кенгаши томонидан ижара харажатларини қоплаш ҳақида қарор қабул қилинганда ариза берувчи бино ва иншоотдан фойдаланаётганлиги тўғрисида ижарага берувчи билан ҳар ой якуни бўйича тузиладиган ва кейинги ойнинг 5-кунигача тақдим этиладиган ҳисоб-фактура ва далолатномага асосан Васийлик кенгаши бино ва иншоотнинг ижара ҳақи учун тўловни уч иш куни ичида ижарага берувчининг ҳисоб рақамига ўтказади.
29. Ҳоким ёрдамчиси ижарага олинган бино ва иншоотнинг ижарага олувчи томонидан ҳақиқатда фойдаланилаётганлигини ҳар ойда камида бир марта мониторинг асосида ўрганади.
Ўрганиш жараёнида ижарага олувчи томонидан ижарага олинган бино ва иншоотдан фойдаланилмаётганлиги аниқланган тақдирда, ҳоким ёрдамчисининг тақдимномасига асосан ижара тўлови учун субсидия бериш тўхтатилади.
6-§. «Ёшлар дафтари»га киритилган ёшларга тадбиркорлик фаолиятини бошлаш ва ўзини ўзи банд қилишга зарур бўлган асбоб-ускуналар ёки меҳнат қуролларини харид қилишга субсидия ажратиш тартиби
30. Тадбиркорлик ёки ўзини ўзи банд қилиш фаолиятини бошламоқчи бўлган ёшларга асбоб-ускуна ёки меҳнат қуроллари (мотокультиватор, ўт ўриш ўроқ машинаси, перфоратор, пайвандлаш аппарати, ўсимликларга ишлов бериш қурилмаси, дурадгорлик, чилангарлик ускунаси, қурилиш ускунаси, компьютер жамланмаси ва бошқалар)ни харид қилиш учун БҲМнинг 40 бараваригача миқдорда ҳоким ёрдамчисининг ижобий тавсияси асосида «Ёшлар дафтари» жамғармаси маблағлари ҳисобидан ушбу Низомга 7-иловада келтирилган схемага мувофиқ субсидия ажратилади.
31. Асбоб-ускуна ёки меҳнат қуроллари учун субсидия ажратиш учун ариза берувчи Васийлик кенгашига унга зарур бўлган асбоб-ускуна ёки меҳнат қуролларининг тури, миқдори, товарнинг маркаси, тахминий харид нархи тўғрисидаги маълумотларни тақдим этади.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ушбу бандда назарда тутилган ҳужжатлар тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ҳоким ёрдамчисига кўриб чиқиш учун юборади.
Ҳоким ёрдамчиси беш иш куни ичида асбоб-ускуна ёки меҳнат қуроллари учун субсидия ажратиш ҳақидаги тавсияни ёки рад этиш тўғрисидаги хабарномани Васийлик кенгашига юборади. Бунда, субсидия ажратишни рад этиш ҳақида хабарнома юборилганда рад этиш сабаблари асосланиши талаб этилади.
Агар ҳоким ёрдамчиси мурожаатни унга тушган пайтдан бошлаб беш иш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
32. Мурожаатни ўрганиш натижалари бўйича Васийлик кенгаши томонидан субсидия ажратиш ҳақида қарор қабул қилинганда асбоб-ускуна ёки меҳнат қуролларини етказиб берувчи ташкилот давлат харидларининг электрон тизими орқали беш иш куни ичида аниқланади, асбоб-ускуна ёки меҳнат қуроли етказиб берувчи ташкилот томонидан тақдим этилгандан сўнг Васийлик кенгашининг ишчи органи ва ариза берувчи ўртасида тузиладиган далолатнома асосида ариза берувчига уч иш куни ичида топширилади.
33. Ариза берувчига ажратилган субсидия асосида харид қилинган асбоб-ускуна ёки меҳнат қуролларидан самарали фойдаланилаётганлиги, унинг техник ҳолати созлиги кафолат муддати давомида ҳоким ёрдамчиси томонидан ўрганилади.
34. Ўрганиш давомида асбоб-ускуна ёки меҳнат қуролларидан иш фаолиятида фойдаланилмаганлиги аниқланган тақдирда, Васийлик кенгаши томонидан ариза берувчидан субсидия асосида берилган асбоб-ускуна ёки меҳнат қуролларини қайтариш чоралари кўрилади.
7-§. «Ёшлар дафтари»га киритилган ёшларга профессионал ва олий таълим ташкилотлари ўқувчи-талабаларининг таълим тўлов-контракт суммасининг бир қисмини тўлаб бериш тартиби
35. Республикамиздаги профессионал таълим ташкилотларида таълим олаётган, шунингдек, Ўзбекистон Республикасида фаолият кўрсатаётган барча олий таълим ташкилотларида (давлат, нодавлат олий таълим ташкилотлари, Ўзбекистон Республикаси ҳудудидаги хорижий олий таълим ташкилотлари ва хорижий олий таълим ташкилотларининг филиалларида) бакалавриатнинг кундузги, сиртқи ва кечки шаклида, магистратуранинг кундузги йўналишида таълим олаётган ўқувчи-талабаларга тўлов-контракт асосида ўқиш бўйича йиллик харажатларининг бир қисми қоплаб берилади.
Ушбу харажатларни тўлаб бериш ёшлар етакчисининг ижобий тавсияси асосида «Ёшлар дафтари» жамғармаси маблағлари ҳисобидан тўлов-контракт суммасининг 50 фоизигача, бироқ БҲМнинг 50 бараваридан ошмаган миқдорда ушбу Низомга 8-иловада келтирилган схемага мувофиқ амалга оширилади (иккинчи ва ундан кейинги мутахассислик, қўшма таълим дастурлари бўйича, табақалаштирилган тўлов-контракт асосида таълим олаётганлар бундан мустасно).
36. Ўқувчи-талабалар тўлов-контракт харажатларининг бир қисмини тўлаб беришни сўраб Васийлик кенгашига тўлов-контракт асосида ўқиш ҳақида белгиланган тартибда расмийлаштирилган шартнома (контракт) нусхасини тақдим этиши лозим.
Контрактда ўқишнинг белгиланган муддати ва бир йил учун тўлов миқдори кўрсатилган бўлиши талаб этилади.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ҳужжатлар тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.
Маҳалладаги ёшлар етакчиси беш иш куни ичида тўлов-контракт харажатларини қоплаш ҳақидаги тавсиянома ёки рад этиш тўғрисидаги хабарномани Васийлик кенгашига юборади. Бунда тўлов-контракт харажатларини қоплашни рад этиш ҳақида хабарнома юборилганда рад этиш сабаблари асосланиши талаб этилади.
Агар маҳалладаги ёшлар етакчиси мурожаатни унга тушган пайтдан бошлаб беш иш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
37. Мурожаатни ўрганиш натижалари бўйича Васийлик кенгаши томонидан тўлов-контракт харажатларини қоплаш ҳақида қарор қабул қилингандан сўнг уч иш куни ичида белгиланган миқдордаги тўлов-контракт маблағлари профессионал таълим ёки олий таълим ташкилотининг ҳисоб рақамига ўтказиб берилади.
8-§. «Ёшлар дафтари»га киритилган ёшларга замонавий касбларни эгаллаши, ахборот технологияларини ўрганиши ва уларни хорижий тилларга ўқитиш бўйича ўқув курсларида ўқиш харажатларини қоплаш учун субсидия ажратиш тартиби
38. Ёшларга замонавий касбларни эгаллаши, ахборот технологияларни ўрганиши ва уларни хорижий тилларга ўқитиш бўйича олти ойгача муддатли ўқув курслари учун ҳар ойда БҲМнинг 4 бараваригача миқдорда ёшлар етакчисининг ижобий тавсияси асосида «Ёшлар дафтари» жамғармаси маблағлари ҳисобидан ушбу Низомга 9-иловада келтирилган схемага мувофиқ субсидия ажратилади.
Бунда ариза берувчига «1+1» тамойили асосида бир вақтнинг ўзида замонавий касб ёки ахборот технологиялар ўқув курси билан биргаликда хорижий тил ўқув курсида ўқиш харажатлари учун ҳам субсидия ажратилиши мумкин.
Мазкур бандда назарда тутилган харажатларни қоплаш учун Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси ҳисобидан ҳам қонунчилик ҳужжатларида белгиланган тартибда субсидия ажратилиши мумкин.
39. Ариза берувчи субсидия ажратишни сўраб Васийлик кенгашига ўзи ва нодавлат таълим ташкилоти ўртасида тузилган шартнома нусхасини тақдим этади.
Шартномада нодавлат таълим ташкилотининг номи, СТИР, ўқитиладиган замонавий касб, хорижий тил тури ёки ахборот технологиялар йўналиши, ўқув курсининг бир ойлик тўлови миқдори ва умумий муддати кўрсатилган бўлиши лозим.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ҳужжатлар тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.
Маҳалладаги ёшлар етакчиси беш иш куни ичида субсидия ажратиш ҳақидаги тавсиянома ёки рад этиш тўғрисидаги хабарномани Васийлик кенгашига юборади. Бунда, субсидия ажратишни рад этиш ҳақида хабарнома юборилганда рад этиш сабаблари асосланиши талаб этилади.
Агар маҳалладаги ёшлар етакчиси мурожаатни унга тушган пайтдан бошлаб беш иш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
40. Мурожаатни ўрганиш натижалари бўйича Васийлик кенгаши томонидан субсидия ажратиш ҳақида қарор қабул қилингандан сўнг уч иш куни ичида ўқув курси учун белгиланган маблағлар ариза берувчининг ўқиганлигини тасдиқловчи ҳисоб-фактура ва далолатномага асосан нодавлат таълим ташкилотининг ҳисоб рақамига ўтказиб борилади.
41. Маҳалладаги ёшлар етакчиси ариза берувчи томонидан ҳақиқатда ўқув курсида ўқиётганлигини ҳар ойда камида бир марта мониторинг асосида ўрганади.
Ўрганиш жараёнида ариза берувчи томонидан ўқув курсида ўқимаётганлиги аниқланган тақдирда, ёшлар етакчисининг тақдимномасига асосан ўқув курси учун субсидия бериш тўхтатилади.
9-§. «Ёшлар дафтари»га киритилган ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги ўқув курслари учун субсидия ажратиш тартиби
42. Ёшларнинг илм-фан, спорт, санъат ва маданият йўналишларидаги олти ойгача муддатли ўқув курслари учун ҳар ойда БҲМнинг бир бараваригача миқдорда маҳалладаги ёшлар етакчисининг ижобий тавсияси асосида «Ёшлар дафтари» жамғармаси маблағлари ҳисобидан ушбу Низомга 10-иловада келтирилган схемага мувофиқ субсидия ажратилади.
Мазкур параграфда назарда тутилган харажатларни қоплаш учун Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси ҳисобидан ҳам қонунчилик ҳужжатларида белгиланган тартибда субсидия ажратилиши мумкин.
43. Ариза берувчи ўқув курсида ўқиш учун субсидия ажратишни сўраб Васийлик кенгашига ўзи ва нодавлат таълим ташкилоти ўртасида тузилган шартнома нусхасини тақдим этади.
Шартномада нодавлат таълим ташкилотининг номи, СТИР, ўқитиладиган таълим тури, ўқув курсининг бир ойлик тўлови миқдори ва умумий муддати кўрсатилган бўлиши лозим.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ушбу бандда назарда тутилган ҳужжатлар тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.
Маҳалладаги ёшлар етакчиси беш иш куни ичида субсидия ажратиш ҳақидаги тавсиянома ёки рад этиш тўғрисидаги хабарномани Васийлик кенгашига юборади. Бунда, субсидия ажратишни рад этиш ҳақида хабарнома юборилганда рад этиш сабаблари асослантирилиши талаб этилади.
Агар маҳалладаги ёшлар етакчиси мурожаатни унга тушган пайтдан бошлаб беш иш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
44. Мурожаатни ўрганиш натижалари бўйича Васийлик кенгаши томонидан субсидия ажратиш ҳақида қарор қабул қилингандан сўнг уч иш куни ичида ўқув курси учун белгиланган маблағлар ариза берувчининг ўқиганлигини тасдиқловчи ҳисоб-фактура ва далолатномага асосан нодавлат таълим ташкилотининг ҳисоб рақамига ўтказиб борилади.
45. Маҳалладаги ёшлар етакчиси ариза берувчи ҳақиқатда ўқув курсида ўқиётганлиги тўғрисида ҳар ойда камида бир марта мониторинг асосида ўрганади.
Ўрганиш жараёнида ариза берувчи томонидан ўқув курсида ўқимаётганлиги аниқланган тақдирда, ёшлар етакчисининг тақдимномасига асосан ўқув курси учун субсидия бериш тўхтатилади.
10-§. «Ёшлар дафтари»га киритилган ёшларнинг илм-фан, спорт, санъат ва маданият йўналишларидаги олимпиада, танлов ва мусобақаларда қатнашиш харажатлари учун субсидия ажратиш тартиби
46. Ёшларнинг илм-фан, спорт, санъат ва маданият йўналишларидаги олимпиада, танлов ва мусобақаларнинг маҳаллий босқичларида қатнашиш учун иштирокчиларнинг яшаш ва транспорт харажатларини қоплаш учун БҲМнинг 4 бараваригача ҳамда ушбу олимпиада, танлов ва мусобақаларнинг халқаро босқичларида қатнашиш харажатлари (иштирокчиларнинг яшаш ва транспорт харажатлари) учун БҲМнинг 40 бараваригача миқдорда «Ёшлар дафтари» жамғармаси маблағлари ҳисобидан ушбу Низомга 11-иловада келтирилган схемага мувофиқ субсидия ажратилади.
Мазкур параграфда назарда тутилган харажатларни қоплаш учун Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси ҳисобидан ҳам қонунчилик ҳужжатларида белгиланган тартибда субсидия ажратилиши мумкин.
47. Олимпиада, танлов ва мусобақаларнинг маҳаллий ва халқаро босқичларида қатнашиш харажатлари учун субсидия ажратишни сўраб ариза берувчи Васийлик кенгашига олимпиада, танлов ва мусобақаларда иштирок этиш ҳуқуқини тасдиқловчи ҳужжатларни (спортни ривожлантириш бўлими, маданият бўлими, халқ таълими бўлими ёки тегишли спорт федерацияларининг Васийлик кенгаши номига расмий хати ва бошқалар) тақдим этади.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Бунда ушбу субсидияни бериш учун маҳалладаги ёшлар етакчисининг тавсияси талаб этилмайди.
Васийлик кенгаши талабгорнинг аризасини уч иш куни ичида ўрганиб чиқиб қарор қабул қилади.
48. Васийлик кенгаши қарорига асосан ариза берувчининг транспорт (темирйўл, авиа ҳамда вилоятлараро ва шаҳарлараро қатновчи автобус) харажатлари:
ҳаво транспортида — иқтисодий класс тарифи бўйича;
темир йўл транспортида — 2-класс тарифи бўйича қоплаш учун чипта реализация қилувчи ташкилотларнинг ҳисоб рақамига ўтказиб берилади.
49. Олимпиада, танлов ва мусобақа давомидаги яшаш харажатлари вазирликлар, идоралар, корхоналар ва ташкилотлар ходимлари Ўзбекистон Республикаси ташқарисига хизмат сафарига юборилганда хизмат сафари харажатлари учун маблағлар бериш тартиби тўғрисидаги низомга (2015 йил 19 ноябрь, рўйхат рақами 2730) 1-иловада белгиланган суммаларда (транспорт харажатларини қўшганда ушбу Низомнинг 46-бандида белгиланган миқдордан ошмаган ҳолда) қопланади.
Васийлик кенгаши томонидан уч иш куни ичида зарур чора-тадбирлар белгиланади ва маблағлар ўтказиб берилади.
11-§. «Ёшлар дафтари»га киритилган ёшларга таълим, маданият ва санъат, спорт, ахборот технологиялар соҳасига ва фанларни ўқитишга ихтисослашган нодавлат таълим ташкилотининг нотурар жой ижара харажатларини қоплаш тартиби
50. Ёшларга таълим, маданият ва санъат, спорт, ахборот технологиялар соҳасига ва фанларни ўқитишга ихтисослашган нодавлат таълим ташкилотининг уч ой муддатгача нотурар жой ижара харажатлари учун БҲМнинг 50 бараваригача миқдорда маҳалладаги ёшлар етакчисининг ижобий тавсияси асосида «Ёшлар дафтари» жамғармаси маблағлари ҳисобидан ушбу Низомга 12-иловада келтирилган схемага мувофиқ ижарага берувчи ташкилотга қоплаб берилади.
Бунда нодавлат таълим ташкилотида ўқиётган жами фуқароларнинг энг камида бешдан бир қисми «Ёшлар дафтари»га киритилган ёшлар бўлса, ўқув марказига ушбу имкониятдан фойдаланишга йўл қўйилади.
Мазкур параграфда назарда тутилган харажатларни қоплаш учун Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси ҳисобидан ҳам қонунчилик ҳужжатларида белгиланган тартибда субсидия ажратилиши мумкин.
51. Нотурар жойнинг ижара харажатларини қоплаш учун нодавлат таълим ташкилоти номидан иш юритиш ваколатига эга шахс — ариза берувчи Васийлик кенгашига қуйидаги ҳужжатларни тақдим этади:
тадбиркорлик субъекти гувоҳномаси нусхаси;
ижара шартномасининг солиқ органларида ҳисобга қўйилганлиги ҳақидаги билдиришнома;
ижара шартномаси нусхаси. Бунда, ижара шартномасида ижарага берувчининг номи, СТИР, ижаранинг бир ойлик тўлови миқдори кўрсатилиши лозим;
нодавлат таълим ташкилотида таълим олаётган ўқувчиларнинг умумий сони ва «Ёшлар дафтари»га киритилган ёшлар сони тўғрисида маълумот.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ушбу бандда назарда тутилган ҳужжатлар тақдим этилгандан сўнг Васийлик кенгаши уч иш куни ичида мурожаатни илова қилинган ҳужжатлар билан бирга ариза берувчи фаолият юритиб келаётган маҳалладаги ёшлар етакчисига кўриб чиқиш учун юборади.
Маҳалладаги ёшлар етакчиси беш иш куни ичида ижара харажатларини қоплаш ҳақидаги тавсияномани ёки рад этиш тўғрисидаги хабарномани Васийлик кенгашига юборади. Бунда ижара харажатларини қоплашни рад этиш ҳақида хабарнома юборилганда рад этиш сабаблари асосланиши талаб этилади.
Агар маҳалладаги ёшлар етакчиси мурожаатни унга келиб тушган пайтдан бошлаб беш иш куни ичида кўриб чиқмаса ёки ижара харажатларини қоплашни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
52. Мурожаатни ўрганиш натижалари бўйича Васийлик кенгаши томонидан ижара харажатларини қоплаш ҳақида қарор қабул қилингандан сўнг ариза берувчи бино ва иншоотдан фойдаланаётганлиги тўғрисида ижарага берувчи билан ҳар ой якуни бўйича тузиладиган ва кейинги ойнинг 5-кунигача тақдим этиладиган ҳисоб-фактурага ва далолатномага асосан Васийлик кенгаши бино ва иншоотнинг ижара ҳақи учун тўловни уч иш куни ичида ижарага берувчининг ҳисоб рақамига ўтказади.
53. Маҳалладаги ёшлар етакчиси ижарага олинган бино ва иншоотнинг ижарага олувчи томонидан ҳақиқатда фойдаланилаётганлигини ҳар ой мобайнида камида бир марта мониторинг асосида ўрганади.
Ўрганиш жараёнида ижарага олувчи томонидан ижарага олинган бино ва иншоотдан фойдаланилмаётганлиги аниқланган тақдирда, ёшлар етакчисининг тақдимномасига асосан ижара тўлови учун субсидия бериш тўхтатилади.
12-§. «Ёшлар дафтари»га киритилган бемор ёшларга даволаниш харажатлари учун субсидия ажратиш тартиби
54. «Ёшлар дафтари»га киритилган бемор ёшларга мамлакатда ёки хорижий давлатларда даволаниш билан боғлиқ харажатларни қоплаш учун ёшлар етакчисининг ижобий тавсияси асосида БҲМнинг 50 бараваридан ошмаган миқдорда «Ёшлар дафтари» жамғармаси маблағлари ҳисобидан ушбу Низомга 13-иловада келтирилган схемага мувофиқ субсидия ажратилади.
55. Ариза берувчи субсидия ажратишни сўраб мурожаат қилганда маҳалладаги ёшлар етакчиси уч иш куни ичида ҳудудий бирламчи тиббий-санитария муассасасидан шифокор жалб қилишга кўмаклашади ва ариза берувчининг соғлиғи ҳолати баҳоланади.
Ўрганиш натижасида ариза берувчига тиббий ёрдам кўрсатиш зарурати аниқланганда, ариза берувчининг соғлиғи ҳолатига қараб белгиланган тартибда даволаш учун тегишли бирламчи, вилоят ёки республика даражасидаги тиббиёт муассасасига йўналтирилади.
56. Ўзбекистон Республикасининг Давлат бюджети маблағлари ҳисобидан тиббий ёрдам кўрсатиладиган имтиёзли тоифага кирадиган (ариза берувчининг ушбу тоифага кириши ёки кирмаслиги тиббиёт муассасаси хулосасига кўра аниқланади), вилоят ёки республика даражасида даволаниши лозим деб топилган «Ёшлар дафтари»га киритилган ёшлар даволаниш учун белгиланган тартибда электрон навбатга қўйилиши таъминланади.
Ушбу тоифага кирмайдиган, бирламчи тиббий-санитария муассасаси томонидан вилоят, республика даражасида ёки хорижий давлатда даволаниши лозим деб топилган «Ёшлар дафтари»га киритилган ёшларнинг даволаниши ёки жарроҳлик амалиётидан ўтиши билан боғлиқ харажатлар учун маҳалладаги ёшлар етакчисининг тавсиясига асосан «Ёшлар дафтари» жамғармаси маблағлари ҳисобидан субсидия ажратилади.
57. Ариза берувчи шифокор кўригидан ўтгандан сўнг маҳалладаги ёшлар етакчиси уч иш куни ичида субсидия ажратиш ҳақидаги тавсияномани ёки рад этиш ҳақидаги хабарномани Васийлик кенгашига юборади. Бунда субсидия ажратишни рад этиш ҳақида хабарнома юборилганда рад этиш сабаблари асосланиши талаб этилади.
Агар маҳалладаги ёшлар етакчиси мурожаат унга тушган пайтдан бошлаб уч иш куни ичида ариза берувчининг соғлиғини баҳолаш учун шифокор жалб қилишга кўмаклашмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
58. Ногиронлик белгилари аниқ намоён бўлган ёшлар белгиланган тартибда кўрикдан ўтиш учун Тиббий-меҳнат эксперт комиссияларига юборилади.
13-§. «Ёшлар дафтари»га киритилган психологик маслаҳатга муҳтож ёшларга пуллик психологик хизмат кўрсатилиши билан боғлиқ харажатларни қоплаш тартиби
59. Психологик маслаҳатга муҳтож ёшларга ихтисослашган нодавлат нотижорат ташкилотлар ҳамда нодавлат таълим ташкилотлари томонидан пуллик психологик хизмат кўрсатилиши билан боғлиқ харажатларни қоплаш учун маҳалладаги ёшлар етакчисининг ижобий тавсияси асосида БҲМнинг 4 бараваридан ошмаган миқдорда «Ёшлар дафтари» жамғармаси маблағлари ҳисобидан ушбу Низомга 14-иловада келтирилган схемага мувофиқ субсидия ажратилади.
Психологик маслаҳатга муҳтож ёшларга Ёшларга ижтимоий-психологик хизмат кўрсатиш республика маркази, Аёлларни реабилитация қилиш ва мослаштириш бўйича республика, ҳудудий ва туманлараро намунали марказлари, Одам савдоси жабрдийдаларига ёрдам бериш бўйича республика реабилитация маркази, Республика ижтимоий мослашув маркази, таълим муассасалари ва хусусий ташкилотларнинг малакали психологлари томонидан психологик маслаҳатлар берилади.
60. Ариза берувчи пуллик психологик хизмат кўрсатилиши билан боғлиқ харажатларни қоплашни сўраб маҳалладаги ёшлар етакчисига ариза беради.
Ёшлар етакчиси уч иш куни ичида ариза берувчининг ижтимоий тоифаси ва ҳолатини ўрганиб, Васийлик кенгашига қуйидаги ҳужжатлар билан тавсиянома тақдим этади:
психолог томонидан берилган ариза берувчининг психологик ёрдамга муҳтожлиги тўғрисидаги хулоса;
психологик ёрдам кўрсатиш хизматини кўрсатувчи ташкилот ва ариза берувчи ўртасида тузилган шартнома нусхаси. Шартномада ташкилотнинг номи, СТИР, кўрсатиладиган хизмат суммаси кўрсатилган бўлиши лозим.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
61. Мурожаатни ўрганиш натижалари бўйича уч иш куни ичида Васийлик кенгаши субсидия ажратиш ҳақида қарор қабул қилади.
Мазкур қарор асосида туман (шаҳар) ҳокимликлари томонидан уч иш куни ичида психологик хизмат кўрсатиш билан боғлиқ харажатлар психологик ёрдам кўрсатиш хизматини кўрсатувчи ташкилотнинг банк ҳисоб рақамига ўтказилади.
14-§. «Ёшлар дафтари»га киритилган ёшларнинг сафарбарлик чақируви резервидаги хизматни ўташ бадалини тўлиқ миқдорда қоплаш учун субсидия ажратиш тартиби
62. Ёшларнинг сафарбарлик чақируви резервидаги хизматни ўташ бадалини тўлиқ қоплаш учун маҳалладаги ёшлар етакчисининг тавсияси асосида «Ёшлар дафтари» жамғармаси маблағлари ҳисобидан ушбу Низомга 15-иловада келтирилган схемага мувофиқ субсидия ажратилади.
63. Ариза берувчи субсидия ажратишни сўраб ўзи ва туман (шаҳар) мудофаа ишлари бўлими ўртасида тузилган «Сафарбарлик чақируви резерви маблағлари» махсус ҳисоб рақамига бадал ўтказиш тартиби тўғрисида шартнома нусхасини тақдим этади.
Шартнома нусхаси тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига юборади.
Маҳалладаги ёшлар етакчиси беш иш куни ичида субсидия ажратиш ҳақидаги тавсияномани ёки рад этиш тўғрисидаги хабарномани Васийлик кенгашига юборади. Бунда субсидия ажратишни рад этиш ҳақида хабарнома юборилганда рад этиш сабаблари асосланиши талаб этилади.
Агар маҳалладаги ёшлар етакчиси мурожаатни унга тушган пайтдан бошлаб беш иш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.
64. Мурожаатни ўрганиш натижалари бўйича уч иш куни ичида Васийлик кенгашининг субсидия ажратиш ҳақидаги қарори қабул қилинади.
Қарор асосида туман (шаҳар) ҳокимликлари уч иш куни ичида туман (шаҳар) мудофаа ишлари бўлимининг Халқ банкидаги тегишли туман (шаҳар) филиалида 29896 «Бошқа мажбуриятлар» транзит ҳисоб рақамига сафарбарлик чақируви резерви хизматчисининг фамилияси, исми, отасининг исми ва тўлов мақсадини кўрсатган ҳолда субсидияни ўтказиб беради.
15-§. Ёшларга янги турмуш қураётганида ўз хонадонида қўшимча уй-жой қуриш учун гаровсиз кредит ажратиш учун кафиллик бериш тартиби
65. «Ёшлар дафтари»га киритилган, никоҳи қайд этилганига 3 йилдан ошмаган ёшларга якка тартибдаги ўз хонадонида қўшимча уй-жой қуриш учун 33 млн сўмгача гаровсиз кредит ажратишда «Ёшлар дафтари» жамғармасининг кафиллиги ушбу Низомга 16-иловада келтирилган схемага мувофиқ берилади.
66. Ариза берувчи кафиллик ажратишни сўраб тижорат банкининг Васийлик кенгаши номига юборилган ариза берувчи томонидан қўшимча уй-жой қуриш учун гаровсиз кредит ажратиш учун кафиллик бериш ҳақидаги хатини тақдим этади.
Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига юборади.
Маҳалладаги ёшлар етакчиси беш иш куни ичида кафиллик бериш ёки рад этиш ҳақида хабарномани Васийлик кенгашига юборади. Бунда кафиллик беришни рад этиш ҳақида хабарнома юборилганда рад этиш сабаблари асосланиши талаб этилади.
Агар маҳалладаги ёшлар етакчиси мурожаатни унга тушган пайтдан бошлаб беш иш куни ичида кўриб чиқмаса ёки кафиллик беришни асоссиз рад этиш ҳақида хабарнома берса, Васийлик кенгаши ариза берувчининг ижтимоий ҳимояга муҳтожлигини ҳамда унинг мурожаати ушбу параграф талабларига мувофиқлигини ўрганган ҳолда унинг мурожаатини қаноатлантириш ҳуқуқига эга бўлади.
67. Мурожаатни ўрганиш натижаларига кўра, Васийлик кенгаши қарорига асосан уч иш куни ичида ариза берувчига кафиллик берилиши мумкин.
16-§. «Ёшлар дафтари»га киритилган ижтимоий ҳимояга муҳтож ёш оилаларга турар жой ижараси учун субсидия ажратиш тартиби
68. Ижтимоий ҳимояга муҳтож ёш оилаларга 12 ойгача турар жой учун ижара компенсацияси ҳар ойда БҲМнинг 3 бараваридан ошмаган миқдорда «Ёшлар дафтари» жамғармаси маблағлари ҳисобидан ушбу Низомга 17-иловада келтирилган схемага мувофиқ субсидия ажратилади.
Бунда эр-хотиннинг ҳар иккиси ўттиз ёшдан ошмаган (ўттиз бир ёшга тўлмаган) бўлиши, мулк ҳуқуқи асосида турар жойи бўлмаган, илгари мақсадли дастурлар доирасида имтиёзли ипотека кредитлари орқали квартира ёки якка тартибдаги уй-жойлар билан таъминланмаган, ипотека кредитлари бўйича субсидиялар ёки уй-жойлар таъминоти билан боғлиқ бошқа имтиёзлардан фойдаланмаган ҳамда ҳар иккиси ёки бири «Ёшлар дафтари»га киритилган бўлиши талаб этилади.
69. Ариза берувчи субсидия ажратишни сўраб Васийлик кенгашига қуйидаги ҳужжатларни тақдим этади:
турар жой ижара шартномаси нусхаси. Бунда ижара шартномасида ижарага берувчининг исми ва фамилияси, ЖШШИР, банк пластик картасининг реквизитлари, ижара муддати, ижаранинг бир ойлик тўлови миқдори кўрсатилиши лозим;
ижара шартномасининг солиқ органларида ҳисобга қўйилганлиги ҳақидаги билдиришнома.
Тақдим этилган ҳужжатлардаги маълумотларнинг тўғрилиги ва ҳаққонийлиги учун ариза берувчи жавобгар ҳисобланади.
Ҳужжатлар тақдим этилгандан сўнг Васийлик кенгаши уч иш куни ичида мурожаатни илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига юборади.
Маҳалладаги ёшлар етакчиси беш иш куни ичида субсидия ажратиш ҳақидаги тавсияномани ёки рад этиш тўғрисидаги хабарномани Васийлик кенгашига юборади. Бунда, субсидия ажратишни рад этиш ҳақида хабарнома юборилганда рад этиш сабаблари асосланиши талаб этилади.
Агар маҳалладаги ёшлар етакчиси мурожаатни унга тушган пайтдан бошлаб беш иш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, Васийлик кенгаши ариза берувчининг ижтимоий ҳимояга муҳтожлигини ҳамда унинг мурожаати ушбу параграф талабларига мувофиқлигини ўрганган ҳолда унинг мурожаатини қаноатлантириш ҳуқуқига эга бўлади.
70. Мурожаатни ўрганиш натижалари бўйича Васийлик кенгаши томонидан ижара харажатларини қоплаш учун субсидия ажратиш ҳақида қарор қабул қилинганда Васийлик кенгаши ҳар ойнинг 5-кунигача ижара харажатлари учун субсидиянинг ойлик тўловларини ижарага берувчининг банк пластик картасига ўтказади.
71. Маҳалладаги ёшлар етакчиси ижарага олувчи томонидан ҳақиқатда ижарага олинган турар жойда яшаётганини ҳар ой мобайнида камида бир марта мониторинг асосида ўрганади.
Ўрганиш жараёнида ижарага олувчи ижарага олинган турар жойда яшамаётганлиги аниқланган тақдирда, ёшлар етакчисининг тақдимномасига асосан ижара тўлови учун субсидия бериш тўхтатилади.
17-§. Ёшларнинг интеллектуал салоҳиятини юксалтириш, уларнинг бўш вақтини мазмунли ташкил этиш ва ҳуқуқий саводхонлигини ошириш, шунингдек, беш муҳим ташаббус доирасидаги тадбирларни молиялаштириш
72. Календарь режада белгиланган лойиҳа, танлов ва тадбирларни маҳалла, сектор, туман (шаҳар) ва ҳудуд даражасида ташкил этиш ва ўтказиш билан боғлиқ харажатлар «Ёшлар дафтари» жамғармаси маблағлари ҳисобидан ушбу Низомга 18-иловада келтирилган схемага мувофиқ молиялаштирилади.
ҳар бир маҳалла даражасидаги тадбирларга бир календарь ой учун — БҲМнинг 10 бараваригача маблағ ажратилади. Календарь режага киритилмаган тадбирлар «Ёшлар дафтари» жамғармаси маблағларидан молиялаштирилишига йўл қўйилмайди.
Календарь режага киритилган лойиҳа, танлов ва тадбирларни сектор ва туман (шаҳар) босқичларини молиялаштириш Ёшлар ишлари агентлигининг туман (шаҳар) бўлимлари томонидан асосли ҳисоб-китоб қилинган ҳолда Васийлик кенгашига юборилади. Васийлик кенгаши мурожаатга асосан қарор қабул қилади ва тадбирларни молиялаштириш чораларини кўради.
Ҳудудда ўтказиладиган республика ва ҳудуд даражасидаги тадбирлар ҳудудий «Ёшлар дафтари» жамғармаси маблағлари ҳисобидан молиялаштирилади.
73. Маҳалла даражасидаги тадбирларни ташкил этиш учун маҳалладаги ёшлар етакчиси Календарь режадан келиб чиқиб, Ёшлар ишлари агентлигининг туман (шаҳар) бўлимларига чораклик лойиҳа, танлов ва тадбирлар сони ва тури хусусидаги маълумотларни тақдим этади.
Ёшлар ишлари агентлигининг туман (шаҳар) бўлимлари беш иш куни ичида маҳаллалар бўйича чораклик лойиҳа, танлов ва тадбирлар сони ва тури тўғрисидаги маълумотларни календарь режага мувофиқлигини текширади ва ажратиладиган товар моддий бойликлар тури ва сони тўғрисидаги маълумотларни туман (шаҳар) «Ёшлар дафтари» жамғармаси Васийлик кенгашига юборади.
74. Туман (шаҳар) «Ёшлар дафтари» жамғармаси Васийлик кенгаши маҳаллалар бўйича режадаги товар моддий бойликларни харид қилиш тўғрисида қарор қабул қилади.
Васийлик кенгаши қарори асосида товар моддий бойликлар «Ёшлар дафтари» жамғармаси маблағлари ҳисобидан қонунчиликда белгиланган тартибда харид қилинади.
75. Васийлик кенгаши товар моддий бойликлар харид қилингандан сўнг уч иш куни ичида Ёшлар ишлари агентлигининг туман (шаҳар) бўлимларига етказилишини таъминлайди.
Ёшлар ишлари агентлигининг туман (шаҳар) бўлимлари икки иш куни ичида товар моддий бойликларни маҳаллалар бўйича тақсимлаб, маҳалладаги ёшлар етакчиларига тарқатади.
Маҳалладаги ёшлар етакчиси товар моддий бойликларни ёшларга тарқатиш бўйича, топшириш, қабул қилиш далолатномасини расмийлаштиради ва қонунчиликда белгиланган тартибда Ёшлар ишлари агентлигининг туман (шаҳар) бўлимларига ҳисобот топширади.
76. Календарь режада белгиланган лойиҳа, танлов ва тадбирларни сектор, туман (шаҳар) босқичларини ўтказиш учун Ёшлар ишлари агентлигининг туман (шаҳар) бўлимлари Васийлик кенгашига чораклик тадбирлар режасини тақдим этади ва халқ депутатлари туман (шаҳар) Кенгашига кўриб чиқиш учун киритади.
Тадбирлар режаси халқ депутатлари туман (шаҳар) Кенгаши томонидан тасдиқлангандан сўнг тадбирларни ўтказиш учун Васийлик кенгашининг қарорига мувофиқ «Ёшлар дафтари» жамғармасидан маблағлар ажратилади ва қонунчиликда белгиланган тартибда тадбирларга ажратиладиган товар моддий бойликларни харид қилади.
Васийлик кенгаши товар моддий бойликлар харид қилингандан сўнг уч иш куни ичида Ёшлар ишлари агентлигининг туман (шаҳар) бўлимларига етказилишини таъминлайди.
Ёшлар ишлари агентлигининг туман (шаҳар) бўлимлари товар моддий бойликларни топшириш, қабул қилиш далолатномасини расмийлаштиради ва қонунчиликда белгиланган тартибда Васийлик кенгашига ҳисобот топширади.
Васийлик кенгаши ҳар чорак якуни бўйича ўтказилган тадбирлар бўйича халқ депутатлари туман (шаҳар) Кенгашига ҳисобот тақдим этади.
77. Календарь режага киритилмаган тадбирларни ташкил этишга маҳалладаги ёшлар етакчисини жалб этишга йўл қўйилмайди.
18-§. «Ёшлар дафтари»га киритилган ёшларнинг иш билан бандлигини таъминлаш
78. «Ёшлар дафтари»га киритилган ишсиз ёшларнинг бандлигига қуйидаги йўналишларда кўмаклашилади:
секторлар раҳбарлари туман (шаҳар) ҳокимларининг иқтисодиёт ва тадбиркорлик масалалари бўйича биринчи ўринбосарлари, маҳаллабай ишлаш ва тадбиркорликни ривожлантириш марказлари, аҳоли бандлигига кўмаклашиш марказлари, Савдо-саноат палатасининг туман (шаҳар) тадбиркорликка кўмаклашиш марказлари томонидан «Ишга марҳамат» мономарказлари, давлат ва нодавлат касб-ҳунарга ўқитиш марказлари, маҳалла аҳолисини касб-ҳунарга ўқитиш масканларида касб-ҳунарга ва тадбиркорликка ўқитишни ташкил этиш, тадбиркорликка жалб этиш, ўзини ўзи мустақил равишда банд қилишни ривожлантиришга доир фаолиятни ташкил этиш орқали бандликка кўмаклашиш;
секторлар раҳбарлари туман (шаҳар) ҳокимларининг инвестициялар ва ташқи савдо масалалари бўйича ўринбосарлари, туман (шаҳар) инвестиция бўлимлари, маҳаллабай ишлаш ва тадбиркорликни ривожлантириш марказлари, Аҳоли бандлигига кўмаклашиш марказлари, тижорат банклари ҳамкорлигида тармоқ ва ҳудудий инвестиция дастурларига киритилган лойиҳаларда ёшлар учун яратилаётган янги иш ўринларига ишга жойлаштириш;
секторлар раҳбарлари туман (шаҳар) маҳаллабай ишлаш ва тадбиркорликни ривожлантириш марказлари ҳамда аҳоли бандлигига кўмаклашиш марказлари билан биргаликда мавжуд вакансия ва захира (квота) иш ўринларига ишга жойлаштириш ҳамда ҳақ тўланадиган жамоат ишларига жалб қилиш;
секторлар раҳбарлари туман (шаҳар) ҳокимларининг қишлоқ ва сув хўжалиги масалалари бўйича ўринбосарлари, туман (шаҳар) маҳаллабай ишлаш ва тадбиркорликни ривожлантириш марказлари билан биргаликда фермер ва деҳқон хўжаликлари, қишлоқ хўжалиги кооперативларига жалб қилиш, шунингдек, деҳқончилик билан шуғулланиш учун янги ўзлаштирилган, лалми, фойдаланилмаётган ер майдонларини 0,10 гектардан 1 гектаргача белгиланган тартибда очиқ электрон танлов орқали 10 йилга ижарага ер бериш;
Кейинги таҳрирга қаранг.
секторлар раҳбарлари туман (шаҳар) маҳаллабай ишлаш ва тадбиркорликни ривожлантириш марказлари, туман (шаҳар) ҳокимларининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосарлари, қурилиш бўлимлари билан биргаликда ҳудуддаги қурилиш ишларига жалб қилиш;
туман (шаҳар) маҳаллабай ишлаш ва тадбиркорликни ривожлантириш марказлари, Ёшлар ишлари агентлиги ҳамда Аҳоли бандлигига кўмаклашиш марказлари билан биргаликда ёшлар бандлигига кўмаклашиш, тадбиркорликни ривожлантириш ҳамда ёшларни ишга қабул қилган иш берувчиларни рағбатлантириш мақсадида субсидиялар ажратишга кўмаклашиш.
Ушбу бандда кўрсатилган йўналишлар қонунчилик ҳужжатларида белгиланган тартибда амалга оширилади.
19-§. «Ёшлар дафтари»га киритилган ёшларни тадбиркорликка жалб қилиш
79. «Ёшлар дафтари»га киритилган ёшларга тадбиркорлик фаолиятини йўлга қўйишда кўмаклашиш қуйидаги йўналишларда амалга оширилади:
а) Савдо-саноат палатаси ва «Yoshlar — kelajagimiz» жамғармаси томонидан:
48 соатлик (ҳафталик) ўқув дастури асосида ўқув курсларида тадбиркорликка бепул ўқитилади;
ўқув курсларини муваффақиятли битириб, сертификатга эга битирувчиларнинг ўзини ўзи даромадли меҳнат билан банд қилиш ёки уларнинг доимий меҳнат билан бандлигини таъминлашга (иш ўринлари яратишга) қаратилган лойиҳаларини тузиш ва амалга оширишга кўмаклашади;
б) «Микрокредитбанк» АТБ, «Агробанк» АТБ ва АТ «Халқ банки»нинг туман (шаҳар) филиаллари орқали тадбиркорликни йўлга қўйиш ва ривожлантириш учун Ўзбекистон Республикаси Давлат бюджети маблағлари ҳисобидан кредитлар ажратилади.
«Микрокредитбанк» АТБ «Ёшлар дафтари»га киритилган ёшларни тадбиркорликка жалб қилиш, уларга кредит олишда кўмаклашиш, бу масалада республикада ажратилган кредитларнинг статистик ҳисоботини юритиш ва кредит ажратилгандан сўнг уларнинг тадбиркорлигини ривожлантириш учун доимий қўллаб-қувватлаш борасидаги амалий ишларни мувофиқлаштиришга масъул ҳисобланади.
80. Кредитлар «Ёшлар дафтари»га киритилган ва тадбиркорлик билан шуғулланиш истагида бўлган ёшларнинг тадбиркорлигини йўлга қўйиш ва ривожлантиришга йўналтирилади.
Бунда:
тадбиркорлик ташаббусига эга жисмоний шахсларга, шу жумладан, ёшларга ўз бизнесини ташкил этиш учун 33 миллион сўмгача бўлган миқдордаги кредитлар гаровсиз;
кичик тадбиркорлик субъектларига учинчи шахс кафиллиги, суғурта полислари, кредит ҳисобига сотиб олинаётган мол-мулк гарови, Тадбиркорлик фаолиятини қўллаб-қувватлаш давлат жамғармасининг кафиллиги ва қонун ҳужжатларида назарда тутилган бошқа таъминот турлари асосида 225 миллион сўмгача миқдорда кредитлар ажратилади.
Кейинги таҳрирга қаранг.
Кредитларни илгари олинган кредитлар ёки ҳар қандай бошқа қарзларни қайтаришга, шахсий эҳтиёж учун автотранспорт сотиб олишга, маъмурий харажатларни тўлашга, жумладан, автотранспорт воситасининг таъминоти, мебель, алоқа хизматлари тўлови ва уяли телефон сотиб олишга ҳамда қонунчилик ҳужжатлари ва Марказий банкнинг қоидаларига кўра тақиқланган фаолиятларга ажратишга йўл қўйилмайди.
Кредитлар ҳоким ёрдамчиларининг тавсиялари асосида 14 фоизлик ставкада:
оилавий тадбиркорлик, даромад топишга қаратилган муайян меҳнат фаолияти билан шуғулланиш истагини билдирган ёшларга — 3 ойдан 6 ойгача бўлган имтиёзли давр билан 3 йилгача муддатга;
чорвачилик (четдан келтирилган наслли қўй ва эчки), балиқчилик ва паррандачилик (тухум йўналиши) учун — 1 йилгача бўлган имтиёзли давр билан 3 йилгача муддатга;
боғдорчилик, узумчилик ва лимончиликни ташкил этиш, иссиқхона, қишлоқ хўжалиги техникаси ва асбоб-ускуналарни харид қилиш учун — 3 йилгача бўлган имтиёзли давр билан 7 йилгача муддатга ажратилади.
81. Кредитлар қарз олувчининг ссуда ҳисоб рақамидан кредит шартномасида белгиланган мақсадлар учун тегишли ташкилотларнинг банкдаги ҳисоб рақамига пул ўтказиш йўли билан ажратилади.
«Ёшлар дафтари»га киритилган ва ўзини ўзи банд қиладиган ёшларга айрим турдаги фаолиятни амалга ошириш (касаначилик, ҳунармандчилик, иссиқхона қуриш ва шу кабилар учун зарур хом ашё, эҳтиёт қисм ҳамда қурилиш молларини сотиб олиш) мақсадида 5 миллион сўмгача миқдорда кредит маблағлари нақд пулда берилиши мумкин.
Кредитлар «Микрокредитбанк» АТБ, «Агробанк» АТБ ва АТ «Халқ банки»нинг туман (шаҳар) филиаллари томонидан «Ёшлар дафтари»да ҳисобда турган ёшларнинг қатъий навбатма-навбат мурожаат қилиши асосида Оилавий тадбиркорликни ривожлантириш дастурларининг ягона платформаси орқали ажратилади.
82. «Ёшлар дафтари»га киритилган, бироқ кредит олишни рад қилган ёшларнинг доимий бандлигини таъминлаш мақсадида тадбиркорлик субъектларининг «Ёшлар дафтари»га киритилган ёшларни иш билан бандлигини таъминлашга қаратилган лойиҳаларига Оилавий тадбиркорликни ривожлантириш давлат дастури доирасидаги ресурслар ҳисобидан йиллик 14 фоизлик ставкада имтиёзли кредитлар ажратилиши мумкин.
Бунда кичик тадбиркорлик субъектлари томонидан «Ёшлар дафтари»га киритилган ёшларни доимий иш билан таъминлаш шарти билан самарадорлиги юқори ва барқарор иш ўринлари яратишга қаратилган лойиҳаларига Оилавий тадбиркорликни ривожлантириш давлат дастури доирасидаги ресурслар ҳисобидан 225 миллион сўмдан ортиқ, бироқ 1 миллиард сўмдан кўп бўлмаган миқдорда белгиланган тартиб асосида кредит ажратилиши мумкин.
Кредит суммасининг аниқ миқдори тадбиркор томонидан иш билан таъминланадиган ҳар бир ёш учун 33 миллион сўмгача миқдорда мутаносиб равишда белгиланади.
83. Савдо-саноат палатаси, «Yoshlar — kelajagimiz» жамғармасининг ҳудудий бўлинмалари жойларда тадбиркорлик фаолиятини йўлга қўйиш истагини билдирган ёшларнинг тадбиркорлик кўникмаларини ошириш ва бизнес лойиҳаларини тузишга кўмаклашади.
20-§. «Ёшлар дафтари»га киритилган ёшларнинг хорижда хавфсиз, тартибли ва қонуний меҳнат миграциясини ташкил этиш
84. Ёшларнинг хорижда хавфсиз, тартибли ва қонуний меҳнат миграциясини ташкил этиш Ўзбекистон Республикаси Президентининг «Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида» 2020 йил 15 сентябрдаги ПҚ-4829-сон қарори асосида Бандлик ва меҳнат муносабатлари вазирлиги томонидан қуйидаги тартибда амалга оширилади:
уюштирилган меҳнат миграцияси йўли билан хорижга чиқиб кетаётган ёшлар ишга юборилишидан олдин давлат ва нодавлат таълим ташкилотларида, хусусан ҳудудлардаги «Ишга марҳамат» мономарказлари, касб-ҳунарга ўқитиш марказлари, қисқа муддатли касб-ҳунарга ўқитиш курслари, маҳалла аҳолисини касб-ҳунарга ўқитиш масканларида касб-ҳунарга ўқитилади (хорижий иш берувчининг малака талабларига жавоб берадиган шахслар бундан мустасно);
уюштирилган меҳнат миграцияси йўли билан чет элда меҳнат фаолиятини амалга ошираётган ёшларнинг ҳақ-ҳуқуқларини таъминлашга ва кўмаклашишга қаратилган чора-тадбирлар амалга оширилади;
Меҳнат миграциясидан қайтиб келган ёшларни реинтеграция қилиш, шу жумладан уларнинг бандлигини таъминлаш, касбий малакасини ошириш ва тадбиркорлик ташаббусларини рағбатлантириш ҳамда қонун ҳужжатларига мувофиқ бошқа чоралар-тадбирлар кўрилади.
4-боб. Ёрдам турларини бериш тартиби
85. Тегишли ижобий тавсия асосида «Ёшлар дафтари» жамғармаси маблағлари ҳисобидан ёшларга бериладиган ёрдамлар бўйича мурожаатлар Васийлик кенгашининг ишчи органига электрон платформа орқали юборилади.
86. Васийлик кенгашига киритилган мурожаатлар Васийлик кенгаши йиғилишларида кўриб чиқилади.
Васийлик кенгаши йиғилишлари ҳар ойда камида икки марта — ойнинг 15-кунигача ва охирги кунигача ўтказилади.
87. Васийлик кенгашининг ишчи органи икки кун муддатда Васийлик кенгаши йиғилиши кун тартибига киритиладиган масалаларни тайёрлайди, бу ҳақида Васийлик кенгаши аъзоларига йиғилиш вақти ва ўтказиладиган жойи тўғрисида хабар беради.
Кўриладиган масалалар бўйича қарорлар очиқ овоз бериш орқали кўпчилик овоз билан қабул қилинади. Васийлик кенгашининг ҳар бир аъзоси, шу жумладан, раис ҳам битта овозга эга бўлади.
88. Васийлик кенгаши ишчи органи Васийлик кенгаши йиғилишлари баённомасини юритади ва расмийлаштиради.
Бунда йиғилиш баённомаси беш кун муддатда Васийлик кенгаши аъзолари билан келишилган ҳолда Васийлик кенгаши раиси томонидан имзоланади.
89. Секторлар раҳбарлари тегишли маҳаллалар бўйича «Ёшлар дафтари»га киритилган ёшларнинг муаммоларини бартараф этишга қаратилган «Ёшлар дастури»ни тасдиқлайди ва ижросини таъминлаш учун масъул давлат органлари ва ташкилотларига юборади.
«Ёшлар дастури» ижроси учун масъул этиб белгиланган секторлар раҳбарлари, Васийлик кенгаши раиси, масъул давлат органлари ва ташкилотлар раҳбарлари ёшларнинг муаммолари бартараф этилганлиги бўйича ҳар чоракда камида бир маротаба халқ депутатлари туман (шаҳар) Кенгашларига ҳисобот беради.
5-боб. «Ёшлар дафтари»дан чиқариш тартиби
90. Ёшлар қуйидаги ҳолларда «Ёшлар дафтари»дан чиқарилади:
ушбу Низомнинг 3-бобида белгиланган тегишли тоифа бўйича белгиланган амалий ёрдамлар тўлиқ кўрсатилганда (бир марталик моддий ёрдам кўрсатилганлиги бундан мустасно);
бандлиги таъминланган ёки доимий даромад манбаига эга бўлганда;
тўлиқ давлат таъминотига олинганда;
ўз аризасига кўра;
«Ёшлар дафтари»га ноқонуний киритилганлиги аниқланганда;
бошқа давлатларга ишлаш ёки доимий яшаш учун чиқиб кетганда;
суднинг озодликдан маҳрум этишни назарда тутувчи ҳукми қонуний кучга кирганда;
вафот этган тақдирда ёки суд қарори асосида бедарак йўқолган деб топилганда.
«Ёшлар дафтари»га киритилган ёшларнинг «Ёшлар дастури»га киритилган масалалари тўлиқ ҳал этилгунга қадар уларни «Ёшлар дафтари»дан чиқаришга йўл қўйилмайди.
Иш берувчи томонидан жисмоний шахслардан олинадиган даромад солиғи ёки ижтимоий солиқ тўлови ҳисобланганда ҳамда ушбу маълумотлар Ўзбекистон Республикаси Давлат солиқ қўмитасининг марказлаштирилган ахборот базасида ва Ягона миллий меҳнат тизимида акс этган тақдирда, иш билан бандлиги таъминланган деб ҳисобланади ҳамда «Ёшлар дафтари»дан чиқариш учун асос бўлади.
Доимий ва вақтинча яшаш учун республиканинг бошқа ҳудудига кўчиб ўтганда, доимий яшаш ва вақтинча турар жойи бўйича рўйхатга олинган кундан бошлаб ўн беш кундан кечиктирмасдан «Ёшлар дафтари»га тегишли ўзгартиришлар киритилади.
91. Ёшлар етакчилари мазкур Низомнинг 90-бандида кўрсатилган ҳолатларга асосан ёшларни «Ёшлар дафтари»дан чиқариш бўйича Ёшлар ишлари агентлигининг туман (шаҳар) бўлимларига электрон платформа орқали тавсия беради.
Ёшлар ишлари агентлигининг туман (шаҳар) бўлимлари ёшлар етакчилари томонидан «Ёшлар дафтари»дан чиқариш тавсия этилаётган ёшларни беш иш куни ичида мазкур Низомнинг 90-бандида кўрсатилган ҳолатлар бўйича ўрганиб, ҳақиқатда чиқариш ёки рад этишни электрон платформада белгилайди.
«Ёшлар дафтари»га киритилган ёшлар Низомнинг 90-бандида кўрсатилган ҳолатлардан бошқа сабаблар билан «Ёшлар дафтари»дан чиқарилган тақдирда, амалий ёрдам бериш учун «Ёшлар дафтари»га қайта киритилади.
92. «Ёшлар дафтари»дан чиқарилаётган ёшлар бир кун ичида бу ҳақида хабардор қилинади.
6-боб. Якунловчи қоидалар
93. Ушбу Низомга мувофиқ «Ёшлар дафтари» жамғармаси маблағлари ҳисобидан кўрсатиладиган кўмак ариза берувчиларнинг аризаларига асосан уларнинг эҳтиёжи ва хоҳиш-истакларини ўрганиш натижаларига асосан тегишлилиги бўйича ёшлар етакчиси ва ҳоким ёрдамчиси тавсиясига кўра Васийлик кенгаши қарорига мувофиқ амалга оширилади.
Васийлик кенгаши томонидан ариза ва унга илова қилинган тегишли ҳужжатлар кўриб чиқилиб, натижаси бўйича «Ёшлар дафтари» жамғармаси маблағлари ҳисобидан кўмак бериш ёки рад этиш тўғрисида асосланган қарор қабул қилинади.
«Ёшлар дафтари» жамғармаси маблағлари ҳисобидан кўмак бериш асосланган ҳолда рад этилган тақдирда, Васийлик кенгашининг тегишли қарори қабул қилинган кундан бошлаб уч иш куни ичида бу ҳақида ариза берувчига хабарнома юборилади.
94. Ёшларнинг эҳтиёжлари ва хоҳиш-истакларини ўрганиш натижалари бўйича халқ депутатлари туман (шаҳар) Кенгашлари қарорига асосан қонунчилик ҳужжатларига зид бўлмаган бошқа йўналишлар бўйича ҳам ёшларга моддий ва ижтимоий ёрдам берилиши мумкин.
95. Секторлар раҳбарлари, туман (шаҳар) ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари электрон платформада «Ёшлар дафтари»ни юритиш билан боғлиқ масалалар тўлиқ акс эттириб борилишини таъминлайди ҳамда унга маълумотларни киритиш ва чиқариш, уларнинг ҳаққонийлиги бўйича шахсан жавобгар ҳисобланади.
«Ёшлар дафтари»га киритилган ёшлар бўйича амалга оширилаётган ишлар тўғрисида барча ҳисоботлар электрон платформада шакллантирилади.
96. «Ёшлар дафтари»га киритилган ёшларни қўллаб-қувватлаш бўйича ишларни мувофиқлаштириш:
маҳалла даражасида — туман (шаҳар) секторлари раҳбарлари, туман (шаҳар) ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари, Ёшлар ишлари агентлигининг туман (шаҳар) бўлимлари бошлиқлари;
туман (шаҳар) даражасида — вилоят секторлари раҳбарлари, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари, Ёшлар ишлари агентлигининг ҳудудий бошқармалари бошлиқлари;
вилоят даражасида — Ёшлар ишлари агентлиги, секторлар, тегишли вазирликлар ва идоралар;
республика даражасида — Маҳаллаларда ёшлар билан ишлаш масалаларини мувофиқлаштириш бўйича республика комиссияси томонидан амалга оширилади.
97. Ёшлар етакчилари томонидан «Ёшлар дафтари»га киритилган ҳар бир ёшларнинг аниқланган муаммолари бартараф этилганлиги ҳақидаги ҳисоботлар электрон платформага киритиб борилади.
98. Ёшлар ишлари агентлиги электрон платформага маълумотларнинг киритилиши юзасидан мониторинг юритади.
99. «Ёшлар дафтари»га киритилган ёшларнинг муаммоларини бартараф этишга қаратилган «Ёшлар дастури»нинг ижроси ҳар чоракда камида бир марта халқ депутатлари туман (шаҳар) кенгашида муҳокама қилинади.
Кенгаш сессияларида муаммоларни ҳал қилишга масъул бўлган секторлар ва ташкилот раҳбарларининг ҳисоботлари эшитиб борилади.
100. Ёшлар ишлари агентлиги «Ёшлар дафтари»га юритилиши бўйича амалга оширилган ишлар ҳақида ҳудудий бўлинмалардан олинган маълумотларни тегишли вазирлик, идора ва ташкилотлар ҳамда маҳаллий ҳокимликлар билан ҳар ой якуни билан таҳлил қилади.
Республика даражасида ҳал этилиши лозим бўлган муаммоларни ҳудудлар бўйича бартараф этиш мақсадида Маҳаллаларда ёшлар билан ишлаш масалаларини мувофиқлаштириш бўйича республика комиссиясига ахборот киритиб борилади.
101. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, тегишли вазирликлар ва идоралар ҳар ой якуни бўйича кейинги ойнинг 5-кунига қадар «Ёшлар дастури» ижроси бўйича маълумотларни Ёшлар ишлари агентлигига тақдим этади.
102. «Ёшлар дастури» ва «Ёшлар дафтари» юритилиши бўйича мутасадди бўлган вазирликлар, идоралар ва маҳаллий ҳокимликларнинг барча даражадаги раҳбарларининг ҳисобдорлигини Маҳаллаларда ёшлар билан ишлаш масалаларини мувофиқлаштириш бўйича республика комиссияси ҳамда Вазирлар Маҳкамасининг Раёсат мажлисида кўриб чиқиш учун ҳар чорак якунида «Ёшлар дафтари» юритилиши бўйича таҳлилий маълумотлар Ёшлар ишлари агентлиги томонидан белгиланган тартибда Ўзбекистон Республикаси Президенти Администрацияси ҳамда Вазирлар Маҳкамасига киритиб борилади.
103. Маҳаллаларда ёшлар билан ишлаш масалаларини мувофиқлаштириш бўйича республика комиссияси камчиликка йўл қўйган масъул ташкилотлар раҳбарларига баҳо беради, чоралар кўради, камчиликларни бартараф этиш бўйича тегишли «йўл хариталари» ишлаб чиқилиши ва ижрога йўналтирилишини таъминлайди.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
1-ИЛОВА
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш учун бериладиган субсидия, компенсация ва моддий ёрдам турларининг
РЎЙХАТИ

Т/р

Субсидия, компенсация ва моддий ёрдам турлари

Маблағ миқдори

Молиялаштириш манбаси

Мурожаат этиладиган орган

Маблағ ажратилишига кўмаклашувчи масъул

1.

Моддий аҳволи оғир ёшларга бир марталик моддий ёрдам кўрсатиш.

базавий ҳисоблаш миқдори (кейинги ўринларда — БҲМ)нинг 4 бараваригача

Ёшлар дафтари жамғармаси

Туман (шаҳар) «Ёшлар дафтари» жамғармаси васийлик кенгаши (кейинги ўринларда — Васийлик кенгаши)

Маҳалладаги ёшлар етакчиси

2.

Ёшларни тадбиркорликка ва касб-ҳунарга ўқитиш курслари харажатларини қоплаш.

Ўқиш харажатларнинг 75 фоизигача қисми, бироқ мос равишда ҳар бир ой учун БҲМнинг 4, 8, 12 бараваридан кўп бўлмаган қисми

Ёшлар дафтари жамғармаси

Васийлик кенгаши

Ҳоким ёрдамчиси

3.

Ёшларнинг давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курси харажатларини қоплаш учун субсидия ажратиш.

БҲМнинг 4 бараваригача

Ёшлар дафтари жамғармаси

Васийлик кенгаши

Маҳалладаги ёшлар етакчиси

4.

Деҳқончилик ва томорқа хўжалигини юритиш билан шуғулланаётган ёшларга уруғлик ва кўчатлар харид қилиш учун субсидия ажратиш.

БҲМнинг 8 бараваригача

Ёшлар дафтари жамғармаси

Васийлик кенгаши

Ҳоким ёрдамчиси

5.

Ёшларга тадбиркорлик фаолияти ва ўзини ўзи банд қилиш учун нотурар жойнинг ижара харажатларини қоплаш

12 ойгача ижара харажатларининг бир йилда 30 фоизи, бироқ БҲМнинг 25 бараваригача бўлган қисми

Ёшлар дафтари жамғармаси

Васийлик кенгаши

Ҳоким ёрдамчиси

6.

Ёшларга тадбиркорлик фаолиятини бошлаш ва ўзини ўзи банд қилишга зарур бўлган асбоб-ускуналар ёки меҳнат қуролларини харид қилишга субсидия ажратиш.

БҲМнинг 40 бараваригача

Ёшлар дафтари жамғармаси

Васийлик кенгаши

Ҳоким ёрдамчиси

7.

Ёшларга профессионал ва олий таълим ташкилотлари ўқувчи-талабаларининг таълим тўлов-контракт суммасининг бир қисмини тўлаб бериш.

тўлов-контракт суммасининг 50 фоизигача, бироқ БҲМнинг 50 баравари

Ёшлар дафтари жамғармаси

Васийлик кенгаши

Маҳалладаги ёшлар етакчиси

8.

Ёшларга замонавий касбларни эгаллаши, ахборот технологияларини ўрганиши ва уларни хорижий тилларга ўқитиш бўйича ўқув курсларида ўқиш харажатларини қоплаш учун субсидия ажратиш.

олти ойгача ҳар ойда БҲМнинг 4 баравари

Ёшлар дафтари жамғармаси

Васийлик кенгаши

Маҳалладаги ёшлар етакчиси

Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси

9.

Ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги ўқув курслари учун субсидия ажратиш.

ҳар ойда БҲМнинг бир бараваригача

Ёшлар дафтари жамғармаси

Васийлик кенгаши

Маҳалладаги ёшлар етакчиси

Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси

10.

Ёшларнинг илм-фан, спорт, санъат ва маданият йўналишларидаги олимпиада, танлов ва мусобақаларда қатнашиш харажатлари учун субсидия ажратиш.

маҳаллий босқичлар учун БҲМнинг 4 баравари

Ёшлар дафтари жамғармаси

Васийлик кенгаши

Маҳалладаги ёшлар етакчиси

халқаро босқичлар учун БҲМнинг 40 баравари

Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси

11.

Ёшларга таълим, маданият ва санъат, спорт, ахборот технологиялар соҳасига ва фанларни ўқитишга ихтисослашган нодавлат таълим ташкилотининг нотурар жой ижара харажатларини қоплаш.

уч ой муддатгача БҲМнинг 50 баравари

Ёшлар дафтари жамғармаси

Васийлик кенгаши

Маҳалладаги ёшлар етакчиси

Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси

12.

Бемор ёшларга даволаниш харажатлари учун субсидия ажратиш.

БҲМнинг 50 баравари

Ёшлар дафтари жамғармаси

Васийлик кенгаши

Маҳалладаги ёшлар етакчиси

13.

Психологик маслаҳатга муҳтож ёшларга пуллик психологик хизмат кўрсатилиши билан боғлиқ харажатларни қоплаш.

базавий ҳисоблаш миқдорининг 4 баравари

Ёшлар дафтари жамғармаси

Васийлик кенгаши

Маҳалладаги ёшлар етакчиси

14.

Ёшларнинг сафарбарлик чақируви резервидаги хизматни ўташ бадалини тўлиқ миқдорда қоплаш учун субсидия ажратиш.

хизматни ўташ бадалининг тўлиқ қисми

Ёшлар дафтари жамғармаси

Васийлик кенгаши

Маҳалладаги ёшлар етакчиси

15.

Янги турмуш қураётганида ўз хонадонида қўшимча уй-жой қуриш учун гаровсиз кредит ажратиш учун кафиллик бериш.

уй-жой қуриш учун 33 млн. сўмгача гаровсиз кредит ажратишда «Ёшлар дафтари» жамғармасининг кафиллиги

Ёшлар дафтари жамғармаси

Васийлик кенгаши

Маҳалладаги ёшлар етакчиси

16.

Ижтимоий ҳимояга муҳтож ёш оилаларга турар жой ижараси учун субсидия ажратиш.

12 ойгача ҳар ойда БҲМнинг 3 бараваридан ошмаган миқдорда

Ёшлар дафтари жамғармаси

Васийлик кенгаши

Маҳалладаги ёшлар етакчиси

17.

Ёшларнинг интеллектуал салоҳиятини юксалтириш, уларнинг бўш вақтини мазмунли ташкил этиш ва ҳуқуқий саводхонлигини ошириш, шунингдек, беш муҳим ташаббус доирасидаги тадбирларни молиялаштириш.

Маҳалла даражасида бир календарь ой учун базавий ҳисоблаш миқдорининг 10 бараваригача

Ёшлар дафтари жамғармаси

Васийлик кенгаши

Маҳалладаги ёшлар етакчиси

сектор-туман-ҳудуд даражасида алоҳида ҳисоб-китобларга мувофиқ

Кейинги таҳрирга қаранг.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
2-ИЛОВА
«Ёшлар дафтари»га киритилган ва моддий аҳволи оғир ёшларга бир марталик моддий ёрдам кўрсатиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Бир марталик моддий ёрдам ажратишни сўраб, яшаш жойидаги маҳалладаги ёшлар етакчисига ариза беради.

«Ёшлар дафтари» га киритилгандан сўнг

2-босқич

Маҳалладаги ёшлар етакчиси

Ариза берувчининг ижтимоий тоифаси ва ҳолатини ўрганиб, моддий ёрдам ажратиш ҳақидаги тавсияномани ёки рад этиш тўғрисида хабарномани туман (шаҳар) «Ёшлар дафтари» жамғармаси Васийлик кенгашига юборади.

3 иш куни ичида

3-босқич

Васийлик кенгаши

Маҳалладаги ёшлар етакчисининг моддий ёрдам ажратиш ҳақидаги тавсияси асосида Васийлик кенгаши қарорини қабул қилади ва туман (шаҳар) ҳокимлигига юборади.

7 иш куни ичида

4-босқич

Туман (шаҳар) ҳокимлиги

Васийлик кенгаши қарорига мувофиқ «Ёшлар дафтари» жамғармаси маблағлари ҳисобидан зарур маблағларни «Халқ банки»нинг тегишли бўлими (филиали)га ўтказади.

3 иш куни ичида

5-босқич

Халқ банкининг тегишли бўлими

(филиали)

Бир марталик моддий ёрдам тўловларини ариза берувчи — жисмоний шахснинг хоҳишига кўра нақд ёки нақд пулсиз шаклда тўлаб беради.

3 иш куни ичида

* Бир марталик моддий ёрдам «Ёшлар дафтари»га киритилган қуйидаги тоифадаги ёшларга кўрсатилади:
1. «Темир дафтар»га киритилган оила фарзанди.
2. «Аёллар дафтари»га киритилган аёллар фарзанди.
3. «Ижтимоий ҳимоя ягона реестри»га киритилган оила фарзанди (шахс).
4. Оиласи кам таъминланган ва ижтимоий ҳимояга муҳтож ёш фуқаро.
5. Боқувчисини йўқотган ва ота-она қарамоғидан маҳрум бўлган ижтимоий ҳимояга муҳтож ёш фуқаро.
6. Ўзгалар парваришига муҳтож бўлган ишга лаёқатсиз ёш фуқаро.
7. I ва II гуруҳ ногиронлиги бўлган ёш фуқаро.
8. Ногиронлиги бўлган бола парвариши билан шуғулланаётган ёш оила (эр-хотиннинг бири);
9. Ота-оналардан бирида I ёки II гуруҳ ногиронлиги бўлган, иккинчиси эса фаолиятини тўхтатган ҳолда беморга қарашга мажбур бўлган ёки ота-онасида I ёки II гуруҳ ногиронлиги бўлган ёш фуқаро.
10. Табиий офатлар, ҳалокатлар, ёнғинлар ва бошқа фавқулодда вазиятлар оқибатида ҳаётига, соғлиғига, мулкига зарар етган ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
3-ИЛОВА
«Ёшлар дафтари»га киритилган ёшларнинг тадбиркорликка ва касб-ҳунарга ўқитиш курслари харажатларини қоплаш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Тадбиркорликка ва касб-ҳунар ўқув курслари харажатларини қоплаш учун субсидия ажратиш бўйича туман (шаҳар) «Ёшлар дафтари» жамғармаси Васийлик кенгашига мурожаат қилиб, ўзи ва таълим ташкилоти ўртасида тузилган шартнома нусхасини тақдим этади.

Ўқишни бошлашдан олдин

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ҳоким ёрдамчисига кўриб чиқиш учун юборади.

3 иш куни ичида

3-босқич

Ҳоким ёрдамчиси

Ариза берувчининг мурожаатини кўриб чиқиш ва ўқиш харажатларини қоплаш бўйича тавсия ёки рад этиш ҳақидаги хабарномани Васийлик кенгашига юборади. Бунда, субсидия ажратишни рад этиш ҳақида хабарнома юборилганда рад этиш сабаблари асослантирилиши талаб этилади.

5 иш куни ичида

Васийлик кенгаши

Ҳоким ёрдамчиси томонидан белгиланган муддатда ариза берувчининг ўқиш харажатларини қоплаш бўйича тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Ўқиш харажатларини қоплаш ҳақида қарор қабул қилиб, ўқув курси учун белгиланган маблағларни таълим ташкилотининг ҳисобварағига ўтказиб беради.

3 иш куни ичида

5-босқич

Ҳоким ёрдамчиси

Ариза берувчининг ҳақиқатда ўқув курсида ўқиётганлигини мониторинг қилиб боради.

Ҳар ойда камида бир марта

* «Ёшлар дафтари»га киритилган қуйидаги тоифадаги ёшларга тадбиркорликка ва касб-ҳунарга ўқиш курслари харажатлари қоплаб берилади:
1. «Темир дафтар»га киритилган оила фарзанди;
2. «Аёллар дафтари»га киритилган аёллар фарзанди;
3. «Ижтимоий ҳимоя ягона реестри» АТ орқали кам таъминланган деб эътироф этилган оила фарзанди (шахс);
4. Ишсиз ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
4-ИЛОВА
«Ёшлар дафтари»га киритилган ёшларнинг давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курси харажатларини қоплаш учун субсидия ажратиш харажатларини қоплаш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Давлат ва нодавлат таълим ташкилотларида автомототранспорт воситалари ҳайдовчиларини тайёрлаш бўйича ўқув курслари харажатларини қоплаш учун субсидия ажратиш бўйича туман (шаҳар) «Ёшлар дафтари» жамғармаси Васийлик кенгашига ўзи ва таълим ташкилоти ўртасида тузилган шартнома нусхасини тақдим этган ҳолда мурожаат қилади.

Ўқишни бошлашдан олдин

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

3 иш куни ичида

3-босқич

Маҳалладаги ёшлар етакчиси

Ариза берувчининг ўқиш харажатларини қоплаш бўйича тавсия ёки рад этиш ҳақидаги хабарномани Васийлик кенгашига юборади. Бунда субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Маҳалладаги ёшлар етакчиси томонидан белгиланган муддатда ариза берувчининг ўқиш харажатларини қоплаш бўйича тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Ўқиш харажатларини қоплаш ҳақида қарор қабул қилиб, ўқув курси учун белгиланган маблағларни таълим ташкилотининг ҳисобварағига ўтказиб беради.

3 иш куни ичида

5-босқич

Маҳалладаги ёшлар етакчиси

Ариза берувчининг ҳақиқатда ўқув курсида ўқиётганлигини мониторинг қилиб боради.

Ҳар ойда камида бир марта

* «Ёшлар дафтари»га киритилган қуйидаги тоифадаги ёшларга Давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курси харажатлари қоплаб берилади:
1. «Темир дафтар»га киритилган оила фарзанди.
2. «Аёллар дафтари»га киритилган аёллар фарзанди.
3. «Ижтимоий ҳимоя ягона реестри» АТ орқали кам таъминланган деб эътироф этилган оила фарзанди (шахс).
4. «Меҳрибонлик» уйлари, Болалар шаҳарчалари ва оилавий болалар уйларида тарбияланган ёш фуқаро.
5. Оиласи кам таъминланган ишсиз ёш фуқаро.
Кейинги таҳрирга қаранг.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
5-ИЛОВА
«Ёшлар дафтари»га киритилган, деҳқончилик ва томорқа хўжалигини юритиш билан шуғулланаётган ёшларга уруғлик ва кўчатлар харид қилиш учун субсидия ажратиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Уруғлик ва кўчатлар харид қилиш учун субсидия ажратиш бўйича туман (шаҳар) «Ёшлар дафтари» жамғармаси Васийлик кенгашига ўз эгалигида ёки фойдаланишида бўлган ерга нисбатан ҳуқуқни тасдиқловчи ҳужжат ва етказиб берувчи ташкилот ўртасида тузилган шартнома нусхасини тақдим этиб мурожаат қилади.

1 иш куни ичида

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ҳоким ёрдамчисига кўриб чиқиш учун юборади.

3 иш куни ичида

3-босқич

Ҳоким ёрдамчиси

Ариза берувчининг уруғлик ва кўчатлар экиш учун мавжуд шароити ўрганилиб, тавсия ёки рад этиш ҳақидаги хабарномани Васийлик кенгашига юборади. Бунда субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Ҳоким ёрдамчиси томонидан белгиланган муддатда ариза берувчининг уруғлик ва кўчатлар харид қилиш бўйича мурожаатига тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Уруғлик ва кўчатлар харид қилиш учун субсидия ажратиш ҳақида қарор қабул қилади ва субсидия учун белгиланган маблағларни етказиб берувчи ташкилотнинг ҳисобварағига ўтказади.

3 иш куни ичида

* «Ёшлар дафтари»га киритилган қуйидаги тоифадаги ёшларга уруғлик ва кўчатлар харид қилиш учун субсидия ажратилади:
1. «Темир дафтар»га киритилган оила фарзанди.
2. «Аёллар дафтари»га киритилган аёллар фарзанди.
3. «Ижтимоий ҳимоя ягона реестри» АТ орқали кам таъминланган деб эътироф этилган оила фарзанди.
4. Ишсиз ёш фуқаро
5. Деҳқон хўжалиги фаолияти билан шуғулланаётган ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
6-ИЛОВА
«Ёшлар дафтари»га киритилган ёшларга тадбиркорлик фаолияти ва ўзини ўзи банд қилиш учун нотурар жойнинг ижара харажатларини қоплаш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Тадбиркорлик фаолиятини амалга ошириш ёки ўзини ўзи банд қилиш учун нотурар жойнинг ижара харажатларининг бир қисмини қоплаш бўйича туман (шаҳар) «Ёшлар дафтари» жамғармаси Васийлик кенгашига ўзи ва ижарага берувчи ташкилот ўртасида тузилган шартнома нусхасини тақдим этиб, мурожаат қилади.

1 иш куни ичида

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ҳоким ёрдамчисига кўриб чиқиш учун юборади.

3 иш куни ичида

3-босқич

Ҳоким ёрдамчиси

Ариза берувчининг ижара харажатларини қоплаш бўйича тавсия ёки рад этиш ҳақидаги хабарномани Васийлик кенгашига юборади. Бунда, субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Ҳоким ёрдамчиси томонидан белгиланган муддатда ариза берувчининг ижара харажатларини қоплаш бўйича мурожаатига тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Бино ва иншоотнинг ижара ҳақи учун тўловни ажратиш ҳақида қарор қабул қилади ва ижара ҳақи учун тўловни ижарага берувчининг ҳисобварағига ўтказади.

3 иш куни ичида

5-босқич

Ҳоким ёрдамчиси

Ариза берувчининг ижарага олинган бино-иншоотдан ҳақиқатда самарали фойдаланилётганлигини мониторинг қилиб боради.

Ҳар ойда камида бир марта

* «Ёшлар дафтари»га киритилган қуйидаги тоифадаги ёшларга нотурар жойнинг ижара харажатлари қоплаб берилади:
1. «Темир дафтар»га киритилган оила фарзанди.
2. «Аёллар дафтари»га киритилган аёллар фарзанди.
3. «Ижтимоий ҳимоя ягона реестри» АТ орқали кам таъминланган деб эътироф этилган оила фарзанди.
4. Ёш тадбиркор ёки ўзини ўзи банд қилган шахс сифатида солиқ хизмати органларида рўйхатдан ўтган ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
7-ИЛОВА
«Ёшлар дафтари»га киритилган ёшларга тадбиркорлик фаолиятини бошлаш ва ўзини ўзи банд қилиш учун зарур бўлган асбоб-ускуналар ёки меҳнат қуролларини харид қилишга субсидия ажратиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Асбоб-ускуна ёки меҳнат қуроли харид қилиш учун субсидия ажратиш бўйича туман (шаҳар) «Ёшлар дафтари» жамғармаси Васийлик кенгашига асбоб-ускуна ёки меҳнат қуролларининг тури, миқдори, товарнинг маркаси, тахминий харид нархини тақдим этган ҳолда ариза беради.

«Ёшлар дафтари»га киритилгандан сўнг

2-босқич

Васийлик кенгаши

Аризани унга илова қилинган ҳужжатлар билан бирга ариза берувчи яшаб келаётган маҳалладаги ҳоким ёрдамчисига кўриб чиқиш учун юборади.

3 иш куни ичида

3-босқич

Ҳоким ёрдамчиси

Ариза берувчининг субсидия ажратиш бўйича мурожаатига тавсия ёки рад этиш ҳақидаги хабарномани Васийлик кенгашига юборади. Бунда субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни чида

Васийлик кенгаши

Ҳоким ёрдамчиси томонидан белгиланган муддатда ариза берувчининг субсидия ажратиш бўйича мурожаатига тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Асбоб-ускуна ёки меҳнат қуролларини етказиб берувчи ташкилот давлат харидларининг электрон тизими орқали ютиб чиққач, субсидия ажратади.

5 иш куни ичида

Асбоб-ускуна ёки меҳнат қуроли етказиб берувчи ташкилот томонидан тақдим этилгандан сўнг Васийлик кенгашининг ишчи органи ва ариза берувчи ўртасида далолатнома тузилиб, аризачига топширади.

3 иш куни ичида

5-босқич

Ҳоким ёрдамчиси

Ариза берувчининг асбоб-ускуна ёки меҳнат қуролларидан самарали фойдаланаётганини мониторинг қилиб боради.

Ҳар ойда камида бир марта

* «Ёшлар дафтари»га киритилган қуйидаги тоифадаги ёшларга асбоб-ускуналар ёки меҳнат қуролларини харид қилиш учун субсидия ажратилади:
1. «Темир дафтар»га киритилган оила фарзанди.
2. «Аёллар дафтари»га киритилган аёллар фарзанди.
3. «Ижтимоий ҳимоя ягона реестри» АТ орқали кам таъминланган деб эътироф этилган оила фарзанди.
4. Оиласи кам таъминланган ишсиз ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
8-ИЛОВА
«Ёшлар дафтари»га киритилган ёшларга профессионал ва олий таълим муассасалари ўқувчи ва талабаларининг таълим тўлов-контракт суммасининг бир қисмини тўлаб бериш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Тўлов-контракт харажатларининг бир қисмини тўлаб беришни сўраб туман (шаҳар) «Ёшлар дафтари» жамғармаси Васийлик кенгашига тўлов-контракт асосида ўқиш ҳақида белгиланган тартибда расмийлаштирилган шартнома (контракт) нусхасини тақдим этган ҳолда ариза беради.

«Ёшлар дафтари»га киритилгандан сўнг

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

3 иш куни ичида

3-босқич

Маҳалладаги ёшлар етакчиси

Ариза берувчининг тўлов-контракт харажатларини қоплаш бўйича тавсия ёки рад этиш ҳақидаги хабарномани Васийлик кенгашига юборади. Бунда тўлов-контракт харажатларини қоплашни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Маҳалладаги ёшлар етакчиси томонидан белгиланган муддатда ариза берувчининг тўлов-контракт харажатларини қоплаш бўйича тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Тўлов-контракт харажатлари профессионал таълим ташкилоти ёки олий таълим ташкилотининг ҳисобрақамига ўтказади.

3 иш куни ичида

* «Ёшлар дафтари»га киритилган қуйидаги тоифадаги ёшларга тўлов-контракт суммасининг бир қисми қоплаб берилади:
1. Темир дафтар»га киритилган оиланинг профессионал ёки ОТМда таълим олаётган фарзанди.
2. «Аёллар дафтари»га киритилган аёлларнинг профессионал ёки ОТМда таълим олаётган фарзанди.
3. «Ижтимоий ҳимоя ягона реестри»АТга киритилган оиланинг профессионал ёки ОТМда таълим олаётган фарзанди.
4. Меҳрибонлик» уйи ёки Болалар шаҳарчасида тарбияланган ўқувчи-талаба.
5. Ота-она қарамоғидан маҳрум бўлган, васийликка олинган кам таъминланган ўқувчи-талаба.
6. Оила боқувчиларининг камида биттаси биринчи гуруҳ ёки ҳар иккаласи иккинчи гуруҳ ногиронлиги бўлган кам таъминланган оиланинг профессионал ёки ОТМда таълим олаётган фарзанди.
7. Ногиронлиги ёки саломатлигида нуқсони бўлган ўқувчи-талаба;
8. Оиласи кам таъминланган талаба.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
9-ИЛОВА
«Ёшлар дафтари»га киритилган ёшларнинг замонавий касбларни эгаллаш, ахборот технологияларини ўрганиш ва хорижий тилларга ўқитиш бўйича ўқув курсларида ўқиш харажатларини қоплаш учун субсидия ажратиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Замонавий касбларни эгаллаш, ахборот технологияларини ўрганиш ва хорижий тилларга ўқиш харажатларини қоплаш учун субсидия ажратишни сўраб туман (шаҳар) «Ёшлар дафтари» жамғармаси Васийлик кенгашига нодавлат таълим ташкилоти билан тузилган шартнома нусхасини тақдим этган ҳолда ариза беради.

1 иш куни ичида

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

3 иш куни ичида

3-босқич

Маҳалладаги ёшлар етакчиси

Ариза берувчининг ўқиш харажатларини қоплаш бўйича тавсия ёки рад этиш ҳақидаги хабарномани Васийлик кенгашига юборади. Бунда субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Маҳалладаги ёшлар етакчиси томонидан белгиланган муддатда ариза берувчининг ўқиш харажатларини қоплаш бўйича тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Ўқиш харажатларини қоплаш ва ўқув курси учун белгиланган маблағларни таълим ташкилотининг ҳисобрақамига ўтказиб беради.

3 иш куни ичида

5-босқич

Маҳалладаги ёшлар етакчиси

Ариза берувчининг ўқув курсида ўқиётганлигини мониторинг қилиб боради.

Ҳар ойда камида бир марта

* Ёшлар дафтари»га киритилган қуйидаги тоифадаги ёшларга замонавий касбни эгаллаш, ахборот технологияларини ўрганиш ва хорижий тилларга ўқитиш бўйича ўқув курсларида ўқиш харажатларини қоплаш учун субсидия ажратилади:
1. Оила аъзоси «Темир дафтар»га, «Аёллар дафтари»га ёки «Ижтимоий ҳимоя ягона реестри»АТга киритилган ёш фуқаро.
2. Ижтимоий ҳимояга муҳтож бўлган ёш фуқаро.
3. Боқувчисини йўқотган, етим ёки ота-она қарамоғидан маҳрум бўлган ёш фуқаро.
4. I ёки II гуруҳ ногиронлиги бўлган ёш фуқаро.
5. «Меҳрибонлик» уйи, Болалар шаҳарчаси ёки оилавий болалар уйида тарбияланган ёш фуқаро.
6. Ишсиз ёш фуқаро.
7. Жазони ижро этиш муассасаларидан қайтган ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
10-ИЛОВА
«Ёшлар дафтари»га киритилган ва ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги ўқув курслари учун субсидия ажратиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Илм-фан, спорт, санъат ва маданият йўналишларидагиўқув курсида ўқиш учун субсидия ажратишни сўраб, туман (шаҳар) «Ёшлар дафтари» жамғармаси Васийлик кенгашига нодавлат таълим ташкилоти ўртасида тузилган шартнома нусхасини тақдим этган ҳолда, ариза беради.

1 иш куни ичида

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

3 иш куни ичида

3-босқич

Маҳалладаги ёшлар етакчиси

Ариза берувчининг ўқиш харажатларини қоплаш бўйича тавсия ёки рад этиш ҳақидаги хабарномани Васийлик кенгашига юборади. Бунда субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Маҳалладаги ёшлар етакчиси томонидан белгиланган муддатда ариза берувчининг ўқиш харажатларини қоплаш бўйича тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Ўқиш харажатларини қоплаш ва ўқув курси учун белгиланган маблағларни таълим ташкилотининг ҳисобрақамига ўтказиб беради.

3 иш куни ичида

5-босқич

Маҳалладаги ёшлар етакчиси

Ариза берувчининг ўқув курсида ўқиётганлигини мониторинг қилиб боради.

Ҳар ойда камида бир марта

* «Ёшлар дафтари»га киритилган қуйидаги тоифадаги ёшларга илм-фан, спорт, санъат ва маданият йўналишларидаги ўқув курслари учун субсидия ажратилади:
1. Оила аъзоси «Темир дафтар», «Аёллар дафтари» ёки «Ижтимоий ҳимоя ягона реестри»АТга киритилган ёш фуқаро.
2. Ижтимоий ҳимояга муҳтож бўлган ёш фуқаро.
3. Боқувчисини йўқотган, етим ёки ота-она қарамоғидан маҳрум бўлган ёш фуқаро.
4. I ёки II гуруҳ ногиронлиги бўлган ёш фуқаро.
5. «Меҳрибонлик» уйи, Болалар шаҳарчаси ёки оилавий болалар уйида тарбияланган ёш фуқаро.
6. Ишсиз ёш фуқаро.
7. Жазони ижро этиш муассасаларидан қайтган ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
11-ИЛОВА
«Ёшлар дафтари»га киритилган ёшларнинг илм-фан, спорт, санъат ва маданият йўналишларидаги олимпиада, танлов ва мусобақаларда қатнашиш харажатлари учун субсидия ажратиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Илм-фан, спорт, санъат ва маданият йўналишларидаги олимпиада, танлов ва мусобақаларда қатнашиш харажатларини қоплаш учун субсидия ажратишни сўраб, туман (шаҳар) «Ёшлар дафтари» жамғармаси Васийлик кенгашига танлов ва мусобақаларда иштирок этиш ҳуқуқини тасдиқловчи ҳужжатлар ва спортни ривожлантириш бўлими, маданият бўлими, халқ таълими бўлими ёки тегишли спорт федерацияларининг Васийлик кенгаши номига юборилган расмий хатини тақдим этган ҳолда ариза беради.

1 иш куни ичида

2-босқич

Васийлик кенгаши

Аризани ўрганиш натижалари асосида олимпиада, танлов ва мусобақаларнинг маҳаллий ва халқаро босқичларида қатнашиш билан боғлиқ харажатлар учун субсидия ажратиш бўйича қарор қабул қилади.

3 иш куни ичида

3-босқич

Туман (шаҳар) ҳокимлари

Васийлик кенгаши қарорига мувофиқ ариза берувчининг олимпиада, танлов ва мусобақаларнинг маҳаллий ва халқаро босқичларига бориш-келиш билан боғлиқ харажатлари учун маблағларни транспорт, темир йўл ва авиачиптани сотган ташкилотларнинг ҳисоб рақамига, яшаш билан боғлиқ харажатлари учун маблағларни ариза берувчининг банк пластик картасига ўтказиб беради.

3 иш куни ичида

* «Ёшлар дафтари»га киритилган қуйидаги тоифадаги ёшларга илм-фан, спорт, санъат ва маданият йўналишларидаги олимпиада, танлов ва мусобақаларда қатнашиш харажатлари қоплаб берилади:
1. Оила аъзоси «Темир дафтар», «Аёллар дафтари» ёки «Ижтимоий ҳимоя ягона реестри»АТга киритилган ёш фуқаро.
2. Ижтимоий ҳимояга муҳтож бўлган ёш фуқаро.
3. Боқувчисини йўқотган, етим ёки ота-она қарамоғидан маҳрум бўлган ёш фуқаро.
4. I ёки II гуруҳ ногиронлиги бўлган ёш фуқаро.
5. «Меҳрибонлик» уйи, Болалар шаҳарчаси ёки оилавий болалар уйида тарбияланган ёш фуқаро.
6. Ишсиз ёш фуқаро.
7. Жазони ижро этиш муассасаларидан қайтган ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
12-ИЛОВА
«Ёшлар дафтари»га киритилган ёшларни таълим, маданият, санъат, спорт, ахборот технологиялари соҳасига ва фанларни ўқитишга ихтисослашган нодавлат таълим ташкилотининг нотурар жой ижара харажатларини қоплаш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Таълим, маданият, санъат, спорт, ахборот технологиялари соҳасига ва фанларни ўқитишга ихтисослашган нодавлат таълим ташкилотининг нотурар жой ижара харажатларини қоплаш учун туман (шаҳар) «Ёшлар дафтари» жамғармаси Васийлик кенгашига ариза беради.

Ўқишни бошлаганда

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

3 иш куни ичида

3-босқич

Маҳалладаги ёшлар етакчиси

Ариза берувчининг ижара харажатларини қоплаш бўйича тавсия ёки рад этиш ҳақидаги хабарномани Васийлик кенгашига юборади. Бунда субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади

5 иш куни ичида

Васийлик кенгаши

Маҳалладаги ёшлар етакчиси томонидан белгиланган муддатда ариза берувчининг ўқиш харажатларини қоплаш бўйича тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Бино ва иншоотлар ижара харажатларини қоплаш учун белгиланган маблағларни ижарага берувчининг ҳисоб рақамига ўтказади.

3 иш куни ичида

5-босқич

Маҳалладаги ёшлар етакчиси

Ариза берувчининг ҳақиқатда бино-иншоотдан фойдаланилаётганини мониторинг қилиб боради.

Ҳар ойда камида бир марта

* Таълим, маданият, санъат, спорт, ахборот технологиялари соҳасига ва фанларни ўқитишга ихтисослашган нодавлат таълим ташкилоти номидан иш юритиш ваколатига эга бўлган шахс.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
13-ИЛОВА
«Ёшлар дафтари»га киритилган бемор ёшларга даволаниш харажатлари учун субсидия ажратиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Мамлакатда ёки хорижий давлатларда даволаниш харажатларини қоплаш мақсадида маҳалладаги ёшлар етакчисига ариза беради.

1 иш куни ичида

2-босқич

Маҳалладаги ёшлар етакчиси

Ариза берувчининг шароитини ўрганади ва тиббий ҳолатини текшириш учун ҳудудий бирламчи тиббий-санитария муассасасидан шифокор жалб қилади.

3 иш куни ичида

3-босқич

Бирламчи тиббий-санитария муассасаси

Ариза берувчининг соғлиғи билан боғлиқ ҳолатни баҳолайди ва белгиланган тартибда даволаш учун тегишли бирламчи, вилоят, республика ёки халқаро даражадаги тиббиёт муассасасига йўлланма беради.

5 иш куни ичида

4-босқич

Маҳалладаги ёшлар етакчиси

Тиббий-санитария муассасаси хулосалари асосида тавсия ёки рад этиш ҳақидаги хабарномани туман (шаҳар) «Ёшлар дафтари» жамғармаси Васийлик кенгашига юборади. Бунда субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

3 иш куни ичида

Васийлик кенгаши

Ёшлар етакчиси уч иш куни ичида ариза берувчининг соғлиғини баҳолаш учун шифокор жалб қилмасдан ёки субсидия ажратишни асоссиз рад этиш ҳақида хабарнома берса, ариза берувчининг мурожаатини қаноатлантиради.

3 иш куни ичида

 

5-босқич

Васийлик кенгаши

Даволаниш харажатлари учун маблағларни ариза берувчининг банк пластик картасига ўтказиб беради. Хорижда даволаниш зарурати пайдо бўлганда, бориш-келиш харажатлари учун маблағларни транспорт, темир йўл ва авиачипта учун маблағларни ташкилотларнинг ҳисоб рақамига, яшаш харажатлари ариза берувчининг банк пластик картасига ўтказиб беради.

3 иш куни ичида

* «Ёшлар дафтари»га киритилган қуйидаги тоифадаги бемор ёшларга даволаниш харажатлари қоплаб берилади:
1. «Темир дафтар»га киритилган оила фарзанди.
2. «Аёллар дафтари»га киритилган аёллар фарзанди.
3. «Ижтимоий ҳимоя ягона реестри»АТга киритилган оила фарзанди.
4. Саломатлигида нуқсони мавжуд ва оиласи кам таъминланган ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
14-ИЛОВА
«Ёшлар дафтари»га киритилган психологик маслаҳатга муҳтож ёшларга пуллик психологик хизмат кўрсатилиши билан боғлиқ харажатларни қоплаш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Пулли психологик хизмат кўрсатиш билан боғлиқ харажатларни қоплаш мақсадида маҳалладаги ёшлар етакчисига ариза беради.

1 иш куни ичида

2-босқич

Маҳалладаги ёшлар етакчиси

Ариза берувчининг шароитини ўрганади ва пулли психологик хизмат кўрсатиш билан боғлиқ харажатларни қоплаш учун туман (шаҳар) «Ёшлар дафтари» жамғармаси Васийлик кенгашига тавсиянома беради.

3 иш куни ичида

3-босқич

Васийлик кенгаши

Ёшлар етакчисининг тавсияси асосида пулли психологик хизмат кўрсатиш билан боғлиқ харажатларни қоплаш учун қарор қабул қилади ва туман (шаҳар) ҳокимликларига юборади.

3 иш куни ичида

Туман (шаҳар) ҳокимликлари

Васийлик кенгаши қарори асосида психологик хизмат кўрсатиш билан боғлиқ харажатлар учун маблағларни психологик ёрдам берувчи ташкилотнинг банк ҳисоб рақамига ўтказиб беради.

3 иш куни ичида

* «Ёшлар дафтари»га киритилган ва психологик маслаҳатга муҳтож ёшларга пуллик психологик хизмат кўрсатиш харажатлари қоплаб берилади
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
15-ИЛОВА
«Ёшлар дафтари»га киритилган ёшларнинг сафарбарлик чақируви резервидаги хизматни ўташ бадалини тўлиқ миқдорда қоплаш учун субсидия ажратиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Сафарбарлик чақируви резервидаги хизматни ўташ бадалини тўлиқ қоплаш учун субсидия ажратишни сўраб, туман (шаҳар) «Ёшлар дафтари» жамғармаси Васийлик кенгашига мудофаа ишлари бўлими билан тузилган шартнома нусхасини тақдим этган ҳолда ариза беради.

1 иш куни ичида

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

3 иш куни ичида

3-босқич

Маҳалладаги ёшлар етакчиси

Ариза берувчининг сафарбарлик чақируви резервидаги хизматни ўташ бадалини тўлиқ қоплаш учун субсидия ажратиш бўйича тавсия ёки рад этиш ҳақидаги хабарномани Васийлик кенгашига юборади. Бунда, субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Маҳалладаги ёшлар етакчиси томонидан белгиланган муддатда ариза берувчининг сафарбарлик чақируви резервидаги хизматни ўташ бадалини тўлиқ қоплаш бўйича тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради ва Васийлик кенгаши қарорини туман (шаҳар) ҳокимликларига юборади

5 иш куни ичида

4-босқич

Туман (шаҳар) ҳокимликлари

Васийлик кенгашининг субсидия ажратиш ҳақидаги қарори асосида сафарбарлик чақируви резервидаги хизматни ўташ билан боғлиқ харажатлар учун маблағлар туман (шаҳар) мудофаа ишлари бўлимининг тегишли ҳисобрақамига ўтказиб беради.

3 иш куни ичида

* «Ёшлар дафтари»га киритилган қуйидаги тоифадаги ёшларга сафарбарлик чақируви резервидаги хизматни ўташ бадалини қоплаш учун субсидия ажратилади:
1. «Темир дафтар»га киритилган оила фарзанди.
2. «Аёллар дафтари»га киритилган аёллар фарзанди.
3. «Ижтимоий ҳимоя ягона реестри» орқали кам таъминланган деб эътироф этилган оила фарзанди.
4. «Меҳрибонлик» уйлари, Болалар шаҳарчалари ва оилавий болалар уйларида тарбияланган ёш фуқаро.
5. Оиласи кам таъминланган ишсиз ёш фуқаро.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
16-ИЛОВА
Турмуш қураётган ёшларнинг ўз хонадонида қўшимча уй-жой қуриш учун гаровсиз кредит олишга учун кафиллик бериш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Турмуш қураётган ёшлар ўз хонадонида қўшимча уй-жой қуриш учун гаровсиз кредит олиш учун кафиллик ажратилишини сўраб туман (шаҳар) «Ёшлар дафтари» жамғармаси васийлик кенгашига тижорат банкининг кафиллик бериш ҳақидаги хати билан бирга ариза беради.

1 иш куни ичида

2-босқич

Васийлик кенгаши

Мурожаатни унга илова қилинган шартнома билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

3 иш куни ичида

3-босқич

Маҳалладаги ёшлар етакчиси

Ариза берувчига кафиллик бериш бўйича тавсия ёки рад этиш ҳақидаги хабарномани Васийлик кенгашига юборади. Бунда, кафиллик беришни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Маҳалладаги ёшлар етакчиси Васийлик кенгашига белгиланган муддатда кафиллик бериш учун тавсия ёки рад этиш ҳақида хабарнома бермаса ёки асоссиз рад этилганлиги аниқланса Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Мурожаатни ўрганиш натижаларига кўра ариза берувчига кафиллик беради.

3 иш куни ичида

* Турмуш қураётган ёшларнинг ўз хонадонида қўшимча уй-жой қуриш учун гаровсиз кредит ажратишга қуйидаги тоифадаги ёшларга кафиллик берилади:
«Ёшлар дафтари»га киритилган, никоҳи қайд этилганига 3 йилдан ошмаган ёш фуқаро
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
17-ИЛОВА
«Ёшлар дафтари»га киритилган ижтимоий ҳимояга муҳтож ёш оилаларга турар жой ижараси учун субсидия ажратиш
СХЕМАСИ

Босқич

Субъектлар

Тадбирлар

Муддатлар

1-босқич

Ариза берувчи*

Турар жой ижараси учун субсидия ажратишни сўраб, туман (шаҳар) «Ёшлар дафтари» жамғармаси Васийлик кенгашига турар жой ижара шартномаси нусхаси ва ижара шартномасининг солиқ органларида ҳисобга қўйилганлиги ҳақидаги билдиришнома билан бирга ариза беради.

1 иш куни ичида

2-босқич

Васийлик кенгаши

Мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

3 иш куни ичида

3-босқич

Маҳалладаги ёшлар етакчиси

Ариза берувчининг ўқиш харажатларини қоплаш бўйича тавсия ёки рад этиш ҳақидаги хабарномани Васийлик кенгашига юборади. Бунда, субсидия ажратишни рад этиш ҳақида хабарнома юборилганда, рад этиш сабаблари асослантирилиши талаб этилади.

5 иш куни ичида

Васийлик кенгаши

Маҳалладаги ёшлар етакчиси томонидан белгиланган муддатда ариза берувчининг ўқиш харажатларини қоплаш бўйича тавсия ёки рад этиш ҳақида хабарнома берилмаса ёки асоссиз рад этилганлиги аниқланса, Васийлик кенгаши ариза берувчининг мурожаатини қаноатлантиради.

5 иш куни ичида

4-босқич

Васийлик кенгаши

Субсидия ажратиш ҳақидаги қарор асосида ҳар ойнинг 5-санасига қадар ижара харажатларининг ойлик тўловлари ижарага берувчининг банк пластик картасига ўтказиб беради.

3 иш куни ичида

5-босқич

Маҳалладаги ёшлар етакчиси

Ариза берувчининг ижарага олинган турар жойда яшаётганлигини мониторинг қилиб боради.

Ҳар ойда камида бир марта

* Ёш оилаларга турар-жой ижараси учун «Ёшлар дафтари»га киритилган қуйидаги тоифадаги ёшлар учун субсидия ажратилади:
1. Эри (ёки хотини) «Темир дафтар»га киритилган ёш оила.
2. «Аёллар дафтари»га киритилган аёлларнинг турмуш қурган фарзанди (ёш фуқаро).
3. Эри (ёки хотини) «Ижтимоий ҳимоя ягона реестри»га киритилган ёш оила.
4. Ижтимоий ҳимояга муҳтож ёш оила.
«Ёшлар дафтари»ни юритиш орқали ёшлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомга
18-ИЛОВА
Ёшларнинг бўш вақтини мазмунли ўтказиш, ҳуқуқий саводхонлигини ошириш ҳамда «Беш муҳим ташаббус» доирасидаги тадбирларни молиялаштириш
СХЕМАСИ

Босқич

Субъектлар

Тадбирлар

Муддатлар

1-босқич

Маҳалладаги ёшлар етакчиси

Ёшлар ишлари агентлигининг туман (шаҳар) бўлимларига календарь режага мувофиқ чораклик лойиҳа, танлов ва тадбирлар сони ва туридан келиб чиқиб, товар моддий бойликлар ажратиш бўйича мурожаат юборади.

Ҳар чоракдан аввалги ойнинг 25-кунига қадар

Ёшлар ишлари агентлигининг туман (шаҳар) бўлими

Маҳаллалар бўйича чораклик лойиҳа, танлов ва тадбирлар сони ва тури тўғрисидаги маълумотларни календарь режага мувофиқлигини текширади ва ажратиладиган товар моддий бойликлар тури ва сони тўғрисидаги маълумотларни «Ёшлар дафтари» жамғармаси Васийлик кенгашига юборади.

5 иш куни ичида

2-босқич

Васийлик кенгаши

Маҳаллалар бўйича режадаги товар моддий бойликлар харид қилиш тўғрисида қарор қабул қилади ва Қарор асосида товар моддий бойликлар «Ёшлар дафтари» жамғармаси маблағлари ҳисобидан қонунчиликда белгиланган тартибда харид қилади.

Қонунчиликда белгиланган муддатларда

 

Васийлик кенгаши

Товар моддий бойликларни Ёшлар ишлари агентлигининг туман (шаҳар) бўлимларига етказилишини таъминлайди.

3 иш куни ичида

3-босқич

Ёшлар ишлари агентлигининг туман (шаҳар) бўлими

Товар моддий бойликларни маҳаллалар бўйича тақсимлаб, маҳалладаги ёшлар етакчиларига тарқатади.

2 иш куни ичида

Маҳалладаги ёшлар етакчиси

Товар моддий бойликларни ёшларга тарқатиш бўйича, топшириш, қабул қилиш далолатномасини расмийлаштиради ва қонунчиликда белгиланган тартибда Ёшлар ишлари агентлигининг туман (шаҳар) бўлимларига ҳисобот топширади.

3 иш куни ичида

Кейинги таҳрирга қаранг.
Вазирлар Маҳкамасининг 2022 йил 7 июндаги 312-сон қарорига
3-ИЛОВА
Олий таълим ташкилотлари талабалари ўртасида интеллектуал олимпиадага тайёргарлик кўриш ва уни ўтказиш бўйича ташкилий қўмита
ТАРКИБИ

1.

А.З. Саъдуллаев

—

Ёшлар ишлари агентлиги директори, Ташкилий қўмита раиси

2.

А.Ҳ. Тошқулов

—

олий ва ўрта махсус таълим вазири, Ташкилий қўмита ҳамраиси

3.

Ш.Ў. Турдиқулова

—

инновацион ривожланиш вазирининг ўринбосари

4.

А.У. Аслонов

—

спортни ривожлантириш вазирининг ўринбосари

5.

Б.Т. Абдуллаев

—

ички ишлар вазирининг ўринбосари

6.

И.А. Ибрагимов

—

Миллий гвардия қўмондонининг жамоат хавфсизлигини таъминлаш бўйича биринчи ўринбосари

7.

К.Х. Абдижалилов

—

фавқулодда вазиятлар вазирининг ўринбосари

8.

А.Ш. Иноятов

—

соғлиқни сақлаш вазирининг биринчи ўринбосари

9.

А.Д. Хаджаев

—

Ўзбекистон Миллий телерадиокомпанияси раиси

10.

Х.Ғ. Худойбердиев

—

Ўзбекистон Миллий ахборот агентлиги бош директорининг ўринбосари

11.

Н.Э. Давлетова

—

Миллий масс-медиани қўллаб-қувватлаш ва ривожлантириш жамоат фонди директори

12.

А.М. Абдуллаев

—

«Заковат» интеллектуал ўйинлар клуби кенгашининг раиси — клуб президенти

13.

У.М. Наримов

—

«Заковат интеллектуал клуби» нодавлат нотижорат ташкилоти директори

14.

Л.Ў. Мингишев

—

Олий ва ўрта махсус таълим вазирлигининг бошқарма бошлиғи

15.

Б.К. Аралбаева

—

Ёшлар ишлари агентлигининг бўлим бошлиғи, Ташкилий қўмита котиби

Изоҳ.
Ташкилий қўмита аъзолари бошқа ишга ўтган тақдирда, унинг таркибига ушбу лавозимга янгидан тайинланган ёки зиммасига тегишли вазифаларни бажариш юкланган ходимлар киритилади.
Ташкилий қўмита ишига бошқа вазирлик, идора ва ташкилотлар, шунингдек, фуқаролик жамияти институтларининг вакиллари жалб қилиниши мумкин.
Вазирлар Маҳкамасининг 2022 йил 7 июндаги 312-сон қарорига
4-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2017 йил 23 ноябрдаги 940-сон қарори билан тасдиқланган Ҳудудларни ижтимоий-иқтисодий ривожлантиришнинг долзарб масалаларини ҳал этишда фуқароларнинг ўзини ўзи бошқариш органлари роли ва фаолияти самарадорлигини янада оширишга доир комплекс чора-тадбирлар дастурининг 7-позицияси «Масъул ижрочилар» устуни қуйидаги таҳрирда баён этилсин:
«Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Маҳалла ва нуронийларни қўллаб-қувватлаш вазирлиги, Ёшлар ишлари агентлиги».
2. Вазирлар Маҳкамасининг 2018 йил 15 августдаги 666-сон қарори билан тасдиқланган Давлат умумий ўрта таълим муассасалари ўқувчилари учун замонавий ягона мактаб формасини жорий этиш тартиби тўғрисидаги низомнинг 20-бандидан «ёшлар етакчиси» сўзлари чиқариб ташлансин.
3. Вазирлар Маҳкамасининг 2020 йил 25 мартдаги 182-сон қарори билан тасдиқланган Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисида низомда:
а) 10-банд қуйидаги мазмундаги «ж» кичик банд билан тўлдирилсин:
«ж) ариза берувчининг алоҳида намуна кўрсатаётган ёш оилалар тоифасига мансублигини тасдиқловчи ҳужжатлар (фан, санъат, адабиёт, спорт соҳасида ва бошқа соҳаларда юқори натижаларга эришганлигини, турли мусобақалар, танловлар ёки олимпиадаларнинг совриндори бўлганини ёхуд меҳнат жамоасида алоҳида намуна кўрсатганлигини тасдиқловчи ҳужжатлар)»;
б) 15-банднинг ўнинчи хатбошиси қуйидаги таҳрирда баён этилсин:
«Ёшлар ишлари агентлигининг туман (шаҳар) бўлими — ариза берувчининг алоҳида намуна кўрсатаётган ёш оилалар тоифасига мансублигини (маҳалладаги ёшлар етакчисининг тавсиясига асосан)»;
в) 1-илова қуйидаги таҳрирда баён этилсин:
«Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисидаги низомга
1-ИЛОВА
Уй-жойга муҳтож фуқароларни аниқлашнинг ижтимоий
МЕЗОНЛАРИ

Т/р

Мезонлар

Балл

Масъул орган

I. Ариза берувчи ва/ёки унинг оиласининг даромади

(меҳнатга ҳақ тўлашнинг энг кам миқдори — МҲТЭКМ асосида)

Қишлоқ жойларда (туман ва туман марказлари)

1.

МҲТЭКМнинг 3,0 бараварига тенг ва ундан кўп бўлган, 6,0 бараварига тенг ва ундан кам бўлган

10

Туман (шаҳар) давлат солиқ инспекцияси

2.

МҲТЭКМнинг 6,0 бараваридан кўп бўлган, 6,5 бараварига тенг ва ундан кам бўлган

6

3.

МҲТЭКМнинг 6,5 бараваридан кўп бўлган, 6,9 бараварига тенг ва ундан кам бўлган

2

Туман (шаҳар) давлат солиқ инспекцияси

Шаҳарларда (Қорақалпоғистон Республикаси ва вилоятлар шаҳарлари)

1.

МҲТЭКМнинг 3,0 бараварига тенг ва ундан кўп бўлган, 7,0 бараварига тенг ва ундан кам бўлган

10

Туман (шаҳар) давлат солиқ инспекцияси

2.

МҲТЭКМнинг 7,0 бараваридан кўп бўлган, 7,5 бараварига тенг ва ундан кам бўлган

6

3.

МҲТЭКМнинг 7,5 бараваридан кўп бўлган, 8,0 бараварига тенг ва ундан кам бўлган

2

Тошкент шаҳрида

1.

МҲТЭКМнинг 3,0 бараварига тенг ва ундан кўп бўлган 8,0 бараварига тенг ва ундан кам бўлган

10

Туман (шаҳар) давлат солиқ инспекцияси

2.

МҲТЭКМнинг 8,0 бараваридан кўп бўлган 8,5 бараварига тенг ва ундан кам бўлган

6

3.

МҲТЭКМнинг 8,5 бараваридан кўп бўлган 9,2 бараварига тенг ва ундан кам бўлган

2

II. Ҳозирги турар жой мақоми*

1.

Ижара (эр-хотин ўз мулкида уй-жойи мавжуд эмас)

20

Туман (шаҳар) давлат солиқ инспекцияси,

Кадастр агентлиги туман (шаҳар) бўлими

2.

Эгасининг рухсати билан текин турар жой (эр-хотин ўз мулкида уй-жойи мавжуд эмас)

3.

Ариза берувчи яроқсиз якка тартибдаги уй-жойда яшаши ёки уй-жой яшаш майдонининг бир шахс учун қонунчилик ҳужжатларида назарда тутилган ижтимоий нормага мувофиқ эмаслиги.

III. Ижтимоий ҳимояга муҳтож бўлган айрим шахслар

1.

«labor-migration» дастурида рўйхатдан ўтган меҳнат мигранти

10

Туман (шаҳар) бандликка кўмаклашиш маркази

2.

Етим болалар ва ота-онасининг қарамоғидан маҳрум бўлган болалар

10

Туман (шаҳар) ҳокимлиги

3.

Алоҳида намуна кўрсатаётган ёш оилалар**

10

Ёшлар ишлари агентлигининг туман (шаҳар) бўлими

4.

Оғир ижтимоий вазиятга тушиб қолган аёллар***

10

Туман (шаҳар) оила ва хотин-қизлар бўлими

5.

Ягона (ёлғиз) боқувчига эга бўлган оила (эркак ёки аёл)

9

6.

Бошқалар

0

IV. Ариза берувчи ва унинг оиласидаги шахсларнинг қуйидаги тоифага мансублиги****

1.

Биринчи гуруҳ ногиронлиги бўлган шахс

10

Туман тиббиёт бирлашмаси хулосаси

2.

Сурункали касалликнинг оғир турларидан азоб чекувчи

10

3.

Оғир ногиронликка олиб келувчи касалликка чалинган болани парваришлаётган

10

Жами балл:

50

Изоҳ.
* Тўлиқ ўз мулкида уй-жойга эга бўлган оилалар (эр ёки хотин)га субсидия ажратилмайди.
** Маҳалладаги ёшлар етакчисининг тавсиясига асосан балл берилади.
*** III бўлимдаги «Оғир ижтимоий вазиятга тушиб қолган аёллар» мезони бўйича 10 балл олган номзодларга IV бўлим мезонлари бўйича балл берилмайди.
Шунингдек, IV бўлим мезонлари бўйича 10 балл олган номзодларга III бўлимдаги «Оғир ижтимоий вазиятга тушиб қолган аёллар» мезони бўйича балл берилмайди.
**** III ва IV бўлимлар бўйича балл битта мезонга берилади»;
д) 4-иловада:
2-босқич «Тадбирлар» устуни «Ёшлар ишлари агентлигининг туман (шаҳар) бўлимига» сўзларидан кейин «ва маҳалладаги ёшлар етакчисига» сўзлари билан тўлдирилсин;
3-босқич «Субъектлар» устунидаги «Ёшлар ишлари агентлигининг туман (шаҳар) бўлими» сўзларидан кейин «маҳалладаги ёшлар етакчиси тавсияси асосида» сўзлари билан тўлдирилсин.
4. Вазирлар Маҳкамасининг 2020 йил 11 сентябрдаги 550-сон қарори билан тасдиқланган Ўзбекистон Республикаси Ёшлар ишлари агентлиги тўғрисидаги низомда:
а) 10-банд қуйидаги таҳрирда баён этилсин:
«10. Ҳудудий бошқармалар ва туман (шаҳар) бўлимлари юридик шахс ташкил этган ҳолда фаолият юритади»;
б) 11-банд қуйидаги таҳрирда баён этилсин:
«11. Қуйидагилар Агентликнинг асосий вазифалари ҳисобланади:
ёшлар билан боғлиқ соҳа ва йўналишларда ягона давлат сиёсатини, стратегик йўналишлар ва давлат дастурларини ишлаб чиқиш ҳамда амалга ошириш;
мамлакатимизда ёшларни қўллаб-қувватлаш, уларнинг қонуний ҳуқуқ ва манфаатларини ҳимоя қилишга қаратилган норматив-ҳуқуқий ҳужжатларни такомиллаштириш юзасидан таклифлар тайёрлаш;
ёшларга оид давлат сиёсати тўғрисидаги қонунчиликка риоя этилиши устидан назоратни амалга ошириш;
ёшларни Ватанга садоқат, миллий ва умуминсоний қадриятларга ҳурмат руҳида тарбиялаш, уларнинг соғлиғига зарар етказувчи ахборотдан ҳимоя қилиш, ўсиб келаётган ёш авлодни илм-фан ва инновацияларга кенг жалб этиш, уларни «Миллий тикланишдан — миллий юксалиш сари!» ғояси атрофида бирлаштиришга қаратилган чора-тадбирларни амалга ошириш;
ёшларнинг ҳуқуқ ва эркинликлари, қонуний манфаатларини ҳимоя қилиш, ёшлар ўртасида ҳуқуқбузарликлар ва жиноятчилик профилактикасини, шу жумладан, ҳуқуқбузарликларнинг махсус профилактикасига қаратилган чора-тадбирларни амалга оширишда фаол иштирок этиш;
ёшларга оид давлат сиёсатини амалга ошириш жараёнида нодавлат нотижорат ташкилотлар ва фуқаролик жамиятининг бошқа институтлари билан самарали ҳамкорлик қилиш;
ёшларга оид дастурлар, лойиҳалар ва илмий-тадқиқот ишларини молиялаштириш учун ижтимоий буюртма шаклида ажратиладиган давлат грантлари ва субсидияларни тақсимлаш, улардан мақсадли ва самарали фойдаланилишини таъминлаш;
ижтимоий ҳимояга муҳтож, етим ва ота-онасининг қарамоғидан маҳрум бўлган ёшларнинг ижтимоий-ҳуқуқий ҳимоясини ташкил этиш, шунингдек, ҳуқуқбузарликдан жабрланувчиларни, ҳуқуқбузарликлар содир этишга мойил бўлган, ҳуқуқбузарлик содир этган, шу жумладан, илгари судланган ва озодликдан маҳрум этиш жойларидан озод қилинган ёшларни ижтимоий реабилитация қилиш ва ижтимоий мослаштириш бўйича чора-тадбирларни амалга оширишда иштирок этиш;
иқтидорли ёшларни етакчи хорижий олий таълим муассасаларига таълим олиш учун юбориш, халқаро танловларда иштирок этишини таъминлаш, ёш авлодни маданият, санъат, жисмоний тарбия ва спортга кенг жалб этиш, уларнинг ахборот технологиялари бўйича саводхонлигини ошириш, ёшлар ўртасида китобхонликни тарғиб қилиш, хотин-қизлар бандлигини таъминлаш вазифаларини қамраб олган бешта муҳим ташаббусни кенг жорий этишга қаратилган ишларни мувофиқлаштириш;
ёшларнинг интеллектуал ривожланишга бўлган интилишларини қўллаб-қувватлаш ва бу соҳадаги ишларни мувофиқлаштириб бориш;
ёшларни кичик бизнес ва хусусий тадбиркорликка кенг жалб этиш, замонавий касб-ҳунарлар, рақамли иқтисодиёт кўникмаларини пухта эгаллашлари учун қўшимча шарт-шароитлар яратиш, уларни иш билан таъминлаш жараёнларига кўмаклашиш;
ёшлар сиёсати соҳасида халқаро ҳамкорликни ривожлантириш, ёшлар соҳасидаги халқаро рейтингларда мамлакатимиз мавқеини ошириш бўйича зарур чоралар кўриш, хорижда таълим олаётган ёшлар билан олиб борилаётган ишларни тизимли йўлга қўйиш;
ёшлар фаолияти билан боғлиқ соҳаларга хорижий инвестициялар ва илғор технологияларни жалб қилиш бўйича манфаатдор вазирликлар ва идоралар билан биргаликда халқаро молия институтлари, донор мамлакатлар ҳамда хорижий ташкилотлар билан ҳамкорликни ривожлантириш»;
в) 12-бандда:
«а» кичик банд қуйидаги мазмундаги хатбоши билан тўлдирилсин:
«ёшларга оид давлат сиёсатининг рўёбга чиқарилишини таҳлил қилади, шунингдек, уни такомиллаштириш бўйича таклифлар ишлаб чиқади»;
«в» кичик банд қуйидаги таҳрирда баён этилсин:
«в) ёшларга оид давлат сиёсати тўғрисидаги қонунчиликка риоя этилиши устидан назоратни амалга ошириш соҳасида:
ёшларга оид давлат сиёсати тўғрисидаги қонунчиликка риоя этилиши устидан назоратни амалга оширади;
ёшларнинг таълим, илм-фан, спорт, маданият ва бошқа соҳалардаги фаолияти ва ташаббусларини қўллаб-қувватлашга оид вазифаларни рўёбга чиқариш мақсадида қонун ҳужжатларига риоя этилиши устидан назоратни ташкил этади, зарур ҳолларда ушбу вазифаларни ҳуқуқни муҳофаза қилувчи ва назорат қилувчи органлар ходимларини жалб қилган ҳолда амалга оширади;
ўз ваколатлари доирасида ёшлар ҳуқуқларини ҳимоя қилиш ҳамда ёшларга оид давлат сиёсати тўғрисидаги қонунчилик ҳужжатларининг бузилиши ҳолатларини бартараф этиш юзасидан ташкилотлар, муассасалар ва корхоналарга бажарилиши мажбурий бўлган кўрсатмалар киритади;
ёшларга оид давлат сиёсати тўғрисидаги қонунчиликнинг аниқланган бузилишларини, уларга имкон берувчи сабаблар ва шарт-шароитларни бартараф этиш ҳақида давлат органлари ва ташкилотлари раҳбарларига кўриб чиқилиши мажбурий бўлган тақдимномалар киритади;
давлат органлари ва ташкилотларининг ёшларга оид фаолиятини таҳлил қилади, баҳолайди ва улар бўйича хулосалар тайёрлайди, шунингдек, ушбу соҳадаги ишларни такомиллаштириш бўйича тавсиялар ишлаб чиқади;
ёшларга оид қонунчилик ҳужжатлари ижросининг ҳолати тўғрисидаги ахборот ва материалларни таҳлил қилади ҳамда умумлаштиради, уларни такомиллаштириш бўйича таклифлар тайёрлайди;
«Ёшлар баланси»ни шакллантиради, ёшлар тўғрисидаги зарур маълумотларни «Ёшлар дафтари» ва «Ёшлар портали» электрон платформаларига киритиб боради, улар билан самарали иш ташкил қилади»;
«г» кичик бандда:
биринчи хатбоши қуйидаги таҳрирда баён этилсин:
«ёшларни Ватанга садоқат, миллий ва умуминсоний қадриятларга ҳурмат руҳида тарбиялаш, уларнинг соғлиғига зарар етказувчи ахборотдан ҳимоя қилиш, ўсиб келаётган ёш авлодни илм-фан ва инновацияларга кенг жалб этиш, уларни «Миллий тикланишдан — миллий юксалиш сари!» ғояси атрофида бирлаштиришга қаратилган чора-тадбирларни амалга ошириш соҳасида:»;
қуйидаги мазмундаги хатбошилар билан тўлдирилсин:
«болаларнинг ҳар томонлама, уйғун ривожланишига ҳамда миллий ва умуминсоний қадриятларга ҳурмат руҳида тарбияланишига кўмаклашувчи ахборотдан эркин фойдаланиш учун уларга шароитлар яратади;
болаларни уларнинг соғлиғига зарар етказувчи ахборотдан ҳимоя қилишни таъминлашга қаратилган чора-тадбирларни амалга оширади;
болаларни уларнинг соғлиғига зарар етказувчи ахборотдан ҳимоя қилиш соҳасида якка тартибдаги профилактика ишларини амалга оширишда иштирок этади;
болаларнинг ахборотга оид ва ҳуқуқий маданиятини юксалтиришга, шунингдек, маънавий-ахлоқий тарбиясига доир фаолиятда иштирок этади;
болаларни уларнинг соғлиғига зарар етказувчи ахборотдан ҳимоя қилишга доир фаолиятни амалга оширувчи ҳамда ушбу фаолиятда иштирок этувчи бошқа органлар ва ташкилотлар билан ҳамкорлик қилади»;
«д» кичик банд қуйидаги таҳрирда баён этилсин:
«д) ёшларнинг ҳуқуқ ва эркинликлари, қонуний манфаатларини ҳимоя қилиш, ёшлар ўртасида ҳуқуқбузарликлар ва жиноятчилик профилактикасини, шу жумладан, ҳуқуқбузарликларнинг махсус профилактикасига қаратилган чора-тадбирларни амалга оширишда фаол иштирок этиш соҳасида:
ёшларнинг ҳуқуқлари, эркинликлари ва қонуний манфаатларини ҳимоя қилиш, уларнинг ўз иқтидор ва истеъдодларини тўлақонли намоён этишлари ҳамда имкониятларидан тўлиқ фойдаланишларига тўсқинлик қилувчи омилларни аниқлаш ва бартараф этиш, ёшлар ўртасида ҳуқуқбузарлик ва жиноятчиликнинг олдини олишда, шу жумладан, ҳуқуқбузарликларнинг махсус профилактикасига қаратилган чора-тадбирларни амалга оширишда иштирок этади;
ёшларнинг ҳуқуқлари ва эркинликлари бузилиши тўғрисидаги мурожаатларини кўриб чиқади, уларнинг бузилган ҳуқуқларини тиклаш бўйича қонун ҳужжатларига мувофиқ чоралар кўради;
ёшлар ўртасида салбий ҳолатлар юзага келишининг олдини олиш, ҳуқуқбузарлик ва жиноятчиликни кескин камайтиришга қаратилган, шунингдек, ёшлар ўртасида назоратсизлик ва ҳуқуқбузарликларнинг профилактикасида иштирок этади;
ёшларнинг ҳуқуқий маданиятини оширишга қаратилган комплекс чора-тадбирларни ишлаб чиқади ва амалга оширади, шу жумладан ёшлар ўртасида жамиятда ҳуқуқий онгни юксалтиришга ва қонунийликни мустаҳкамлашга, шунингдек коррупцияга нисбатан муросасиз муносабатни шакллантиришга қаратилган ҳуқуқий тарғибот бўйича фаолиятда иштирок этади;
ёшларнинг бўш вақтларини мазмунли ташкил этиш мақсадида уларнинг фикр-мулоҳазаларини ўрганишга қаратилган ижтимоий сўровлар ўтказади ва натижаси бўйича тегишли тадбирларни белгилайди;
ёшлар ўртасида ҳуқуқбузарликлар содир этилишига имкон бераётган сабаблар ва шарт-шароитларни аниқлашда ҳамда бартараф этишда кўмаклашади»;
«з» кичик банд «ж» кичик банд деб ўқилсин;
«ж» ва «и» кичик бандлар қуйидаги таҳрирда баён этилсин:
«з) ижтимоий ҳимояга муҳтож, етим ва ота-онасининг қарамоғидан маҳрум бўлган ёшларнинг ижтимоий-ҳуқуқий ҳимоясини ташкил этиш, шунингдек, ҳуқуқбузарликдан жабрланувчиларни, ҳуқуқбузарликлар содир этишга мойил бўлган, ҳуқуқбузарлик содир этган, шу жумладан, илгари судланган ва озодликдан маҳрум этиш жойларидан озод қилинган шахсларни (ёшларни) ижтимоий реабилитация қилиш ва ижтимоий мослаштириш бўйича чора-тадбирларни амалга оширишда иштирок этиш соҳасида:
ижтимоий ҳимояга муҳтож, етим ва ота-онасининг қарамоғидан маҳрум бўлган ёшларни ҳуқуқий ва ижтимоий ҳимоя қилишга, шунингдек, уларнинг бандлигини таъминлашга қаратилган чора-тадбирларни амалга оширади;
ижтимоий ҳимояга муҳтож, етим ва ота-онасининг қарамоғидан маҳрум бўлган, шу жумладан, жазони ижро этиш муассасаларидан озод қилинган ёки ихтисослаштирилган ўқув-тарбия муассасаларидан қайтиб келган ёшлар учун белгиланган ижтимоий кафолатлар бўйича ишлар ҳолатини мунтазам равишда ўрганади, уларни таъминлаш юзасидан зарур чоралар кўради;
ижтимоий ҳимояга муҳтож, етим ва ота-онасининг қарамоғидан маҳрум бўлган, шу жумладан, жазони ижро этиш муассасаларидан озод қилинган ёки ихтисослаштирилган ўқув-тарбия муассасаларидан қайтиб келган ёшларнинг ишга жойлаштирилиши юзасидан тизимли мониторинг ўрнатади, уларнинг бандлигини таъминлаш бўйича чора-тадбирларни белгилайди ва амалга оширади;
ўз ваколатлари доирасида ижтимоий ҳимояга муҳтож, етим ва ота-онасининг қарамоғидан маҳрум бўлган, шу жумладан, жазони ижро этиш муассасаларидан озод қилинган ёки ихтисослаштирилган ўқув-тарбия муассасаларидан қайтиб келган ёшларнинг ҳуқуқларини ҳимоя қилиш юзасидан ташкилотлар, муассасалар ва корхоналарга бажарилиши мажбурий бўлган кўрсатмалар киритади;
и) иқтидорли ёшларни етакчи хорижий олий таълим муассасаларига таълим олиш учун юбориш, халқаро танловларда иштирок этишини таъминлаш, ёш авлодни маданият, санъат, жисмоний тарбия ва спортга кенг жалб этиш, уларнинг ахборот технологиялари бўйича саводхонлигини ошириш, ёшлар ўртасида китобхонликни тарғиб қилиш, хотин-қизлар бандлигини таъминлаш вазифаларини қамраб олган бешта муҳим ташаббусни кенг жорий этишга қаратилган ишларни мувофиқлаштириш соҳасида:
ёшларнинг ижодий қобилиятини ривожлантириш, маданият ва санъатга бўлган интилишини қўллаб-қувватлашга қаратилган дастурларни ишлаб чиқади ҳамда бу борадаги тадбирлар тизимли амалга оширилишини таъминлайди, ёшлар ўртасида танлов, фестивал, форум, мусобақа ва бошқа тадбирларни ташкил этади;
ёшларнинг мусиқа, рассомлик, адабиёт, театр ва санъатнинг бошқа турларига бўлган қизиқишларини оширишга қаратилган ижтимоий аҳамияти юқори бўлган лойиҳаларни рағбатлантиришни ташкил этади ва амалга оширади;
ёшлар, ёш оилалар ўртасида китобхонлик маданиятини ривожлантириш чора-тадбирларини белгилайди ва амалга оширади, танловлар ташкил этади ва ўтказади;
ёш авлодни жисмонан баркамол қилиб вояга етказиш мақсадида улар ўртасида соғлом турмуш тарзини шакллантириш юзасидан манзилли чора-тадбирларни амалга оширади;
маҳаллаларда ёшларнинг бўш вақтини мазмунли ташкил этиш, миллий халқ ўйинлари ва спорт турларини ёшлар орасида оммалаштириш, беш муҳим ташаббус лойиҳалари, ёшлар фестиваллари ва бошқа маданий-маърифий тадбирларни амалга ошириш;
ёшларнинг инновацион ғоя ва ташаббусларини ҳар томонлама қўллаб-қувватлаш, ахборот технологияларига бўлган қизиқишларини янада ривожлантириш, уларни «Ёшлар академияси» фаолиятига кенг жалб қилиш чораларини кўради;
ёшлар ўртасида волонтёрлик ташаббусларини қўллаб-қувватлайди, улар фаолиятини самарали ташкил этишга қаратилган чора-тадбирларни амалга оширади;
ёш хотин-қизларнинг бандлигини таъминлаш, уларга замонавий касб-ҳунар ўргатишга қаратилган тизимли ишларни ташкил этади»;
қуйидаги мазмундаги «и1» кичик банд билан тўлдирилсин:
«и1) ёшларнинг интеллектуал ривожланишга бўлган интилишларини қўллаб-қувватлаш ва бу соҳадаги ишларни мувофиқлаштириб бориш соҳасида:
ёшлар ўртасида интеллектуал ўйинлар, нотиқлик мусобақалари, чет тилларда мунозара ва учрашувлар ўтказади;
ёшлар ўртасида интеллектуал ўйинларни ривожлантириш ҳамда оммалаштиришга қаратилган лойиҳаларга грантлар ажратади;
интеллектуал ўйинлар ва улардаги иқтидорли иштирокчилар ҳақидаги маълумотларнинг электрон платформага киритилишини таъминлаш ва интеллектуал ўйинлар натижаларини оммавий ахборот воситаларида ёритиб боради»;
г) 19-бандда:
«а», «б» ва «в» кичик бандлар қуйидаги таҳрирда баён этилсин:
а) директорнинг биринчи ўринбосарининг асосий вазифалари:
давлат бошқаруви органлари ва хўжалик бирлашмаларининг ёшларга оид сиёсатини мувофиқлаштириш;
маҳалладаги ёшлар етакчилари билан ишлаш;
беш ташаббус лойиҳаларини мувофиқлаштириш;
жисмоний ва юридик шахсларнинг мурожаатлари билан ишлаш;
б) директор ўринбосарининг асосий вазифалари:
ёшлар бандлигини таъминлаш ва тадбиркорлигини ривожлантириш;
ёшлар ўртасида инновация ва рақамли технологияларни ривожлантириш;
ёшларни ҳарбий-ватанпарварлик руҳида тарбиялаш, уларнинг ҳуқуқий саводхонлигини ошириш;
жисмоний ва юридик шахсларнинг мурожаатлари билан ишлаш;
в) директор ўринбосарининг асосий вазифалари:
таълим муассасаларидаги ёшлар билан ишлаш;
ёшлар ўртасида интеллектуал ўйинларни ривожлантириш;
ёшлар ўртасида волонтёрликни ривожлантириш ва қўллаб-қувватлаш;
ёшларни ижтимоий ҳимоя қилиш ва улар ўртасида соғлом турмуш тарзини тарғиб қилиш;
ёшлар ташкилотлари билан халқаро алоқаларни ривожлантириш»;
жисмоний ва юридик шахсларнинг мурожаатлари билан ишлаш;
«г» кичик банд чиқариб ташлансин;
д) қуйидаги мазмундаги 191-банд билан тўлдирилсин:
191. Агентлик фаолиятининг мутасаддилик қилинадиган фаолиятларидан келиб чиқиб, қуйидагилар директор ўринбосарларининг мақсадли вазифалари ҳисобланади:
1) директорнинг биринчи ўринбосари (ёшларга оид давлат сиёсатини мувофиқлаштириш, маҳалладаги ёшлар билан ишлаш ва беш муҳим ташаббус лойиҳаларини амалга ошириш бўйича):
маҳаллаларда ёшларнинг бўш вақтини мазмунли ташкил этиш, миллий халқ ўйинлари ва спорт турларини ёшлар орасида оммалаштириш, Беш муҳим ташаббус лойиҳалари, ёшлар фестиваллари ва бошқа маданий-маърифий тадбирларни амалга ошириш;
вазирликлар, идоралар ва ташкилотлар ҳамда маҳаллий давлат ҳокимияти органларида фаолият юритаётган ёшларни қўллаб-қувватлаш;
вазирликлар, идоралар ва ташкилотлар ҳамда маҳаллий давлат ҳокимияти органлари раҳбарларининг ёшлар билан очиқ мулоқотларини ташкил этиш;
Беш муҳим ташаббус доирасидаги ишларни тизимли равишда мувофиқлаштириш орқали ёшлар қамровини кенгайтириш;
жисмоний ва юридик шахсларнинг мурожаатлари билан ишлаш;
«Ijro.gov.uz» ижро интизоми идоралараро ягона электрон тизими орқали топшириқ ва вазифалар ижросининг таъминланиши.
2) Директор ўринбосари (ёшлар бандлигига кўмаклашиш ва тадбиркорлигини қўллаб-қувватлаш масалалари бўйича):
«Ёшлар дафтари»ни тизимли равишда юритиш, ишсиз ёшларнинг бандлигини таъминлаш ишларини мувофиқлаштириш;
хусусий корхона ва ташкилотларга ишга қабул қилинган ҳамда фаолият бошлаганига олти ойдан ошмаган «Ёшлар дафтари»га киритилган ёшларни қайта тайёрлов курсларида ўқитиш билан боғлиқ бўлган харажатларни компенсация қилиш;
«Бир миллион дастурчи» лойиҳаси доирасида ўқув курсларини муваффақиятли тугатган ва сертификат олган ёшларга компьютер (шу жумладан, Ўзбекистон Республикасида ишлаб чиқарилмаган) харидлари учун истеъмол кредитлари ажратиш;
профессионал таълим ташкилотларида таҳсил олаётган «Ёшлар дафтари»га киритилган ёшларга улар ишлаб чиқариш ёки хизмат кўрсатиш корхоналарида амалиёт ўтган вақтида ҳар ойлик субсидия ажратиш;
ёшларнинг ҳуқуқий саводхонлиги ва маданиятини ошириш;
ёшларни Ватанга садоқат руҳида тарбиялаш, уларда мамлакатимизда амалга оширилаётган ислоҳотларга дахлдорлик ҳиссини шакллантириш;
ёшларни Ватанга садоқат руҳида тарбиялашга хизмат қилувчи тарғибот материалларини чоп этиш;
жисмоний ва юридик шахсларнинг мурожаатлари билан ишлаш;
«Ijro.gov.uz» ижро интизоми идоралараро ягона электрон тизими орқали топшириқ ва вазифалар ижросининг таъминланиши.
3) Директор ўринбосари (таълим муассасаларидаги ва ижтимоий ҳимояга муҳтож ёшлар билан ишлаш ҳамда халқаро алоқаларни ривожлантириш масалалари бўйича):
халқаро таълим дастурлари (имтиҳонлар) бўйича энг юқори балл тўплаган иқтидорли ёшларга имтиҳон топшириш харажатларини қоплаб бериш;
ёшларнинг хорижий тилларни ўрганишлари учун янада кенгроқ имконият яратиш;
таълим муассасаларида таҳсил олаётган ёшларни волонтёрлик фаолиятига жалб этиш;
ёшлар ташкилотларида волонтёрлик клублари ва гуруҳлари фаолиятини йўлга қўйиш;
«Имкон таълим» гранти орқали ногиронлиги бўлган ёшларни ахборот технологиялари соҳасининг «Веб дастурлаш», «График дизайн», «Социал медиа маркетинг» ва шу каби йўналишларда грант асосида бепул ўқитиш;
«Меҳрибонлик» уйлари Болалар шаҳарчаси ёки оилавий болалар уйида тарбияланувчилари ҳамда «Ёшлар дафтари»га киритилган ёшларнинг ҳайдовчилик курсларида ўқиш харажатларини ва сафарбарлик чақируви резерви хизмати бадалини тўлаб бериш тизимини жорий қилиш;
ёшлар муаммоларини тадқиқ қилиш ишлари самарадорлигини ошириш, социологик тадқиқотлар ўтказиш;
ёшлар сиёсати соҳасида халқаро ҳамкорликни ривожлантириш, ёшлар соҳасидаги халқаро рейтингларда мамлакатимиз мавқеини ошириш бўйича зарур чоралар кўриш;
Ўзбекистонда ёшлар муаммолари ва уларни ҳал қилиш йўллари, ҳудудлар ва ташкилотларда ушбу йўналишдаги ишлар натижадорлиги ҳамда хорижий мамлакатлар тажрибасига доир таҳлилий ҳужжатлар тайёрлаш;
жисмоний ва юридик шахсларнинг мурожаатлари билан ишлаш;
«Ijro.gov.uz» ижро интизоми идоралараро ягона электрон тизими орқали топшириқ ва вазифалар ижросининг таъминланиши»;
е) 23-банд қуйидаги мазмундаги хатбоши билан тўлдирилсин:
«ушбу Низомнинг 19 ва 191-бандларида кўрсатилган ўз функционал вазифаларининг сифатли бажарилиши учун жавобгар бўлади»;
ж) қуйидаги мазмундаги 401-банд билан тўлдирилсин:
«401. Ҳудудларда янги маҳаллалар ташкил этилганда Агентликнинг тегишли туман (шаҳар) бўлимига қўшимча маҳалладаги ёшлар етакчиси штат бирлиги ажратилади ва уларни сақлаш харажатлари (моддий-техник таъминоти, иш ҳақи, лавозим маоши, қўшимчалар, устамалар ва бошқа рағбатлантирувчи тўловлар) Давлат бюджетидан Ёшлар ишлари агентлигига ажратиладиган қўшимча маблағлар ҳисобидан амалга оширилади.
5. Вазирлар Маҳкамасининг «Ёшларни ижтимоий қўллаб-қувватлаш бўйича қўшимча чора-тадбирлар тўғрисида» 2021 йил 11 мартдаги 132-сон қарорида:
а) 2, 3, 4, 5, 6 ва 9-бандлар ўз кучини йўқотган деб ҳисоблансин;
б) 1, 2-иловалар ўз кучини йўқотган деб ҳисоблансин.
6. Вазирлар Маҳкамасининг «Моддий ёрдам ва кўмакка муҳтож оилаларни, хотин-қизлар ва ёшларни ижтимоий қўллаб-қувватлаш бўйича қўшимча чора-тадбирлар тўғрисида» 2021 йил 28 апрелдаги 250-сон қарорида:
а) 3-банд қуйидаги таҳрирда баён этилсин:
«3. «Темир дафтар»ни юритиш орқали ижтимоий аҳволи ва турмуш шароити оғир оилалар муаммоларини тизимли равишда ҳал этиш ва уларни ижтимоий қўллаб-қувватлаш бўйича вақтинчалик тартиб 1-иловага мувофиқ тасдиқлансин»;
б) 4-банддан «в» кичик банд чиқариб ташлансин;
в) 6-банд ўз кучини йўқотган деб ҳисоблансин;
г) 8-банд қуйидаги таҳрирда баён этилсин:
«8. Белгилаб қўйилсинки, «Темир дафтар»нинг юритилиши бўйича Иқтисодий тараққиёт ва камбағалликни қисқартириш вазирлиги масъул ҳисобланади»;
д) 9-бандда:
биринчи хатбошидаги ««Темир дафтар» ва «Ёшлар дафтари»нинг» сўзлари ««Темир дафтар»нинг» сўзлари билан алмаштирилсин;
«б» кичик банд ўз кучини йўқотган деб ҳисоблансин;
е) 3-илова ўз кучини йўқотган деб ҳисоблансин.
Кейинги таҳрирга қаранг.
7. Вазирлар Маҳкамасининг 2021 йил 29 июндаги 400-сон қарори билан тасдиқланган Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси маблағларини шакллантириш ва улардан фойдаланиш тартиби тўғрисидаги низомда:
а) 3-банддаги «бўлинмалари ва» сўзлари «бошқармалари ва туман (шаҳар) бўлимлари (кейинги ўринларда – ҳудудий бўлинмалар) ҳамда» сўзлари билан алмаштирилсин;
б) 6-банд:
қуйидаги мазмундаги хатбошилар билан тўлдирилсин:
«ёшларни замонавий касбга ўргатиш, ахборот технологиялари ва хорижий тилларга ўқитиш бўйича олти ойгача муддатли ўқув курслари учун ҳар ойда БҲМнинг 4 бараваригача миқдорда субсидия ажратиш;
ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги олти ойгача муддатли ўқув курслари учун ҳар ойда БҲМнинг 1 бараваригача миқдорда субсидия ажратиш;
ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги олимпиада, танлов ва мусобақаларнинг маҳаллий босқичларида қатнашиш харажатлари учун БҲМнинг 4 бараваригача ҳамда халқаро босқичларида қатнашиш харажатлари учун базавий ҳисоблаш миқдорининг 40 бараваригача миқдорда субсидия ажратиш;
ёшларни таълим, маданият ва санъат, спорт, ахборот технологиялари ва фанларни ўқитишга ихтисослашган ўқув марказларининг уч ой муддатгача нотурар жой ижара харажатлари учун БҲМнинг 50 бараваригача миқдорда субсидия ажратиш;
«Хориждаги ёшлар баланси»ни шакллантириш ва юритиш, хорижда сайёр қабулларни ўтказиш вақтида аниқланган Ўзбекистон Республикаси фуқароси бўлган ёшларнинг муаммолари ва эҳтиёжларини ҳал қилиш бўйича харажатларни амалга ошириш;
ҳар чоракда маҳаллада ёшлар сиёсатини самарали амалга оширишда юқори натижадорликка эришаётган мамлакат бўйича энг илғор 100 нафар маҳалладаги ёшлар етакчиларини бир ойлик иш ҳақига тенг миқдорда бир марталик пул мукофоти билан, шунингдек, фаолият самарадорлиги кўрсаткичларидан келиб чиқиб, маҳалладаги ёшлар етакчиларини ҳар чорак якуни бўйича ойлик иш ҳақининг 50 фоизигача миқдорда пул мукофоти билан тақдирлаш;
фаолиятини самарали ташкил этаётган, ўзининг шахсий фазилатлари билан ёшларга намуна бўлаётган ва уларга етакчилик қилаётган маҳалладаги ёшлар етакчиларини «Янги Ўзбекистон ислоҳотчиси» кўкрак нишони билан тақдирлаш;
йил якуни бўйича ўзига бириктирилган ҳудудда юқори натижаларга эришган маҳалладаги ёшлар етакчиларига ипотека кредити асосида сотиб олинаётган уй-жой қийматининг 50 фоизи миқдорида, бироқ қонунчилик ҳужжатларида белгиланадиган уй-жой ҳисобланган қийматининг 50 фоизидан юқори бўлмаган миқдорда субсидия ажратиш;
бошқа ҳудудлардан келиб ўз фаолиятини олиб бораётган маҳалладаги ёшлар етакчиларига базавий ҳисоблаш миқдорининг икки бараваригача бўлган миқдорда турар жой ижара тўлови қоплаб бериш»;
ўн саккизинчи — йигирманчи хатбошилар тегишлича йигирма еттинчи — йигирма тўққизинчи хатбошилар деб ҳисоблансин;
в) 9-бандда:
биринчи хатбошидаги «ҳудудий бошқармалар» сўзларидан кейин «ва туман (шаҳар) бўлимлари» сўзлари билан тўлдирилсин;
иккинчи хатбошидаги «400 млн сўмдан» сўзлари «базавий ҳисоблаш миқдорининг 1600 бараваридан» сўзлари билан алмаштирилсин;
учинчи хатбошидаги «100 млн сўмдан» сўзлари «базавий ҳисоблаш миқдорининг 400 бараваридан, туман (шаҳар) бўлимлари томонидан қиймати базавий ҳисоблаш миқдорининг 200 бараваридан» сўзлари билан алмаштирилсин.
8. Вазирлар Маҳкамасининг 2021 йил 28 июлдаги 467-сон қарори билан тасдиқланган Агентликлар раҳбарлари ўринбосарларининг фаолияти самарадорлигини ҳамда мақсадли вазифаларга эришишларини баҳолашнинг асосий мезонларининг XII боби қуйидаги таҳрирда баён этилсин:

Т/р

Асосий мезонлар

Ўлчов бирлиги

(кўрсаткич)

шу жумладан:

I чорак

II чорак

III чорак

IV чорак

Йиллик

режа

%

режа

%

режа

%

режа

%

режа

%

XII. ЁШЛАР ИШЛАРИ АГЕНТЛИГИ

1. Директорнинг биринчи ўринбосари (ёшларга оид давлат сиёсатини мувофиқлаштириш, маҳалладаги ёшлар билан ишлаш ва беш муҳим ташаббус лойиҳаларини амалга ошириш бўйича)

1.

Маҳаллаларда ёшларнинг бўш вақтини мазмунли ташкил этиш, миллий халқ ўйинлари ва спорт турларини ёшлар орасида оммалаштириш, Беш муҳим ташаббус лойиҳалари, ёшлар фестиваллари ва бошқа маданий-маърифий тадбирларни амалга ошириш

нафар

2.

Вазирликлар, идоралар ва ташкилотлар ҳамда маҳаллий давлат ҳокимияти органларида фаолият юритаётган ёшларни қўллаб-қувватлаш

млрд. сўм

3.

Вазирлик, идора ва ташқи лотлар ҳамда маҳаллий давлат ҳокимияти органлари раҳбарларининг ёшлар билан очиқ мулоқотларини ташкил этиш

дона

4.

Беш муҳим ташаббус доирасидаги ишларни тизимли равишда мувофиқлаштириш орқали ёшлар қамровини кенгайтириш

млн. нафар

5.

Жисмоний ва юридик шахсларнинг мурожаатлари билан ишлаш

нафар

 

6.

«Ijro.gov.uz» ижро интизоми идоралараро ягона электрон тизими орқали топшириқ ва вазифалар ижросининг таъминланиши

та

2. Директор ўринбосари (ёшлар бандлигига кўмаклашиш ва тадбиркорлигини қўллаб-қувватлаш масалалари бўйича)

1.

«Ёшлар дафтари»ни тизимли равишда юритиш, ишсиз ёшларнинг бандлигини таъминлаш ишларини мувофиқлаштириш

млрд. Сўм

2.

Профессионал таълим ташкилотларида таҳсил олаётган «Ёшлар дафтари»га киритилган ёшларга улар ишлаб чиқариш ёки хизмат кўрсатиш корхоналарида амалиёт ўтган вақтида ҳар ойлик субсидия ажратиш

минг нафар

3.

Хусусий корхона ва ташкилотларга ишга қабул қилинган ҳамда фаолият бошлаганига олти ойдан ошмаган «Ёшлар дафтари»га киритилган ёшларни қайта тайёрлов курсларида ўқитиш билан боғлиқ бўлган харажатларни компенсация қилиш

минг нафар

4.

«Бир миллион дастурчи» лойиҳаси доирасида ўқув курсларини муваффақиятли тугатган ва сертификат олган ёшларга компьютер (шу жумладан, Ўзбекистон Республикасида ишлаб чиқарилмаган) харидлари учун истеъмол кредитлари ажратиш

нафар

5.

Ёшларнинг ҳуқуқий саводхонлиги ва маданиятини ошириш

та

6.

Ёшларни Ватанга садоқат руҳида тарбиялаш, уларда мамлакатимизда амалга оширилаётган ислоҳотларга дахлдорлик ҳиссини шакллан тириш

млн нафар

7.

Ёшларни Ватанга садоқат руҳида тарбиялашга хизмат қилувчи тарғибот материалларини чоп этиш

минг дона

8.

Жисмоний ва юридик шахсларнинг мурожаатлари билан ишлаш;

нафар

9.

«Ijro.gov.uz» ижро интизоми идоралараро ягона электрон тизими орқали топшириқ ва вазифалар ижросининг таъминланиши

та

3. Директор ўринбосари (таълим муассасаларидаги ва ижтимоий ҳимояга муҳтож ёшлар билан ишлаш ҳамда халқаро алоқаларни ривожлантириш масалалари бўйича)

1.

Халқаро таълим дастурлари (имтиҳонлар) бўйича энг юқори балл тўплаган иқтидорли ёшларга имтиҳон топшириш харажатларини қоплаб бериш

нафар

 

2.

Ёшларнинг хорижий тилларни ўрганишлари учун янада кенгроқ имконият яратиш

та

3.

Таълим ташкилотларида таҳсил олаётган ёшларни волонтёрлик фаолиятига жалб этиш

минг нафар

4.

Ёшлар ташкилотларида волонтёрлик клублари ва гуруҳлари фаолиятини йўлга қўйиш

дона

5.

«Имкон таълим» гранти орқали ногиронлиги бўлган ёшларни ахборот технологиялари соҳасининг «Веб дастурлаш», «График дизайн», «Социал медиа маркетинг» ва шу каби йўналишларда грант асосида бепул ўқитиш

нафар

6.

«Меҳрибонлик» уйлари, Болалар шаҳарчаси ёки оилавий болалар уйи тарбияланувчилари ҳамда «Ёшлар дафтари»га киритилган ёшларнинг ҳайдовчилик курсларида ўқиш харажатларини ва сафарбарлик чақируви резерви хизмати бадалини тўлаб бериш тизимини жорий қилиш

минг нафар

7.

Ёшлар муаммоларини тадқиқ қилиш ишлари самарадорлигини ошириш, социологик тадқиқотлар ўтказиш

та

8.

Ўзбекистонда ёшлар муаммолари ва уларни ҳал қилиш йўллари, ҳудудлар ва ташкилотларда ушбу йўналишдаги ишлар натижадорлиги ҳамда хорижий мамлакатлар тажрибасига доир таҳлилий ҳужжатлар тайёрлаш

та

9.

Жисмоний ва юридик шахсларнинг мурожаатлари билан ишлаш;

нафар

10.

«Ijro.gov.uz» ижро интизоми идоралараро ягона электрон тизими орқали топшириқ ва вазифалар ижросининг таъминланиши

дона

Кейинги таҳрирга қаранг.
9. Вазирлар Маҳкамасининг «Ижтимоий ҳимояга муҳтож ёшларни қўллаб-қувватлашнинг қўшимча чора-тадбирлари тўғрисида» 2021 йил 4 октябрдаги 617-сон қарорида:
а) 1-илованинг 5-банди қуйидаги таҳрирда баён этилсин:
«5. Васийлик кенгаши ариза берувчининг мурожаатига асосан «Ёшлар дафтари» жамғармаси маблағлари ҳисобидан қонунчилик ҳужжатларида белгиланган тартибда ариза берувчининг ўқиш харажати бир қисмини қоплаб беради»;
б) 2-иловада:
5-банд қуйидаги таҳрирда баён этилсин:
«5. Васийлик кенгаши «Меҳрибонлик» уйлари, Болалар шаҳарчалари ва оилавий болалар уйларида тарбияланган ёшларнинг ушбу муассасаларда тарбияланганини тасдиқловчи ҳужжатларни, “Ёшлар дафтари”га киритилган ариза берувчиларнинг оиласи «Ижтимоий ҳимоя ягона реестри»га киритилганини ўрганиб, ариза берувчиларнинг мурожаатига асосан «Ёшлар дафтари»га киритилган ёшларни қўллаб-қувватлаш жамғармаси (кейинги ўринларда — «Ёшлар дафтари» жамғармаси) маблағлари ҳисобидан қонунчилик ҳужжатларида белгиланган тартибда ариза берувчига субсидия ажратилиши мумкин»;
6-банддаги «6-7-бандларида» сўзлари «3-4-бандларида» сўзлари билан алмаштирилсин;
в) 5-иловада:
1-банддаги «оилаларнинг фарзандларига» сўзлари «ёшларга» сўзи билан алмаштирилсин;
2-банддаги «оилалар фарзандларига» сўзлари «ёшларга» сўзи билан алмаштирилсин;
3-банднинг учинчи хатбошисидан «оиласи» сўзи чиқариб ташлансин;
5-банддан «оиласи» сўзи чиқариб ташлансин;
12-банддан «оиласи» сўзи чиқариб ташлансин;
13-банддан «оиласи» сўзлари чиқариб ташлансин;
14-банднинг «а» кичик бандидаги «оиласи» сўзи «унинг» сўзи билан алмаштирилсин;
17-банднинг иккинчи хатбошисида «оиласи» сўзи «ўқувчиларнинг» сўзи билан алмаштирилсин;
иловада:
1-босқич «Чора-тадбирлар» устунидаги «оиласи» сўзи чиқариб ташлансин;
2-босқич «Чора-тадбирлар» устунининг биринчи ва иккинчи хатбошиларидаги «оиласи» сўзлари чиқариб ташлансин;
3-босқич «Чора-тадбирлар» устунидаги «оиласи» сўзи чиқариб ташлансин;
г) 6-иловада:
2-банднинг олтинчи хатбошиси қуйидаги таҳрирда баён этилсин:
«компенсация – компьютер сотиб олиш учун ажратилган истеъмол кредитига ҳисобланадиган барча фоизларни қоплаш (компенсация қилиш) мақсадида ваколатли органнинг ҳудудий бўлинмалари томонидан ҳар ойда банкка ўтказиладиган, банк томонидан эса ариза берувчининг номига очилган тегишли банк ҳисобварағига ўтказиладиган маблағ»;
9-банд қуйидаги таҳрирда баён этилсин:
«9. Ариза берувчининг мурожаатига асосан давлат хизматлари маркази ходими ариза берувчининг номидан, ЯИДХП орқали мурожаат қилинганда эса — ариза берувчи мустақил равишда ушбу Тартибга 2-иловага мувофиқ давлат хизматидан фойдаланиш учун сўровномани электрон тарзда тўлдиради ва қуйидаги ҳужжатларни электрон тарзда илова қилади:
кредитнинг фоиз тўловларини компенсация қилиб бериш тўғрисидаги ариза;
ариза берувчи жисмоний шахснинг шахсий идентификация рақами (ЖШШИР) (агар ариза сертификат олган боланинг қонуний вакили томонидан берилса, унинг шахсий идентификация рақами (ЖШШИР) ва боланинг қонуний вакили эканлигини тасдиқловчи ҳужжат илова қилинади);
«Бир миллион дастурчи» лойиҳаси доирасида ўқув курсларини муваффақиятли тугатганлиги тўғрисида сертификат нусхаси (pdf шаклда) ва унинг ҳақиқийлигини текшириш учун сертификатни тақдим этган ташкилотнинг электрон тизимидаги сертификат ҳаволаси.
Ариза берувчидан ушбу бандда кўрсатилмаган маълумот ва ҳужжатларни талаб қилиш қатъиян тақиқланади.
Тақдим этилган ҳужжатлардаги маълумотларнинг ҳаққонийлигига ариза берувчи масъул ҳисобланади»;
16-бандда:
учинчи хатбошидаги «60» рақами «180» рақами билан алмаштирилсин;
тўртинчи хатбошидан «ва тўғрилиги» сўзлари чиқариб ташлансин;
18-банддан иккинчи хатбоши чиқариб ташлансин;
19-банд қуйидаги таҳрирда баён этилсин:
«19. Верификация натижасига кўра сертификатнинг ҳақиқий эмаслиги аниқланганда компенсация тўланмайди ва бу ҳақида ариза берувчига СМС хабар юборилади»;
22-банддаги «бир иш куни мобайнида» сўзлари «ҳар ойнинг 15-кунида» сўзлари билан алмаштирилсин;
23-банд қуйидаги таҳрирда баён этилсин:
«23. Кредит бўйича фоиз тўловларини тўлаш учун зарур суммалар ҳар ойнинг 25-кунигача Давлат бюджетидан ажратилган маблағлар ҳисобидан Ёшлар ишлари агентлигининг ҳудудий бўлинмалари томонидан тегишлича АТ «Халқ банки», АТ «Алоқабанк» ва «Микрокредитбанк» АТБнинг Қорақалпоғистон Республикаси, вилоятлар ва Тошкент шаҳар ҳудудий филиаллари ва банк хизматлари офисларининг тегишли ҳисоб рақамига ариза берувчиларнинг реестрини илова қилган ҳолда ўтказиб борилади.
Тақдим этилган реестрга мувофиқ банклар ушбу маблағларни истеъмол кредити фоизларини қоплаш учун ариза берувчиларнинг банкдаги ҳисобварағига ўтказиб боради»;
1-иловада:
1-босқичнинг «Тадбирлар» устуни «илова қилган ҳолда» сўзларидан кейин «сертификатни тақдим этган ташкилотнинг электрон тизимидаги сертификат ҳаволасини кўрсатиб» сўзлари билан тўлдирилсин;
1-босқичнинг «Ижро муддатлари» устунидаги «60» рақами «180» рақами билан алмаштирилсин;
3-босқичдаги «Тадбирлар» ва «Ижро муддатлари» устунларидан иккинчи хатбошилар чиқариб ташлансин;
5-босқичнинг «Ижро муддатлари» устунидаги «Бир иш куни мобайнида» сўзлари «ҳар ойнинг 15-кунига қадар» сўзлари билан алмаштирилсин;
6-босқичнинг «Тадбирлар» устуни қуйидаги таҳрирда баён этилсин:
«Кредит бўйича фоиз тўловларини тўлаш учун зарур суммалар ҳар ойнинг 25-кунигача Давлат бюджетидан ажратилган маблағлар ҳисобидан Ёшлар ишлари агентлигининг ҳудудий бўлинмалари томонидан тегишлича АТ «Халқ банки», АТ «Алоқабанк» ва «Микрокредитбанк» АТБнинг Қорақалпоғистон Республикаси, вилоятлар ва Тошкент шаҳар ҳудудий филиаллари ва банк хизматлари офисларининг тегишли ҳисоб рақамига ариза берувчиларнинг реестрини илова қилган ҳолда ўтказиб борилади.
Тақдим этилган реестрга мувофиқ банклар ушбу маблағларни истеъмол кредити фоизларини қоплаш учун ариза берувчиларнинг банкдаги ҳисобварағига ўтказиб боради»;
2-илова қуйидаги таҳрирда баён этилсин:
“Бир миллион дастурчи” лойиҳаси доирасида ўқув курсларини муваффақиятли тугатган ва сертификат олган ёшларга компьютер харидлари учун истеъмол кредитлари ажратиш ҳамда мазкур кредитларнинг фоиз тўловларини компенсация қилишнинг маъмурий регламентига
2-ИЛОВА
Компенсация олиш бўйича давлат хизматларидан фойдаланиш учун
СЎРОВНОМА

Т/р

Қабул қилиш санаси

Қабул қилган шахс

I. Ариза берувчи (жисмоний шахс) ҳақида маълумот:

1.1. Ф.И.О.:

-

1.2. Туғилган санаси:

кун/ой/йил

1.3. Жисмоний шахснинг шахсий идентификация рақами (ЖШШИР):

-

1.4. Телефон рақами:

-

1.5. Яшаш жойи:

Туман (шаҳар), вилоят, республика

1.6. Uzbekcoders.uz веб-сайтида рўйхатдан ўтган электрон почта манзили (мавжуд бўлган тақдирда)

-

1.7. «Бир миллион дастурчи»лойиҳаси доирасида ўқув курсларини муваффақиятли тамомлаганлиги тўғрисидаги сертификат ҳаволаси

-

II. Сертификат олган ўн олти ёшга тўлмаган шахс ва унинг қонуний вакили ҳақидаги маълумот:

2.1.1. Ўн олти ёшга тўлмаган шахснинг Ф.И.О.:

-

2.2. Туғилган санаси:

кун/ой/йил

2.3. Туғилганлик ҳақидаги гувоҳнома рақами:

-

2.4. Боланинг қонуний вакили Ф.И.О.:

-

2.5. Шахсий идентификация рақами (ЖШ ШИР):

-

2.6. Сертификат олган боланинг вакили эканлигини тасдиқловчи ҳужжат:

2.7. Телефон рақами:

-

2.8. Яшаш жойи:

Туман (шаҳар), вилоят, республика

2.9. Uzbekcoders.uz веб-сайтида рўйхатдан ўтган электрон почта манзили (мавжуд бўлган тақдирда)

-

2.10. «Бир миллион дастурчи»лойиҳаси доирасида ўқув курсларини муваффақиятли тамомлаганлиги тўғрисидаги сертификатни тақдим этган ташкилотнинг электрон тизимидаги сертификат ҳаволаси.

-

10. Вазирлар Маҳкамасининг 2021 йил 12 октябрдаги 637-сон қарори билан тасдиқланган «Темир дафтар» ва «Аёллар дафтари»га киритилган оилаларнинг фарзандлари ҳамда «Ёшлар дафтари»га киритилган янги турмуш қурган ёшларнинг якка тартибдаги хонадонида қўшимча уй-жой қуриш учун гаровсиз кредит ажратиш тартиби тўғрисидаги низомнинг 11-банди қуйидаги мазмундаги хатбоши билан тўлдирилсин:
««Ёшлар дафтари» жамғармасининг кафиллиги қарздорнинг доимий яшаш жойидаги маҳалладаги ёшлар етакчисининг тавсияси асосида берилади».

(Қонунчилик маълумотлари миллий базаси, 07.06.2022 й., 09/22/312/0493-сон; 29.12.2023 й., 07/23/422/0994-сон; 27.04.2024 й., 09/24/237/0303-сон, 10.05.2024 й., 09/24/272/0337-сон; ,19.06.2024 й., 09/24/313/0426-сон; 06.08.2024 й., 09/24/479/0579-сон; 28.12.2024 й., 09/24/893/1088-сон; 26.07.2025 й., 09/25/462/0650-сон; 19.11.2025 й., 09/25/732/1062-сон; 02.02.2026 й., 09/26/35/0101-сон; 26.02.2026 й., 09/26/78/0174-сон)