Ҳужжат 21.01.1993 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

Ўзбекистон Республикаси Ташқи иқтисодий фаолият миллий банки тўғрисида

Ўзбекистон Республикаси Ташқи иқтисодий фаолият миллий банки мақомини ошириш, чет эл кредитлари ва инвестицияларига хизмат кўрсатиш бўйича Ҳукумат ва Марказий банкнинг вакили сифатида миллий банк зиммасига юклатилган вазифаларнинг имкони борича тўла-тўкис бажарилиши учун шарт-шароитлар яратиш, хорижий шериклар учун ишончли кафолатлар яратиш мақсадида Вазирлар Маҳкамаси қарор қилади:

1. Ўзбекистон Республикаси Ташқи иқтисодий фаолият миллий банки Уставининг янги таҳрири Ўзбекистон Республикаси Олий Кенгашининг «Банклар ва банк фаолияти тўғрисида»ги Ўзбекистон Республикаси Қонунини кучга киритиш тартиби ҳақидаги қарорига мувофиқ тасдиқлансин (илова қилинади).

Кейинги таҳрирга қаранг.

2. Ўзбекистон Республикаси Вазирлар Маҳкамаси Миллий банк устав жамғармаси умумий ҳажмининг камида 60 фоизининг асосий эгаси этиб белгилансин ва бу мақсадлар учун республика бюджетидан 2 миллиард сўм ва 200 миллион АҚШ доллари ажратилсин.

Молия вазирлиги бир ҳафта муддат ичида Миллий банк устав жамғармасига республика Ҳукумати тўлаган улуш сифатида кўрсатиб ўтилган маблағларни ажратсин.

Ташқи иқтисодий фаолият миллий банки Бошқаруви банк устав жамғармасини шакллантириш учун хорижий муассисларни ва Ўзбекистон Республикаси резидентларини жалб этиш масаласини ишлаб чиқсин ва бу хусусда таклифлар киритсин.

3. Белгилаб қўйилсинки, Ташқи иқтисодий фаолият миллий банки Бошқарувининг шахсий таркиби Ўзбекистон Республикаси Вазирлар Маҳкамаси томонидан тасдиқланади.

Кейинги таҳрирга қаранг.

4. Ташқи иқтисодий фаолият миллий банки Бошқарувига бериладиган кредитлар бўйича фоиз ставкаларининг миқдорини мустақил белгилаш ҳуқуқи берилсин.

5. Республиканинг Ташқи иқтисодий фаолият субъектларига хизмат кўрсатишни такомиллаштириш, жойларда валюта инвестицияларидан фойдаланишни назорат қилиш учун Ўзбекистон Республикаси Ташқи иқтисодий фаолият миллий банки тармоғини ривожлантириш мақсадида:

Ўзбекистон Республикаси Марказий банки Ўзбекистон Республикаси ҳудудида ва унинг ташқарисида Миллий банк филиалларини ташкил этишга кўмаклашсин;

Андижон, Жиззах, Навоий, Сурхондарё, Сирдарё вилоятлари ҳокимликлари Ташқи иқтисодий фаолият миллий банкининг филиалларини очиш учун вилоятларнинг марказларида тегишли бинолар ажратилишини таъминласинлар;

Ташқи иқтисодий фаолият миллий банки Бошқаруви Ўзбекистон Республикаси Марказий банки билан биргаликда Москва, Санкт-Петербург, Одесса, Чоп, Брест шаҳарларида Ташқи иқтисодий фаолият миллий банки филиалларини очиш чора-тадбирларини кўрсин;

Ўзбекистон Республикасининг Россия Федерациясидаги элчихонаси Ўзбекистон Республикаси Ташқи иқтисодий фаолият миллий банкининг Москва филиалини очиш учун Элчихона меҳмонхонаси янги биносининг 1-қаватида жой ажратсин.

6. Молия вазирлиги Ўзбекистон Республикаси Ташқи иқтисодий фаолият миллий банки билан биргаликда 10 кун муддат ичида Миллий банкнинг солиқ солиш базасини ривожланиш учун сарфланадиган маблағлар миқдорида камайтиришга доир таклифни кўриб чиқсин ва республика Ҳукуматига киритсин.

7. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосарлари Ў.Т. Султонов ва Б.С. Ҳамидов ўртоқлар зиммасига юклатилсин.

Вазирлар Маҳкамасининг Раиси И. КАРИМОВ

Тошкент ш.,

1993 йил 21 январь,

Вазирлар Маҳкамасининг
1993 йил 21 январдаги
45-сон қарор билан
ТАСДИҚЛАНГАН

Ўзбекистон Республикаси Ташқи иқтисодий фаолият миллий банкининг

I. УМУМИЙ ҚОИДАЛАР

1. Ўзбекистон Республикаси Ташқи иқтисодий фаолият миллий банки (бундан кейин матнда «Банк» деб аталади) Ўзбекистон Республикаси Президентининг 1991 йил 7 сентябрдаги Фармонига асосан ташкил этилган.

Кейинги таҳрирга қаранг.

2. Банк давлатнинг ихтисослаштирилган банки ҳисобланади, у Ўзбекистон Республикаси мулки бўлиб, Ҳукумат тасарруфида туради ва Ўзбекистон Республикасининг банк тизимига киради.

Кейинги таҳрирга қаранг.

3. Банк фаолиятининг асосий йўналишлари Ўзбекистон Республикаси Ҳукуматининг халқаро иқтисодий муносабатлар соҳасидаги сиёсатини рўёбга чиқариш, бошқа мамлакатлар билан иқтисодий ҳамкорликни ривожлантириш ва мустаҳкамлашга, республиканинг экспорт имкониятини кенгайтиришга, товарлар ҳамда кўрсатиладиган хизматлар экспорти ва импорти таркибини яхшилашга кўмаклашиш, ташқи иқтисодий фаолиятга хизмат кўрсатиш, валюта маблағлари тўплаш ҳамда валюта манфаатларини ҳимоя қилишдан иборатдир.

4. Банк Ҳукумат ва Марказий банкнинг топшириғига биноан бошқа давлатларнинг банклари, халқаро молия институтлари ва бошқа молия-кредит муассасалари билан муносабатларда Ўзбекистон Республикасининг манфаатларини ифодалайди.

Кейинги таҳрирга қаранг.

5. Банк ўз фаолиятида Ўзбекистон Республикаси қонунларига ва Ўзбекистон Республикаси Олий Кенгашининг бошқа қарорларига, Ўзбекистон Республикаси Президентининг фармонлари, қарорлари ва фармойишларига, Марказий банкнинг норматив ҳужжатларига, шунингдек ушбу Уставга амал қилади.

Кейинги таҳрирга қаранг.

6. Банк юридик шахс ҳисобланади, ўзининг алоҳида мулки ва мустақил балансига эга бўлади, ўз номидан ҳуқуқ ва мажбуриятлар олиши, судда, хўжалик суди ва холислик судида даъвогар ҳамда жавобгар бўлиши мумкин.

Кейинги таҳрирга қаранг.

Кейинги таҳрирга қаранг.

7. Банк унинг филиаллари (бўлимлари) ва ваколатхоналар Ўзбекистон Республикасининг Давлат герби тасвири туширилган доира шаклидаги муҳрга, ўз номи ўзбек, инглиз ва рус тиллари ёзилган штамплар ҳамда иш қоғозларига эга бўлади.

Кейинги таҳрирга қаранг.

Кейинги таҳрирга қаранг.

Кейинги таҳрирга қаранг.

Кейинги таҳрирга қаранг.

8. Банк ўз фаолиятини тижорат асосида амалга оширади.

9. Банк Ўзбекистон Республикасининг мажбуриятлари юзасидан жавобгар бўлмайди, Ўзбекистон Республикаси Банк мажбуриятлари юзасидан жавобгар бўлмайди, Ўзбекистон Республикаси ўз зиммасига бундай мажбурият олган ҳоллари бундан мустасно.

II. БАНКНИНГ АСОСИЙ ВАЗИФАЛАРИ ВА ХИЗМАТЛАРИ

10. Банк ўз фаолияти мақсадларига эришиши учун:

экспорт, импорт аъмоллари ва савдо-сотиққа тааллуқли бўлмаган аъмоллар бўйича республиканинг халқаро ҳисоб-китобларини, шунингдек, бошқа халқаро ҳисоб-китобларни ташкил этади ва амалга оширади;

Ўзбекистон Республикасининг топшириғига биноан Ўзбекистон Республикаси номидан қарз олувчи, кафил ва кредитор сифатида иш кўриш ҳуқуқига эга;

Ўзбекистон Республикаси чет эл валютасида берадиган ва оладиган давлатлараро ҳамда ҳукуматлараро қарзлар ва кредитларга хизмат кўрсатади, шунингдек, улар бўйича ҳисоб-китобларни амалга оширади;

Кейинги таҳрирга қаранг.

ҳукуматлараро битимларнинг тўлов шартларини ишлаб чиқишда қатнашади;

хорижий давлатлар билан валюта-молия ва кредит-ҳисоб-китоб муносабатларини такомиллаштиради, бу муносабатларнинг самарадорлигини оширади, ҳисоб-китоб қилиш ва кредитлар беришнинг энг тежамли ва илғор шаклларини қўллайди;

чет эл банклари, концернлари, фирмалари ва бошқа шериклар томонидан шартномаларни бажариш чоғида уларнинг айби билан тўлиқ олинмайди қолган маблағларни ундиришга кўмаклашади;

экспорт ишлаб чиқаришларни ташкил этиш ва уларни ривожлантириш учун чет эл валютасида кредитлар беришни амалга оширади;

Кейинги таҳрирга қаранг.

янги иш жойларини очишга, республика маҳсулотларининг жаҳон бозорига чиқишига кўмаклашувчи қишлоқ хўжалик хом ашёсини қайта ишлаш, ҳозирги замон асбоб-ускуналарини асосида саноат корхоналарини такомиллаштириб, уларда янги техникалар ўрнатиш, халқ истеъмоли моллари ишлаб чиқариш юзасидан иш жараёни такомилига етказилган илғор технологияларни республикага жалб этишга доир лойиҳа ва дастурларга кредит беради;

МДҲ қатнашчиси бўлган давлатлар ва хорижий давлатларнинг банклари билан бевосита гумаштачилик муносабатлари ўрнатади;

Кейинги таҳрирга қаранг.

валюта маблағларини жамлайди;

валюта маблағларини республика учун мақбул бўлган шартларда ички, халқаро молия бозорларида жойлаштиради;

инновация фаолиятини амалга оширади;

Кейинги таҳрирга қаранг.

тадбиркорлик фаолиятини субъектлари фаолиятида сармоя билан қатнашади;

Кейинги таҳрирга қаранг.

иқтисодий ва ижтимоий ривожланиш давлат режаларини, пул-кредит сиёсати бош йўналишларини, жамланма валюта режасини, валюта тушуми ҳажмлари ва банк аъмоллари бўйича тўловларга доир таклифларни ишлаб чиқишда қатнашади;

Ўзбекистон Республикаси ҳудудида валюта бошқаруви ва банк фаолияти бўйича қонунчилик ҳужжатлари ва норматив ҳужжатлар лойиҳаларини ишлаб чиқишда қатнашади;

тижорат муассасалари учун амалда бўлган қонунчилик доирасида банкка доир бошқа фаолиятларни амалга оширади.

Кейинги таҳрирга қаранг.

11. Банк республика Ҳукумати ва Марказий банкининг топшириғига биноан бошқа хизматларни ҳам бажаради.

III. БАНКНИНГ МАБЛАҒЛАРИ, МОЛ-МУЛКИ ВА КРЕДИТ РЕСУРСЛАРИ

Кейинги таҳрирга қаранг.

12. Банкнинг маблағлари даромадлардан, шу жумладан, чет эл валютасида даромадлардан ҳосил бўладиган устав, захира жамғармалари ва бошқа жамғармалардан ташкил топади.

Кейинги таҳрирга қаранг.

13. Устав жамғармаси 2 миллиард сўм миқдорида ва 200 миллион АҚШ доллари қийматига тенг бўлган чет эл валютасида белгиланиб, Ўзбекистон Республикаси Ҳукуматининг маблағи ҳисобига ташкил этилади.

Кейинги таҳрирга қаранг.

14. Устав жамғармаси аниқ мақсадга қаратилган тушумлар республика бюджети маблағлари ва қонунчилик ҳужжатларида ман этилмаган бошқа манбалар ҳисобига ҳосил бўлади. Устав жамғармасининг миқдори республика Ҳукуматининг қарорига биноан ўзгартирилиши мумкин.

Кейинги таҳрирга қаранг.

15. Захира жамғармаси эҳтимол тутилган Банк аъмолларида кўриладиган зарарни қоплашга мўлжалланиб, устав жамғармани миқдорининг 15 фоизига етгунга қадар даромаддан (камида 5 фоиз миқдоридаги) ҳар йилги ажратмалар ҳисобига ҳосил қилинади.

Кейинги таҳрирга қаранг.

16. Банкнинг мол-мулки ўзига қарашли бинолар, иншоотлар, асбоб-ускуналар, транспорт воситалари ва бошқа бойликлардан иборат бўлади.

Кейинги таҳрирга қаранг.

17. Банкнинг кредит ресурслари:

устав, захира жамғармалари ва бошқа жамғармалар маблағи;

мижозларнинг Банк ҳисобларидаги маблағлари, шу жумладан, муддатли омонатлар ва депозитлар;

бошқа банкларнинг кредитлари;

имзоланган битим ва шартномаларга мувофиқ жалб этиладиган бошқа давлатлар корхоналари, фирмалари ва банкларининг маблағлари;

облигациялар ва бошқа қийматли қоғозлар чиқариш натижасида олинган маблағлар;

Кейинги таҳрирга қаранг.

фуқароларнинг муайян ва ўзлари талаб қилиб олгунга қадар жалб этиладиган омонатлари;

жалб этилган бошқа маблағлар ҳисобига ҳосил қилинади.

Банкнинг йил давомида тақсимланмаган даромадидан кредит бериш ресурси сифатида фойдаланиш мумкин.

Кейинги таҳрирга қаранг.

IV. БАНК АЪМОЛЛАРИ

18. Банк кредит, молия, ҳисоб-китоб-касса хизматларини ва банкка тааллуқли бошқа хизматларнинг бутун мажмуини бажаради. Шу жумладан:

бошқа давлатларнинг банклари, кредит ва бошқа муассасалари (шу жумладан, халқаро) билан гумаштачилик муносабатлари ўрнатиш, экспорт, импорт аъмоллари, савдо-сотиққа тааллуқли бўлмаган ва бошқа аъмоллар бўйича халқаро ҳисоб-китобларини амалга ошириш шартлари ва тартиби тўғрисида, кредитлар бериш ва олиш ҳақида, ушбу Уставда назарда тутилган бошқа аъмолларни бажариш хусусида шартномалар (битимлар) тузади;

Кейинги таҳрирга қаранг.

чет эл банклари ва халқаро банклар ҳамда бошқа ташкилотлардан халқаро банк амалиётида қўлланадиган шаклларда кредит ва қарзлар олади, шунингдек векселлар, облигациялар тарзида олинган кредит ва қарзларни ҳамда Банкнинг бошқа мажбуриятларини таъминлайди;

Кейинги таҳрирга қаранг.

Банкнинг ташқи иқтисодий фаолияти билан боғлиқ бўлган мижозларига экспорт қилинадиган моллар ишлаб чиқаришни, барпо этиш ва уларни ривожлантириш учун бундай мижозларнинг кундалик фаолиятини таъминлаш учун сўмларда, шунингдек, чет эл валютасида қарзлар беради;

Кейинги таҳрирга қаранг.

Банк аъмолларини бажариш ва пул маблағларини сақлаш учун банкларда, шу жумладан, чет эл банкларида гумаштачилик ҳисоблари очади;

банклардан, шу жумладан, чет эл банклари, халқаро банклар ва бошқа ташкилотлардан, шунингдек, Ўзбекистон Республикаси фуқароларидан, хорижий давлатларнинг фуқароларидан ҳисобларига ҳамда омонатга қўйиш учун сўм ва чет эл валюталарида маблағлар қабул қилади, чет эл халқаро банкларидаги ва бошқа кредит муассасаларидаги ҳисоблар ва омонатларга маблағлар жойлаштиради;

Кейинги таҳрирга қаранг.

шартнома асосида Ўзбекистон Республикаси банклари, чет эл банклари ҳамда халқаро банклар, бошқа молия муассасаларининг гумаштачилик ҳисобларидаги маблағларни тасарруф этиш тартибини, бундай ҳисобларни очиш ва юритиш тартибини ҳамда Банкдаги омонатга сўм ва чет эл валютасида маблағ жойлаштириш шартларини белгилайди;

тўлов ҳужжатларини сотиб олади ва сотади, шунингдек, ана шу ҳужжатлар билан боғлиқ битимлар тузади ва банк аъмолларини бажаради;

Кейинги таҳрирга қаранг.

Ўзбекистон Республикаси ҳудудида ва унинг ташқарисида чет эл валютаси (банкнот, казначей билетлари, тангалар), чет эл валютасида тўлов ҳужжатлари (чеклар, векселлар, аккредитивлар ва шу кабилар) ҳамда бошқа валюта бойликлари сотиб олади ва сотади, шунингдек, валюта бойликлари билан боғлиқ бўлган бошқа битимлар тузади ҳамда аъмолларни бажаради;

Халқаро банк амалиётига мувофиқ равишда хорижий мамлакатларда чет эл валютаси (дилинг) сотиб олиш ва сотиш ҳамда бошқа валюта аъмолларини бажаради;

учинчи шахслар номидан ижроси пул шаклида амалга оширилиши назарда тутилган кафиллик кафолатлар ва бошқа мажбуриятларни ўз зиммасига олади;

товарлар етказиб бериш ва хизматлар кўрсатиш шартларидан келиб чиқадиган талаблар қўйиш ҳуқуқини олади, бундай талабларни ва уларга тааллуқли инкассациялар (факторинг) ижросини таваккал қилиб ўз зиммасига олади;

асбоб-ускуналар, транспорт воситалари ва бошқа мол-мулк (лизинг)ни ижара шартларида сотиб олади ва бошқаларга беради;

Кейинги таҳрирга қаранг.

инвестицияларнинг эгаси ёки тасарруф этувчисининг топшириғига биноан капитал маблағларни пул билан таъминлашни амалга оширади;

тўлов ҳужжатлари ва бошқа қийматли қоғозлар (чеклар, аккредитивлар, векселлар, акциялар, облигациялар ва бошқа шу кабилар)ни чиқаради;

Кейинги таҳрирга қаранг.

давлат тўлов ҳужжатларини ва бошқа қийматли қоғозларни сотиб олади, сотади, сақлайди ҳамда улар билан боғлиқ бошқа аъмолларни бажаради;

ҳозирги замон техникаси ва технологияларини (кредит ва электрон варақаларни жорий этиш, Банкни жаҳон банклараро телекоммуникация тармоғига қўшиш ва ҳ. қ) орқали мижозларга хизмат кўрсатиш шаклларини такомиллаштиради;

қимматбаҳо металларни ҳисоблар ва омонатларга жалб этади ҳамда жойлаштиради, ҳам ички бозорда, ҳам халқаро бозорда қимматбаҳо металларни, табиий қимматбаҳо металларни сотиб олади, сотади ҳамда улар билан боғлиқ бошқа аъмолларни бажаради;

мижозларнинг топшириғига биноан маблағларни жалб этиш ва жойлаштириш, қийматли қоғозларни бошқариш ҳамда бошқа аъмоллардан иборат ишонч аъмолларини бажаради;

мижозлар ва гумашта-банкларнинг ҳисобини юритади;

мижозлар билан тузилган шартномалар асосида чет эл валютасини, қимматбаҳо металларни, валюта ва бошқа бойликларни сақлашга, комиссияга қабул қилади;

банк фаолияти билан боғлиқ маслаҳатлар беради ва маркетинг хизматлари кўрсатади.

Кейинги таҳрирга қаранг.

Кейинги таҳрирга қаранг.

ўз маблағлари билан, шу жумладан, улушбай асосда корхоналар, ташкилотлар ва бошқа тижорат тузилмаларини ташкил этишда ва уларнинг хўжалик фаолиятида, шу жумладан, холдинг асосида иштирок этиши;

корхоналар ва ташкилотларнинг берган ишончномаси бўйича молия ва хўжалик идораларида уларнинг номидан вакиллик қилиши мумкин.

20. Банкнинг мижозлар ва бошқа контрагентлар билан муносабатлари шартнома асосида қурилади.

кредит берилган корхоналар ва ташкилотлардан уларнинг тўлов қобилиятини, шунингдек, берилган кредитлар қайтарилишининг таъминланганлигини тасдиқловчи ҳисоботлар, баланслар ва ҳужжатлар олишга;

банкнинг ўз маблағлари ёки кредитлар билан иштирокида амалга оширилиши мўлжалланаётган объектларнинг қурилиши, уларни техника билан қуроллантириш ва бошқа хўжалик фаолияти бўйича лойиҳа ечимларини экспертизадан ўтказишни талаб қилишга;

кредит шартномаларида назарда тутилган мажбуриятлар бузилганда, ҳисоботларнинг нотўғрилиги ёки бухгалтерия ҳисобининг чалкашлиги аниқланган ҳолларда кредит беришини тўхтатиб қўйишга, берилган кредит суммасини муддатидан олдин ундиришга;

қонунда белгиланган ҳоллар қарздорларни тўлов қобилиятига эга эмас деб эълон қилишга;

шартномалар асосида актив ва пассив аъмоллар ўтказиш учун фоиз ставкалари, шунингдек, кўрсатилган хизматлар учун комиссион тарзда тақдирлаш миқдорларини белгилашга ҳақлидир.

V. БАНКНИ БОШҚАРИШ

Кейинги таҳрирга қаранг.

22. Банк ўз устав сармоясини эгаси сифатида Ўзбекистон Республикаси Вазирлар Маҳкамаси олдида ҳисоб беради.

Кейинги таҳрирга қаранг.

23. Ўзбекистон Республикаси Вазирлар Маҳкамаси:

Банк фаолиятининг асосий йўналишларини белгилайди;

Банк жамғармасини, унга киритиладиган ўзгаришлар ва қўшимчаларни тасдиқлайди;

Устав жамғармасини ўзгартириш тўғрисида қарор қабул қилади;

Кейинги таҳрирга қаранг.

Банк фаолиятининг йиллик натижаларини тасдиқлайди;

Банк Бошқарувининг тақдимига кўра даромадларни тақсимлаш, шунингдек зарарларни қоплаш тартибини тасдиқлайди;

Банк Бошқарувининг фаолиятига доир ҳисоботларни эшитади.

Кейинги таҳрирга қаранг.

24. Бошқарув Банкнинг ижро этувчи органи ҳисобланади, унга Раис бошчилик қилади. Банк Бошқаруви таркибини унинг Раиси белгилайди.

Банк Бошқарувининг Раисини лавозимига Ўзбекистон Республикаси Президенти тайинлайди.

Банк Бошқаруви Раисининг ўринбосарларини ва Бошқарув аъзоларини Ўзбекистон Республикаси Вазирлар Маҳкамаси тасдиқлайди.

Кейинги таҳрирга қаранг.

25. Банк Бошқаруви.

Банкнинг оператив фаолиятини ташкил этади ва амалга оширади, устав вазифаларининг ҳамда Ўзбекистон Республикаси Вазирлар Маҳкамаси қарорлари ва фармойишларининг бажарилишини таъминлайди;

ушбу Уставга мувофиқ Ўзбекистон Республикаси Вазирлар Маҳкамаси кўриб чиқиши лозим бўлган барча масалаларни дастлабки тарзда муҳокама қилади, улар бўйича тегишли материаллар, таклифлар ва қарор лойиҳалари тайёрлайди;

филиаллар ва ваколатхоналар ташкил этади, уларни қайта ташкил этади ва тугатади, улар тўғрисидаги низомларни тасдиқлайди;

Банк тузилмасини белгилайди, Банкни ривожлантириш учун сарфланадиган маблағлар миқдорини тасдиқлайди;

Бошқарув муҳокамасига киритилган бошқа масалаларни қўриб чиқади ва ҳал этади.

Кейинги таҳрирга қаранг.

Кейинги таҳрирга қаранг.

26. Банк Бошқарувининг Раиси Банкнинг юқори мансабдор шахси ҳисобланади, Банк Уставида ўзига берилган ваколатларга мувофиқ Банкнинг фаолиятига раҳбарлик қилади ва Банк зиммасига юклатилган вазифаларнинг бажарилиши учун шахсан жавоб беради.

27. Ўзбекистон Республикаси Ташқи иқтисодий фаолият миллий банки Раиси:

Кейинги таҳрирга қаранг.

Банк фаолиятига доир барча масалаларни ҳал этади, ушбу Уставда Ўзбекистон Республикаси Вазирлар Маҳкамасининг ваколатига киритилган масалалар бундан мустаснодир;

Кейинги таҳрирга қаранг.

ишончномасиз Банк номидан иш кўради, республика органлари, корхоналари ва ташкилотларида, шунингдек бошқа давлатларда Банк фаолиятига доир барча масалалар бўйича Банк номидан вакиллик қилади;

Банкнинг мол-мулкини тасарруф этади;

Кейинги таҳрирга қаранг.

шартномалар, битимлар, шу жумладан, меҳнат шартномалари тузади;

ишончномалар беради;

маблағларни, шу жумладан, хайрия тадбирлари учун тасарруф этиш ҳуқуқидан фойдаланади, хизмат сафарига, вакиллик қилишга ва бошқа мақсадларга сарфланадиган харажатларнинг энг юқори миқдорини белгилайди;

Кейинги таҳрирга қаранг.

Банк унинг филиаллари ва ваколатхоналарининг штат жадвалини тасдиқлайди;

Банк ходимларининг меҳнатига тўланадиган ҳақ, шунингдек бошқа даромадлари шакли ва миқдорини мустақил белгилайди;

ходимларни мукофотлаш тўғрисидаги, тузилма бўлинмалари ҳақидаги, Банк ходимлари лавозим йўриқномаларини тасдиқлайди;

Банкнинг барча ходимлари учун мажбурий бўлган буйруқ, фармойишлар чиқаради;

республика Марказий банкида мувофиқлаштиришни ва тасдиқлашни талаб этмайдиган услубий кўрсатмаларни, йўриқномаларни тасдиқлайди;

Кейинги таҳрирга қаранг.

Банк фаолиятига доир бошқа масалаларни кўриб чиқади, ҳал этади.

VI. БАНКНИНГ МЕҲНАТ ЖАМОАСИ

28. Банкнинг меҳнат жамоаси — меҳнат шартномаси (контракти, битими) асосида, шунингдек, Банк билан ходим ўртасидаги меҳнат муносабатларини тартибга солишнинг бошқа шакллари асосида Банк фаолиятида ўз меҳнати билан иштирок этадиган барча ходимлардан ташкил топади.

29. Банкнинг барча ходимлари Миллий банк ходимлари Кодексига риоя этишлари, Банкнинг аъмоллари, ҳисоблари ва омонатларига, мижозлари ва гумашталарига доир сирларни ошкор этмасликлари шарт.

Кейинги таҳрирга қаранг.

30. Банк ҳар бир ходимининг меҳнат даромадлари, Банк ишининг пировард натижаларини ҳисобга олган ҳолда, шахсан қўшган меҳнат ҳиссасига қараб белгиланади, солиқлар билан тартибга солинади ва уларнинг миқдори чекланмайди.

Даромад тақсимланганда даромаднинг бир қисми (10 фоизгача) Банк меҳнат жамоаси аъзоларининг мулкига айлантирилади.

VII. БАНК ФОЙДАСИНИ ТАҚСИМЛАШ

31. Даромаднинг амалдаги қонунларига мувофиқ бюджетга солиқ тўланиб, фондларга ажратмалар ўтказилганда кейин қолган қисмидан банкни ривожлантириш учун ёки Вазирлар Маҳкамаси белгилайдиган бошқа мақсадларда фойдаланилади.

Кейинги таҳрирга қаранг.

VIII. БУХГАЛТЕРИЯ ҲИСОБИ ВА ҲИСОБОТ

32. Банкда бухгалтерия ҳисоби ва ҳисобот Ўзбекистон Республикаси Марказий банкнинг ягона қоидаларига мувофиқ амалга оширилади. Банк Ўзбекистон Республикаси Марказий банки белгиланган ҳажм ва муддатларда унга бухгалтерия баланси, ҳисоботлар ва бошқа материалларни тақдим этади.

33. Тақдим этилган маълумотларнинг тўғрилигини аудиторлик ташкилоти тасдиқлаб бергандан кейин Банк Ўзбекистон Республикаси Марказий банки белгилаган шаклда ва муддатларда йиллик балансни, фойда ва зарарга доир ҳисоб-китобни эълон қилади.

34. Банкнинг аъмолларини бажарадиган йили 1 январда бошланади ва 31 декабрда тугайди.

IХ. БАНК ФАОЛИЯТИНИ ТАФТИШ ҚИЛИШ ВА ТЕКШИРИШ

35. Банк фаолиятини тафтиш қилиш ва текшириш Банкнинг тафтиш комиссияси (ички аудит), мустақил аудиторлик ташкилотлари ва қонунчиликка мувофиқ бундай текширишларни ўтказиш ваколати берилган бошқа назорат идоралари томонидан амалга оширилади.

Кейинги таҳрирга қаранг.

Х. БАНК ФАОЛИЯТИНИ ТЎХТАТИШ

36. Банк фаолияти Ўзбекистон Республикаси қонунчилигига мувофиқ Ўзбекистон Республикаси Ҳукуматининг қарорига биноан тўхтатилади.

Кейинги таҳрирга қаранг.