Ҳужжат 06.08.2021 00 санаси ҳолатига
Амалдаги версияга ўтиш

Ўзбекистон Республикаси Президентининг

Фармони

Ипотека кредити механизмлари янада такомиллаштирилиши муносабати билан Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида

Уй-жой шароитини яхшилашга муҳтож аҳолини қўллаб-қувватлаш, ипотека кредити бозорини янада ривожлантириш, хусусий пудрат ташкилотларини уй-жойлар қурилишига кенг жалб қилиш ҳамда уларга қулай шарт-шароитлар яратиш мақсадида:

1. Ўзбекистон Республикаси Президентининг 2021 йил 11 мартдаги «Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида»ги ПФ-6186-сон Фармонига мувофиқ Иқтисодий тараққиёт ва камбағалликни қисқартириш вазирлиги зиммасига республика ҳудудларида уй-жой қурилиши бозорини ривожлантириш бўйича ягона давлат сиёсатини ишлаб чиқиш ва амалга ошириш ҳамда даромади юқори бўлмаган ва уй-жой шароитларини яхшилашга муҳтож бўлган фуқароларга ипотека кредити бўйича Давлат бюджети маблағлари ҳисобидан субсидиялар ажратилишини мувофиқлаштириш вазифалари юкланганлиги маълумот учун қабул қилинсин.

Иқтисодий тараққиёт ва камбағалликни қисқартириш вазирлигининг Уй-жой қурилишини ривожлантириш бошқармасининг штат бирликлари сони 4 тадан 12 тага оширилсин.

Белгилансинки, Уй-жой қурилишини ривожлантириш бошқармасининг қўшимча штат бирликлари Молия вазирлиги тизимидаги 8 та штат бирлигини қисқартириш ҳисобига шакллантирилади.

2. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.

3. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосарлари А.Ж. Раматов ва Ж.А. Қўчқоров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 5 август,

ПФ-6274-сон

Ўзбекистон Республикаси Президентининг 2021 йил 5 августдаги ПФ-6274-сон Фармонига
ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2019 йил 28 ноябрдаги «Ипотека кредити механизмларини такомиллаштиришга оид қўшимча чора-тадбирлар тўғрисида»ги ПФ-5886-сон Фармонида:

а) 4-банднинг учинчи хатбошиси қуйидаги таҳрирда баён этилсин:

«уй-жойларнинг ҳисобланган қиймати ҳар йили Иқтисодий тараққиёт ва камбағалликни қисқартириш вазирлиги томонидан Молия вазирлиги ҳамда Қурилиш вазирлиги билан келишган ҳолда белгиланади ва ҳар олти ойда қайта кўриб чиқилади»;

б) 1-илова қуйидаги таҳрирда баён этилсин:

«Ўзбекистон Республикаси Президентининг 2019 йил 28 ноябрдаги ПФ-5886-сон Фармонига

1-ИЛОВА

2020 йилда қишлоқ жойларида янги тартибга мувофиқ кўп квартирали уй-жойлар қуриш ва субсидиялар тўлашнинг

мақсадли мўлжаллари*

Т/р	Ҳудудлар номи	Кўп квартирали уй-жойлардаги квартираларнинг умумий сони	Харажатларнинг ҳисобланган қиймати (млрд сўм)	шу жумладан, қуйидагилар ҳисобидан:		Давлат бюджети маблағлари ҳисобидан фоиз ставкасининг бир қисмини қоплаш учун субсидия тўланадиган шахслар сони
Т/р	Ҳудудлар номи		Харажатларнинг ҳисобланган қиймати (млрд сўм)	бошланғич бадаллар (млрд сўм)	келгусида аҳолига кредитлар бериш учун тижорат банкларига ажратиладиган ресурслар (млрд сўм)
	ЖАМИ	4 000	800,0	80,2	719,8	3 680
1.	Андижон вилояти	700	143,5	14,4	129,2	700
2.	Бухоро вилояти	500	102,5	10,3	92,3	500
3.	Наманган вилояти	700	143,5	14,4	129,2	700
4.	Самарқанд вилояти	900	184,5	18,5	166,1	900
5.	Сурхондарё вилояти	500	82,0	8,2	73,8	180
6.	Фарғона вилояти	700	143,6	14,4	129,2	700

Изоҳ:

* 2020 йилда қишлоқ жойларида янги тартибга мувофиқ кўп квартирали уйларни қуриш ва субсидиялар тўлашнинг мақсадли мўлжалларига зарур ҳолларда Ўзбекистон Республикаси Вазирлар Маҳкамаси томонидан Бозор тамойиллари асосида уй-жой қурилиши ва сотилишининг янги тартибини жорий этиш бўйича республика комиссияси таклифига кўра тегишли ўзгартиришлар киритилиши мумкин.»;

в) 2-илова қуйидаги таҳрирда баён этилсин:

«Ўзбекистон Республикаси Президентининг 2019 йил 28 ноябрдаги ПФ-5886-сон Фармонига
2-ИЛОВА

2020 йил шаҳарларда янги тартибга мувофиқ кўп квартирали уй-жойлар қуриш ва субсидиялар тўлашнинг

МАҚСАДЛИ МЎЛЖАЛЛАРИ*

Т/р	Ҳудудлар номи	Кўп квартирали уй-жойлардаги квартираларнинг умумий сони	шу жумладан қуйидагилар учун:							Харажатларнинг ҳисобланган қиймати (млрд сўм)	шу жумладан қуйидагилар ҳисобидан:						Бошланғич бадал ва ипотека кредити фоиз ставкасини компенсация қилиш бўйича субсидиялар тўланадиган шахслар сони**
			уй-жой шароитини яхшилашга муҳтож оилалар	меҳнат мигрантлари	алоҳида намуна кўрсатаётган ёш оилалар	оғир ижтимоий вазиятга тушиб қолган аёллар	Мудофаа вазирлигининг ҳарбий хизматчилари	Миллий гвардиянинг ҳарбий хизматчилари	ички ишлар органлари ходимлари		бошланғич бадаллар (млрд сўм)	улардан:				келгусида аҳолига кредитлар бериш учун тижорат банкларига ажратиладиган ресурслар (млрд сўм)
												Давлат бюджети маблағлари ҳисобидан бошланғич бадални тўлаш учун субсидиялар		Ўзбекистон Республикаси Давлат бюджетидан Мудофаа вазирлиги, Миллий гвардия ҳарбий хизматчилари ва ички ишлар органлари ходимларига бошланғич бадал тўлови учун ажратиладиган маблағлар
												квартиралар сони	Суммаси (млрд сўм)	квартиралар сони	Суммаси (млрд сўм)
	ЖАМИ	13 750	10 926	1 331	153	320	540	225	255	4 467,0	907,6	11 405	366,7	1 020	70,4	3 559,5	11 405
1.	Қорақалпоғистон Республикаси	270	159	15	11	25	30	15	15	74,5	15,7	212	5,9	60	4,1	58,8	212
2.	Андижон вилояти	540	268	148	6	28	60	15	15	149,0	31,1	619	17,4	90	6,2	118,0	619
3.	Бухоро вилояти	540	368	79	9	24	30	15	15	149,0	30,6	424	11,7	60	4,1	118,4	424
4.	Жиззах вилояти	216	115	10	7	24	30	15	15	59,6	12,8	170	4,7	60	4,1	46,9	170
5.	Қашқадарё вилояти	320	112	101	19	28	30	15	15	88,3	18,5	251	6,9	60	4,1	69,8	251
6.	Навоий вилояти	216	121	10	15	10	30	15	15	59,6	12,8	170	4,7	60	4,1	46,9	170
7.	Наманган вилояти	540	384	71	5	20	30	15	15	149,0	30,6	629	17,4	60	4,1	118,4	629
8.	Самарқанд вилояти	800	324	312	18	26	75	15	30	220,8	45,8	868	24,0	120	8,3	175,0	868
9.	Сирдарё вилояти	216	73	35	11	37	30	15	15	59,6	12,8	170	4,7	60	4,1	46,9	170
10.	Сурхондарё вилояти	655	413	168	8	6	30	15	15	179,9	36,9	652	18,0	60	4,1	182,1	652
11.	Тошкент вилояти	796	511	58	11	36	90	45	45	219,7	46,4	625	17,3	180	12,4	173,3	625
12.	Фарғона вилояти	540	243	153	22	32	45	15	30	149,0	31,1	629	17,6	90	6,2	118,0	629
13.	Хоразм вилояти	216	112	9	11	24	30	15	15	59,6	12,8	170	4,7	60	4,1	46,9	170
14.	Тошкент шаҳри	7 885	7 723	162						2 849,1	569,7	5 816	211,7			2 240,3	5 816

Изоҳ.

* 2020 йилда шаҳарларда янги тартибга мувофиқ кўп квартирали уй-жойлар қуриш ва субсидиялар тўлашнинг мақсадли мўлжалларига зарур ҳолларда Ўзбекистон Республикаси Вазирлар Маҳкамаси томонидан Бозор тамойиллари асосида уй-жой қурилиши ва сотилишининг янги тартибини жорий этиш бўйича республика комиссияси таклифига кўра тегишли ўзгартиришлар киритилиши мумкин.

** Андижон, Наманган ва Фарғона вилоятларида қурилган квартиралар сонидан ортган субсидиялар янги тартиб доирасидан ташқари қурилган ва бирламчи уй-жой бозорида сотиладиган квартираларни сотиб олиш учун ажратиладиган ипотека кредитлари бўйича берилиши мумкин.».

2. Ўзбекистон Республикаси Президентининг 2020 йил 7 декабрдаги «Ипотека кредити механизмлари янада такомиллаштирилиши муносабати билан Ўзбекистон Республикаси Президенти ва Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш тўғрисида»ги ПФ-6126-сон Фармонига илованинг 3-банди ўз кучини йўқотган деб ҳисоблансин.

3. Ўзбекистон Республикаси Президентининг 2021 йил 11 мартдаги «Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида»ги ПФ-6186-сон Фармонида:

а) 1-бандда:

тўртинчи хатбоши қуйидаги таҳрирда баён этилсин:

«шаҳарларда ва қишлоқ жойларда ипотека кредитлари бўйича дастлабки бадал сотиб олинадиган квартира қийматининг 15 фоизидан кам бўлмаган миқдорда белгиланади. Бунда, мазкур Фармон қабул қилингунига қадар субсидия тақдим этиш тўғрисидаги хабарномаларни олган шахсларга ипотека кредитлари ва субсидиялар 2020 йилда амалда бўлган шартлар ва миқдорларда ажратилади»;

бешинчи хатбоши қуйидаги таҳрирда баён этилсин:

еттинчи хатбоши «тўланади» сўзидан кейин «, қонунчилик ҳужжатларида назарда тутилган ҳолатлар бундан мустасно» сўзлари билан тўлдирилсин;

б) 2-банд қуйидаги мазмундаги бешинчи ва олтинчи хатбошилар билан тўлдирилсин:

«Белгилансинки, 2021 йил 1 октябрга қадар қурилиши якунланиб, фойдаланишга тайёр ҳолда топширилган квартираларни сотиб олиш учун ажратиладиган ипотека кредитлари бўйича субсидиялар сотиб олинаётган квартиранинг майдони ва нархи мазкур Фармоннинг 3-иловасида келтирилган квартира майдонининг энг кўп меъёри ва уй-жойнинг ҳисобланган қийматидан ошган тақдирда ҳам тўланади.

Бунда, сотиб олинадиган квартиранинг нархи уй-жойнинг ҳисобланган қийматидан ошиб кетган тақдирда, қийматнинг қолган қисми қарз олувчи томонидан ўз маблағлари ва қонун ҳужжатларида тақиқланмаган бошқа манбалар ҳисобидан тўланади»;

в) 3-банд қуйидаги мазмундаги учинчи хатбоши билан тўлдирилсин:

«Осиё тараққиёт банки маблағлари ҳисобига «Қишлоқ қурилиш инвест» ИК» МЧЖ иштирокида қишлоқ жойларда қўшимча кўп қаватли арзон уй-жойлар қурилишини 4¹-иловага мувофиқ»;

учинчи хатбоши тўртинчи хатбоши деб ҳисоблансин;

г) 1-илова қуйидаги таҳрирда баён этилсин:

«Ўзбекистон Республикаси Президентининг 2021 йил 11 мартдаги ПФ-6186-сон Фармонига
1-ИЛОВА

2021 йилда янги тартиб доирасида ипотека кредитлари ажратишнинг

МАҚСАДЛИ ПАРАМЕТРЛАРИ*

								млрд сўм
Т/р	Ҳудудлар номи	квартиралар ва якка тартибдаги уй-жойларнинг умумий сони	шундан:			Харажатларнинг ҳисобланган қиймати	шу жумладан, қуйидагилар ҳисобидан:
Т/р	Ҳудудлар номи		шаҳарларда	қишлоқ жойларда	якка тартибдаги уй-жойлар	Харажатларнинг ҳисобланган қиймати	дастлабки бадал	келгусида аҳолига кредитлар бериш учун тижорат банкларига ажратиладиган ресурслар
Республика бўйича жами		35 120	18 804	9 816	6 500	10 548,9	1 582,3	8 966,6
1.	Қорақалпоғистон Республикаси	1 280	400	380	500	349,7	52,4	297,2
2.	Андижон вилояти	3 200	1 200	1 500	500	893,5	134,0	759,5
3.	Бухоро вилояти	2 330	1 050	780	500	638,0	95,7	542,3
4.	Жиззах вилояти	1 180	300	380	500	315,7	47,4	268,4
5.	Қашқадарё вилояти	2 400	1 200	700	500	699,1	104,9	594,2
6.	Навоий вилояти	1 380	500	380	500	383,6	57,5	326,1
7.	Наманган вилояти	2 400	900	1 000	500	670,1	100,5	569,6
8.	Самарқанд вилояти	3 100	1 644	956	500	912,0	136,8	775,2
9.	Сурхондарё вилояти	2 900	1 600	800	500	859,2	128,9	730,3
10.	Сирдарё вилояти	970	210	260	500	256,0	38,4	217,6
11.	Тошкент вилояти	2 700	1 300	900	500	781,6	117,2	664,4
12.	Фарғона вилояти	2 400	1 000	900	500	679,8	102,0	577,8
13.	Хоразм вилояти	1 880	500	880	500	505,1	75,8	429,4
14.	Тошкент шаҳри	7 000	7 000			2 605,5	390,8	2 214,6

* 2021 йилда янги тартиб доирасида ипотека кредитлари ажратишнинг мақсадли параметрларига зарур ҳолларда Вазирлар Маҳкамаси томонидан Иқтисодий тараққиёт ва камбағалликни қисқартириш вазирлиги ҳамда Молия вазирлиги таклифлари асосида тегишли ўзгартиришлар киритилиши мумкин.»;

д) 2-илова қуйидаги таҳрирда баён этилсин:

«Ўзбекистон Республикаси Президентининг 2021 йил 11 мартдаги ПФ-6186-сон Фармонига
2-ИЛОВА

2021 йилда янги тартиб доирасида ипотека кредитлари бўйича субсидиялар ажратишнинг

МАҚСАДЛИ ПАРАМЕТРЛАРИ*

												млрд сўм
Т/р	Ҳудудлар номи	Жами тўланадиган субсидиялар		шу жумладан:
				шаҳарларда ипотека кредити бўйича дастлабки бадал ва фоиз тўловларининг бир қисмини қоплаш учун тўланадиган субсидиялар		шундан:		қишлоқ жойларда ипотека кредити бўйича дастлабки бадал ва фоиз тўловларининг бир қисмини қоплаш учун тўланадиган субсидиялар		шундан:		якка тартибдаги уй-жой қуриш (реконструкция қилиш) учун ажратилган кредитлар бўйича фоиз тўловларининг бир қисмини қоплаш учун тўланадиган субсидиялар
						дастлабки бадалнинг бир қисмини қоплаш учун субсидия суммаси	фоиз тўловларининг бир қисмини қоплаш учун субсидия суммаси			дастлабки бадалнинг бир қисмини қоплаш учун субсидия суммаси	фоиз тўловларининг бир қисмини қоплаш учун субсидия суммаси
		сони	суммаси	сони	суммаси			сони	суммаси			сони	суммаси
Республика бўйича жами		25 216	1 097,4	11 500	652,5	404,0	248,5	9 816	380,5	238,5	141,9	3 900	64,4
1.	Қорақалпоғистон Республикаси	920	33,4	240	13,7	8,1	5,5	380	14,7	9,2	5,5	300	4,96
2.	Андижон вилояти	2 710	115,0	910	51,9	30,9	21,0	1 500	58,1	36,5	21,7	300	4,96
3.	Бухоро вилояти	2 090	92,7	1 010	57,5	34,2	23,3	780	30,2	19,0	11,3	300	4,96
4.	Жиззах вилояти	860	30,0	180	10,3	6,1	4,2	380	14,7	9,2	5,5	300	4,96
5.	Қашқадарё вилояти	1 710	72,6	710	40,5	24,1	16,4	700	27,1	17,0	10,1	300	4,96
6.	Навоий вилояти	980	36,8	300	17,1	10,2	6,9	380	14,7	9,2	5,5	300	4,96
7.	Наманган вилояти	1 830	74,0	530	30,2	18,0	12,2	1 000	38,8	24,3	14,5	300	4,96
8.	Самарқанд вилояти	2 236	97,9	980	55,9	33,3	22,6	956	37,1	23,2	13,8	300	4,96
9.	Сурхондарё вилояти	2 460	113,5	1 360	77,6	46,2	31,4	800	31,0	19,4	11,6	300	4,96
10.	Сирдарё вилояти	680	21,9	120	6,8	4,1	2,8	260	10,1	6,3	3,8	300	4,96
11.	Тошкент вилояти	1 970	83,8	770	43,9	26,1	17,8	900	34,9	21,9	13,0	300	4,96
12.	Фарғона вилояти	1 790	73,5	590	33,7	20,0	13,6	900	34,9	21,9	13,0	300	4,96
13.	Хоразм вилояти	1 480	56,2	300	17,1	10,2	6,9	880	34,1	21,4	12,7	300	4,96
14.	Тошкент шаҳри	3 500	196,2	3 500	196,2	132,5	63,8

* 2021 йилда янги тартиб доирасида ипотека кредитлари бўйича субсидиялар тўлашнинг мақсадли параметрларига зарур ҳолларда Вазирлар Маҳкамаси томонидан Иқтисодий тараққиёт ва камбағалликни қисқартириш вазирлиги ҳамда Молия вазирлиги таклифлари асосида тегишли ўзгартиришлар киритилиши мумкин.»;

е) 3-илова қуйидаги таҳрирда баён этилсин:

«Ўзбекистон Республикаси Президентининг 2021 йил 11 мартдаги ПФ-6186-сон Фармонига
3-ИЛОВА

2021 йил учун уй-жойларнинг ҳисобланган қиймати, бир қарз олувчига ажратиладиган ипотека кредити ва ипотека кредити бўйича дастлабки бадалнинг бир қисмини қоплаш учун Давлат бюджетидан ажратиладиган субсидияларнинг энг кўп миқдори*

									минг сўм
Т/р	Ҳудуд	Квартира майдонининг энг кўп меъёри (кв. м)	Уй-жойнинг ҳисобланган қиймати	Ипотека кредитининг энг кўп миқдори		Дастлабки бадалнинг энг кам миқдори		Дастлабки бадал учун субсидиянинг энг кўп миқдори**
Т/р	Ҳудуд	Квартира майдонининг энг кўп меъёри (кв. м)	Уй-жойнинг ҳисобланган қиймати	фоиз	қиймати	фоиз	қиймати	фоиз	қиймати
1.	Қишлоқ жойларда	70	315 000	85%	267 750	15%	47 250	10%	31 500
2.	Шаҳарларда	70	364 000	85%	309 400	15%	54 600	10%	36 400
3.	Тошкент шаҳрида	70	399 000	85%	339 150	15%	59 850	10%	39 900

* 2021 йил учун уй-жойларнинг ҳисобланган қиймати, бир қарз олувчига ажратиладиган ипотека кредити ва дастлабки бадалнинг бир қисмини қоплаш учун ажратиладиган субсидияларнинг энг кўп миқдорига, зарур ҳолларда Иқтисодий тараққиёт ва камбағалликни қисқартириш вазирлиги томонидан Молия вазирлиги ҳамда Қурилиш вазирлиги билан келишган ҳолда тегишли ўзгартиришлар киритилиши мумкин.

** Сотиб олинадиган уй-жойнинг шартномадаги қиймати уй-жой ҳисобланган қийматидан кам бўлган тақдирда, дастлабки бадалнинг бир қисми учун субсидиялар шартномада кўрсатилган қийматнинг 10 фоизи миқдорида ажратилади.»;

ж) қуйидаги мазмундаги 4¹-илова билан тўлдирилсин:

«Ўзбекистон Республикаси Президентининг 2021 йил 11 мартдаги ПФ-6186-сон Фармонига
4¹-ИЛОВА

Осиё тараққиёт банки маблағлари ҳисобига «Қишлоқ қурилиш инвест» ИК» МЧЖ иштирокида қишлоқ жойларда қўшимча кўп қаватли арзон уй-жойлар қуришнинг

МАҚСАДЛИ ПАРАМЕТРЛАРИ*

					млрд сўм
Т/р	Ҳудудлар номи	Квартиралар сони	Харажатларнинг ҳисобланган қиймати	шу жумладан, қуйидагилар ҳисобидан:
Т/р	Ҳудудлар номи	Квартиралар сони	Харажатларнинг ҳисобланган қиймати	Дастлабки бадал	Осиё тараққиёт банкининг қарз маблағлари
Жами:		2 900	580,2	58,1	522,1
1.	Бухоро вилояти	280	50,4	5,0	45,4
2.	Қашқадарё вилояти	540	97,2	9,7	87,5
3.	Наманган вилояти	640	140,8	14,1	126,7
4.	Самарқанд вилояти	300	54,0	5,4	48,6
5.	Сурхондарё вилояти	300	54,0	5,4	48,6
6.	Тошкент вилояти	840	183,8	18,5	165,3

* Қишлоқ жойларда қўшимча кўп қаватли арзон уй-жойлар қуришнинг мақсадли параметрларига зарур ҳолларда Вазирлар Маҳкамаси томонидан Иқтисодий тараққиёт ва камбағалликни қисқартириш вазирлиги ҳамда Молия вазирлиги таклифлари асосида тегишли ўзгартиришлар киритилиши мумкин.».

4. Ўзбекистон Республикаси Президентининг 2018 йил 13 ноябрдаги «Ўзбекистон Республикаси Президенти давлат хавфсизлик хизмати ҳарбий хизматчиларининг уй-жой шароитларини яхшилаш бўйича чора-тадбирлар тўғрисида» ПҚ-4014-сон қарорининг рус тилидаги матнида:

а) 1-банднинг «а» кичик бандидаги «2021» рақами «2020» рақами билан алмаштирилсин;

б) 4-банд ва илова ўз кучини йўқотган деб ҳисоблансин.

5. Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомнинг 190-бандида:

учинчи хатбошидаги «уй-жой умумий қийматининг 25 фоизидан 50 фоизигача миқдордаги» сўзлари «уй-жойнинг ҳисобланган қийматининг 25 фоизи миқдоридаги» сўзлари билан алмаштирилсин;

тўртинчи хатбоши чиқариб ташлансин.

6. Ўзбекистон Республикаси Президентининг 2020 йил 1 майдаги «Аҳолининг уй-жой шароитини яхшилаш ҳамда ипотека кредити бозорини янада кенгайтиришга оид қўшимча чора-тадбирлар тўғрисида»ги ПҚ-4701-сон қарори 7-бандидан «мазкур қарор қабул қилингунга қадар» сўзлари чиқариб ташлансин.

(Қонунчилик маълумотлари миллий базаси, 06.08.2021 й., 06/21/6274/0766-сон)