|
Ҳужжат кучини йўқотган " " 14.03.2018
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИНИНГ ИНВЕСТИЦИЯ-ДАСТУРИНИ ШАКЛЛАНТИРИШ ТАРТИБИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2018 йил 13 мартдаги 197-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзи қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикасининг ривожланиш давлат дастурларини шакллантириш ва молиялаштиришнинг янги тартибини жорий этиш тўғрисида» 2017 йил 18 декабрдаги ПҚ-3437-сон қарори)»ги қарорига асосан ўз кучини йўқотган.
Ўзбекистон Республикасининг инвестиция дастурини шакллантиришни тартибга солиш мақсадида Вазирлар Маҳкамаси қарор қилади:
1. Белгилаб қўйилсинки:
Ўзбекистон Республикасининг Инвестиция дастури молиявий манбалар — бюджет маблағлари, бюджетдан ташқари фондларнинг маблағлари, банкнинг марказлаштирилган кредитлари, хорижий сармоялар ва ҳукумат кафолати остидаги кредитлар, шунингдек марказлаштирилган инвестициялар билан чамбарчас уйғунлаштирилган ҳолда жорий календарь йилга Вазирлар Маҳкамасининг қарори билан тасдиқланади;
Инвестиция дастури тасдиқланган йил давомида унга лойиҳаларнинг (хорижий сармоялар иштирокидаги лойиҳалар бундан мустасно) қўшимча киритилишига йўл қўйилмайди;
Инвестиция дастурига йил давомида хорижий сармоялар иштирокидаги лойиҳаларни қўшимча киритиш маблағ билан таъминлашнинг тасдиқланган манбалари мавжуд бўлган тақдирда белгиланган тартибда Вазирлар Маҳкамасининг қарорларига асосан амалга оширилади.
2. «Ўзистиқболстат» давлат қўмитаси Молия вазирлиги, Давлат солиқ қўмитаси, Хорижий сармоялар бўйича агентлик билан биргаликда бир ой муддатда Ўзбекистон Республикасининг Инвестиция дастури тўғрисидаги низом лойиҳасини ишлаб чиқсин ва Вазирлар Маҳкамасига киритсин, бунда дастурга киритиладиган лойиҳаларни танлаш мезонлари ва уларнинг рўйхатини тузиш механизмини назарда тутсин.
3. Мазкур қарорнинг бажарилишини назорат қилиш Бош вазир Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1997 йил 12 май,
240-сон
