|
Ҳужжат 24.02.2021 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш чора-тадбирлари тўғрисида
Кейинги таҳрирга қаранг.
Ўзбекистон Республикаси Президентининг «Қишлоқ хўжалигида сувни тежайдиган технологияларни жорий этишни янада жадал ташкил этиш чора-тадбирлари тўғрисида» 2020 йил 11 декабрдаги ПҚ-4919-сон қарори ижросини таъминлаш ҳамда қишлоқ хўжалигида сувни тежайдиган технологияларни жорий этишни давлат томонидан қўллаб-қувватлаш мақсадида Вазирлар Маҳкамаси қарор қилади:
Кейинги таҳрирга қаранг.
1. Қуйидагиларни назарда тутувчи Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш ва берилган субсидияни қайтариш тартиби тўғрисидаги низом 1-иловага мувофиқ тасдиқлансин:
сувни тежайдиган технологияларни жорий этиш бўйича манзилли рўйхатларни шакллантириш тартиби;
пахта, донли экинлар, сабзавот экинлари ва картошка, полиз экинлари ва озуқабоп, мойли, дуккакли экинлар ва доривор ўсимликлар учун сувни тежайдиган технологияларни жорий этиш бўйича харажатларнинг бир қисмини қоплаш тартиби;
янги интенсив боғ, токзор ва иссиқхона хўжаликларида сувни тежайдиган технологияларни жорий этишга сарфланган харажатларнинг бир қисмини қоплаш тартиби;
сувни тежайдиган суғориш технологияларидан мақсадли ва самарали фойдаланиш юзасидан назорат олиб бориш ҳамда ажратилган субсидияни қайтариш тартиби.
Кейинги таҳрирга қаранг.
2. Белгилаб қўйилсинки:
а) Қорақалпоғистон Республикаси Вазирлар Кенгаши, вилоятлар ва туманлар (шаҳарлар) ҳокимликлари:
қишлоқ хўжалиги экинларини етиштиришда сувни тежайдиган суғориш технологияларни жорий этиш, ерларни лазер ускунали текислагичлар билан текислаш, шунингдек, маҳаллий ишлаб чиқарувчилардан лазерли қурилмага эга автоматлаштирилган ер текислагич агрегатларини сотиб олиш бўйича туманлар (шаҳарлар) ва ҳудудий манзилли рўйхатларни шакллантириш ҳамда ўз вақтида тасдиқлаш ва уларнинг ижросини ташкил этишга;
Кейинги таҳрирга қаранг.
сувни тежайдиган суғориш технологияларини жорий қилиш, ерларни лазер ускунали текислагичлар билан текислаш, шунингдек, маҳаллий ишлаб чиқарувчилардан лазерли қурилмага эга автоматлаштирилган ер текислагич агрегатларини сотиб олиш ишларини жойларда пухта ўрганиб, субсидия ажратилиши юзасидан тегишли ҳужжатларни расмийлаштириб Қишлоқ хўжалиги вазирлигига, пахта хом ашёси етиштиришда томчилатиб суғориш технологиясини жорий этиш бўйича эса Сув хўжалиги вазирлигига тақдим қилиб боришга;
Кейинги таҳрирга қаранг.
б) Ўзбекистон Республикаси Сув хўжалиги вазирлиги — пахта хом ашёси етиштиришда томчилатиб суғориш технологиясини жорий этиш бўйича харажатларнинг бир қисмини қоплашга ажратиладиган субсидияларни белгиланган муддатларда талабгорларнинг ҳисобварақларига ўтказиб беришга;
Кейинги таҳрирга қаранг.
в) Ўзбекистон Республикаси Қишлоқ хўжалиги вазирлиги — донли экинлар, сабзавот экинлари ва картошка, полиз экинлари, озуқабоп, мойли ва дуккакли экинлар ҳамда доривор ўсимликлар учун жорий этилган сувни тежайдиган суғориш технологияларига, ерларни лазер ускунали текислагичлар билан текислашга, шунингдек, маҳаллий ишлаб чиқарувчилардан лазерли қурилмага эга автоматлаштирилган ер текислагич агрегатларини сотиб олишга сарфланган харажатларнинг бир қисмини қоплашга ажратиладиган субсидияларни белгиланган муддатларда талабгорларнинг ҳисобварақларига ўтказиб беришга;
Кейинги таҳрирга қаранг.
г) Ўзбекистон Республикаси Қишлоқ хўжалиги вазирлиги ҳузуридаги Боғдорчилик ва иссиқхона хўжалигини ривожлантириш агентлиги ҳамда Алкоголь ва тамаки бозорини тартибга солиш ҳамда виночиликни ривожлантириш агентлиги — янги интенсив боғ ва токзорларда сувни тежайдиган технологияларни жорий этишга сарфланган харажатларнинг бир қисмини қоплаш учун субсидияларни ўз вақтида талабгорларнинг ҳисобварақларига ўтказиб беришга;
Кейинги таҳрирга қаранг.
д) Ўзбекистон Республикаси Молия вазирлиги — ҳар йили Давлат бюджетининг асосий параметрларини шакллантиришда сувни тежайдиган суғориш технологияларини жорий этиш, ерларни лазер ускунали текислагичлар билан текислаш, шунингдек, маҳаллий ишлаб чиқарувчилардан лазерли қурилмага эга автоматлаштирилган ер текислагич агрегатларини сотиб олиш бўйича харажатларнинг бир қисмини қоплашга ажратиладиган субсидияларни назарда тутишга ҳамда белгиланган тартибда тегишли вазирлик ва идораларга ўтказиб беришга;
Кейинги таҳрирга қаранг.
е) Вазирлар Маҳкамаси ҳузуридаги Агросаноат мажмуи устидан назорат қилиш инспекцияси қишлоқ хўжалиги экинларини етиштиришда жорий этилган сувни тежайдиган технологияларидан ҳамда сувдан фойдаланиш ва сув истеъмоли тартиби талаблари бажарилиши бўйича доимий назорат ўтказишга ҳамда натижаси бўйича ҳар чорак якуни билан Вазирлар Маҳкамасига маълумот киритиб боришга масъулдир.
Кейинги таҳрирга қаранг.
3. Сувни тежайдиган суғориш технологиясини жорий қилиб субсидия олган қишлоқ хўжалиги ишлаб чиқарувчилари ушбу технологияни:
биринчи йил фойдаланмаса субсидиянинг 100 фоиз;
Кейинги таҳрирга қаранг.
иккинчи йил фойдаланмаса субсидиянинг 80 фоиз;
учинчи йил фойдаланмаса субсидиянинг 60 фоиз;
тўртинчи йил фойдаланмаса субсидиянинг 40 фоиз;
бешинчи йил фойдаланмаса субсидиянинг 20 фоиз қисмини субсидия берган вазирлик ва идорага белгиланган тартибда қайтаради.
Агар қишлоқ хўжалиги ишлаб чиқарувчилари ушбу технологияни беш йил давомида тўлиқ фойдаланса берилган субсидия унда тўлиқ қолдирилади.
4. Тадбиркорликни қўллаб қувватлаш жамғармаси томонидан истисно тариқасида сув тежовчи технологияларни жорий қилиш истагини билдирган, бироқ кредит ёки бюджетга тўловлар бўйича муддати ўтган қарздорлиги мавжуд бўлган қишлоқ хўжалиги ишлаб чиқарувчиларининг лойиҳалари бўйича компенсация берилиши таъминлансин.
Кейинги таҳрирга қаранг.
5. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.
6. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев, Ўзбекистон Республикаси сув хўжалиги вазири Ш.Р. Хамраев ҳамда Ўзбекистон Республикаси қишлоқ хўжалиги вазири Ж.А. Ходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 23 февраль,
95-сон
Вазирлар Маҳкамасининг 2021 йил 23 февралдаги 95-сон қарорига
1-ИЛОВА
1-ИЛОВА
Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш ва берилган субсидияни қайтариш тартиби тўғрисида
НИЗОМ
Кейинги таҳрирга қаранг.
1-боб. Умумий қоидалар
1. Ушбу Низом қишлоқ хўжалиги ишлаб чиқарувчиларига (кейинги ўринларда — талабгорлар) пахта, донли экинлар, сабзавот экинлари ва картошка, полиз экинлари ва озуқабоп, мойли, дуккакли экинлар ва доривор ўсимликлар, мевали экинлар ва узум (кейинги ўринларда — қишлоқ хўжалиги маҳсулотлари) етиштириш учун сувни тежайдиган технологияларни жорий этиш бўйича харажатларининг бир қисмини қоплаш ҳамда берилган субсидияни қайтариш тартибини белгилайди.
Кейинги таҳрирга қаранг.
Талабгорларга қишлоқ хўжалиги маҳсулотларини етиштириш учун сувни тежайдиган технологияларни жорий этиш бўйича харажатларининг бир қисми Ўзбекистон Республикаси Президентининг «Қишлоқ хўжалигида сувни тежайдиган технологияларни жорий этишни янада жадал ташкил этиш чора-тадбирлари тўғрисида» 2020 йил 11 декабрдаги ПҚ-4919-сон қарори билан белгиланган субсидиялар миқдорига асосан қоплаб берилади.
Кейинги таҳрирга қаранг.
2. Ушбу Низомда қуйидаги тушунчалардан фойдаланилади:
қишлоқ хўжалиги ишлаб чиқарувчилари — қишлоқ хўжалиги маҳсулотлари етиштирувчи фермер ва деҳқон хўжаликлари, кластерлар, кооперациялар ва бошқа қишлоқ хўжалиги ишлаб чиқарувчилари;
интенсив боғ — пакана ва ярим пакана пайвандтагларда етиштирилган кўчатларни зич схемада экиб, томчилатиб суғориш тизими асосида ташкил этилган боғ.
Кейинги таҳрирга қаранг.
3. Сувни тежайдиган суғориш технологиясини жорий этиш, шунингдек, лазер ускунали ер текислагичлар билан текислаш ишларини бажариш харажатлари учун субсидия Ўзбекистон Республикаси Давлат бюджетидан ҳар бир контурга фақат бир марта ажратилади.
Бунда лазер ускунали ер текислагичлар билан текислаш ишларини бажариш харажатлари учун субсидиялар қуйидаги ҳолларда:
томчилатиб ва ёмғирлатиб суғориш тизимлари билан биргаликда жорий қилинган майдонларга;
лазер қурилмага эга автоматлаштирилган ер текислагич агрегатларни Давлат бюджетидан субсидия ажратилган ҳолда сотиб олган талабгорларга;
қишлоқ хўжалиги экин майдонларини лазер ускунали ер текислагичлар билан текислаш ишларини бажариш учун белгиланган тартибда шартнома расмийлаштирмаган талабгорларга ажратилишига йўл қўйилмайди.
Кейинги таҳрирга қаранг.
4. Ушбу Низом талаблари:
пахта, донли экинлар, сабзавот экинлари ва картошка, полиз экинлари ва озуқабоп, мойли, дуккакли экинлар ва доривор ўсимликларни етиштириш учун сувни тежайдиган суғориш технологиялари 2021 йил ва ундан кейинги йилларда жорий этилган майдонларга, шунингдек, 2020 йил манзилли рўйхатга киритилган ва технология жорий қилинган ҳамда субсидия берилмаган майдонларга;
мевали экинлар ва узум етиштириш учун 2019 йил ва ундан кейинги йилларда ташкил этилган янги интенсив боғ ва токзорларда сувни тежайдиган технологиялар жорий этилган майдонларга;
2021 йил ва ундан кейинги йилларда лазер ускунали ер текислагичлар билан текисланган майдонларга татбиқ этилади.
Кейинги таҳрирга қаранг.
5. Ушбу Низомга асосан сувни тежайдиган технологияларни жорий этиш бўйича харажатларнинг бир қисмини қоплашга ажратиладиган маблағлар ҳисоби тегишлилиги бўйича қуйидаги ташкилотларнинг махсус шахсий ғазна ҳисобварақларида юритилади ҳамда субсидиялар:
Кейинги таҳрирга қаранг.
Ўзбекистон Республикаси Сув хўжалиги вазирлиги (кейинги ўринларда — Сув хўжалиги вазирлиги) томонидан пахта етиштиришда жорий этилган томчилатиб суғориш технологиясига сарфланган харажатларнинг бир қисмини қоплаш учун;
Кейинги таҳрирга қаранг.
Ўзбекистон Республикаси Қишлоқ хўжалиги вазирлиги (кейинги ўринларда — Қишлоқ хўжалиги вазирлиги) томонидан донли экинлар, сабзавот экинлари ва картошка, полиз экинлари ва озуқабоп, мойли, дуккакли экинлар ва доривор ўсимликлар етиштириш учун сувни тежайдиган технологияларни жорий қилиш, лазер ускунали ер текислагичлар билан текислаш ҳамда маҳаллий ишлаб чиқарувчилардан лазерли қурилмага эга автоматлаштирилган ер текислагич агрегатларни сотиб олиш харажатларининг бир қисмини қоплаш учун;
Қишлоқ хўжалиги вазирлиги ҳузуридаги Боғдорчилик ва иссиқхона хўжалигини ривожлантириш агентлиги томонидан мевали экинлар ва узум (саноатбоп усулда етиштириладиган техник навли узум плантациясидан ташқари) етиштириладиган ҳамда Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Агентликлар) томонидан саноатбоп усулда етиштириладиган техник навли узум плантацияси учун жорий этилган сувни тежайдиган суғориш технологияларига сарфланган харажатларнинг бир қисмини қоплаш учун берилади.
Кейинги таҳрирга қаранг.
Кейинги таҳрирга қаранг.
2-боб. Сувни тежайдиган технологияларни жорий қилиш бўйича манзилли рўйхатларни шакллантириш тартиби
Кейинги таҳрирга қаранг.
6. Қорақалпоғистон Республикаси Вазирлар Кенгаши, вилоятлар ва туманлар (шаҳарлар) ҳокимликлари қонунчилик ҳужжатлари билан белгиланган сувни тежайдиган технологияларни жорий қилиш бўйича прогноз кўрсаткичлар доирасида ҳудудий ва туман (шаҳар) манзилли рўйхатларни шакллантиради ва тасдиқлайди.
Кейинги таҳрирга қаранг.
7. Ҳар бир туманда (Қувасой шаҳарда) туман (Қувасой шаҳар) ҳокимлиги (кейинги ўринларда — туман ҳокимлиги) томонидан Сувни тежайдиган технологияларни жорий этишга сарфланган харажатларнинг бир қисмини қоплаш учун субсидия ажратишга кўмаклашувчи туман (Қувасой шаҳар) ишчи гуруҳи (кейинги ўринларда — туман ишчи гуруҳи) ушбу Низомга 1-иловага мувофиқ намунавий таркибда тузилади.
Кейинги таҳрирга қаранг.
Туман (Қувасой шаҳар) ирригация бўлими (кейинги ўринларда — туман ирригация бўлими) ишчи гуруҳнинг ишчи органи ҳисобланади.
Кейинги таҳрирга қаранг.
8. Талабгорлар сувни тежайдиган технологияларни жорий этиш бўйича манзилли рўйхатга киритиш тўғрисида ҳар календарь йилнинг 1 июлига қадар туман ишчи гуруҳининг ишчи органига ёзма ёки электрон шаклда ариза билан мурожаат қилади (ушбу Низомга 2-илова).
Кейинги таҳрирга қаранг.
9. Туман ишчи гуруҳи:
талабгорларнинг аризаларини қабул қилади ҳамда уч иш кунида жойига чиқиб ўрганади, сувни тежайдиган технологиялар жорий этиладиган ер майдонлари ва уларнинг шарт-шароитлари, етиштириладиган қишлоқ хўжалиги экинларига мослиги, сув ва электр энергияси билан таъминланганлик даражаси, олдинги йиллар ушбу майдонларда сувни тежайдиган технологияларнинг жорий этилган ёки этилмаганлигини ва бошқа томонларини, шунингдек, талабгорларнинг молиявий ҳолатини ўрганади;
ўрганиш натижаси бўйича сувни тежайдиган технологияларни жорий этиш бўйича туман манзилли рўйхатларини қишлоқ хўжалиги маҳсулотлари ва суғориш технологиялари турлари, ҳудудлар ҳамда талабгорлар бўйича ер майдонлари ва контур рақамлари, сув манбаи, хизмат кўрсатувчи тижорат банклари номи кўрсатилган ҳолда шакллантиради.
Туман манзилли рўйхатлари туман ишчи гуруҳининг барча аъзолари томонидан имзоланади ва туман ишчи гуруҳининг раҳбари томонидан тасдиқланади.
Тасдиқланган туман манзилли рўйхатлари ҳар календарь йилнинг 10 июлига қадар кўриб чиқиш ва умумлаштириш учун Ўзбекистон Республикаси Президентининг «Пахта хом ашёсини етиштиришда томчилатиб суғориш технологияларидан кенг фойдаланиш учун қулай шарт-шароитлар яратишга оид кечиктириб бўлмайдиган чора-тадбирлар тўғрисида» 2018 йил 27 декабрдаги ПҚ-4087-сон қарорига мувофиқ ташкил этилган Сувни тежайдиган суғориш технологияларини жорий этишга кўмаклашувчи ишчи гуруҳга (кейинги ўринларда — ҳудудий ишчи гуруҳ) белгиланган тартибда тақдим қилинади.
Туман манзилли рўйхатларининг тўғрилиги учун туман ишчи гуруҳи раҳбари ва аъзолари масъул ҳисобланади.
Кейинги таҳрирга қаранг.
10. Ҳудудий ишчи гуруҳ:
тақдим этилган туманлар манзилли рўйхатларини уч кун муддатда таҳлил қилади, заруратга кўра талабгорларнинг таклифларини жойига чиқиб ўрганади ва қишлоқ хўжалиги маҳсулотлари ва суғориш технологиялари турлари, туманлар, ҳудудлар ҳамда талабгорлар бўйича ер майдонлари, сув манбаи, хизмат кўрсатувчи тижорат банклари номи кўрсатилган ҳолда ҳудудий манзилли рўйхатларни шакллантиради. Манзилли рўйхатлар ҳудудий ишчи гуруҳнинг барча аъзолари томонидан имзоланади ҳамда ҳудудий ишчи гуруҳ раҳбари томонидан тасдиқланади.
Кейинги таҳрирга қаранг.
Тасдиқланган ҳудудий манзилли рўйхатлар ҳар календарь йилнинг 15 июлига қадар Сув хўжалиги вазирлигига белгиланган тартибда тақдим қилинади.
Ҳудудий манзилли рўйхатларнинг тўғрилиги учун ҳудудий ишчи гуруҳ раҳбари ва аъзолари масъул ҳисобланади.
Кейинги таҳрирга қаранг.
11. Сув хўжалиги вазирлиги Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши ҳамда Алкоголь ва тамаки бозорини тартибга солиш ҳамда виночиликни ривожлантириш агентлиги билан биргаликда ҳудудий манзилли рўйхатларни белгиланган прогноз кўрсаткичларга мослигини таҳлил қилади ва умумлаштиради ҳамда ҳар календарь йилнинг 20 июлига қадар келгуси йилда сувни тежайдиган технологияларга субсидия ажратиш мақсадида бюджет параметрларини шакллантиришда инобатга олиш учун Ўзбекистон Республикаси Молия вазирлигига тақдим қилади.
Кейинги таҳрирга қаранг.
12. Талабгорларнинг асосланган таклифлари бўйича туман манзилли рўйхатларига туман ҳокими томонидан Қорақалпоғистон Республикаси Вазирлар Кенгаши ва вилоятлар ҳокимликлари билан келишилган ҳолда тегишли ўзгартириш ва қўшимчалар киритилиши мумкин.
3-боб. Пахта, донли экинлар, сабзавот экинлари ва картошка, полиз экинлари ва озуқабоп, мойли, дуккакли экинлар ва доривор ўсимликлар учун сувни тежайдиган технологияларни жорий этиш бўйича харажатларнинг бир қисмини қоплаш тартиби
Кейинги таҳрирга қаранг.
13. Ўзбекистон Республикаси Давлат бюджетидан қишлоқ хўжалиги экинларини етиштириш учун сувни тежайдиган технологияларни жорий этиш бўйича харажатларнинг бир қисмини қоплашга ажратиладиган маблағлар ҳисоби тегишлилиги бўйича Қишлоқ хўжалиги вазирлиги ҳамда Сув хўжалиги вазирлигининг махсус шахсий ғазна ҳисобварағида юритилади.
Кейинги таҳрирга қаранг.
14. Пахта, донли экинлар, сабзавот экинлари ва картошка, полиз экинлари ва озуқабоп, мойли, дуккакли экинлар ва доривор ўсимликлар (кейинги ўринларда — қишлоқ хўжалиги экинлари) учун сувни тежайдиган технологияларни жорий этиш бўйича қилган харажатларининг бир қисмини ушбу Низомга 3-иловада келтирилган схемага мувофиқ қопланади.
Кейинги таҳрирга қаранг.
15. Манзилли рўйхатларга киритилган талабгорлар пахта, донли экинлар, сабзавот экинлари ва картошка, полиз экинлари ва озуқабоп, мойли, дуккакли экинлар ва доривор ўсимликлар (кейинги ўринларда — қишлоқ хўжалиги экинлари) учун сувни тежайдиган технологияларни жорий этиш бўйича қилган харажатларининг бир қисмини давлат бюджетидан қоплашга субсидия ажратилиши учун туман ишчи гуруҳига ушбу Низомга 3-иловага мувофиқ шаклдаги ариза билан ёзма ёки электрон шаклда мурожаат қилади (ушбу Низомга 4-илова).
Кейинги таҳрирга қаранг.
Аризага сувни тежайдиган суғориш технологиясини қуриш бўйича пудрат ташкилоти билан тузилган шартнома нусхаси, лойиҳа ҳужжати ва қурилиш ишлари якунланганлиги тўғрисидаги далолатнома (агар сувни тежайдиган технологияни ўз кучи ва имкониятлари орқали қурган бўлса, эҳтиёт қисмларни сотиб олиш билан боғлиқ харажатларни тасдиқловчи ҳужжатлар тақдим этилади) илова қилинади.
Кейинги таҳрирга қаранг.
Аризадаги маълумотлар ва тақдим қилинган ҳужжатларнинг тўғрилигига талабгорлар жавобгар ҳисобланади.
Талабгорлардан ушбу бандда назарда тутилмаган ҳужжатларни тақдим қилишни талаб қилиш тақиқланади.
16. Ушбу Низомнинг 15-бандида кўрсатилган ҳужжатлар тўлиқ бўлмаган ёки белгиланган тартибда расмийлаштирилмаган ҳолда тақдим қилинганда, туман ишчи гуруҳи томонидан аризани қабул қилиш рад этилади.
17. Туман ишчи гуруҳи ариза тушган кундан эътиборан беш иш кунида:
талабгорнинг тасдиқланган манзилли рўйхатларда борлигини текширади;
талабгорлар ва пудрат ташкилотлари вакили иштирокида жорий қилинган сувни тежайдиган технологияларнинг тўлиқ ишлаш жараёнини жойида ўрганади;
технология сифатли қурилган, тўлиқ ишлаган ва белгиланган техник талабгорларга жавоб берса, субсидия ажратилиши мақсадга мувофиқлиги юзасидан ушбу Низомга 5-иловада келтирилган намунага асосан тегишли хулоса тайёрлайди.
Кейинги таҳрирга қаранг.
18. Ўрганиш натижаларига кўра сувни тежайдиган технологиялар талабгорлар томонидан тақдим этилган ҳужжатларга мувофиқ бўлмаганда, сифатсиз қурилган ва техник талабларга жавоб бермаганда ёки аниқланган камчиликлар етти кун ичида бартараф қилинмаган тақдирда, туман ишчи гуруҳи уч кун ичида аниқ сабабларни кўрсатган ҳолда талабгорга субсидия ажратилиши мақсадга мувофиқлиги юзасидан хулоса беришни рад этиш ҳақидаги қарорни қабул қилади ва бу ҳақида ёзма равишда талабгорга маълум қилади.
Талабгорлар туман ишчи гуруҳининг ушбу қароридан норози бўлган тақдирда, суд органларига шикоят қилиши мумкин.
Кейинги таҳрирга қаранг.
19. Туман ишчи гуруҳи томонидан талабгорларга субсидия ажратиш тўғрисидаги хулосалар умумлаштирилиб, рўйхат асосида ҳар ўн кунда ҳудудий ишчи гуруҳга кўриб чиқиш учун белгиланган тартибда тақдим этилади.
Кейинги таҳрирга қаранг.
20. Туман ишчи гуруҳи аъзолари талабгорларга субсидия ажратиш тўғрисидаги хулосаларни расмийлаштиришда қуйидагиларга шахсан масъул ҳисобланади:
туман ҳокими — ишчи гуруҳ томонидан расмийлаштирилган ҳужжатларнинг ҳаққонийлигига;
туман ҳокимининг қишлоқ ва сув хўжалиги масалалари бўйича ўринбосари — лазер ускунали ер текислагичлар орқали текисланган майдонларнинг сифатига, субсидия ажратиш бўйича ҳужжатларни ўз вақтида расмийлаштириш ва уларни мувофиқлаштиришга;
туман қишлоқ хўжалиги бўлим бошлиғи — сувни тежайдиган технология жорий қилинган майдоннинг ўлчами, контур рақами ва экин турини аниқлашга;
туман ирригация бўлими бошлиғи — жорий қилинган технология тури ва унинг сифат кўрсаткичларини аниқлашга;
Вазирлар Маҳкамаси ҳузуридаги Агросаноат мажмуи устидан назорат қилиш инспекциясининг туман бўлими бошлиғи — сувни тежайдиган технологиялар жорий қилинган майдонларда ушбу технологиялардан фойдаланиш юзасидан даврий равишда назорат олиб боришга;
туман фермер, деҳқон хўжаликлари ва томорқа ер эгалари кенгаши раиси — пудратчи ташкилотлар билан тузиладиган шартномаларда фермер хўжаликлари ҳуқуқини ҳимоя қилишга.
Кейинги таҳрирга қаранг.
21. Ҳудудий ишчи гуруҳ:
талабгорларга субсидия ажратиш тўғрисидаги хулосаларни тушган кундан эътиборан уч иш куни ичида уларни умумлаштиради ва таҳлил қилади;
Кейинги таҳрирга қаранг.
агар тақдим этилган ҳужжатларда келтирилган маълумотларда камчилик аниқланса, жойига чиққан ҳолда технологиянинг ишлаш жараёнини ўрганади;
ҳар ўн кунда субсидия оладиган талабгорларнинг рўйхатларини умумлаштириб, тегишлилигича Қишлоқ хўжалиги вазирлиги ҳамда Сув хўжалиги вазирлиги кечи билан 1 декабрга қадар тақдим этади.
Кейинги таҳрирга қаранг.
Кейинги таҳрирга қаранг.
Кейинги таҳрирга қаранг.
Кейинги таҳрирга қаранг.
22. Қишлоқ хўжалиги вазирлиги:
қишлоқ хўжалиги экинларини етиштириш учун сувни тежайдиган технологияларни жорий этиш бўйича (пахта етиштиришда жорий қилинган сувни тежайдиган технология бўйича рўйхат бундан мустасно) тақдим этилган талабгорлар рўйхатларини улар тушган кундан бошлаб ўн кун ичида Сув хўжалиги вазирлиги, Ветеринария ва чорвачиликни ривожлантириш давлат қўмитаси, Ўзбекистон фермер, деҳқон хўжаликлари ва томорқа ер эгалари кенгаши билан биргаликда кўриб чиқади ва умумлаштиради (ушбу Низомга 4-илова);
якуний келишилган рўйхатларга мувофиқ талабгорларнинг сувни тежайдиган технологияларни жорий этиш бўйича харажатларининг бир қисмини қоплаш мақсадида уларнинг тижорат банклардаги ҳисобварақларига субсидияларни ўтказиб беради.
Кейинги таҳрирга қаранг.
23. Сув хўжалиги вазирлиги:
пахта етиштириш учун жорий этилган сувни тежайдиган технологиялар бўйича тақдим этилган талабгорлар рўйхатларини улар тушган кундан бошлаб ўн кун ичида Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши билан биргаликда кўриб чиқади ва умумлаштиради (ушбу Низомга 4-илова);
якуний келишилган рўйхатларга мувофиқ талабгорларнинг пахта етиштириш учун томчилатиб суғориш технологиясини жорий этиш бўйича харажатларининг бир қисмини қоплаш мақсадида уларнинг тижорат банкларидаги ҳисобварақларига субсидияларни ўтказиб беради.
Кейинги таҳрирга қаранг.
Кейинги таҳрирга қаранг.
Кейинги таҳрирга қаранг.
4-боб. Янги интенсив боғ, токзор ва иссиқхона хўжаликларида сувни тежайдиган технологияларни жорий этишга сарфланган харажатларнинг бир қисмини қоплаш тартиби
24. Янги интенсив боғ, токзор ва иссиқхона хўжаликларида сувни тежайдиган технологияларни жорий этиш бўйича харажатларнинг бир қисми ушбу Низомга 6-иловада келтирилган схемага мувофиқ қопланади.
25. Талабгорлар субсидия олиш учун томчилатиб суғориш технологияларини жорий этиш ишлари ва бурғиланган қудуқ, шунингдек, насос станциясини қуриш ишлари якунлангандан сўнг Агентликларга ёзма ёки электрон шаклда қуйидаги ҳужжатларни тақдим қилади:
юридик шахснинг номи, солиқ тўловчининг идентификация рақами (СТИР) ва ташкилий-ҳуқуқий шакли, жойлашган ери (почта манзили), сўралаётган субсидиянинг мақсади, лойиҳани амалга ошириш жойи, хизмат кўрсатувчи тижорат банкининг номи ва банкдаги 22626-махсус ҳисобварағи кўрсатилган ҳолда субсидия бериш тўғрисидаги ариза;
томчилатиб суғориш технологияси учун субсидия ажратилиши мақсадга мувофиқлиги тўғрисида (бурғиланган қудуқ, шунингдек, дарёлар, каналлар ва бошқа сув ҳавзаларидан сув чиқариш учун насос станциялари барпо этилган бўлса, томчилатиб суғориш технологияси жорий этилгандан сўнг) туман ишчи гуруҳининг далолатномаси (хулосаси);
янги интенсив боғ, токзор ва иссиқхона хўжалигини ташкил этиш учун ер участкаси ажратилганлиги тўғрисидаги ҳужжатлар нусхаси;
янги интенсив боғ, токзор ва иссиқхона хўжалигида томчилатиб суғориш технологиясини қуриш бўйича пудрат ташкилоти билан тузилган шартнома нусхаси;
амалга оширилган харажатларни тасдиқловчи ҳужжатларнинг нусхаси;
ушбу Низомга 5-иловага мувофиқ шаклда лойиҳа тўғрисида маълумот;
зарур ҳолларда, сувдан фойдаланиш мақсадида туташ ҳудудларда жойлашган, ҳар бирининг умумий майдони 35 гектардан ошмайдиган интенсив боғ, токзор ва иссиқхона хўжалиги барпо этаётган бир неча фермер ва қишлоқ хўжалиги корхоналарининг ўзаро келишув шартномаси нусхаси.
Аризадаги маълумотлар ва тақдим қилинган ҳужжатларнинг тўғрилигига талабгорлар жавобгар ҳисобланади.
Талабгорлардан ушбу бандда назарда тутилмаган ҳужжатларни тақдим қилишни талаб қилиш тақиқланади.
Агентликлар талабгорларга тааллуқли бошқа маълумотларни туман ишчи гуруҳларидан талаб қилиб олади.
26. Агентликлар:
талабгорлар томонидан субсидиялар олиш учун тақдим қилинадиган ҳужжатларнинг етти иш кунида ушбу Низом талабларига мувофиқлигини ўрганиб чиқади;
тақдим қилинган ҳужжатлар ушбу Низомнинг 25-бандига мувофиқ бўлмаган, 2019 йилдан олдин ташкил қилинган, шунингдек, интенсив бўлмаган боғ ва токзорлар учун субсидиялар сўралганда талабгорларни бу ҳақида хабардор қилади;
талабгорлар томонидан йўл қўйилган камчиликлар Агентликлар томонидан хабардор қилгандан сўнг етти иш куни мобайнида бартараф қилинмаган тақдирда, ҳужжатларни талабгорларга қайтаради;
талабгорларнинг субсидиялар олиш бўйича ушбу Низом талабларига мувофиқ бўлган ҳужжатларини тегишлилигича Боғдорчилик ва иссиқхона хўжалигини ривожлантириш агентлиги қошидаги Боғдорчилик ва иссиқхона хўжалигини ривожлантириш жамғармаси кенгаши ва Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш жамғармаси маблағлари ҳисобидан субсидиялар бериш бўйича кенгашининг (кейинги ўринларда — Кенгашлар) навбатдаги йиғилишларида кўриб чиқиш учун киритади.
27. Кенгашлар:
Агентликлар томонидан талабгорларнинг субсидиялар ажратиш юзасидан киритган ҳужжатларини (таклифларини) кўриб чиқади, субсидиялар ажратиш тўғрисида ёки ажратишни рад этиш тўғрисида тегишли қарорларни қабул қилади ҳамда субсидиялар ажратиладиган талабгорларнинг манзилли рўйхатларини тасдиқлайди;
қонун ҳужжатларига мувофиқ бошқа масалалар юзасидан қарорлар қабул қилади.
Кейинги таҳрирга қаранг.
28. Кенгашларнинг субсидияларни ажратиш тўғрисидаги ижобий қарорлари Агентликлар ва талабгорлар ўртасида субсидия ажратиш тўғрисидаги шартномаларни расмийлаштириш учун асос ҳисобланади.
Кенгашларнинг йиғилишлари камида бир ойда бир марта ўтказилади.
29. Агентликлар:
Кенгашлар томонидан қабул қилинган қарорлар тўғрисида талабгорларни бир кун мобайнида хабардор қилади;
Кенгашлар томонидан субсидия бериш тўғрисида қабул қилинган қарорлар асосида уч иш кунида талабгорлар билан субсидиялар ажратиш тўғрисида тегишли шартномаларни расмийлаштиради.
30. Субсидиялар Агентликлар ва талабгорлар ўртасида субсидия ажратиш тўғрисида шартномалар белгиланган тартибда расмийлаштирилгандан сўнг хизмат кўрсатувчи тижорат банкларида очилган махсус 22626-ҳисобварақларига бир ой муддатда ажратилади.
31. Туман ишчи гуруҳи талабгорлар томонидан амалга оширилган ишларни бевосита жойига чиқиб ўрганган ҳолда субсидия миқдорини аниқлайди ва тегишли далолатномани (хулосани) расмийлаштиради.
Туман ишчи гуруҳи раҳбари ва аъзолари тасдиқланган далолатномаларнинг ҳаққонийлигига масъул ҳисобланади.
32. Янги интенсив боғ, токзор ва иссиқхона барпо қилиш ишлари талабгорлар томонидан субсидия олингандан сўнг 12 ойдан ошмаган муддатда якунланиши лозим.
33. Агентликлар Қорақалпоғистон Республикаси Қишлоқ хўжалиги вазирлиги ва вилоятлар қишлоқ хўжалиги бошқармалари, туманлар (Қувасой шаҳар) қишлоқ хўжалиги бўлимлари (кейинги ўринларда — туманлар қишлоқ хўжалиги бўлимлари) билан биргаликда беш йил мобайнида шартномада кўрсатилган параметрларнинг бажарилиши юзасидан мониторинг олиб боради.
34. Агентликлар томонидан ушбу Низомнинг 33-банди талабларининг бузилиш ҳолатлари аниқланган тақдирда, ажратилган субсидияларни Агентликларга қайтариш ҳақида талабгорларга ёзма хабарнома юборилади.
35. Талабгорлар ушбу хабарномаларни олган кундан эътиборан бир ой мобайнида олинган субсидияни Агентликларнинг тегишли махсус шахсий ғазна ҳисобварағига қайтариши лозим.
36. Талабгорлар ажратилган субсидияни белгиланган муддатда қайтармаган тақдирда, Агентликлар томонидан субсидияни суд тартибида ундириш чоралари кўрилади.
Кейинги таҳрирга қаранг.
5-боб. Сувни тежайдиган суғориш технологияларидан фойдаланиш юзасидан назорат олиб бориш тартиби
37. Сувни тежайдиган суғориш технологиясини жорий қилишда давлат бюджетидан субсидия олган талабгорлар сувни тежайдиган суғориш тизимидан 5 йилдан кам бўлмаган муддатда мақсадли ва самарали фойдаланишлари лозим.
Сувни тежайдиган суғориш технологияси жорий қилинган майдонга лойиҳада белгиланган экиндан бошқа экин жойлаштирилганда, ушбу экинни суғоришда мавжуд сувни тежайдиган суғориш технологиясидан тўлиқ фойдаланиш имкони бўлмаган тақдирда, унинг асосий қисмидан (сув тиндиргич, насос станцияси, фильтрлар, сувни етказувчи ва тақсимловчи қувур тармоғи ва бошқа асосий қисмларидан) фойдаланиш лозим бўлади.
Бунда мавжуд сувни тежайдиган суғориш технологиясини ишлатмай, анъанавий суғориш усулида (экин майдонида ўқ ариқ ва шох ариқлар олиб, эгат билан суғориш) суғоришга йўл қўйилмайди (шўр ювиш, яхоб ва нам суви бериш бундан мустасно).
Сувни тежайдиган суғориш технологияси экилган экинни суғориш учун эҳтиёж бўлмаганда, электр энергияси ва сув таъминотида узилишлар бўлганда, уни таъмирлаш даврида, шунингдек, бошқа форс-мажор ҳолатларда вақтинча тўхтатилиши мумкин.
38. Агар, жорий қилинган сувни тежайдиган суғориш технологияларидан суғориш мавсумида фойдаланилмаслик ҳолатлари аниқланса, ажратилган субсидия қуйидагича тартибда қайтарилади:
биринчи йилдан фойдаланилмаса — субсидиянинг 100 фоизи;
иккинчи йилдан фойдаланилмаса — субсидиянинг 80 фоизи;
учинчи йилдан фойдаланилмаса — субсидиянинг 60 фоизи;
тўртинчи йилдан фойдаланилмаса — субсидиянинг 40 фоизи;
бешинчи йилдан фойдаланилмаса — субсидиянинг 20 фоизи.
Кейинги таҳрирга қаранг.
39. Давлат бюджетидан субсидия олиб жорий қилинган сувни тежайдиган суғориш технологиясидан мақсадли ва самарали фойдаланиш юзасидан назорат туман ишчи гуруҳи Вазирлар Маҳкамаси ҳузуридаги Агросаноат мажмуи устидан назорат қилиш инспекциясининг туман (Қувасой шаҳар) бўлими (кейинги ўринларда — Инспекциянинг туман бўлими) ҳамда жамоатчилик томонидан олиб борилади.
Кейинги таҳрирга қаранг.
Кейинги таҳрирга қаранг.
40. Туман ишчи гуруҳи экинларни суғориш мавсумида сувни тежайдиган суғориш технологиясидан мақсадли ва самарали фойдаланиш юзасидан бир ойда камида бир марта назорат олиб боради.
41. Инспекциянинг туман бўлими сувни тежайдиган суғориш технологиясидан мақсадли ва самарали фойдаланиш юзасидан назоратни иш режаси бўйича амалга оширади.
Кейинги таҳрирга қаранг.
42. Жамоатчилик томонидан сувни тежайдиган суғориш тизимидан суғориш мавсумида фойдаланилмаслик ҳолатлари аниқланса бундай ҳолатлар видеотехника воситалари орқали қайд этилиши (ёзиб олиниши) ва икки кун муддатда туман ишчи гуруҳига тақдим қилиниши мумкин.
Бунда сувни тежайдиган технологиядан фойдаланиш ҳолати қайд этилган санаси, ҳудуд (фермер хўжалиги ёки кластер ташкилоти) номи, жорий қилинган майдондаги экин тури кўрсатилиши лозим.
Жамоатчилик томонидан юборилган маълумотларни тўғрилигига ушбу маълумотни юборган жисмоний шахс масъул ҳисобланади.
43. Туман ишчи гуруҳи жамоатчилик томонидан аниқланган ҳолатлар бўйича келиб тушган видеоёзувларни қабул қилингандан сўнг уч иш куни мобайнида талабгорлар ёки уларнинг ваколатли ходими иштирокида ўрганади.
Агар сувни тежайдиган суғориш технологиясидан мақсадли ва самарали фойдаланмаслик ҳолати тасдиқланса, бу ҳақда туман ишчи гуруҳи тегишли далолатномани расмийлаштиради.
Далолатнома туман ишчи гуруҳини барча аъзолари томонидан имзоланади ва ишчи гуруҳ раҳбари томонидан тасдиқланади.
Жамоатчилик томонидан тақдим қилинган маълумотлар ўз тасдиғини топмаган тақдирда туман ишчи гуруҳи томонидан уч кун муддатда мурожаат қилган жисмоний шахсга ёзма маълумот тақдим қилади.
44. Туман ишчи гуруҳи тузилган далолатномага мувофиқ талабгорга субсидиянинг ушбу Низомнинг 38-бандида белгиланган миқдорини субсидияни ажратган масъул идорага очиладиган шахсий ғазнаҳисобварағини кўрсатган ҳолда қайтариш тўғрисида огоҳлантириш хати беради.
Талабгорлар огоҳлантириш хатини олган кундан бошлаб бир ой давомида субсидияни ихтиёрий равишда қайтармаса ёки қайтаришни рад этса, субсидияни мажбурий ундириш масаласи суд тартибида ҳал қилинади. Бунда судга даъво аризаси тегишли туман ҳокимликлари томонидан киритилади. Даъво аризасини киритиш билан боғлиқ харажатлар (давлат божи) ундириладиган субсидиядан қопланади.
45. Талабгорлар томонидан қайтарилган ёки суд тартибида ундирилган маблағлар масъул идоранинг шахсий ғазнаҳисобварағига келиб тушган кундан бошлаб икки иш куни ичида жамоатчилик томонидан сувни тежайдиган технологиялардан ўрнатилган тартибда фойдаланмаслик ҳолатлари тўғрисидаги видеоёзувларни юборган шахслар пул мукофоти билан рағбатлантирилади ва қолган қисми тўлиқ Ўзбекистон Республикасининг республика бюджетига қайтарилади.
Рағбатлантириш талабгорлардан ундирилган субсидиянинг беш фоизи миқдорида бир йилда бир марта амалга оширилади. Пул мукофоти маълумотни тақдим қилган шахснинг банк картасига ўтказиб берилади.
6-боб. Якунловчи қоидалар
46. Ҳар йилги тасдиқланган манзилли рўйхатларга мувофиқ ажратилган субсидиялар тўғрисидаги маълумотлар ушбу Низомнинг 5-бандида кўрсатилган вазирлик ва идораларнинг расмий веб-сайтларида эълон қилиб борилади.
47. Сув хўжалиги вазирлиги Қишлоқ хўжалиги вазирлиги, Ветеринария ва чорвачиликни ривожлантириш давлат қўмитаси, Ўзбекистон фермер, деҳқон хўжаликлари ва томорқа ер эгалари кенгаши, Агентликлар ҳамда ҳудудий ишчи гуруҳлар билан биргаликда талабгорлар томонидан жорий қилинган сувни тежайдиган технологиялардан самарали фойдаланиш юзасидан тизимли мониторинг олиб боради ҳамда юзага келган муаммоларни бартараф қилишда уларга ҳар томонлама кўмаклашади.
Кейинги таҳрирга қаранг.
Кейинги таҳрирга қаранг.
48. Ўзбекистон Республикаси Молия вазирлигининг Давлат молиявий назорати департаменти сувни тежайдиган технологияларни жорий қилиш бўйича сарфланган харажатларнинг бир қисмини қоплаш учун тақдим этилган субсидиялардан мақсадли фойдаланилишини назорат қилади.
Кейинги таҳрирга қаранг.
Кейинги таҳрирга қаранг.
49. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.
Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш ва берилган субсидияни қайтариш тартиби тўғрисидаги низомга
1-ИЛОВА
1-ИЛОВА
Сувни тежайдиган технологияларини жорий этишга сарфланган харажатларнинг бир қисмини қоплаш учун субсидия ажратишга кўмаклашувчи туман ишчи гуруҳининг
НАМУНАВИЙ ТАРКИБИ
1. Туман ҳокими, ишчи гуруҳ раҳбари
2. Туман ҳокимининг қишлоқ ва сув хўжалиги масалалари бўйича ўринбосари, ишчи гуруҳ раҳбарининг ўринбосари
3. Туман қишлоқ хўжалиги бўлим бошлиғи
Кейинги таҳрирга қаранг.
6. Вазирлар Маҳкамаси ҳузуридаги Агросаноат мажмуи устидан назорат қилиш инспекциясининг туман бўлими бошлиғи
Кейинги таҳрирга қаранг.
7. Туман фермер, деҳқон хўжаликлари ва томорқа ер эгалари кенгаши раиси
Кейинги таҳрирга қаранг.
6. Туман ирригация бўлими бошлиғи, ишчи гуруҳ котиби.
Кейинги таҳрирга қаранг.
Кейинги таҳрирга қаранг.
Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш ва берилган субсидияни қайтариш тартиби тўғрисида низомга
2-ИЛОВА
2-ИЛОВА
Сувни тежайдиган технологияларни жорий қилиш бўйича манзилли рўйхатларни шакллантириш
СХЕМАСИ
|
Босқичлар |
Субъектлар |
Чора-тадбирлар |
Муддатлар | |||
|
|
|
|
| |||
|
1-босқич |
Талабгорлар |
Сувни тежайдиган технологияларни жорий этиш бўйича манзилли рўйхатга киритиш тўғрисида туман ишчи гуруҳининг ишчи органига ёзма ёки электрон шаклда ариза билан мурожаат қилади. |
Ҳар календарь йилининг 1 июлига қадар | |||
|
|
||||||
|
2-босқич |
Туман ишчи гуруҳи |
1. Талабгорларнинг аризаларини қабул қилади ҳамда жойига чиқиб ўрганади. 2. Ўрганиш натижаси бўйича сувни тежайдиган технологияларни жорий этиш бўйича туман манзилли рўйхатларини шакллантиради. 3. Туман манзилли рўйхатлари туман ишчи гуруҳининг барча аъзолари томонидан имзоланади ва туман ишчи гуруҳининг раҳбари томонидан тасдиқланади. Тасдиқланган туман манзилли рўйхатлари кўриб чиқиш ва умумлаштириш учун ҳудудий ишчи гуруҳга белгиланган тартибда тақдим қилинади. |
Уч иш кунида Ҳар календарь йилининг 10 июлига қадар | |||
|
|
||||||
|
3-босқич |
Ҳудудий ишчи гуруҳ |
1. Тақдим этилган туманлар манзилли рўйхатларини таҳлил қилади, заруратга кўра талабгорларнинг таклифларини жойига чиқиб ўрганади ва ҳудудий манзилли рўйхатларни шакллантиради. 2. Манзилли рўйхатлар ҳудудий ишчи гуруҳнинг барча аъзолари томонидан имзоланади ҳамда ҳудудий ишчи гуруҳ раҳбари томонидан тасдиқланади. Тасдиқланган ҳудудий манзилли рўйхатлар Сув хўжалиги вазирлигига белгиланган тартибда тақдим қилинади. |
Уч кун муддатда Ҳар календарь йилининг 10 июлига қадар Ҳар календарь йилнинг 15 июлига қадар | |||
|
|
||||||
|
4-босқич |
Сув хўжалиги вазирлиги, Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши, Агентликлар |
Ҳудудий манзилли рўйхатларни белгиланган прогноз кўрсаткичларга мослигини таҳлил қилади ва умумлаштиради ҳамда келгуси йилда сувни тежайдиган технологияларга субсидия ажратиш мақсадида бюджет параметрларини шакллантиришда инобатга олиш учун Молия вазирлигига тақдим қилади. |
Ҳар календарь йилнинг 20 июлига қадар | |||
Кейинги таҳрирга қаранг.
Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш ва берилган субсидияни қайтариш тартиби тўғрисидаги низомга
3-ИЛОВА
3-ИЛОВА
Кейинги таҳрирга қаранг.
Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш ва берилган субсидияни қайтариш тартиби тўғрисидаги низомга
4-ИЛОВА
4-ИЛОВА
Пахта, донли экинлар, сабзавот экинлари ва картошка, полиз экинлари ва озуқабоп, мойли, дуккакли экинлар ва доривор ўсимликлар учун сувни тежайдиган технологияларни жорий этиш бўйича харажатларининг бир қисмини қоплаш
СХЕМАСИ
|
Субъектлар |
Чора-тадбирлар |
Муддатлар | ||||
|
1-босқич |
Талабгорлар |
Сувни тежайдиган технологияларни жорий қилиш бўйича манзилли рўйхатга кирган талабгорлар субсидия ажратиш учун туман ишчи гуруҳига ариза билан ёзма ёки электрон шаклда мурожаат қилади. |
Сувни тежайдиган технологияларни жорий қилиш ишлари якунлангандан сўнг | |||
|
2-босқич |
Туман ишчи гуруҳи |
1. Талабгорларнинг тасдиқланган манзилли рўйхатларда борлигини текширади. |
Беш иш куни ичида | |||
|
2. Талабгорлар ва пудрат ташкилотлари вакили иштирокида жорий қилинган сувни тежайдиган технологияларнинг тўлиқ ишлаш жараёнини жойида ўрганади. Технология сифатли қурилган, тўлиқ ишлаган ва белгиланган техник талабларга жавоб берса, субсидия ажратилиши мақсадга мувофиқлиги юзасидан ушбу Низомга 5-иловада келтирилган намунага асосан тегишли хулоса тайёрлайди. |
Уч иш куни ичида | |||||
|
3. Сувни тежайдиган технологиялар талабгорлар томонидан тақдим этилган ҳужжатларга мувофиқ бўлмаганда, сифатсиз қурилган ва техник талабларга жавоб бермаганда ёки аниқланган камчиликлар етти кун ичида бартараф қилинмаган тақдирда, аниқ сабабларни кўрсатган ҳолда талабгорга субсидия ажратилиши мақсадга мувофиқлиги юзасидан хулоса беришни рад этиш ҳақидаги қарорни қабул қилади ва бу ҳақида ёзма равишда талабгорга маълум қилади. |
Уч иш кунида | |||||
|
Талабгорларга субсидия ажратиш тўғрисидаги хулосалар умумлаштирилиб, рўйхат асосида ҳар ўн кунда ҳудудий ишчи гуруҳга кўриб чиқиш учун белгиланган тартибда тақдим этилади. |
Ҳар ўн кунда | |||||
|
3-босқич |
Ҳудудий ишчи гуруҳ |
1. Талабгорларга субсидия ажратиш тўғрисидаги хулосаларни тушган кундан эътиборан уларни умумлаштиради ва таҳлил қилади; |
Уч иш куни ичида | |||
|
Агар тақдим этилган ҳужжатларда келтирилган маълумотларда камчилик аниқланса, жойига чиққан ҳолда технологиянинг ишлаш жараёнини ўрганади. |
Ҳар ўн кунда | |||||
|
2. Субсидия оладиган талабгорларнинг рўйхатларини умумлаштириб, тегишлилигича Қишлоқ хўжалиги вазирлиги ҳамда Сув хўжалиги вазирлигига тақдим этади. |
1 декабрга қадар | |||||
|
4-босқич |
Қишлоқ хўжалиги вазирлиги |
1. Қишлоқ хўжалиги экинларини етиштириш учун сувни тежайдиган технологияларни жорий этиш бўйича (пахта етиштиришда жорий қилинган сувни тежайдиган технология бўйича рўйхат бундан мустасно) тақдим этилган талабгорлар рўйхатларини Сув хўжалиги вазирлиги, Ветеринария ва чорвачиликни ривожлантириш давлат қўмитаси, Ўзбекистон фермер, деҳқон хўжаликлари ва томорқа ер эгалари кенгаши билан биргаликда кўриб чиқади ва умумлаштиради; 2. Якуний келишилган рўйхатларга мувофиқ талабгорларнинг сувни тежайдиган технологияларни жорий этиш бўйича харажатларининг бир қисмини қоплаш мақсадида уларнинг тижорат банклардаги ҳисобварақларига субсидияларни ўтказиб беради. |
Ўн кун ичида | |||
|
4-босқич |
Сув хўжалиги вазирлиги |
1. Пахта етиштириш учун жорий этилган сувни тежайдиган технологиялар бўйича тақдим этилган талабгорлар рўйхатларини Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши билан биргаликда кўриб чиқади ва умумлаштиради. 2. Якуний келишилган рўйхатларга мувофиқ талабгорларнинг пахта етиштириш учун томчилатиб суғориш технологиясини жорий этиш бўйича харажатларининг бир қисмини қоплаш мақсадида уларнинг тижорат банкларидаги ҳисобварақларига субсидияларни ўтказиб беради. |
Ўн кун ичида | |||
Кейинги таҳрирга қаранг.
Кейинги таҳрирга қаранг.
Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш ва берилган субсидияни қайтариш тартиби тўғрисидаги низомга
5-ИЛОВА
5-ИЛОВА
Кейинги таҳрирга қаранг.
Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш ва берилган субсидияни қайтариш тартиби тўғрисидаги низомга
6-ИЛОВА
6-ИЛОВА
Янги интенсив боғ, токзор ва иссиқхона хўжаликларида сувни тежайдиган технологияларни жорий этишга сарфланган харажатларнинг бир қисмини қоплаш тартиби
СХЕМАСИ
|
Субъектлар |
Чора-тадбирлар |
Муддатлар | ||||
|
1-босқич |
Талабгорлар |
Субсидия олиш учун томчилатиб суғориш технологияларини жорий этиш ишлари ва бурғиланган қудуқ, шунингдек, насос станциясини қуриш ишлари якунлангандан сўнг Агентликларга ёзма ёки электрон шаклда тегишли ҳужжатларни тақдим қилади. |
Томчилатиб суғориш технологияларини жорий этиш ишлари ва бурғиланган қудуқ, шунингдек, насос станциясини қуриш ишлари якунлангандан сўнг | |||
|
2-босқич |
Агентликлар |
1. Талабгорлар томонидан субсидиялар олиш учун тақдим қилинадиган ҳужжатларнинг ушбу Низом талабларига мувофиқлигини ўрганиб чиқади. 2. Тақдим қилинган ҳужжатлар ушбу Низомнинг 25-бандига мувофиқ бўлмаган, 2019 йилдан олдин ташкил қилинган, шунингдек, интенсив бўлмаган боғ ва токзорлар учун субсидиялар сўралганда талабгорларни бу ҳақида хабардор қилади. 3. Талабгорлар томонидан йўл қўйилган камчиликлар Агентликлар томонидан хабардор қилгандан сўнг етти иш куни мобайнида бартараф қилинмаган тақдирда, ҳужжатларни талабгорларга қайтаради. 4. Талабгорларнинг субсидиялар олиш бўйича ушбу Низом талабларига мувофиқ бўлган ҳужжатларини тегишлилигича Боғдорчилик ва иссиқхона хўжалигини ривожлантириш агентлиги қошидаги Боғдорчилик ва иссиқхона хўжалигини ривожлантириш жамғармаси кенгаши ва Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш жамғармаси маблағлари ҳисобидан субсидиялар бериш бўйича кенгашининг навбатдаги йиғилишларида кўриб чиқиш учун киритади. |
Етти иш кунида | |||
|
3-босқич |
Кенгашлар |
Агентликлар томонидан талабгорларнинг субсидиялар ажратиш юзасидан киритган ҳужжатларини (таклифларини) кўриб чиқади, субсидиялар ажратиш тўғрисида ёки ажратишни рад этиш тўғрисида тегишли қарорларни қабул қилади ҳамда субсидиялар ажратиладиган талабгорларнинг манзилли рўйхатларини тасдиқлайди. |
Бир ой ичида | |||
|
4-босқич |
Агентликлар |
1. Кенгашлар томонидан қабул қилинган қарорлар тўғрисида талабгорларни хабардор қилади; |
Бир кун ичида | |||
|
2. Кенгашлар томонидан субсидия бериш тўғрисида қабул қилинган қарорлар асосида талабгорлар билан субсидиялар ажратиш тўғрисида тегишли шартномаларни расмийлаштиради. |
Уч иш куни ичида | |||||
|
3. Агентликлар ва талабгорлар ўртасида субсидия ажратиш тўғрисида шартномалар белгиланган тартибда расмийлаштирилгандан сўнг субсидиялар хизмат кўрсатувчи тижорат банкларида очилган махсус 22626-ҳисобварақларига ажратилади. |
Бир ой муддатда | |||||
|
5-босқич |
Агентликлар |
Агентликлар Қорақалпоғистон Республикаси Қишлоқ хўжалиги вазирлиги ва вилоятлар қишлоқ хўжалиги бошқармалари, туман (шаҳар) қишлоқ хўжалиги бўлимлари билан биргаликда беш йил мобайнида шартномада кўрсатилган параметрлари бажарилиши юзасидан мониторинг олиб боради. |
Беш йил мобайнида | |||
Кейинги таҳрирга қаранг.
Кейинги таҳрирга қаранг.
Вазирлар Маҳкамасининг 2021 йил 23 февралдаги 95-сон қарорига
2-ИЛОВА
2-ИЛОВА
Ўзбекистон Республикаси Ҳукуматининг айрим қарорларига киритилаётган
ЎЗГАРТИРИШ ВА ҚЎШИМЧАЛАР
1. Вазирлар Маҳкамасининг 2019 йил 11 июндаги 481-сон қарори билан тасдиқланган Ўзбекистон Республикаси Қишлоқ хўжалиги вазирлиги ҳузуридаги Боғдорчилик ва иссиқхона хўжалигини ривожлантириш агентлиги қошидаги Боғдорчилик ва иссиқхона хўжалигини ривожлантириш жамғармаси тўғрисидаги низомнинг 6-банди «б» кичик банди иккинчи хатбошиси қуйидаги таҳрирда баён этилсин:
«2019 йил ва ундан кейинги йилларда ташкил этилган янги интенсив боғ ва токзорларда сувни тежайдиган технологияларни жорий қилган лойиҳалар учун».
Кейинги таҳрирга қаранг.
2. Вазирлар Маҳкамасининг 2019 йил 26 ноябрдаги 952-сон қарори билан тасдиқланган Қишлоқ хўжалигини механизациялашни давлат томонидан қўллаб-қувватлаш тартиби тўғрисидаги низомда:
а) 2-банднинг олтинчи хатбошиси «15 фоизини» сўзларидан кейин «ҳамда сотиб олинган лазерли қурилмага эга автоматлаштирилган ер текислагич агрегатлари қийматининг 30 фоизини» сўзлари билан тўлдирилсин;
б) 14-банднинг биринчи хатбошиси, 15-банднинг иккинчи хатбошиси ва 16-банднинг олтинчи хатбошисидаги «15 фоизи» сўзларидан кейин «ва лазерли қурилмага эга автоматлаштирилган ер текислагич агрегатлари қийматининг 30 фоизи» сўзлари билан тўлдирилсин;
в) 1-иловада «15 фоизи» сўзларидан кейин «ва лазерли қурилмага эга ер текислагич агрегатлари қийматининг 30 фоизи» сўзлари билан тўлдирилсин.
Кейинги таҳрирга қаранг.
3. Вазирлар Маҳкамасининг 2020 йил 30 ноябрдаги 753-сон қарори билан тасдиқланган Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш жамғармаси тўғрисидаги низомда:
а) 5-банд қуйидаги мазмундаги хатбоши билан тўлдирилсин:
«Ўзбекистон Республикасининг республика бюджетидан ажратиладиган маблағлар техник навли узум плантацияларида томчилатиб суғориш технологиясини жорий этиш ҳамда техник навли узум плантацияларига сув чиқариш учун бурғиланган қудуқлар, дарёлар, каналлар ва бошқа сув ҳавзаларидан сув чиқариш учун насос станцияларини қуриш харажатларининг бир қисмини қоплашга йўналтирилади»;
б) 6-банднинг биринчи хатбошисидаги «Ўзбекистон Республикасининг республика бюджетидан Жамғарма ҳисобига ажратиладиган ҳар йиллик субсидиялар ҳисобидан» сўзлари «Жамғарма маблағлари ҳисобидан» сўзлари билан алмаштирилсин.
Вазирлар Маҳкамасининг 2021 йил 23 февралдаги 95-сон қарорига
3-ИЛОВА
3-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари
РЎЙХАТИ
1. Вазирлар Маҳкамасининг «Қишлоқ хўжалиги ишлаб чиқарувчиларининг сув тежовчи суғориш технологияларини жорий этиш бўйича харажатларининг бир қисмини қоплаб бериш чора-тадбирлари тўғрисида» 2020 йил 19 февралдаги 98-сон қарори.
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикаси Вазирлар Маҳкамасининг ижро этувчи тузилмасини такомиллаштиришга доир қўшимча чора-тадбирлар тўғрисида» 2020 йил 22 январдаги ПҚ-4569-сон, «Ўзбекистон Республикаси Вазирлар Маҳкамаси фаолиятини такомиллаштиришга оид қўшимча чора-тадбирлар тўғрисида» 2020 йил 24 февралдаги ПҚ-4612-сон, «Ўзбекистон Республикаси Вазирлар Маҳкамасининг тузилмасига Бош вазирнинг инвестициялар ва ташқи иқтисодий алоқалар масалалари бўйича ўринбосари-инвестициялар ва ташқи савдо вазири лавозимини киритиш тўғрисида» 2020 йил 10 мартдаги ПҚ-4635-сон ва «Ўзбекистон Республикаси Вазирлар Маҳкамасининг фаолиятини такомиллаштиришга оид қўшимча чора-тадбирлар тўғрисида» 2020 йил 12 майдаги ПҚ-4710-сон қарорлари) 2020 йил 26 июндаги 411-сон қарорига 1-илованинг 72-банди.
3. Вазирлар Маҳкамасининг «Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги фаолиятига оид норматив-ҳуқуқий ҳужжатларни тасдиқлаш тўғрисида» 2020 йил 30 ноябрдаги 753-сон қарорига 2-илованинг 7-банди иккинчи хатбошиси ҳамда 4-илованинг 7-банди.
4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Республика ҳудудларини қишлоқ хўжалиги маҳсулотлари етиштиришга ихтисослаштириш бўйича қўшимча чора-тадбирлар тўғрисида» 2020 йил 11 майдаги ПҚ-4709-сон қарори)» 2020 йил 12 майдаги ПҚ-4710-сон қарорлари) 2020 йил 15 декабрдаги 787-сон қарорига илованинг 2-банди.
Кейинги таҳрирга қаранг.
