Ҳалқимизнинг Мустақиллик куни ва Наврўз байрамларини ҳар йили оммавий тарзда нишонлаш анъанасини қўллаб-қувватлаш мақсадида Вазирлар Маҳкамаси қарор қилади:

1. Умумҳалқ байрамлари — Мустақиллик куни ва Наврўзни ҳар йили нишонлашга тайёргарлик кўриш ва уларни ўтказиш бўйича доимий ишловчи республика ташкилий қўмитаси иловага мувофиқ тузилсин.

2. Ташкилий қўмитага:

Қорақалпоғистон Республика, вилоятлар ва Тошкент шаҳар ҳокимликлари, шунингдек, тегишли вазирликлар, идоралар, жамоат ташкилотлари ҳамда жамғармаларни жалб қилган ҳолда Мустақиллик куни ва Наврўз байрамларининг жойларда кенг нишонланишини ташкил этиш;

ҳар йили очиқ танловлар асосида мамлакатимиз пойтаҳтида ўтадиган байрам дастурларини танлаб олиш ваколати берилсин.

3. Белгилаб қўйилсинки, ўтказиладиган байрам тадбирлари:

Қорақолпоғистон Республикаси ва вилоятларда маҳаллий бюджетлар ҳамда жойлардаги ишлаб чиқариш корхоналари, хўжаликлар, жамғармалар ҳисобидан;

Тошкент шаҳрида республика бюджети ва Тошкент шаҳри маҳаллий бюджети маблағлари ҳисобидан тенг улушларда қопланади.

4. Мазкур қарорнинг бажаралишини назорат қилиш Ўзбекистон Республикаси Бош вазирининг биринчи ўринбосари И. Жўрабеков зиммасига юклансин.