Ҳужжат 12.06.2023 00 санаси ҳолатига
Амалдаги версияга ўтиш

Ўзбекистон Республикаси Президентининг

Фармони

Ўзбекистон Республикасида пиллачилик ва қоракўлчиликни янада ривожлантириш чора-тадбирлари тўғрисида

Мамлакатимизда пиллачилик ва қоракўлчилик тармоқларининг мавжуд салоҳиятини ҳар томонлама ишга солиш ҳамда ишлаб чиқариш корхоналарининг рентабеллигини ошириш учун қулай шароитлар яратиш орқали ушбу соҳаларни қайта тиклаш ва ривожлантириш бўйича қатор чора-тадбирлар амалга оширилмоқда.

Шу билан бирга, мазкур тармоқлардаги инфратузилма ресурсларидан самарали фойдаланилишини таъминлаш, насл кўрсаткичларини яхшилаш, озуқа базасини мустаҳкамлаш, шунингдек, ишлаб чиқарилаётган маҳсулот сифати ва рақобатбардошлигини оширишга қаратилган тизимли ишларни йўлга қўйиш бўйича фаолиятни кучайтириш талаб этилмоқда.

Пиллачилик ва қоракўлчиликни жадал ривожлантиришни таъминлаш, пиллачилик ва қоракўлчилик кластерларини ташкил қилган ҳолда хом ашёни чуқур қайта ишлашни ташкил этиш, ишлаб чиқарилаётган маҳсулотларни ички ва ташқи бозорларга олиб чиқишни давлат томонидан қўллаб-қувватлаш, жойларда янги иш ўринларини яратиш ва аҳоли даромадларини ошириш мақсадида:

1. Шундай тартиб ўрнатилсинки, унга мувофиқ:

2021 йил 1 июлга қадар республиканинг яйловларга эга барча ҳудудларида озуқа базасини яратган ҳолда майда шоҳли наслдор молларни кўпайтириш, шунингдек, мол сўйиш, тери ва жунни қайта ишлаш, гўшт-сут маҳсулотлари, ярим тайёр ва тайёр маҳсулотлар ишлаб чиқариш корхоналарини ташкил қилиш бўйича қоракўлчилик кластерлари (кейинги ўринларда — кластерлар) ташкил қилинади;

Олдинги таҳрирга қаранг.

кластерларга қоракўл зотли қўйларини боқишга мўлжалланган, шу жумладан ўрмон билан қопланмаган ўрмон фонди ерларидан яйловлар Ўзбекистон Республикасининг Ер кодексида белгиланган тартибда ижарага берилади;

(1-банднинг учинчи хатбошиси Ўзбекистон Республикаси Президентининг 2021 йил 7 октябрдаги ПФ-6320-сонли Фармони таҳририда — Қонунчилик маълумотлари миллий базаси, 08.10.2021 й., 06/21/6320/0940-сон)

кластерларга яйловлардан самарали фойдаланиш, уларнинг ҳолати ёмонлашиб кетишига йўл қўймаслик, илмий ва инновацион ёндашувларни қўллаган ҳолда майда шоҳли наслдор молларни кўпайтириш, кластер иштирокчилари ўртасида кооперация алоқаларини йўлга қўйиш орқали хом ашёни чуқур қайта ишлашни ва маҳсулот ишлаб чиқаришни ташкиллаштириш бўйича мажбуриятлар юкланади;

кластерлар Қоракўлчилик ва чўл экологияси илмий-тадқиқот институти ҳамда Бухоро чўл-яйлов озуқабоп ўсимликлар уруғчилиги илмий-ишлаб чиқариш маркази билан яқиндан ҳамкорлик қилади;

2021 йил 1 январдан бошлаб кластерларга ҳудудларда шахтали ва тик қудуқлар, шунингдек, сув тортиш учун насос станцияларини янгидан қуриш ва реконструкция қилишга Ўзбекистон Республикаси Президентининг 2020 йил 17 январдаги «Пиллачилик тармоғида ипак қурти озуқа базасини ривожлантириш бўйича қўшимча чора-тадбирлар тўғрисида»ги ПҚ-4567-сон қарори 2-бандида назарда тутилган 120 миллион сўмгача миқдорда субсидиялар бериш тартиби қўлланилади;

Олдинги таҳрирга қаранг.

«Яйлов хўжалигини ривожлантириш» уюшмаси (кейинги ўринларда — Уюшма) аъзолари — кластер иштирокчиларига каврак плантацияларини ташкил қилиш ва уни қайта ишлаш, майда шохли наслдор мол харид қилиш ва кўпайтириш, шунингдек, мол сўйиш, озуқа базасини яратиш, ярим тайёр ва тайёр, шу жумладан гўшт-сут маҳсулотлари ишлаб чиқариш, тери ва жунни қайта ишлаш ҳамда биноларни реконструкция қилиш ва ишлаб чиқариш қувватларини модернизациялаш лойиҳаларини молиялаштириш учун 2020 — 2023 йилларда умумий қиймати 5 миллиард сўмдан, фоиз ставкаси Марказий банк асосий ставкасининг 1,5 бараваридан ошмаган тижорат банкларининг миллий валютада ажратиладиган кредит ва лизинглари бўйича унинг асосий ставкадан ошган, бироқ асосий ставканинг 30 фоизидан кўп бўлмаган қисмини қоплаш учун уч йил муддатгача Тадбиркорлик фаолиятини қўллаб-қувватлаш давлат жамғармаси маблағлари ҳисобидан компенсация тақдим этилади;

(1-банднинг еттинчи хатбошиси Ўзбекистон Республикаси Президентининг 2022 йил 9 июндаги ПФ-150-сонли Фармони таҳририда — Қонунчилик маълумотлари миллий базаси, 10.06.2022 й., 06/22/150/0516-сон — 2022 йил 1 июлдан кучга киради)

Кейинги таҳрирга қаранг.

Олдинги таҳрирга қаранг.

Уюшма аъзоларига қўл меҳнати учун ускуналар харид қилиш бўйича харажатларни қоплаш учун камида битта иш ўрни яратиш шарти билан Маҳаллабай ишлаш ва тадбиркорликни ривожлантириш агентлигининг Аҳолини тадбиркорликка жалб қилиш жамғармаси маблағлари ҳисобидан базавий ҳисоблаш миқдорининг ўн баравари миқдорида субсидиялар ажратилади.

(1-банднинг саккизинчи хатбошиси Ўзбекистон Республикаси Президентининг 2022 йил 1 апрелдаги ПФ-95-сонли Фармони таҳририда — Қонунчилик маълумотлари миллий базаси, 01.04.2022 й., 06/22/95/0267-сон)

Кейинги таҳрирга қаранг.

Олдинги таҳрирга қаранг.

(2-банд Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан ўз кучини йўқотган — Қонунчилик маълумотлари миллий базаси, 08.10.2021 й., 06/21/6320/0940-сон)

Олдинги таҳрирга қаранг.

3. Молия вазирлиги 2020 йил 1 октябрга қадар Яйлов хўжалигини ривожлантириш уюшмаси ҳузуридаги Қоракўлчиликни ривожлантириш жамғармасига Ўзбекистон Республикаси Президентининг 2019 йил 16 августдаги «Қоракўлчилик тармоғини комплекс ривожлантириш чора-тадбирлари тўғрисида»ги ПҚ-4420-сон қарорига мувофиқ Ўзбекистон Республикаси Давлат бюджетидан ажратилиши лозим бўлган маблағларнинг қолган қисмини ажратсин.

(3-банд Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

Кейинги таҳрирга қаранг.

Олдинги таҳрирга қаранг.

4. Қишлоқ хўжалиги вазирлиги ҳузуридаги Ипакчилик ва жун саноатини ривожлантириш қўмитасига доимий фойдаланиш ҳуқуқи асосида тегишли бўлган яйловларда 2021 — 2025 йилларга мўлжалланган Ўзбекистон Республикасида қоракўлчиликни ривожлантиришнинг мақсадли параметрлари 2-2.1, 2.3. — 2.6, 2.8, 2.9 ва 2.13-иловаларга мувофиқ тасдиқлансин.

(4-банд Ўзбекистон Республикаси Президентининг 2023 йил 10 июндаги ПФ-90-сонли Фармони таҳририда — Қонунчилик маълумотлари миллий базаси, 12.06.2023 й., 06/23/90/0352-сон)

Кейинги таҳрирга қаранг.

Олдинги таҳрирга қаранг.

5. Пиллачилик ва қоракўлчиликни ривожлантириш қўмитаси ташкил этилсин.

(5-банднинг биринчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

Олдинги таҳрирга қаранг.

Қуйидагилар Қишлоқ хўжалиги вазирлиги ҳузуридаги Ипакчилик ва жун саноатини ривожлантириш қўмитаси (кейинги ўринларда — Қўмита)нинг асосий вазифаси этиб белгилансин:

(5-банднинг иккинчи хатбошиси Ўзбекистон Республикаси Президентининг 2023 йил 10 июндаги ПФ-90-сонли Фармони таҳририда — Қонунчилик маълумотлари миллий базаси, 12.06.2023 й., 06/23/90/0352-сон)

Олдинги таҳрирга қаранг.

пиллачилик ва қоракўлчилик соҳасини ривожлантиришни таъминлаш;

(5-банднинг учинчи хатбошиси Ўзбекистон Республикаси Президентининг 2023 йил 10 июндаги ПФ-90-сонли Фармони таҳририда — Қонунчилик маълумотлари миллий базаси, 12.06.2023 й., 06/23/90/0352-сон)

тут плантациялари ва яйловларнинг қатъий ҳисобини юритиш ва фондини ўрганиш, шунингдек, пиллачилик ва қоракўлчиликни ривожлантириш учун озуқа базасини яхшилаш;

ипак қурти ва қоракўл зотли қўйларнинг юқори даражада маҳсулдор наслларини жорий қилиш;

пилла ва қоракўл терисидан тайёр маҳсулот ишлаб чиқариш мақсадида хом ашё тайёрлаш ва уни қайта ишлаш учун қулай шароитлар яратиш;

маркетинг тадқиқотларини ўтказиш ҳамда ипак ва қоракўлдан тайёрланган маҳсулотларни энг аввало ташқи бозорларда сотишга кўмаклашиш;

пиллачилик ва қоракўлчилик билан шуғулланувчи тадбиркорлик субъектларига ўз фаолиятини кенгайтириш, кластерлар ташкил этиш ва маҳсулотни экспорт қилишда ҳар томонлама ёрдам бериш;

Олдинги таҳрирга қаранг.

жунни қайта ишлаш саноатида рақобатни ривожлантириш, жун етиштириш ва уни қайта ишлаш йўналишидаги тадбиркорлик субъектларини қўллаб-қувватлаш;

жунни қайта ишлашга ҳунармандларни кенг жалб қилиш орқали аҳоли бандлигини таъминлашга ва уларнинг даромадини оширишга кўмаклашиш;

хорижий инвестициялар, жумладан халқаро молия институтларининг маблағларини жалб қилиш йўли билан соҳани ривожлантириш.

(5-банд Ўзбекистон Республикаси Президентининг 2021 йил 8 июлдаги ПФ-6259-сонли Фармонига асосан тўққизинчи — ўн биринчи хатбошилар билан тўлдирилган — Қонунчилик маълумотлари миллий базаси, 09.07.2021 й., 06/21/6259/0657-сон)

Кейинги таҳрирга қаранг.

6. Белгилансинки:

Олдинги таҳрирга қаранг.

(6-банднинг «а» кичик банди Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан чиқарилган — Қонунчилик маълумотлари миллий базаси, 08.10.2021 й., 06/21/6320/0940-сон)

Олдинги таҳрирга қаранг.

(6-банднинг «б» кичик банди Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан чиқарилган — Қонунчилик маълумотлари миллий базаси, 08.10.2021 й., 06/21/6320/0940-сон)

Олдинги таҳрирга қаранг.

(6-банднинг «в» кичик банди Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан чиқарилган — Қонунчилик маълумотлари миллий базаси, 08.10.2021 й., 06/21/6320/0940-сон)

г) қуйидагилар кластерларни ташкил қилиш шартлари ҳисобланади:

Олдинги таҳрирга қаранг.

Қўмита, ташаббускор ҳамда Қоракўлчилик ва чўл экологияси илмий-тадқиқот институти ўртасида томонларнинг ҳуқуқ ва мажбуриятларини назарда тутувчи шартнома тузилиши;

(6-банд «г» кичик бандининг иккинчи хатбошиси Ўзбекистон Республикаси Президентининг 2021 йил 7 октябрдаги ПФ-6320-сонли Фармони таҳририда — Қонунчилик маълумотлари миллий базаси, 08.10.2021 й., 06/21/6320/0940-сон)

ташаббускор томонидан яйловлардан самарали фойдаланиш, уларнинг ҳолати ёмонлашиб кетишига йўл қўймаслик, илмий ва инновацион ёндашувларни қўллаган ҳолда майда шоҳли наслдор молларни кўпайтириш, кластер иштирокчилари ўртасида кооперация алоқаларини йўлга қўйиш орқали хом ашёни чуқур қайта ишлашни ва маҳсулот ишлаб чиқаришни ташкиллаштириш бўйича мажбуриятлар қабул қилиниши;

д) наслчилик чорвачилик субъектларини давлат аттестациясидан ўтказиш ва наслчилик чорвачилик хўжалиги мақоми тўғрисидаги гувоҳномаларни бериш қоракўлчиликка тааллуқли қисмида Қўмита билан биргаликда амалга оширилади.

Кейинги таҳрирга қаранг.

7. Қоракўл зотли қўйларни кўпайтиришга мўлжалланган Яйловларни хатловдан ўтказиш ва ҳолатини ўрганиш бўйича комиссия (кейинги ўринларда — Комиссия) 4-иловага мувофиқ таркибда ташкил этилсин.

Олдинги таҳрирга қаранг.

Комиссия 2020 йил 15 октябрга қадар қоракўл зотли қўйларни кўпайтиришга мўлжалланган мавжуд яйловларни, ялпи хатловдан ўтказсин.

(7-банднинг иккинчи хатбошиси Ўзбекистон Республикаси Президентининг 2021 йил 7 октябрдаги ПФ-6320-сонли Фармони таҳририда — Қонунчилик маълумотлари миллий базаси, 08.10.2021 й., 06/21/6320/0940-сон)

Олдинги таҳрирга қаранг.

Ер ресурслари, геодезия, картография ва давлат кадастри давлат қўмитаси Қўмитанинг доимий фойдаланишига берилаётган яйловларнинг кадастр паспортлари тайёрланишини ва кадастр ҳужжатлари расмийлаштирилишини тўлов ундирилмасдан таъминласин.

(7-банднинг учинчи хатбошиси Ўзбекистон Республикаси Президентининг 2023 йил 16 февралдаги ПФ-24-сонли Фармони таҳририда — Қонунчилик маълумотлари миллий базаси, 18.02.2023 й., 06/23/24/0096-сон)

Олдинги таҳрирга қаранг.

(7-банднинг тўртинчи хатбошиси Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан чиқарилган — Қонунчилик маълумотлари миллий базаси, 08.10.2021 й., 06/21/6320/0940-сон)

Кейинги таҳрирга қаранг.

8. Қуйидагилар:

Ипакчилик илмий-тадқиқот институти — «Ўзбекипаксаноат» уюшмаси ихтиёридан;

Қоракўлчилик ва чўл экологияси илмий-тадқиқот институти — Ветеринария ва чорвачиликни ривожлантириш давлат қўмитаси ихтиёридан;

Бухоро чўл-яйлов озуқабоп ўсимликлар уруғчилиги илмий-ишлаб чиқариш маркази — «Ўзчорванасл» агентлиги ихтиёридан Қўмитага ўтказилсин.

Кейинги таҳрирга қаранг.

9. Қишлоқ хўжалиги вазирлиги Жаҳон банкининг амалга оширилаётган лойиҳаси (15 млн евро) ва Франция тараққиёт агентлиги билан биргаликда ишлаб чиқилаётган «Ўзбекистон Республикасида чорвачилик секторини ривожлантириш» лойиҳаси (16 млн евро) доирасидаги иккита грант линиялари юқорида кўрсатилган илмий-тадқиқот институтларининг моддий-техника базаси, лаборатория ускуналарини модернизация қилиш, кадрларни тайёрлаш ва қайта тайёрлаш, шунингдек, уларга хорижий мутахассисларни жалб қилишга йўналтирилишини таъминласин.

Олдинги таҳрирга қаранг.

10. Қишлоқ хўжалиги вазирлиги:

(10-банднинг биринчи хатбошиси Ўзбекистон Республикаси Президентининг 2023 йил 10 июндаги ПФ-90-сонли Фармони таҳририда — Қонунчилик маълумотлари миллий базаси, 12.06.2023 й., 06/23/90/0352-сон)

Ипакчилик илмий-тадқиқот институти, Қоракўлчилик ва чўл экологияси илмий-тадқиқот институти ҳамда Бухоро чўл-яйлов озуқабоп ўсимликлар уруғчилиги илмий-ишлаб чиқариш марказининг Қорақалпоғистон Республикаси ва республика вилоятларида ташкил қилинаётган, қишлоқ хўжалигидаги билим ва инновациялар тизимини ўз ичига олган Агрохизматлар марказлари билан чуқур интеграциялашувини;

пиллачилик ва қоракўлчилик билан шуғулланувчи тадбиркорлик субъектларига Агрохизматлар марказлари орқали билимлар бериш, уларни илмий-амалий қўллаб-қувватлаш ва хизматлар кўрсатиш тизими жорий этилишини таъминласин.

11. Белгилансинки, Ўзбекистон Республикаси божхона чегараси орқали ипак чиқиндилари (шу жумладан ипак момиғи) ва хом ипак (ТИФ ТН коди — 5002 ва 5003)ни олиб чиқишда 2021 йил 1 январдан эътиборан олиб чиқиладиган ипак чиқиндилари (шу жумладан ипак момиғи) ва хом ипакнинг ҳар бир килограмми учун 0,05 АҚШ доллари миқдорида йиғим ундирилади.

Кейинги таҳрирга қаранг.

12. «Ўзбекипаксаноат» уюшмаси ҳузурида юридик шахс мақомига эга бўлмаган Пиллачиликни ривожлантириш жамғармаси ташкил қилинсин ва Ўзбекистон Республикаси божхона чегараси орқали ипак чиқиндилари (шу жумладан ипак момиғи) ва хом ипак (ТИФ ТН коди — 5002 ва 5003)ни олиб чиқишда ундириладиган йиғимлардан тўлиқ ҳажмдаги тушумлар, шунингдек, қонун ҳужжатлари билан тақиқланмаган бошқа манбалар унинг маблағларини шакллантириш манбаи этиб белгилансин.

Кейинги таҳрирга қаранг.

13. Олий ва ўрта махсус таълим вазирлиги, Ветеринария ва чорвачиликни ривожлантириш давлат қўмитаси ҳамда Қўмита бошқа манфаатдор вазирлик ва идоралар билан биргаликда:

2021-2022 ўқув йилидан бошлаб Тошкент давлат аграр университети ва Самарқанд ветеринария медицинаси институти филиалларида қоракўлчилик соҳасида кадрлар тайёрлаш бўйича махсус йўналишлар очишни назарда тутсин;

Самарқанд ветеринария ва медицина техникумида майда шоҳли молларни кўпайтириш ҳамда ипак қурти етиштириш бўйича кадрлар тайёрланишини таъминласин;

Марғилон шаҳридаги 1-сон касб-ҳунар мактабида ипак қурти етиштириш, хом ипакни қайта ишлаш ва ипакдан тайёр маҳсулотлар ишлаб чиқариш бўйича кадрлар тайёрланишини таъминласин;

Қоракўлчилик ва чўл экологияси илмий-тадқиқот институти ҳамда Ипакчилик илмий-тадқиқот институти уларга майда шоҳли молларни ва ипак қуртини кўпайтириш бўйича юқори малакали мутахассислар тайёрлашни ташкил қилишда илмий-методик ёрдам кўрсатиш вазифасини юклаган ҳолда тегишинча Самарқанд ветеринария ва медицина техникумига ва Марғилон шаҳридаги 1-сон касб-ҳунар мактабига бириктирилсин.

14. Ушбу Фармонда назарда тутилган чора-тадбирларнинг самарали ва ўз вақтида амалга оширилишини таъминлаш мақсадида:

а) Қорақалпоғистон Республикаси Вазирлар Кенгаши ва вилоятлар ҳокимликлари:

2020 йил 1 ноябрга қадар қоракўл зотли қўйларни кўпайтиришга мўлжалланган мавжуд яйловларни ялпи хатловдан ўтказишда Комиссияга кўмаклашсин;

Олдинги таҳрирга қаранг.

Қўмита томонидан кластерларга ижарага берилиб, фойдаланилмаётган яйловларнинг Қўмитага қайтарилиши ҳамда жисмоний ва юридик шахсларга танлов орқали ижарага берилишини таъминласин;

(14-банд «а» кичик бандининг учинчи хатбошиси Ўзбекистон Республикаси Президентининг 2023 йил 16 февралдаги ПФ-24-сонли Фармони таҳририда — Қонунчилик маълумотлари миллий базаси, 18.02.2023 й., 06/23/24/0096-сон)

Кейинги таҳрирга қаранг.

Олдинги таҳрирга қаранг.

б) Ўрмон хўжалиги давлат қўмитаси кластерлар томонидан фойдаланилмаётган яйловларнинг ўрмон хўжаликларига қайтарилиши ҳамда жисмоний ва юридик шахсларга белгиланган тартибда ижарага берилишини таъминласин;

(14-банднинг «б» кичик банди Ўзбекистон Республикаси Президентининг 2021 йил 7 октябрдаги ПФ-6320-сонли Фармони таҳририда — Қонунчилик маълумотлари миллий базаси, 08.10.2021 й., 06/21/6320/0940-сон)

в) Қўмита 2021 йил 1 июлга қадар:

Олдинги таҳрирга қаранг.

(14-банд «в» кичик бандининг иккинчи хатбошиси Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан чиқарилган — Қонунчилик маълумотлари миллий базаси, 08.10.2021 й., 06/21/6320/0940-сон)

иштирокчиларнинг кластерлар фаолиятини самарали ташкил этиш бўйича аниқ мажбуриятларини белгилаган ҳолда, ташаббускорлар ҳамда Қоракўлчилик ва чўл экологияси илмий-тадқиқот институти билан шартномалар тузсин;

кластер иштирокчилари ўртасида кооперация алоқалари ўрнатилишини таъминласин;

олис чўл ҳудудларида майда шоҳли наслдор молларни суғориш учун мавжуд иншоотлар (тик ва шахтали қудуқлар)ни реконструкция қилиш ва янгиларини қуриш бўйича 2021 йилга мўлжалланган дастурни тасдиқласин.

Кейинги таҳрирга қаранг.

15. Қўмита бир ой муддатда:

Ўзбекистон Республикаси Пиллачилик ва қоракўлчиликни ривожлантириш қўмитаси фаолиятини ташкил этиш тўғрисидаги Ўзбекистон Республикаси Президентининг қарори лойиҳасини киритсин;

Инвестициялар ва ташқи савдо вазирлиги билан бирга Ўзбекистон Республикаси божхона чегараси орқали ипак чиқиндилари (шу жумладан ипак момиғи) ва хом ипакни олиб чиқиш устидан мониторинг қилиш тартиби тўғрисидаги низом лойиҳасини Вазирлар Маҳкамасига киритсин;

манфаатдор вазирлик ва идоралар билан биргаликда қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

16. Ушбу Фармоннинг ижросини назорат қилиш Ўзбекистон Республикаси Бош вазирининг ўринбосари Ў.И. Барноев зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2020 йил 2 сентябрь,

ПФ-6059-сон

Олдинги таҳрирга қаранг.

(1-илова Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан ўз кучини йўқотган — Қонунчилик маълумотлари миллий базаси, 08.10.2021 й., 06/21/6320/0940-сон)

Олдинги таҳрирга қаранг.

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2-ИЛОВА

Олдинги таҳрирга қаранг.

Қишлоқ хўжалиги вазирлиги ҳузуридаги Ипакчилик ва жун саноатини ривожлантириш қўмитасига доимий фойдаланиш ҳуқуқи асосида тегишли бўлган яйловларда 2021 — 2025 йилларга мўлжалланган Ўзбекистон Республикасида қоракўлчиликни ривожлантиришнинг

МАҚСАДЛИ ПАРАМЕТРЛАРИ

(2-илованинг номи Ўзбекистон Республикаси Президентининг 2023 йил 10 июндаги ПФ-90-сонли Фармони таҳририда — Қонунчилик маълумотлари миллий базаси, 12.06.2023 й., 06/23/90/0352-сон)

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		минг гектар	17416	17416	17416	17416	17416
2.	Қоракўл наслли қўйлар		минг бош	6261	6871	7872	8630	9494
3.	Жун ишлаб чиқариш		минг тонна	15026	16491	18892	20711	22784
4.	Жундан йигирилган ип ишлаб чиқариш		минг тонна	6011	6597	7558	8286	9115
5.	Гиламлар ишлаб чиқариш		минг м²	299,1	329,2	377,3	412,6	454,8
6.	Кигиз ишлаб чиқариш		минг м²	3137	3406	3852	4193	4585
7.	Терилар ишлаб чиқариш		минг дона	607,1	666,4	764,6	837,2	921,6
8.	Қоракўлдан тайёр маҳсулотлар ишлаб чиқариш		минг дона	242	266,2	304,2	334,5	366,6
9.	Қоракўл маҳсулотларини экспорт қилиш		млн долл.	14,9	24,9	29,8	34,6	44,4
10.	Инвестициялар ҳажми		млн долл.	14,9	14,9	14,9	14,9	14,9
11.	Иш жойлари	Доимий	штат бирлиги	36084	39692	45645	50211	55514
		Мавсумий		48386	53222	61206	67328	74438
		Жами		84469	92916	106852	117538	129952

(2-илова Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

Кейинги таҳрирга қаранг.

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2.1-ИЛОВА

2021 — 2025 йилларга мўлжалланган Қорақалпоғистон Республикасида қоракўлчиликни ривожлантиришнинг

МАҚСАДЛИ ПАРАМЕТРЛАРИ

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		минг гектар	4596	4596	4596	4596	4596
2.	Қоракўл наслли қўйлар		минг бош	343	874	1500	1725	1838
3.	Жун ишлаб чиқариш		минг тонна	823	2098	3600	4140	4411
4.	Жундан йигирилган ип ишлаб чиқариш		минг тонна	329	839	1440	1656	1765
5.	Гиламлар ишлаб чиқариш		минг м²	16	42	72	83	88
6.	Кигиз ишлаб чиқариш		минг м²	287	315	363	399	441
7.	Терилар ишлаб чиқариш		минг дона	33	85	146	167	178
8.	Қоракўлдан тайёр маҳсулотлар ишлаб чиқариш		минг дона	13	34	58	67	71
9.	Қоракўл маҳсулотларини экспорт қилиш		минг долл.	800	3500	5600	6607	8606
10.	Инвестициялар ҳажми		минг долл.	820	1900	2836	3202	3166
11.	Иш жойлари	Доимий	Штат бирлиги	6999	7698	8853	9738	10767
		Мавсумий		9380	10317	11865	13052	14430
		Жами		16378	18016	20718	22790	25197

Кейинги таҳрирга қаранг.

Олдинги таҳрирга қаранг.

(2.2-илова Ўзбекистон Республикаси Президентининг 2021 йил 8 июлдаги ПФ-6259-сонли Фармонига асосан ўз кучини йўқотган — Қонунчилик маълумотлари миллий базаси, 09.07.2021 й., 06/21/6259/0657-сон)

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2.3-ИЛОВА

2021 — 2025 йилларга мўлжалланган Бухоро вилоятида қоракўлчиликни ривожлантиришнинг

МАҚСАДЛИ ПАРАМЕТРЛАРИ

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		минг гектар	2355	2355	2355	2355	2355
2.	Қоракўл наслли қўйлар		минг бош	1968	1968	1968	1968	1968
3.	Жун ишлаб чиқариш		минг тонна	4723	4723	4723	4723	4723
4.	Жундан йигирилган ип ишлаб чиқариш		минг тонна	1889	1889	1889	1889	1889
5.	Гиламлар ишлаб чиқариш		минг м²	94	94	94	94	94
6.	Кигиз ишлаб чиқариш		минг м²	307	337	388	427	472
7.	Терилар ишлаб чиқариш		минг дона	191	191	191	191	191
8.	Қоракўлдан тайёр маҳсулотлар ишлаб чиқариш		минг дона	76	76	76	76	76
9.	Қоракўл маҳсулотларини экспорт қилиш		минг долл.	4707	7000	7444	9000	9215
10.	Инвестициялар ҳажми		минг долл.	4508	4280	3721	3383	3368
11.	Иш жойлари	Доимий	Штат бирлиги	7506	8257	9495	10445	11548
		Мавсумий		10051	11056	12714	13986	15463
		Жами		17557	19313	22210	24431	27011

Кейинги таҳрирга қаранг.

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2.4-ИЛОВА

2021 — 2025 йилларга мўлжалланган Жиззах вилоятида қоракўлчиликни ривожлантиришнинг

МАҚСАДЛИ ПАРАМЕТРЛАРИ

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		минг гектар	621	621	621	621	621
2.	Қоракўл наслли қўйлар		минг бош	83	87	140	175	248
3.	Жун ишлаб чиқариш		минг тонна	199,2	209	336	420	595
4.	Жундан йигирилган ип ишлаб чиқариш		минг тонна	80	84	134	168	238
5.	Гиламлар ишлаб чиқариш		минг м²	4	4	7	8	12
6.	Кигиз ишлаб чиқариш		минг м²	39	43	49	54	60
7.	Терилар ишлаб чиқариш		минг дона	8	8	14	17	24
8.	Қоракўлдан тайёр маҳсулотлар ишлаб чиқариш		дона	3000	3000	5000	7000	9000
9.	Қоракўл маҳсулотларини экспорт қилиш		минг долл.	203	339	408	473	1161
10.	Инвестициялар ҳажми		минг долл.	198	189	264	250	386
11.	Иш жойлари	Доимий	Штат бирлиги	975	1073	1233	1357	1500
		Мавсумий		1265	1391	1600	1760	1946
		Жами		2240	2464	2833	3117	3446

Кейинги таҳрирга қаранг.

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2.5-ИЛОВА

2021 — 2025 йилларга мўлжалланган Қашқадарё вилоятида қоракўлчиликни ривожлантиришнинг

МАҚСАДЛИ ПАРАМЕТРЛАРИ

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		минг гектар	1214	1214	1214	1214	1214
2.	Қоракўл наслли қўйлар		минг бош	1812	1812	1812	1812	1812
3.	Жун ишлаб чиқариш		минг тонна	4349	4349	4349	4349	4349
4.	Жундан йигирилган ип ишлаб чиқариш		минг тонна	1740	1740	1740	1740	1740
5.	Гиламлар ишлаб чиқариш		минг м²	87	87	87	87	87
6.	Кигиз ишлаб чиқариш		минг м²	435	435	435	435	435
7.	Терилар ишлаб чиқариш		минг дона	176	176	176	176	176
8.	Қоракўлдан тайёр маҳсулотлар ишлаб чиқариш		минг дона	70	70	70	70	70
9.	Қоракўл маҳсулотларини экспорт қилиш		минг долл.	4334	6121	6829	7564	8467
10.	Инвестициялар ҳажми		минг долл.	4300	3977	3426	3265	3125
11.	Иш жойлари	Доимий	Штат бирлиги	6900	7590	8729	9602	10616
		Мавсумий		9250	10175	11701	12872	14231
		Жами		16151	17766	20430	22473	24847

Кейинги таҳрирга қаранг.

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2.6-ИЛОВА

2021 — 2025 йилларга мўлжалланган Навоий вилоятида қоракўлчиликни ривожлантиришнинг

МАҚСАДЛИ ПАРАМЕТРЛАРИ

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		минг гектар	7145	7145	7145	7145	7145
2.	Қоракўл наслли қўйлар		минг бош	1549	1600	1881	2300	2856
3.	Жун ишлаб чиқариш		минг тонна	3718	3840	4514	5520	6854
4.	Жундан йигирилган ип ишлаб чиқариш		минг тонна	1487	1536	1806	2208	2742
5.	Гиламлар ишлаб чиқариш		минг м²	74	77	90	110	137
6.	Кигиз ишлаб чиқариш		минг м²	446	490	564	620	686
7.	Терилар ишлаб чиқариш		минг дона	150	155	182	223	277
8.	Қоракўлдан тайёр маҳсулотлар ишлаб чиқариш		минг дона	60	62	73	89	111
9.	Қоракўл маҳсулотларини экспорт қилиш		минг долл.	3700	6000	7300	8299	13372
10.	Инвестициялар ҳажми		минг долл.	3953	3479	3630	3736	3587
11.	Иш жойлари	Доимий	Штат бирлиги	10806	11886	13669	15036	16624
		Мавсумий		14576	16033	18438	20282	22424
		Жами		25381	27919	32107	35318	39048

Кейинги таҳрирга қаранг.

Олдинги таҳрирга қаранг.

(2.7-илова Ўзбекистон Республикаси Президентининг 2021 йил 8 июлдаги ПФ-6259-сонли Фармонига асосан ўз кучини йўқотган — Қонунчилик маълумотлари миллий базаси, 09.07.2021 й., 06/21/6259/0657-сон)

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2.8-ИЛОВА

2021 — 2025 йилларга мўлжалланган Самарқанд вилоятида қоракўлчиликни ривожлантиришнинг

МАҚСАДЛИ ПАРАМЕТРЛАРИ

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		минг гектар	707	707	707	707	707
2.	Қоракўл наслли қўйлар		минг бош	460	461	461	461	461
3.	Жун ишлаб чиқариш		минг тонна	1104	1106	1106	1106	1106
4.	Жундан йигирилган ип ишлаб чиқариш		минг тонна	442	443	443	443	443
5.	Гиламлар ишлаб чиқариш		минг м²	22	22	22	22	22
6.	Кигиз ишлаб чиқариш		минг м²	72	79	91	100	111
7.	Терилар ишлаб чиқариш		минг дона	45	45	45	45	45
8.	Қоракўлдан тайёр маҳсулотлар ишлаб чиқариш		минг дона	18	18	18	18	18
9.	Қоракўл маҳсулотларини экспорт қилиш		минг долл.	1102	1671	1732	1849	2158
10.	Инвестициялар ҳажми		минг долл.	1100	1002	871	792	824
11.	Иш жойлари	Доимий	Штат бирлиги	1792	1971	2267	2494	2757
		Мавсумий		2359	2595	2984	3282	3629
		Жами		4151	4566	5251	5776	6386

Кейинги таҳрирга қаранг.

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2.9-ИЛОВА

2021 — 2025 йилларга мўлжалланган Сурхондарё вилоятида қоракўлчиликни ривожлантиришнинг

МАҚСАДЛИ ПАРАМЕТРЛАРИ

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		минг гектар	737	737	737	737	737
2.	Қоракўл наслли қўйлар		минг бош	45	65	104	177	295
3.	Жун ишлаб чиқариш		минг тонна	108	156	250	424	708
4.	Жундан йигирилган ип ишлаб чиқариш		минг тонна	43	62	100	170	283
5.	Гиламлар ишлаб чиқариш		м²	2000	3000	5000	8000	14000
6.	Кигиз ишлаб чиқариш		м²	46000	51000	58000	64000	71000
7.	Терилар ишлаб чиқариш		дона	4000	6000	10000	17000	29000
8.	Қоракўлдан тайёр маҳсулотлар ишлаб чиқариш		дона	2000	3000	4000	7000	11000
9.	Қоракўл маҳсулотларини экспорт қилиш		минг долл.	114	260	434	786	1381
10.	Инвестициялар ҳажми		минг долл.	107	141	196	304	460
11.	Иш жойлари	Доимий	Штат бирлиги	1106	1217	1399	1539	1702
		Мавсумий		1505	1655	1904	2094	2315
		Жами		2611	2872	3303	3633	4017

Кейинги таҳрирга қаранг.

Олдинги таҳрирга қаранг.

(2.10-илова Ўзбекистон Республикаси Президентининг 2021 йил 8 июлдаги ПФ-6259-сонли Фармонига асосан ўз кучини йўқотган — Қонунчилик маълумотлари миллий базаси, 09.07.2021 й., 06/21/6259/0657-сон)

Олдинги таҳрирга қаранг.

(2.11-илова Ўзбекистон Республикаси Президентининг 2021 йил 8 июлдаги ПФ-6259-сонли Фармонига асосан ўз кучини йўқотган — Қонунчилик маълумотлари миллий базаси, 09.07.2021 й., 06/21/6259/0657-сон)

Олдинги таҳрирга қаранг.

(2.12-илова Ўзбекистон Республикаси Президентининг 2021 йил 8 июлдаги ПФ-6259-сонли Фармонига асосан ўз кучини йўқотган — Қонунчилик маълумотлари миллий базаси, 09.07.2021 й., 06/21/6259/0657-сон)

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
2.13-ИЛОВА

2021 — 2025 йилларга мўлжалланган Хоразм вилоятида қоракўлчиликни ривожлантиришнинг

МАҚСАДЛИ ПАРАМЕТРЛАРИ

Т/р	Кўрсаткичлар		Ўлчов бирлиги	2021 йил	2022 йил	2023 йил	2024 йил	2025 йил
1.	Яйловлар майдони		гектар	41000	41000	41000	41000	41000
2.	Қоракўл наслли қўйлар		бош	1000	4000	6000	12000	16000
3.	Жун ишлаб чиқариш		тонна	2000	10000	14000	29000	38000
4.	Жундан йигирилган ип ишлаб чиқариш		тонна	1000	4000	6000	12000	15000
5.	Гиламлар ишлаб чиқариш		м²	50	190	290	580	770
6.	Кигиз ишлаб чиқариш		минг м²	1505	1656	1904	2094	2309
7.	Терилар ишлаб чиқариш		дона	100	400	600	1200	1600
8.	Қоракўлдан тайёр маҳсулотлар ишлаб чиқариш		дона	—	200	200	500	600
9.	Қоракўл маҳсулотларини экспорт қилиш		долл.	4000	15000	22000	40000	84000
10.	Инвестициялар ҳажми		долл.	2300	4300	7500	8600	11000
11.	Иш жойлари	Доимий	Штат бирлиги	101	112	128	141	156
		Мавсумий		92	102	117	128	142
		Жами		194	213	245	270	298

Кейинги таҳрирга қаранг.

Олдинги таҳрирга қаранг.

(3-илова Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан ўз кучини йўқотган — Қонунчилик маълумотлари миллий базаси, 08.10.2021 й., 06/21/6320/0940-сон)

Ўзбекистон Республикаси Президентининг 2020 йил 2 сентябрдаги ПФ-6059-сон Фармонига
4-ИЛОВА

Қоракўл зотли қўйларни кўпайтиришга мўлжалланган Яйловларни хатловдан ўтказиш ва ҳолатини ўрганиш бўйича комиссия

ТАРКИБИ

Олдинги таҳрирга қаранг.

1.	лавозими бўйича	—	Ипакчилик ва жун саноатини ривожлантириш қўмитаси раиси, Комиссия раҳбари
2.	Х. Тўрахўжаев	—	Ер ресурслари, геодезия, картография ва давлат кадастри давлат қўмитаси раиси, Комиссия раҳбари ўринбосари
3.	лавозими бўйича	—	Қорақалпоғистон Республикаси Вазирлар Кенгаши Раиси, вилоятлар ҳокимлари
4.	Н. Бакиров	—	Ўрмон хўжалиги давлат қўмитаси раиси
5.	Ш. Тешаев	—	Қишлоқ хўжалиги вазирининг биринчи ўринбосари
6.	Ш. Рахимов	—	Бош прокурор ўринбосари
7.	С. Нишанбаев	—	Ички ишлар вазирининг ўринбосари
8.	А. Икрамов	—	Давлат статистика қўмитаси раисининг ўринбосари
9.	лавозими бўйича	—	Яйлов хўжалигини ривожлантириш уюшмасининг раиси

Изоҳ:

Комиссия аъзолари бошқа ишга ўтган тақдирда, унинг таркибига ушбу лавозимларга янги тайинланган ёки зиммасига тегишли функцияларни бажариш юкланган шахслар киритилади.

Комиссия ишига келишув бўйича бошқа вазирликлар, идоралар, маҳаллий давлат ҳокимияти органлари, хўжалик жамиятлари ва фуқаролик жамияти институтлари раҳбарлари ва мутахассислари жалб қилиниши мумкин.

(4-илова Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

Кейинги таҳрирга қаранг.

(Қонун ҳужжатлари маълумотлари миллий базаси, 03.09.2020 й., 06/20/6059/1256-сон; Қонунчилик маълумотлари миллий базаси, 09.06.2021 й., 06/21/6243/0540-сон; 09.07.2021 й., 06/21/6259/0657-сон, 08.10.2021 й., 06/21/6320/0940-сон, 16.12.2021 й., 06/21/34/1164-сон, 01.04.2022 й., 06/22/95/0267-сон; 10.06.2022 й., 06/22/150/0516-сон; 18.02.2023 й., 06/23/24/0096-сон; 12.06.2023 й., 06/23/90/0352-сон; 11.11.2023 й., 06/23/193/0844-сон; 10.05.2024 й., 06/24/76/0336-сон; 31.01.2025 й., 06/25/15/0095-сон; 17.03.2025 й., 06/25/47/0243-сон)