Ҳужжат кучини йўқотган " " 14.04.2014

Ҳужжат 23.10.1997 00 санаси ҳолатига
Амалдаги версияга ўтиш

Ўзбекистон Республикаси Президенти ҳузуридаги Вазирлар Маҳкамасининг

ЎЗБЕКИСТОН РЕСПУБЛИКАСИ РАДИОЧАСТОТАЛАР БЎЙИЧА ДАВЛАТ КОМИССИЯСИ ТЎҒРИСИДА

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2014 йил 7 апрелдаги 84-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек айримларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Радиочастота спектрини бошқаришни ташкил қилиш ва фойдаланишни такомиллаштириш тўғрисида» 2013 йил 22 октябрдаги ПҚ-2053-сон қарори)»ги қарорига асосан ўз кучини йўқотган.

«Ўзбекистон Республикасининг давлат мустақиллиги асослари тўғрисида»ги Қонунга мувофиқ ҳамда радиочастоталарни режалаштириш, улардан фойдаланиш ва уларни белгилаш масалалари бўйича Халқаро электр алоқаси уюшмасида республика манфаатларини ифодалаш, ҳуқуқий ҳимоя қилиш мақсадида Вазирлар Маҳкамаси қарор қилади:

Олдинги таҳрирга қаранг.

1. Ўзбекистон почта ва телекоммуникациялар агентлиги ҳузуридаги Ўзбекистон Республикаси радиочастоталар бўйича Давлат комиссияси тузилсин.

(1-банд Ўзбекистон Республикаси Вазирлар Маҳкамасининг 1997 йил 23 октябрдаги 482-сонли қарори таҳририда)

2. Ўзбекистон Республикаси радиочастоталар бўйича Давлат комиссиясининг илова қилинаётган Низоми тасдиқлансин.

Олдинги таҳрирга қаранг.

3. Ўзбекистон почта ва телекоммуникациялар агентлиги бош директори Ўзбекистон Республикаси радиочастоталар бўйича Давлат комиссиясининг раиси этиб тайинлансин.

(3-банднинг биринчи хатбошиси Ўзбекистон Республикаси Вазирлар Маҳкамасининг 1997 йил 23 октябрдаги 482-сонли қарори таҳририда)

Ички ишлар, мудофаа, қишлоқ хўжалиги, алоқа, энергетика ва электрлаштириш вазирларининг ўринбосарлари; Миллий хавфсизлик хизмати, «Ватанпарвар» мудофаага кўмаклашиш ташкилотлари Марказий Кенгаши, Давлат геология ва минерал ресурслар қўмитаси, «Ўзбекнефтгаз» концерни раисларининг ўринбосарлари; «Ўзбекистон ҳаво йўллари» миллий авиакомпанияси бош директорининг ўринбосари; Ўрта Осиё Темир йўл бошқармаси, Ҳукумат алоқа хизмати бошлиқларининг ўринбосарлари лавозимларига кўра ва қайд этилган бошқарув органлари раҳбарларининг тавсиясига биноан Ўзбекистон Республикаси радиочастоталар бўйича Давлат комиссиясининг аъзолари этиб белгилансин.

Кейинги таҳрирга қаранг.

Кейинги таҳрирга қаранг.

4. Ўзбекистон Республикаси радиочастоталар бўйича Давлат комиссиясига шошилинч жорий ишларни бажариш учун комиссиясининг 5 кишидан, шу жумладан, комиссия раисининг бир нафар ўринбосарларидан иборат ишчи органини тузишга рухсат этилсин. Ишчи орган манфаатдор вазирликлар ва идоралар томонидан ажратиладиган маблағлар ҳисобига сақлансин.

Кейинги таҳрирга қаранг.

Ўзбекистон Республикасининг Бош вазири А. МУТАЛОВ

Тошкент ш.,

1992 йил 3 сентябрь,

Вазирлар Маҳкамасининг
1992 йил 3 сентябрдаги 406-сон қарори билан
ТАСДИҚЛАНГАН

Ўзбекистон Республикаси радиочастоталар бўйича Давлат комиссияси тўғрисида

I. УМУМИЙ ҚОИДАЛАР

1. Ўзбекистон Республикаси радиочастоталар бўйича Давлат комиссияси радиочастоталарни тақсимлаш ва белгилаш миллий жадвалини ҳамда миллий регламентни режалаштириш, шакллантиришнинг узоқ муддатли сиёсатини, Халқаро электр алоқаси уюшмасида вакилликни, радиочастоталарни режалаштириш ва улардан фойдаланиш масалаларида республика ҳуқуқларини халқаро ҳимоя қилишни, радиоэлектрон воситаларнинг электромагнит мослигини таъминловчи радиочастоталарни бошқариш миллий органи ҳисобланади.

2. Ўзбекистон Республикаси радиочастоталар бўйича Давлат комиссияси ўз фаолиятида Ўзбекистон Республикаси қонунларига, Ўзбекистон Республикаси Президентининг фармонларига, Вазирлар Маҳкамасининг қарорлари ва фармойишларига, Халқаро электр алоқаси уюшмасининг меъёрий ҳужжатларига, мазкур Низомга амал қилади ҳамда Ўзбекистон Республикаси Президенти ҳузуридаги Вазирлар Маҳкамасига ҳисоб беради.

3. Ўзбекистон Республикаси радиочастоталар бўйича Давлат комиссияси республикада радиочастоталарни тақсимлаш бўйича ваколатли давлат органи бўлиб, унинг қарорлари барча вазирликлар, идоралар, концернлар, уюшмалар ва бошқалар учун мажбурийдир.

4. Ўзбекистон Республикаси радиочастоталар бўйича Давлат комиссияси Ўзбекистон Республикаси Давлат герби тасвирланган ва номи ўзбек ҳамда рус тилларида ёзилган ўз муҳрига эга бўлади.

Олдинги таҳрирга қаранг.

5. Частоталарни белгилашни мувофиқлаштириш ва рўйхатга олиш юзасидан шошилинч жорий ишларни олиб бориш ва Ўзбекистон почта ва телекоммуникациялар агентлиги ҳузуридаги комиссиянинг ишлаши учун материалларни ишлаб чиқиш ва тайёрлаш мақсадида Ўзбекистон Республикаси радиочастоталар бўйича Давлат комиссиясининг ишчи органи тузилади.

(5-банд Ўзбекистон Республикаси Вазирлар Маҳкамасининг 1997 йил 23 октябрдаги 482-сонли қарори таҳририда)

6. Ўзбекистон Республикаси радиочастоталар бўйича Давлат комиссияси ишчи органнинг тузилмасини, штатлар жадвалини ва ишчи органни сақлаш харажатлари сметасини тасдиқлайди.

7. Ўзбекистон Республикаси радиочастоталар бўйича Давлат комиссияси таркиби Вазирлар Маҳкамаси томонидан белгиланади. Комиссия аъзолари ўз бурчларини жамоатчилик асосида бажарадилар. Ходимлари комиссия таркибига киритилган вазирликлар, идоралар ва бошқа давлат бошқарув органлари раҳбарлари уларнинг комиссия таркибида ишлашлари учун шароит яратиб берадилар.

II. ВАЗИФАЛАРИ

Ўзбекистон Республикаси радиочастоталар бўйича Давлат комиссиясининг асосий вазифалари қуйидагилар ҳисобланади:

радиочастоталар спектрини бошқариш ва истиқболли режалаштириш соҳасида узоқ муддатли сиёсатни амалга ошириш;

радиочастоталарни тақсимлаш миллий жадвалини ва миллий регламентни ташкил этиш;

радиочастоталарни режалаштириш, улардан фойдаланиш ва уларни белгилаш масалаларида Халқаро электр алоқаси уюшмасида вакиллик қилиш ва Ўзбекистон Республикасининг манфаатларини халқаро ҳуқуқий ҳимоя қилиш;

радиоэлектрон воситаларнинг барча турларини тайёрлаш, ишлаб чиқариш ва чет элдан сотиб олиш учун частоталар полосасини ажратиш;

аҳолига мўлжалланган радиоэлектрон воситаларда қўлланиладиган радиочастоталардан фойдаланишнинг техникавий сиёсатини ишлаб чиқиш ва уни юритиш ҳамда электромагнит мослигини таъминлаш;

радиоэлектрон воситаларнинг барча турларига тайинланган частоталарнинг ҳисобини олиб боришни ташкил этиш.

III. ФУНКЦИЯЛАРИ

Белгиланган вазифаларни бажариш мақсадида Ўзбекистон Республикаси радиочастоталар бўйича Давлат комиссияси:

хорижий давлатлар алоқа маъмуриятлари билан биргаликда белгиланган тартибда частоталарни тайинлашни мувофиқлаштиришни ва Халқаро электр алоқаси уюшмасида Ўзбекистон Республикасининг радиоэлектрон воситаларига тайинланган частоталарни Рўйхатга олишни амалга оширади;

Олдинги таҳрирга қаранг.

Ўзбекистон почта ва телекоммуникациялар агентлиги билан қўшни давлатлар алоқа маъмуриятлари ўртасида айрим радиохизматлар томонидан частоталардан фойдаланишни мувофиқлаштириш бўйича битимларни ишлаб чиқишда ва техникавий тайёрлашда қатнашади;

(III бўлимнинг учинчи хатбошиси Ўзбекистон Республикаси Вазирлар Маҳкамасининг 1997 йил 23 октябрдаги 482-сонли қарори таҳририда)

хорижий давлатлар, алоқа маъмуриятлари билан олиб бориладиган музокараларда қатнашади, келишилган битимлар бўйича республика алоқа маъмурияти мажбуриятларининг бажарилишини таъминлашни ташкил этади;

манфаатдор ташкилотлар билан биргаликда республика радиоэлектрон воситаларининг частота тайинловларини халқаро ҳуқуқий ҳимоя қилиш йиллик режалари лойиҳаларини ишлаб чиқади, уларнинг бажарилишини ташкил этади ва назорат қилади;

радиочастоталардан фойдаланишни мувофиқлаштириш, нурланишни назорат қилиш ва ўз ҳуқуқ доирасига кирувчи бошқа масалалар юзасидан делегацияларнинг техникавий топшириқлари, кўрсатмалари ва ишчи материалларини, шунингдек, делегацияларнинг таркиби бўйича таклифларни белгиланган тартибда тайёрлайди, делегациялар ишида қатнашади, делегацияларнинг ҳисоботларини таҳлил қилади ва эришилган битимларни амалга оширишни ташкил этади;

Халқаро электр алоқаси уюшмасининг полосаларни тақсимлаш ва радиочастоталарни режалаштириш ва радио алоқаси регламентини қайта қуриш бўйича жаҳон ва минтақа маъмурий конференцияларига тайёргарлик комиссиясининг ишида иштирок этади;

дипломатик ваколатхоналарнинг ва хорижий давлатлар бошқа органларининг, шунингдек, республика ҳудудида жойлашган халқаро ташкилотларнинг радиоэлектрон воситалари частота тайинловларини мувофиқлаштириш ва Халқаро электр алоқаси уюшмасида рўйхатга олиш ишларини белгиланган тартибда олиб боради;

халқаро-ҳуқуқий характерга эга бўлган ва халқаро электр алоқаси конвенцияни ва бошқа халқаро ҳужжатлар бўйича республика мажбуриятларига дахлдор бўлган масалаларни Ўзбекистон Республикаси Ташқи ишлар вазирлиги билан келишиб олади;

радиоэлектрон воситаларнинг электромагнит мослигини таъминловчи частота ва ҳудудий айириш нормаларини тасдиқлайди ва ишга туширади;

радиоэлектрон воситаларнинг электромагнит мослигини белгиловчи радиочастоталардан, таниб олиш сигналларидан фойдаланиш талаблари бўйича стандартларнинг лойиҳаларини ва техник шартларини, радиоэлектрон воситаларни етказиб бериш тартибини келишиб олади;

вазирликлар, идоралар билан биргаликда радиоэлектрон воситаларнинг электромагнит мослигини таъминловчи ташкилий-техникавий тадбирларни ишлаб чиқади ва уларнинг бажарилишини назорат қилишни ташкил этади;

илмий-тадқиқот ва лойиҳа-конструкторлик ишлари, давлат андозаларини ишлаб чиқиш, илмий-техника ахборотини ташкил этиш, ихтирочилик ва рационализаторликни ривожлантириш юзасидан таклифлар тайёрлайди ва хулосалар беради;

частоталарни тақсимлаш миллий жадвалини ва республика радио алоқаси регламентини ишлаб чиқади ва нашр этади;

белгиланган тартибда хорижий мамлакатлар билан илмий-техникавий алоқалар юзасидан таклифлар тайёрлайди ва тақдим этади;

вазирликлар, идоралар, корхоналар, ташкилотлар ва фуқароларнинг радиочастоталар полосалари ажратиш ҳақидаги буюртмаларини техникавий экспертизадан ўтказади ва улардан фойдаланиш юзасидан техникавий таклифларни ишлаб чиқади;

юқори частотали мосламалар, электр мосламалар, машиналар, аппаратлар, приборларнинг электромагнит мослигини белгиловчи техникавий тавсифларининг андазалари, техникавий шартларини, шунингдек индустриал шовқинларнинг андазалари ва умумдавлат нормалари лойиҳаларини кўриб чиқади ва келишиб олади.

IV. ҲУКУҚЛАРИ

Ўзбекистон Республикаси радиочастоталар бўйича Давлат комиссияси қуйидаги ҳуқуқларга эгадир:

барча турдаги радиоэлектрон воситаларнинг частота тайинловларини Халқаро электр алоқаси уюшмасида рўйхатга олиш ишларини олиб бориш;

радиочастоталар бўйича Халқаро комиссиянинг фаолиятида қатнашиш ва частоталар спектридан фойдаланиш масалалари бўйича республика манфаатларини ҳимоя қилиш;

радиоэлектрон воситаларнинг частота тайинловини халқаро миқёсда мувофиқлаштириш ишларини олиб бориш ва шу мақсадда хорижий давлатларнинг алоқа маъмуриятлари билан олиб бориладиган музокаралар учун материаллар тайёрлаш;

радиочастоталар бўйича Халқаро комиссиянинг ва хорижий давлатлар маъмуриятларининг радиоэлектрон воситалари частота тайинловларини мувофиқлаштириш ва рўйхатга олиш билан боғлиқ бўлган техник материалларни таҳлил қилиш ва улар юзасидан тегишли хулосалар тайёрлаш;

радиоэлектрон воситаларнинг барча турларини республикада тайёрлаш ва ишлаб чиқиш ҳамда чет элдан сотиб олиш учун частоталар полосасини белгилаш;

радиоэлектрон воситаларга давлат андазалари, техникавий шартлар, нормалар ва улардан фойдаланиш қоидаларини ва бошқа меъёрий-техникавий ҳужжатларни ишлаб чиқишда қатнашиш.

Кейинги таҳрирга қаранг.

(Ўзбекистон Республикасининг Ҳукумати қарорлари тўплами 1992 й., 9-сон, 27-модда; Ўзбекистон Республикасининг қонун ҳужжатлари тўплами, 2001 й., 21-сон, 149-модда; 2002 й., 17-18-сон, 139-модда; 2013 й., 34-сон, 458-модда)