«Хавфсизлик ва мудофаа соҳасидаги қонун ҳужжатлари такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» 2019 йил 5 сентябрдаги ЎРҚ-564-сонли Ўзбекистон Республикаси Қонуни, Ўзбекистон Республикаси Президентининг «Тиббиёт ва фармацевтика таълими ва илм-фани тизимини янада ривожлантириш чора-тадбирлари тўғрисида» 2019 йил 6 майдаги ПҚ-4310-сон ҳамда «Ўзбекистон Республикаси фуқароларининг ҳарбий хизматни ўташ тартиби тўғрисидаги низомни тасдиқлаш ҳақида» 2019 йил 12 сентябрдаги ПҚ-4447-сон қарорларига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартиришлар ва қўшимча киритилсин.

2. Белгилансинки, ушбу қарорга илованинг 10-банди 2020 йил 1 июлдан эътиборан кучга киради.

1. Вазирлар Маҳкамасининг «Ўзбекистон Республикаси Қуролли Кучларида, чегара ва ички қўшинларида ҳарбий интизомни мустаҳкамлаш ва тарбиявий ишларни такомиллаштириш чора-тадбирлари тўғрисида» 1992 йил 23 сентябрдаги 445-сон қарорида:

а) 1-банднинг учинчи хатбошисидаги «Ҳарбий қасамёд» сўзлари «Ватанга қасамёд» сўзлари билан алмаштирилсин;

б) 8-банднинг биринчи хатбошисидаги «ҳарбий қасамга» сўзлари «Ватанга қасамёдга» сўзлари билан алмаштирилсин.

2. Вазирлар Маҳкамасининг 1992 йил 30 декабрдаги 599-сон қарори билан тасдиқланган Ўзбекистон Республикаси Қуролли Кучларида, чегара ва ички қўшинларида шахсий таркиб билан ишлаш бўйича органлар тўғрисидаги низомнинг II-боби 1-бандининг иккинчи хатбошисидаги «Ҳарбий қасамга» сўзлари «Ватанга қасамёдга» сўзлари билан алмаштирилсин.

3. Вазирлар Маҳкамасининг 2003 йил 11 мартдаги 128-сон қарори (Ўзбекистон Республикаси ҚТ, 2003 й., 3-сон, 22-модда) билан тасдиқланган Муқобил хизматни ташкил этиш ва Ўзбекистон Республикаси фуқароларининг уни ўташи тартиби тўғрисидаги низомнинг 16-банди биринчи хатбошисидаги «ҳарбий қасамёд» сўзлари «Ватанга қасамёд» сўзлари билан алмаштирилсин.

4. Вазирлар Маҳкамасининг 2009 йил 14 январдаги 10-сон қарори (Ўзбекистон Республикаси ҚТ, 2009 й., 3-сон, 13-модда) билан тасдиқланган Фуқароларни муддатли ҳарбий хизматга йиғиш ва жўнатиш, уларни ҳарбий қисмларда қабул қилиш, шунингдек Ўзбекистон Республикаси Қуролли Кучлари резервига бўшатилган ҳарбий хизматчиларни яшаш жойларига қайтариш тартиби тўғрисидаги низомнинг 14-банди тўққизинчи хатбошисидаги «Ҳарбий қасамёдни» сўзлари «Ватанга қасамёдни» сўзлари билан алмаштирилсин.

5. Вазирлар Маҳкамасининг «Тошкент тиббиёт академияси ҳузурида Ҳарбий-тиббиёт факультетини ташкил этиш тўғрисида» 2012 йил 10 июлдаги 203-сон қарорида (Ўзбекистон Республикаси ҚТ, 2012 й., 28-сон, 318-модда):

а) 4-банднинг иккинчи хатбошисидаги «бешинчи» сўзи «тўртинчи» сўзи билан алмаштирилсин;

б) 2-иловада:

16-банддаги «бешинчи» сўзи «тўртинчи» сўзи билан алмаштирилсин;

17-банддаги «Ўзбекистон Республикаси Президентининг 2006 йил 14 январдаги ПҚ-257-сон қарори билан тасдиқланган Ўзбекистон Республикаси фуқароларининг ҳарбий хизматни ўташлари тартиби тўғрисидаги низомга мувофиқ» сўзлари «Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомга мувофиқ» сўзлари билан алмаштирилсин;

23-банддаги «ҳарбий таълим бошқармаси» сўзлари «Кадрлар бош бошқармаси» сўзлари билан алмаштирилсин;

26-банддаги «(Ўзбекистон Республикаси Президентининг 2006 йил 14 январдаги ПҚ-257-сон қарори билан тасдиқланган Ўзбекистон Республикаси фуқароларининг ҳарбий хизматни ўташлари тартиби тўғрисидаги низомга мувофиқ)» сўзлари «(Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомга мувофиқ)» сўзлари билан алмаштирилсин;

27-банддаги «Ўзбекистон Республикаси Вазирлар Маҳкамасининг 2010 йил 18 июндаги 118-сон қарори билан тасдиқланган Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги низомга мувофиқ» сўзлари «ҳарбий хизматчилар учун белгиланган тартибда» сўзлари билан алмаштирилсин;

32-банддаги «Қонунига мувофиқ» сўзлари «Қонуни ҳамда Ўзбекистон Республикаси Вазирлар Маҳкамасининг 2017 йил 9 октябрдаги 809-сон қарори билан тасдиқланган Ўзбекистон Республикаси олий таълим муассасаларининг ҳарбий тайёргарлик ўқув бўлинмалари тўғрисидаги низомга мувофиқ» сўзлари билан алмаштирилсин.

6. Вазирлар Маҳкамасининг 2014 йил 18 декабрдаги 348-сон қарори (Ўзбекистон Республикаси ҚТ, 2014 й., 12-сон, 125-модда) билан тасдиқланган Чақирувга қадар бошланғич тайёргарликни ташкил этиш ва уни амалга ошириш тартиби тўғрисидаги низомда:

а) 7-банднинг учинчи хатбошисидаги «ҳарбий қасамёдни» сўзлари «Ватанга қасамёдни» сўзлари билан алмаштирилсин;

б) 24-банднинг биринчи хатбошисидаги «ҳарбий қасамёд» сўзлари «Ватанга қасамёд» сўзлари билан алмаштирилсин.

7. Вазирлар Маҳкамасининг «Умумий ўрта ва ўрта махсус, касб-ҳунар таълимининг давлат таълим стандартларини тасдиқлаш тўғрисида» 2017 йил 6 апрелдаги 187-сон қарорига (Ўзбекистон Республикаси ҚҲТ, 2017 й., 14-сон, 230-модда) 3-илова II боби 20-параграфининг «Чақирувга қадар бошланғич тайёргарлик фани бўйича ўрта махсус, касб-ҳунар таълим муассасалари битирувчиларига қўйиладиган малака талаблари» бўлими 1-бандида:

а) тўртинчи хатбошисидаги «ҳарбий қасамёд» сўзлари «Ватанга қасамёд» сўзлари билан алмаштирилсин;

б) ўн иккинчи хатбошисидаги «ҳарбий қасамёд» сўзлари «Ватанга қасамёд» сўзлари билан алмаштирилсин.

8. Вазирлар Маҳкамасининг 2017 йил 9 октябрдаги 809-сон қарори (Ўзбекистон Республикаси ҚТ, 10-сон 228-модда) билан тасдиқланган Ўзбекистон Республикаси олий таълим муассасаларининг ҳарбий тайёргарлик ўқув бўлинмалари тўғрисидаги низомда:

а) 3-банднинг биринчи хатбошисидаги «Ҳарбий қасамёд» сўзлари «Ватанга қасамёд» сўзлари билан алмаштирилсин;

б) 4-бандда:

учинчи-тўртинчи хатбошилар тегишлича тўртинчи-бешинчи хатбошилар деб ҳисоблансин;

в) 28-банд ўз кучини йўқотган деб ҳисоблансин;

г) 35-банднинг биринчи хатбошисидаги «Ҳарбий қасамёдга» сўзлари «Ватанга қасамёдга» сўзлари билан алмаштирилсин;

д) 56-банднинг биринчи хатбошисидан «ва алоҳида психологик ўрганишдан ўтган» сўзлари чиқариб ташлансин;

е) 57-банддан «ва алоҳида психологик ўрганиш» сўзлари чиқариб ташлансин;

ж) илованинг:

«*» изоҳдан «ва руҳий ўрганиш» сўзлари чиқариб ташлансин.

9. Вазирлар Маҳкамасининг 2018 йил 23 февралдаги 140-сон қарори билан тасдиқланган Ёшларни ҳарбий-ватанпарварлик руҳида тарбиялаш концепциясининг 15-банди «г» кичик банди учинчи хатбошисидаги «ҳарбий қасамёдга» сўзлари «Ватанга қасамёдга» сўзлари билан алмаштирилсин.

10. Вазирлар Маҳкамасининг «Муҳаммад ал-Хоразмий номидаги Тошкент ахборот технологиялари университети таркибида Ўзбек-Беларусь қўшма ахборот технологиялари факультетини ташкил этиш чора-тадбирлари тўғрисида» 2019 йил 18 январдаги 46-сон қарорига иловадан «Ҳарбий кафедра» блоки чиқариб ташлансин.

11. Вазирлар Маҳкамасининг «Ўзбекистон Республикаси Мудофаа вазирлигининг маънавият ва маърифат маркази ҳузуридаги «Турон» театр студияси фаолиятини янада такомиллаштириш чора-тадбирлари тўғрисида» 2019 йил 3 майдаги 370-сон қарорининг 2-банди иккинчи хатбошисидаги «ҳарбий қасамёдга» сўзлари «Ватанга қасамёдга» сўзлари билан алмаштирилсин.