|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
«ЎЗАВТОЙЎЛ» ДАВЛАТ КОНЦЕРНИ ТОМОНИДАН ШАҲАРЛАРНИ ОБОДОНЛАШТИРИШГА ДОИР БАЖАРИЛАЁТГАН ИШЛАРДАН 1996 ЙИЛДА СОЛИҚ ОЛИШ БЎЙИЧА ИМТИЁЗЛАР ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
«Ўзавтойўл» давлат концерни ташкилотларининг куч ва маблағларининг Тошкент шаҳри, бошқа вилоят марказлари кўчаларини қайта барпо этиш ва қуриш, шунингдек мактаблар, касалхоналарни ва ижтимоий соҳа бошқа объектларини ободонлаштириш ишларига жалб этилиши муносабати билан Вазирлар Маҳкамаси қарор қилади:
1. «Ўзавтойўл» давлат концерни ташкилотлари фойда ва қўшилган қиймат солиқлари бўйича боқимандалар суммасини, шу жумладан 1993 — 1995 йилларда Республика йўл жамғармаси маблағлари ҳисобига шаҳарлар кўчаларини, шунингдек ижтимоий мақсадлардаги объектларга бориладиган йўлларни қуриш, тузатиш ва ободонлаштиришга доир бажарилган ишлар ҳажмлари бўйича вужудга келган пеня ва жарималарни бюджетга тўлашдан озод қилинсинлар.
2. Амалдаги қонунчилик билан умумий фойдаланишдаги йўлларни қуриш, сақлаш, тузатиш ва улардан фойдаланишга доир ишлар учун фойда ҳамда қўшилган қиймат солиқларини тўлашдан озод қилиш бўйича имтиёзлар 1996 йилда «Ўзавтойўл» Давлат концерни ташкилотлари томонидан шаҳарлар кўчаларини, шунингдек ижтимоий мақсадлардаги объектларга бориладиган йўлларни қуриш, тузатиш ва ободонлаштириш борасида бажариладиган ишларга истисно тартибида татбиқ этилсин.
Вазирлар Маҳкамасининг Раиси И. КАРИМОВ
Тошкент ш.,
1996 йил 30 сентябрь,
341-сон
