Ҳужжат 09.01.2020 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

Республика ҳудудларида тадбиркорликнинг ривожланганлик даражасига баҳо бериш тизимини жорий этиш чора-тадбирлари тўғрисида

Тадбиркорлик субъектларини қўллаб-қувватлашга қаратилган чора-тадбирларни кучайтириш борасида маҳаллий ижро этувчи ҳокимият органлари ва бошқа ташкилотларнинг масъулиятини янада ошириш, ҳудудларда ишбилармонлик муҳитига салбий таъсир этувчи омилларни аниқлаш ҳамда уларни бартараф этишнинг самарали механизмларини жорий этиш мақсадида Вазирлар Маҳкамаси қарор қилади:

1. Ўзбекистон Республикаси Иқтисодиёт ва саноат вазирлиги ҳамда Адлия вазирлигининг 2020 йил 1 мартдан бошлаб республика ҳудудларида тадбиркорликнинг ривожланганлик даражасига баҳо бериш тизимини жорий этиш тўғрисидаги таклифи маъқуллансин.

2. Республика ҳудудларида тадбиркорликнинг ривожланганлик даражасини баҳолаш тартиби тўғрисида низом (кейинги ўринларда Низом деб аталади) 1-иловага мувофиқ тасдиқлансин.

3. Тадбиркорликнинг ривожланганлик даражасига баҳо бериш бўйича маълумотларнинг ўз вақтида тақдим этилиши ва ҳаққонийлиги учун манфаатдор вазирликлар, идоралар ва бошқа ташкилотлар раҳбарлари шахсан жавобгар эканлиги белгилаб қўйилсин.

4. Ўзбекистон Республикаси Адлия вазирлиги Иқтисодиёт ва саноат вазирлиги билан биргаликда:

Кейинги таҳрирга қаранг.

бир ой муддатда ҳудудларда тадбиркорликнинг ривожланганлик даражасини баҳолаш бўйича тадбиркорлик субъектлари ўртасида ўтказиладиган сўровнома шаклларини ҳамда ўтказиш муддатларини ишлаб чиқсин ва тасдиқласин;

2020 йил 1 мартга қадар ҳудудларнинг тадбиркорликнинг ривожланганлик даражаси кўрсаткичларини ҳисоблаш ва баҳолаш бўйича «BUSINESS INDICATOR» автоматлаштирилган онлайн ахборот тизими ишлаб чиқилишини ва ишга туширилишини таъминласин;

баҳолаш натижалари бўйича тегишли ҳудудларда тадбиркорликни ривожлантиришга қаратилган чора-тадбирларни белгилаш юзасидан Қорақалпоғистон Республикаси, вилоятлар ва Тошкент шаҳар ҳокимликларига таклифлар бериб борсин;

Низомга асосан баҳолаш якунлари бўйича тегишли ҳудуддаги 2-иловада назарда тутилган ташкилотларнинг раҳбар ва бошқарув ходимларини, шунингдек, Қорақалпоғистон Республикаси Вазирлар Кенгаши раисининг, вилоятлар, Тошкент шаҳар, туман (шаҳар)лар ҳокимларининг иқтисодиёт ва тадбиркорлик масалалари бўйича биринчи ўринбосарларини намунали кўрсаткичга эга бўлганда — рағбатлантириш ҳамда қониқарсиз кўрсаткичга эга бўлганда — интизомий жавобгарликка тортиш юзасидан ҳар ярим йиллик якунлари бўйича 15 августга қадар, йил якунлари бўйича 15 мартга қадар Вазирлар Маҳкамасига таклифлар киритиб борсин.

Кейинги таҳрирга қаранг.

5. Белгилансинки:

а) тадбиркорликнинг ривожланганлик даражасига баҳо бериш натижалари бўйича Қорақалпоғистон Республикаси Вазирлар Кенгаши раисининг, вилоятлар, Тошкент шаҳар, туман (шаҳар)лар ҳокимларининг иқтисодиёт ва тадбиркорлик масалалари бўйича биринчи ўринбосарларини рағбатлантириш — маҳаллий бюджетнинг қўшимча манбалари маблағлари ҳисобидан;

Кейинги таҳрирга қаранг.

ҳудудлардаги тадбиркорликнинг ривожланганлик даражасига таъсир этувчи 2-иловада назарда тутилган ташкилотлар раҳбарлари ва бошқарув ходимларини рағбатлантириш — уларнинг бюджетдан ташқари ва ўз маблағлари ҳисобидан;

ҳудудларда тадбиркорликнинг ривожланганлик даражасини ҳисоблаш ва баҳолаш бўйича «BUSINESS INDICATOR» автоматлаштирилган онлайн ахборот тизимини ишлаб чиқиш ва ишга тушириш, техник хизмат кўрсатиш ва қўллаб-қувватлаш, шунингдек, унинг функционал имкониятларини янада такомиллаштириш билан боғлиқ харажатларни молиялаштириш — Адлия органлари ва муассасаларини ривожлантириш бюджетдан ташқари жамғармаси ҳамда Иқтисодиёт ва саноат вазирлигининг бюджетдан ташқари маблағлари ҳисобига тенг миқдорларда амалга оширилади;

Кейинги таҳрирга қаранг.

б) ҳудудларнинг тадбиркорликнинг ривожланганлик даражасини баҳолаш натижалари бўйича ярим йиллик ва йиллик маълумотлар Ўзбекистон Республикаси Вазирлар Маҳкамасининг мажлислари, шунингдек, Олий Мажлиси палаталари ва халқ депутатлари Кенгашлари мажлисларида муҳокама қилиб борилади.

6. Ўзбекистон Республикаси Адлия вазирлигига «BUSINESS INDICATOR» автоматлаштирилган онлайн ахборот тизимини ишлаб чиқиш ва ишга тушириш, техник хизмат кўрсатиш ва қўллаб-қувватлаш хизмати кўрсатиш юзасидан, истисно тариқасида, тендер (танлов) савдоларини ўтказмасдан харид комиссиялари томонидан баҳоланадиган энг яхши таклифларни саралаб олиш йўли билан шартнома тузиш ҳуқуқи берилсин.

7. Ўзбекистон Республикаси Иқтисодиёт ва саноат вазирлиги ҳамда Адлия вазирлиги «Ижтимоий фикр» республика жамоатчилик фикрини ўрганиш маркази билан биргаликда тадбиркорликнинг ривожланганлик даражасини баҳолаш мақсадида тадбиркорлик субъектлари ўртасида сўровлар, шу жумладан электрон сўровлар ўтказилишини таъминласин.

Кейинги таҳрирга қаранг.

8. Ўзбекистон Республикаси Адлия вазирлиги Иқтисодиёт ва саноат вазирлиги билан келишилган ҳолда республика ҳудудларида тадбиркорликнинг ривожланганлик даражасини баҳолаш кўрсаткичларини такомиллаштириб бориш, зарур ҳолларда уларга ўзгартириш ва қўшимчалар киритиш бўйича Вазирлар Маҳкамасига таклифлар киритиб борсин.

Кейинги таҳрирга қаранг.

9. Ўзбекистон Республикаси Иқтисодиёт ва саноат вазирлиги икки ой муддатда Самарқанд ва Бухоро вилоятларида Жаҳон банки ва Халқаро молия корпорациясининг «Бизнес юритиш» рейтинги услубиёти асосида тегишли хорижий экспертларни жалб қилган ҳолда баҳолаш ўтказиш бўйича Вазирлар Маҳкамасига таклиф киритсин.

10. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси иқтисодиёт ва саноат вазири Б.А. Ходжаев ҳамда Ўзбекистон Республикаси адлия вазири Р.Қ. Давлетов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2020 йил 8 январь,

8-сон

Вазирлар Маҳкамасининг 2020 йил 8 январдаги 8-сон қарорига
1-ИЛОВА

Республика ҳудудларида тадбиркорликнинг ривожланганлик даражасини баҳолаш тартиби тўғрисида

НИЗОМ

1-боб. Умумий қоидалар

1. Мазкур Низом республика ҳудудларида тадбиркорликнинг ривожланганлик даражасини баҳолаш (кейинги ўринларда баҳолаш деб аталади) тартибини белгилайди.

2. Баҳолаш мазкур Низом асосида ярим йиллик ва йил якуни бўйича ўтказилади.

3. Ушбу Низомда қуйидаги асосий тушунчалардан фойдаланилади:

ташкилотлар — ҳудудларда тадбиркорликнинг ривожланганлик даражасига таъсир этувчи вазирликлар, идоралар ва бошқа ташкилотлар (уларнинг ҳудудий бўлинмалари);

индикатор — тадбиркорликнинг ривожланганлик даражасини аниқлашда баҳоланиши лозим бўлган асосий кўрсаткич;

расмий статистик маълумотлар — баҳолашга маълумотларни тақдим этиш учун масъул бўлган ваколатли ташкилотлар томонидан тақдим этилган ва ушбу ташкилотларнинг раҳбарлари томонидан тасдиқланган статистик ва таҳлилий маълумотлар;

ўтказилган сўровлар бўйича маълумотлар — Ўзбекистон Республикаси иқтисодиёт ва саноат вазирлиги ҳамда Адлия вазирлиги томонидан «Ижтимоий фикр» республика жамоатчилик фикрини ўрганиш маркази билан биргаликда тасдиқланган шаклдаги сўровномалар асосида тадбиркорлик субъектлари ўртасида ўтказиладиган аноним ёки очиқ сўровлар натижалари бўйича тўпланган маълумотлар;

Кейинги таҳрирга қаранг.

«BUSINESS INDICATOR» автоматлаштирилган онлайн ахборот тизими (кейинги ўринларда «BUSINESS INDICATOR» ААТ деб аталади) — ҳудудларда тадбиркорликнинг ривожланганлик даражаси кўрсаткичларини ҳисоблаш ва баҳолаш бўйича автоматлаштирилган дастурий таъминот.

4. Республика ҳудудларида тадбиркорликнинг ривожланганлик даражасини баҳолаш тартиби ушбу Низомга 1-иловага мувофиқ схема бўйича қонунийлик, ошкоралик, холислик, адолатлилик, тенглик ва шаффофлик принципларига асосланган ҳолда амалга оширилади

5. Баҳолаш натижасида Қорақалпоғистон Республикаси, вилоятлар ва Тошкент шаҳар, шунингдек туман ва шаҳарлар (кейинги ўринларда тегишли ҳудуд деб аталади) рейтинги тузилади, рейтингда юқори кўрсаткичларга эга ҳудуддаги ташкилотлар, маҳаллий ижро этувчи ҳокимият органлари бошқарув ходимлари моддий рағбатлантирилади.

6. Ҳудудларда тадбиркорликнинг ривожланганлик даражасини баҳолаш Ўзбекистон Республикаси Иқтисодиёт ва саноат вазирлиги ҳамда Адлия вазирлиги (кейинги ўринларда баҳолашга масъул органлар деб аталади) томонидан мазкур Низом асосида ярим йиллик ва йил якуни бўйича амалга оширилади.

Кейинги таҳрирга қаранг.

2-боб. Баҳолашга оид асосий индикаторлар

7. Баҳолаш қуйидаги индикаторлар асосида амалга оширилади:

бўш турган бино-иншоотлар ва участкаларни тадбиркорлик фаолияти учун ажратилганлик ҳолати;

эркин иқтисодий ва кичик саноат зоналаридан самарали фойдаланиш даражаси;

тадбиркорлик субъектларининг мулк ҳуқуқи дахлсизлигининг таъминланганлик кўрсаткичи;

давлат хизматларини кўрсатишда, жумладан лицензия ва рухсатномалар беришда қонун ҳужжатларига риоя қилиниши ҳолати;

Кейинги таҳрирга қаранг.

тадбиркорлик субъектларига кредитлар ажратилиши ҳолати;

тадбиркорлик субъектларининг ялпи ҳудудий маҳсулотдаги улуши;

тадбиркорлик субъектларининг Ўзбекистон Республикаси Давлат бюджетига келиб тушган тушумлардаги улуши;

тадбиркорлик субъектларидан ташкилотлар, шунингдек маҳаллий ижро этувчи ҳокимият органларига келиб тушган мурожаатлар сони;

мажбуриятларнинг бажарилиши билан боғлиқ низоларнинг кўриб чиқилиши ҳолати;

тадбиркорлик субъектларининг иқтисодий маданияти даражаси;

янги ташкил этилган, фаолият юритмаётган ва тугатилган тадбиркорлик субъектлари ҳамда улар фаолиятининг давомийлиги (яшовчанлик);

тадбиркорлик субъектлари томонидан аҳолини иш билан таъминланганлик даражаси;

тадбиркорлик субъектларининг фаолиятини текшириш ва молия-хўжалик фаолиятини тафтиш қилиш ҳолати;

Кейинги таҳрирга қаранг.

тадбиркорлик субъектларининг банклардаги ҳисобварақларига банд солинганлиги ҳолати;

тадбиркорлик фаолиятини юритиш учун жойлаштирилган асосий капитал қўйилмалари даражаси;

тадбиркорлик субъектлари учун солиқ, молия, бухгалтерия ва бошқа турдаги ўқув-семинарлар ташкиллаштирилганлиги;

тадбиркорлик субъектларининг тижорат банкларидаги кредитлари бўйича фоиз харажатларини компенсациялар шаклида қопланганлиги;

тадбиркорлик субъектларининг муҳандислик-коммуникация тармоқлари билан таъминланганлиги;

тадбиркорлик субъектларига банк хизматлари кўрсатилиши сифати кўрсаткичи;

тадбиркорлик субъектларининг ҳомийликка ва бошқа тадбирларга мажбурий жалб этилганлик ҳолати;

ҳудуддаги тадбиркорлик субъектларининг ташкилотлар ва маҳаллий ижро этувчи ҳокимият органларига бўлган ишончи.

Кейинги таҳрирга қаранг.

8. Ўзбекистон Республикаси Иқтисодиёт ва саноат вазирлиги:

Кейинги таҳрирга қаранг.

бўш турган бино-иншоотлар ва участкаларни тадбиркорлик фаолияти учун ажратилганлик ҳолати;

эркин иқтисодий ва кичик саноат зоналаридан самарали фойдаланиш даражаси;

тадбиркорлик субъектларининг муҳандислик-коммуникация тармоқлари билан таъминланганлиги;

тадбиркорлик субъектларига кредитлар ажратилиши ҳолати;

тадбиркорлик субъектларига банк хизматлари кўрсатилиши сифати кўрсаткичи;

тадбиркорлик субъектларининг ялпи ҳудудий маҳсулотдаги улуши;

тадбиркорлик субъектларининг Ўзбекистон Республикаси Давлат бюджетига келиб тушган тушумлардаги улуши;

тадбиркорлик субъектларининг иқтисодий маданияти даражаси;

тадбиркорлик субъектлари томонидан аҳолини иш билан таъминланганлик даражаси;

тадбиркорлик фаолиятини юритиш учун жойлаштирилган асосий капитал қўйилмалари даражаси;

тадбиркорлик субъектларига солиқ, молия, бухгалтерия ва бошқа турдаги ўқув-семинарлар ташкиллаштирилганлиги;

Кейинги таҳрирга қаранг.

тадбиркорлик субъектларининг тижорат банкларидаги кредитлари бўйича фоиз харажатларини компенсациялар шаклида қопланилганлиги индикаторларини аниқлашга масъул ҳисобланади.

Ўзбекистон Республикаси Адлия вазирлиги:

тадбиркорлик субъектларининг мулк ҳуқуқи дахлсизлигининг таъминланганлик кўрсаткичи;

Кейинги таҳрирга қаранг.

мажбуриятларнинг бажарилиши билан боғлиқ низоларнинг кўриб чиқилиши ҳолати;

тадбиркорлик субъектларининг фаолиятини текшириш ва молия-хўжалик фаолиятини тафтиш қилиш ҳолати;

Кейинги таҳрирга қаранг.

тадбиркорлик субъектларининг банклардаги ҳисобварақларига банд солинганлиги ҳолати;

тадбиркорлик субъектларини ҳомийликка ва бошқа тадбирларга мажбурий жалб этилганлик ҳолати;

ҳудуддаги тадбиркорлик субъектларининг ташкилотлар ва маҳаллий ижро этувчи ҳокимият органларига бўлган ишончи индикаторларини ҳисоблашга масъул ҳисобланади.

Ўзбекистон Республикаси Иқтисодиёт ва саноат вазирлиги ҳамда Адлия вазирлиги индикаторларни баҳолашда ташкилотлар ҳамда маҳаллий ижро этувчи ҳокимият органларидан зарур маълумотларни бепул олади.

Кейинги таҳрирга қаранг.

3-боб. Тадбиркорликнинг ривожланганлик индикаторларини ҳисоблаш ва баҳолаш

9. Тадбиркорликнинг ривожланганлик индикаторларини ҳисоблаш ушбу Низомда 2-иловада келтирилган Ҳудудларда тадбиркорликнинг ривожланганлик даражасини баҳолаш бўйича методикага мувофиқ «BUSINESS INDICATOR» ААТ орқали амалга оширилади.

10. Индикаторларни ҳисоблашда расмий статистик ва ўтказилган сўровлар бўйича маълумотлардан фойдаланилади.

11. Расмий статистик маълумотлар ушбу Низомнинг иловасидаги Методикада назарда тутилган масъул ташкилотлар томонидан I ярим йиллик учун 1 августга қадар, йил якуни бўйича келгуси йил 1 мартга қадар «BUSINESS INDICATOR» ААТга киритилиши шарт.

12. Ушбу Низомнинг 7-банди ўн тўққизинчи, йигирманчи, йигирма биринчи ва йигирма иккинчи хатбошиларидаги индикаторлар баҳолашга масъул органлар томонидан ўтказилган сўровлар бўйича маълумотлар асосида ҳисобланади ва баҳоланади.

13. Баҳолашга масъул ташкилотлар тақдим этилган маълумотлар ва ўтказилган сўровларнинг натижалари асосида тадбиркорликнинг ривожланганлик даражасини баҳолаш якунларини умумлаштиради, ҳисобот якуни бўйича ярим йиллик маълумотларни жорий йил 15 август ва йил якунларига оид маълумотларни кейинги йил 15 мартга қадар Ўзбекистон Республикаси Президенти Администрацияси, Вазирлар Маҳкамаси ҳамда Олий Мажлиси палаталари ва халқ депутатлари Кенгашларига тақдим қилади, доимий равишда оммавий ахборот воситаларида, шу жумладан ўз расмий веб-сайтларида эълон қилиб боради.

14. Рейтинг баҳосининг натижалари Ўзбекистон Республикаси Олий Мажлиси палаталари ва халқ депутатлари Кенгашлари мажлисларида танқидий муҳокама қилинади.

15. Ҳудудларда тадбиркорликнинг ривожланганлик даражаси аниқланган индикаторларнинг миқдорига қараб 1 баллдан 10 баллгача рейтингда баҳоланиб, «намунали», «яхши», «қониқарли» ва «қониқарсиз» деб топилади.

16. Ҳудудларда индикаторларни баҳолаш натижаларига мувофиқ тадбиркорликнинг ривожланганлик даражаси рейтинг бали бўйича:

9 баллдан 10 баллгача бўлган ҳудуд — «намунали»;

7 баллдан 9 баллгача бўлган ҳудуд — «яхши»;

5 баллдан 7 баллгача бўлган ҳудуд — «қониқарли»;

5 баллгача бўлган ҳудуд — «қониқарсиз» деб топилади.

4-боб. Баҳолаш натижалари бўйича ташкилотлар ходимларини рағбатлантириш ва шахсий масъулиятини кучайтириш

17. Баҳолаш натижалари бўйича тегишли ҳудудда тадбиркорликнинг ривожланганлик даражаси «намунали» деб топилганда, Қорақалпоғистон Республикаси Вазирлар Кенгаши раисининг, вилоятлар, Тошкент шаҳар, туман (шаҳар)лар ҳокимларининг иқтисодиёт ва тадбиркорлик масалалари бўйича биринчи ўринбосарлари (кейинги ўринларда Қорақалпоғистон Республикаси Вазирлар Кенгаши раиси ва ҳокимларнинг биринчи ўринбосарлари деб аталади), ташкилотлар бошқарув ходимларини моддий рағбатлантириш, шунингдек «қониқарсиз» деб топилганда интизомий чора кўриш ҳар ярим йилликда 25 августга қадар ҳамда йил учун келгуси йилнинг 25 мартига қадар баҳолашга масъул органлар таклифларига асосан амалга оширилади.

Кейинги таҳрирга қаранг.

18. Рағбатлантириш тадбиркорликнинг ривожланганлик даражаси «намунали» деб топилган ҳудуддаги:

ташкилотлар раҳбарлари ҳамда Қорақалпоғистон Республикаси Вазирлар Кенгаши раиси ва ҳокимларнинг биринчи ўринбосарларига — лавозим маошларининг 25 фоизи миқдорида;

ташкилотларнинг бошқарув ходимларига — лавозим маошларининг 50 фоизи миқдорида пул маблағлари бериш орқали амалга оширилади.

Кейинги таҳрирга қаранг.

19. Интизомий чора кўриш тадбиркорликнинг ривожланганлик даражаси «қониқарсиз» деб топилган ҳудуддаги ташкилотлар раҳбарлари ҳамда Қорақалпоғистон Республикаси Вазирлар Кенгаши раиси ва ҳокимларнинг биринчи ўринбосарларига — лавозим маошларининг 25 фоизи миқдорида жарима қўллаш орқали амалга оширилади.

Кейинги таҳрирга қаранг.

20. Рағбатлантириш ва интизомий чора кўриш масаласи:

Қорақалпоғистон Республикаси Вазирлар Кенгаши раисининг, вилоятлар ва Тошкент шаҳар ҳокимларининг биринчи ўринбосарларига — Вазирлар Маҳкамаси томонидан кўрсатма берилади;

туман (шаҳар) ҳокимларининг биринчи ўринбосарларига — тегишли равишда Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари томонидан;

Кейинги таҳрирга қаранг.

Қорақалпоғистон Республикаси, вилоятлар ва Тошкент шаҳар ташкилотлари раҳбарлари ва бошқарув ходимларига — уларнинг республика бошқаруви идоралари томонидан, туман (шаҳар) ташкилотлари раҳбарлари ва бошқарув ходимларига — Қорақалпоғистон Республикаси, вилоятлар ва Тошкент шаҳар бошқаруви идоралари томонидан қарорлар қабул қилинади.

21. Баҳолаш якунлари бўйича тадбиркорликнинг ривожланганлик даражаси «намунали» деб топилган ҳудудларнинг ижобий иш тажрибаси бошқа ҳудудлар ўртасида оммалаштириш бўйича тегишли чора-тадбирлар кўрилади.

Республика ҳудудларида тадбиркорликнинг ривожланганлик даражасини баҳолаш тартиби тўғрисида низомга
1-ИЛОВА

Республика ҳудудларида тадбиркорликнинг ривожланганлик даражасини баҳолаш тартиби

СХЕМАСИ

Босқичлар	Тадбирлар	Масъуллар	Бажариш муддатлари

1-босқич	Тадбиркорлик субъектлари ўртасида ўтказиладиган сўровнома шаклини ишлаб чиқиш ва Вазирлар Маҳкамаси билан келишиш.	Адлия вазирлиги, Иқтисодиёт ва саноат вазирлиги	Қарор қабул қилингандан кундан бошлаб 1 ой ичида
1-босқич		Адлия вазирлиги, Иқтисодиёт ва саноат вазирлиги	Қарор қабул қилингандан кундан бошлаб 1 ой ичида

2-босқич	Ҳудудларнинг тадбиркорликнинг ривожланганлик даражасининг кўрсаткичларини ҳисоблаш ҳамда баҳолаш имконини берувчи «BUSINESS INDICATOR» автоматлаштирилган онлайн ахборот тизими (АТТ)ни ишлаб чиқиш ва ишга тушириш.	Адлия вазирлиги, Иқтисодиёт ва саноат вазирлиги	2020 йил 1 мартгача
2-босқич		Адлия вазирлиги, Иқтисодиёт ва саноат вазирлиги	2020 йил 1 мартгача

3-босқич	Расмий статистик маълумотларни «BUSINESS INDICATOR» ААТга киритиш.	Низомнинг иловасидаги Методикада назарда тутилган масъул ташкилотлар	I ярим йиллик учун 1 августга қадар, йил якуни бўйича келгуси йил 1 мартга қадар
3-босқич

4-босқич	Ўтказилган сўров натижаларини умумлаштиришва маълумотларни «BUSINESS INDICATOR» ААТга киритиш.	Адлия вазирлиги, Иқтисодиёт ва саноат вазирлиги, Марказий банк	I ярим йиллик учун 1 августга қадар, йил якуни бўйича келгуси йил 1 мартга қадар
4-босқич

5-босқич	«BUSINESS INDICATOR» ААТ орқали ҳудудларнинг рейтинг кўрсаткичини ҳисоблаш ҳамда ҳудудлар кесимида натижани аниқлаш.	Адлия вазирлиги, Иқтисодиёт ва саноат вазирлиги	I ярим йиллик учун 10 августга қадар, йил якуни бўйича келгуси йил 10 мартга қадар
5-босқич		Адлия вазирлиги, Иқтисодиёт ва саноат вазирлиги

6-босқич	Статистик маълумотлар ва ўтказилган сўровлар натижалари асосида тадбиркорликнинг ривожланганлик даражасини баҳолаш якунларини умумлаштириш, Ўзбекистон Республикаси Президенти Администрацияси, Вазирлар Маҳкамаси ҳамда Олий Мажлиси палаталари ва халқ депутатлари Кенгашларига тақдим қилиш, ўз расмий веб-сайтларида эълон қилиб бориш.	Адлия вазирлиги, Иқтисодиёт ва саноат вазирлиги	I ярим йиллик учун 15 августга қадар, йил якуни бўйича келгуси йил 15 мартга қадар
6-босқич		Адлия вазирлиги, Иқтисодиёт ва саноат вазирлиги

7-босқич	Вазирлар Маҳкамаси мажлиси ҳамда Олий Мажлис палаталари ва халқ депутатлари Кенгашлари мажлисларида ҳудудларда тадбиркорликнинг ривожланганлик даражасини баҳолашнинг рейтинг кўрсаткичлари натижаларини муҳокама қилиш.	Вазирлар Маҳкамаси, Олий Мажлис Қонунчилик палатаси ҳамда вилоят, туман ва шаҳар халқ депутатлари Кенгашлари	I ярим йиллик учун 20 августга қадар, йил якуни бўйича келгуси йил 20 мартга қадар
7-босқич

8-босқич	Баҳолаш натижалари бўйича тегишли ҳудудда тадбиркорликнинг ривожланганлик даражаси «намунали» деб топилганда, Қорақалпоғистон Республикаси Вазирлар Кенгаши раисининг, вилоятлар, Тошкент шаҳар, туман (шаҳар)лар ҳокимларининг иқтисодиёт ва тадбиркорлик масалалари бўйича биринчи ўринбосарлари, ташкилотлар бошқарув ходимларини моддий рағбатлантириш, шунингдек,«қониқарсиз» деб топилганда интизомий чора кўриш.	Вазирлар Маҳкамаси, Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари, мазкур қарорнинг 2-иловаси билан тасдиқланган ташкилотларнинг республика бошқаруви идоралари ҳамда Қорақалпоғистон Республикаси, вилоятлар ва Тошкент шаҳар бошқаруви идоралари	I ярим йиллик учун 25 августга қадар, йил якуни бўйича келгуси йил 25 мартга қадар
8-босқич

9-босқич	Баҳолаш якунларига кўра тадбиркорликнинг ривожланганлик даражаси «намунали» деб топилган ҳудудларнинг ижобий иш тажрибасини бошқа ҳудудлар ўртасида оммалаштириш бўйича тегишли чора-тадбирлар кўриш.	Адлия вазирлиги, Иқтисодиёт ва саноат вазирлиги	I ярим йиллик учун 1 сентябрга қадар, йил якуни бўйича келгуси йил 1 апрелга қадар
9-босқич		Адлия вазирлиги, Иқтисодиёт ва саноат вазирлиги

Кейинги таҳрирга қаранг.

Республика ҳудудларида тадбиркорликнинг ривожланганлик даражасини баҳолаш тартиби тўғрисида низомга
2-ИЛОВА

Ҳудудларда тадбиркорликнинг ривожланганлик даражасини баҳолаш бўйича

МЕТОДИКА

1-боб. Умумий қоидалар

1. Ушбу методика Ўзбекистон Республикаси ҳудудларида тадбиркорликнинг ривожланганлик даражаси кўрсаткичларини ҳисоблаш ва баҳолаш тартибини белгилайди.

2. Ҳудудларида тадбиркорликнинг ривожланганлик даражасини баҳолаш ушбу Методика ва унинг 1 ва 2-иловаларига мувофиқ ҳудудларда тадбиркорликнинг ривожланганлик даражасини баҳолаш тизимлари асосида ташкил этилади.

3. Мазкур Методикада қуйидаги асосий тушунчалардан фойдаланилади:

индикаторни ҳисоблаш методикаси — индикаторнинг миқдорини аниқлаш учун фойдаланиладиган усул;

индикаторни баҳолаш методикаси — миқдори аниқланган индикаторга мутаносиб бўлган баҳони бериш усули;

ижобий индикаторлар — индикатор даражасининг ортиб боришига мос равишда юқори баҳоланадиган индикаторлар;

салбий индикаторлар — индикатор даражасининг ортиб боришига мос равишда паст баҳоланадиган индикаторлар;

кредит портфели — муайян вақтга банкда мавжуд бўлган кредитлар бўйича асосий қарз қисмининг қолдиғи;

тадбиркорлик субъектлари — белгиланган тартибда давлат рўйхатидан ўтган ҳамда тадбиркорлик фаолиятини амалга ошираётган юридик ва жисмоний шахслардир (устав капиталида давлат улуши бўлган юридик шахслар, фермер ва деҳқон хўжаликлари бундан мустасно).

2-боб. Расмий статистик маълумотлар асосида индикаторларни ҳисоблаш тартиби

1-§. Бўш турган бино-иншоотлар ва участкаларни тадбиркорлик фаолияти учун бериш кўрсаткичини ҳисоблаш

4. Ярим йил давомида Қорақалпоғистон Республикаси, вилоятлар ва Тошкент шаҳар ҳудудидаги (кейинги ўринларда тегишли ҳудуд деб аталади) бўш турган, фойдаланилмаётган объектлар ва ер участкалардан (давлат активларидан) самарали фойдаланишни ташкил этиш бўйича аниқланган натижалар қуйидаги формула асосида ҳисобланади:

Т/р	Индикатор (кўрсаткич)нинг номи	Ўлчов бирлиги	Индикатор (кўрсаткич)ни ҳисоблаш методикаси	Индикаторни баҳолаш	Маълумотларни киритиш учун масъул вазирликлар, идоралар ва бошқа ташкилотлар
1.	Бўш турган бино-иншоотлар ва участкаларни тадбиркорлик фаолияти учун бериш кўрсаткичи	фоиз	Ярим йил давомида тегишли ҳудуддаги бўш турган, фойдаланилмаётган объектлар ва ер участкалардан (давлат активларидан) самарали фойдаланиш кўрсаткичлари ўртача миқдори	1 баллдан 10 баллгача	Давлат активларини бошқариш агентлиги, «Давергеодезкадастр» қўмитаси
2.	Эркин иқтисодий ва кичик саноат зоналаридан самарали фойдаланиш кўрсаткичи	сон	Тегишли ҳудудда ташкил этилган эркин иқтисодий ва кичик саноат зоналарида амалга оширилаётган лойиҳалар сонининг ушбу ҳудуддаги ҳар 1000 нафар фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Иқтисодиёт ва саноат вазирлиги (кичик саноат зоналари бўйича), Инвестициялар ва ташқи савдо вазирлиги (эркин иқтисодий зоналар бўйича)
2.		сўм	Тегишли ҳудудда ташкил этилган эркин иқтисодий ва кичик саноат зоналарида амалга оширилаётган лойиҳалар суммасининг ушбу ҳудуддаги фаолият юритаётган ҳар бир тадбиркорлик субъектларига тўғри келадиган ўртача миқдори	1 баллдан 10 баллгача	Иқтисодиёт ва саноат вазирлиги (кичик саноат зоналари бўйича), Инвестициялар ва ташқи савдо вазирлиги (эркин иқтисодий зоналар бўйича)
3.	Тадбиркорлик субъектларининг мулк ҳуқуқи дахлсизлиги таъминланганлиги кўрсаткичи	сон	Тегишли ҳудуддаги тадбиркорлик субъектларидан ер участкалари давлат ва жамоат эҳтиёжлари учун олиб қўйиш бўйича туман (шаҳар) ҳокимликлари ва халқ депутатлари маҳаллий кенгашлари қарорлари сонининг ушбу ҳудуддаги ҳар 1000 та фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Адлия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
4.	Давлат хизматларини кўрсатишда, жумладан лицензия ва рухсатномалар беришда қонун ҳужжатларига риоя қилиниши	фоиз	Тегишли ҳудудда белгиланган тартиб бузилган ҳолда тадбиркорлик субъектларига кўрсатилган хизматларнинг жами кўрсатилган давлат хизматларидаги улуши	1 баллдан 10 баллгача	Адлия вазирлиги ҳузуридаги Давлат хизматлари агентлиги
5.	Тадбиркорлик субъектларига кредитлар ажратилиши ҳолати	сўм	Тегишли ҳудудда тадбиркорлик субъектларига ажратилган кредит миқдорининг ушбу ҳудуддаги ҳар 1000 та фаолият юритаётган тадбиркорлик субъектларига тўғри келадиган кредит миқдори	1 баллдан 10 баллгача	Марказий банк, Давлат статистика қўмитаси
6.	Тадбиркорлик субъектларининг ялпи ҳудудий маҳсулотдаги улуши	сўм	Тегишли ҳудуддаги тадбиркорлик субъектлари ишлаб чиқарган маҳсулотлари ҳажмининг ушбу ҳудуддаги ҳар бир фаолият юритаётган тадбиркорлик субъектларига тўғри келадиган ҳажми	1 баллдан 10 баллгача	Давлат статистика қўмитаси
7.	Тадбиркорлик субъектларининг Ўзбекистон Республикаси Давлат бюджетига келиб тушган тушумлардаги улуши	сўм	Ҳудуддаги тадбиркорлик субъектлари томонидан Ўзбекистон Республикаси Давлат бюджетига туширилган тушумнинг ушбу ҳудуддаги фаолият юритаётган ҳар 1000 та тадбиркорлик субъектларига тўғри келадиган миқдори	1 баллдан 10 баллгача	Молия вазирлиги
8.	Тадбиркорлик субъектларидан келиб тушган мурожаатлар салмоғи	сон	Тегишли ҳудуддаги давлат органлари, ташкилотлари ва муассасалари, шунингдек маҳаллий давлат ҳокимияти органларига Қабулхоналар орқали тадбиркорлик субъектларидан келиб тушган мурожаатлари сонининг ушбу ҳудуддаги ҳар 1000 та фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Ўзбекистон Республикаси Президентининг Халқ қабулхоналари ва Виртуал қабулхонаси (келишув асосида), Бош вазирнинг Тадбиркорлар мурожаатларини кўриб чиқиш қабулхоналари
9.	Мажбуриятларнинг бажарилиши билан боғлиқ низолар	сон	Тегишли ҳудуддаги иқтисодий ва маъмурий судларда тадбиркорлик субъектлари иштирокида кўриб чиқилган низолар (фуқаролик ва оммавий ҳуқуқий муносабатларга оид) сонининг ушбу ҳудуддаги ҳар 1000 та фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Олий суд (келишув асосида)
9.	Мажбуриятларнинг бажарилиши билан боғлиқ низолар	сон	Тегишли ҳудуддаги иқтисодий судларда тадбиркорлик субъектларига нисбатан чиқарилган суд буйруқлари сонининг ушбу ҳудуддаги ҳар 1000 нафар фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Олий суд (келишув асосида)
10.	Тадбиркорлик субъектларининг иқтисодий маданияти даражаси	сўм	Тегишли ҳудуддаги тадбиркорлик субъектларининг солиқ ва бошқа мажбурий тўловлар бўйича мавжуд қарздорлигининг (бундан мажбурий ижро жараёнидагилар мустасно) ушбу ҳудуддаги ҳар 1000 та фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Давлат солиқ қўмитаси
		сўм	Тегишли ҳудуддаги тадбиркорлик субъектлари ҳисобидан Ўзбекистон Республикаси Давлат бюджети ва бюджетдан ташқари жамғармалар фойдасига ундирилиши лозим бўлган, лекин ундирилмаган мажбурий ижро жараёнида бўлган қарздорликнинг ушбу ҳудуддаги ҳар 1000 та фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Бош прокуратура ҳузуридаги Мажбурий ижро бюроси (келишув асосида)
		фоиз	Ҳудудда тадбиркорлик субъектларига ажратилган кредит суммаларнинг 90 кундан ортиқ муддати ўтган кредит қарздорлик суммаларининг кредит портфелидаги улуши	1 баллдан 10 баллгача	Марказий банк
11.	Янги ташкил этилган, фаолият юритмаётган ва тугатилган тадбиркорлик субъектлари ҳамда уларнинг яшовчанлиги	сон	Тегишли ҳудудда фаолият юритаётган тадбиркорлик субъектлари сонининг ушбу ҳудуддаги ҳар 1000 та аҳолига тўғри келадиган ўртача миқдори	1 баллдан 10 баллгача	Давлат статистика қўмитаси, Адлия вазирлиги ҳузуридаги Давлат хизматлари агентлиги
		фоиз	Тегишли ҳудудда ярим йил давомида янги ташкил этилган тадбиркорлик субъектларининг ушбу ҳудудда фаолият юритаётган тадбиркорлик субъектларидаги улуши	1 баллдан 10 баллгача	Давлат статистика қўмитаси, Адлия вазирлиги ҳузуридаги Давлат хизматлари агентлиги
		фоиз	Тегишли ҳудудда ярим йил давомида фаолият юритишни тўхтатиб турган ва (ёки) «ноль» солиқ ҳамда бошқа ҳисоботларни топшираётган тадбиркорлик субъектларининг ушбу ҳудудда рўйхатга олинган жами тадбиркорлик субъектларидаги улуши	1 баллдан 10 баллгача	Давлат солиқ қўмитаси, Давлат статистика қўмитаси
		сон	Тегиш�и ҳудудда уч йил давомида узлуксиз фаолият юритаётган тадбиркорлик субъектлари сонининг ушбу ҳудудда ҳар 1000 та фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Давлат статистика қўмитаси, Адлия вазирлиги ҳузуридаги Давлат хизматлари агентлиги, Давлат солиқ қўмитаси
12.	Тадбиркорлик субъектлари томонидан аҳолини иш билан таъминланганлиги	сон	Тегишли ҳудудда тадбиркорлик субъектлари томонидан иш билан таъминланган аҳолининг ушбу ҳудудда банд бўлган ҳар 1000 та аҳолига тўғри келадиган ўртача миқдори	1 баллдан 10 баллгача	Бандлик ва меҳнат муносабатлари вазирлиги, Давлат статистика қўмитаси
13.	Тадбиркорлик субъектларининг фаолиятини текшириш ва молия-хўжалик фаолиятини тафтиш қилиш аҳволи	сон	Ярим йил давомида тегишли ҳудудда тадбиркорлик субъектлари фаолиятида ўтказилган текшириш ҳамда тафтишларнинг ушбу ҳудуддаги ҳар 1000 та фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича Вакил (келишув асосида)
14.	Тадбиркорлик субъектларининг банклардаги ҳисобварақларига банд солинганлиги	сон	Тегишли ҳудудда тадбиркорлик субъектларининг банклардаги банд солинган (инкассо, давлат ижрочилари қарори, ижро ҳужжати асосида) ҳисобварақлари сонининг ушбу ҳудудда асосий ҳисобварақлари мавжуд бўлган ҳар 1000 та тадбиркорлик субъектларига тўғри келадиган ўртача миқдори	1 баллдан 10 баллгача	Марказий банк
15.	Тадбиркорлик фаолиятини юритиш учун жойлаштирилган асосий капитал қўйилмалари	сўм	Тегишли ҳудуддаги тадбиркорлик субъектлари — юридик шасхлар устав капиталида шаклланган маблағларнинг ушбу ҳудуддаги ҳар 1000 та фаолият юритаётган тадбиркорлик субъектларига тўғри келадиган ўртача миқдори	1 баллдан 10 баллгача	Адлия вазирлиги ҳузуридаги Давлат хизматлари агентлиги, Давлат статистика қўмитаси
15.		сўм	Тегишли ҳудуддаги тўғридан-тўғри хорижий инвестициялар суммасининг республика миқёсида жалб қилинган мазкур турдаги инвестицияларнинг ушбу ҳудуддаги ҳар 1000 нафар аҳоли сонига тўғри келадиган миқдори	1 баллдан 10 баллгача	Инвестициялар ва ташқи савдо вазирлиги, Давлат статистика қўмитаси
16.	Тадбиркорлик субъектлари учун ўқув-семинарлар ташкил қилинганлиги	сон	Тегишли ҳудудда Ўзбекистон Республикаси Савдо-саноат палатаси томонидан тадбиркорлик субъектлари учун ташкил этилган солиқ, молия, бухгалтерия, банк ва бошқа соҳалар бўйича ўқув-семинарлар умумий сонининг ҳар 1000 та тадбиркорлик субъектларига тўғри келадиган миқдори	1 баллдан 10 баллгача	Савдо-саноат палатаси
17.	Тадбиркорлик субъектларининг тижорат банклардаги кредитлари бўйича фоиз харажатларини компенсациялар шаклида қопланилганлиги	сўм	Тадбиркорлик фаолиятини қўллаб-қувватлаш давлат жамғармаси томонидан тегишли ҳудуддаги тадбиркорлик субъектларининг тижорат банклардаги кредитлари бўйича фоиз харажатлари қопланилган сумманинг ушбу ҳудудда фаолият юритаётган ҳар 1000 та тадбиркорлик субъектларига тўғри келадиган миқдори	1 баллдан 10 баллгача	Иқтисодиёт ва саноат вазирлиги ҳузуридаги Кичик бизнес ва тадбиркорликни ривожлантириш агентлиги

1.	Қорақалпоғистон Республикаси, вилоятлар, Тошкент шаҳар, туманлараро, туман (шаҳар) иқтисодий ва маъмурий судлари*.
2.	Республика давлат бошқаруви органларининг лицензия ва рухсат бериш хусусиятига эга ҳужжатларни бериш ҳамда давлат хизматлари кўрсатиш функцияларини амалга оширувчи ҳудудий бўлинмалари.
3.	Ўзбекистон Республикаси Адлия вазирлиги ҳузуридаги Давлат хизматлари агентлигининг ҳудудий бўлинмалари.
4.	Ўзбекистон Республикаси Бандлик ва меҳнат муносабатлари вазирлигининг ҳудудий бўлинмалари.
5.	Ўзбекистон Республикаси Бош прокуратураси ҳузуридаги Мажбурий ижро бюросининг ҳудудий бўлинмалари*.
6.	Ўзбекистон Республикаси Давлат активларини бошқариш қўмитасининг ҳудудий бўлинмалари.
7.	Ўзбекистон Республикаси Давлат солиқ қўмитасининг ҳудудий бўлинмалари.
8.	Ўзбекистон Республикаси Давлат статистика қўмитасининг ҳудудий бўлинмалари.
9.	Ўзбекистон Республикаси Ер ресурслари, геодезия, картография ва давлат кадастри давлат қўмитасининг ҳудудий бўлинмалари.
10.	Ўзбекистон Республикаси Иқтисодиёт ва саноат вазирлигининг ҳудудий бўлинмалари.
11.	Ўзбекистон Республикаси Инвестициялар ва ташқи савдо вазирлигининг ҳудудий бўлинмалари.
12.	Ўзбекистон Республикаси Марказий банкнинг ҳудудий бўлинмалари*.
13.	Ўзбекистон Республикаси Молия вазирлигининг ҳудудий бўлинмалари.
14.	Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилнинг ҳудудий девонлари.*
15.	Ўзбекистон Республикаси Савдо-саноат палатасининг ҳудудий бўлинмалари*.
16.	Давлат улуши иштирокидаги тижорат банклари*.
17.	«Ҳудудгазтаъминот» акциядорлик жамиятининг ҳудудий филиаллари*.
18.	«Ҳудудий электр тармоқлари» акциядорлик жамиятининг ҳудудий филиаллари*.